رواية بيدي لا بيد عمرو (كاملة جميع الفصول) بقلم رانيا الطوخي
المحتويات
عارف اللي عنده قلب زي قلبك ده لازم يحافط عليه ما شاء الله بيحب اتنين في نفس الوقت حاجة كده اكس لارج لا ماشاء الله بجد
علاء بضيق وهو يزفر انا المفروض افضل مستحمل التريقة دي كتير
ريم وهي تتجه لصب الشاي لا مش مضطر علي فكرة ممكن تخرج من المطبخ
ضرب يده علي رخامة المطبخ ثم رد لو فاكرة ان الطريقة دي حتخليني الغي الموضوع تبقي غلطانة انا وعدت الناس ودخلت بيتهم ومش حاطلع صغير فاهمة
التفتت ريم بعد ما صبت الشاي ونظرت بحدة ومين قالك اني عايزك تلغي الموضوع لا يا علاء بالعكس انت من حقك تكمل حياتك وتعيشها بالطريقة اللي انت عايزها بس انا عايزك تعرف ان الحق ده مش حقك لوحدك
علاء وقد عقد حاجبيه قصدك ايه
ريم وهي لاتزال علي نظراتها قصدي ان انا كمان ليا نفس الحق مدمت شايف انك حتبدأ من جديد انا كمان شايفها فرصة كويسة اني ابدأ من جديد مدمت شايف ان من حقك تحب وتتحب انا كمان الصراحة نفسي اوي احب واتحب
وقبل ان تكمل وجدت من جذبها من ذراعها لينظر لها بحدة انتي بتستعبطي تحبي ايه وتتحبي ايه ايه الكلام الفارغ ده انت ازاي تقولي كده وانتي علي ذمة راجل احمدي ربنا اني مهفتكيش قلمين
دفعت ريم يده وبدالته النظرة وردت ومين قالك اني ناوية افضل علي ذمتك اصلا انا اخترت الطلاق بس بعد فرح علا وكريم ومش عشان خاطرك لا عشان خاطرهم انا مش عايزة ابوظ فرحتهم
علاء ببالغ غيظه عارفة لو فعلا عايزة كده انا موافق بس البنات حيفضلوا معايا لاني مش حاسمح لراجل تاني يربيهم غيري فاهمة
ابتسمت بسخرية لتزيد غيظه اهو انت كده بقي حليتلي مشكلة البنات انا كنت لسه باقول يا تري حاعمل ايه في البنات يا تري حيعيشوا مع ماما ولا حيفضلوا معايا بجد ميرسي اوي يا علاء واهو ابوهم اولي بيهم فعلا من راجل غريب
ثم اتجهت خارج المطبخ وجلست لتشرب الشاي لتجده يتباعها وقد امتلئ صدره بالغيظ نظر الي بناته ثم لها ثم رد استهدي بالله كده وبلاش ندخل بينا شيطان ان ابغض الحلال عند الله الطلاق
ريم مبتسمة لا يا راجل تصدق المعلومة دي جديدة لانج علي وداني وايه كمان يا شيخ علاء لا استني متقولش اقولك انا فانكحوا ما طاب لكم من النساء مثنى وثلاث ورباع حتي لو بقية الاية بتقول فإن خفتم ألا تعدلوا فواحدة لكن ازاي انتم عينكم مش بتشوف الا الحتة دي
واقولك كمان الرجال قوامون على النساء وايه كمان واهجروهن في المضاجع واضربوهن
رغم ان الاية كاملة مش معناها ابدا اللي دماغكم بتوصله الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله واللاتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان عليا كبيرا لكن تجزؤها علي كيفكم وتفسروها علي هواكم نفسي مرة راجل يسأل نفسه يعني ايه عدل قبل ما يكلم ان التعدد يعني ايه قوامة قبل ما يفتخر اوي وهي مسئولية ونفسي يا شيخ علاء تبقي تبص بصة كده علي اية كمان بتقول وعاشروهن بالمعروف
انهت الشاي والتفتت لعلاء انا ناوية اسيبلك البنات واروح اقعد ساعة عند ميار وشوف كده حتقدر تستحمل بناتك ساعة لوحدك ولا لا
وقبل اي رد سحبت اسدالها وارتدته وتوجهت لشقة ميار
طرق الباب ليدخل وهو ينظر الي من جلس وبدي عليه التعب علي السرير
جلال مبتسما مساء الخير يا علي
علي وقد بدي افضل مساء النور يا دكتور جلال ايه من الصبح مشفتكش كنت فين
جلال وقد اقترب ليجلس الي جواره اتغديت يا علي
علي ايوة وحاموت علي كوباية شاي بس الممرضة قالتلي مش حينفع
جلال معلش اصبر كده ويومين ونخرجك وترجع لبيتك وربنا يكرمك يا علي
علي وقد بدي عليه بعض الوجوم دكتور جلال انا عايز اسألك علي حاجة كده
جلال اسأل يا علي
علي بتوتر هي حالتي قبل العملية مكنش في منها امل ابدا في موضوع الخلفة
جلال بمقايس الطب ولا بعد العملية يا علي استحالة يحصل حاجة قبل 3 شهور علي الاقل من العلاج التكميلي اللي بعد العملية وبعدها التحاليل كمان هي اللي حتبين ومن النسب اقدر ساعتها اقولك الامور وصلت لفين
بس بس بقي بالنسبة للي دايما بنشوفه وبالنسبة لكرم ربنا ياما حالات كانت اصعب منك يا علي خلفت وربنا رزقها باطفال المجال بتاعنا ده احنا ياما شوفنا فيه وهو ده اللي ربنا لله ملك السماوات والأرض يخلق ما يشاء يهب لمن يشاء إناثا ويهب لمن يشاء الذكور أو يزوجهم ذكرانا وإناثا ويجعل من يشاء عقيما إنه عليم قدير
ليرد علي وقد زادت حيرته ونعمة بالله
جلال متشغلش بالك يا علي سيبها علي ربنا وان كان رأيي انك تصارح اللي حوليك بموضوع ان المشكلة عندك مش عند ميار والموضوع يكون في النور ويتم العلاج وساعتها حتكون كمان نفسيتك افضل يا ريت يا علي تسمع كلامي
علي ولايزال يلفه الضيق حاضر
جلست علي السرير والي جوارها صديقتها ثم ضغطت علي الهاتف ليأتي منه صوت كريم وهو يتكلم انا مضطر اتجوزها لان علا مريضة وملهاش في الجواز اصلا
تعالات ضحكات الاثنين لترد سهي طول عمرك جبروت يا داليا بقي تجيبه الفيلا تصوريه وكمان تسجليله كلامه
داليا بثقة عشان اشوف بقي هو قد كلامه ولا بيفكر يضحك عليا
سهي انتي ناوية تبعتيهم لعلا
داليا تؤ انا ناوية احطه بيهم قدام الواقع اشوف هو عايزني فعلا ومغصوب علي بنت عمه ولا لا ولو لا وبيضحك عليا يبقي يا ويله بصراحة
سهي طب ما تبعتيهم لبنت عمه والموضوع كله يخلص
داليا تؤ انا اصلا محبش الشغل التقليدي ده انا ناوية العبه بيهم وبعدين سواء اتجوزها او متجوزها مش فارقة معايا يا بنتي ادينا بنتسلي يا ويله لو هو اللي فاكر ان داليا المليجي ممكن تكون تسلية ساعتها بقي حاوريله اللي عقله متخيلوش
مساءا وقفت امام المنضدة الخاصة بالمكواة ووضعت المكواة وبدأت بالكي ووسط انهماكها وجدت من اتي حاملا كتابا في يده من اجل ان يسأل
يوسف ينفع تشرحيلي حاجة كده يا ست الكل
شيرين وهي تعدل ما بيدها لتكمل كيه من عنيا يا يوسف افتح الكتاب وحطه علي الترابيزة وانا حاشرحلك وانا باكوي
لينظر يوسف مبتسما هو حضرتك علي طول كده مشغولة يا اما المطبخ يا اما الغسيل يا اما المكوي
لتبتسم شيرين مش طلباتكم يا سي يوسف
يوسف بود طب ما كل واحد يكوي لنفسه وانتي ترتاحي الوقت ده
شيرين وهي تضع ما كوته علي علاقة الملابس وتسحب غيره عاملنا النظام ده وطبعا بقينا اخر لخبطة وكل واحد وهو نازل يقولي ماما ممكن تكويلي بسرعة انا اخدت علي كده معاكم واللي كان كان المهم ممكن بقي تقولي علي اسم الدرس
يوسف وهو يفتح الكتاب عايز افهم الكتلة و الوزن
واخيرا انهت شيرين ما بيدها ثم التفتت تعالي يا يوسف نقعد وانا حاشرحلك
ليخرج يحيي من غرفته انا جعان علي فكرة
شيرين وهي تنظر الي الكتاب تعالي هات عشا وكمان هات حاجات البيت وفينو للسندوتشات
يحيي بضيق وانا لسه حانزل
يوسف بضيق وهو ينظر الي امه يا ماما الشرح الله يكرمك
شيرين وهي تنظر ليحيي ما انت كل يوم بتنزل يا يحيي يلا اخلص
ثم نظرت ليوسف وبدأت تشرح
عندها كانت سلمي منهمكة امام كتابها تذاكر واتت عبير لتسألها هو طارق بقي يغطس فين اليومين دول اوعي اخوكي يكون عارف بنات
التفتت سلمي باستغراب بنات ايه يا ماما بس اللي طارق حيعرفهم مش يخلص كليته ويشتغل الاول
عبير بقلق طب بيروح فين مع اصحابه ولا في حتة تانية
سلمي وهي علي انهماكها في مذاكرتها معرفش يا ماما ابقي اسئليه
لينزل يحيي السلالم فيجد طارق يصعد ليستوقفه يحيي باستغراب بقالي يومين مش شايفك فينك يا ابني
طارق بضيق مفيش بس انت عارف الامتحانات قربت وكده
يحيي باستغراب ايه ده انت ناوي تذاكر ده انت معملتهاش في ثانوية عامة
طارق وقد زاد ضيقه ايه مفيش حد غيرك بيذاكر يعني
يحيي وقد شعر بضيقه انا بهزر معاك والله عموما خلاص يا عم متزعلش كده
التفت لينزل فاستوقفه طارق انت رايح فين
يحيي رايح اجيب طلبات ما انت عارف انا المشورجي بتاعهم
طارق وقد قرر النزول معه انا جي معاك
زفر وهو ينزل وقد بدي عليه الضيق ليقاطعه يحيي مالك يا ابني شاكلك كده فيك حاجة
طارق بضيق فيك من يكتم السر بجد وتوعدني انك متقولش لحد خالص
يحيي بقلق ما انت عارفيني يا ابني وبعدين قول قلقتني
طارق بضيق ابويا طلع متجوز يا يحيي
يحيي باستغراب طلع متجوز ازاي مش فاهم
طارق متجوز علي ماما وعنده بنت اسمها منار انا ليا اخت عندها سنة ونص يا يحيي
يحيي وقد تسمر في مكانه ايه عمو مصطفي متجوز علي عمتو عبير وانت عرفت منين
طارق بضيق اهو عرفت و خلاص المهم مش عايزك تقول لحد لحد ما امتحاناتنا تعدي وكمان سلمي خايف تتصدم وهي ثانوية عامة عشان كده
ليشرد يحيي قليلا وهو يتذكر هاتف والده الذي سقط بيده وكان قد شاهد عليه فيديو هل ما شاهده كان يخص والده ام كان موجودا علي سبيل الخطأ لتبدأ الافكار باللعب في رأسه ولكنه ينفضها فبالتأكيد والده لن يفعل شيئا خطأ
بديت شاردة بينهم ولكنها تحاول ان تستمع الي حديثهم حتي لو لم تعقب بكلمة واحدة
لتنظر لها ميار وهي تنظر الي جني التي نامت علي يديها حطي جني علي السرير بدل ما هي علي رجلك
ريم لا خليها علي رجلي يا ميار قولولي بقي انتم كنت حتقروا ايه
علا وهي تنظر الي جوار ريم وميار علي الحاسوب ده ترجمة كتاب اسمه لماذا يعشق الرجال القويات او البنات اياهم يعني
ريم وقد انتبهت للموضوع فنظرت ليه بقي
ميار ده موضوع قريته في منتدي فتكات لبنت اسمها زكاة العلم تبليغه كان تلخيص للكتاب هو بيكلم عن الست المضحية بحياتها وشخصيتها عشان ترضي الراجل بيقول ان النوع ده الراجل بيهرب منه خصوصا اللي تبقي دايما عايزة تغرقه بحبها وخلاص ومتبصش لحقوقها ودي الكاتب مسميها المرأة الحبوبة والنوع التاني الست اللي الراجل بيجري وراها
النوع اللي رجالة بتحبه المرأة القوية الست اللي ليها شخصيتها وكيانها ومش شرط هنا تكون حلوة او لا لان سحرها معتمد علي شخصيتها وعقلها من شكلها بس
ريم اسمه ايه الموضوع بقي
ميار اسمه كيف تتحولين من ممسحة اقدام الي فتاة الاحلام بعيون زوجك
ريم بضيق ممسحة اقدام والله معاها حق احنا ساعات بنسيب نفسنا لحد ما يبقي الوضع زي الزفت ونبقي بردوا راضيين وساعات فعلا ازواجنا بيشفونا ممسحة اقدام
علا بمزاح
ايه بنتي مش كده انا داخلة علي جواز افركشها يا ريم ولا ايه
ريم بابتسامة ذابلة لا يا علا بس خاليكي جدعة من الاول بلاش تضيعي حقوقك عشان مفيش راجلك حيحافظلك علي حقك لو انتي بايدك ضيعتيه
ميار انتم عارفين احنا مشكلتنا الاساسية في ايه اننا عمرنا ما حد علمنا يعني ايه جواز
علا تعرفي معاكي حق اوي يا ميار كلنا لما بنتجوز مش بنفكر ابدا نتعلم ونتثقف ونقري كده ازاي نفهم ازواجنا ولا نحل مشاكلنا وكلنا بنطبش لا والغريب بقي ان محدش ابدا بيتعلم من اللي قبله بس ارجع واقول الامهات بالذات والله عليهم دور يفهموا بناتهم الدنيا اتغيرت مبقاش ينفع لما اروح اسأل ماما تقوليه الكلمة المأثورة بتاعت كل الامهات سيبه وهو يتصرف
ريم امال عايزها تقولك ايه ما انتي عارفة مفيش ام الا من رحم ربي ممكن تقعد تفهم بناتها يا بنتي ده في امهات مش بتتكلم مع بناتها وبتبقي مكسوفة تفهم بنتها تقومي تقولي تتكلم مع بنتها عن الجواز و تشرح لو في كده مكنش ده بقي حالنا
ميار طب اقولكم سر انا مسألتش ماما عشان كنت عارفة بس رحت لدكتورة واتكلمت معاها
علا باستغراب لا يا شيخة روحتي لمين
ميار روحت لدكتورة اسمها اميرة سويدان واقعدت اتكلمت معاها عارفين ست ملتزمة جدا ودكتورة قمة في الاحترام وفي نفس الوقت بتتكلم معاكي وكده وتشرحلك وبصراحة اكتر حاجة قالتها وفادتني كان جزء فقهي كده خاص بالزواج بعدها عرفت اننا ابيض ابيض بصراحة
علا طب انا عايزة عنوانها يا ميار
ريم انتي حتروحلها
علا وليه لا اهو الواحد يعرف له معلومة ولا اتنين يمكن حاجة تنفع
ريم مفيش فايدة متتعبيش نفسك بيت مفيش في راجل يشجعك علي التغيير يبقي التغيير في حد ذاته عمره ما حيحصل الحياة الزوجية مش بس الست اللي لوحدها تعمل لازم الاتنين يعملوا
ميار ومين قالك ان الراجل بيبقي مش عايز يعمل مش جايز عايز زقة منك بس وهو يعمل
ريم بضيق زقة قولي قنبلة تشيله من مكانه قال زقة قال لا الرجالة مش زي بعضها يا ميار في رجالة تحبط وتجيب العصبي ممكن يشل مراته وبعدين يقعد يتغدي ولا كأنه عمل حاجة
ثم زفرت بشدة كله زفت وبس
علا لا حول ولا قوة الا بالله ايه يا بنتي ده مالك براحة علي نفسك شوية
ميار وقد شعرت بها عارفة يا ريم بمناسبة الكلام عن الثقافة الزوجية بقي كان في قصص كان كاتبها دكتور في التنمية البشرية اسمه معتز يحيي سنمبل كان في قصة منهم اسمها المنحوس منحوس كلامك فاكرني بالقصة دي
ابتسمت ريم وردت كلامي بس طب كويس
بدأت ميار تبحث علي النت حتي فتحت الموضوع ثم وضعت امام ريم القصة لتنظر ريم وعلا وقد بدأوا بالقراءة
المنحوس منحوس
فيه الله يسلمكم مثل عند بعض الناس والمصيبة أنهم يؤمنون به وهو المنحوس منحوس لو حطوا فوق راسه فانوس
القصة رمزية طبعا ..
هذا واحد
كل ماسوى مشروع خسر
وكل مامسك شي خرب
وكل ماراح مكان صارت مشكلة
ماعمره تهنى بشي
وحياته كلها نكد في نكد
العجيب أنه يشوف الناس ما شاء الله يسوون مشاريع
ويتوفقون
ويستمتعون بحياتهم
إلا هو !!
ودائما حزين
وتعاسة الحظ تلاحقه في كل مكان
آخر شي
لما زهق من عمره
وقفلت معاه كل الطرق
جت على باله فكره
أنه يترك البلد اللي هو فيها ويهاجر
راح المطار وحجز له تذكره
ركب الطيارة
بسم اللهجلس في المكان المخصصركبوا المسافرين
الى الآن كل شي تمامالحمد لله
طارت الطي ارة
والجو هدوووووووء
وكل شيء حلو
الحمد لله
وفجأة
قامت الطيارة تهتزززززززززويبدو أن فيه شي مو طبيعي قاعد يصير
ولما زادت الربكة
وإذا المضيف يعلن للناس
أن الطيارة فيها عطلويمكن تطييييح
أخونا المنحوس انتبهوقال إييييييييييه ماكنه الا آنا ..
أنا السبب في اللي صار للطيارة
أنا منحوووووس
وهذا النحس اللي ملاحقني بكل مكان
لكن ايش ذنب هالناس اللي بيموتون بسببي الحين
مو معقولة أتسبب في وفاة 300 شخص وأنا ساكت
لازم أسوي شي
لازم أنقذهم
وفكر
وفكر
وفجأة
لمعت في راسه هالفكرة العجيبة
استأذن في الدخول على الكابتن
وطبعا القانون القديم كانوا يسمحون للناس يدخلون قمرة القيادة
أخيرا وافقوا له أن يدخل على الطيار
سأل أخونا المنحوس الطيار اشفيها الطيارة
هل صحيح انها بتطيح
قال الطيار العجلات مو راضية تنزل
قالالمنحوس بسيطة فكوا لي باب الطيارة وأنا انزل أفتحها يدويا من تحت وهو في نفسه قصده أنه ينتحر بأن يرمي نفسه من الطيارة على أساس يحافظ علىأرواح الناس اللي بيموتون بسببه وينقذ الطيارة من السقوط
الطيار رفض طبعا وقال له أن هذا غير ممكن
وفيه خطوره على حياته
ووو
لكن أخونا مصر على فكرته
خايف على الناس ياعمري
والطيار يحلف وهو يحلف ....
وأخير ..
يوم شافه الطيار مصمم وقاصد كلامه
قال افتحوا له الباب ..
أخونا توه بيرمي نفسه من الطيارة
ولكنه التفت على العجلات
لقاها تبي تنزل لكن فيه حديدة وسطها مانعتها
قال خل أجرب أشيلها
ولما شال الحديدة ورماها
انفتحت العجلات على طول
هو مسكين فرح
وقال
خلاص الحين مافي داعي أني أنتحر
الحمد لله مشكلة الطيارة انحلت
خليني أرجع للطيارة
لما رجع للطيارة
والا الناس فرحانين
ويصفقون له
ويدعون له
ويمدحونه على شجاعته وتضحيته بنفسه من أجلهم
وطبعا الناس في الأرض كانوا متابعين الحالةوالمطار مليانوالصحفيين والتلفزيون
كاميرات وهيصة
بس ينتظرون الطيارة توصل
وصلت الطيارة على خير
والا كلهم ينتظرونه
ويصورونه
ويحطونه بالتلفزيون على الهواء
والتصفيق
والتكريم
ويا الله خلص منهم وقدر يوصل للفندق اللي بيسكن فيه
وصل الحمد لله
وقال أول شي لازم أتصل بالوالدة عشان أطمنها على سلامتي أكيد شافتني بالتلفزين
مسك التلفون
اتصل على أمه
ردت عليه أمه لكنها كانت تبكي
تبكي بشدة لدرجة مهي قادرة تتكلم
قال لها أكيد يا أمي انتي شفتي الحادث بالتلفزيون
لكن أبشرك الحمد لله أنا بخير ولا صار لي شي
والأم لا زالت تجهش بالبكاء
وهو يقسم لها أنه طيب وما فيه شي
وهي تزيد بالبكاء
قال لها يا أمي ما شفتيني بالتلفزين
كلنا طيبين محد صار له شي
الأم مسكينة ردت بصعوبة من بين الدموع وهي تشاهق يا حياتي
قالت له أنا ما فتحت التلفزيون ولا أدري عن حادث الطيارة شي ..
قال لها أجل ليش تبكين يا بعدي
قالت أبوك يا بعد عمري أبوك كان متضايق شوي و طلع السطح حق البيت يريد يشم شوية هوى
والا فجأة طاحت عليه حديدة من السماء
ومات ....
تعالات ضحكات علا وريم ليردوا الاثنين ده منحوس بجد بقي مش ممكن هو في كده
ردت ميار تحبوا بقي تعرفوا الدكتور ربط بين القصة دي وحياتنا الزوجية ازاي
علا ازاي هو في وجه شبه بين القصة وبين حياتنا
ريم ايوة كلنا ذلك الرجل
ميار بجدية لا بجد بصوا بقي علي رأي الدكتور في القصة دي
نستفيد من قصة المنحوس والتي مع الأسف كثير من الناس يؤمن بأن المنحوس منحوس ..
أن الشيء الذي تدركه في داخلك
هو غالبا الشيء الذي سيحصل لك في الخارج ..
فإذا اعتقدت أني ناحج ..سأنجح .. والعكس
وما تتوقع عن الزواج سيتحقق لك ..
فمن كان يتوقع أن الزواج هم و نكد مشاكل ستكون حياته الزوجية هم ونكد ومشاكل ..والعكس صحيح ..
نعم المشاكل تحدث في كل حياة زوجية لكن تختلف النظرة لها بحسب توقعات صاحبها ..
فالذي يرى أن الزواج شقاء وشر لابد منه فإنه سيرضى بهذا الشقاء ولن يحاول البحث عن الجوانب الممتعة في حياته الزوجية ويستمتع بها ..
والذي يرى أن الزواج نعمة من الله ويتفاءل بأن المشاكل شيء طبيعي ولا تمنعالإستمتاع بالحياة الزوجية فسيحاول وسيبحث عن الحلول لهذه المشاكل بل وسيستفيد منها ويسخرها لسعادته ..
وهذا الكلام حقائق أثبتتها الدراسات الميدانية للمتخصصين ووجدوا أن
نجاح العلاقة الزوجية يأتي من
85 قناعات
و خبرات
فكل انسان لا بد أن يراجع نفسه ويتذكر
ماذا كانت فكرته أو قناعاته عن الحياة الزوجية
وقبل اكتشافات الخبراء والمتخصصين
جاء في الحديث القدسي قوله تعالى
انا عند ظن عبدي بي فليظن بي ما شاء.
فكما تظنين من الله تعالى سيحدث لك
نظرت ميار لمن استوقفتهم القصة ها ايه رأيكم بقي تعرفوا بقي لو كل واحدة تقعد كده مع نفسها وتراجع قناعتها عن جوزها وعن حياتها وتغير فعلا بس اول حاجة تغير نظرتها لجوزها ولحياتها معاه
زفرت ريم وكأن القصة اتت علي جرحها جايز جايز فعلا احنا من الاول مش عارفين نشوف نفسنا ونشوف ازواجنا صح
علا تعرفي يا ميار انا الرد ثبتني اوي اكتر من القصة اصلي متوقعتوش الصراحة
ليقطعهم صوت رنين الهاتف فتعلو الابتسامة وجه ميار وهي تنظر الي الهاتف ده علي
لترد علا وريم طب نستأذن احنا بقي يلا بينا بيتك بيتك
ليخرج علا وريم وتتجه ميار للرد ايوة يا علوة
ليستشعر علي القلق من ردها ايوة يا ميار عملتي التحليل
ميار وقد شعرت بترقبه طب مش تقولي وحشتني شوية ولا كلام حلو كده ولا كده يا علي علي طول بتسأل علي التحليل ايوة يا علي عملتوا
قام من اعتدل ليتوسط السرير وقد ملأه التوتر ولقيتي ايه
صمتت ولم ترد ثم ردت ببعض الحزن مش عارفة اقولك ايه يا علي
علي ببالغ توتره قولي يا ميار في حمل ولا مفيش
تعالت ضحكاتها وردت في يا علي
لتقع اثقل كلمة علي اذن علي ويخفق قلبه ببالغ خوفه من ان تكون زوجته قد
لتكمل ميار وهي لاتزال علي ضحكاها من شدة فرحتها ادفع نص عمري واجي اشوف شكلك يا علي علي علي
ليأتيها الرد المتثاقل ايوة يا ميار
ميار بدلال حتيجي امتي يا علوة انت وحشتني اوي وعايزن نحتفل بقي ولا ايه
علي بوجوم ماشي تصبحي علي خير يا ميار
لترد بدلال اكبر وانت من اهله
اغمض عيناه وسقط الهاتف من يده وضع كلتا يديه علي رأسه كأنه يحاول ان يحافظ عليها فلا تنفجر
ليفكر في نفسه حامل يعني ايه ازاي ازاي
لتعود كلمتها التي قالتها مازحة علي اذنه ادفع نص عمري واشوف شكلك يا علي
ليضرب يده المضمومة فوق قدمه ويرد ده حيبقي عمرك كله يا ميار
الحلقة الثالثة عشر
ليأتي يوم الأربعاء مسرعا علي بيت السويفي وكعادة كل يوم عموما يتجه كل واحد من العائلة الكريمة باتجاه حال سبيله
ليتوجه عمرو إلي عمله والأبناء الأربعة إلي مدارسهم حضرت شيرين كوبا من الشاي وتوجهت الي الحاسوب واعادت فتح قسم المحتارة لتشاهد ردود من قرروا الرد عليها لتأتيها الردود التالية
الرد الاول
بصي كل الرجالة كده بصراحة مش عارفة اقولك ايه حسبي الله ونعمة الوكيل الصراحة انتي ازاي مستحملة الغم ده انا لو مكانك يا حبيبتي اطلب الطلاق وسيبيله عياله وكمان واجهيه بغلطه وعارفيه انك عارفة وبصراحة الله يصبرك
وردا اخر
لا اوعي تواجهه يا قمر لو واجهته ممكن يعاندك اكتر وكمان حيقولك انتي السبب وانه خانك عشان انت مقصرة انا شايفة انك تتلبسي وتتمكيجي وتهتمي به شوية عشان ينشغل بيكي وكده وشوفي
وردا اخر
الاخت اللي بتقول ان المحتارة تطلب الطلاق دي معلش انا مش فاهمة ايه النصايح اللي بتتقال عشان تخرب البيوت دي لا يا محتارة انتي صلحي نفسك وممكن تواجهه بردوا بس في ساعة روقان كده
لتعود من ردت في الاول لتقتبس الرد الاخير وترد
النوعية دي من الردود هي اللي ضيعت حق الستات ايوة تطلب الطلاق امال تقول يا حيطة داريني انا مش فاهمة تقعد مع راجل كده ازاي يعني وفي الاخر تقوله الرجالة فيها وعليها بصراحة امثالكم اللي بيديهم فرصة
لتقتبس الاخيرة وترد
امثالنا والله انا مكنتش عايزة ارد عليكي عشان المحتارة ميتقفلش موضوعها واحنا بنتخانق المفروض ننصح بالحسني بصراحة ربنا يهديكي
لتزفر شيرين بضيق وقد زادت حيرتها الي ان اخيرا وجدت ردا اثلج صدرها
اولا يا اختى استعيني بالله وخليكي مع ربنا سبحانه وتعالى بالدعاء والصلاة بدون ملل لان اللى انتى فيه مش سهل وللاسف جزء كبير من اللى حصل انتى متحملة مسؤليته لانه اكيد محصلش مرة واحدة ومحصلش من فراغ وانتى معترفة بتقصيرك يبقى لازم تاخدى خطوة عشان تصلحي التقصير ده لانك اكيد حتتحاسبي عليهاستغفري ربنا كتير وحاولى تصلحي ........انا عارفة انه صعب ومش بالساهل بس ده زوجك اكيد متحبيش تسيبيه لواحدة من دول وواضح من كلامك انك بتحبيه وخايفة عليه من ذنوبه دي ولو ده زنا زي منا فهمت فخلى بالك ان الزنا بيخلص حقه فالدنيا قبل الاخرة وحيكون من اهل بيته يعنى انتى او بناتكاعذرينى لكلامى ده بس انا عاوزة احسسك بخطورة الموقف اللى انتى فيه ومينفعش سلبيه اكتر من كده حاولى تبداي بالتغيير من نفسك رجعى نفسك لايام زمان اكيد ايام خطوبتكم واول زواجكم مكنتيش زي دلوقتى شوفى فين التقصير اللى انتى اعترفتى بيه وحاولى تصلحيه قد متقدرى قربي من ربنا وقربي زوجك واحدة واحدة وكلميه عن قصص لصاحباتك زوجها غلط وكان الجزاء من اهل بيته واحكيه حتى لو قصص وهميه قربي من زوجك واضح ان انتى فوادى وهو ف وادى تانى خاااااااالص الموضوع طبعا مش حينتهي مرة واحدة ولا بالسهولة دي بس انتى حاولى على قد حبك لزوجك وبيتك واولادك اللى افنيتي عمرك عليهم وربنا معاكي ويعينك ومتنسيش الدعاء وابقى طمنينا عليكي
وقفت امام الرد وظلت تقرأه وهي تفكر في كلمة تغيير كانت تشعر بالتردد وهي تفكر لو انها استطاعت ان تتغير هل من الممكن ان يلتفت لها عمرو مرة اخري ويري جمالها ربما لو فعلت شيئا جديد من اجله وحاولت لفت نظره لكان الامر افضل ولما لا تحاول لاول مرة تهم شيرين من مكانها وتقرر ان ترتدي ملابس الخروج من اجل خطوة تغيير عقدت شيرين العزم علي خطوة لولبية ستذهب شيرين الي ان ان تش تش الكوافير ارتدت ملابس الخروج ونزلت بشئ من الرهبة
عندها كانت ريم تجلس امام الحاسوب وقد طلبت من علاء فك كلمة السر لانها تريد ان تستخدم النت او ان يشتري لها جهازا اخر وبالتأكيد كان القرار فك كلمة السر لتجلس ريم امام الموضوع الذي تكلمت عنه ميار
كيف تتحولين من ممسحة اقدام الي فتاة الاحلام في عيون زوجك
From Doormat to dream girl
ترجمة كتاب لماذا يعشق الرجال فتيات الهوي
لتجد نفسها امام مقارنة بين الست الحبوبة والمضحية وهي الست اللي شايفة جوزها مركز الكون في حياتها بتعمل كل حاجة ترضيه هو وبس حتي لو علي حساب نفسها الست اللي بتتنازل وتتنازل عن حقوقها ظنا منها ان التضحيات دي حتكون تضحيات مثمنة لكن تمن كل ده بيكون قفة
اما المرأة القوية والتي يعشقها الرجل هي الست اللي بتعتبر نفسها جوهرة ثمينة ومش شرط تكون حلوة ومش معني كده انها تكون مغرورة لكن ليها قدر وقيمة عند نفسها ابتدءا قبل اي حد تاني مش مستنية حد يقدرها هي مقدرة نفسها يتعرف ازاي تكون مثيرة ومشوقعة فتاكل اوي عقل الراجل وبتعرف تشغل دماغه
سحبت ريم قلم وبدأت تكتب القواعد الاساسية للكاتب والاخطاء التي تقع الحبوبة بها
القاعدة الاولى أي حاجة بنجري وراها بتهرب مننا
وأولهم الراجل وده عن طريق انك دايما تقدمي تنازلات ودايما تقبلي تجاوزاته وكمان يكون كل امل في الدنيا رضاه وبس وليلك نهارك مش بتعملي حاجة الا هو وبس
القاعدة الثانية الستات اللي بيخلو الرجالة يتسلقو جبال ويقطعو بحور عشان يوصلولهم غالبا ما بيكنوش ستات استثنائين يعني مش شرط تكون super woman بس الستات دول بتكون فيهم ميزة مش عند الفتاة الحبوبة وهي انهم مش بيبانو مدلوقين ...
القاعدة الثالثة المرأة اللي بتدي للرجل التحدي العقلي mental challenge اللي بيدور عليه واللي بيخليه بيدور على رضاها هي الست اللي مش بتحسسو إنه ضامنها بدرجة 100 و بتبقى غامضة ومتقدرش تتوقع ردود أفعالها
القاعدة الرابعة الراجل ساعات بيتعمد إنه ميتصلش بيكي بس عشان يشوفك هتتصرفي ازاي بيتعمد اهمالك عشان بشوف اخرك ايه ولو حتموتي عليه يسوق الدلال اكتر لانه
القاعدة الخامسة الرجل هيشوفك بنفس الطريقة اللي بتشوفي بيها نفسك و هيعاملك بالطريقة اللي إنتي بتعاملي بيها نفسك وكل ما اديتي نفسك رسائل سلبية كل ما عاملك من خلالها وكل ما هزتي ثقتك بنفسك كل ما كمل هو عليكي اكتر
القاعدة السادسة تصرفي زي ما تكوني جائزة Prize يعني حاجة صعبة المنال و الناس بتتعب عشان توصل لها و هو مع الوقت هيصدق انك كده فعلا
القاعدة السابعة لو قررتي انك تكوني شمعة تحترق عشان تنور حياة جوزك لما الشمعة تخلص الراجل حيقوم يدوم علي شمعة تانية يولعها اصله مش حيرضي يعيش في الضلمة
القاعدة الثامنة أكبر إختلاف بين الحبوبة و القوية هو إحساس الخوف... الحبوبة بيحركها الخوف الخوف من إن جوزها يسيبها من إنو يبص لبرة ... إلخ القوية بتعرف تتحكم في الخوف ده و مبتخلهوش يبان لشريك حياتها أو يفسد عليها الاستمتاع بحياتها ...
القاعدة التاسعة اهم مميزات بتميز الست القوية
بتحافظ على استقلاليتها
مبتخليش الرجل مركز الكون بالنسبة لها و الحاجة الوحيدة اللي حياتها بدور حواليها غامضة في تصرفاتها
مبتديش للراجل الفرصة يشوفها في أسوأ حالاتها
فرفوشة و تحب الضحك والهزار
بتدي قيمة عالية لنفسها
بتخلي عندها هواية بتحبها عشان مايكونش هو مركز حياتها
بتتعامل مع جسمها كأنه قطعة فنية نادرة
القاعدة العاشرة لو بتضيقي على جوزك الخناق و بتحاصريه فأنتي بتدفعيه إنو يكون ديما في موقع دفاع عن نفسه و يبتدي يدور عن طرق عشان يهرب من حصارك و يحافظ على حريته البنت القوية بتدي لجوزها مساحة من الحرية عشان ميحسش بنفسه محبوس جوة قفصها ... وفي الحالة دي هو اللي يجري وراها عشان يحطها في قفصه !
واخيرا والاهم نقطة ضعف الراجل اللي الست لو عارفتها ولعبت عليها تبقي جابت من الاخر وهي دغدغة كبريائه بالاتي
الثقة بيه و الاعجاب برجولته و كل حاجة بيعملها علشانك و علشان بيته
إدي لجوزك الاحساس إن هو ربان السفينة و هو هيبتدي يعمل الحاجات اللي إنتي عايزاها عشان يحافظ قدامك على صورة البطل
والمدح وما ادركي المدح ولكن اذا معجبكيش تصرف معين قولي من غير ما تجرحيه
الخلاصة اشعريه انه راجل من دهب بس متجوز ست من الماظ
فن الغموض اسسه ما اتكلمش كتير ويكون ليا اهتمامات وهوايات متكلمش عن الناس وهدومي وادواتي الخاصة تكون سر يخصني يتفاجأ به
الخلاصة جوزي شريك لحياتي مش كل حياتي
انهت ريم ما كتبت في كراستها وبدأت تعيد قراءة ما كتبت وقررت ان تقيم اخطأها والصاعقة بصدق انها لم تتفدي اغلب الاخطاء ووقعت بها اذا ارادت التغيير فاي طريق تسلك عليها ان تفكر جيدا وتنظر للمكان الذي ستضع عنده قدمها
الي ميار والتي كانت تستعد لعودة علي غدا الخميس كانت قد قررت ان تعد تورتة وغداء مخصوص بل واشترت بالونات وزينة تشبة زينة عيد الميلاد باتت منهمكة في المطبخ وهي تضرب بيدها الكريم شانتية وتحضر كل شئ علي قدم وساق فزوجها وحبيب قلبها سيعود في الغد
مصطفي ايضا سيعود غدا لكن سواء سيعود او لا يعود ذلك ليس بالامر الهام فالاستاذة عبير لن تشغل عقلها برجوعه هي اصلا لم تفكر ان تتصل به من تلقاء نفسها ولو مرة للاطمئنان عليه
عندها كان مصطفي يخرج من المشفي بعدما عرض التحاليل التي تخصه علي الطبيب اتجه ليركب سيارته فوجد هاتفه يرن نظر فيه ليجد سارة المتصلة
سارة بقلق خير يا مصطفي عملت ايه في التحاليل بتاعتك
مصطفي مبتسما ما انا قدامي شوية و جاي يا سارة حاطمنك لما ارجع
سارة وهي لاتزال علي قلقها ما انا مش قادرة استني يا درش عايزة اطمن عليكي رايحني بقي وقولي في ايه
مصطفي وهو يدير محرك السيارة مفيش يا سوسو اطمني الدكتور طمني وقالي الموضوع مع الانتظام في العلاج حيجي
ثم صمت لحظة ورد ساسو متعمليش اكل انهاردة انا حاجيب معايا وانا جاي
سارة بدلال طب يا درش بس متتأخرش عليا بقي عشان انت وحشتني اوي
مصطفي ببالغ سعادته ماشي اديني حاجي اشوف الموضوع ده بنفسي
لتخرج علا من الكلية ولكن باتجه مشوارها الخاص والذي كانت تنتظره بفارغ الصبر رن هاتفها لتجد كريم هو المتصل
كريم بمزاح مش ده بردوا تليفون الانسة علا السويفي
علا مبتسمة ايوة يا فندم هو
كريم طب مبروك يا انسة علا مبروك
علا باستغراب مبتسمة علي ايه
كريم مش فرحك كمان 3 اسابيع قلت اباركلك
علا ضاحكة ازيك يا كريم
كريم بود ايه ده انتي لسه فاكرة اسمي طب كويس والله انا قلت انك نسيتني في زحمة انشغال حضرتك
علا مبتسمة انا فعلا مشغولة اوي بس ممكن افضيلك وقت عشان اكلمك بردوا
كريم ياااااه كتر خيرك يا علا والله وليه التواضع ده بس
علا يلا اهو كله بثوابه
كريم يا تري وراكي ايه انهاردة
علا في قدامي مشوار كده لازم اروحه وبعدين اروح ويمكن كمان اشتغل علي الرسالة شوية قبل ما انام وانت
كريم انا لا انا يا ستي كان عندي امل انزل مع خطبتي نتفرج علي العفش بس واضح كده انها مشغولة بحاجات تانية
علا ما احنا حننزل يا كريم مع ابيه عمرو
كريم يعني مكنش ينفع ننزل مرة قبل المشوار ده
علا معلش يا كريم كده كده ابيه عمرو مش حيوافق علي الخروجة دي لوحدنا لو علي كان هنا كنا قلنا ليه هو و ميار يجوا معانا بس علي لسه حيرجع بكرة عموما احنا حننزل الاسبوع الجاي وان شاء الله نتقابل يوم الجمعة
لحظات وانهت علا المكالمة لتكمل طريقها الي مكتب الدكتورة اميرة سويدان
عندها كانت شيرين تخرج من عند الكوافير قررت شيرين ان تحدث تغييرا فقررت ان تصبغ بعض خصلات شعرها الي اللون الاصفر بغض النظر علي انها لم تكن متناغمة مع وجهها المهم انها قررت التغيير الي محل لبيع ادوات التجميل اشترت شيرين احمر شفاة وقلم كحل و زجاجة برفان صغيرة واخيرا الي اجرأ واقوي حركة تغيير قررت شيرين ان تشتري جلابية جديدة لكنها ستكون مختلفة عن المعتاد لديها ستكون نصف كم لتبدي ذراعها واقصر من جلابيتها المعتادة و مفتوحة بعض الشئ من امام الصدر لتعود شيرين وهي في بالغ فرحتها فيما فعلت وفي حركة التغيير القوية التي ستحدثها اليوم بدلت ملابسها وتوجهت للحمام وبعد حمام دافئ ارتديت شيرين الجلابية الجديدة ببالغ سعادتها ووضعت احمر الشفاة وكحل ثم صففت شعرها واسدلته اخيرا وضعت البرفان ثم توجهت للمطبخ لتكمل الغداء بانتظار عودة اولادها الاربع و عمرو الذي كانت تتوقع انهياره من قمة الانوثة و الاغراء التي كانت عليها
لتخطو علا خطوات باتجاه عنوان الطبية و الاستشارية التي كانت قد اتصلت بها من اجل ان تتحدث معها بخصوص امر زواجها لتدخل الي مكتبها وتنظر علا نظرة سريعة علي المكان و وجوه الحاضرين كان كل المنتظرات نساء بين من جلست مبتسمة ومفعمة بالامل ومن جلست باكية تشكو دموع عينها أنينها ليأتي علا صوت كانت تنتظره من سكرتيرة مكتبها آنسة علا حسين السويفي
لترفع علا نظرها وترد ايوة
ليأتيها الرد دكتورة أميرة منتظرة حضرتك
لتتقدم علا خطوات باتجاه غرفة الدكتورة أميرة تطل برأسها لتري امرأة في سن شيرين وعبير ولكن لا يبدو عليها أثار هذا السن الملفت ان الطبيبة خالفت توقعاتها لتجد امرأة ترتدي عباءة فضفاضة وحجاب شرعي جعل علا تستشعر الاستغراب فكيف ستسألها فيما تنوي سؤالها وكيف سترد عليها لتتقدم أميرة باتجاهها لترحب بها أهلا يا آنسة علا
لترد علا وهي لا تزال علي استغرابها أهلا بحضرتك يا دكتورة
ملئ وجهها الابتسامة وردت خير يا آنسة علا أحب أسمعك
علا بتوتر خير انا بصراحة كنت جاية لحضرتك بخصوص موضوع كده
ابتلعت ريقها ثم أكملت انا فرحي بعد 3 أسابيع وكتب كتابي زى انهاردة الأسبوع الجاي وبصراحة انا حالي حال بنات كتير أوي الشقة جاهزة وحننزل نجيب العفش علي الأسبوع الجاي وممكن انزل أجيب شوية حاجات زيه هدومي مثلا بس
بس انا حاسة زى ما أكون رايحة امتحان صعب وانا مش مذاكرة وخايفة أوي افشل وبصراحة كمان النماذج اللي حوليا مش كلها تشجع وأولهم والدي الله يرحمه وماما مكنش بينهم تفاهم و اغلب الوقت رأي بابا هو اللي لازم يمشي انا عايزة حياتي تكون مختلفة لما أتجوز مش عايزة اكرر غلطات اللي حوليا بس بصراحة انا عندي 23 سنة اهو بس والله ما اعرف ولا افهم عن الجواز حاجة حتى معلوماتي عن نفسها يعني
زفرت وقد شعرت بالخجل لتجد أميرة قد ابتسمت لخجلها وقبل ان تكمل قررت أميرة الرد أولا يا آنسة علا مش عايزكي تقلقي خالص انا كلامي معاكي حيكون واضح وسلس واكيد كمان حاحترم حيائك اللي بجد ربنا يباركلك فيه لأنه بقي عملة نادرة ثانيا انا عايزكي تفتحيلي قلبك وتعتبريني اختك الكبيرة واسألي زي ما انتي عايزة تسألي انا تحت امرك
علا وقد شعرت ببعض
لتضحك أميرة وترد ياه يا آنسة علا انا يمكن محدش سألني السؤال ده قبل كده بس بجد سؤالك في الصميم بصراحة
الإجابة علي السؤال ده تحديدا إجابة صعبة بس مهمة بصي يا علا ربنا سبحانه وتعالي اشرع الجواز عشان يكون سنة في خلقه ومختصر شرح معني زواج موجود في آية من كتاب ربنا
متابعة القراءة
