رواية منتقبتي من الفصل الرابع حتى التاسع سليم وبيلا بقلم ناردين
المحتويات
إيد بنت خالتي رحاب كمان
سكتت بيلا و مردتش عليها.. يعني الشخص الوحيد يلي كانت فاكرة إنو خلاص
بيلا.. عاوزة رقم موبايل سليم
أمل.. بيلا.. إنت مش زعلانة مش كده
بيلا.. إبعتيلي في مسدج رقم موبايله
من غير ما تسمع بيلا رد أمل قفلت الموبايل في وشها .... عملت سكرين شوت لرقم موبايل سليم و بعتته ل بيلا
.....................................................................
حسيت بوجع غريب في قلبي.. كنت فاكرة إنو حيكون ليا بس و مش حيكون لغيري ألاقيه طالب إيدي و إيد بنت خالته و الأسوء من كل ده إنه رفض يقولي.. وصلني مسدج فيه رقم موبايله.. مكنتش عارفة حعمل إيه أتصل بيه و أبهدله على اللي حصل و لا أسكت و متكلمش معاه و أبطل منه و أسيبه لبنت خالته
الله أكبر.. الله أكبر
الله أكبر.. الله أكبر
أشهد أن لا إله إلا الله
أشهد أن لا إله إلا الله
أشهد أن محمدا رسول الله
أشهد أن محمدا رسول الله
حي على الصلاة
حي على الصلاة
حي على الفلاح
حي على الفلاح
الله أكبر.. الله أكبر
لا إله إلا الله
كان ده صوته وهو بيأذن صلاة العصر.. يعني مينفعش أتصل بيه دلوقتي لحد ما يخلصوا الصلاة.. رحت قعدت على حافة البلكونة و كل دقيقة أبص لرقم موبايله.. سندت رأسي على الحافة و غمضت عينيا
خالتو.. ممكن أدخل
فتحت عينيا و مسحت عينيا بسرعة و قلت.. إتفضل
لقيت أليكس بيدخل عندي وهو عاقد إيديه ورا ضهره.. إتحرك ناحيتي ووقف قصادي و قال
أليكس.. خالتو... إنت كويسة
أيوة
أليكس.. شكلك زعلانة.. هو سليم عملك حاجة
لأ.. هو معلمش أي حاجة.. بس في إيه
طلع إيديه ورا ضهره لقيته ماسك كيس في إيده.. فتح الكيس و طلع منه كتب زي المجلات بالضبط
أليكس.. إيه دي
أليكس.. إمام المسجد سليم قالي خلي خالتك تقرأ القصص دي.. هي قصص الأنبياء.. 25 قصة يا خالتو
و أنا حعمل فيهم إيه
أليكس.. طلب منك تبتدي بقصة آدم عليه السلام عشان هو أول الأنبياء و الرسل و تكملي باقي القصص لحد ما توصلي لقصة النبي عيسى عليه السلام و تعرفي قصته الكاملة و علاقته مع النبي زكرياء و النبي يحي
سليم.. عمل كده
أليكس.. أيوة.. يلا أنا لازم ألحق أسامة عشان نروح نصلي العصر و أرجع بسرعة للبيت
أخذت منه القصص و حطيتهم فوق الترابيزة و أنا بقرأ الأسماء آدم .. إدريس .. نوح .. هود .. صالح .. لوط .. إبراهيم .. إسماعيل .. إسحاق .. يعقوب .. يوسف .. شعيب .. أيوب .. ذو الكفل .. يونس .. موسى .. هارون .. إلياس .. اليسع .. داوود .. سليمان .. زكرياء .. يحي .. عيسى .. محمد
يعني عايز مني سليم أقرأ قصص الأنبياء دي كلها و أقرأ كمان كتاب الرحيق المختوم يلي صفحاته إتعدت 500 صفحة.. جمعت القصص مرة تانية و سبتهم فوق الترابيزة و رجعت قعدت من جديد على حافة البلكونة و أنا ماسكة الموبايل بين إيديا.. لما شفت المصلين بدأوا يطلعوا من المسجد.. نسخت رقمه و إتصلت بيه بس مردش
رميت الموبايل بغضب على السرير و نزلت للطابق الأرضي لقيت بابا و ماما قاعدين مع بعض و معاهم دانا .... قعدت قصادهم و قلت
بابا.. سليم طلب إيد بنت خالته كمان
يعقوب.. قصدك إيه
بابا.. أنا بحب سليم و مش عارفة حعمل إيه يعني هو عايز يتجوز من بنت تانية بس ده لأنه كان شرط والده
ماريا.. إزاي يعني.. و إنت لسه عايزاه
وقفت و قلت.. أيوة يا ماما
لطمت ماما على وشها و قالت.. إزاي يعني.. بيلا إنت في وعيك.. هو حيتجوز منك و كأنك حتكوني مراته التانية
يعقوب.. أنا واثق فيك يا بيلا و متأكد من إنو يلي بتعمليه صح.. لو عايزة تكملي معاه كملي يا بنتي
يعني يا بابا
يعقوب.. و حزعل منك ليه.. إنت بنتي يا بيلا
أنا بحبك يا بابا
بابا و مسح على شعري الأسود و إيده التانية كان بيطبطب فيها على ضهري.. باس رأسي و أنا طلعت أوضتي مرة تانية بمجرد ما فتحت الباب لقيت موبايلي بيرن.. حملته بين إيديا و رديت على التيليفون
آلو
سليم.. مين معايا
سليم .... انا بيلا
سليم.. إنت جبتي رقمي منين
أمل أديتهولي.. سليم أنا عرفت كل حاجة و عرفت إنك طلبت إيد بنت خالتك كمان
سليم.. مين قالك
أمل قالتلي.. سليم أنا معنديش مانع في الموضوع ده و يمكن ده حقك.. يمكن انا مش حقدر أشوفك مع بنت تانية بس ده قرارك و أنا موافقة عليه
سليم.. تمام يا بيلا
قفلت الموبايل و رميته من جديد فوق السرير.. لقيت نفسي بآخذ قصة النبي آدم عليه السلام و أقعد على الكنبة.. أول ما فتحت القصة لقيت مكتوب فيها الآية يلي بتقول وقلنا يا آدم اسكن أنت وزوجك الجنة وكلا منها رغدا حيث شئتما ولا تقربا هذه الشجرة فتكونا من الظالمين مفهمتش معنى الآية دي و حبيت أتعمق أكثر فبديت أقرأ قصة آدم عليه السلام
7
خلصت قصة آدم عليه السلام قبل العشاء يعني في وقت آذان المغرب بالضبط.. بجد القصة دي مش قصة عادي يعني هي إبتدأت لما خلق ربنا الكون و السماوات و الأرض في ستة أيام و ده من واضح من الآية يلي بتقول إن ربكم الله الذي خلق السماوات والأرض في ستة أيام ثم استوى على العرش يغشي الليل النهار يطلبه حثيثا والشمس والقمر والنجوم مسخرات بأمره ألا له الخلق والأمر تبارك الله رب العالمين و ما خلق سبحانه و تعالى في الأرض خلقه في سبعة أيام من أيامنا العادية.. يوم السبت خلق التربة.. و يوم الأحد خلق الجبال و خلاها تكون أوتاد للأرض لأنه الأرض كانت بتميد يمين و شمال و مكنتش مستقرة و في يوم الإثنين خلق الشجر و النبات و الثلاثاء خلق الأذى و الأمراض و كل الأشياء المكروهة في الكون من الأحزان و الآلام و في يوم الأربعاء خلق النور و الهداية و الإيمان و يوم الخميس خلق الحيوانات و الحشرات.. و بعدما خلق ربنا الملائكة خلق وراهم بسنين الجان وهوما اللي كانوا عايشين على الأض مش البشر و عشان كده في يوم الجمعة بعد العصر خلق ربنا آدم عليه السلام و كان خليفة في الأرض
القصة كلها عجبتني بس أكثر حاجة عجبتني فيها هي الطريقة يلي دفن فيها قابيل هابيل و هوما أولاد آدم و حواء بس علشان ربنا اتقبل قربان هابيل و إذا ربنا اتقبل القربان حتيجي نار من السماء و تحرقه فاتقبل قربان هابيل لأنه قدم أفضل حاجة عنده و قابيل أسوء حاجة عنده.. قتل قابيل هابيل و دي كانت أول جريمة و بعدها احتار حيعمل إيه بجثة أخوه فبعث الله غرابين فتقاتلا و قتل أحدهما الآخر فحفر حفرة جعله فيها و بعدها رمى فوقه التراب.. قال تعالى.. فبعث الله غرابا يبحث في الأرض ليريه كيف يواري سوءة أخيه ۚ قال يا ويلتا أعجزت أن أكون مثل هذا الغراب فأواري سوءة أخي ۖ فأصبح من النادمين .. بعدما دفنه هرب و بعدما عرف آدم عليه السلام بالخبر ده حزن حزنا شديدا ثم أبدله الله بولد آخر وهو شيث و كان خليفة آدم عليه السلام في النبوة و الحكم
قفلت القصة بموت آدم و مراته حواء يلي ماتت وراه بسنة وحدة.. القصة دي فيها عبرة و هو إنه الله حذر الناس من الشيطان يلي طلع آدم و حواء من الجنة.. يا بني آدم لا يفتننكم الشيطان كما أخرج أبويكم من الجنة ينزع عنهما لباسهما ليريهما سوءاتهما إنه يراكم هو وقبيله من حيث لا ترونهم إنا جعلنا الشياطين أولياء للذين لا يؤمنون
حطيت القصة فوق الترابيزة و نزلت لتحت بعدما سمعت صوت الباب ينفتح.. لقيت أليكس راجع وهو فرحان.. إتحرك ناحيتي بسرعة و مسك إيدي و سحبني وراه.. طلعنا أوضتي مرة تانية و ساب إيدي
في إيه
أليكس.. سليم حيعلمني أحفظ القرآن
هو يلي قالك
أليكس.. و قالي لما تحفظ حزبين من كتاب ربنا حيجيبلي المصحف الشريف هدية ليا
أليكس.. أنا خلصت قصة آدم
أليكس.. إيه رأيك في القصة
مش عارفة رأي فيها الحقيقي عشان هي خلبطتني.. يعني إحنا بنقول بسم الأب و الإبن و الروح القدس و ألاقي المسلمين بيقولوا بسم الله الرحمان الرحيم
أليكس.. عارفة يا خالتو... الرحمان الرحيم دي تبقى من أسماء الله الحسنى.. 99 إسم و أنا حفظتهم
حفظتهم كلهم
أليكس.. أيوة.. خالتو أنا سمعت حاجة في المسجد
إنت سمعت إيه
أخذ أليكس نفس عميق و قال.. كل يلي بالمسجد بيقولوا إنو إمام المسجد سليم حيتجوز من بنت خالته و إنت ..
قاطعته لما قلت.. أيوة.. أنا عارفة إنو طلب إيد بنت خالته كمان و أنا وافقت على الموضوع ده لأني بحبه و حعمل المستحيل عشانه
أليكس.. يا يا خالتو
ضحكت بخفة على كلام أليكس و نزلت رأسي.. أليكس.. أنا عندي إحساس كبير إننا مش حنكمل مع بعض و حيروح كل واحد فينا في طريق
حط أليكس إيده فوق كتفي و قال.. مش قلت إنك بتحبيه.. اومال عندك إحساس زي ده ليه
مش عارفة.. يلا روح إلحق صلاة المغرب
طلع من أوضتي و سابني وراه.. حطيت إيدي فوق صدري و غمضت عينيا.. كل حاجة لازم تكون كويسة و إحنا حنكمل مع بعض عشان سليم ليا و بس
.......................................................................
رحاب .... إنت عارفة إنو سليم إبن خالتك كوثر طلب إيد البنت المسيحية بيلا صحبة أمل كمان
كانت قاعدة رحاب قدام المراية و هي بتسرح في شعرها و أمها واقفة جنبها و بتبصلها
رحاب ببرود.. أيوة.. عارفة يا ماما
نهال.. عارفة و لسه عاوزاه
سابت المشط و اتحركت ناحية أمها و بمجرد ما صارت واقفة قصادها قعدت على الأرض و قالت
رحاب.. ينفع يا ماما تسرحيلي شعري
نهال.. إنت لسه في وعيك مش كده يا رحاب
رحاب.. أيوة يا ماما و يعني إنت فاكرة بجد إنو إمام المسجد سليم السيوفي حيتجوز من بنت مسيحية
نهال.. و إنت واثقة من كلامك بالشكل ده ليه
رحاب.. ماما.. بكره حأنزل أنا و خالتو و أمل و خطيبة جوزي المسيحية عشان نختار الذهب و حتشوف الفرق يلي بينا و بينهم
نهال.. حتنفصل عنه
رحاب.. ده يلي حيحصل يا ماما
إبتسمت نهال و مسكت المشط و راحت سرحت شعر بنتها رحاب يلي إتخطبت من إبن خالتها سليم إمام المسجد
.................................................................
بعد آذان المغرب سليم ووالده رجعوا البيت و وائل كمان كلهم إجتمعوا في الصالون مع بعض.. حضرت أمل القهوة و راحت عندهم و هي شايلة الصينية و قعدت جنب سليم
محمد.. أم سليم بكره حتنزلي إنت و أمل و رحاب ووالدتها و البنت المسيحية و اختاروا
الذهب
أمل.. بابا.. ممكن تيجيب بيلا واحد من عيلتها.. مش كده
محمد.. أيوة.. أنا معنديش مشكلة في الموضوع ده
وائل.. أمل.. هو إنت قلتي للبنت المسيحية يلي إسمها بيلا إنه سليم طالب إيد بنت خالتنا كمان
سليم ببرود.. أيوة.. بيلا عارفة
رفع وائل حاجبه و قال.. و لسه موافقة تتجوزك
سليم.. أيوة.. عندك مانع في الموضوع ده
وائل.. لأ يا سيدي.. أنا حطلع عشان أرتاح شوية
طلع وائل أوضته و ساب أمه و أبوه و سليم و أمل وراه.. راحت أمل للمطبخ عشان تحضر العشاء.. قام سليم و لحقها.. وقف وراها و قال
سليم.. أمل
حطت أمل الصحون و قالت.. في إيه
سليم.. أمل.. أنا بفكر في حاجة
أمل.. تفكر.. خير يا سليم
سليم.. إنت عارفة إنو أليكس مسلم و أنا وعدته في حاجة و مش عاوز أخلف بوعدي..
أمل بإبتسامة.. دي حاجة كويسة مش كده
سليم هز رأسه و رد عليها.. هي كويسة من جهة و من جهة تانية لأ.. يعني لو مستقبلا إنفصلت أنا و بيلا كده مش حوفي بوعدي ليه
إتنهدت أمل بعمق و مسكت إيده.. سليم.. ممكن تشتري المصحف و تديهله على أساس إنه هدية عشان يحفظ منه.. من جهة إنت وفيت بوعدك ليه و من جهة تانية هو حيحفظ مش بس جزء عم
سليم.. معاك حق.. بعد العشاء حنزل عشان اشتري المصحف و حالتقي بيه بكره إن شاء الله
بعدما جهزت أمل العشاء.. أكلوا هوما الخمسة و بعدها راح سليم ووالده و وائل على المسجد عشان صلاة العشاء
.....................................................................
تاني يوم
فقت بدري و لبست هدومي و بعدها طلعت من غير ما أفطر مع عيلتي.. كنت فرحانة و مبسوطة إنو اليوم مع حانزل مع عيلة سليم عشان نختار الذهب بس بصراحة حسيت و كأني غريبة بينهم.. شفت نظرات البنت يلي اسمها رحاب ليا و إزاي مسكت بإيد الست كوثر و سبقونا مع والدتها انا و أمل
بيلا.. في إيه
أنا حرجع بيتي
أمل ليه بقى يا بيلا
نظرات رحاب ليا كانت و كأني سرقت منها حاجة غالية عليها.. و كمان رحاب و لا أمك يا أمل بيطيقوني..
قاطعتني أمل لما قالت.. بيلا.. إنت مش بتحبي سليم يعني لو كنت مكانك و حبيت حد من قلبي زيك مستحيل أسيبه عشان هو حيكون ليا و بس
بس يا أمل..
أمل بمقاطعة.. بيلا.. إفهميني يا بت إنت.. حقولك سر بس حيفضل بينا إحنا لتنين و بس
قولي
أمل.. سليم بيحبك يا بيلا.. و عشان بيحبك هو راح و طلب إيدك.... هو عاوزك تكوني حلاله و بس
كلام أمل خلاني إبتسم من جوايا.. نزلت رأسي و أنا بافتكر ملامح سليم يلي البارحة و لأول مرة في حياته يقعد قصادي و يتكلم معايا.. سحبتني من إيدي و رحنا وقفنا في محل يبيع المجوهرات
كوثر.. إيه رأيك بالطقم ده يا رحاب
نهال.. هو حلو يا كوثر.. بس دي بنتي و لو مش مكفيك الفلوس أنا عندي فلوسي عشان نشتري أغلى طقم ذهب هينا في المحل كله
بصتلي رحاب بطرف عينها و قالت.. سيبو الطقم ده لشخص هينا يعني ممكن يكون من مقامه
البنت دي زودتها بجد.. إبتلعت ريقها أمل و بصتلي بعدما شافتني و أنا بشد على إيدي بغضب بس مش بيلا يلي تسيب الناس تتكلم عنها بالطريقة الوحشة دي.. رحاب طلعت مع عيلتها بس أنا حطلع مع سليم و حاشوف رد فعلها حيكون إزاي.. خرجت من المحل و سبتهم ورايا
بيلا... إنت رايحة فين
انا حرجع بيتي.. و حاطلع بكره مع أخوكي عشان نختار خواتم الخطوبة و كل حاجة و قوليلو الكلام ده
رحت وقفت سيارة أجرة و ركبت فيها و روحت بيتي و سبتهم ورايا كلهم.. زفرت أمل بضيق و رجعت المحل تاني.. بصت على رحاب بغضب و قالت
أمل.. إزاي تكلمي بالشكل ده
رحاب.. و إزاي عايزاني اكلم خطيبة سليم يعني
أمل.. بالذوق يا رحاب.. مش كده
نهال.. أمل.. إنت بتكلمي بنتي بالشكل ده ليه
نزلت أمل رأسها و قالت بأسف.. آسفة يا طنط بس مكنش ينفع تقول الكلام ده ل بيلا
كوثر.. أمل.. دي بنت خالتك مش البنت يلي إسمها بيلا
أمل.. بس . .
قاطعتها رحاب لما قالت.. أنا خايفة يا ماما كوثر.. تتغير أمل و تصير زيها.. شفت هيا لاببسة إزاي
لطمت نهال على وشها و قالت.. يالهوي لو يا أمل غيرت من شكلك.. بدل الحجاب الشرعي يلي إنت لابساه دلوقتي تلبسي فساتين قصيرة و بناطيل زي بتاع الرجالة
عقدت أمل حاجبيها بغضب و قالت.. انا ...
كوثر بمقاطعة.. إحنا جينا عشان نختار الذهب مش نتكلم عن شخص راح و طباعه
ضغطت أمل على إيدها و وقفت معاهم وهوما بيختاروا الذهب ل رحاب يلي كانت مبسوطة من كل حاجة
.....................................................................
كنت قاعدة في سريري و قدامي قصة جديدة قصة النبي إدريس
متابعة القراءة
