يوم فرحي
يـوم فرحي وقفت صديقة عمري قـدام عريـسي وقالتله= عروستـك عليها فلوس ليـا..ورافضه تديهالي..عروستك حراميه ...
لم أكن أؤمن بسهولة بكلمة صديقة. كنت أحتفظ بمسافة آمنة بيني وبين الجميع، مسافة تُبقي قلبي في مـأمن من الخيبات.
لكن مـارينا لم تحترم تلك المسافة.
دخلت حياتي كما يدخل الضوء من نافذة مفتوحة… دون استئذان.
كنا نعمل معًا في شركة صغيرة وسط القاهرة، متقاربتين في العمر، نضحك على نفس التفاصيل، ونتشارك نفس الإرهاق.
كانت مسيحيه، وأنا مسلمه، لكن الاختلاف لم يكن حاجزًا يومًا.
بل على العكس… كانت تقول دائمًا: احنا قلوبنا شبه بعض، مش ديانتنا يا رهـف
مع الوقت، أصبحت وجودًها يوميًا في حياتي...بعد العمل، تمرّ على شقتي الصغيرة، نأكل، نحكي، نضحك، ونؤجل أحزاننا إلى يوم آخر...كنت أعيش وحدي...لاني مغتربه
أما هي، فكانت تسكن مع أختها، وتأتي إليّ كأن بيتي هو ملاذها
خُطبتُ أنا وهي في توقيت متقارب...أحلام مشتركة، فساتين نتخيلها، قاعات زفاف نرسمها بالكلام.
لكن الفرح لا يأتي متساويًا....زفافها تم سريعًا، في نفس عام الخطوبة....أما أنا… فدخلت معركة طويلة مع أهلي.
رفضوا زواجي من رائف، لأنه ينتمي لعائلة معظـم رجالها يبيحون التعدد..حتي والده نفسه .
كنت أعود كل ليلة باكية، أشعر أن حلمي يُسحب من تحت قدمي ببطء...كانت مارينا تعرف كل شيء...تجلس بجانبي، تمسك يدي، وتقول: ربنا مش هيكسرك… اصبري.
صدّقتها.
وقفت معها في كل خطوة من تجهيزات زفافها.
لففنا الأسواق، اخترنا القاعة، ساعدتها ماديًا دون حساب.
كنت أفرح لفرحها… رغم أن قلبي ينزف.
زفافها أُقيم في الرياض.... حيث عمل زوجها..وانا لم أستطع السفر.
كنت قد دخلت جمعية، واستثمرت المال في مشروع صغير لأشغل نفسي عن وجعي.
رائف حذرني: المشروع ده مش مضمون....لكنني كنت أحتاج أي أمل.
شرحت لها موقفي...غضبت قليلًا، ثم قالت إنها تتفهم.
غادرت من بيتي مباشرة مع زوجها...
وبقيتُ على الهاتف معها، أسمع الزغاريد من بعيد… وأنا وحدي.
وبعد وقت...فشل المشروع....خسرت المال، وغرقت في الديون.
رائف أصبح سندي الوحيد....كان يرسل المال، يتحمّل، يصبر.
مارينا… كانت ترى كل شيء.
تأتي لمحلّي يوميًا، تجلس بالساعات، تشاهد صمتي وخوفي.
ثم… حدثت المعجزة.
الموافقة… من اهلي على رائف.. في أسوأ توقيت
بعد شهور من العناد، وافق أهلي....لكن بشرط:
أسبوعان فقط للتعارف....كنت مكسورة ماليًا، مرهقة نفسيًا، لكنني وافقت...كان هذا الدعاء الذي انتظرته طويلًا.
تحمّل رائف كل شيء...ولم أجرؤ أن أطلب أكثر.
أرسل لي مبلغًا لتجهيزاتي...سددت به جزءًا من ديوني… لأنني كنت أغرق.
ثم مارينا عرضت المساعدة رفضت اخبرتني: اعتبريها سلف… زي ما وقفتي معايا يا بنتي..
٤٠ ألف جنيه.
ذهبنا نشتري كل شيء معًا....حتى أنها اقترحت ملابس لأهلي تقديرًا لهم...قبل التعارف،
كنت أنوي سدادها من النقوط....لكن في يوم التعارف…
ضاعت الفرصة والفرحـه حينما وقفت وقالت....
سكتت القاعة.
الضحكة اللي كانت لسه طالعة من حد اتخنقت في نصها.
أمي بصّتلي بنظرة عمري ما أنساها، خليط بين الذهول والشك.
أبوي شدّ جلابيته واتعدل في وقفته.
رائف… وشه رَحَل منه الدم.
ومارينا؟
كانت واقفة بثبات غريب، ماسكة شنطتها، وكأنها داخلة تاخد حق ضايع.
قالت بصوت عالي:
— رهف عليها فلوس ليا… تلاتين ألف. ورافضة ترجعهالي. وده مش وقته، بس أنا مش هسكت على حقي.
اتشلت من مكاني.
لساني انعقد.
قلبي كان بيدق في وداني مش في صدري.
قلت وأنا صوتي بيترعش:
— مارينا… مش كده… اتفقنا… النقوط…
قاطعتني:
— النقوط؟! يعني كنتِ مخططة تاخدي فلوس الناس وتسددي بيها ديونك؟
وبصّت لرائف وقالت:
— دي عروستك… حرامية.
الكلمة نزلت عليّ زي السكينة.
مش عشان الاتهام…
عشان اللي قالته.
رائف اتحرك خطوة لقدّام، وقال بهدوء غريب:
— لو في فلوس، أنا أسددها حالًا.
مارينا ابتسمت ابتسامة صغيرة، وقالت:
— لا، أنا عايزة حقي منها هي. مش منك.
في اللحظة دي، أمي اتكلمت:
— يعني إيه؟! بنتي حرامية؟!
وأبوي قال بحدة:
— لو الكلام ده صح، الجوازة دي مش هتتم.
القاعة كلها بقت همهمة.
عيون… همسات… أحكام بتتوزع في ثواني.
ساعتها… حسّيت بحاجة غريبة.
الكسرة اللي جوايا اتحولت لغضب.
مش صريخ…
غضب هادي.
طلعت
فتحت الواتساب.
وبصيت لمارينا وقلت:
— تحبي أقرأ الاتفاق اللي بينا؟
اتلخبطت.
قالت بسرعة:
— اتفاق إيه؟ إحنا أصحاب، مفيش ورق بينا.
قلت وأنا بفتح الشات:
— بس في كلام.
قريت بصوت مسموع:
“اعتبريها سلف… زي ما وقفتي معايا… سدديها لما ربنا يفرجها.”
وتحتها رسالة تانية منها:
“النقوط وقت فرحك هيغطي أكتر من كده، متشليش هم.”
سكتّ شوية… وبعدين كملت:
— وده تحويل الـ١٠ آلاف اللي رجعتهم قبل التعارف.
وريتهم الإيصال.
القاعة سكتت تاني…
بس المرة دي الصمت كان تقيل عليها هي.
مارينا حاولت تتكلم، صوتها بقى أوطى:
— أنا… أنا كنت محتاجة الفلوس دلوقتي…
رائف قال:
— وده يديكي حق تفضحيها؟ في يوم زي ده؟
أختها اللي كانت قاعدة في آخر القاعة قامت، وقالت بصوت مخنوق:
— مارينا… انتي قلتيلي إن الفلوس هترجع بعد الفرح.
اتلخبطت أكتر.
وشها احمر.
وبصّتلي نظرة عمرها ما هتفارقني…
نظرة حقد.
مش عتاب.
أبوي قرب مني، وقال:
— سامحيني يا بنتي.
أمي حضنتني قدّام الناس.
وأنا؟
كنت واقفة… مش ببكي.
مارينا لمّت شنطتها ومشيت.
من غير كلمة.
الفرح كمل…
بس مش زي ما كنت متخيلة.
كان هادي… بسيط…
صادق.
بعدها بأيام، رائف سدّد لها المبلغ كاملًا، رغم رفضي.
وقال جملته اللي عمرها ما هتنسى:
— الكرامة أغلى من أي حساب.
قطعت علاقتي بيها نهائي.
مش عشان الفلوس…
عشان اللحظة اللي اختارت فيها تكسرني قدّام الدنيا.
تعلمت
وإن القرب مش دايمًا أمان.
وإن بعض القلوب…
بتستنى اللحظة المناسبة عشان تطلع أنيابها.
بس تعلمت كمان…
إن ربنا دايمًا بيظهر الحق،
ولو في آخر دقيقة من الفرح.
