كنت قاعده جمب جوزي بقلم اماني سيد

في طريقة كلامها، في ضحكتها، في نظرتها لنفسها.
بقت لما تبص في المراية ما تشوفش وجعها القديم تشوف واحدة قامت من تحت الصفر.
في يوم
كانت قاعدة في كافيه هادي، ماسكة اللابتوب بتاعها وبتشتغل
دخل واحد وقف قدامها وقال بابتسامة لطيفة معلش الكرسي ده فاضي؟
رفعت عينيها وبصتله آه اتفضل.
قعد، وبعد شوية قال أنا شايفك بتيجي هنا كتير واضح إنك بتحبي المكان.
ابتسمت بحب الهدوء.
قال بإعجاب بسيط واضح كمان إنك شخصية قوية.
ضحكت بخفة اتعلمت ده بالعافية.
وفي نفس اللحظة
موبايلها نور.
اسم جمال.
بصت للشاشة قلبها ما اتحركش زي زمان.
بس المرة دي فتحت الرسالة.
أنا فعلاً اتغيرت يا غادة وبشتغل على نفسي ومش هضغط عليكي بس كنت عايزك تعرفي إني لسه بحبك.
قريت الرسالة وسكتت شوية.
الشخص اللي قدامها قال في حاجة؟
قالت بهدوء ماضي بيحاول يرجع.
ابتسم وقال وإنتي عايزة إيه؟
بصت قدامها وكأنها بتسأل نفسها لأول مرة بجد.
ليلًا
غادة كانت واقفة في البلكونة نفس البلكونة اللي كانت بتعيط فيها زمان.
بس المرة دي كانت بتفكر.
مش فيه هو
في نفسها.
في اللي بقت عليه
وفي اللي تستاهله.
تاني يوم
لبست الفستان.
نفس الفستان
بس الإحساس كان مختلف تمامًا.
المرة دي ما كانش مجرد فستان.
كان إعلان.
إنها بقت تشوف نفسها صح.
خرجت من البيت
وكانت متفقة تقابل جمال.
وصلت
لقته واقف مستني عينيه فيها أمل وخوف.
بصلها واتصدم.
إنتي إنتي مختلفة.
ابتسمت بثقة أنا رجعت لنفسي بس.
سكت لحظة وبعدين قال أنا آسف على كل كلمة وجعتك وعلى كل مرة حسستك إنك أقل أنا كنت أعمى.
غادة بصتله المرة دي من غير دموع.
أنا سامحتك يا جمال.
فرح فجأة بجد؟!
كملت بهدوء سامحتك عشان أرتاح أنا مش عشان أرجع.
وشه اتشد يعني مفيش فرصة؟
هزت راسها في فرصة بس مش لينا زي زمان.
سكت قلبه بيتكسر قدامها.
كملت لو فضلنا مع بعض لازم نبدأ من جديد خالص من غير وجع من غير تقليل من غير مقارنة.
قرب خطوة وأنا مستعد.
بصتله شوية وكأنها بتقرا صدقه.
وبعدين قالت طيب ندي لنفسنا فرصة بس بشروط.
أي حاجة.
أول شرط تحترمني قدام نفسك قبل الناس.
حاضر.
تاني شرط عمري ما أبقى اختيار تاني في حياتك.
مستحيل يحصل.
تالت شرط لو جرحتني تاني المرة دي همشي من غير ما أبص ورايا.
سكت وبعدين قال بثقة مش هتخسري تاني.
بصتله وبعدين ابتسمت ابتسامة خفيفة
مش ابتسامة حب أعمى
لكن ابتسامة واحدة فاهمة قيمتها.
ومدت إيدها
مش كاستسلام
لكن كبداية جديدة بشروطها هي.
وهي ماشية جنبه
كانت عارفة حاجة واحدة بس
إن المرة دي
لو كملت
هتكمل وهي قوية
ولو سابت
هتمشي وهي أقوى بعد 6 شهور
الحياة ما كانتش سهلة زي ما غادة كانت متخيلة
ولا جمال بقى ملاك بين يوم وليلة.
بس كان فيه فرق واضح
أول مرة، كان بيحاول.
في يوم
كانوا قاعدين مع بعض في نفس الكافيه اللي قابلت فيه الراجل الغريب.
غادة كانت لابسة بسيط بس واثقة، هادية، مريحة.
جمال بص لها وقال بابتسامة عارفة؟ أنا لحد دلوقتي مش مستوعب إزاي كنت شايفك زمان ومش شايف الجمال ده.
غادة رفعت عينيها وقالت بهدوء عشان زمان أنا كمان ماكنتش شايفة نفسي.
سكت شوية وبعدين قال أنا بقيت بخاف أزعلك.
ابتسمت بخفة مش عايزاك تخاف عايزاك تفهم.
وفجأة
عدت من قدامهم مها.
كانت لابسة شيك بس ملامحها مش زي الأول.
فيها حاجة ناقصة يمكن راحة يمكن رضا.
بصت لغادة واتوترت لحظة، وبعدين قربت
إزيك يا غادة؟
غادة ردت بثقة كويسة الحمد لله.
مها بصت لجمال وبعدين رجعت لغادة بجد شكلك مختلف.
غادة ابتسمت وأنا بقيت حاسة بده.
سكتت مها لحظة وبعدين قالت بنبرة أقل غرور عارفة زمان كنت فاكرة إن الجمال هو كل حاجة بس طلع في حاجات أهم.
غادة ردت بهدوء زي احترام النفس.
مها هزت راسها بالظبط.
ومشيت.
جمال بص لغادة وقال إنتي كسبتي.
غادة استغربت كسبت إيه؟
قال كسبتي نفسك وده أهم من أي حد.
بصتله شوية وبعدين قالت وأنت؟
سكت لحظة وبعدين قال أنا لسه بتعلم.
عدّى وقت
وجمال فعلاً بدأ يتغير
بقى لما يشوفها يقولها إنتي حلوة.
مش مقارنة مش تقليل مجرد حب.
وبقى يساعدها يقدّر تعبها يسمعها.
لكن في ليلة
حصل موقف بسيط
غادة كانت بتتكلم بحماس عن حاجة بتحبها
جمال قاطعها وقال بعفوية طب ما مها كانت بتعمل
وسكت فجأة.
السكوت وقع تقيل.
غادة بصتله
نفس النظرة القديمة رجعت للحظة
بس المرة دي؟
ما سكتتش.
قالت بهدوء كمل مها كانت بتعمل إيه؟
اتوتر لا ماقصدتش
قاطعته لا قصدت بس الفرق إن أنا مش هعديها زي زمان.
سكت قلبه دق بخوف.
كملت أنا مش هقبل أكون مقارنة تاني ولا حتى بالغلط.
قرب بسرعة حقك وأنا آسف فعلاً آسف.
بصتله شوية
وبعدين قالت أنا مش زعلانة بس فاكرة.
عدّى الموقف
بس الرسالة وصلت.
وفي آخر مشهد
غادة كانت واقفة قدام المراية
لابسة فستان جديد.
مش نفس الفستان القديم
لكن نفس الإحساس.
بصت لنفسها وابتسمت.
وقالِت بصوت واثق
أنا مش محتاجة حد يقوللي أنا حلوة أنا عارفة.
وفي الصالة
جمال كان واقف بيبصلها من بعيد
وقال لنفسه
دي مش نفس غادة دي أحسن.
والحكاية ما خلصتش
بس الحقيقة اللي ثبتت؟
إن الست لما بتختار نفسها
الدنيا كلها بتتظبط حواليها