جواز ايه بقلم نورهان
جواز ايه اللي بتتكلمي عنه معلش! احنا متفقناش على كدا.
هكذا تحدثت شروق موجهة حديثها إلى سعاد التي قالت بإصرار
_ اتفقنا انك هتسمعي كلامي علشان نقدر ناخد حق امك من نبيلة، و اول حاجه نعملها أننا نأمنك أنتِ و اختك، وعمر الوحيد اللي نبيلة بتعمله ألف حساب، و الوحيد اللي تخاف تخسره، وعشان كدا لازم توافقي على موضوع جوازك منه.
كانت شروق تود لو تصرخ ملء صوتها من فرط الغضب ولكنها كعادتها ظلت هادئة ظاهريًا وهي تقول
_ يبقى تقدري تعتبري اتفاقي مع حضرتك لاغي. أنا أسفة مش هعمل كدا.
لجأت سعاد إلى الخديعة حين اسبلت اهدابها بحزن ذرفته عينيها وهي تقول بحزن
_ مبقاش ينفع يا شروق. نبيلة عرفت طريقكوا، هي مش كانت عندك قبل ما انا اجيلك المرة اللي فاتت؟
شروق بجمود
_ ايوا ودا معناه ايه؟
سعاد بغضب
_ نبيلة معندهاش مشكلة تتخلص منكوا بأي طريقة، وانتوا ضعاف يا بنتي، وحتى الناس اللي حواليكوا أضعف منكوا. لو امك الله يرحمها عايشة كانت هتقولك نفس كلامي. والله انا خايفة عليكوا، وصدقيني عمر دا غيرهم كلهم. راجل و حُر لا شاغل باله بالفلوس ولا العيلة ولا كل العك دا.
شروق باندهاش من حديثها
_ نبيلة دي أمه على فكرة، واكيد هو مش
_لو لقى معاكي الحق هييجي في صفك. صدقيني انا مش بضحك عليكي. كل لحظة بتمر وانتوا في مكانكوا دا خطر.
شروق بملل
_ لا مش للدرجادي، وبعدين انا اكدتلها اني مش عايزة ولا جنية من فلوسكوا . يعني مفيش سبب قدامها تأذيني.
سعاد بحنق
_انتِ صغيرة، و بتحكمي عالناس كأنهم زيك. نبيلة مش هتسيبكوا. دا حتى اخواتها مسلموش من شرها.
شروق بعدم فهم
_ تقصدي اي؟
سعاد بغل
_ بنسبة كبيرة اوي هي السبب في موت مرات خالد اخوها الله يرحمها.
شروق بصدمة
_ ايه ! موت! لا مش فاهمة.
_ مكنتش بتحب مرات خالد ولا خالد نفسه عشان هو رئيس مجلس إدارة المجموعة. كانت متخيلة أن ابوها هيخلي عز الدين ياخد المنصب دا بس طبعًا محدش هيبدي حد على ولاده بالرغم من أن عز كان دراع ابوها اليمين ولما كان هيقع عز اللي سنده. بس طبعًا مفيش بعد الضنا، ومن وقتها وهي اتسرعت. ياما اتحايلت على عمر دا يسيب مهنته ويشتغل في الشركة عشان يناطح كمال و خالد بس هو رفض.
زفرت بتعب قبل أن تستطرد قائلة
_ المهم. كانت بتكره مرات خالد عشان كان بيحبها وروحه فيها، و طبعًا هي الكل في الكل ما جوزها هو اللي في أيده
شروق بصدمة
_ يا ساتر يارب. طب و نبيلة دي مالها؟
سعاد بكُره شع من بين كلماتها
_ هي اللي عملت فيها كدا عشان تحرق قلب خالد.
_ طب وأنتِ عرفتي منين ؟
سعاد بجفاء
_ كان في بنت خدامه شافت كل اللي حصل، وشافتها وهي بتزقها. و فضلت سيباها تنزف لحد ما اتصفت، و البنت كانت مرعوبة تتكلم. بس انا لاحظت انها مش مظبوطة وبعت جبتها واستجوبتها، ولما حكتلي كل حاجه سمعتنا نبيلة، و بعدها البنت اختفت خالص محدش يعرفلها طريق، و خالد حاله بقى يحزن كاره الكل و عايش لوحده بعيد عن العيلة، ولحد الآن مش قادر يتخطى موت مراته، و لا حتى قادر يهتم ببنته.
شروق بتأثر
_ هو عنده بنت؟
_ رنا لسه يدوب اربعتاشر سنة. مبيهونش عليها حتى تبص في وشها.
غزا الرعب أوصال شروق التي هتفت بذُعر
_ و عيزانا نروح نعيش معاها انا واختي؟
سعاد بلهفة
_ عشان كدا بقولك وافقي على جوازك من عمر. الوحيد اللي هيقدر يحميكي.
شروق بتهكم
_ إذا كان
_ اخوها مكنش مدي خوانه. بس انا مصحصحالها، و عمر شبه عارف اللي عملته في امك، و كمان انا حكتله على اللي البنت الخدامه قالتهولي، وهو واجهها و طبعًا نكرت ولبست وش الملايكه، فعشان كدا مش هتقدر تكرر الموضوع مرة تانيه. اسمعي كلامي يا بنتي متتعبيش قلبي.
حكايات_نورهان_العشري
مين عايز يكملها
أول ما فتحت الباب، لقت عمر واقف فعلًا بس مش بالشكل اللي سعاد وصفته ولا بالشكل اللي خيّفها.
كان هادي، عينيه ثابتة، وفيه توتر واضح مش غضب ولا تهديد.
بص لها وقال مباشرة _ أنا جاي أسمع منك مش أفرض عليك حاجة.
سعاد من وراها اتصلبت، لكن عمر رفع إيده بإشارة بسيطة _ متقلقيش يا سعاد أنا مش جاي أضغط على حد.
شروق فضلت واقفة مكانها لحظة، بتقيسه بعينيها، وبعدين قالت ببرود _ غريب كنت متوقعة أول ما أشوفك ألاقي نفسي في نص فخ جديد.
ابتسم ابتسامة خفيفة، لكنها كانت مُرهقة _ لو كنت حابب أعمل فخ، مكنتش جيت بنفسي.
سكت لحظة، وبعدين كمل _ أنا عرفت إنك عايزة تمشي من القصة دي كلها وده حقك. بس في حاجات لازم تتقال قبل ما أي حد ياخد قرار غلط.
سعاد قاطعته بسرعة _ هي قالت كل حاجة يا عمر!
لفّ ناحيتها بنظرة هادية بس حادة _
