رواية هل يرتاح الفؤاد يوما(كاملة حتي الفصل الاخير) بقلم خالد الحناوي
يقرب منها دي حقيقة بس دا كان علشانها علشان مكنتش عيزاها تبني اوهام علي افكار في دماغها من ناحيته وهو مش شايفها اصلا بس هو لو كان صارحني انه كمان معجب بيها كنت وقتها رحت معاه نطلبها من باباها بس هو خبى عليا
فكرته ممكن يكون مش منجذب ليها وحد تاني في باله انا مكنتش انانيه علي فكره انا اكتر حد بيحس بمراره الخزلان والوحده واكيد مكنتش هتمني لاعز الناس علي قلبي انه يعيش وحيد وانا السبب في بعده عن حبه وقتها بقا زين قالي ماشي بس عنده شغل فممكن يتأخر شويه ووقتها لما هو نزل ووصل هناك طنت حضرتك روحت تاخد منها الملازم من غير ما ترجعلي ولا تعرفني انك رايح ساعتها زين شافكو وانتو واقفين مع بعض وحصل اللي حصل وطلعت انا الوحشه اللي زقيتك عليها علشان ابعدها عن زين والله انا صاحبة مش جدعه
_ ها يا ابراهيم عرفت حاجه
لا يا زين لسه معرفش مكانها هي بصراحه كانت عندي في شاليه اسكندريه من كام يوم بس لما روحت لها النهاردة ملقيتهاش
_ إيييه.. كانت عندك وطالما عندك كل دا يبني ادم ومقولتش ليهه انت طول عمرك هتكون ۏسخ كدا
اخرس بقا يا زين اخرس بقا طالما متعرفش حاجه ومصدق نفسك يبقي تخرس ومتجيش تعاتبني وانت كلك اخطاء مكنش ينفع اقولك علي مكانها في الشهور اللي فاتت لانها كانت محجوزه في مركز للعلاج النفسي واعادة التأهيل الشامل عارف يعني إيه.. تقي كانت مريضه اكتئاب سريري ومش بتتحرك من مكانها ولما خرجت اترجتني معرفش حد كنت بضغط عليها ترجع بس الظاهر ان بقي الضغط مبيجيبش نتيجه!! علاجي ليها نجح لابعد حد ولو هتعيش بعيد عني بس كويسه انا راضي يا
_ انت مصدق نفسك انت عارف انت بتقول إييييه يعني إيه كل دا يحصل وانا معرفش دنا اقرب منها لنفسها ان..
كنت.. كنت اقرب منها لنفسها قبل ما تشك فيها وتحملها ذنب هي ملهاش علاقه بيه!!
اټصدم من اللي سمعه منا حكيتله كل حاجه وهو مسمعش الحقيقة لوحده منه كمان عرفت كل حاجه ووقتها تأكدوا انهم خسروا كل حاجه وكل فرصه ممكن ترجعها تاني تثق فيهم وتعاملهم علي انهم اهلها زي منا فقدتها كدا بالظبط
متوقفتش الحقايق لحد زين ومنه بس يونس جوزها كمان عرف لا هو جوزها بجد مهو ردها بعد اسبوع من طلاقهم ولما كان رايحلها بعد شهرين كان جاي يعرفها ويرجعها البيت ولما سمع كلام منه معاها كان جاي يحاول تاني برضو بس خصل اللي حصل ومنه عكيتها اكتر
ابراهيم موفاش بوعده لتقي شاف انه لو كتم السر قلوب كتير هتتإذي وعلاقات قديمه هتنهار علشان كدا قابل يونس وعرفه كل حاجه عرفه ان تقى مزقيتش عليه حد وإن البنت اللي كانت معاه دي هي اللي هددت تقي انها تبعد عنه وتطلب الطلاق ولما شافتهم في المكتب مع بعض كانت رايحه تحكيله لاول مره حاجه تحصل معاها كانت هتثق فيه وتجري عليه علشان يحللها مشاكلها علشان متبقاش طول عمرها تحل مشاكل نفسها كانت هتحكيله علشان يطمنها وهي تديله دفعه حب وسعاده لما تقوله علي حملها كانت عندها أمل ان الماضي بجراحه هيتقفل وهيبقي عندها شخص يحميها بجد من العالم المؤذي بس اللي حصل هدها ورجع عندها عقدة النقص لما شافت نفس البنت في حضنه المكان اللي المفروض يكون ليها لوحدها حست انها مش كفايه وطلبت الطلاق وقتها مستحملتش الاذي والعڈاب النفسي حياتها وقفت
هي فين يا ابراهيم لو سمحت قولي انا لازم اروحلها
_ صدقني معرفش كل اللي اعرفه انها سابت الشاليه من اسبوعين كان ليا علاقات مع صحابي في الامن اتواصلت معاهم علشان اشوف لو خرجت برا البلد بس كان الرد لا
هتكون راحت فين يعني ملهاش حد اهلها كلهم متعرفهومش حتي الست اللي كانت عايشه معاها اټوفت هتكون راحت في..
بس انا عرفت
_ بجد طيب استني خدني معاك
لا خليك انا لازم اروح لها لوحدي كلام كتير لازم يتحكي وحاجات اكتر لازم توضح
_ وبس كدا يا ماما دا اللي حصل انا دلوقتي مبسوطه عايشة في المكان اللي طول عمري بحلم بيه بعيد عن الدنيا بس متقلقيش لسه بشتغل وبعتمد علي نفسي بس خسړت شغلي الاساسي شغلي اللي حاربت الدنيا كلها علشان اوصله ببساطه سيبته لالالا مش زعلانه والله اصل مجتش عليه يعني مكله بيروح كل حاجه ليها عمر افتراضي وبتختفي من حياتنا وهو جه وقته وانا سمحتله يروح بطيب خاطر والله
تقى
لتاني مره صوته مش بيكون اكتر من ناقوس خطړ في دماغي وجوده هنا ملهوش غير معني واحد وانا مجرؤش اني افكر حتي فيه!!
لفيت ليه وانا بحارب نفسي انها متنهارش قدامه وبستدعي كل ذرة ثبات وكل سيكشن اتعلمته في كورس التأهيل والحمد لله نجحت
_ يونس خير.. إي رياح اتت بك الي
كنت بتكلم ببرود وانا مربعه ايدي بخفي توتري بضغطي علي كف ايدي جامد
جيت علشان اوضح حاجات كتير اوي والمرره دي مش همشي إلا لما تسمعيني
_ وبأي عين جاي تتكلم معايا وبأي حق هسمعك انت مش قولت اني بخرب بيتك بشكي فيك واني نكديه ومش مبسوط معايا و..و..و..
تحب اكمل ولا كفايه
تقي اظبطي زوايا كدا واتكلمي كويس لم...
_ ششششش متحاولش تزعق لاني مبقيتش الحد اللي هيخاف من صوتك ويسمعك وفي الاخر يسامحك ثانيا احترم الميتين اللي انت واقف فوقهم ووطي صوتك لان دا مكان ليه حرمته
استغربت هدوئها قوتها اللي ظهرت فجأة رغم ضغطها علي ايدها اللي مغفلتش عنه حاولت اقرب بس منعتني بأقل مجهود منها نظرتها بس!!
طيب ممكن نروح مكان انا عارفه هنا صدقيني هو قريب وكلها ساعه اقول فيها اللي جاي اقولهولك وهمشي علطول
_ طيب ومتفرحش اوي كل دا بس علشان عايزة اخلص بسرعه
اخدتها مكان قريب مكان علي زوقها الغريب كان كاڤيه قديم ديكوره فكتوري وميوزك قديمه تحديدا للست محاولتش تخفي انبهارها بيه وبصتلي وكإنها افتكرت كلامها معايا زمان لما قالتلي مره
_ تخيل كدا تجمع الرقي مع السحر هفهمك العصر الفكتوري دا ارقى حاجة ممكن تلمحها العين تحس انك بټغرق في تفاصيله وعلي الصعيد الاخر بقا هتلاقي السحر مختصر في كلمة واحده الست صوتها بيحسسك بالدفي اللي بتحسه بيطلع من المدخنه القديمة تخيل الميكس طب والله عنب وانا انسانه فنانه وخساره في عالم ملئ بالهبل
ضحكت لما افتكرت كلامها ريأكشنتها كانت بتفصلني كانت دايما بتسحرني اكتر من ميكس الاغاني والرقي بتاعها دا كانت هي بس اللي بتخليني احس بالدفى
_ احم حلو المكان عرفته منين انا عمري ما شوفته قبل
كدا
مش عرفته يا تقي انا صممته دا المكان اللي دايما كنتي بتحلمي بيه بتقولي علي شغلي بارد علشان مفيهوش دفي المكان دا دا مكانك دفاك فممكن ترديلي دفى قلبي بقا انا تعبت
_ دا مكنش كلامك يا يونس انا
