كان في راجل مجنون
كان في راجل مجنون دايمًا بيتمشى في الشوارع وكل ما يشوفني يشاور على بطني الحامل ويصرخ بصوت عالي الطفل اللي في بطنك ده بتاعي أنا أبوه الحقيقي..!
اسمي منى...أنا وجوزي أحمد متجوزين بقالنا خمس سنين لكن ربنا ما رزقناش بطفل طول الفترة دي...لفينا على دكاترة كتير، وعملنا تحاليل كتير وكل مرة كنا بنرجع البيت وإحساس الأمل بيقل أكتر....
لحد ما في يوم بعد كشف وتحاليل جديدة في المستشفى، الدكتورة بصتلي بابتسامة وقالت
مبروك يا مدام منى حضرتك حامل.
ساعتها حسيت إن الدنيا كلها اتفتحت قدامي...كنت طول الوقت خايفة إني ممكن أفضل طول عمري من غير طفل أو إن أحمد يضطر يتجوز واحدة تانية علشان يخلف....
حصري علي صفحة روايات و اقتباسات
في الأول أهل جوزي كانوا طيبين معايا، خصوصًا حماتي.
لكن مع مرور الوقت، وبعد سنين من غير طفل معاملتهم ليا اتغيرت تمامًا....
بقوا يلمّحوا قدام أحمد إنه لازم يفكر يتجوز واحدة تانية.
وكانوا شايفين إن المشكلة أكيد عندي أنا.
كنت ساعات كتير أصحى بالليل أصلي وأعيط، وأدعي ربنا إنه يفتكرني.
ولما أخيرًا الحمل حصل حسيت إن ربنا استجاب لدعائي.
لما دخلت في الأسبوع الثامن من الحمل، قلت لأحمد
إيه رأيك نتمشى شوية في الشارع؟ نفسي أتمشى.
بطني كانت لسه باينة بسيط جدًا.
نزلنا الشارع
كان شارع زحمة، فيه تراب
وفجأة قرب مني شاب شكله مرهق جدًا.
وشه شاحب، هدومه مقطعة، وشعره منكوش ومتوسخ.
بص على بطنيوشاور بإيده وهو بيصرخ
أنا المسؤول عن الحمل ده! أنا الأب الحقيقي للطفل اللي في بطنك!
جسمي كله سخن من الإحراج...حسيت إن الأرض ممكن تفتح وتبلعني....إزاي يقول حاجة زي كده؟
أنا عمري ما شوفته قبل كده!
صرخت فيه بعصبية
إنت بتقول إيه يا مجنون؟! إنت تعرفني أصلًا؟! إحنا قابلنا بعض قبل كده؟! لو عايز تهبل اهبل بعيد عني!
أحمد مسك إيدي وقال بهدوء
سيبيه يا منى واضح إنه مش في وعيه.
وسحبني ومشينا...
حصري علي صفحة روايات و اقتباسات
لكن وهو واقف وراينا كان لسه بيصرخ
الأيام هتثبت! الحمل ده بتاعي ! أنا الأب الحقيقي! وأنا هاخد حقي!
بعدها بثلاث أيام
رحنا المستشفى علشان نعمل تحليل اسمه NIPP، تحليل بيبين الأب الحقيقي للطفل حتى وهو لسه في بطن الأم.
كنت عايزة أقفل أي باب للشك...ولما النتيجة طلعت
الدكتور قال بوضوح
النتيجة مؤكدة أحمد هو الأب.
ساعتها حسيت إن جبل اتشال من على صدري.
أنا عمري ما خنت جوزي ومستحيل أعمل كده.
لكن سؤال واحد فضل يطاردني
ليه الراجل المجنون ده قال الكلام ده؟
أحمد كان قاعد جنبي في المستشفى ومسك إيدي وقال
مش قلتلك ما تقلقيش؟ واضح إنه واحد مجنون.
قلت
أنا بس كنت عايزة أتأكد الناس في الشارع كانت بتبص علينا. أنا مش عايزة حد يفتكر عني حاجة وحشة.
لكن في الليلة ديما قدرتش أنام.
كل ما أقفل عينيأشوف وش الراجل ده.
وشه المتوسخ وشعره المكركب
لكن عينيهعينيه ما كانتش زي عيون المجانين.
كان فيهم حاجة غريبة...قوة وألم كأنه بيحاول يقول حاجة... بقلم مني السيد
هزيت أحمد من النوم وقلت له بصوت واطي
أحمد إنت صاحي؟
اتنهد وقال وهو نص نايم
منى الساعة اتنين الفجر في إيه؟
قلت له
الراجل ده إزاي عرف إني بقالي خمس سنين بحاول أخلف؟ وإزاي قابلنا بالصدفة كده؟
قعد أحمد وفرك عينيه وقال
يا منى دي بلد صغيرة. الناس بتتكلم. يمكن سمع الكلام من الجيران.
سكت شوية وبعدين كمل
أو يمكن بيقول الكلام ده لأي ست حامل يشوفها.
قلت له بسرعة
لا في ست بتبيع درة مشوية هناك وهي حامل برضه. ما كلمهاش. راحلي أنا مباشرة وبصلي في عيني.
تنهد وقال
إنتِ بس متوترة بسبب اللي حماتك عملته فيكي.
وبعدين قال بحزم
نتيجة التحليل واضحة. الدكتور موقع عليها. أنا الأب وخلاص. دلوقتي نامي علشان صحة البيبي.
لكن وأنا مغمضة عيني
فضل سؤال واحد يلف في دماغي
هل الراجل ده يعرفني من قبل؟
هل هو فعلًا مجنون
ولا فاهم كويس هو بيقول إيه؟
تاني يوم الصبحوأنا بطبخ في المطبخ، افتكرت عينيه تاني...ما كانتش عيون إنسان ضايع في الجنون.
كان فيها معنىكان فيها وجع.
قلت لأحمد وهو بيلبس علشان ينزل الشغل
لو شفته تاني أنا هكلمه.
وقف فجأة وبصلي بقلق
ما تعمليش كده يا منى. إنتِ حامل وممكن تعملي صورة مربعة
القصه مدهشه للمتابعه سيب لايك وكمنت بتم وهيوصلك اشعارأحمد قاطعني بسرعة وقال بنبرة فيها خوف واضح
ما تعمليش كده يا منى أنا مش مرتاح له. خليه في حاله وخلاص.
بس جوايا كان في صوت بيقولي إن الموضوع مش طبيعي.
عدّى يوم واتنين وثلاثة
وكل يوم كنت ببص من البلكونة، يمكن أشوفه
لحد ما في يوم، وأنا راجعة من الصيدلية لوحدي
شُفته.
واقف عند نفس المكان جنب كومة الزبالة
نفس الهدوم نفس النظرة.
قلبي بدأ يدق بسرعة
كنت ممكن أمشي أتجاهله
لكن رجلي وقفت لوحدها.
قربت منه بحذر وقلت بصوت مهزوز
إنت إنت تعرفني منين؟
رفع عينه وبصلي مباشرة
نفس النظرة الغريبة اللي فيها وجع مش مفهوم.
وقال بهدوء المرة دي، مش صراخ
أيوه أعرفك.
اتجمدت مكاني.
قلت له
إزاي؟! أنا عمري ما شفتك!
ابتسم ابتسامة خفيفة وقال
إنتِ ما شفتِنيش بس أنا شفتك.
حسيت برعشة في جسمي كله
قلت بسرعة
بتقول كلام مش مفهوم قصدك إيه؟!
سكت لحظة وبعدين قال جملة خلت الدنيا تلف بيا
فاكرة المستشفى من خمس سنين؟ يوم ما قالولك إنك مش هتخلفي؟
عيني وسعت
إزاي يعرف ده؟!
ده سر حتى قرايبي ما يعرفوش تفاصيله!
اتراجعت خطوة وقلت بخوف
إنت
بص حواليه كأنه خايف حد يسمعه وقرب مني شوية وقال بصوت واطي
أنا كنت هناك يومها مش مريض كنت شغال.
اتصدمت
شغال؟!
