رواية عشقتك قبل رؤياك كاملة (جميع فصول الرواية) بقلم فاطمة الالفي
انهارده
ناديه بجديه عشان يوسف كان قدامك طول الوقت وتعلقك بيه ماكنش حب حقيقه ولا صادق كان تعود ان هو شخص موجود فى حياتك وبس طبعا انجذبتي ليه فى مرحله المراهقه بس مش اسمه حب المشاعر كل فتره بتتغير كمان انتى دلوقتي كبرتي ونضجتي واكيد يوسف عندك زى حازم مهمين فى حياتك عشان ولاد عمك ودم واحد كان لازم تقفي جنبه فى تعبه ومحنته كمان عشان جواكي عاوزة تردي الجميل لعمك عشان رباكي وكبرك وعلمك وكان ليكي الأب طبيعي لم قالك يوسف عاوز يتجوزك وافقتي بدون تردد عشان عمك وعشان وقتها كان يوسف محتجالك وانتى بنتي الحنينه إللى مستحيل تتخلي عن ابن عمها فى ظروفه إللى مر بيها عشان كده فرحت لم قولتي ان يوسف بقى ابن عمك وبس وماخوفتش عليكي وانتي بتحضري فرحه عشان عارفه قلبك كان شايفه ازاى
حبيبه باهتمام حضرتك عارفه كل إللى بحس بيه وجوايا
ناديه بتنهيده عشان أنا ام واقدر افهمك واحس بيكي حتى لو عشتي بعيد عني فقلبي كان دايما معاكي وحاسس بيكي انتى حته مني وعارفه بتفكري ازاى وواخده قوتك وعنادك واصرارك من والدك الله يرحمه
حبيبه بابتسامه وواخده منك ايه بقي
ناديه بجديه رقيتك وطيبه قلبك وشكلك إللى زى القمر هههه
ضمتها حبيبه بقوه وهى تبتسم لحديث والدتها
ناديه ماقولتيش مين إللى مبكي عينيك عشان ليه حساب معايا
ابتعدت قليلا عن والدتها وتحدثت بحزن مش عارفه جوايا احساس غريب بالخنقه وحاسه بضيق وعاوزه بس اعيط
ناديه بقلق يا ساتر يارب ليه كل ده
حبيبه ماما انا مش عارفه ده حب بجد ولا تعود الحكايه باختصار شاب اسمه ياسين كان حاله وأنا المسئولة عنه قربت منه اساعده فى علاجه وبقينا اصدقاء لازم يكون فى ثقه بينا عشان يبدأ يحكيلي وانا اقدر اساعده فجاه قرر يرجع بيته ويكمل علاجه وسط عيلته ومن وقتها وأنا مضايقه وزعلانه ان بعد ومش هشوفه دايما زى
الاول ده اسمه ايه خصوصا عشان حياته متلخبطه هو كان بيحب مراته جدا ولم اټوفت هو دخل فى حاله نفسيه صعبه جدا لدرجه ان رفض يشوف الحياه من غيرها فقد بصره عشان خسرها رافض العمليه اللي هتخليه يشوف الدنيا من تاني صعب افكر فيه وهو مش من حقي ولا هيكون ليا فى يوم
ناديه بجديه انتى حبيتيه يا حبيبه زعلانه عشان بعد ومضايقه عشان هو مخلص فى حبه لمراته خاېفه تقولي انك بتحبيه عشان حاسه ان مش من حقك تحبيه ولا تفكري فيه بس ليه مش حقك هى مراته موجوده عشان تقولي مش من حقك تحبيه ومش هيكون ليكي محدش يعرف الزمن مخبي لينا ايه ماحدش يعرف مشاعره انهارده ممكن تكون ازاي بس لو هيفضل عايش على ذكره مراته ومش عاوز يفتح عشان يشوف غيرها ممكن تكوني بديل فى حياته وده إللى هيكون صعب عليكي وكمان مش بعيد تكرهى حبك ليه وتكرهيه هو نفسه عشان مش هيكون شايغك فى حياته من الاساس عارفه ليه بقولك كده عشان قولتي تعبه نفسي وحاسس بالذنب ممكن يفضل طول عمره حاسس بحبها هى وبس ومجرد عاوز حد يكمل الحياه معاه عشان لو فتح وشافك انتى حبيبه مش شاف فيكي مراته وقرب منك وقبل بيكي كده هيكون خف من كل حاجه وبيحب حبيبه نفسها مش حد تاني
حبيبه بتوهان تقصدي طول ما ياسين كفيف فهو حبه ومشاعره لمراته ومش شايف غيرها لكن لو فتح هيكون خف من عقده الذنب هو سبب مۏتها وكمان هيكون سهل يحب غيرها هيكون شايف الحياه جديده قدامه ويكمل فيها مع اى حد وقتها فعلا هيكون ياسين تجاوز كل التعب النفسي يا ماما
ناديه بتنهيده وده إللى اقصده ونسيب الايام هى إللى تقرر ماحدش عارف بكره فيه ايه
شعرت بالتخبط والتشتت واضطراب بمشاعرها عليها أن تهدأ وتفكر بهدوء
اشرقت شمس يوم جديد تحمل فى طياتها الكثير
توجهه ياسين مع صديقه إلى مقر شركته واستقبله جميع العاملين بالشركه بترحاب شديد وأمر بعوده سيف إلى عمله وجلس بمكتبه الذى اشتاق اليه اخبره مجد بجميع التعاقدات بينه وبين شركات اخرى
وظل يحدثه عن أمور العمل انصت اليه ياسين ولكن كان شاردا بمكانا آخر حدث نفسه ماذا تفعل الآن هل تشتاق اليه كما هو يشتاق إليها والحديث معها ولكن نفض تلك الفكره وعاد يصب تركيزه على عمله
فجأه صدع رنين هاتف مجد فانسحب ليجيب على زوجته
مجد بشوق واحشتيني يا توته عامله ايه يا حبيبتي
تمارا بخير يا حبيبي انت واحشتني اكتر
مجد كان نفسي تكوني معايا قلقان عليكم
تمارا اطمن يا حبيبي احنا بخير طمني على ياسين كويس
مجد بتمهيده الحمد لله كويس بس محتاج لوجدي جنبه فى الشغل
تمارا طيب يا قلبي
خليك جنبه مافيش مشكله
مجد بابتسامه ماينفعش حبيبي يحن عليه ويجى
تمارا بجديه حبيبي انت عارف نفسي اكون معاك فى مكان واحد بس انا عاوزة اولد هنا فى المانيا عاوزه ابننا ياخد الجنسيه ولا انت ناسي
مجد بضيق ودى حاجه تتنسي عارف طبعا وعارف انك مش هتتنازلي عن الجنسيه
تمارا حبيبي كده احسن ليه وأن شاء الله لو ماجتش على الولاده انا لم أقوم بالسلامه هتلاقيني عندك
تمارا بابتسامه ان شاء الله يا حبيبي
مجد خلى بالك من نفسك يا قمري سلام بقى عشان عندي شغل
اغلق الهاتف مع زوجته وعاد يجلس أمام صديقه
مافيش فايده فيها قال ايه لازم الواد يتولد هناك وياخد الجنسيه
ياسين بابتسامه عندها حق يا اخي نفسها ابنها يتعامل معامله خاصه
مجد والنبي تسكت أنت كمان على فكره مالك فى العمليات دلوقتي
ياسين بقلق بجد وماقولتش ليه
مجد جالي ايميل من مساعد الدكتور صاحبي إللى كلمتك عنه بس حاولت اتصل بيه كان مغلق اكيد فى العمليات لم يخرج هيطمنا
ياسين بقلق اكيد حبيبه قلقانه لازم اطمن عليها
مجد بابتسامه واجب بردو حنين اوي
ياسين بضيق تقصد ايه
نهض من مجلسه هو انا قولت حاجه انا رايح اشوف شغلي
اخرج هاتفه ونقش حروف اسمها وجاري الاتصال
كانت حبيسه غرفتها تنظر للهاتف من حين لآخر بقلق تنتظر
مكالمه نيره لتطمءن على سلامه مالك وخروجه من غرفه العمليات
استمعت لرنين هاتفها اجابت بلهفه دون أن تنظر لرقم المتصل
الو
استمع لرجفه صوتها وعلم بمدا قلقها وخۏفها على الصغير إزيك يا حبيبه
حقا سمعت صوته ينطق باسمها ام أنها تتخيل ذلك ظلت صامته
ياسين بقلق حبيبه انتي كويسه طمنيني عليكي
حبيبه بحزن لا انا قلقانه على مالك هو فى العمليات دلوقتي بقالو اكتر من ساعتين
ياسين يحاول أن يطمئنها اطمني العمليه بتاخد وقت وان شاء الله هيبق بخير
حبيبه يارب انت عامل ايه كويس
صمت قليلا يريد ان يخبرها أنه ليس بخير وهو بعيدا عنها
تمام ونزلت كمان الشغل
حبيبهكويس اوى
ياسين بتردد مش عاوزه تتكلمي
وتقولي حاجه
حبيبه بتوتر لا ابدا
ياسين بجديه ولا حابه تسألي حاجه فى الرساله انا تحت امرك
حبيبه بحزن هناقشها كمان شهرين دكتور سليم حددي ميعاد المناقشه
ياسين ربنا معاكي وانا موجود فى اى وقت
حبيبه بجديه وقت لم تحب تتكلم عارف انا موجوده فين وتشرف فى اى وقت
ياسين بتنهيده تمام ابقى طمنيني على مالك
حبيبه حاضر
اغلق
وظلت هى شارده بحديثه إلى ان افاقت من شړوها على صوت رنين هاتفها حدثت والدة مالك بقلق واخبرتها الاخيره انه غادر غرفه العمليات الآن وان العمليه تمت بنجاح وسوف ينزعو الرباط الطبي خلال اسبوع من الآن لتاكد من نجاح العمليه 1
فرحت كثيرا من أجل الصغير وتمنت له الشفاء العاجل والعوده من جديد إلى وطنه
اقتحم مكتب صديقه فجأه
مجد بجديه ياسين وأنا بتابع كام ورقه فى مكتب والدك وقع فى ايدي صوره من محضر النيابه
ياسين بقلق بتاع ايه المحضر ده
مجد بحزن حاډثه عربيتك إللى حصلت من 3شهور والحاډث اتقيد ضد مجهول
ياسين باستغراب مش فاهم هى مش حاډثه عاديه وقضاء وقدر وانا السبب ولا ايه
مجد بجديه أنت مالكش دخل فى اى حاجه والحاډثه مدبره وبفعل فاعل
ياسين پصدمه بتقول ايه
الفصل الثاني والعشرون
عشقتك قبل رؤياك
بقلم فاطمه الألفي
شعر باهتزاز الارض حوله عندما اخبره صديقه بأن الحاډث الذي تعرض له هو وزوجته مدبر فمن يفعل به هذا وهل يصل العداوه إلى القټل بهذه السهوله ظل يحدث نفسه بتوهان
تدخل مجد واخرجه من صمته ياسين احنا لازم نفتح التحقيق في القضيه
ياسين بتشتت عاوز اعرف كل حاجه عن المحضر ده وازاى لحد دلوقتي معنديش علم بيه
مجد بضيق مش عارف نكلم والدك ويجى يحكيلنا إللى حصل
ياسين بحزن اتصرف انت انا مش قادر أكلم حد
هاتف مجد والد ياسين واخبره بما حدث وجاء على الفور فى غصون دقائق توجهه إلى مكتب ولده
دلف محمد لداخل المكتب بقلق خير يا ولاد في ايه
مجدخير يا عمي اتفضل استريح الاول
جلس محمد وهو ينظر بحزن لابنه الذى تبدل معالم وجهه بحزن دفين
مجد فى محضر عن حاډثه ياسين ومكتوب انها حاډثه مدبره وبفعل فاعل والمحضر اتحفظ
ياسين عاوز افهم كل حاجه ارجوك يا بابا
محمد حاضر يا بني هفهمك بعد الحاډثة بكام يوم جالي ظابط وطلب يقابلني وعرفت بعد معاينه العربيه وعرضها على الطب الشرعي اثبت ان فرامل العرببه مقطوع بفعل فاعل والحاډثه مدبره مش مجرد حاډثه عاديه وفتحنا محضر تحقيق بس كان لازم استجوابك وانت كنت فى غيبوبه ومش داري بالدنيا وندى الله يرحمها فتقفل المحضر على كده
ياسين لازم أعيد التحقيق وفتح القضيه ومش هتنازل عن حقي وحق مراتي
مجد تعالى معايا لازم نتصرف ونقابل الظابط ونتكلم معاه عاوز افهم المفروض نعمل ايه ومين عمل كده وليه مصلحه يخلص مني بالطريقه دي
مجد بحزن مالكش أعداء فى الشغل حد عاوز يبعدك من طريقه عشان يملك هو السوق
ياسين بضيق ماتوصلش للمۏت يا مجد عندنا منافسين كتير بس التفكير الاجرامي ده محصلش قبل كده
نهض مجد وربت على كتف صديقه وساعده أيضا على النهوض
اطمن كل حاجه هتبق تمام وأنا معاك ومش هسيبك قوم بينا نقابل الظابط ونشوف مطلوب نعمل ايه عشان نفتح التحقيق من جديد وأن شاء الله حقك وحق مراتك راجع
ياسين بحزن بعد ايه هى ندى هترجع تانى ولا حياتي إللى ادمرت فجأه هترجع تانى سعيده زى الاول كل حاجه راحت خلاص
مجد بثقه خلي عندك أمل يا اخى وثقه فى الله ان حقك راجع حتى ولو بعد ايه كمان
لازم تشيل الذنب من على كتفاك مش ذنبك إللى حصل ولا غلطتك فى فقد مسيطره على العربيه ومش انت إللى موتت مراتك لأن كان هيحصل هيحصل والحاډثه مقصوده بلاش تانب نفسك اكتر من كده
سار بجانب صديقه غادر الشركه معا واستقل السياره بجانب مجد ليتوجهو إلى قسم الشرطه لمحاوله فتح ملف القضيه والتحقيق بالأمر مره اخرى
أخبرت ريم والدتها بأمر عمار فرحت لها وطلبت مقابلته والحديث معا أولا ثم تفكر بالأمر وتعطيه رائيها الاخير وبالفعل أخبرت ريم عمار بأن والدتها تنتظره اليوم فى المساء لتتحدث معه وتتعرف عليه وافق الاخير وشعر بالفرحه والسعادة من أجل اتمام تلك الخطوه
حاول البحث عنها فلم يجدها اقسم أنه لن يتركها وسوف يظل أمام اعينها إلى ان تشعر به وتنجذب له كما هو انجذب إليها ببراءتها ونقاءها ظل يتردد على النادي ويبحث عنها لعله يراها ولكن أبت كل محاولاته بالفشل لم يعلم لها
عنوان فجال بخاطره فكره وقرر التنفيذ وعدم الانتظار اكثر من ذلك
داخل قسم الشرطه التابعه لمنطقه مدينه زويد عندما وقعت الحاډث
استعلم عن وجود الضابط الذى حقق بالامر وتوجهو إلى مكتبه طلبو مقابلته رحب بهم الضابط خالد البنداري
اخبره مجد باعاده فتح التحقيق لان ياسين الآن فاق من غيبوبته ويريد جلب حق زوجته الذى هدر هباء بدون رحمه ولا شفقه ولا ثمن
استمع خالد لهم بانصات وقدر حاله ياسين فهو زوج وفقد زوجته قرر أن يساعدهم ولكن ودي ليس من حقه فتح قضيه قد غلقت الا بوجود اثبات قوى ودليل قاطع على وجود وادانه الجاني وهذه القضيه ليس بها اى جديد لذلك قرر مساعدتهم شخصيا فقد تاثر بما حدث لياسين بسبب تلك الحاډث خسر زوجته وبصره معا
خالد بجديه زى ماقولتلكم لازم تتهم حد بعينه ويكون معانا اثبات بادانته وتورطه فى الحاډثه ونفتح ملف التحقيق من جديد عارف حضرتك هتوجهه تهمه لمين
ياسين بنفي لا مااقدرش اظلم حد معين بس كده حق مراتي ضاع
خالد بتعاطف لا اطمن انا معاك وهنحاول نلاقي حل انا هشتغل على القضيه من جديد لحد لم نلاقى اثبات قوي نقدر نمسكه وانا هتابعها شخصيا بدون علم اى حد لأن غلط قانونا أفتح اعاده تحقيق بدون ادله كافيه ومحتاج مساعدتكم
مجد احنا تحت أمر حضرتك طبعا
خالد هنشتغل بسريه تامه وياريت ماحدش من اهل حضرتك او اهل المدام يعرف بخبر فتح القضيه ولا التحقيق السري عشان الكلام مش يتنشر والجاني يامن نفسه وساعتها يكون صعب نوقعه
ياسين بجديه اطمن ماحدش يعرف باللي حصل ولا بالكلام إللى دار بينا
خالد اتفقنا ده الكارت بتاعي الخاص وهنتواصل دايما مع بعض اى جديد لازم اخد خبر بيه وماحدش يتصرف من دماغه تمام لازم ترجعولي الاول
ياسين تمام
خالد فى حاجه كمان العربيه تخص حضرتك والمقصود حضرتك تحب تقدم طلب حراسه
مجد ياريت كده فعلا ياسين حياته فى خطړ
ياسين لا انا مش عاوز اى حراسه افتكر بحالتي دي مش فارق مع إللى عمل كده
خالد على العموم لو غيرت رايك فى اى وقت انا تحت امرك وهامنلك الحراسه الكافيه
صافحه ياسين وشكره وغادرو قسم الشرطه طلب من صديقه ان يتوجهه إلى الأكاديمية يريد ان يتحدث مع حبيبه فهو يشعر بالاختناق منذ أن علم بالحاډث
نفذ رغبته واستقل السياره واتجه إلى مقر الأكاديمية
ترجل من سيارته أمام شركه الشامي للمعمار وسار فى طريقه بكل ثقه إلى ان طلب مقابله حازم الشامي وابلغ السكرتريه بهويته
عندما علم حازم بوجوده وافق على مقابلته ولكن استغرب زيارته المفاجئه وهو ليس بينهم اى تعامل سوا انه صديق شقيقه
طرق سامر باب مكتبه وعندما اذن حازم بالدخول
دلف لداخل المكتب وهو يرسم على وجهه ابتسامه ترحيب صافح حازم وطلب منه الجلوس
حازم بابتسامه تشرب ايه بقى يا سامر أنت اول مره تشرفني مكتبي
سامر
شاء الله مش تبقى الاخيره بس ممكن ناجل الشرب لبعدين
لم يفهم حازم حديثه المبهم ولكن استمع له
تحدث سامر بجديه الحقيقه انا جاى لحضرتك فى موضوع شخصي جدا وماحدش غيرك هيساعدني فيه
حازم باهتمام خير يا سامر انا لو فى ايدي حاجه مش هتاخر طبعا
سامر بثقه وانا واثق انك تقدر بصراحه
يا حازم انا الحمد لله غيرت طريقه حياتي وبدور على استقرار وموضوع السهر والشرب ده كانت مرحله وعدت الحمد لله
حازم بجديه دى خطوه كويسه جدا انت شاب وصغير ولازم تبص لحياتك من منظور تاني غير السهر والشرب وكل الحاجات الطايشه دى وطبيعي تفكر فى الاستقرار بس انا مش فاهم مطلوب مني ايه
سامر بابتسامه بصراحه مبسوط عشان يوسف استقر وربنا يسعده فى حياته وزى ماتقول كده غرت منه وقولت اعمل زيه وعشان اختار صح وانسانه كويسه وتقف جنبي وتساندنى امشي فى الطريق الصح مالقيتش غير الانسه حبيبه نعم الادب والأخلاق وماخبيش عليك انا معجب بيها واتمنى تكون شريكه حياتي ونبدا خطوه خطوه مع بعض
حازم پصدمه حبيبه
سامر بجديه واتمنى حضرتك تقف جنبي وتدعمني وتكلم الانسه حبيبه نقعد مع بعض قبل ماترفضني فى حاجات كتير لازم نتكلم فيها الاول
حازم بذهول واحده واحده عليه يا سامر انا نفسي مستغرب طلبك ده وماتاخذنيش يعني انا لازم اقتنع بيك مش هسلمك اختي كده وانا اصلا عارف كل مصايبك انت ويوسف ومش واثق اصلا فى تغيرك المفاجئ ده
سامر انا بقيت اشتغل ومتكفل بنفسي وعندى شقتي الخاصه وكمان اشتغلت فى شركه مهمه واوعدك هيكون صادق وقد كلامي انا فعلا اتغيرت ونفسي استقر بجد واعيش حياتي وأنا لو لسه زى ما انا اكيد ماكنتش فكرت فى الجواز ولا الاستقرار بس صدقني إسألي عني كمان وهتعرف ان صادق فى كل كلمه بقولها
حازم بجديه طيب يا سامر انا هبلغ صاحبه الشأن وهى تقرر بتفسها مستعده تقابلك ولا ننهى الموضوع خالص
سامر بتوسل ارجوك يا حازم خليها تديني فرصه ونتكلم مع بعض وفى وجودك عشان تطمن
حازم ماشي يا سامر سبلي الموضوع ده وهرد عليك ربنا يقدم إللى فيه الخير
استاذن سامر وغادر الشركه واستقل سيارته وهو يشعر بانه اتخذ الصواب وقرر أن يغلق صفحته مع عشيقته قرر غلق الماضى بلا رجعه وعليه انهاء علاقته بشهد وان ينظر لحياته بمنظور اخر بدون أن يلاحقه ماضيه بكل ما في من مصائب ومشاكل وقرر أن ينتظر قدوم شهد لانهاء العلاقه المحرمه التى جمعت بينهم ليرا كل منهما حياته بعيدا عن الاخر
وصل أمام الأكاديمية وساعده مجد على الترجل وامسك بيده وسار داخل الحديقه بحث مجد عن وجودها وجدها تجلس وحيده على طاوله خاصه بها همس مجد بجانب اذنه
حبيبه قاعده لوحدها هناك هوصلك عندها وارجع الشغل ولم تحب تروح اتصل ماشي
ياسين مجد مش عارف اقولك ايه بجد تعبك معايا
مجد بابتسامه يربت على كتفه عيب إللى أنت بتقوله يا ياسو احنا اخوات وعشره عمر ربنا يخليك ليا يا صاحبي
وصل أمام حبيبه وغادر مجد المكان
تنحنح ياسين فنظرت له باستغراب ياسين اتفضل اقعد واقف ليه
جلس امامها وهو يشعر بالضيق عامله ايه اطمنتي على مالك
حبيبه اه الحمد لله اسبوع ويطمن على نجاح العمليه
ذفر بضيق
وظل صامتا شعرت هى بضيقه وعلمت أنه يخفي شئ
مالك يا باشمهندس شكلك مضايق فى حاجه حصلت
ياسين بتنهيده في كتير يا حبيبه
حبيبه بحزن طب قولي حاجه من الكتير
قص عليها كل ما حدث عندما علم بحقيقه الحاډث وتوجهه إلى قسم الشرطه ومحاولته لاعاده فتح التحقيق إلى ان انتهى الأمر بمساعدة الضابط على مسئوليته الشخصيه وان يتم التحقيق فى سريه تامه من أجل سلامه ياسين وحمايته
استمعت له باهتمام وشعرت بالحزن الذي يسكن قلبه وارادت ان تخفف عنه
عرفت انك مش سبب اساسي فى إللى حصل وأن كمان كل واحد مننا ليه عمر محدد من لحظه الولاده للحظه خروج الروح ماحدش يقدر يمنع أمر ربنا وربنا بيثبتلك دلوقتي ان إللى حصل مش ذنبك ومش تفضل فى تانيب الضمير كده كتير ربنا حب يريحك من عڈاب الضمير والحمل إللى أنت شايله ومحمل نفسك مسئوليه خساره زوجتك احيانا يا ياسين ربنا بيبعتلنا اى اشاره عشان توصلنا لحاجه أهم وكمان عشان تقولك انك ماشي صح فى طريقك ماحدش بياخد الروح غير ربنا وربنا بيقولك ارضى باللى انا كتبهولك مهما كان الابتلاء عليك بالصبر والرضا بقضائه
ياسين بحزن انا راضي بقدري ونصيبي وعمري ما سخط ابدا على حاجه حصلتلي طول حياتي
حبيبه يبق تقوي وتعرف مين ليه
مصلحه فى الحاډثه وتفكر كويس فى اعدائك اكيد هتوصل وكده هيتحاسب وترجع حقك وحق مراتك واكيد ربنا هيبعتلك اشاره توصلك للجاني الحقيقي عشان ربنا مايرضاش بالظلم وكل شخص هيتجازه ويتحاسب على اعماله
إذا كان خير او شړ لابد والحق يظهر في يوم
ياسين بابتسامه متتصوريش كلامك بيريحني قد ايه
حبيبه بابتسامه انا فى الخدمه يا هندسه
ابتسم لها بود وشعر براحه وسکينه داخليه بسبب كلامها البسيط الذي دخل قلبه مباشرة بدون اى حاجز أو قيود
صدع رنين هاتفه ووجدت المتصل شقيقها الأكبر
استاذنت ياسين لتجيب على الهاتف وابتعدت عنه قليلا
ايوه يا ابيه إزيك واحشني اوى
حازم بمشاكسه لو واحشتك يا بكاشه كنت شوفتك المهم عامله ايه
حبيبه بابتسامه زى الفل الحمد لله عمو كويس
حازم كلنا كويسين اطمني انا فى حاجه حصلت كده عاوز أخد رأيك فيها
حبيبه بقلق خير حصل ايه
حازم بضحكه قويه ماكنتش اعرف انك كبرتي يا بنوتي وجالك عريس يطلب ايدك مني
حبيبه بضحكه رنانه عريس هههه ومين بقى تعيس الحظ
حازم بجديه تعيس ايه يا مجنونه ده هيكون أسعد واحد فى الدنيا إللى هتكوني من نصيبه بس كلام فون كده ماينفعش لازم اتكلم معاكي بصي خمس دقايق واكون عندك اوكيه
حبيبه بجديه اوكيه مستنياك
اغلق الهاتف وهى تفكر بأمر ذلك العريس وتسئل نفسها هل تعرفه ام انه صديق لشقيقها وأين رآها ليطلب طلب كهذا
استمع ياسين الى كلمتها التى هزته من الداخل عندما تفوهت بكلمه عريس شعر بالضيق كاد أن يختنق وشعر بعاصفه تهز كيانه من الداخل
اقتربت بهدوء وجلست مكانها تشعر بالاضطراب بسبب حديث حازم عن ذلك العريس التى لاتعلم له هويه
ياسين بتوتر فى حاجه يا حبيبه
اراد ان يعلم ما الامر
حبيبه وهى تنظر امامها تتفقد قدوم حازم اجابت بتردد لا مافيش حاجه انا كويسه
ياسين بغيظ متاكده مش بضغط عليكي بس لو حابه تتكلمي انا موجود وهسمعك كويس زى مابتسمعيني
حبيبهلا بجد بس مافيش حاجه مهمه ابيه حازم جاي دلوقتي وعاوز يتكلم معايا
ياسين بضيق اممم تمام
فجأه توقف حازم امامها بابتسامته المعتاده حبيبه قلبي
واحشتيني يا بيبو
حبيبه بابتسامه وانت كمان واحشني ولولي وعمو وانجي كلكم واحشيني
انتبه حازم لوجود ياسين اقترب منه يصافحه وجلس جانبه
إزيك يا باشمهندس عامل ايه
ياسين بابتسامه الحمد لله بخير
حازم حابب اطمنك المشروع ماشي تمام وخلال شهر هنسلمه
ياسين بامتنان مش عارف اشكرك
حازم بجديه ماتقولش كده ده شغلي واتفقنا من البدايه
هستاذنك اخد منك حبيبه دقايق اسف ان هعطلكم عن جلسه العلاج
ياسين بخجل انا خلاص هتصل بمجد يوصلني انا خلصت كلامي مع حبيبه
حازم باهتمام انا ممكن اوصلك بنفسي مافيش داعي تكلم مجد وانا موجود
ياسين باحراج مافيش داعي اتعبك معايا
حازم باصرار ماتقولش تعب تاني احنا شركه وبينا شغل
سحب حبيبه من يدها وسارا سويا يتحدث معها بأمر العريس
وترك ياسين يشتعل بالغيره يريد ان يعلم عن ماذا يتحدثون وما امر ذلك الدخيل الذي يريد أن يتزوج من
لا يعرف بماذا يطلق عليها اهى صديقه ام حبيبه ام شخص يهمه والى اي درجه تهمه ماذا يطلق عليها
ابتسم حازم وهو يخبرها بالشخص الذي يريد أن يخطفها ويبعدها عن عائلتها قص لها كل ماحدث قبل ساعات عندما آت سامر لمكتبه وحدثه عن سبب تغيره المفاجئ وعن نيته بالزواج من حبيبه
جحظت عيناها پصدمه عندما نطق اسم ذلك السمج التى تبغضه وتريد أن تفتك به إذا رأته
حبيبه پغضب سامر اخر شخص ممكن افكر فيه ومافيش داعى اصلا لتفكير فيه من فضلك يا أبيه ماتجبليش سيرته تاني كونه اتغير مااتغيرش فده لنفسه مش ليا إذا كان صادق فعلا
حازم خلاص أهدي و بلاش عصبيه اعتبريني ماقولتش حاجه وأنا هنهي الموضوع ماتقلقيش
حبيبه بضيق يكون احسن بردو
قبل جبينها انا معترض عليه بس حقك لازم ابلغك واسمع ردك المهم لازم امشي واوصل ياسين فى طريقي خلي بالك من نفسك يا حبيبتي
ابتسمت له بحب وودعته اصطحب ياسين فى طريقه لكى يقله إلى فيلته وهو داخله براكين مشتعله يريد ان يعلم كل شيء وعن ماذا تحدث لكى يقنعها بهذه الزيجه وماذا عن ردها هل توافق على
مقابلته ام انها تعرفه من قبل ظل فى حيره من أمره والقلق ېقتله وليس من حقه التدخل بحياتها الخاصه
دلف لغرفته وشعر بالاختناق خرج على الفور وهو يهتف إلى والدته
اسرعت غاده تتفقده وجدته مازال يقف على اعتاب غرفته
ياسين مالك يا حبيبي ايه موقفك كده
ياسين بتنهيده الم مش قادر يا أمي افضل فى الاوضه عاوزك تنقلي كل هدومي للغرفه التانيه بعد اذنك
غاده بحزن حاضر يا حبيبي استريح فى الروف دقايق بس وكل حاجه هتكون جاهزه
طلبت غاده من الخادمه تجهيز الغرفه المجاوره ونقل كل شئ يخص ياسين للغرفه الاخرى وفى غصون ثلاثون دقيقه كانت الغرفه مجهزه
ربتت على كتف ابنها الشارد كعادته منذ رحيل زوجته الاوضه جاهزه يا حبيبي ادخل استريح
على مااحضر الغدا وانا إللى طابخه بنفسي عامله كل الأكل إللى بتحبه
قبل يدها بحب تسلم ايدك يا ست الكل
يحاول أن يمنع نفسه من التفكير بها ولكن لم يستطيع فقد استحوذت على كل تفكيره
اخرج هاتفه وقرر الاتصال بها
جاء الرد خلال ثواني بصوتها الرقيق
الو
ساد الصمت فقط يستمع لنبره صوتها ولا يعلم اين يبدء حديثه
شعرت بالقلق عندما استمعت لصوت انفاسه دون أن يتفوه بكلمه
عادت على مسامعه بصوت قلق ياسين انت كويس مش بتتكلم ليه
اخرج ذفيرا قوي وتحدث بتردد هو سوال ممكن اعرف اجابته
حبيبه بجديه اكيد اتفضل اسأل
ياسين وهو يقضم على شفاه عارف مش من حقي ادخل بس مش قادر امنع نفسي من السوال
حبيبه بعدم فهم مش اعرف ايه هو السوال الاول
بتر عبارته بدون مقدماتممكن اعرف ردك كان ايه بخصوص العريس
استغربت معرفته وصمتت قليلا تحاول استيعاب الموقف
شعر هو بالانكسار بسبب صمتها وكاد أن يغلق الاتصال ولكن جاء صوتها الحاني
رفضته طبعا عارف ليه عشان صاحب يوسف وشبه يوسف وصعب جدا نلتقى فى مكان واستحاله أقبل بيه مهما كان حصل تغير فى حياته أو لا
تنهد بارتياح وابتسم بهدوء وودعها بسعاده واغلق الهاتف القاء جانبه على الفراش و ارتسمت الابتسامه على ثغره براحه أمل حياه جديده وضع يده مكان قلبه الذي ينبض بقوه واغمض عيناه ليذهب إلى أحلامه الورديه ويتخيل تفاصيل وجهها الذي رسمه بقلبه وطبعت حروف اسمها داخله
اما عن حبيبه نظرت للهاتف بغرابه لم تفهم بعد لم اغلق فجأه وما السبب الحقيقي وراء تلك السوال
حدثت نفسها معقول لا مش معقول بس ليه اهتم وسأل حاجه زى كده اكيد عشان انا اهمه
بس اهمه لاي درجه طب هو حس بيه غيران عليا خاېف اضيع منه ولا ايه
انا مابقتش فاهمه حاجه فى اى حاجه بس ممكن ليه لا
اوووف ايه إللى انا بقوله ده ياسين مابيفكرش غير فى ندى وبس وصعب يفكر فى حد غيرها بس حسيت من طريقه كلامه احساس غريب اه لو يعرف ان بحس بيه من غير كلام مجرد اشوفه اعرف ملامح وشه مخبيه ايه جواه وبعدين بقى ليه قلبي محتار معاك كده
أكره هذا الشعور وأنا أري نفسي تائها لا أدري أي طريق أسلك هذا ما يسيطر عليا في لحظة الحيرة فحين أتذكر في حياتي لحظات الحيرة أجد التوتر يملؤني نعم خسړت كثيرا بسبب تلك اللحظات فأنا أمام حيرتي أجد نفسي وكأنني في الظلام أحتاج لمن يضئ لي الطريق لأخرج الي النور لحظة الحيرة قاسېة كم تمنيت لو لأن لأنتهت ولو بقرار خاطئ
لكن الواقع يقول أن كل مشكلة تواجهنا يأتي معها حلها وأن كل لحظة حيرة لها بداية ويجب أن يكون لها نهاية والأزمة الحقيقية هي البقاء في مستنقع الحيرة والأضطراب واللاقرار فاللهم دبر لنا فان أمورنا تجري كلها بحكمتك المطلقة وساعدنا يا الله على حسن الأختيار ببصيرتك وعلمك فليس لنا رب سواك
الفصل الثالث والعشرون
عشقتك قبل رؤياك
بقلم فاطمه الألفي
بعد مرور اسبوع
تمت خطبه ريم وعمار فى جو هادئ بمنزل والدتها بحضور الاهل والاصدقاء
ظلت حبيبه جانبها بهذا اليوم وهى تشعر بالسعاده من أجل صديقتها الوحيده
فى المانيا بالمشفى
بعد ان نزع الطبيب الغمامه التى تغطي عين الصغير وفحص عيناه بالليزر الطبي تأكد الطبيب من نجاح العمليه
وعاد مالك يرا نور الحياه الذي افتقده وكاد أن ينساه خلال العام الذى لم يرا به سوا الظلام بشده ولكن كانت دموع الفرح والشكر لله عز وجل ان يتم شفاء فلذه كبدها ويسعد وينعم بالحياه من الجديد
قررت أن تهاتف حبيبه على الفور واخبارها بنجاح العمليه وان تشكرها بكل ما فعلته من وسعها لانقاذ طفلها من اشياء كثيره كانت هى المتسبب الأول والاخير به ولكن تحمد الله على تقربه منها والإفصاح عنها وأن يترك الماضى بكل المه واحزانه
عاد يوسف وزوجته من قضاء شهر العسل استقبلتهم والدته بترحاب شديد
وصعدو إلى جناحهم الخاص
شعرت شهد بالضيق من استقبال عائلته فهى تعلم أن الجميع لم يتقبلها ومنهم من اعترض على تلك الزيجه
وعندما دلف يوسف للمرحاض لينعش جسده تحت المياء اسرعت تخرج هاتفها لكى تتصل بعشيقها فقد اشتاقت له وتريد أن تلتقى به
فى ذلك الوقت كان يجلس بشقته الخاصه وهو فى كامل غضبه بعد ان اخبره حازم برفض حبيبه
الزواج منه رفضت أيضا أن تلتقى به فقد كان رفضها رفضا قاطع لن يتحمل باى جدلا او نقاش
كان ثائر يريد ان يتحدث معها مره واحده لتعلم أنه حقا صادق بمشاعره وأصبح
اسلوبه الفج معها وطريقته الوقحه التى كان دائما يطاردها باسلوب لا تعلمه فهى فتاه نقيه برئيه لم تعلم بالخبث
والآن يدفع تمن خۏفها منه ظل يفكر فى الخطوه القادمه يريد ان يعلم اين توجد ليذهب ويتحدث معها فهو اقسم على إلا يتركها بعد ان سړقت
