فرحي كمان شهر

انا فرحي بعد شهر.. كنت بخلص ورق الفيزا عشان هنسافر في شهر العسل أنا وخطيبي، وحصلت هناك كارثة دمرت حياتنا 
كنت فاكرة استخراج الفيش والتشبيه هيبقى شيء روتيني وكدا، زي أي ورق بنخلصه.
وقفنا في القسم، واديت الموظف البطاقة عشان يسجل البيانات ونبصم.
جه دوري..
لقيت أمين الشرطة قاعد يبص لشاشة الكمبيوتر بطريقة غريبة، وبعدين بصلي وبص لبطاقتي.
أنسة.. هو إنتي ليكي عناوين تانية غير اللي في البطاقة؟
لا يا فندم، طول عمري في نفس العنوان.. هو فيه حاجة ولا إيه؟
استني هنا دقيقة وماتتحركيش.
دخل الأوضة اللي جوا، وبعد ربع ساعة طلع ومعاه ظابط. الظابط بصلي بجمود وقال
مبروك يا عروسة، بس للأسف مش هينفع تسافري، إنتي مقبوض عليكي.
نعم؟! مقبوض عليا إزاي؟ أنا معملتش حاجة!
إنتي عليكي حكم غيابي ٣ سنين سجن في قضية نصب وتبديد شيكات، ومطلوبة للتنفيذ.
لقيت خطيبي وشه جاب ألوان واتكلم بانفعال شديد
إنت بتتكلم بجد يا باشا؟ أكيد في غلطة، بطاقتها متبدلة ولا حاجة!
يا أستاذ الرقم القومي والاسم قدامي على السيستم، الحكومة مابتكدبش.
بصيت لخطيبي برعب مستنية منه يطمني أو يتدخل، لقيت نظرة عينه اتغيرت تماماً، ولقيت كلامه نزل زي الصاعقة عليا!
وعملالي فيها البت المتربية اللي مفيش منها اتنين، وانتي طلعتي نصابة ورد سجون!!
كنت هتجوز واحدة عشان تتسجن وتفضحني وتسوء سمعتي في شغلي وعيلتي؟ كنتي عايزة تدبسيني!
الحمدلله إننا لسة مكتبناش الكتاب.
وسابني في القسم لوحدي ومشي!!
وكل دا أنا مذهولة من الموقف، إزاي يسيبني في موقف زي ده حتى لو أنا متهمة؟ إزاي مصدقش إني بريئة؟
الظابط نفسه استغرب موقف خطيبي، وطلب مني أعمل اتصال بحد من أهلي.
كلمت بابا وجه جري،

وبمساعدة محامي تبعنا قدرنا نثبت مبدئياً إن الموضوع تشابه أسماء رباعي، والظابط طلعني بضمان محل إقامتي لحد ما نجيب شهادة من الجدول تفيد إن القضية دي تخص واحدة تانية.
روحت البيت مع بابا وكأني مغيبة، وصلت البيت بأعجوبة.
نمت يوم كامل وكنت بتمنى إني أصحى من الكابوس دا.
أو لو كان حقيقة أموت، مش عايزة أعيش تاني خلاص.
صحيت على صوت زعيق في البيت.
خطيبي كان بيزعق لبابا وعايز ياخد الدهب!
أنا اتكلمت بحاول أفهم فيه إيه؟!
وخطيبي رد بلاش أقول فيه إيه ولا الحج عارف إن بنته عليها أحكام!!
والحج رد وقال بثبات عارف إيه؟ إنت ليه كلامك مش مفهوم؟ دي إجراءات عادية وبتحصل تشابه أسماء، بدل ما تقف جنب خطيبتك وتجيب محامي، بتهرب وتسيبها في القسم؟ دا انتوا فرحكم كمان شهر!
خطيبي قال ما هو مبقاش فيها فرح خلاص، بنتك نصابة وعليها أحكام، شوفوا مين اللي كانت بتنصب عليه وجوزهالوا!
بابا قاطعه بصوت هز البيت اخرس إنت اتجننت!! أنا بنتي أشرف من الشرف، وافتكر إنك كنت هتموت بس عشان تخطبها.
عموماً بنتي حتى لو كان عليها مشكلة، أنا كنت محتاج راجل يقف في ضهرها، مش عيل يبيعها من أول مطب.
اسمع يا واد إنت، إنت تاخد دهبك وحاجتك على الجزمة مش عشان إنت عندك حق، بس عشان إحنا ما يشرفناش إنك تطول تبقى جوزها.
وقبل ما تتبلى أو تجيب سيرتنا بالوحش زي ما عملت.
واعمل حساب العِشرة والعيش والملح.
اعمل حساب الأصول.
الراجل بيبان في الشدة، وإنت طلعت أقل من إنك تتآمن على بيت وعرض!
رد وقال عايز حاجتي.
وفعلاً أخد حاجته ومشي. لقيت أبويا بصلي وقالي
إنتي متأكدة إنك عمرك ما مضيتي على أي وصل أمانة لأي شركة تقسيط ولا حاجة؟
أيوه يا بابا والله العظيم أبداً!
طيب تمام، بكرة الصبح هنروح مصلحة الأمن العام والمحكمة نخلص الحوار ده من جذوره.
یتبع... 
الکاتبه_نور_محمد
وتاني يوم فعلاً روحنا، ومش هتتخيلوا إيه اللي حصل... واكتشفنا إيه والمفاجأة اللي ظهرت بخصوص القضية دي ومين اللي كان وراها!!
تاني يوم صحيت بدري على صوت بابا وهو بيقول
يلا يا بنتي، خلصي عشان نروح بدري قبل الزحمة.
قمت وأنا قلبي مقبوض حاسة إن في حاجة أكبر مستخبية ورا الموضوع ده.
روحنا مصلحة الأمن العام، والمحامي كان مستنينا هناك. دخلنا وطلبنا نطلع شهادة من الجدول بالقضية اللي باسمي.
الموظف قعد يراجع دقيقة اتنين وبعدين قال
القضية دي فعلاً على اسمك الرباعي بس في تفصيلة غريبة.
قلبي وقع إيه هي؟!
قال وهو بيبص في الشاشة
العنوان مختلف والصورة مختلفة والتوقيع كمان.
المحامي قال بسرعة يعني تشابه أسماء واضح.
الموظف هز راسه وقال
أيوه بس كمان في حاجة أهم اللي عاملة القضية مستخدمة صورة بطاقة شبهك جداً!
أنا اتصدمت إزاي يعني؟!
الموظف لف الشاشة لينا
وأول ما بصيت رجلي سابتني.
الصورة كانت لواحدة شبهي بالظبط!
نفس الملامح نفس لون البشرة حتى الابتسامة قريبة
بس الفرق الوحيد كانت أجرأ ونظرتها فيها خبث غريب.
همست مين دي؟!
المحامي قال بتركيز
دي مش صدفة دي حد متعمد ينتحل شخصيتك.
بابا مسك إيدي وقال ما تخافيش هنجيب حقك.
بدأنا نسأل أكتر لحد ما الموظف قال
آخر عنوان مسجل ليها في محافظة تانية واسمها الثلاثي مطابق لأول 3 أسماء ليكي.
الموضوع كبر أكتر والمحامي قال لازم نروح القسم اللي تابع ليه العنوان ده.
سافرنا في نفس اليوم وأنا طول الطريق دماغي بتلف
مين البنت دي؟ وليه شبهى؟ وليه بتستخدم اسمي؟!
وصلنا القسم والصدمة الأكبر كانت هناك
الظابط قال
آه البنت دي إحنا بندور عليها بقالنا فترة واسمها متكرر في أكتر من قضية نصب.
أنا بصوت مهزوز طب هي فين؟!
الظابط رد
اختفت من شهر تقريباً بس قبل ما تختفي كانت عايشة مع واحدة صاحبتها
وسألها عن اسمها
وأول ما قال الاسم
الدنيا اسودت في عيني.
الاسم كان
نهى بنت خالتي!! 
صرخت مستحيييل!!
بابا اتجمد مكانه إنت متأكد من الاسم؟!
الظابط قال أيوه ومعانا صورة ليها وهي مع صاحبتها.
ولما ورانا الصورة
اتأكدت
دي فعلاً بنت خالتي بس متغيرة جريئة ووشها مليان تحدي.
افتكرت فجأة
من شهور كانت بتسألني على بطاقتي بحجة إنها هتقدم على شغل ومحتاجة تشوف نموذج!
وصورتها بالموبايل!
وقتها ما اهتمتش
لكن دلوقتي فهمت كل حاجة
هي اللي سرقت بياناتي وانتحلت شخصيتي وعملت القضايا باسمي!
بابا قعد على الكرسي وقال بصدمة
دي مصيبة دي مش غريبة دي لحم ودم!
أنا دموعي نزلت
أنا اتدمرت بسببها خطيبي سابني سمعتي اتشوهت!
المحامي قال بحزم
متقلقيش دلوقتي بقى عندنا دليل وهتتحاسب.
فعلاً اتحركت القضية بسرعة
وقدرنا نوصل لمكانها بعد أيام
واتقبض عليها
وفي التحقيق انهارت واعترفت بكل حاجة
وقالت إنها كانت مديونة وقررت تستخدم أقرب حد ليها أنا.
لكن النهاية كانت صادمة أكتر
خطيبي رجع بعدها بأسبوع
واقف على باب بيتنا وبيقول
أنا غلطت سامحيني أنا كنت متوتر وخوفت.
بصيتله وسكت شوية
وبعدين قلت بهدوء
أنا كسبت نفسي وخسرتك ودي أحسن صفقة حصلت في حياتي.
وقف مصدوم وأنا قفلت الباب.
وبصيت لبابا وابتسمت لأول مرة من أيام
فعلاً الراجل بيبان في الشدة.
والحمدلله الكابوس انتهى بس علمني درس عمري ما هنساه قعدت بعدها كام يوم بحاول أستوعب كل اللي حصل
حياتي اتقلبت في لحظة، بس لأول مرة حسيت إني أقوى.
القضية كملت وبنت خالتي اتحبست احتياطي، واتحولت للمحاكمة.
كل مرة كنت بروح فيها المحكمة كنت ببص لها من بعيد
ولا