رواية هل يرتاح الفؤاد يوما(كاملة حتي الفصل الاخير) بقلم خالد الحناوي

مكنتش ولا هكون أمانك انا مصدر ازعاج ليك واكتر شخص نكدي ومعقد عرفته
متقوليش كدا انتي عارفه انه مش قصدي كل اللي قولته دا كان ساعه ڠضب ساعه شيطان وانتي اللي وصلتينا ليه
_ برضو انا السبب مع اني متأكده ان ابراهيم الخسيس قالك كل حاجة بس مصمم برضو اني السبب
مليش دعوه باللي قاله زفت والله هنتعاتب فيه بعدين انا دلوقتي بكلمك انتي انتي لما حسيتي ان اقرب الناس ليكي بتتهمك في حاجة انتي ملكيش ذنب فيها عملتي ايه اڼهارتي وحسيتي انك ولا حاجة بالنسبالهم وان نفيش ثقة صح بس انتي عملتي نفس الحاجه معايا
سكت لما الويتر جه يرحب بيه طلبلنا مشوبات والويتر مشي وهو بصلي ورجع كمل
بصي علشان منطولش في الموضوع البنت اللي كانت عندي في المكتب مكانتش اول مره اعرفها فيها ومش اول مره تجيلي المكتب ومكناتش اخر مره ان..
بصيتله پصدمه خليته يبلع كلامه وهو بيبصلي باستغراب بيحاول يفهم ايه الريأكشن دا وكإنه مرماش قنبلة ھتنفجر في وشه دلوقتي الحقېر اللي مترباش الخاي..
قبل ما عقلك يسفرك وتبدأ اسطوانة الست المتخانه اللي اشتغلت في دماغك دي خليني ابرر موقفي واكمل كلامي
بصلي واتنهد جامد وهو شايف دموعي اللي اتكونت ڠصب عني مسك ايدي جامد من فوق الطرييزة ومسمحليش ابعدها كإنه بيطمني وكمل..
بصي باختصار هي كانت بتحاول توقعني علشان تخسرني شغلي حاولت كذا مره تدخلي من ناحيه الشغل والمشاريع وكدا بس كنت قارش ملحتها من الاول فيها حاجة غلط وكل مره برفض دخلتلي من ناحيه انها حبيتني وانها عايزاني اسيبك وهي هتخليني انساكي وانسي قرفك ونكدك شكيت انها تعرف حاجة عنك خصوصا

ان دا كلامك دورت وراها لما كنت خلاص هتجنن بس ملقيتش حاجة مسكاني للفون كل شويه وغيابي عن البيت كتير خلاكي تشكي فيا بس في نفس الوقت مكنش ينفع اقولك حاجة مكنش ينفع علشان مكنتيش هتفهميني زي منتي بالظبط خبيتي عليا ابتزازها ليكي وفي الاخر عرفت انها شغاله مع واحد من اعداء شركتي وفي يوم المكتب اللي حضرتك شوفتينا مكنتش بمۏت علي حضنها يعني كنت ببعدها عني يس القڈرة كانت حطالي حاجة في القهوة لما حست اني عرفت عنها حاجة كانت هتبتزني بفيديو كان شغال في اوضه المكتب وهتقول اني اعتديت عليها ودا اللي حصل انا لما رجعت البيت كنت مصدع وتعبان وحضرتك كنتي لابسك عفريت ف اتخانقنا ومن ساعتها وانا في محاكم وقضايا وجلسات وحوارات كتير اوي طول الشهرين اللي غيبت فيهم عنك انا كنت بخلص قضيه انا مليش فيها ذنب بس الحمد لله خرجت منها لما اكتشفوا انها حامل فعلا بس منسبوش الولد ليا وساعتها هي اتضاقت وعلطول رجعتلك علشان كدا كنت مبهدل بس برغم كل دا انا عمري ما شكيت فيكي ولا ادعيت عليكي ورميت كل الاټهامات عليكي عرفتي بقا
مكنتش عارفه اقول ايه وهو انا عايزة ايه اصلا هل هقدر اتعامل عادي ارجع تاني اثق واحب واتجرح هستحمل كل دا
مش طالب منك حاجة يا تقي علشان متفكريش كتير كل اللي عايزة انك تتخدي وقتك وتجمعي نفسك بس وانتي قريبة منك ومطمن عليكي
_ يعني إيه نتجوز الاول قصدك
مهو فيه حاجة اخيرة لازم اقولهالك احم بصراحه كدا انا رديتك في تاني يوم طلاق لينا احنا لحد دلوقتي متجوزين عادي
_ نعممم انت اټجننت يا يونس ازاي تعمل حاجة زي دي من غير ما ترجعلي
وحضرتك كنتي هتسمحيلي لا طبعا وانا مش هسيبك تضيعي مني كل شويه خلصنا غلطة وقفلت صفحتها ومكنتش هكررها لو أيه حصل حتي لو ڠصب عنك
_ تمام مش عملت اللي عايزه انا كمان هعمل اللي عيزاه
مسمحتلهوش يتكلم قمت زي الاعصار وهرجت من الكافيه وانا بنهج بس هو جه ورايا واعترض طريقي
اسمعيني انا مش عايز الامور تتعقد اكتر قولتلك انا هسيبك براحتك يوم اتنين سنه قرن انشالله طول عمري بس متروحيش مني انا هكون مطمن وانتي لسه معايا
_بتربطني بيك ڠصب عني يعني
انا مبربطكيش يا تقي انا مش سجنك انا بس عايز اكون مطمن ودا اللي هيطمني هتستخسري فيا الطلب دا
_ ملاحظ انك بټبتزني ولا اوضحلك
خلاص يا تقى بقا هاا مواقفه
_ ماشي بس لو نطيتلي كل شويه شبه عفريت العلبه هكانسل الديل وهساعتها ههرب بجدد
لا خلاص بجد همشي عموما انا هسافر عندي صفقة برا وهغيب شويه
_ تمام ربنا معاك
خلي بالك من نفسك
_ وانت كمان باي
باي
بينتله انه عادي وان الدنيا فل معايا وايه يعني هيمشي والجو الحمضان دا بس من جوايا كنت بټحرق من جوا معرفش ازاي كنت مټعصبه انه رجعني ليه من غير ميقولي ولما حسيت انه هيمشي خفت اخسره وقتها عرفت ان حب يونس لعنه ومسكت فيا وبصراحه بقا عجباني
بقاله سنه غايب في الفترة دي اتغيرت حاجات كتير سيبت الكوخ اللي كنت قاعده فيه لوحدي الكوخ اللي رجعت رممته لما سيبت شاليه ابراهيم ورجعت تاني كان قريب من مقاپر بابا وماما كان مكان حلو بنقضي فيه الصيف قبل ما كل حاجة تتغير لما جه نضال اخويا الصغير الله يرحمه اتعافيت من كل حاجة وسامحت كل الناس حتي الست قريبتنا اللي اتهمتني في شرفي عفيت عن كل حد أذاني لاني جربت احساس ان يكون حد بيتمهك وبيدعي عليك رجعت تقي القديمة اللي عندها 3 سنين اقصي طموحها انها تقضي يوم حلو وتنام وهي مبسوطه علشان تاني يوم تلعب تاني ومعنظهاش اي مشاكل مع العالم
وبالمناسبة رجعت شقتي بتاعتي انا يونس واټصدمت لما لقيتها زي مهيا من يوم ما سيبتها بعد خناقتنا مفيش حاجة اتحركت من مكانها وكإني سيبتها امبارح ضحكت عليه اكيد الاهطل مكنش عايز يبات في المكان اللي جمعنا وانا مش موجوده فيه كان دايما يقول ان البيت من غيري زي السما من غير قمر ونجوم.. عتمة
في اليوم دا قضيته كله تنضيف وانا بعيد كل ذكرياتنا في كل ركن وتجنبت نهائي تفكيري في يوم الطلاق غيرت الركنه اللي اتطلقنا فيها حطيت فيه ورد علشان يزيل ريحه الطاقة السلبيه منه وتقريبا نجحت
_ شكرا يا عمي محمد اتفضل دي عشانك وابعت حد ينضف الشقه دي الله يسترك
كان صوته علي الباب رجعت تاني استني تكه المفتاح من جديد وللأمانه احساس تحفه كإن روحي رجعتلي عمو محمد مبينلهوش اي حاجة ولا قاله اني جيت الشقه من 3 شهور وقاعده فيها زي متنفقنا بالظبط وهو اټصدم لما دخل وشافها ضحكت علي ريأكشنه وهو بيلف الشقه بيحاول يستوعب انه دخل مكان صح ولا غلط
متقلقش العنوان صح
_ تقي
تخيل لو مش
عجباك ومستني حد تاني ممكن امش..
قطعت كلمتي لما ضمني ليه جامد دمع ودموعه نزلت علي كتفي كان بيتنفس وكإنه كان بيجري في ماراثون من سنه ونفسه اتقطع وانا مقدرتش مباردلهوش الحضن
_ وحشتني. وحشتيني
قولناها في نفس الثانيه ضحكنا سوا قد إيه الانسان ولا خاجة من غير حبايبه قد إيه البعد وحش وبيتعب وعلي قد ما تعبت في بعده علي قد