رواية منتقبتي من الفصل الرابع حتى التاسع سليم وبيلا بقلم ناردين
المحتويات
عليه السلام.. زي كل قصة لقيت آية في البداية واذكر في الكتاب إدريس إنه كان صديقا نبيا ورفعناه مكانا عليا .. قريت صفحة و اتنين و عرفت معلومة عن النبي ده إنه من نسل أول الأنبياء آدم عليه السلام.. و كان هو أول نبي بيكنب بالقلم و أول شخص إشتغل بالخياطة.. كان صالح بشكل كبير و نصح قومه بعبادة الله وحده لاشريك له و إنهم يبعدوا عن المعاصي.. و في الوقت ده الناس بدأوا يرجعوا للطريق الصحيح بفضل كلامه و زهده
إتفتح الباب فجأة و ملحقتش أكمل القصة و خبيتها بسرعة تحت اللحاف.. بصيت للشخص يلي فتحه لقيت جوري
عاوزة مني إيه
جوري ببرود.. مش نزلت إنت و عيلة امام المسجد عشان تختاروا الذهب و أنا شايفاك راجعة بدري
باعدت شعري عن وشي و قلت.. أيوة.. أنا رجعت بدري عشان بكره إن شاء الله حنزل مع سليم للسوق و نختار الذهب ليا.. تيجي معانا
جوري.. أنا و انزل معاك و مع إمام المسجد.. لا ده مستحيل يحصل يا حبيبتي
تمام.. يلي أنت عاوزاه
جوري.. سمعت إنه طلب إيد بنت خالته كمان
عندك مانع في الموضوع ده يا جوري
جوري.. ايوة و عشان كده إنت لازم تبطلي منه يا بيلا.. ليه تتجوزي من راجل حيتجوز من وحدة تانية
عشان أنا بحبه و كمان هو حيكون جوزي أنا مش جوزك
جوري.. إنت بجحة و قليلة أدب بجد
طلعت من أوضتي و رزعت الباب وراها و أنا طلعت القصة من جديد و كملت قريتها بس القصة دي مشدتنيش زي القصة بتاع آدم عليه السلام بس ده مش مهم.. المهم إني بقرأ القصص يلي جابهم عشاني سليم
بعد مدة.. سمعت صوت موبايلي لقيت مسدج وصلني.. طلعت الموبايل من تحت المخدة لقيت مارسيل جوز جوري بعتلي المسدج.. فتحته و قريته
بيلا.. أنا آسف على اللي حصل البارح و بطلب منك تسامحيني.. عارفة إنو بعد أسبوع عيد ميلاد جوري و أنا عاوز أعملها حفلة و عاوز مساعدتك.. يعني ممكن نتفق بكره و نلتقى في المطعم
زفرت بضيق و رديت عليه .. مفيش مشكلة يا مارسيل بس إنت عارف إنو الأسبوع ده حفل خطوبتي و أنا مشغولة فيه و عشان كده يمكن نتفق على كل حاجة الجمعة
بعد مدة جاني الرد بتاعه تمام يا بيلا و شكرا ليك
بعد السنين دي كلها عايز مارسيل يحتفل بعيد ميلاد جوري ال بس دي حاجة جميلة و ممكن ترجع علاقتهم يلي إتوترت بعد ولادة دانا زي ما كانت.. إبتسمت و نزلت عشان أساعد ماما في الغذاء
ماريا.. إنت رجعتي بدري ليه
ماما.. أنا حانزل بكره مع سليم عشان نختار خواتم الخطوبة
ماريا.. يعني و عيلته
عيلته.. دخلها إيه عيلته في الأمر ده يا ماما
ماريا.. عشان المسلمين عندهم ميصحش تطلع البنت مع واحد غريب من غير محرم من عندها
وقفت قدام الثلاجة و قلت.. قصدك إيه
ماريا.. خذي معاك أليكس
أخذت نفس عميق و قلت.. تمام يا ماما
حطيت الأكل انا و دانا على السفرة و بعد وقت قصير لقينا بابا راجع البيت و معاه مارسيل .... أول ما دخلوا جريت دانا عند والدها وهو شالها
مارسيل.. يا قلبي
دانا.. بابا.. أنا سمعت في المدرسة اليوم كلام
مارسيل.. و سمعت إيه يا قلب بابا
دانا.. الآنسة بتاعتي سألتني عن إمام المسجد سليم و كان بيعمل إيه في بيتنا و أنا قلتلها إنو الإمام ده خطيب خالتو
يعقوب.. هوما إزاي عرفوا إنو إمام المسجد كان في بيتنا
مشا شوية مارسيل و حط دانا على الكرسي و قال.. أكيد شافوها وهو طالع من البيت يا عمي
شد بابا على قبضة إيده و قال.. تمام
حسيت بأنه بابا إتضايق من الموضوع ده يمكن عشان هو مكانش عايز من أي حد يعرف إنو أنا البنت المسيحية بيلا أبقى خطيبة إمام المسجد يلي إسمه سليم .... سحبت كرسي و قعدت معاهم
مارسيل.. جوري.. هو الولد فين
جوري.
هو مع أسامة
زق مارسيل الطبق بعيد عنه و قام من مكانه.. الولد ده حيجنني يا عمي .... أنا بقولوا بلاش صحبة الأولاد المسلمين يا أليكس بس هو لازق في الولد يلي إسمه أسامة
و فيها إيه يعني
ضرب الطاولة بكف إيده و قال بعصبية.. ترضي يكون إبنك صاحب واحد مسلم يا ست بيلا
إنت تقصد إيه
مارسيل.. بمجرد ما تخلص خطوبة إيزابيلا أنا و مراتي وولادي حنسافر من هينا
وقف يعقوب و قال بعصبية.. هو إيه يلي بيحصل هينا
و لا حاجة يا بابا.. بس مارسيل بس بيعقد الموضوع بس.. يعني عادي إذا كان صاحب أليكس واحد مسلم
مارسيل بسخرية.. إيه ما إنت خطيبة واحد مسلم و بتعشقي المسلم ده بجنون و يمكن تعملي المستحيل عشانه
رديت بضيق.. و فيها إيه يعني إني أحب واحد مسلم
يعقوب.. إيزابيلا.. مارسيل.. خلاص بقى لما يرجع أليكس حنتكلم معاه.. اقعدوا بقى
تمام يا بابا
أخذت و بديت أكل من جديد و مارسيل رجع و قعد مرة تانية وهو متضايق.. حركت الملعقة في وسط الصحن و سرحت و أنا بفكر
يعني.. لو يعرفوا إنو أليكس مسلم حيعملوا إيه.. مش حيرحموا الولد ده و أنا مستحيل أسيبهم يعملولوا حاجة.. أليكس كل حاجة في حياتي و أنا يلي ابتديت اربيه وهو من عنده 4 شهور
فقت من شرودي على صوت ضرب على الطاولة.. بصيت لقيت بابا هو يلي ضرب الطاولة بإيده عشان يلفت إنتباهي
8
بعدما خلصنا الغذاء قعدنا كلنا في الصالون مستنيين أليكس.. كنت ضامة إيديا لبعضهم و أنا بفكر.. قعدت جنب ماما بس بمجرد ما سمعت صوت الباب بيخبط قمت عشان أفتحه بس لقيت دانا جريت عليه و فتحته.. قلع جزمته و دخل عندنا
أليكس.. في إيه
قام مارسيل من مكانه و مسكه من إيده بقوة.. الولد المسلم يلي إسمه أسامة ده تبطل تمشي معاه.. هو أصلا مش زينا.. فاهم يا أليكس و لا عاوز أفهمك بطريقتي
أليكس.. بس يا بابا أنا معنديش اصحاب هينا وهو الوحيد يلي قدر يكون صاحبي و إنت ...
قاطعه مارسيل لما ضربه بالقلم و زقه بقوة بعيد عنه لدرجة إنو أليكس وقع على الأرض.. جريت ناحيته و نزلت على رجليا.. مسكت وشه بين إيديا و قلت بنرفزة
إزاي تضرب أليكس
مارسيل.. ده إبني مش إبنك يا ست إيزابيلا
معندكش حق تضرب أليكس يا مارسيل
شد مارسيل على إيده ووقف أليكس ورايا.. ليه بقى ...و إنت مين عشان تمنعيني
أنا إيزابيلا و خالته ...و لو فاكر إنت و جوري سيبتوه عندنا وهو في 4 شهور بس
جوري.. ده والده و عنده حق يتكلم معاه بالطريقة اللي عايزها و كمان مش بعيد بعد أيام يرجع و يقول إنه مسلم.. إحنا حنعمل إيه مع الموضوع ده
مش حتعملوا أي حاجة
مارسيل.. إطلع أوضتك و متطلعش منها غير لما أسمحلك.. يلا غور من قدامي يا حيوان
الكلام يلي قاله مارسيل معجبنيش خالص مع ولد عنده 9 سنين بجد... أنا عارفة من الأول إنه مكانش عاوز من جوري تخلف أليكس و إنه طلب منها مية مرة تسقطه بس هي معملتش كده عشان هي كانت عاوزة حاجة تبقى تربطها بيه و الحاجة دي كانت حملها منه و بالطريقة دي هو مش حيبعد عنها.. طلع أليكس بسرعة على أوضته و رزع الباب وراه.. بصيتله بغضب و كنت حلحق بيه بس صوت بابا وقفتي
يعقوب.. بيلا.. جوري و مارسيل هوما الوحيدين يلي عندهم حق يتدخلوا في حياة أليكس و إنت ...
قاطعت بابا لما قلت.. أليكس خط أحمر و يلي يقرب منه حقتله حتى ولو كان أبوه أو أمه
من غير ما أسمع ردهم طلعت الطابق الثاني.. وقفت ورا الباب عشان أسمع هو بيعمل إيه جوه بس مكنش أي صوت.. خفت عليه و دخلت من غير ما أخبط.. كان قاعد على السرير و حاطط حاجة قصاده
أليكس
رفع رأسه و رمى اللحاف بسرعة
إنت زعلان
أليكس.. و حازعل ليه يا خالتو
على يلي حصل تحت
أليكس.. و أزعل ليه
أليكس.. أنا عارفك كويس يعني يلي حصل تحت ضايقك بشكل كبير و ده واضح من نبرة صوتك و...
أليكس بمقاطعة.. مش مهم يا خالتو.. عارفة سليم جابلي إيه عشان ميخلفش بوعده
جابلك إيه
باعد الغطا عن السرير و شفت كتاب عليه كان مكتوب فيه القرآن الكريم برواية ورش .. هو وعده إنه يجيبله مصحف لما يخلص حزبين بس غير رأيه إزاي
إمتى
أليكس.. هو إيه يلي إمتى يا بيلا
مش كنت تقول خالتو و دلوقتي صرت بيلا
أليكس.. هو في فرق بينهم يا خالتو بيلا
لا.. أكيد مفيش فرق بينهم بس يا أليكس إنت لازم تأخذ حذرك و سيب المصحف و السجادة عندي في الأوضة
أليكس.. تمام.. حاجة تانية
إنت زعلان و لا لأ
أليكس بإبتسامة.. لو زعلت حيحصل إيه.. بابا مش حيخليني أطلع من البيت و لو طلعت لازم آخذ إذنه.. يعني مفيش أي
فرق بين الزعل و لا لأ
تمام.. يا حبيبي
قربت منه و أخذته في .. أنا مش عاوزة أعمل تمييز بين الأولاد عشان هوما لتنين أولاد جوري بس مش عارفة ليه أنا متعلقة ب أليكس أكثر من دانا
...................................................................
بعد صلاة الظهر.. رجع سليم و والده و أخوه وائل من المسجد و راحوا اتغذوا و بعدها كل واحد فيهم راح أوضته.. أخذ سليم شاور و طلع من الحمام وهو بيمسح شعره بالمنشفة لقى أمل واقفة جنب الباب و هي عاقدة أصابع إيديها لبعض
سليم.. في إيه
أمل.. بيلا عاوزة تطلع بكره إنت و هيا
سليم.. و نطلع ليه.. ماهي نزلت معاك و مع ماما و رحاب عشان تشتروا الذهب
أمل.. رحاب إتخانقت معاها
رفع سليم حاجبه و قال وهو بيطلع التيشرت من الدولاب.. اتخانقت معاها و ليه بقى
أمل.. عشان بيلا مسيحية و هي مسلمة و أنت عارف بيحصل إيه في الموضوع ده.. سليم في حاجة إنت لازم تعرفها
لبس سليم التيشرت و بص على أمل و حرك رأسه و سابها تكمل كلامها.... أخذت نفس عميق و قالت
أمل.. كل الناس عرفت إنو بيلا خطيبتك
زفر بضيق و رد عليها.. تمام
أمل.. يعني الموضوع ده جالك عادي
سليم.. هو مش عادي.. عشان دلوقتي تصرفات بيلا لازم تكون محسوبة.. هي بقت خطيبة إمام المسجد سليم.. أمل إتصلي فيها و قوليلها إنو أنا موافق أنزل معاها بكره بس تجيب محرم يعني أليكس معاها
أمل.. تمام
طلعت أمل من الأوضة و سابت سليم يلي إرتمى على سريره وراها.. بعدما انتشر خبر إنه بيلا خطيبته يبقى لازم تحسب تصرفاتها كويسة قبل ما تعمل أي حاجة.. دفن وشه بين إيديه وهو بيفكر في بيلا.. أخذ موبايله من الترابيزة و أتصل ب يوسف و هو رد عليه
يوسف.. خير يا سليم
سليم.. هو عندك مشكلة لو مراتك اتعرفت على بيلا
يوسف.. أكيد لأ بس في إيه
سليم.. أنا مش عايز أسيب بيلا لوحدها
يوسف.. إزاي يعني
سليم.. لو حصل حاجة في المستقبل و بيلا أسلمت لازم يبقى حد معاها و أنا بوثق فيك و في مراتك و بس
يوسف.. بتقول الكلام ده و كأنك مش حتكمل مع بيلا.. سليم أنا عارف إنك معجب بيها ولو كانت مش عاجباك مكنتش طلبت إيدها من الأول
سليم.. سيبك من الكلام ده يا يوسف.. الأربعاء إن شاء الله حتكون خطوبتي على بنت خالتي و الخميس إن شاء الله على بيلا
يوسف.. و كتب الكتاب
سليم.. حاكتب كتابي على بنت خالتي الأول و ....
يوسف بمقاطعة.. يعني كل حاجة على بنت خالتك قبل بيلا.. سليم إنت عايز مين فيهم
سليم.. عايز بيلا
يوسف.
سليم.. و رضا أبويا و أمي.. يوسف قبل القلب في الوالدين و أنا عايز رضاهم الأول
يوسف.. و حتظلم بنت خالتك بالطريقة دي
سليم.. هي عارفة إني طالب إيد بيلا كمان
يوسف.. أنا مش عارف حقولك إيه يا سليم بس ربنا معاك
اتكلموا كمان شوية و بعدها قفل سليم الموبايل و راح اتوضا و قرأ القرآن عشان يرتاح و يطمئن قلبه.. قال تعالى.. الذين آمنوا وتطمئن قلوبهم بذكر الله ألا بذكر الله تطمئن القلوب
...................................................................
في بيت يوسف
بعدما قفل يوسف التيليفون حطه جنبه فوق الترابيزة و بص على رغد يلي كانت شايلة إبنها بين إيديها و هي بتسكته
رغد.. في إيه
يوسف.. سليم محتار و محيرني أنا كمان معاه
رغد.. ليه بقى
يوسف.. كل الناس عارفين إنو سليم حيتجوز من اتنين.. من بنت خالته و من البنت المسيحية بيلا
رغد.. و فيها إيه يعني
يوسف.. حطي الولد في السرير و تعالي
هزت رأسها و أخذت إبنها يلي عنده سنة وحدة وحطته فوق السرير و رجعت عند يوسف من جديد و قعدت معاه
رغد.. فهمني بقى يا حضرة المهندس
يوسف.. سليم معجب ب بيلا وهو طلب إيدها عشان الموضوع ده و بنت خالته عيلته يلي عايزين منه يتجوزها يعني هو أصلا مش عارف عنها أي حاجة غير اسمها و إنها بنت خالته مكنش بينهم أي تواصل
رغد.. و دلوقتي حيعمل إيه
يوسف.. يوم الأربعاء إن شاء حتكون خطوبته من بنت خالته و الخميس من المسيحية.. سليم في الوقت ده بيفكر كتير يعني لو كتبله ربنا و مكملش مع البنت المسيحية عاوزنا نكون سندها بعد ربنا
رغد.. يعني هو مش حيكمل معاها
يوسف.. مش عارف بس أنا عاوز كل خير ل سليم و بتمنى إنه يتجوز البنت يلي بيحبها و تحبه كمان
رغد.. يعني بيلا مش كده
هز يوسف رأسه و رغد سكتت و هي بتبص للفراغ.. يعني يوسف الوحيد يلي عارف كل حاجة عن سليم وهو اكثر واحد بيوثق فيه من اصحابه كلهم
..........................................................................
كنت قاعدة فوق الكنبة و أنا ماسكة قصة سيدنا نوح عليه السلام.. تالت قصة ناوية أقرأها دلوقتي و متشوقة عشان أعرف أحداثها.. اول آية قابلتني لما فتحت القصة هي.. إنا أرسلنا نوحا إلى قومه أن أنذر قومك من قبل أن يأتيهم عذاب أليم قال يا قوم إني لكم نذير مبين أن اعبدوا الله واتقوه وأطيعون يغفر لكم من ذنوبكم..
قريت حوالي صفحتين في القصة دي و إتأملت فيها كويس و عرفت إنو نوح عليه السلام هو أول رسول بعثه الله سبحانه و تعالى عشان ينذر قومه من الشرك و يدعوهم إلى التوحيد أي إفراد الله في العبادة و عاش 950 سنة وهو بيدعوا قومه للأمر ده.. ولقد أرسلنا نوحا إلى قومه فلبث فيهم ألف سنة إلا خمسين عاما و في المدة دي كان نوح عليه السلام يحذر قومه من عبادة الأصنام.. نوح عليه السلام كان بيدعي قومه ليل و نهار سرا و علانية.. قال تعالى.. إنا أرۡسلۡنا نوحا إلى قوۡمهۦ أنۡ أنذرۡ قوۡمك من قبۡل أن يأۡتيهمۡ عذاب أليمٞ قال يقوۡم إني لكمۡ نذيرٞ مبين أن ٱعۡبدوا ٱلله وٱتقوه وأطيعون يغۡفرۡ لكم من ذنوبكمۡ ويؤخرۡكمۡ إلى أجلٖ مسمىۚ إن أجل ٱلله إذا جاء لا يؤخرۚ لوۡ كنتمۡ تعۡلمون قال رب إني دعوۡت قوۡمي ليۡلٗا ونهارٗا فلمۡ يزدۡهمۡ دعاءي إلا فرارٗا وإني كلما دعوۡتهمۡ لتغۡفر لهمۡ جعلوا أصبعهمۡ في ءاذانهمۡ وٱسۡتغۡشوۡا ثيابهمۡ وأصروا وٱسۡتكۡبروا ٱسۡتكۡبارٗا ثم إني دعوۡتهمۡ جهارٗا .. النبي ده مثال للشخص الصبور يلي اتحمل كتير عشان يبطل قومه عبادة الأصنام
خالتو.. تيتا عاوزاك
كان ده صوت دانا يلي خلاني أوقف قراءة القصة.. زفرت بضيق و خبيت القصة مع البقية
في إيه يا ماما
من غير ما تبصلي ماما قالت.. اقعدي يا إيزابيلا
لما
متابعة القراءة
