رواية توكيل زواج كاملة (جميع فصول الرواية) بقلم هبه منصور
يجلس ناجي مع صديقه محمود في بيته بالصعيد ويتحدتون ناجي _ خايف علي بنتي ندي من الجاي يامحمود
محمود_ مالها ندي يا ناجي ماني كنت خابر انها زينه حصل لها حاجه
ناجي _ انا تعبان جوي يا خوي وحاسس اني خلاص العمر بيخلص وانتا خابر بتي وحيده لضهر ولا سند حتي اخوي طمعان فيها لولده الكبير وعايز يجعدها من علامها ويجوزهالو وانا رافض دي الدكتوره ندي ولازم تكمل حلمها
محمود _ عيب عليك اني سندها بعد ربنا ندي بتي وربنا عالم وانتا كيف الرهوان هتعيش لما تشيل ولاد ولادها يا ناجي
ناجي_ المرض هدني ياخوي اني تعبان ومخبرتش حد واصل والعمر بيخلص صدجني خلي بالك من بنتي واحميها دي وصيتي ليك يا محمود .
محمود_ كيف ده مرض ايه الي عندك يا ناجي وكيف تخبي علي
ناجي _ اني عندي المرض اياه ياخوي ومفيش ليه علاج خلاص .دي اخر مرحله فيه وانا راضي بنصيبي بس خايف علي ندي هيا الي معلجاني في الدنيا
محمود _ متجولش كدا هتخف وتبجا زين ياخوي وندي بنتك في عيني وربنا عالم
ناجي _ واني خابر يا محمود انتا اخويا وحبيبي انا هجوم اروح دلوك وهجيك تاني ان شاء الله سلام ياخوي .
غادر ناجي وبقي محمود يدعو االله ان يزيح المرض عن ناجي ويشفيه لانه صديق عمره واخوه
غادر محمود الصعيد بعد اسبوع من اخبار ناجي له بمرضه بسبب اعماله في مصر وبعد مرور يومين في قصر الراوي بمصر يرن التلفون وترد الخادمه _ يا محمود بيه تلفون لحضرتك من البلد بيجول سلامه غفير البيت هناك
محمود _ خير ياسلامه
سلامه_ كيفك ياحج لازمن تاجي دلوك الصعيد الحاج ناجي عطاك عمره
محمود_ بتجول ايه ياواد كيف ده
سلامه_ البجيه في حياتك ياحاج اتوفي من ساعه العصريه واني جولت اخبرك
محمود _ اني جاي دلوك
ذهب محمود وودع صديق عمره وسط حزن عميق منه ومن زوجته علي ناجي لانه كان من خير الناس وحزن اهل البلد عليه بعد ثلاث ايام ذهب محمود بيت ناجي لان زوجته اتصلت به لكي يحضر لهم لامر هام فهي بقيت مع اختها تواسيها دخل محمود علي صوت اخو ناجي وهوا يحدث ندي_ هتتجوزي ولدي ومعدش ليكي خروج من البلد بعد النهارده.
محمود_كيف تكلم مرت ولدي كدا انتا اتجنيت اياك
ماجد_بينك انتا الي اتجنيت يامحمود ندي مرت ولدك كيف ده.
محمود_ اني خطبتها لكامل ولدي من اسبوعين وكنا هنكتبوا بعد ما ياجي من السفر بس ناجي عطاك عمره واسال هناء مرت اخوك كانت حاضره اتفاجي مع المرحوم
ماجد _كيف ده صح ياهناء الي محمود بيجوله ده .
هناء وهي تدرك ما يقوله محمود _ صوح يا ماجد محمود طلب ندي وناجي وافج وعطاه كلمتوا جبل ما يسافر مصر ومرض ناجي خلانا منجولش حاجه الا لما يجوم بالسلامه بس ربنا رحمه وعطاك عمره
تقف ندي اعلي الدرج ولا تدرك اي شي مما يقال كيف يحدث هذا وهي لا تعلم
ماجد _ بس اني مكلم ناجي عليها لناصر
راجيه زوجه محمود_ورفضك بدل المره الف وانتا مبتبطلش تطلبها واحنا طلبناها وهيا مراحتش لحد غريب كامل ولد خالتها و هيصونها.
محمود _كل شي نصيب ياماجد وناصر و كامل اخوات وربنا كتب نصيبها مع ولدي ولا انتا شايف ايه
ماجد_ وولدك هيكتب الكتاب ميتا اديلوا عمر مهاجرنا و منعرفوش عنيه حاجه
محمود_ هوا كلمني ولما دري بالي حصل لعمو ناجي جالي انو جاي مصر علشان يتجوز ندي
ماجد_وان مجاش ولدك السبوع الجاي يكتب عليها اني هكتب كتابها علي ولدي ناصر واهو ولد عمها واولي بيها من ولدك كمان
محمود_. كيف ده لا ولدي هياجي وهيكتب عليها الاسبوع الجاي وندي لكامل ومش هتكون لغيره
بعد خروج ماجد من منزل اخوه ناجي تنزل ندي مهروله علي درجات السلم_ممكن حد فيكوا يفهمني ايه الي حصل ده.
هناء ._ ندي اسكتي دلوك مش ناجصين لت كتير.
راجيه_إهدي ياخيتي معاها حق تعرف في ايه
هناء_مش لما نعرف احنا الاول ايه الي انتا عملتوا ده يا محمود
محمود_ .عملت ايه ياعني كنتي عيزاني اسيبه يجوزها لناصر ويضيع مستجبلها
هناء_ .بس انتا وجعتنا في مشكله كبيره مع ماجد هنجوله ايه لما ياجي معاد كتب الكتاب
محمود _ مهنجولوش حاجه كتب الكتاب هيتم في معاده ندي هتتجوز كامل ولدي
هناء_ .ندي بتي
راجيه _ ندي فيكي ايه
هناء وهي تذهب لندي الملقاه علي الارض _ فوجي يابنتي كنلك فين المر ده سبتنا ليه يا ناجي اتبهدلنا من بعدك
محمود_جومي هاتي حاجه نفوجها بيها يا راجيه
وحملها ووضعها علي اريكه ببهو المنزل بعد وقت فاقت ندي وجدت كل من محمود وراجيه وهناء حولها وامها تبكي علي حالها هي وخالتها ادركت انا ما كانت به حقيقه وليس حلم سينتهي بعد وقت.
محمود_ كيفك دلوك يا بتي
ندي تنظر له ولا تتحدث
محمود _ انتي خابره انتي عندي ايه وابوكي الله يرحمه وصاني عليكي جبل ما يموت .
ندي بقيت صامته تستمع له فقط
محمود _ يابنتي عمك لو مكنتش عملت اللي عملتوا كان عمل الي في راسو وجوزك ولده وانتي عارفه عوايدنا لو رفضتي جوازك من ناصر ديتك طلجه وهيجول انك
وصمت محمود ولم يكمل كلامه
ندي_ .احنا هنبيع كل حاجه ياعمي وهننزل مصرانا وماما ومش هنرجع تاني هنا
محمود_ .وهيا مصر بعيده عن عمك يا ندي مهيعرفش يوصلك يابتي احب ماعلي جلبه الي انتي بتجوليه ده هيطلعك جدام اهل البلد بالفضيحه وهياخد كل املاك ابوكي وده الي هوا عايزه
ندي. _ ياعمي كلام ايه ده طب وبعدين هنعمل ايه كامل ابن حضرتك مهاجر من زمان ده اخر مره شوفته كان عند١٣سنه ومش فاكره حتي شكله .
محمود . _ اني هكتب كتابك علي كامل الجمعه الجايه اني كامل عملي توكيل عام علشان شغل الشركه في مصر هنكتب بيه وهوا مش لازمن يجي .
هناء_ كيف ده يعني بنتي هتتجوز راجل غصبن عنه مش معجول ياحج محمود الي بتجوله ده .
محمود_ ياهناء اني رايد بنتك لولدي كامل بس الموضوع هياخد وجت علي ما ياجي ويشوفو بعض ويتم الجواز اني هكتب الكتاب دلوك لجل نسكت ماجد ولما ننزلو مصر هكلم كامل ياجي ونتمم الجواز.
ندي_ .لا ياعمي مش موافقه طبعا ازاي تجبروا علي الجواز بيا مش معقول اتجوز واحد غصب
محمود _افهموني زين اني مش هتكلم كتير ولدي هينزل وهيتمم الجواز وكتب كتابك الجمعه الجايه هتممه بالتوكيل الي معاي مفيش كلام تاني ولا عند رأي تاني ياهناء.
هناء. _ لا تتحدث معهم وتضع كفيها علي وجهها وتبكي علي حالها بعد موت زوجها.
راجيه_ ياهناء ياخيتي انتي خابره ماجد زين وبنتك بنتي هنشيلها في عنينا والله وكامل ولدي مفيش زيه راجل وطيب والله وندي هتكون مبسوطه معاه صدجيني
هناء ترفع راسها وتنظر لابنتها ثم تتحدث مع محمود _ اني هوافج يامحمود بس بشرط ولدك ميجربش من بنتي غير لما ياجي واتاكد انو رايدها مش غصبنيه
محمود_ماشي ياهناء بنتك في الحفظ والصون هنكتب الكتاب الجمعه وننزل كلنا مصر اني ههملكم دلوك وراي شغل
بعد ذهاب محمود جلست ندي علي الكرسي بجانب امها تبكي علي ما وصلت له الامور ضمتها راجيه _متبكيش يابنتي والله انتي متعرفي الخير فين ولدي كامل زينه الناس مش علشان هوا ولدي لا وانتي بنتي ولما يجي ربنا يعدلها ان شاءالله.
ندي _ ياخاله راجيه اني لو كامل جه ومقدرتش اتعامل معاه هخلي عمي محمود يطلقني منه زي مجوزني انا مقولتش لعمي علشان ميزعلش بس القرار مش في ايد كامل بس لا انا كمان لازم اشوف هقدر اعيش معاه ولا لا.
هناء_ مش وجته الكلام ده يا ندي .
راجيه_ سبيها يا هناء معاها حق صوح يابنتي انتي ليكي رأي وكمان هننفزه يا ندي متجلجيش ياحبيبتي
بعد مغادرته بيت صديقه جلس يفكر كيف يقنع ابنه بالعوده مره اخره فهو يرفض المجي الزيارات كل فتره ويعود لعمله مره اخره
في امريكا شركه مكونه من طابقين يبدو عليها الفخامه والرقي يجلس علي مكتبه وامامه بعض الاوراق كامل الراوي مدير الشركه شركه ميجان للالكترونيات كامل يتحدث في الهاتف _يا ممدوح الشحنه هتنزل مصر كمان اسبوع ووالدي هيستلمها انا عامله توكيل الاجهزه دي هتتباع في الشركه الي في مصر احنا هنا بنخسر الفتره دي .
ممدوح _ يا كامل باشا حضرتك استثمرت مبلغ كبير في الشحنه دي .
كامل_ وهتكسب في مصر انا متأكد هنا في شركات كتير غيرنا بس في مصر شركات قليله الي بتستورد النوع ده من الاجهزه لان جودته عاليه وسعره كمان عالي هنكسب في مصر صدقني انامتأكد نفذكلامي ياممدوح سلام .
ممدوح_ .سلام ياباشا ممدوح هوا دراع كامل اليمين وبيساعدو
كامل يتصل بوالده ليخبره بشان الاجهزه _السلام عليكم ياحاج محمود ازيك يابوي كيف احوالك وحشتني والله ياحاج.
محمود_كيفك ياولدي متوحشك والله اخبارك ايه ياكامل
كامل_انا بخير ياحاج وكنت بكلمك لان في شحنه اجهزه كبيره نزله الاسبوع الجاي الجمارك لازم تستلمها بنفسك ياحج
محمود _ اني في الصعيد يا ولدي عمك ناجي عطاك عمره واني جاعد شوي هنا في كام موضوع بخلصوا وارجع مصر
كامل _ البقاء لله العمر ليك ياحاج ربنا يرحمه وخالتي هناء كيف احوالها ربنا يصبرها.
محمود. _ ربنا معاها ياولد مش هتنزل تعزي خالتك ياولدي
كامل _ مش هينفع ياحاج عندي مشاكل كتير في الشركه هنا ومش هقدر اجي قبل ست شهور انا هتصل بخالتي واعزيها بنفسي
محمود وقد حزن من ما اخبره به ابنه فاغلق معه وجلس يفكر كيف يجعله يأتي لمصر
في منزل ناجي تجلس هناء وراجيه وندي علي السفره ولا يتحدث اي منهم للاخر يقطع الصمت صوت الهاتف فتتجه ندي لترد _السلام عليكم .
المتصل _ وعليكم السلام لو سمحتي ممكن اكلم الست هناء .
ندي _ مين حضرتك انا ندي بنتها.
المتصل _ ندي ازيك عامله ايه انا اسف جدا علي الي حصل البقاء لله كان نفسي اكون معاكو بس عندي مشاكل في الشغل منعاني انزل مصر.
ندى .بعد ادراك من المتصل_ انتا كامل .
كامل _ ايوه ياندي كامل العمر ليكوا .
ندي_ .شكرا .
كامل_ ممكن اكلم خالتي هناء .
ندي_ .ثواني .ياماما كلمي .
كامل وقد استغرب طريقه ندي في الكلام ولاكن ارجع السبب لحزنها علي والدها
هناء. _ كيفك يا كامل يا ولدي
كامل_ الحمدلله ياخاله العمر ليكي البقاء لله .
هناء_ العمر ليك ياولدي الحمدلله علي كل حال
كامل_ .انا هحاول اجي اطمن عليكو ياخالتي بعد فتره لاني مشغول الفتره دي
هناء. _ ربنا معاك ياولدي ويفجك متشيلش هم ابوك معانا وجايم بالواجب مع السلامه ياكامل
كامل _ سلام ياخالتي .
بعد مرور اسبوع علي الجميع بدون احداث جديده
ماجد _كيف الكلام ده انتا وكيله ليه هو بت هتوكلله في الجواز .
محمود_ يا ماجد الواد معرفش ينزل لانه مش فاضي وانا هكتي الكتاب هوا عملي توكيل علشان اكون مكانوا ايه المشكله دلوك .
ماجد _ولدك بيجل بينا ومش متكبربنا يا محمود لزمن ياجي هوا ويعجد عليها بنفسه لإما مفيش عجد وهجوزها لولدي
محمود_ .وبعدهالك ياماجد متعدي الموضوع ده بجا اني جولتلك جبل سابج ندي لكامل ومش هتكون لغيره هنكتب دلوك الكتاب واخر الشهر هياجي ولدي ونتمم الجواز وهنا في دار ابوها ايه جولك ياماجد .
ماجد . _ موافج يامحمود فين المهر يامحمود ولا ده كمان لما العريس ياجي .
محمود _ مهرها الارض بتاعتي اللي جار ارض ابوها هكتبهالها بإسمها بيع وشرا دلوك ياماجد احنا منكولش حج اليتامه ياخوي .
ماجد. _ ماشي يامحمود .وتم عقد القران وبعد ايام سافر الجميع مصر
في بيت الراوي بمصر
يوسف _ ياهلا ياهلا ياخالتي كيفك والله وحشاني
هناء . _ كيفك يايوسف اتوحشناك والله يابني
يوسف_ الكليه والله الي منعاني من اني اجيلكم انتي اكيد عارفه حتي اسألي ندي .
هناء_ عارفه يا ولدي ربنا معاك انتا وندي .
يوسف . _ ازيك ياندي والله الكليه منغيرك وحشه اوي
ندي . _ ايوه طبعاهتقولي منا عارفه الوقتي البنات كلهابتسالك عليا صح.
يوسف_ .فعلا كل يوم تيجيلي بنت من اصحابك تطمن عليكي وانا بطمنها هههههههههه.
ندي_ طبعاعارفه منه صحبتي بتبلغني اول باول يادنجواي.
يوسف_ اعمل ايه يعني البنات هياالي بتجي لغايت عندي معجبين اكمني حليوه حبتين
ندي _ روح يايوسف الله يخلك زاكر مش نقصه هبلك ده انتا خلاص اخر سنه
يوسف _ متقلقيش عليا .اناهبقااحسن دكتور في البلد ياخيبه هههههههههه
ندي . _ شايفه ابنك ياخالتي
راجيه. _ انتو مبتبطلوش خناق مع بعض ابدا
هناء _ سبيهم ياراجيه دول شبه بعض .والي يدخل بينهم خسران
راجيه _ ربنا يخليهم لبعض بيفكروني بمحمود وناجي الله يرحمه كانوا زيهم كدا متل الاخوات
دخل محمود عليهم وهو بيقول _ كامل هيحاول يتصل بيكوا محدش فيكو يرد عليه نهائي.
يوسف . _ ليه ياحاج خير
محمود . _ في شحنه مهمه جايه مصر واني عطلت دخولها ومش هروح استلمها علشان ياجي هوا يستلمها ويتمم جوازه من ندي
في امريكا
كامل _ ايه الي بتقوله ده ياممدوح ازاي يعني الشحنه متعطله ومرميه في الجمارك ليه الحاج فين
ممدوح _ بكلمه تلفونه مقفول حتي يوسف مش بيرد عليا والشركه السكرتير بيقول مجاش بقالوا اسبوعين
كامل_اكيد في حاجه حصلت ازاي مبيردوش ومبيروحش الشركه اناهنزل مصر حضرلي تزاكر السفر حالا
ممدوح_ حاضر ياكامل باشا الي تؤمر بيه
كرستين . _ انتا هتنزل مصر بجد كامل طب وانا.
كامل_ .هنزل اشوف في ايه وهرجع كريستين مش هتأخر
كريس_ .هتوحشني كامل كتير
كامل_ خلاص كرستين احنا في الشركه.
كرستين_ هتيجي بليل حبيبي نقعد سوا قبل السفر.
كامل .لا مش هقدر هجهز نفسي اسافر في اقرب وقت
كريستين _ اوك بيبي هستناك لماترجع باي
في مصر .
ندي _ يلا يايوسف اتأخرنا يباي عليك
يوسف_ .يابنتي بظبط نفسي علشان المعجبات
ندي_ .صدقني اخرتك هتتجوز مغزه
يوسف_ عيب عليكي داناهتجوز مودلزحاجه كدا مستورده مش من هنا
ندي _ طب يلا ياخويا وتضربه علي رقبته
يوسف_. عيب كدا احترميني انا اخو جوزك يابت انتي.
ندي وقد تغير لون وجها دليل علي حزنها_ بقولك ايه يا يوسف اوعي تجيب سيره الموضوع ده تاني بجد هزعل منك واوعي حد يعرف من الجامعه مفيش غير منه بس الي تعرف
يوسف _ ماشي يابنتي والله عارف وبعدين انتي تطولي دا كامل اخويا مفبش منه
ندا _ يوووسف وبعدين
يوسف_ خلاص ياماما هتكليني اعوز بالله يلا قدامي
راجيه_ لسا مفتحتش تلفونك ياحاج
محمود_ ايوه ياراجيه لسا وكلم الشركه نبهت عليهم يقولو اني مبجيش
هناء_ وبعدين يامحمود المعاد قرب ولسا ابنك مجاش وماجد بيتصل كل شويه يسالني عليه.
محمود_ خلاص ياهناء هيجي انا متأكد متقلقيش
راجيه _ لسا اسبوعين ياحاج محمود هنلحق نجهز حاجه فيهم.
محمود_ انا مرتب كل حاجه بس هوا يجي
هناء_ ازاي ياحاج منغير ماتاخد رأيه
محمود_ .اناعارف انابعمل ايه ياهناء انامش صغيروعارف مصلحه عيالي .
هناء_ بس خايفه ياحاج نظلم الاتنين وميجدروش يكملو مع بعض.
محمود_ متخافيش اناخابر ولدي وبتك زين .
هناء _ بس متنساش وعدك ليا ياحاج ولدك مش هيجرب من بنتي غير لما هوا يوافج والبنت توافج برغبتهم ياحاج.
محمود_ واني عند كلمتي ياهناء متجلجيش.
بعد العشاء يجلس افراد الاسره يتسامرون ويدق الجرس تفتح الخادمه ويتفاجئ الجميع بدخول كامل عليهم.
محمود_ حمدالله علي السلامه يا ولدي.
كامل_ الحمدلله يا بويا انتا بخير قلقتوني عليكم في ايه قفلين التلفونات ليه ومحدش بيروح الشركه وكمان الشحنه مرميه في الجمارك اناجيت قولت اكيد في مصيبه .
محمود _حيلك حيلك خد نفسك الاول مفيش حاجه متجلجش احنا كلنا بخير
راجيه _ كيفك يا كامل يا ولدي اتوحشتك طولت الغيبه المره دي جوي ياحبيبي.
كامل _ وانتي كمان يا امي وحشتيني اوي اخبارك ايه ياست الكل
راجيه . _ زينه ياولدي مدام شوفتك بخير.
يوسف _ اهلا يا كموله وحشتني يابو الكوامل اخبار امريكا ايه ومزز امريكا كويسين.
كامل . _ وحشتني يا يوسف ووحشني هزارك وخفه دمك دي
هناء . _ كيفك يا كامل زين يا ولدي
كامل_ كيفك يا خالتي والله اسف مكنتش مركز البقاءلله في عمي ناجي والله كان بودي اكون معاكم .
هناء . _ العمر ليك ياحبيبي
كامل وقد لفت انتباهه فتاه جميله جدا تجلس علي الكنبه وتحمل كتاب ولا تنظر له
هناء _ دي ندي ياكامل تعالي سلمي علي كامل ياندي
ندي وقد تركت كتابها وقامت من مقعدها ولاول مره تلتقي عيونهم ببعض _ ازيك ياكامل
ومدت كف يده له كامل وقد بهره جمالها ولون عينها وشعرها الطويل الواصل لاسفل ظهرها _ ندي مش معقول انتي كبرتي كدا امتا ازيك انا اخر مره شفتك كنتي بضفاير.
يوسف متدخلا _ ضفاير مين ياعم دي دكتوره ندي ويضربها علي راسها.
كامل بتعجب_ دكتوره !
محمود_ .ندي ياولدي في كليه الطب مع اخوك يوسف تالت سنه ليها.
كامل
ندي_ شكرا بس انامش صغيرة ولا حاجه اناعندي ٢٣سنه وسحبت يدها ببعض الحده وجلست مره اخره وكامل يتعجب من اسلوبها معه .
كامل بعد ما جلس_ قولولي بقا خير في ايه خلتوني جيت كدا ليه.
محمود. _ جوم اارتاح انتا ياولدي ونتكلم بكره انتا جاي من سفر طويل
كامل_ .ماشي ياحج تصبحواعلي خير .
راجيه . _ مش هتاكل ياولدي جبل ماتنام .
كامل وهو ينظر لندي _ لا ياامي محتاج ارتاح تصبحو علي خير.
بعد ماذهب هناء _ هتتكلم معاه امتا يا محمود.
محمود_ .بكره ان شاء الله يا هناء وانتي ياندي ايه رأيك في كامل .
ندي _ رأي في ايه ياعمي انا لسا شيفاه حالا لما نتكلم مع بعض ونتناقش ونشوف عقول بعض راكبه سوا ولا مفيش توافق
محمود_ تتكلموا ايه يابنتي وعقول ايه انتي فرحك بعد عشر ايام .
ندي _ معلش ياعمي اجل الكلام اسبوع نتعرف علي بعض حتي وبعدين نتكلم
محمود_ اومال هجوله جايبو من بره ليه نتسايرو سوا لزمن يعرف .
ندي _ خلاص الي تشوفوا ياعمي بس زي مقلت قبل كدا لو متفقناش حضرتك تطلقني منه زي ما جوزتني له.
محمود _طلاج ايه يا ندي يا بنتي متجبيش السيره دي تاني انتي هتبجي مرت ولدي وام احفادي ان شاءالله.
ندي_ تصبحوا علي خير انا هطلع انام .
هناء . _ معلش يا محمود ياخوي ندي كيف المرحوم راسها ناشفه ومبتمشيش غير رأيها
محمود_ .ربنا يهدي الاحوال يارب .
في الصباح ندي تدق باب يوسف حتي يستيقظ لانهم تأخرو _ انتا يابني ادم يلي جوه قوم اتاخرنا علي الجامعه والله امشي وسيبك ياعم انتا اصحا بقا.
وتنزل السلم سريعا تأتي بزجاجه ماء وتفتح باب الغرفه وتسكب الماء علي يوسف فينهض من النوم مفزوغ ويصرخ_ يابنت المجنونه ايه الي انتي عملتيه ده والله منا سايبك
ويااخذ الماء من جانب السرير ويركض خلفها وهي تهرب خارج الغرفه وتصطدم في كامل وهو يخرج من غرفته.
كامل_ .ايه ايه حاسبي ياندي .
ندي _ اه اسفه معلش بس ...
وقبل ما تكمل كلامها كان يوسف يسكب الماء عليها كاملا فتصرخ به _ يوسف انتا اتجننت لسا هغير بسببك اتأخرت والوقتي هتأخر اكتر والله ما انا مكلماك تاني ابعد
وزقته وراحت اوضتها تغير هدومها.
كامل _ ليه كدا يايوسف ايه الهزار التقيل ده.
يوسف_ ياعم دي غرقتني مياه وانا نايم متقلقش انا بعرف اصالحها كويس ندي دي حبيبتي مقدرش ازعلها ابدا.
كامل_ .حبيبتك حبيبتك ازاي يعني يايوسف
يوسف_. بهزر ياعم انتا فكرت ايه
كامل_ .ولا حاجه يا يوسف مفكرتش حاجه انا نازل افطر.
نزل كامل وهوا بيكلم نفسه_ ايه الي قولته ده وانا مالي مهما حرين اصلا شكلهم باين اوي دي كانت بتصحيه من اوضه نومه اخ وانا مالي انا بالموضوع ده.
راجيه_ صباح الخير يا ولدي مالك بتكلم روحك ليه ياحبيبي .
كامل_ .مفيش حاجه ياست الكل صباح الخير عليكي ابويا فين في مكتبه .
راجيه. _ لا ياحبيبي صح بدري وراح مشوار وقال هيرجع علي الغدا .
كامل _ طب هوا مكنش بيروح الشغل ليه ياست الكل .
راجيه. _ اصبر لما ياجي يا حبيبي وهوا يجولك كل حاجه يلا نفطر.
بعد وقت قليل تنزل ندي السلالم بسرعه وتلقي السلام تخرج سريعا وينزل ورائها يوسف راكضا ينادي بإسمها_ يا ندي انتي يابت .شايفه بنتك ياخالتي اعمل فيها ايه دي
هناء. _ متأخره يا يوسف وانتا السبب ربنا يهديكوا ملكوش حل .
يوسف _ ماشي يا ستي هصالحها والله علشانك .
راجيه _ سيبك منيهم وتعالي نفطر دول علطول كدا مش هيكبرو ابدا .
كامل لنفسه_ اكيد بيحبوا بعض مش شايف بيتكلمو ازاي عنهم وانتا شاغل نفسك ليه بندي تكونش عجبتك ولا ايه لا فوق كدا دي اصغر من يوسف وكمان شكلها بتحب اخويا وكمان بتكلمني بإسلوب وحش مش عارف ليه اوووف انا هشغل نفسي ليه بيهم خليني في الي جاي ليه .
هناء. _ صباح الخير ياكامل مالك سرحان في ايه.
كامل_ لا ابدا ياخالتي ولا حاجه مفيش .
بعد الافطار جلس كامل وامه وخالته في الجنينه يتناولون الشاي وفجأة يدخل عليهم ضيف
ماجد . _ صباح الخير يااهل الدار كيف احوالكم.
راجيه وهناء _ ماجد!!
ماجد _ في ايه شوفتوا عفريت والا ايه ياجماعه.
كامل . _ مين حضرتك .
ماجد . _ اني عمك ماجد مهران اخوا ناجي جوز خالتك.
كامل_ .اهلا بيك ياعم ماجد اتفضل ارتاح .
ماجد . _ يريح جلبك ياولدي انتا كامل موش كدا.
كامل_ .ايوه انا انتا تعرفني .
ماجد_ طبعا أعرفك مش هنبجا نسايب لزمن اعرفك
راجيه _ تغطي علي حديث ماجد منور ياماجد اهلا بيك تشرب ايه
ماجد. _ جهوه مظبوطه ياام كامل
هناء . _ خير يابو ناصر في ايه
ماجد_ .خير جاي علشان اعرف الفرح ميتا ان شاء الله الكتاب مكتوب اديلوا مده واحنا متفجين علي اخر الشهر ولا ايه .
هناء . _ الكلام مع الحاج محمود لمايجي ان شاءالله.
كامل لنفسه_ نسايب وكتبين الكتاب هوا يوسف كتب كتابوا علي ندي وكمان هيتجوزها اخر الشهر.
ماجد . _ ومحمود فين ياهناء
محمود_ اني اها يا ماجد كيفك ياخوي .
ماجد_ .اني زين يامحمود كيفك انتا
محمود _ كويس نحمد ربنا .
ماجد . _ حددتوا معاد الفرح ولا لسا
محمود _ كنا مستنين كامل ياجي بالسلامه وهنحدد ان شاءالله.
ماجد _ وانتا يا كامل تحب الفرح يكون ميتا علشان نجهز حالنا الفرح عندنا زي ما اتفجت مع ابوك .
كامل_ .فرح انا...
وقبل ما يكمل قال محمود . _ الفرح كمان اسبوع يا ماجد ان شاءالله هناجي البلد النهارده اني والجماعه
ماجد _ واني هستناكوا سلام دلوك اني هسافر البلد
محمود _ مينفعش تتغدا معانا الاول وبعدين تسافر
ماجد_ لا معلش مستعجل شويا.
محمود. _ ماشي يا ماجد توصل بالسلامه.
وبعد رحيل ماجد ذهب الحاج محمود لغرفه المكتب تجنبا لأسئله كامل
كامل محدثا امه_ ازاي متقوليش الي حصل ده انا معرفش ان اخويا هيتجوز ازاي
راجيه_. اخوك اخوك كيف ياولدي
هناء _ اخوك مهيتجوزش ياكامل
كامل_ .اومال مين وفرح مين الي الاسبوع الجاي ده
محمود_ .فرحك يا كامل علي مرتك ندي بنت خالتك
كامل _ نعم مين
محمود_ .زي ما سمعت يا كامل ندي مراتك من بعد وفات عمك ناجي بإسبوع.
كامل _ جواز ايه الي بتتكلم عليه ده ومين الي اتجوز وازاي في ايه يايوي انتو بتهزرو ولا ايه
محمود . _ انتا شايفنا بنهزرو معاك يا ولدي اناكتبت كتابك علي ندي بالتوكيل الي معايا
كامل . _ مستحيل الي بتقوله ده انا لا يمكن اوافق علي الكلام ده هوا انا عيل علشان تجوزني من غير رأي لا وكمان جهزتوا الفرح ايه الجنان ده .
محمود. _ شكلك اتجنيت يا واد بتعلي حسك عليا .
كامل . _ مقصدش يا حج بس كلامك ميدخلش العقل ازاي يعني تجوزني لواحده معرفهاش اول مره اشوفها وكمان عيله صغيره لسا بتدرس ومفيش اي شبه بينا ولا تفاهم وتقولي مراتك وفرحك كمان كام يوم
محمود _ اعقل يا كامل واوزن كلامك العيله دي عنديها٢٣سنه وهتبجا دكتوره بعد كام سنه .
كامل _ ياحاج انا مستحيل اتجوزها لو ايه حصل .
ندي . _ فعلا معاك حق احنا مستحيل نتجوز انا وانتا مختلفين عن بعض طلقني منه ياحاج محمود انتا وعدتني وانا وماما هنتصرف.
كانت ندي تقف علي الباب وسمعت كل كلام كامل وتدايقت منه وقررت ان تنهي الموضوع التفت كلا من كامل ومحمود لندي
ورد محمود _ انتي جيتي يابنتي ادخلي دلوك ونتكلم بعدين
ندي _ كلامي قولتوا يا حاج محمود خلاص انا مستحيل اتجوز البني ادم ده وتركتهم وذهبت لغرفتها.
بينما كامل ظل صامت يتابع حديثها بدون كلام
محمود _ تعالي وراي يا ولدي علي المكتب وانتي يا راحيه خودي هناء وإطلعوا لندي هدوها شويه وانا هطلع اكلمها كمان شويه
في غرفه المكتب.
محمود . _ اجعد ياكامل واهدي واسمعني زين ياولدي
كامل . _ سامعك يا حاج اتفضل
محمود .بدأ يسرد كل ما حدث من عم ندي ووصيه ناجي لمحمود واضاف_ ايه ردك ياولدي كنت سيبت البت تجوز واد عمها ناصر وأضيع مستجبلها.
كامل _ بس ياحاج مش علي حساب حياتي .
محمود_ .وإيه هوا الي هيلخبط حياتك ندي دهيا الي هتنورلك حياتك ندي الف مين يتمني يتجوزها دي كيف الجمر وأخلاق وأدب وتعليم عايز ايه تاني .
كامل _ ياحاج الجواز مش كدا انا لازم الي هتجوزها اكون عارفها وعرفاني فهمين بعض في بينا اتفاق لاكن ندي دي بتكلمني من تحت ضرسها ياحاج ومبتبوصش في وشي حتي شوف بتكلم يوسف ازاي وانا بتكلمني ازاي
كامل . _ يعني مشكلتك في الكلام هخليها تكلمك زين ياولدي ولو علي اخوك فهما من صغرهم اصحاب انتا الي كنت بعيد عنينا.
كامل _ ياحاج انتا مش فاهمني ليه انا. .
محمود مقاطعه _ لا اني خابرك زين ياولدي وخابر ان ندي عجباك من لما شفتها بس بتكابر.
كامل . _ ياحاج لا الموضوع مش كدا.
محمود _ لا هوا كدا قدامك لبكره ترد عليا علشان لو مش هتوافج اتصرف انابجا.
كامل . _ تتصرف ازاي ياحاج يعني هيا مش بقت مراتي
محمود. _ لو موافجتش هطلجها منيك واجوزها لخوك يوسف واديك جلتها هما متفاهمين مع بعض.
كامل وقد تغير وجهه وتبدل للضيق والغيره التي لم يدرك انها ظهرت علي وجه ورأها والده بوضوع_ اللي تشوفو يا حاج
وغادر الغرفه سرعا والقصر بأكمله.
محمود. _ شكلك حبيتها ياك امل بس بتجاوح روحك لا وغيران عليها من اخوك كمان
كامل محدثا نفسه وهوا يقود سيارته _ ازاي تبقا مراتي ويقولي هجوزها
لخوك لا وهيا كمان بتزعقلي وتقول مش متجوزه البني ادم ده لا وهيا عارفه اني جوزها وبتكلم معايا زي الزفت من اول ما شافتني ومع الناس هزار وضحك علي الاخر وانا شاغل بالي بيهاليه مخلاص بقا تعمل الي تعملوا ويجوزوها للي تحب انا هرجع تاني وقول لابويا اني مش موافق والي يحصل يحصل.
الحاج محمود بغرفه ندي
محمود _ وبعدهالك ياندي مش هتبطلي عياط مالك يابتي .
ندي _ يا عمي انا قولت لحضرتك اني مش موافقه وابن حضرتك مش موافق خلاص طلقني منه وانا همشي انا وماما ومش هرجع البلد تاني ابد
محمود_ يابنتي هوا اتفاجئ زيكي في الاول ورده كان من المفاجأه بس لما يهدي هيفهم انا عارف ولدي زين يابنتي.
ندي _ لا يا عمي انا خلاص مش موافقه عليه ده شايفني عيله صغيره وكمان مش عجاباه يبقا خلاص بقا ننهي الموضوع ده.
محمود_ ومين جالك انو شايفك كدا ولا انك مش عجباه ده عينه مبتتشالش من عليكي من لماجه وشافك وبعدين مش عجباه كيف دانتي كيف الجمر يا بنتي.
ندي_ ياعمي هوا الي قال كدا وانا سمعته بنفسي متدافعش عنه .
محمود_ انا جولت الي عندي يا بنتي وصدجيني انتي عجباه وكتير كمان والا مكانش اخد بالو من طريجتك مع اخوه وادايج منيها
ندي_ اخوه قصدك يوسف ياعمي مالو
محمود _ ممالوش بس كامل جالي انك بتكلميه عفش وبتتكلمي مع يوسف مليح وبتضحكو وتهزرو يعني مضايج من طريقتك معاه لو مش هماه مكنش فكر كدا ده لسا بقالو يوم واصل ومركز بتكلمي الناس كيف
ندي _ وقد ظهرت ابتسامه علي وجهها اخفتها سريعا .
محمود _ خلصنا بجا يابنتي اني ههملك دلوك وهستنا ردك عليا بكره لازم نسافر علشان عمك ماجد مستنينا فكري وردي عليا
ندي _ ماشي ياعمي.
في المطبخ راجيه وهناء
هناء _الموضوع شكله مهيتمش ياخيتي
راجيه_ لا انا جلبي بيجولي ربنا هيهديهم التنين
هناء _ انا خايفه ليكون ولدك جلبه متعلج بخوجابه من بلاد بره
راجيه _ لا يا هناء يا خيتي هوا خابر ان عمرنا ما هنوافج علي كدا ابدا
هناء _ ربنا يستر ياراجيه جلبي مش مطمن.
علي مائده العشاء يجلس كل افراد الاسره ما عداها هي بقيت بغرفتها تتحدث مع منه صديقتها.
ندي _ مش عارفه اعمل ايه يامنه .
منه _ احنا هنحور علي بعض اومال لو مكنش حب الطفوله والمراهقه ياندي.
ندي_ انتي اتجننتي يامنه حب ايه ده
منه _انتي مش كنتي قيلالي الي بحبه سافر من زمان وكمان كنتي قيلالي انو قريبك يا بت هتصيعي عليا.
ندي _ بقولك ايه انتي مخك فوت خالص ده كان كلام بسكتك بيه لانك فضلتي تزني علشان تعرفي بحب مين.
منه _ والله كدابه ولو انتي كدبتي علي كل الناس مش هتكدبي عليا انا.
ندي_ خلاص بقا يامنه اه هوا ارتحتي بقا بس ده كان زمان ولما سافر نسيت الموضوع سلام بقا لاني عايزه ازاكر
منه _ استني يا بت انتي بت
ندي _ بعد ما انهت الإتصال جلست تفكر في ما قالته منه
فلاش باك قبل عشر سنوات
ندي _ ماما يعني هوا مسافر ليه ياماما
هناء _ هيشتغل هناك ياحبيبتي ويكمل دراسته
ندي_ بس هيوحشني ياماما
هناء _ بكره يرجع ياحبيبتي وبعدين يوسف هنا العبي معاه هوا كمان اخوكي زي كامل وبيحبك
ندي _ ذهبت غرفتها وبقيت تبكي فهي تحب كامل كثيرا وسوف يترك البلد ويغادر..باك.
ندي _ ايه الجنان ده الله يسمحك يامنه فكرايني ليه
علي مائده العشاء
محمود_ ندي فين ياهناء
هناء_ شكلها بتذاكر ياحاج منزلتش لسا.
محمود _ اطلع خليها تنزل يايوسف هيا متغدتش معانا
يوسف _ حاضر يابابا هنزلها وبالمره اصالحها لزعلانه مني بس انا جبتلها حاجه بتحبها اوي هتخليها تصالحني علطول اناعارفها كويس تبيع أعضائها علشان الشيكولاته.
هناء _ بتتمألس عليها ياواد طب اني هجولها.
يوسف _ لا الله يخليكي بلاش انا مقدرش علي زعلها الا ندي.
محمود وقد انتبه علي رد فعل كامل وهو يضغط علي عضلات فكه بعصبيه وكفه يقبض علي كوب الماء كاد ينكسر من الغضب فتأكد من حبه لندي فقال _ يلا ياواد انتا اخلص اطلع هاتها من فوج
يوسف مسرعا في صعود السلم_ ندي ندددددي
ندي وهي تفتح باب الغرفه وتخرج منها
ندي _ خير عايز ايه
يوسف_ خلاص بقا يا ندوش انتي الي بدأتي وكبيتي عليا المياء وكمان انا ببدأ بالصلح يا ستي اتفضلي وهوا يخرج من جيب جاكته الشكولاته المفضله لها.
ندي وهيا تخطفها من يده اذا كان كدا خلاص مسمحاك
يوسف _ ماديه اوي
ضربها علي راسها من الخلف لتركض خلفه السلم وهي تصرخ به
ندي. _ والله ما انا سيباك يا يوسف انتا اصلا رخم
يوسف _ مش ارخم منك يا حبيبتي
ندي _ طيب والله منا سيباك وظلو يركضون خلف بعض ولاكن اوقفهم صوت تحطيم كاس علي الارض.
محمود _مالك ياكامل في ايه
كامل_ مفيش ياحاج الكاس فلت من ايدي بس مخدتش بالي
محمود_ اللي شاغل بالك ياولدي
كامل _ مفيش ياحاج انا رايح اوضتي ارتاح تصبحوا علي خير
وقبل صعوده التفت لندي ونظر لها بعض الوقت ثم ذهب سريعا.
ندي لنفسها _ مالو ده بيبص كدا ليه شكله عايز يضربني
يوسف _ مالك يابنتي يلا نروح ناكل
ندي _ ها ماشي ماشي يلا .وفي نفسها معقول غيران من يوسف ومدايق من هزاري معاه زي ماعمي قال انا هعرف اتأكد بنفسي منه وهوريك ياكامل مين الصغيره الي كنت بتتكلم عليها دي
اما كامل بعد ان صعد غرفته ظل يجوب الغرفه ذهابا وإيابا وهوا يتحدث بغضب _ايه اللي بيعملوه ده مش عملينلي اي اعتبار ولا كأني موجود ازاي تهزر معاه كدا دانا جوزها من ساعه ما جيت مكلمتنيش كلمتين علي بعض ايه اللي بقولو ده جوزها هوا انا خلاص صدقت اني جوزها بصحيح ولا ايه انا مالي شكلي زي ما قال الحاج هيا عجباني لا عجباني ايه اكيد لا هوا بس علشان بقت علي اسمي لازم تحترمني مينفعش اللي بيحصل ده .
في الصباح لأول مره يستيقظ يوسف قبل ندي ويجلس مع والده وامه وخالته واخوه بنتظرها حتي تأتي ويذهبو سويا للجامعه _ في ايه النهارده يا هنون بنتك مالها مش من عوايدها تتأخر كدا بقالها ساعه بتقول نازله اهو خير
هناء . _ والله معرفاش ياولدي اكيد بتجهز نفسها
يوسف . _ جايز بردو واو ايه ده مين الموزه دي
قال يوسف هذه الكلمات وهوا ينظر لندي التي تنزل السلالم ترتدي فستان باللون الابيض وبه بعض الورود الزهريه قصير بعض الشي يصل لبعد الركبه بقليل بنصف كم وشعرها تركت له العنان علي ظهرها ليصل لأسفل ظهرها وتضع الكحل الاسود الذي اظهر جمال وزرقه عيناها وملمع الشفاه فكانت ايه في الجمال فهي منذ وفاه والدها وهيا ترتدي الملابس الكاجول الغامقه اللون
هناء _ ايه الي انتي لبساه ده ياندي انتي هتروحي الجامعه كدا
راجيه_ سبيها ياهناء تلبس الي هيا عايزاه والله جمر يابنتي .
محمود لم يعجبه مظهر ندي ولاكن ظل صامتا حين رأي ابنه
ندي _ عادي ياماما مالو الفستان ماهوا طويل اهو.
يوسف . _ لا ياخالتو مالكيش حق دي قمر قمر قمر
وهوا يمسك يد ندي ويلفها حول نفسها ندي وهي تهم بالمغادره_ مرسي يايوسف يلا بقا علشان منتأخرش
يوسف _ يلا بينا .
_ انتي رايحه فين بالمنظر ده
كان هذا صوت كامل ندي وهي تنظر له بإستغراب
_ انتا بتكلمني انا
كامل_ وانتي شايفه حد غيرك خارج من البيت
ندي ببرود_ لا
كامل _ اطلعي غيري الزفت الي انتي لبساه ده وميتلبسش
ندي _ اغير ايه انتا اكيد مش في وعيك مين اداك الحق تكلمني كدا وانتا مالك بيا اصلا يااستاذ انتا.
كامل وهوا يتجه ناحيتها _ اولا اتكلمي بإحترام وصوتك ميعلاش عليا ثانيا الي اداني الحق هوا اني جوزك ياهانم ولا انتي ناسيه
ندي _ انتا بتهزر صح جوزي مين ده احنا مش نهينا الحوار ده امبارح سلام انا متأخره.
والتفتت لتغادر كامل وهوا يمسكها من يدها ويديرها له
