اكتشفت ان جوزي
المحتويات
دخيلة على البيت هبة هي السبب إن البيت ده اتبنى من الأساس سكت وهو بيبص لي كأنه مستني رد فعل يكسّرني أو يخليني أصدق.
لكن اللي حصل إني ما صرختش.
بس بصيت له وقلت بهدوء أخطر من الغضب اشرح.
قعد على الكرسي قدامي، سند راسه على إيده، كأنه لأول مرة شايل حمل سنين فوق ضهره.
وقال بصوت واطي قبل ما أتجوزك كنت متجوز أم هبة.
اتسمرت.
كمل وهو بيبص للأرض كانت حياتنا كلها مشاكل لكن بعد ما خلفت هبة، حصلت أزمة كبيرة في شغلها وراحت فجأة.
رفعت إيدي أوقفه راحت فين؟
سكت لحظة وبعدين قال الجملة اللي خلت جسمي يقشعر اتقال إنها ماتت بس أنا عمري ما شفت جثتها.
الصمت ضرب البيت.
كأن الحيطان نفسها سمعت لأول مرة.
قربت من الظرف، قلبي بيدق بسرعة، وفتحت الورق أكتر لقيت ورقة تانية، تقرير قديم، عليه ختم مستشفى خاص.
وقرأت
تم تسليم الطفلة للأب بعد اختفاء الأم، مع ملاحظة أن الأم لم يتم التأكد من وفاتها رسميًا.
رفعت عيني ليه ببطء يعني إيه الكلام ده؟
أحمد وقف فجأة، وصوته اتغير يعني أنا طول السنين دي كنت عايش على شك إن أمها ممكن تكون عايشة وإنها ممكن تيجي في أي لحظة تاخد بنتها.
سكت ثانية وبعدين كمل وهبة كانت كل يوم بتكبر قدامي وكنت بحاول أعوضها
قلبي بدأ يفهم بس مش عايزة أصدق.
وإيه علاقة ده برباب؟
هنا بقى بص لي نظرة طويلة نظرة خلتني أحس إن في حاجة أكبر من مجرد بنتين وبيت.
وقال بهدوء رباب مش بس بنتنا.
رفعت صوتي لأول مرة إنت بتقول إيه؟!
قام وقف، وراح ناحية الشباك، وبعدين قال رباب هي اللي المفروض كانت هبة.
الدنيا وقفت تاني.
إزاي؟
لفّ ناحيتي وقال في المستشفى حصل تبديل وقت الولادة ومحدش اكتشف غير بعد سنين.
رجلي ما شلتنيش.
بصيت للبنتين اللي نايمين في الأوضة وبصيت له
ولأول مرة حسيت إن البيت مش فيه خيانة ولا ظلم بس
ده فيه سر متخيط بحياة اتنين أطفال وحياة كل اللي حواليهم.
وبصوت مبحوح قلت يعني إنت سايب بنتك تعيش هنا مش عارف هي مين فيهم؟
سكت.
وهنا
المفاجأة اللي كسرت كل اللي قبله
إنه قال أنا كنت مستني الحقيقة دي تظهر لأنها لو ظهرت واحدة من البنتين هتضيع من إيدي للأبد.
وفجأة
سمعنا صوت باب الشقة بيتفتح بهدوء شديد.
بصينا ناحية الباب مع بعض
واللي دخل
ماكانش حد من اللي في البيت مستني يشوفه تانيالباب اتفتح بهدوء هدوء يخوف أكتر من أي خبط.
وقفنا كلنا مكاننا.
أحمد اتجمد، وعيونه وسعت لأول مرة من زمان.
رباب قامت من
واللي دخل
ست واقفة على الباب، ملامحها هادية بشكل غريب، شعرها مربوط بإهمال، وعينيها شايفين البيت كأنها تعرفه كويس.
سكتت ثانيتين
وبعدين قالت بصوت ثابت وحشتني بنتي.
الدنيا وقفت.
بصيت لها وأنا مش فاهمة إنتِ مين؟
لكن قبل ما ترد
أحمد قال بصوت مكسور لأول مرة مستحيل
هي بصت له، وابتسمت ابتسامة صغيرة فاكرني ميتة؟
هبة وقعت منها الدبوس، وبصت لها وهي بتهمس ماما؟
في اللحظة دي، الأرض نفسها كأنها اتشقت.
الست دخلت خطوة جوه البيت وقالت بهدوء أنا ما متش أنا اتاخدت منكم.
قربت من الظرف اللي على الترابيزة، ولمسته بإيدها كأنها بتتأكد إنه حقيقي، وقالت كل اللي مكتوب هنا نص الحقيقة بس.
بصيت لها وأنا قلبي بيقع نص إيه؟ وإنتي عايزة إيه؟
رفعت عينيها ليّ وقالت أنا جيت أخد بنتي.
سكون تاني
بس المرة دي كان أخطر.
أحمد اتقدم خطوة وقال بانفعال بنتك مين؟ هبة ولا رباب؟!
الست بصت له نظرة طويلة وبعدين قالت الجملة اللي كسرت آخر خيط أمان في البيت
الاتنين لأن الاتنين حصل فيهم تبديل وأنا كنت شاهدة عليه.
رباب شهقت يعني إيه؟!
هبة بصت لأبوها، وبعدين بصت للست، وابتسمت
الست قربت منها خطوة وقالت لا إنتي كنتي عايشة في بيتك الحقيقي بس الحقيقة اتخبّت.
وفجأة
طلعت ورقة من شنطتها، ورمتها على الترابيزة.
تقرير جديد بتاريخ مختلف.
وبصوت هادي مرعب قالت في الليلة اللي اتقال فيها إن أم هبة ماتت هي كانت لسه عايشة وهربت ببنت واحدة وسيبت التانية.
بصيت لها وأنا مش قادرة أتنفس يعني إيه؟ مين اللي اتساب؟
الست رفعت عينها وبصت للكل
وقالت أخطر جملة في القصة كلها
واحدة من البنات دي مش بنت أحمد أصلاً.
وفي اللحظة دي
هبة بصت ل رباب نظرة طويلة لأول مرة
وكأنها بتحاول تفتكر مين فيهم اللي شبهها أكترالسكوت اللي وقع في البيت بعد الجملة دي كان تقيل لدرجة إن حتى صوت أنفاسنا بقى مسموع.
واحدة من البنات مش بنت أحمد أصلاً
الجملة فضلت معلّقة في الهوا زي سكين واقف فوق رقبتنا.
رباب بصت ل أحمد بصدمة يعني إيه؟ أنا بنتك ولا لأ؟!
أحمد ما ردّش عينه كانت بتلف بين الوجوه كأنه لأول مرة بيشوفهم.
هبة كانت واقفة في نص الصالة، مبتتحركش، بس عينيها بدأت تتغير كأنها بتحسب كل كلمة اتقالت من الأول.
الست اللي دخلت أم هبة قربت خطوة وقالت بهدوء الليلة دي
متابعة القراءة
