رواية توكيل زواج كاملة (جميع فصول الرواية) بقلم هبه منصور
المحتويات
مع يوسف اخاه فهوا يغار عليها بشده بقي علي دراستها هذا العام ثلاثه اشهر وهي منهمكه في دراستها كانت تزاكر في غرفتها السابقه فهي لم تنقل اغراضها منها بقيت كما هي تدرس بها بمفردها حتي لا تدايق كامل بكتبها.
كانت تتحدث مع منه صديقتها علي التلفون
منه_ مبروك ياستي ربنا يسعدكم بس انا زعلانه منك بجد كنتي اعزميني
ندي_ اسفه والله مكنش في وقت وانتي عارفه الموضوع كان عامل ازاي .
دخل كامل من باب القصر وجد يوسف يتحدث في هاتفه ويجلس اسفل شجره ويتحدث وعلي وجهه علامه الضيق لم يهمه الامر صعد درجات السلم وجد باب غرفتها مفتوح علم انها تزاكر ذهب لها ولاكن اوقفه صوتها وهي تتحدث علي الهاتف
ندي _ زهقت والله بجد خنقه امتا الثلات شهور دول يخلصوا خليني اخلص منه بقا
منه _الحمد لله سنه ربعه مش هيكون معانا فيها دكتور خنيق
ندي_ فعلا بني ادم مغرور وشايف نفسه حاجه مهمه وهوا ولا ليه قيمه
منه _ما يغور بفلوسه وعربيته يابنتي
ندي _فلوسه دي ولا ليها اي قيمه مقابل احترام الناس ليه امتا اخلص منه بس هانت ثلاث شعور ونرتاح احنا الإتنين من قرفه
منه _ ندي ماما بتندهلي سلام
ندي_ والله طب خلاص سلام سلام
كامل كان يقف ويستمع لحديث ندي فقط وظن انها تحادث اخاه يوسف وانها تنتظر الشهور الثلاثه تمر حتي تنهي زواجها منه التفت لينظر علي اخاه وجده يدخل البيت وهوا يضحك فتأكدت شكوكه كان حزين منذ فتره والأن يبتسم بسبب كلامها له ود لو يبطش بهم فهم يلعبون به ويسخرون منه من احبها ودقت حصون قلبه تعشق غيره
نزل سريعا وخرج من البيت واتجه بسيارته لوجه غير معلومه وصل مبني فخم ودخله وصعد عده طوابق فتح باب شقه ودخلها كانت جميله جدا كل ما بها بأبهي صوره مجهزه بعنايه وقف في منتصف الصاله وهو يحدث نفسه _ ليه ياندي كدا دانا عمري ما حبيت غيرك دانا كنت جاي افاجئك اني هستقر هنا علشانك دانا جبتلك الشقه دي علشان نعيش فيها ياخساره حبي ليكي يا ندي يا خساره كل دقه في قلبي ليكي والله لخليكوا تندموا انتو الاتنين علي اللي بتعملوه فيا انا هعرفكم مين هوا كامل الراوي
وظل يكسر في اثاث البيت ويفرغ فيه غضبه وبقي في شقته ولم يرحل
علي العشاء.
محمود _ كامل مجاش لسا ياندي
ندي _ لا ياعمي مجاش
محمود لنفسه_ يبجا بيجهز الشقه الي اشتراها علشان ندي والله ووجعت ياكامل ومحدش سما عليك.
راجيه . _ خير ياحاج بتدحك علي ايه
محمود. _ متشغليش بالك ياام كامل
الساعه ١٢عشر ولم يأتي بعد بقيت مستيقظه تنتظره في شرفه غرفتها وجدته يدخل بسيارته للقصر فدخلت سريعا وجلست تصتنع النوم دخل الغرفه خلع جاكت بدلته وألقاه بإهمال علي طرف الفراش ونظر لها معذبته تغفو بسلام وهوا يحترق منها ود لو بإمكانه التخلص منها وإخراجها من قلبه دخل الحمام وبل ملابسه وذهب للنوم علي الكنبه استغربت ندي انه لم ينام بجوارها فأعتدلت في جلستها نظرت له وجدته يوليها ظهره نادته
كامل _ انتا جيت
كامل اغمض عينه بقوه من ش ده غضبه صوتها ينحر في صدره لم يلتفت لها ورد ببرود_ انتي شايفه ايه
ندي . _ انتا كنت فين اتأخرت ليه كل ده قلقتني عليك.
كامل .لنفسه . _ ايه الأداء الرائع ده بجد ممثله ممتاذه دانا صدقت خوفك عليا.
ندي_ مبتردش عليا ليه ياكامل انتا كويس.
اتجهت له ووضعت يدها علي كتفه انتفض كامل كمن لدغه عقرب وهب واقفا وهوا يصرخ بها_انتي اتجننتي بتدخلي في الي ملكيش فيه ليه مالك انتي ومال كنت فين وبعمل ايه خليكي في حالك ومتتجاوزيش حدودك وياريت من النهارده تروحي أوضتك متناميش جمبي عايز اكون براحتي في اوضتي وجودك بيخنقني
ندي والدموع في عينها_ انتا بتكلمني انا ياكامل الكلام ده ليا انا انا وجودي بيخنقك.
كامل _ليه شايفه غيرك في الاوضه
ندي_ ولما انا وجودي خنقك اوي كدا طب ما تطلقني وتخلص من النقه دي .
كامل وقد فقد عقله امسكها من كتفها بعنف _ بتحلمي نجوم السما اقربلك ده اللي انتي عيزاه مش كدا اطلقك علشان ترتاحي مني بس ده بعدك هسيبك كدا زي البيت الوقف لمتجوزه ولا متطلقه فاهمه مش انا اللي تستغفلوه وتغصبوه يعمل حاجه مش عايزه والله لندمكوا ياندي
وتركها فجأه لتسقط علي الأرض _ أخرجي بره مش عايز المحك هنا تاني اخرجي.
ندي وهي لا تقوي علي الكلام ودم وعها تسقط بغزاره علي وجهها خرجت من الغرفه وذهبت لغرفتها سريعا واغلقت الباب وظلت تبكي علي حالها فقد ظنت انه يحبها ولاكنه يعاقبها علي جوازها منه بدون علمه فظنت من كلامه انه يقصد زواجهم بأمر والده وبدون معرفته ارتمت علي فراشها تبكي وتشكي حالها اما كامل فكان كالثور يجوب الغرفه ذهابا وإيابا وقف امام المرأه ينظر لنفسه .ويحدثها_ غبي غبي لما فكرت انها بتحبني طلعت زباله والله ياندي لهخليكي تتمني الموت وما تطوليه
في الصباح استيقظت ندي علي صوت هاتفها رقم غريب يتصل بها فلم ترد لتعبها ذهبت الحمام وبدلت ملابسها وجدت الرقم يعيد الإتصال اكثر من مره فردت
ندي _ الو.
ناصر _ كيفك يابنت عمي
ندي _ ناصر الحمدلله انا كويسه
ناصر. _ انا جاي في الطريج هوصل علي الظهر كدا عايز اجابلك علشان الموضوع اياه
ندي _ ماشي يا ناصر لما توصل كلمني
ناصر _ تشكري ياندي بتعبك معايا
ندي_ لا مفيش تعب ولا حاجه ياناصر يلا سلام لاني هروح الجامعه
ناصر_ مع السلامه
استيقظ باكرا وذهب للشركه تعجب الجميع من خروجه بدون القاء التحيه علي احد
نزلت ندي وشافتهم كلهم قاعدين وكامل مش موجود فطرت معاهم بصمت وذهبت الجامعه مع يوسف
يوسف_ مالك في ايه ياندي
ندي _ مفيش حاجه يايوسف
يوسف _ هتخبي عليا تعالي معايا نخرج من الجامعه نروح كافي
ندي _ ماشي انا اصلا تعبانه ومش عايزه اقعد هنا
منه وهيا جايه عليهم_ ازيكوا عاملين ايه
يوسف_ .ازيك انتي ياقمر منوره
ندي _ ازيك يامنه
منه . _ تمام ايه مش يلا هنتأخر ياندي المحاضره هتبدأ
يوسف_ لا احنا هنخرج سوا شويه متيجي معانا
منه . _ لا مش هينفع اصلي همشي بعد المحاضره علطول في عريس جاي النهارده يتقدملي ولازم اروح بدري
ندي _ يسلام عريس وهتوافقي
منه وهي تنظر ليوسف _ مش عارفه لسا لما اشوفه ونتكلم يمكن يعجبني
يوسف بغيظ_ يلا ياندي نمشي انا اتخقت
في شركه كامل يجلس علي مكتبه وتدخل عليه السكرتيره _مستر كامل في واحده جايه تقابل حضرتك وبتقول عملالك مفاجأ.
كامل . _ مين دي .
السكرتيره . _ مردتش تقول اسمها يافن د م .
كامل . _ طب دخليها
السكرتيره وهيا تفتح الباب _اتفضلي يافن د م مستر كامل منتظرك .
تدخل الضيفه _ هاي كامل وحشتني حبيبي
كامل . _ كرستين .ايه جابك
كرستين _ وح ش تني حبيبي قولت اجي اشوفك اتاخرت عليا اوي يابيبي .
كامل_ .معلش حصلي شويه ظروف عطلتني شويه
كرستين _ ايه الي ممكن يشغلك عني حبيبي
كامل_ بعدين اقولك تعالي نخرج من الشركه نروح مطعم نتغدا سوه
كرستين_ .اوك بيبي
في مطعم علي النيل يجلس به ندي ويوسف
ندي_ .بس هوا ده كل الي حصل يا يوسف وانامش عارفه اعمل ايه اقول لعمي محمود
يوسف_ ندي انتي بتحبي كامل وانا اكتر واحد عارف كدا فبلاش تدخلي حد بينكم ممكن يكون كان مخ ن وق من الشغل وجت فيكي اكيد هيصالحك لما يرجع
ندي_ مش عارفه بس كلامه جرحني اوي يايوسف
يوسف _ معلش ياندوشه احنا كدا لما نحب بنجرح بعض من غير ما نحس
ندي _ ياسلام وانتا حبيب اوي طبعا كل يوم مع بنت شكل
يوسف. _ حب ايه دول تسالي لب كدا بتقزأزيه وانتي قاعده في الباص مستنياه يوصل المحطه لاكن لما بتوصلي خلاص بترمي اللب ده وتنزلي مكانك الي وصلتيلوا
ندي بضحك_ . وانتا بقا وصلت لا لسا بتاكل لب
يوسف_ . وصلت من زمان بس المحطه شكلها مش من نصيبي
ندي_ لا ياشيخ مايمكن هيا نصيبك بس انتا الي غبي
يوسف. _ قصدك ايه ياندي
ندي _ قصدي منه ياخفيف
يوسف _ منه انتي عرفتي ازاي يخربيتك
ندي_ عيب
يوسف _ عليكوا قصدك ايه هيا قالتلك حاجه يعني هيا بتحبني طب والعريس .
ندي_ .لا معرفش مليش دعوه .
يوسف. _ ندي قولي الحق بالله عليكي خليني الحق اتصرف.
ندي _ ياعم بتحبك زيك بالظبط بس بتنفضلك مفكراك بتتسلي بيها الحقها بقا لتوافق وتطير من ايدك .
يوسف_ تطير مين دانا كنت طيرتها من الدنيا كلها دانا اموتها والله انتي اتجننتي ولا ايه اخيرا اتأكدت انها بتحبني .
ندي_ .طب هتعمل ايه .
يوسف_ .هكلمها في التلفون علشان تزحلق العريس وهكلم بابا ونروح نتقدم رسمي .
ندي_ .ياواد انتا اتهبلت تلفون ايه مينفعش
يوسف _ اومال استني لما توافق لا هتصل بيها.
ندي . _ انتا حر انتو اصلا مجنين زي بعض .
يوسف يتصل بمنه _ الو منه انا يوسف .
منه_ .يوسف في ايه ندي جرالها حاجه .
يوسف_ .لا ندي كويسه اناالي تعبان .
منه _ مالك الف سلامه عليك انتا فين وانا اجيلك .
يوسف_ .طب والعريس هتسبيه لمين لم ا تجيلي .
منه وقد انتبهت لما تفوهت به_ ها اه صح العريس خلاص انتا كويس لاني مش هعرف اجي زمان الناس علي وصول
يوسف . _ طب بصي ياحلو بقا من الاخر العريس ده تزحلقيه وتتنيلي علي عينك تستنيني اما اكلم الحاج محمود وتجبيلي معاد مع ابوكي علشان عايزه في موضوع منه ها ازحلقه وموضوع موضوع ايه يابني انتا شارب حاجه .
يوسف . _ اه شارب عصير منجا مع ندي اجيبلك .
منه _ يوسف انتا م ج نو ن ايه الي بتقوله ده يوسف بقول ايه بقولك زحلقي العريس لاني هتجوزك ومش هتكوني لغيري فهمتي .
ندي _ الله يخرب بيتك انتا غ ب ي ايه الي بتقوله ده يازفت .
يوسف_ .اسكتي انتي والنبي
.انتي يابنتي منه يابت مبترودش ليه دي منه .
منه......لا ترد من الصدمه بقيت صامته .
يوسف يعطي التلفون لندي _ خودي ياندي شوفي صحبتك م ا تت باين .
ندي _ منه الو انتي يابنتي .
منه _ ندي سمعتي يوسف قال ايه ولا انا بيتهيقلي .
ندي_ لا سمعت ياختي وهكلمك لما اروح يلا سلام الوقتي .
منه _ سلام .
يوسف _ شوفتي البت هنجت مني.
ندي _ انتا موصيبه
واثناء ضحكم بصوت عالي يدخل كامل ومع كرستين ويراهم ويستشيط غضبا من ضحكاتهم ويحدث نفسه _ بتضحكي بقا انا اسيبك وانتي منهاره من الع ياط والوقتي بتضحكي فعلا ممثله ممتازه ياندي ..
كرستين _ ايه ياكامل مش هنقعد مين دول الي بتبصلهم
كامل_ تعالي هعرفك عليهم
كامل _ متضحكونا معاكو ياحلوين
يوسف _ كامل بتعمل ايه هنا
كامل _ والله انا الي المفروض اعرف انتا بتعمل ايه هنا مع مراتي .مش انتو المفروض في الجامعه ولا الجامعه نقلت
اتص دمت كرستين من الكلمه ونظرت لندي بغل .
يوسف . _ مفيش ندي كانت تعبانه وحبيت اخرجها تغير جو
كرستين _ مش هنقعد ياكامل
كامل _ اعرفكم كرستين صديقه غاليه اوي عليا جت من امريكا النهارده وبتشتغل معايا هناك
يوسف _ اهلا كرستين اتفضلي اقعدي.
ندي تنظر لها من رأسها لقدمها وشعرت بالغيظ من مرافقتها لزوجها ولم ترحب بها.
كامل_ لا احنا هنقعد لوحدنا محتاج اتكلم معاها علي وانتو خليكوا براحتكو يلا كريستين .
كرستين . _ اوك يلا
كامل وهوا ينظر لندي بغيظ ثم مال علي اذنها . _ مكنتش اعرف انك زباله اوي كدا وتركها وذهب مع كرستين
ندي وهيا مصدومه من كلامه_ هوا بيكلمني كدا ليه كل ده علشان مسلمتش علي الزفته دي ولا علشان خرجت منغير ماأقوله .
يوسف . _ مش عارف بس كلامه معانا كان غريب اقولك يلا نروح احسن
ندي_ .يلا احسن انا اتخ ن قت
يوسف _ سيبك اكيد بينهم شغل
ندي التفتت تنظر لهم وجدتهم منهمكون في الحديث ولم يلتفت لها حتي وغادرت وهي تشعر بالغيره تنحر صدرها نعم فهي تغار عليه من هذه الكرستين الهذه الفتاه سبب في تغيره معها وتغير معاملته لها ون دم علي زواجها منه ظلت تفكر في ماحدث وهي في طريق العوده رن هاتفها ندي . _ الو
ناصر . _ انتي فين يابنت عمي اني جاعد في مطعم مستنيكي ورنيت عليكي كتير مردتيش .
ندي _ معلش مكنتش سامعه الموبايل هجيي علطول سلام
ناصر _ سلام مستنيكي
ندي _ معلش نزلني يايوسف كدا عندي مشوار مهم
يوسف . _ مشوار ايه ده
ندي _ نزلني بس وانا لما اجي هقولك كل حاجه
يوسف _ اوك تمام هستناكي .لم ا ترجعي
ندي . _ اوك انا مش هتأخر عندي مزاكره كتير اصلا يلا سلام.
اتجهت ندي للمطعم ودخلت وجدت ناصر في انتظارها _ كيفك ياندي اتوحشتك والله .
ندي _ ازيك ياناصر ها فين العنوان علشان نروح لبيت حبيبتك.
ناصر _ اجعدي نشربوا حاجه الاول
ندي . _ ماش بس يلا علشان منتأخرش
ناصر . _ ماشي يا متر جهوه مظبوط وعصير مانجا عارف انك بتحبي المنجا يا ندي فاكره لما كنتي بتاكليها وهيا لسا متحصدتش.
ندي . _ اه فاكره بابا كان بيأخدني نقطفها سوا.
ناصر_ ايوه فاكر عمي ناجي كان بياخدك وياه بستين المنجا اول واحده تأكلي منها.
ندي _ الله يرحمه .يلا علشان منتأخرش.
ناصر . _ ماشي يلا بس اني حابب اجبلها هديه الاول هجبلها دهب من المحل ده وكمان ورد
ندي_ طب يلا تعالي
دخلو محل الذهب وأختار ناصر بعض الخواتم القيمه وعرضهم علي ندي فأختارت احسنهم سأله السائغ عن المقاس فأمسك كف يدها والبسها الخاتم به وهي تفاجئت مما فعله ناصر _ بتعمل ايه
ناصر_ يدك كيف يدها نفس المجاس هناخدو
وضعه بعلبه وخرج ذهبو لمحل الورد وانتقي باقه جميله ورودها حمراء وبيضاء واتجهو لسياره اجره وقبل ركوبها رن هاتف ناصر _ ايوه يا بوي ايه كيف ده طب اني جاي دلوك لا اني بره البلد ساعتين وأكون جدامك .ماشي مع السلامه .
ندي _ في ايه
ناصر _ اني لازم ارجع البلد ابوي بيجول ان كرم اخوي عمل حادثه ولازمن اروح دلوك خلي معاكي الخاتم وهحاول اجي جريب .ندي ماشي يا ناصر ابقا اتصل بيا طمني علي كرم.
ناصر _ ماشي اه وخودي بجا الورد ده ليكي انتي .يلا اركبي دلوك مع السلامه
اخذت الورود والخاتم وركبت التاكس واتجهت للمنزل بعد ذهابها خرج حمدان اخو ناصر من محل الورود وذهب لناصر
ناصر. _ كله تمام ياحمدان اوعاك تكون غلط في حاجه.
حمدان . _ كله تمام يا اخوي هيا اول مره يلا دلوك نرجعو ابوك مستنينا
دخلت ندي من باب البيت وهي تحمل في يدها باقه الورود وجدت الجميع يجلس في حجره الجلوس يتابعوا التلفاز بإستثناء كامل فهو لم يأتي بعد دخلت والقت عليهم السلام وجلست بتعب تفكر في احداث اليوم بقيت شارده حتي افاقها صوت يوسف. _ منين الورد ده ياندوش.
ندي _ شرياه يا يوسف يعني هيجيلي ورد منين يا ظريف
يوسف . _ مني انا يا قلبي عايزه أجبلك كل يوم احلي ورد
انهي جملته علي دخول كامل وهوا ينظر له بغضب فقد سمع جمله يوسف الأخير وظن ان الورد الذي تمسكه ندي جلبه لها يوسف.
محمود. _ كيفك ياولدي مبنشوفكش من امبارح
كامل _ موجود ياحاج كيفك انتا.
محمود . _ بخير ياولدي اجعد معانا
كامل . _ لا ياحج محتاج ارتاح انا طالع انام
محمود_. ماشي ياولدي
صعد كامل وقد وصل به الغضب الي اقصي درجاته فتح باب الغرفه ودخل وأغلقه خلفه بعنف
استأذنت ندي من الجميع وصعدت لغرفتها اثناء مرورها من ام غرفت كامل سمعت صوت تكسير زجاج فتحت الباب ودخلت تبحث عنه بالغرفه وجدت كل الاغراض التي وضعت علي التسريحه محطمه في ارضيه الغرفه بحثت بعينها عليه وجدته يقف في شرفه الغرفه ذهبت له بقلق ووضعت يدها علي كتفه_كامل مالك في ايه وايه الي كسر الحاجات دي.
كامل وهوا يزيح يدها بعنف من علي كتفه ويص رخ بها _ انتي ايه الي جابك هنا انتي مبتفهمبش مش قلتلك مش عايز اشوفك هنا ومتورنيش وشك ده تاني جايه ليه
ندي _انتا ازاي تتكلم معايا كدا اناغلطانه اني جيت اطمن عليك فكرتك جرالك حاجه بس انا الي غ ب يه اني بعبر واحد زيك.
وتركته وذهبت لتغادر الغرفه امسكها من كتفها وادارها له وهو يحدثها بعنف وصوت عالي _ واحد زي الي هوا ازاي يعني انا الي غ ب ي اني ساعدتك ونفذت كلام والدي انا غ ب ي اني اتجوزتك بحد وغ ب ي اوي اني خليتك في حياتي انتي متستاهليش اصلا اني اتكلم معاكي بس اعمل ايه غ ب ي ومكتفني قلبي علشان
ندى وكانها تسارع الموت ركضت لغرفتها بسرعه تبكي من كلامه وقسوته معها وهي لا تفهم ما يقصده بكلامه
ندي لنفسها _ خطة ايه الي بخطتها اكيد كامل اتجنن ومين الي بيخطت معايا اكيد عمي محمود طلب منه حاجه معقول يكون غصبه يتمم الجواز وندمان لانه بيحب كرستين اكيد مهوا كان معاها وأكيد حزين انه مش عارف يخلص مني بس ازاي قلبه اختارني وازاي بيكرهني .ااااه انا تعبت والله تعبت مبقتش فهماك يا كامل يارب ساعدني انسي حبه الي في قلبي لانه هيسيبني علشان حبيبته ااااه قلبي بيوجني يارب ليه كدا بس الله يرحمك يا بابا لوكنت عايش مكنش حد بهدلني كدا ولا كان قدر يهيني بالشكل ده .
وظلت تبكي وتناجي ربها يخرج حب كامل من قلبها وينسيها وجعها حتي غفيت وهي تبكي
يوم جديد تستيقظ ندي ودم وعها علي خدها ارتدت ملابسها وخرجت لتري يوسف اين هوا جرت وهي تنزل درجات السلم وتحدث خالها راجيه _ يوسف صحي ياخالتو هنتأخر علي المحاضرات .
راجيه _ معرفاش يابنتي شوفيه
نده وهي تلتفت لتصعد السلم فجأها كامل وهوا ينزل السلالم بسرعه فأرتطمت به وكادت تسقط من علي السلم لولا يده التي حاوطتها وجزبها له بدا وكأنه وجد مسكنه بعد تعب طويل نسي كل ما مر به بسببه نسي كل حزنه منها ونسي نفسه تصلبت واغمضت عينها تحاول تمالك نفسها ولاكن وجدت يوسف يغلق باب غرفته فخجلت منه ان يراهم في هذا الوضع فهمست بصوت منخفض جدا يكاد يسمعه كامل _ يو يوسف.
كامل وقد صدمه ما سمع وكأن احد اصابه بسكين في قلبه ظن انها تعتقده يوسف لذالك هدأت لم تستطع ندي ان تكمل ما كانت ستقوله فهي كانت ستخبره ان يوسف سيراهم ليبتعد عنها ولاكن لم يعطيها فرصه فابعدها عنه ونظر في عينها بغضب وصرخ بها_مكنتش اعرف انك زباله اوي كدا ابعدي عني يا زباله
وابعدها عنه بقوه كادت تسقط من علي السلم لولا انها تمالكت نفسها وامسكت التربظين هرول كامل خارج المنزل سريعا دون ان يلقي السلام علي احد ولم يري اخاه لكان فهم ما تقصده ندي.
رأي يوسف ندي وهي تبكي علي السلم فأسرع لها _ في ايه مالك ياندي.
ندي_ مفيش حاجه سيبني. يا يوسف انا مش جايا النهارده.
يوسف_ ليه بس في ايه.
ندي . _ ارجوك سيبني يا يوسف انا تعبانه يوسف. ماشي هرجعلك لما اخلص محاضرتي.
ندي . _ ماشي.
وصعدت غرفتها.
ويض رب المقود بيده ويصل لمقر شركته ويمر علي سكرتيرته ويأمرها بحجز تزكرتين سفر في اقرب وقت .تأتي السكرتيره تخبره انها حجزت له والسفر بعد يومين في الجامعه تجلس منه بمفردها تحاول الوصول لندي ولا ترد علي هاتفها فقررت ان تذهب لتسأل يوسف عنها فذهبت تبحث عنه فوجدته يقف مع بنت وهي تميل عليه وتضحك بصوت عالي وهوا يضحك معها نظرت له بغيظ وهمت تعود مره اخره لمحها يوسف واسرع لها _ ندي استني ندي وركض خلفها ياندي
اسرعت في خطوتها ولاكن وجدت يد تجذبها للخلف التفتت لتجده يوسف فصرخت به منه_ انتا اتجننت سيب ايدي ازاي تمسكني كدا مين اداك الحق تلمسني يوسف .بقالي ساعه بنده ايه مش بتردي ليه بكلم نفسي انا في ايه مالك بتجري كدا ليه يامنه
منه _مفيش يا يوسف كنت جايه اسألك علي ندي لانه امش بترد عليا بس انتا مشغول فقولت اسيبك برحتك.
يوسف_ مشغول ايه بس يا منه دي نور كانت بتقولي حاجه وان
لم يكمل كلامه بسبب مقاطعه منه له_ ميهمنيش الكلام ده كله يا يوسف انتاحر في حياتك ده شئ يخصك انتا لوحدك ميفرقش معايا سلام.
يوسف _ ايه الي بتقوليه ده يامنه ميهمكيش وميفرقش معاكي ازاي يعني طب وكلامي الي قولتوا امبارح ايه نسياه
منه _كلام ايه اه تقصد الإسطوانه الي بتسمعها لكل بنت بتحب توقعها في هواك يا يوسف بس متقلقش انا عرفاك كويس اوي وحافظه اسطوناتك دي كلها اصل كل صحباتك البنات عرفاهم كويس وكانوا بيقولولي علي الهبل ده كله فمتعملش حسابك انه هيخيل عليا او اني هصدقك
يوسف_منه انتي بتقولي ايه وبنات مين دول كلهم بنات سهله بكلمه يكونوا علي هوايا ازاي تشبهي نفسك بيهم يا منه انا عمري ما فكرت فيهم زي ما بفكر فيكي دول بنات اتسلي بيهم لاكن يوم م ا تجوز مش هتجوز واحده مشيت معاها او كنت مصاحبها هتجوز الي تصوني وتحافظ علي إسمي وبيتي هتجوز الي قلبي يختارها يامنه يعني انتي
منه_ إيه الي بتقوله ده يا يوسف سيبني لو سمحت انا لازم امشي وياريت متكلمنيش في الموضوع ده تاني مهما عملت مش هصدقك يايوسف .سلام.
وتركته ومشيت سريعا.
يوسف_ ياندي. ندي .يوه وبعدين بقا.
ترك يوسف الجامعه وهوا يحاول يتصل بها ولاكن لاترد عليه فقرر ان يحدثها من هاتف ندي ويحاول إقناعها اتجه للبيت وصعد لغرفه ندي طرق الباب ولاكن لم ترد عليه ففتح الباب وجدها جالسه علي مكتبها وسرحانه دخل وجلس بجانبها_ ندي ياندي .
ندي _ها ايه ده يوسف في ايه
يوسف. مالك انتي الي في ايه بقالي ساعه بخبط ومبترديش ففتحت الباب اطمن عليكي مالك ياندي.
ندي_ مفيش يايوسف. تعبانه بس شويه انتاكنت جاي ليه في حاجه
يوسف_ ايوه في منه ياندي مش مصدقه اني بحبهاومبتردش عليا
ندي _ ليه ايه حصل لكل ده انتو اتكلمتوا
يوسف_ .ايوه اناهقولك الي حصل بصي...وبدأ يسرد لها ما حدث
ندي . _ انتا غلطان يا يوسف هزارك وكلامك مع البنات بيدايقها وانتا مزودها الصراحه كل يوم بنت شكل انتا كدا مش بتحبها.
يوسف_ لا طبعا والله بحبها ولو كلامي مع البنات مدايقها انا معنتش هكلم اي حد خالص بس توافق نرتبط ياندي انا والله مبتسلاش بيها ولا بلعب بيها انا بحبها
ندي ع_ ارفه يايوسف والله بس لازم هيا تصدقك يابني
يوسف. _ منا جايلك علشان كدا كلميها ووقعيها في الكلام وانا قاعد وسيبي الباقي عليا.
ندي _ مستحيل دي تموتني
يوسف. _ علشاني يا ندوش والله لازم اكلمها وهيا مش مدياني فرصه
ندي_ .ماشي ربنا يستر بقا ومتق ت لنيش
يوسف. _ متخافيش انا معاكي
ندي_
اوك هات الموبايل من وراك
يوسف. _ اتفصلي ياقلبي.
ندي وهي تتصل بمنه _ جرس ومش بترد
يوسف. _ اصبري بس وإفتحي الإسبيكر علشان اسمع.
ندي _ماشي يا سيدي لما نشوف أخرتها.
منه .وقد ردت علي الهاتف_ .ايوه يا زفته لسا فاكره ان ليكي صاحبه
يوسف وهوا يضع يده علي فمه يكتم ضحكته علي تهزيق منه لندي.
ندي _ بلاش قله أدب يا بت انتي اتلمي كنت تعبانه المهم حصل ايه في غيابي
منه_ ولا حاجه ياختي ابن خالتك كان بيحور عليا قفشاه مع واحده بتسبله وهوا مبسوط ااوي وبعدين جاي يقولي بحبك كنت هخبطه بكرسي في رأسه.
ندي وهي تنفجر من الضح علي كلام منه ومنظر يوسف فهوا يجلس عاقد حاجبيه فمه مفتوح علي وسعه وعيناه متسعه للغايه من صدمته من كلام منه عليه.
ندي . _ يخربيتك هتموتيني ايه يابنتي ده كله ليه كدا ما يمكن ببحبك بجد ياهبله.
منه. _ مش عارفه يا ندي اصدقه قلبي بيقولي صدقيه ويرجع عقلي يوقفني ويقولي انه بيلعب بيا.
يوسف وهوا يخط ف الهاتف من يد ندي ويغلق الإسبيكر حتي لا تسمع ندي كلام منه _ بس قلبك معاه حق يا منه والله العظيم بحبك يامنه ومفي واحده دحلت قلبي غيرك
منه بصدمه. _ يو يوسف انتا ازي انتا بتقول ايه
يوسف _ جمعي بس الاول والله بحبك ومفي في قلبي غيرك يا عمري ولو صحبيه البنات في الجامع مديقاكي انا معنتش هكلم حدابدا غيرك انتي ياقلبي .
منه لا ترد عليه وقد كان كامل يقف خارج الغرفه فسمع ما قاله يوسف وظن انه يحدث ندي
يوس _ مبترديش ليه مكسوفه مني والله انا بحبك وهعوضك علي كل لحظه قضتها بعيد عنك وعن اي واحده ديقك كلامها عني يا قلبي ها ايه بقا مش هتردي.
منه_ خلاص يايوسف لو سمحت كفايه كدا
يوسف. _ يابنتي انا
وقبل ان يكمل حديثه كانت ندي تأخذ منه الهاتف وتقول له وهي تضحك_ كفايه كدا يا يوسف بقا بلا عايزه انام وتكمل كلامك بعدين بكره
يوسف _والله انتي رخمه ياندي ليه كدا بتحرميني اسمع الكلمه الي بتمني اسمعها ليه كدا
ندي_يلا يا بابا يلا شطبنا يلا
وهم ان يغادر وجد كامل يقتحم الغرفه عليهم _انتو ايه للدرجه دي مش عاملين حساب ولا احترام ليا ولا لأي حد في البيت طبعا منتو لا مراعين ربنا ولا حرام ولا حلال ومظبطين أموركم علي الأخر بس انا هربيكم
يوسف وهوا يقترب منه_ كامل انتا بتقول ايه انا مش فهمك قصدك ايه.
كامل_وليك عين تقف قدامي بعد الي سمعته انتا
وض ربه بوكس في وجهه فسقط يوسف علي الارض وصرخت ندي ..يوسف وذهبت له تنظر لوجهه بقلق. _ يوسف قوم يوسف
ونظرت لكامل وجدته ينظر لها بغضب ويقول. _ جهزي نفسك هتسافري معايا أمريكا وحيات امي لأربيكي من اول وجديد وأخليكي تتمني الموت
يوسف وهوا ينهض من علي الأرض. _ انتي ياغبي ايه الي بتقوله ده انتا اكيد اتجننت
كامل _ اخرس يا خساره الإخوه الي بتربطنا ببعض بس انا مبقاش كامل اما حسرتك عليها وخليتك تن دم انك بس بصتلها وهيا مراتي
وتركهم وغادر البيت كاملا وغادر ذاهبا للشقه التي اشتراها وتقيم بها كرستين منذ قدومها لمصر بعد اقتراح كامل عليها ووافقت
بقيت ندي في ارض الغرفه تبكي بصمت دون حركه او صوت فاق يوسف من صدمته من كلام اخاه وإلتفت لندي يحدثها قومي ياندي قومي من الأرض وبلاش ع ياط.
ندي ولا تتحدث فقط تبكي
يوسف _ اهدي يا ندي هوا شكله سمع مكالمتي مع منه وفهم كلامي غلط فكرني بكلمك انتي.
ندي. _ ازاي يعني للدرجه دي شايفني رخيصه انا يا يوسف يفكر فيا كدا دانا محبتش غيره من وانا صغيره وهوا مالك قلبي وروحي وبعد كل ده يتهمني بالجنان ده انا هتجنن ازاي يفكر كدا ازاي يا يوسف.
يوسف _ يا ندي اهدي كلامي مكنش واضح انا هروح له وأتكلم معاه وأفهمه كل حاجه هوا مش فاهم الموضوع صح.
ندي_ .انتا ازاي كدا ازاي بتدافع عنه وبتتكلم بالهدؤء ده ده بيتهمك في أخلاقك
يوسف بدموع في عينه تأبي النزول_ مش هقدر اوصفلك احساسي انا زي اللي اتيتم فجأه اخويا اللي بعتبره قدوتي ومثلي الأعلي شايفني واط ي اوي للدرجه دي لدرجه اني ابص لمراته انا خلاص ياندي مبقاش عندي اخوات خلاص هفهمه بس الي حصل وأبرئك وأبرء نفسي من اتهامه القذر ده بس صدقيني مستحيل اتكلم معاه تاني ابدا او ابص في وشه تاني
ندي_اعمل الي تعمله انا مبقاش فارق معايا يفهم او لا مبقاش مهم خلاص انا عرفت هوا شايفني ايه ونظرته ليا ايه مبقاش في حاجه تهمني.
يوسف_ انا خارج يا ندي وانتي حاولي تهدي
ندي ولا تعلق خرجت للشرفه وظلت واقفه تندب حظها السئ كيف يعتقد انها بهذا السؤء كيف خيل له ان بينها وبين يوسف علاقه الهذه الدرجه يراها سيئ ويراها تستطيع هوا حب طفولتها وزوجها كانت تبكي ولا تدرك ان امها رأتها من شرفتها
هناء وهي تذهب لندي _ فيكي ايه يابتي بتبكي ليه مالك
ندي ارتمت بأحضان والدتها وظلت تبكي بحرقه علي حالها ولا تتحدث
هناء _ فيكي ايه يابنتي لكل ده كامل عملك ايه جوليلي ياحبيبتي متخافيش
ندي بصراخ _ بيشك فيا ياأمي مفكرني بخونه ومع مين مع يوسف يوسف ياماما الي بعتبره اخويا وبيقول هيأخدني ونسافر كمان علشان يعرف ينتقم مني علي الي عملته.
هناء _ايه الي بتجوليه ده اكيد كامل اتجنن كيف يفكر فيكي وفي اخوه إكده
ندي_ سمع يوسف وهوا بيعترف لمنه بحبه ليها وفكره بيكلمني انا وهوا كان بيكلمها من تلفوني ياماما
هناء_ تعالي معاي نروح لعمك محمود اكلمه يشوف حل في ولده اني مهخلكيش تسافري معاه وأصل وهخليه يطلجك وهنرجع دارنا تاني .
ندي ببكاء. _ ارجوكي ياماما استني بس لحد يوسف ما يجي هوا قالي هيروح يفهمه بلاش تكلمي عمي محمود.
هناء. _ حتي بعد الي عمله ولسا باقيه عليه وبتحبيه يابتي
ندي . _ لا ياماما انتي فهماني غلط انا مش عايزه مشاكل بينه وبين ابوه وأخوه بسببي بس.
هناء_ .هتخبي عليا يا بنتي اني خابره انك بتحبيه ياندي عيونك فضحاكي يابنتي كيف ماهوا عينه فضحاه بس غيرته عمته وده يأكد لك حبه ليكي يابنتي.
ندي. _ معدش يفرق يا ماما بعد الي عمله حب من غير ثقه مستحيل ينجح.
هناء. _ طيب يا بنتي ارتاحي دلوك واني هستني لما يوسف يجي وهشوف عمل ايه
وصل لشقته وفتح الباب ودخل وجدها تجلس علي الأريكه تشاهد التلفاز هبت واقفه اول ما رأته
كريستين_ كامل حبيبي جيت فكرتك مش هتيجي وحشتني
كامل فك قيدهاله وجلس علي الكنبه بدون كلام يضع رأسه بين كفيه ولا يتحدث فجلست بجواره ووضعت يدهاعلي كتفه _كامل مالك حبيبي فيك ايه
كامل _ سيبيني في حالي كريستين لو سمحتي محتاج اكون لوحدي
تركته وذهبت للمطبخ وجهزت له كأس من العصيروذهبت له مره اخره. _ اشرب ده كامل وبعدين نتكلم.
كامل _ مش عايز حاجه ارجوكي سيبيني لوحدي.
كرستين_ مالك كامل اول مره أشوفك في الحاله دي .انتا اتخانقت مع مراتك.
كامل. _ مقولتلك سيبيني في حالي انتي ايه مبتفهميش اقولك انا ماشي وسعي كدا.
وأزاحها من جانبه وخرج من الشقه وركب سيارته واتجه بها ولا يعرف لأين يذهب.
ذهب يوسف يبحث عنه في الشركه وجدها خاليه حاول الإتصال به ولاكن لا يرد عليه حل الليل وهوا لم يصل له فعاد للبيت دخل من باب المنزل وجد والده وأمه وخالته جالسون معا ولا وجود لأخيه او ندي فسألهم كامل جه ولا لسه.
محمود. _ مش تسلم الاول ياولدي ايه الي في وشك ده يا يوسف انتا متخانق مع مين ياولدي.
يوسف. _ مفيش حاجه يابويا موضوع وانتهي متقلقش
محمود _ كيف ده وأخوك كمان فين مبانش من الصبح خرج من الشركه ومعاودش لدلوك.
يوسف _ انابدور عليه بقالي كتير ومش لاقيه
محمود_ اكيد في الشجه الي شريها جديده وبيجهوها لندي اني مجولتلكوش لانه عاملها مفاچأه لما ندي توافج يكملوا مع بعض.
يوسف_ وهيا فين الشقه ياحاج عنوانها ايه انا عايزه ضروري .
محمود . _ عنوانه ياولدي في .....
يوسف. _ طب انا هطلع اغير هدومي علشان اروح له عايزه ضروري.
محمود_ ماشي ياولدي ابجا طمني عليك انتا وأخوك
يوسف_ متقلقش علينا ياحاج احنا بخير.
كان يجوب الشوارع بلا هدي ولا يعلم اين يذهب قرر الذهاب لفندق حتي الصباح دار بسيارته لكي يذهب لفندق يعرفه وأثناء التفافه اصطدمت به سياره قادمه عكس اتجاهه واصطدمت به سياره ولاكن لحسن حظه انه كان يقود ببطئ وهوا يدير السياره فكانت خبطه خفيفه اصيب في رأسه بجرح خفيف نتيجه ارتطامه في مقدمه عجله القياده ولاكن زراعه يؤلمه بش ده نزل من كان في السياره الأخره فهوا لم يصيبه مكروه توجه له وسأله هل هوا بخير
اخذه وذهب للمشفي وبعد الكشف اتضح ام زراعه كسر نتيجه الخبطه وتم تجبيره ومعالجه جرح رأسه طلب سياره أجره لعدم قدرته علي قياده السياره مره أخره وطلب منه الذهاب لعنوان شقته التي تقيم بها كرستين فهوا متعب ولا يستطيع البحث عن فندق حاليا وترك سيارته امام المشفي بعد ان أعطاهم عنوان منزله ليرسلوها له هناك وصل البنايه وصعد شقته وفتحها هرولت له تري ما به بعد دخوله البيت بهذا الوضع فأشار لها ان تصمت وذهب لغرفه النوم وخلع قميصه العلوي ونام من ش ده تعبه فدخلت خلفه وقامت بفرد الغطاء عليه وذهبت خارج الغرفه جلست تتابع التلفاز ولاكن اخفضت صوته لكي لا تزعجه.
وصل يوسف للعنوان اللذي اخذه من والده وصعد للشقه طرق الباب وانتظر ليفتح له اخاه كانت تبدل ثيابها بملابس للنوم سمعت احد يدق باب الشقه فخشيت ان يوقظ كامل ذهبت سريعا لكي تفتح الباب صدم يوسف حين وجد الفتاه التي كانت مع اخاه في المطعم هنا في بيته وبهذا الشك
كرستين ولم تتعرف عليه جيدا_ ايوه نعم
يوسف _ انتي بتعملي ايه هنا وفين كامل
كرستين_ .انتا مين وبعدين وطي صوتك كامل نايم وهتصحيه كدا.
يوسف _ نايم وسعي من طريقي
وذهب فتح الغرفه وجد اخاه نائم وبسبب اضائة الغرفه الخافته لم يلاحظ زراعه وهوا بالجبس رجع للوراء بسبب ننظر اخاه وما ترتديه هذه الفتاه من ملابس فقد فهم الوضع بشكل خاطئ وذهب ليغادر الغرفه والشقه كلها وقبل خروجه من الباب التفت لها وقال _ ابقي قوليلوا قبل ما تحاسب الناس علي حاجه معملوهاش
وتركها وعاد للبيت مره أخره وهوا حزين علي اخاه الذي سقط من نظره بفعلته هذه فهوا متزوج ويخون زوجته في نظره ظل يفكر ايخبر ندي ام يصمت فهي لات ستحق كل هذه الإهانه منه وفي النهايه قرر الصمت حتي لا يسؤء الوضع بينهم اكثر من ذالك
استيقظ في الصباح وبدل ملابسه
متابعة القراءة
