عمى وصانى اتجوز بنته

عمى وصانى اتجوز بنته ومطلقهاش مهما يحصل وقالى هى معاك اعمل فيها اللى انت عايزه بس اوعى تطلقها قال كلامه وسابنى مربوط وسافر 
حسيت انى مجبور ومقهور من الوصيه وقررت اطلع ده عليها وقررت اتجوز واحده واخلى مراتى تبقى جاريه عندها 
خطبت واحده واشتريتلها شبكه احلى واكبر من شبكتها 
يوم ما دخلت عليها البيت وفتحت العلبة قدامها، مكنتش بوريها دهب مراتي الجديدة، كنت بقول لها من غير ولا كلمة إنتي قابلة للاستبدال.. وبنفس الثمن. شفت صوابعها وهي بتلمس الغوايش القديمة اللي في إيديها اللى ابوها اشتراهلها بدالى عشان انا مجبتش شبكه ، وبصت للعلبة الجديدة، عينيها فضلوا رايحين جايين بين الإثنين، وبلعت ريقها في سكات. السكوت اللي كنت دايماً بترجمه إنه موافقة، بس هو في الحقيقة كان قلة حيلة ست ملهاش في الدنيا سند بعد ما أهلها سافروا وقطعوا أخبارهم عنها.
ليلة الزفاف.. في نفس المكان
السيطرة بتعمي، بتخلي الواحد يحس إنه بيحرك العرايس بخيوط في إيده. يوم الفرح، أصرّيت إن الحفلة تكون في نفس القاعة، بنفس الزفة، وحتى مع نفس الأغنية اللي دخلنا عليها زمان.
كنت واقف في الكوشة، ماسك إيد مراتي الجديدة،برقص معاها بفرحه وعيني بتدور في الصالة لحد ما لمحتها. كانت قاعدة في آخر طرابيزة، لسا قطار الفرح ملمسهاش، لابسة فستان غامق ومطأطأة راسها. لما اشتغلت نفس الأغنية، شفت كتفها وهو بيتهز هزة خفيفة، كأنها اتكهربت. رفعت راسها وبصتلي نظرة طويلة.. نظرة واحدة لخصت كل السنين اللي عاشتها معايا، كأنها بتسألني للدرجة دي أنا كنت رخيصة عندك؟ للدرجة دي الد م اللى بينا مالوش تمن ؟
وأنا؟ أنا كنت ببص لها وأنا مبتسم، حاسس بنشوة انتصار مريضة. كنت مطمن إنها مش هتقوم تمشي، مش هتلم هدومها

وتخرج، لأنها عارفة إن برة باب القاعة دي، مفيش باب بيت واحد واحد هيتفتحلها الا بامرى 
العفش القديم.. وحياة جديدة
القمة في السيطرة مكنتش في الفرح، القمة كانت يوم ما دخلت بمراتي الجديدة الشقة. مغيرتش أوضة النوم، مغيرتش السجاد، حتى الستائر اللي جومانه نقتها بنفسها ونزلت تلف عليها في الوكالة، سبتها زي ما هي.
دخلت مراتي الجديدة، وبدأت تتأمل الشقة ب فخر، وبدأت تفرض ملكيتها على كل شبر. أول موقف فاكره، لما مراتي الجديدة قعدت على الصالون وقالت ل جومانه ببرود
معلش يا حبيبتي، هاتيلي كاس مية ساقعة عشان مش قادرة أقوم.
بصيت ل جومانه مستني رد فعلها. زمان، كانت بتموت في تفاصيل الصالون ده وتقول لي ده ذوقي يا رمزي. المرة دي، وقفت في مكانها ثواني، بصت للقماش اللي هي اختارته وبقت تقعد عليه ست تانية، وبعدين وطت راسها ودخلت المطبخ تجيب المية وهي بتترعش. في اللحظة دي اتأكدت إنها لسه تحت سيطرتى وإنها بقت مجرد خيال مآتة في بيتي، بتخدم بلقمتها ومن غير أجر.
الموضوع اتطور بسرعة. مراتي الجديدة بقت تتعامل كأنها صاحبة المكان، وبقت قدام مراتى بتحرك العفش القديم تستبدله بعفش جديد بدأت باوضه النوم والانتريه السفره 
كل حاجه بالتدريج 
كملت الوقفة في الصالة، متابع حركتهم من بعيد وأنا مربع إيدي، مستمتع بالسيناريو اللي برسمه وبنفذه بالحرف. جومانه كانت واقفة في الصالة، والعمال شغالين بيشيلوا دواليب أوضة النوم القديمة، الخشب اللي قضينا عليه سنين عمرنا وهو بيتفصص ويترمي برة البيت قطعة قطعة عشان يدخل مكانه العفش الجديد.
كنت بعمل كل ده وأنا جوايا غل قديم وتحدي ل عمى اللي سافر وسابها؛ الراجل اللي حط القيد ده في رقبتي ورقبتها يوم ما وصاني وأنا بكتب الكتاب اتجوزها يا إيهاب واسترها، وأوعى في يوم تطلقها.. دي أمانة في رقبتك ليوم الدين، وفي نفس الوقت دخل عليها ووصاها ب نبرة حاسمة جوزك تطيعيه، ولو طلبتي الطلاق أو سبتي بيته، هغضب عليكي ليوم الدين ومش هسامحك. هو سافر وقطع أخبارهم، وهي فضلت محبوسة في سجن الوصية دي.. وأنا استغليت الوصية عشان أكسر كبريائها، لأني عارف إنها مش هتقدر تطلب الطلاق عشان خايفة من غضب عمها، وفي نفس الوقت مش هقدر أطلقها عشان مأكسرش كلام الراجل اللي ليه فضل عليا.. فقررت أخليها عايشة في جحيم ممتد.
لمحت مراتي الجديدة وهي واقفة بتوجه العمال بصوت عالي ونبرة كلها تملك، وجومانه واقفة في زاوية، ساندة ضهرها على الحيطة، عينيها كانت دبلانة والدموع محبوسة فيهم، كأنها بتشوف حتت من روحها هي اللي بتتخلع وتترمى في الشارع، مش مجرد خشب.
في اللحظة دي، مراتي الجديدة قربت منها، مسكت قماش الأنتريه القديم وقالت بنبرة فيها شفقة مصطنعة
معلش يا جومانه يا حبيبتي، الشقة لازم تتجدد، الموديلات دي بقت قديمة أوي ومبقتش تليق بمقام إيهاب.. إنتي عارفة طبعاً إيهاب بيحب الوجاهة إزاي.
مراتي الجديدة كانت فاكرة إنها بتمارس عليها قمة الانتصار، بس اللي مكنتش عارفاها، إن السكين لما بتوصل للعظم، الوجع بيتحول لبلادة.. والبلادة بتولد جرأة غير متوقعة.
قربت خطوتين لورا عشان أكون في هدوء الممر، بعيد عن دوشة العمال، بس قريب كفاية إني أسمع تفاصيل الحوار. جومانه متحركتش من مكانها، مفيش دموع نزلت، ملامحها هديت فجأة بطريقة خلتني أقلق لأول مرة. بصت في عين مراتي الجديدة بنظرة جامدة، خالية من أي خوف أو قلة حيلة، وقربت من ودنها.
كنت سامع همس مراتي للجديدة وهي بتقولها ب نبرة هادية بس حامية زي الموس
جوزك استبدلني بيكي، وزي ما بنرمي القديم عشان نجيب جديد.. بكره هخليه يرميكي.
جوزك خلاص قر ف منك ومن الوصيه اللى خنقاه وبوجودى هنا استعدى لجحيمك منى ومنه 
هخليكى تعرفى من معاملته ليه يعمى ايه ست بيت يعنى ايه ملكه وانتى هنا هتبقى الجاريه بتاعتى 
وضحكت ضحكه انتصار
الكاتبه_امانى_سيد 
القصة كاملة اول التعليق ومننساش نذكر اللهفي اللحظة اللي جومانه خرجت فيها من الأوضة بعد كلام عمها، ساد البيت صمت تقيل.
أنا كنت واقف مكاني، لأول مرة مش لاقي كلمة أقولها. مراتي الجديدة بصتلي وقالت بتوتر
هو... هو إيه اللي بيحصل؟
لكن قبل ما أرد، جومانه رجعت تاني، ماسكة ملف أزرق قديم. حطته على الترابيزة قدامي، وقالت بهدوء
الملف ده فيه كل حاجة... كل جنيه دخل البيت، وكل قرش اتصرف. من يوم ما اتجوزتك وأنا اللي كنت بدير أملاك عمّي واستثماراته بتوكيل رسمي. كنت بشتغل في صمت، والفلوس كانت بتدخل باسم الشركة اللي عمّي سايبها.
فتحت الملف وأنا مستغرب.
عقود... كشوف حساب... أوراق رسمية.
عمها قال بصوت ثابت
كنت سايبها مسؤولة عن كل حاجة، واختبرتها سنين. وهي نجحت. لكن كنت باختبرك إنت كمان... ويبدو إنك سقطت.
اتجمد الدم في عروقي.
كمل وهو بيبصلي
البيت ده... باسم جومانه. والشركة اللي كنت فاكر نفسك بتصرف منها... هي صاحبة أكبر نسبة فيها. إنت كنت مجرد مدير مأتمن، مش المالك.
مراتي الجديدة شهقت وهي تبصلي.
وأنا حسيت لأول مرة إن الأرض بتميد بيا.
جومانه لمّت الملف بهدوء وقالت
أنا مش جاية أنتقم. أنا جاية أخد حقي وكرامتي.
سابت مفاتيح البيت على الترابيزة، وقالت
احتفظوا بالعفش الجديد... أنا هبدأ من أول وجديد، لكن المرة دي باختياري.
ولما خرجت من الباب، وقف عمها قبل ما يمشي، وبصلي نظرة أخيرة وقال
الراجل الحقيقي بيحافظ على الأمانة. .. مش بيستغلها.
وأُغلق الباب... وسابني أواجه