امي قالت مفيش عيد ميلاد بقلم زيزي

المدينة.
مش هتضيعوني
همست لنفسي.
بس كمان مش هترجعوا زي ما كنتوا فاكرين.
والريح كانت شغالة حواليّا وأنا ماشية لقدّام لأول مرة من غير ما أبص ورا خالص بعد أسبوع
الخبر كان مالي كل الأخبار في أوهايو.
سيدة الأعمال ليلى فؤاد تعلن إنشاء أول مركز إقليمي لشركة طيران خاص في الشرق الأوسط من مصر.
وفي نفس الوقت في بيت العيلة.
المكان كان هادي بشكل غريب.
أمي قاعدة قدام التلفزيون، بتتفرج على صورتي وأنا بتكلم في المؤتمر الصحفي.
ندى كانت ساكتة، لأول مرة مفيش تعليق منها.
أبويا خرج من المستشفى من يومين بس لسه تعبان، قاعد على الكرسي ومش بيتكلم.
فجأة الباب خبط.
أمي قامت بسرعة مين؟
فتحت الباب
وكانت أنا.
واقفِة بشنطة صغيرة، مش لابسة بدلة شغل، ولا ماسكة ورق شركات.
بس راجعة.
الكل اتجمد في مكانه.
ندى همست إنتِ جيتي؟
بصيت لهم واحد واحد.
أنا ما رجعتش عشان أرجع زي ما كنت.
سكت لحظة.
أنا رجعت عشان أفهم إحنا وصلنا لكده إزاي.
أبويا بصلي بعين تعبانة إحنا غلطنا يا ليلى
أمي دموعها نزلت من غير صوت كنا فاكرين إنك لازم تفضلي زي زمان
قربت خطوة.
وإنتوا كمان لازم تفهموا حاجة.
أنا ما بقيتش محتاجة أختار بين نفسي وبينكم.
سكتوا.
كملت بهدوء
بس اللي اتكسر محتاج وقت ومش هيتصلح بالكلام بس.
ندى قربت مني يعني لسه في أمل؟
بصيت لها وابتسمت لأول مرة من زمان.
الأمل موجود
بس المرة دي على شروط جديدة.
أبويا قام بصعوبة، ومد إيده.
سكت لحظة طويلة
وبعدين حط إيدي في إيده.
ماشي يا بنتي
على شروطك.
وفي نفس الليلة
طلعت فوق سطح البيت.
بصيت للسما.
الموبايل رن رسالة من سارة
المركز في مصر جاهز والكل مستنيك تبدأي المرحلة الجديدة.
ابتسمت.
وبعدها قفلت الموبايل.
مش عشان ههرب تاني
لكن عشان المرة دي أنا اللي بختار إمتى أبدأ.
رفعت عيني للسما.
خلصت البداية القديمة
واللي جاي أنا اللي هكتبه.
وسكتت المدينة كلها وأنا لأول مرة كنت في مكاني الصح.