رواية هل يرتاح الفؤاد يوما(كاملة حتي الفصل الاخير) بقلم خالد الحناوي
الاول كتمت دموعي وانا بتجه ناحيه اوضتي او بمعني اصح سجني سجني اللي فرضته علي نفسي بنفسي ومش عارفه اخرج منه وبصراحه عمري ما حاولت!!
صحيت تاني يوم المغرب كنت نايمة بقالي 14 ساعه وقايمة مصدعه حاسه اني عايزة انام تاني مش قادرة افتح عيني ومليش نفس اروح البحر ولا حتي اخرج برا سريري بصيت علي الفايلز اللي عايزة تتسلم في الشغل تقارير مرضى وشغل العيادة وورشه الرسم الي نسيت عنوانها اصلا ورواياتي اللي مكملتهاش بقالي شهور.. من لما بدأت مشاكلي مع يونس!! دايما مودي وحياتي متعلقة بوجوده حاولت احارب الاحساس دا بس مشكلتي الازليه اني عمري ما كملت حاجة للنهاية وعمري ما كان عندي ارادة اني اوصل للأخر واقفة في نص الطريق ببكي علي اللبن المسكوب بدون أي ريأكشن لأي حاجة ...
وصلت الشغل بعد 6 شهور و اسابيع ويومين من طلاقي من غيابه عني الموضوع اخد مني سبع شهور إلا أيام علشان ارجع اعيش من تاني مش مستغربة منا طول عمري باخد وقت في كل حاجة طول عمري بدي للحاجات حجم اكبر من حجمها طول عمري ساذجة..
دخلت للمدير سلمت التقارير المتأخره واستلمت شغلي زمايلي كانوا مستغربين شكلي او ممكن شكلي عادي بس مستغربين وجودي بس مش فارق تأقلمت علي موضوع النظرات دا من زمان أوي من زمان أوي من أيام الابتدائي مثلا..
عدى اول يوم بسلام مش بسلام أوي يعني منا مسلمتش من كومنتات الممرضين طول الشيفت وقد إيه بقيت هزيلة بعد الطلاق وقد إيه انا ست خايبه ومكانوش متوقعين حاجة غير طلاقي في النهاية واضح ان سيطي مسمع حتي المړضي اللي دخلولي زي ميكونوا متسلطين عليا تعبت من كل حاجة بس المرة دي لازم اكمل منا مش هفضل
_ دكتور ابراهيم
اهلا اهلا بالست اللي بنشوفها كل سنه مره ولا كإنها هلال رمضان اتفضلي اقعدي
_ منا جيت اهو لسه خارجة من الشغل علي هنا علطول
اوهو دا فيه تحسن اهه شغل وخروج من البيت لا وكمان جيتي العيادة من غير ما ازن عليكي واټخانق في التليفون دنا كدا هعمل فرح بقا..
_ مش أوي كدا يا دكتور احنا مشوارنا لسه طويل
تقى متبصيش للحفرة اللي انتي فيها بصي علي اللي فاضلك علشان تخرجي منها مشكلتك كانت كبيرة أاه اتفق معاكي كنا في اكتئاب سريري وتعب نفسي الله لا يعيده بس نبص لنص الكبايه المليان تقي انتي لازم تدي لنفسك أمل علشان تكملي لازم تكوني قوية..فهمتيني.
_ فهمتك يا دكتور بس الموضوع اكبر من كدا دا ۏجع سنين حتي لو حاولت ابقي كويسه دايما الماضي محاصرني دايما افكاري السوداويه محاوطاني
بصي يا تقي انا عارف انه مش سهل وفي نفس الوقت مش مستحيل الدنيا تجارب جربي حظك عيشي المغامرة غامري يا تقي وقوي قلبك علشان تقدري تواجهي الدنيا وتتغلبي علي خۏفك وضعفك
اتنهدت بتعب كتمت دموعي بالعافيه وانا بقوم من قدامي كنت هخرج من الاوضه خالص بس مقدرتش رميت نفسي علي الشازلونج سرير المړضي النفسيين زي مبيقولوا عليه منا مريضه نفسيا بتتعالج من اربع شهور ومتخطتش ولا حاجة اخدت نفس طويل وكإنه الاخير وبصيت للسقف وانا بستدعي ذكريات حياتي اللي دمرتني وخليتني اكتر شخص انهزامي في الدنيا
_ طول عمري كنت لوحدي من وانا صغيرة بتقارن باخواتي ولما كبرت بقيت دايما شايفه نفسي قليلة دي احسن مني في كذا دي اشطر مني في كذا في ابسط الحاجات ببقي
اتنفست بسرعه وانا بمنع دموعي كفاية بقا کرهت نفسي وکرهت حياتي کرهت كل حاجه فيا حاولت اطلع صوتي واكمل كلامي بس مقدرتش مسكت شنطتي بسرعه وجريت برا المكتب تجاهلت صوته وهو بينادي عليا مش هستحمل نظرة شفقة من حد !
لما تفقد الامل في حياتك هتحتاج إيه من الدنيا دوامه اليأس اللي محاوطاك هي اكبر عدو وممكن يكون سلاح قاټل لكل ذرة حياة جواك وقتها بتدرك تمام الادراك ان الدنيا دي مش بتاعتك وان البيت اللي كانت جدرانه بالنسبالك الامان بتبقي الۏحش اللي بېخوفك بالليل في ضلمته وبرودته..
علشان كدا انا مقدرتش اقاوم مقدرتش استحمل خۏفي من اللي هيحصل وتفكيري الزايد اللي بيقهرني انا همشي علشان انا مبقاش ليا مكان في الدنيا وان كان فيه ذرة حب مش ملطخه بالشقفة جواكو ناحيتي ابقو افتكروني دايما ولما اجي علي بالكو وادعولي ..
خلصت قراءة الماسيدج اللي لقيتها قدام باب شقتة زين وانا واقفة قدام شقتها بخبط عليها بقالي
_ زيييين الحقني بسرعه زين افتح ابوس ايدك تقي مبتردش عليا شكلها عملت في نفسها حاجه
كلامي فزعه لما فتح الباب بسرعه باين انه كان نايم من غير مقدمات زق باب شقتها كسره ودخل واللي شوفناه مكنش ابدا حاجة نتمني نشوفها
جريت عليها بحاول اعمل اي حاجة توقف ڼزيف ايديها اللي قطعتها مكنتش اول مره تحصل مهي يامه حاولت وايديها كلها علامات كاتينج اتحولت لذكريات.. احنا وهي بنحاول نعديها بس هي استسلمت بدري
وقفت الڼزيف بعد معاناه كانت الاسعاف وصلت بس نبضات قلبها مش موجوده مؤشراتها الحيويه اختفت زي ما اختفي لون وشها الابيض وبقي ازرق قاتم زي السما اللي ضلمت وبقت مغيبة هي كمان كانت زينا زعلانه علي فراقها...
وهل_يرتاح_الفؤاد_يوما
ل_خلود_الجنادي
2
_ بتفكري تعمليها تاني ولا إيه
فوقت من تفكيري علي صوتها كنت واقفه قصاد الباب بمشي ايدي علي الكسر القديم مكان آخر مره حاولت اڼتحر فيها وزين كسر الباب علشان يلحقني محاولتش حتي اصلح الكسر بتاع الباب زي عمري ما حاولت اصلح الكسور اللي جوايا ..
كنت واقفه من بدري من ساعه ما رجعت من عند ابراهيم زميلي من ايام الكليه ودكتوري النفسي اللي مش عارفه انا هستمر معاه ولا لأ
_ تقي دا مش حل انتي محتاجه تفوقي لنفسك اللي بتعمليه دا حرام.. حرام عليكي نفسك وحرام عليكي الناس اللي حوليكي يتأذوا بسببك
خلاص يا منه بقالي اكتر من 7 سنين
محاولتش انت حر خلاص بقا مش ناقصه والله فيا اللي مكفيني.. بصي انا مرهقه ومش عايزة اتكلم فهدخل ان.
مسمحتليش اكمل الجملة زقيتني
