رواية منتقبتي من الفصل الرابع حتى التاسع سليم وبيلا بقلم ناردين

ب بيلا دلوقتي 
هز رأسه و أمل طلعت بره الأوضة وهو رجع غمض عينيه من جديد و افتكر الآية يلي بتقول 
ووصينا الإنسان بوالديه حملته أمه وهنا على وهن وفصاله في عامين أن اشكر لي ولوالديك إلي المصير وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا واتبع سبيل من أناب إلي ثم إلي مرجعكم فأنبئكم بما كنتم تعملون 
نزلت أمل لتحت لقت أبوها لسه قاعد مع وائل.. بصتله بطرف عينيها و قالت بصوت واطي 
أمل.. إنت مش حتبطل سجاير 
وائل ببرود.. عندك مانع
أمل.. أيوة.. عندي و الأسوء من كل ده إنك قدام أبوك 
وائل.. بابا مقلش أي حاجة فإنت بتدخلي ليه 
أمل.. عشان بابا زهق منك.. كل يوم نفس السيناريو من قبل ما يروح العمرة و.. إنت عاوزة مني إيه و لا إنت زعلانة لأنه.. يلي عامل حاله إمام مسجد زعلان 
محمد.. إنت بتتكلم عن أخوك الكبير يا وائل ...و كمان أمل معاها حق و السجاير حرام عشان هي زيها زي الخبائث يلي حرمهم ربنا لأن ربنا قال بعد بسم الله الرحمان الرحيم.. وأنفقوا في سبيل الله ولا تلقوا بأيديكم إلى التهلكة وأحسنوا إن الله يحب المحسنين
كمل محمد بعصبية.. إنت واجب عليك تحافظ على صحتك و صحة يلي حواليك.. مش عشان مزاج خمس دقايق تروح تهدر صحتك.. وائل إنت حااتبطل سجاير فاهم 
وائل بنفاذ صبر.. مش حقدر يا بابا 
محمد.. مفيش حاجة إسمها مش حقدر ....
أخذ وائل نفس عميق و رد عليه.. تمام يا بابا
الكل بيسمع كلام محمد السيوفي حتى الناس الموجودين بره.. إبتسمت أمل برضا و راحت أوضتها و إتصلت ب بيلا ..
بعد مدة ردت بيلا عليها و قالت 
بيلا.. خير 
أمل.. إنت بتكلميني بالطريقة دي ليه 
بيلا.. عاوزة إيه يا أمل 
أمل.. تمام.. أنا حاأقول ل سليم إنك غيرت رأيك و مش عاوزة تتجوزيه عشان هو لسه عامل نفسه إنو الجمعة الجاية حتكون الرؤية الشرعية ب...
بيلا بمقاطعة.. يعني هو مش زعلان
أمل.. أيوة.. هو مش زعلان منك و قال إنو معاك حق في كل حاجة.. يلا سلام 
أمل كانت عارفة إنها لو إستمرت في الكلام مع بيلا في التيليفون أكيد حتقولها عن رحاب و عن الشرط يلي حطوا أبوها عشان تتخطب هي من سليم 
..................................................................
كنت فرحانة و مبسوطة عشان سليم مزعلش من كلامي و لسه عاوز يتجوز مني و كأنه ده كان أعظم إنتصار ليا.. أخذت نفس عميق و إرتميت على السرير و أنا حاسة بحاجات كتير حتحصل معانا.. حطيت إيدي على قلبي و قلت 
و أخيرا يا بيلا حتكوني مراته.. خلاص كل حاجة من أحلامك حتتحقق.. حتتجوزي الراجل يلي حلمتي بيه 
إعتدلت في قعدتي على السرير و أخذتني أحلامي لمكان تاني وهو يوم فرحي و أنا لابسة الفستان الأبيض يلي كل بنت بتحلم بيه و ماسكة بإيده و إحنا في الكنيسة .... كنيسة بس هو أكيد حيرفض يروح معايا الكنيسة.. نتجوز جواز المسلمين و جواز المسيحين يعني نعمل فرحين 
بيلا.. وقت العشاء
فقت من شرودي على صوت جوري يلي كانت بتخبط على الباب بس مدخلتش أوضتي.. يمكن تكون زعلانة مني لأني السبب زي ما إفتكرت هيا في إنو أليكس يلبس هدوم المسلمين بس نسيت إنو دانا هي يلي قلتلها على كل حاجة .... مسحت وشي بضيق و قمت من السرير فتحت الباب لقيتها واقفة و هي حاطة إيدها على خصرها 
في حاجة 
جوري.. القميص كان في أوضتك و لا في أوضة أليكس 
في أوضتي 
جوري.. أنا مش مصدقاك يا بيلا و...
قاطعتها لما قلت.. تمام.. صدقيني و لا لأ مش فارق معايا.. بس بليز يا جوري متصدقيش دانا كتير عشان هي بنت فتانة و زي السوسة بالضبط 
جوري.. دانا مش كده 
مشيت خطوتين و قلت من غير ما أبص ليها.. ممكن لأنها طالعة شبهك في كل حاجة 
سبت جوري ورايا و نزلت للطابق الأرضي يلي كانوا كلهم مجتمعين فيه هوما بيأكلوا العشاء.. قعدت معهم و بصيت ل أليكس لقيته بيأكل وهو هادي.. رفعت رأسي شوية شفت جوري نازلة من الدرج و راحت قعدت جنب جوزها مارسيل 
دانا.. ماما 
جوري.. خير يا حبيبتي 
دانا.. عاوزة أنام مع خالتو 
إيه 
بصتلي دانا ببراءة و قالت.. عاوزة أنام معاك 
ليه.. هو في وحش موجود في البيت و أنا مش عارفة 
ماريا.. بيلا.. عادي ماهي دانا بنت أختك 
بس يا ماما أنا م... 
قاطعني بابا لما قال.. تمام يا قلب جدو.. حتنامي مع خالتك في نفس الأوضة 
كمل بابا كلامه وهو موجه ليا.. بيلا.. دانا لسه صغيرة يعني عادي إذا نامت معاك 
تمام يا بابا 
الراجل الوحيد يلي بيدعمني في البيت كله وهو بابا و أنا مش حرفض أبدا أي طلب يطلبه مني.. كملت أكل و طلعت أوضتي لقيت أليكس جاي عندي وهو بيمشي على أطراف أصابعه.. وقف قصادي و قال 
أليكس.. بابا هو يلي طلب من دانا تيجي تنام معاكي 
و مارسيل حيعمل كده ليه 
أليكس.. عشان هو شاكك فيك يا خالتو.. لازم تخبي كل حاجة كويس.. الكتاب و السجادة حأخذها معايا 
تمام 
أخذت نفس عميق و قمت من مكاني و خبيت الكتاب في الدولاب بعدما أخذ أليكس السجادة و قفلت عليه بالمفتاح و رجعت قعدت مرة تانية على السرير.. لقيت دانا داخلة عندي و هي ماسكة مخدتها بإيدها
تعالي 
حطت المخدة على الناحية التانية من السرير و جات عندي.. مسكت بإيدها و قلت بإبتسامة مزيفة 
أبوك طلب منك تنامي معايا 
دانا.. لأ يا خالتو.. بس أنا بخاف أنام لوحدي 
كذابة.. حتطلعي لمين يعني أكيد يا لأمك و يا لأبوك في الموضوع ده.. تمام يا دانا حتنامي في الحتة التانية من السرير بس لو أي كلمة أو أي حركة طلعت من الأوضة دي مش حتشوفي وش بيلا الطيب.. حتشوفي وش عمرك ما كنت فاكرة إنك حتشوفيه.. فاهمة 
طبطبت على كتفها لقيتها بترتعش بس عادي ده مجرد كلام بس عشان أنا مش بحب أتعامل مع الأولاد بطريقة وحشة.. نامت على الجهة التانية من السرير و أنا نمت
6
عدت الأيام بسرعة كبيرة و جه اليوم يلي كنت مستنياه.. يوم الرؤية الشرعية يلي حيجي فيها سليم و عيلته على بيتنا.. كنت عارفة إنهم جايين ورا الغذاء او بالمعنى الأصح بعد صلاة الجمعة.. كنت واقفة قدام المراية و أنا بجهز نفسي.. لبست فستان أصفر لحد الركبة و سبت شعري مفرود على ضهري و حطيت شوية ميكاب آب 
بعدما خلصت رحت قعدت فوق السرير و ضميت إيديا لبعضهم و أنا شاردة في الفراغ .... أول مرة بحس بالشعور ده بس يلي كنت عاوزاه أهو إتحقق.. قمت بسرعة من مكاني و بصيت على العربية يلي وقفت جنب الباب بالضبط 
بيلا.. إهدي.. كل حاجة حتكون كويسة 
وجهت الكلام ده لنفسي بس لقيت حالي بإرتعش و بشد على الفستان من التوتر .... آه أنا بجد متوترة اليوم ده بشكل كبير قوي.. أخذت نفس عميق و حطيت إيدي على صدري لما شفته نازل من العربية و ماشي بكل هدوء.. إتحركوا ناحية البيت و خبطوا عليه.. إبتلعت ريقي لما لقيتهم دخلوا و جايبين معاهم بوكيه ورد و علبة فيها حلويات 
أخذ بابا الرجالة للصالون و قعدوا هناك.. الرجالة لوحدهم و الستات لوحدهم زي ما طلبوا مني.. قعدت ماما و جوري مع الست كوثر و أمل.. و قعد بابا و مارسيل في الصالون مع السيد محمد و سليم و وائل
مر شوية وقت و أنا لسه قاعدة في أوضتي و متوترة.. بفرك في إيديا.. لبست الصندل و وقفت من جديد 
يلا يا بيلا هما عايزين يشوفوك
جه صوت جوري بعدما فتحت الباب عليا لقيتني واقفة و جاية رايحة في الأوضة.. بصتلي بطرف عينها و قالت 
جوري.. مش أحسن لو وافقتي قبل 3 سنين على ديفيد
ديفيد مين 
جوري.. أخو مارسيل.. كنت دلوقتي متجوزة منه و يمكن تكوني مخلفة أحسن من يلي جاي دلوقتي و حيعمل رؤية شرعية ولو معجبتوش بعض يروح كل واحد منكم في طريق 
مش مهم.. ماهو ديفيد كمان راح في طريق.. مش قلتي إنه اتجوز و معاه بنت دلوقتي 
جوري بضيق.. أيوة 
تمام.. ينفع منحكيش عن واحد متجوز و مخلف دلوقتي 
من غير ما أسمع رد جوري طلعت من الأوضة و نزلت عندهم.. كانت الست كوثر و كأنها قاعدة في بيتنا بالغصب.. أخذت نفس عميق و إتحركت ناحيتها و سلمت عليها 
إزيك يا ست كوثر 
كوثر.. أنا كويسة.. أقعدي يا بنتي 
قعدت معاهم و عقدت أصابع إيديا ببعضهم و كانت الست كوثر بتبصلي من رأسي لآخر رجليا.. نزلت شوية الفستان يلي كنت لابساه عشان متضايقش مني 
ماريا.. جوري... فين العصير 
سكتت ماما و لقيت ملامح الست كوثر إتغيرت.. هوما مسلمينحاولت أصلح يلي حصل دلوقتي و قلت بسرعة 
في عصير و في قهوة.. بتشربوا إيه 
كنت عارفة و متأكدة إنو ماما و جوري مش حيخلوا اليوم ده يمر على خير.. سكبت قهوة في الفنجان و مديته ناحية الست كوثر يلي أخذته مني ببرود و من غير ما تتكلم معايا و أمل سكبتلها عصير و حطيت قدامها
أمل.. إحنا عاوزين نسيب بيلا و سليم عشان يتكلموا لوحدهم يا خالة ماريا 
ماريا.. تمام 
طلعوا الستات و سابوني قاعدة في الأوضة لوحدي و أنا بفرك في أصابع إيديا.. نزلت رأسي تحت بس رفعته من جديد لما سمعت صوت رجليه 
سليم.. ينفع إبن أختك يقعد معانا
ها... أيوة 
دخل أليكس و قعد معانا بس كان ساكت و كأنه مش موجود و أنا كمان كنت ساكتة و مش عارفة حقول إيه.. بصيتله بطرف عين لقيته منزل رأسه لتحت 
إنت ...كويس 
سليم.. أيوة 
رجعنا سكتنا من جديد إحنا الإتنين و كأننا معندناش لسان و مش بنتكلم.. إتنهد سليم بعمق و قال 
سليم.. إنت عارفة قصة سيدنا عيسى عليه السلام
ق..قصة مين 
سليم.. قصة عيسى عليه السلام
إنت بتسأل ليه 
سليم.. طب إنت عارفة إنو أم عيسى عليه السلام يبقى إسمها مريم 
يعني 
سليم.. إنتو في المسيحية بتأمنوا بثالوث الأب و الإبن و الروح القدس.. و تعتبروا يسوع المسيح الإبن الوحيد لله و المخلص و فاكرينه كمان النبي و الرسول الأهم في المسيحية.. بس عندنا في الإسلام بنأمن بالتوحيد الخالص لله و نعتبر يسوع المسيح نبي و رسول من الله زي زكرياء و يحي و موسى مش إبن الرب 
لأ.. مش كده 
سليم.. طب ينفع تسمعي الآية دي.. قال الله تعالى بعد بسم الله الرحمان الرحيم وإذ قال الله يا عيسى ابن مريم أأنت قلت للناس اتخذوني وأمي إلهين من دون الله ۖ قال سبحانك ما يكون لي أن أقول ما ليس لي بحق ۚ إن كنت قلته فقد علمته ۚ تعلم ما في نفسي ولا أعلم ما في نفسك ۚ إنك أنت علام الغيوب 
أنا.. 
سليم بمقاطعة.. إنتوا عندكم الكتاب المقدس هو المصدر الرئيسي للعقيدة المسيحية و إحنا عندنا القرآن الكريم و هو كتاب الله الوحيد يلي مش محرف من باقي الكتب السماوية.. أنا مش بقول إني مش بأمن بباقي الكتب و لا بباقي الأنبياء بس إحنا بنمشي على تعاليم الدين الإسلامي لأنه ربنا قال آمن الرسول بما أنزل إليه من ربه والمؤمنون ۚ كل آمن بالله وملائكته وكتبه ورسله لا نفرق بين أحد من رسله ۚ وقالوا سمعنا وأطعنا ۖ غفرانك ربنا وإليك المصير لا يكلف الله نفسا إلا وسعها ۚ لها ما كسبت وعليها ما اكتسبت ۗ ربنا لا تؤاخذنا إن نسينا أو أخطأنا ۚ ربنا ولا تحمل علينا إصرا كما حملته على الذين من قبلنا ۚ ربنا ولا تحملنا ما لا طاقة لنا به ۖ واعف عنا واغفر لنا وارحمنا ۚ أنت مولانا فانصرنا على القوم الكافرين 
أنا مش عارفة.. 
قاطعني من جديد.. عندك شروط 
شروط.. إزاي يعني 
سليم.. عاوزة تشتغلي مثلا 
و إنت حتسيبني أشتغل 
سليم.. لأ.. عشان شغلك حيكون فيه إختلاط مع الرجالة و أنا مش حقبل إنك تشتغلي معاهم 
ليه 
سليم.. أنا يلي عندي قولته إنت موافقة على شرطي و لا لأ
تمام.. أنا موافقة.. بس أنا كمان عندي شرط 
سليم.. إيه هو 
إحنا عندنا شعائر دينية لازم نبقى متمسكين بيها زي القداس الإلهي و المعمودية و عندنا الصلاة.. الصوم و الزيارات الكنيسية عشان نشارك في القداس .... يعني إنت لازم تسيبني أعمل العادات و التقاليد الموجودة في ديني و إنت تعمل العادات و التقاليد الموجودة
في دينك 
سليم.. تمام يعني إحنا متفقين على كل حاجة 
أيوة 
أخيرا خلصت الرؤية الشرعية يعني و عمري ما افتكرت إنو حتكون بالشكل ده و قد إيه هي صعبة.. طلع سليم من الأوضة و قبل ما إستوعب أي حاجة سمعت إتفاقهم و إنو الخطوبة حتكون الخميس الجاي.. فرحت من جوايا بس زعلت كمان عشان مش حلحق أجهز كل حاجة في أسبوع.. طلعت أوضتي و راقبتهم من البلكونة و هوما بيروحوا 
إنت وافقت إزاي 
لفيت لقيت مارسيل جوز أختي واقف ورايا وهو يبصلي بغضب 
فيها إيه 
مارسيل.. يعني لما طلب ديفيد إيدك رفضت وهو كان من نفس ديانتك و لما طلب إيدك واحد مسلم وافقتي 
إنت بتكلمني كده ليه 
مارسيل.. بيلا.. إنت عارفة ده مين إمام مسجد و حتتجوزي منه وهو في فرق بينكم 
لأ.. إنت زودتها كتير.. إطلع برا أوضتي 
من الصوت العالي يلي كان طالع من أوضتي لقيت جوري بتدخل عندنا.. بصت على مارسيل و قالت 
جوري.. في إيه 
جوزك بيتدخل في حياتي 
جوري.. و إنت بتصرخي في وشه ليه 
عشان هو قليل أدب 
جوري برفزة.. بيلا.
بصتلي بغضب كبير و إتحركت ناحيتي عشان تضربني بس مارسيل مسكها من إيدها و شدها ليه 
مارسيل.. جوري... إهدي 
جوري.. البنت دي زودتها و ...
قاطعتها لما قلت.. إقفلوا الباب وراكم 
طردتهم من أوضتي بس بطريقة مش مباشرة.. طلعت هي و مارسيل من الأوضة و أنا نزعت المجوهرات يلي كنت لابساها و الصندل كمان و دخلت الحمام عشان آخذ شاور 
............................................................................
رجع سليم و عيلته بيتهم و كل واحد فيهم راح أوضته قبل ما يطلع كل واحد منهم على شغله.. سليم و أبوه راحوا المسجد عشان صلاة العصر و أمل و كوثر على المطبخ عشان يجهزوا العشاء و وائل نزل راح شغله 
أمل.. ماما.. إنت سمعت بالشرط يلي حطه بابا ل سليم 
كوثر.. أيوة و أنا موافقة عليه 
أمل.. بس بيلا بتحب سليم قوي و هي مش عارفة إنو سليم طلب إيد رحاب كمان 
كوثر.. إزاي هي مش عارفة 
أمل.. سليم طلب مني مقولهاش على الموضوع ده
كوثر.. ليه.. هي لازم تعرف إنو جوزها المستقبلي حيتجوز من بنت تانية كمان 
أمل.. يعني 
وقفت كوثر قصادها و حطت إيدها على كتف بنتها و قالت.. إفترضي لو هي سمعت من الناس حيكون رد فعلها إزاي و عشان كده يا أمل لازم يا إنت يا سليم تقولولها
أمل.. بس يا ماما ...
كوثر بمقاطعة.. أمل.. إحنا حننزل بكره عشان نختار الذهب ل رحاب و هي جاية معانا و حنختار للبنت المسيحية كمان.. هوما حيشوفوا بعض على أي أساس 
فكرت أمل شوية و ردت على أمها.. معاك حق يا ماما.. انا رايحة أتصل ب بيلا و أقولها
خرجت أمل من المطبخ و سابت والدتها يلي أخذت نفس عميق وراها.. طلعت أوضتها و طلعت موبايلها من شنطتها و إتصلت ب بيلا يلي بعد مدة قصيرة جاها الرد 
بيلا.. أمل 
أمل.. بيلا.. إزيك
بيلا.. أنا كويسة و إنت 
أمل.. إحنا كويسين.. بيلا.. أنا عاوزة أعترفلك بحاجة 
بيلا.. إيه هيا 
أخذت أمل نفس عميق و قالت.. عارفة رحاب بنت خالتي يلي قلتلك عليها من قبل.. سليم طلب إيدها 
بيلا.. إزاي يعني 
أمل.. بابا مكنش موافق على جوازتك من سليم و حطله شرط عشان يوافق و الشرط ده كان إنه يطلب