الانتريه بتاعي بقلم اماني سيد

لسه ميعرفش حاجة.
استنيته يرجع من الشغل، وكان باين عليه الإرهاق. أول ما دخل، سكت شوية لما لقانى قاعدة ساكتة، وعنيه راحت تلقائى على الانتريه اللى هابط أكتر من الأول.
قال باستغراب مالك؟
حكيتله كل حاجة من أول مكالمة خالته، لحد كلام أمه عن أوضة البيبى والألوان.
كنت متوقعة يدافع عن أمه زى كل مرة لكن اللى حصل صدمنى.
وشه قلب مرة واحدة، وقام وقف وقال بعصبية أمى عملت إيه؟!
اتفاجئت من رد فعله، وقولت بسرعة خلاص يا سليم، أنا بس زعلانة على تعبى
لكن هو كان خلاص لبس هدومه تانى وقال لا، الموضوع مش هيتعدى كدة.
ولأول مرة من يوم جوازنا، شوفته رايح عند أمه وهو غضبان بالشكل ده.
بعد أقل من ساعة، الباب خبط بعنف. فتحت لقيت حماتى داخلة وهى مولعة نار، ووراها حبيبة أخت جوزى.
أول ما دخلت بدأت تصرخ إنتى عايزة توقعى ابنى فى أمه؟! دا بدل ما تقفى جنب أخت جوزك!
جوزى وقف قدامى وقال لأول مرة بصوت عالى الفلوس دى شقا مراتى، ومحدش من حقه ياخدها من غير إذنها.
حماتى شهقت كأنها أول مرة تسمع كلمة حق. وقالت بعصبية يعنى أختك تبقى حامل ومحتاجة، ومراتك أهم؟!
سليم رد بمنتهى الحسم مراتى استحملت معايا الفقر والمر وقعدت سنين على أثاث مكسور من غير شكوى. لو حد أولى بالتقدير فهى.
حبيبة اتدخلت وقتها وهى ماسكة بطنها يعنى هتفضحونا عشان كام جنيه؟!
بصتلها وأنا أخيراً لقيت صوتى كام جنيه دول تعب سنين ولو كانوا قليلين مكنتوش خدتوهم من ورايا.
الصالة سكتت ثوانى وفجأة جوزى قال كلمة محدش توقعها
يا إما الفلوس ترجع كاملة النهارده يا إما من النهارده محدش يدخل بيتى ولا يعرف طريقه.
حماتى اتصدمت بتهدد أمك؟!
قال بهدوء موجوع لأ بحمى بيتى.
ولأول مرة، شفت الخوف فى عيونهم. لأنهم اكتشفوا إن الست اللى كانوا فاكرينها هتسكت طول عمرها وراها راجل أخيراً فهم قيمتها.
تانى يوم العصر، حبيبة بنفسها جت البيت. فى إيديها ظرف كبير.
حطته قدامى بوش متضايق وقالت دى فلوس الجمعية كاملة.
بصيت للظرف، قلبى كان بيدق، لكن قبل ما ألمسه قالت بكبرياء بس اعرفى إن ماما زعلت أوى منكم.
جوزى رد قبل ما أتكلم والله زعلها أهون عندى من كسر قلب مراتى.
حبيبة سكتت ومشيت.
قفلت الباب، وبصيت لجوزى وأنا مش مستوعبة. ابتسملى وقال تعالى ورينى الانتريه اللى اخترتيه.
وفى اللحظة دى حسيت إن الفلوس رجعت، وكرامتى كمان رجعت معاها الأيام عدّت، والهدوء رجع بيتنا أخيرًا.
ولأول مرة من سنين، بقيت أحس إن ليا قيمة وسط العيلة دى مش مجرد زوجة بتستحمل وخلاص.
حماتى فعلًا اتغيرت. بقت كل شوية تيجى تقعد معايا، تساعدنى فى المطبخ، وتلعب مع الولاد. وأوقات كتير كنت ألمح فى عينيها إحساس بالذنب، خصوصًا لما تبص للانتريه الجديد.
لكن أكتر واحدة كانت متغيرة هى حبيبة.
بقت هادية بشكل غريب. بعد ما كانت كل كلامها عن التجديد والبراندات والألوان، بقت تحسب كل جنيه. واضح إن اللى حصل هزها جامد.
وفى يوم، وأنا بعمل شاى، لقيتها داخلة عليا المطبخ لوحدها.
وقفت شوية مترددة، وبعدها قالت ممكن أتكلم معاكى؟
استغربت، لكن هزيت راسى اتفضلى.
قعدت قدامى وهى بتلف فى خاتمها بتوتر، وقالت أنا عمرى ما حسيت بتعبك كنت فاكرة إنك عايشة عادى، وإن أخويا مقصرش معاكى.
ابتسمت بسخرية موجوعة الناس دايمًا بتشوف الواجهة.
سكتت ثوانى، وبعدها قالت بصوت واطى أنا بعد اللى حصل بقيت بخاف.
تخافى من إيه؟
ردت وعينيها دمعت من بكرة ومن إن الدنيا تتقلب فجأة. أنا كنت فاكرة إن الفلوس والراحة حاجات مضمونة.
الكلام لمسنى رغم كل حاجة.
وفجأة مدتلى ظرف صغير.
استغربت إيه ده؟
قالت بسرعة أول قسط من الدين أنا اشتغلت أونلاين أساعد جوزى ونجمع الفلوس.
فتحت الظرف لقيت مبلغ بسيط جدًا لكن واضح إنه متشال من وسط تعب حقيقى.
بصتلها، ولأول مرة حسيت إنها اتعلمت فعلًا.
قولتلها بهدوء خليهم معاكى دلوقتى للبيبى.
لكنها هزت راسها بإصرار لأ لأنى لو مرجعتش الحق لصاحبه، هفضل طول عمرى مكسورة من جوا.
الكلمة دخلت قلبى.
أخدت الظرف، وربتّ على إيدها خلاص نعتبر إننا بدأنا صفحة جديدة.
عيطت فجأة وحضنتنى. وأنا رغم كل الوجع القديم حضنتها.
فى اللحظة دى، حماتى كانت واقفة عند باب المطبخ من غير ما نحس.
سمعتها بتقول بصوت مخنوق يارب سامحنى على اليوم اللى فرقت فيه بين ولادى.
بصلنا كلنا لبعض وفجأة الولاد دخلوا يجروا على الصالة، واحد منهم زعق تيتااا الكنبة الجديدة غرقانة عصير!
جرينا كلنا ناحية الصالة.
لقيت ابنى الصغير ماسك الكوباية مقلوبة على الانتريه الجديد، وشه مصفر من الخوف.
وقبل ما أتكلم حماتى انفجرت ضحك.
وقالت وهى شايلة حفيدها سيبيه يا بنتى أهو كدة بقى بيت مستخدم وفيه روح.
وبعد سنين من النكد والحسابات البيت أخيرًا بقى فيه حاجة أهم من الأثاث والفلوس.
بقى فيه راحة بعد أسبوع بالظبط، كان الانتريه الجديد داخل بيتى.
الولاد كانوا بيجروا حواليه بفرحة كأننا اشترينا قصر، وأنا واقفة أبص عليه وعينى تلمع مش عشان هو غالى، لكن عشان أول مرة أحس إن تعبى راح فى مكانه.
جوزى ساعد الصنايعية، ولما خلصوا، قعد جنبى على الكنبة الجديدة وقال وهو بيضحك أهو أخيراً الكنبة مبتغرزناش وإحنا قاعدين.
ضحكت من قلبى لأول مرة من شهور.
لكن الفرحة مكملتش يومين
ليلتها، تليفون جوزى رن. كان أخوه الصغير.
وشه اتغير فجأة وهو بيسمع، وبعدها قام بسرعة يلبس هدومه.
قلقت وسألته فى إيه؟
قال بتوتر أمى تعبت فجأة وضغطها عالى،