روايه انتهمت صاحبة البيت بقلم مني السيد
ابني.
الدكتور خرج وسابهم لوحدهم.
هالة فضلت واقفة لحظات وبعدين قربت من أمينة.
أنا مش عارفة أقولك إيه.
أمينة سكتت.
هالة كملت بصوت مكسور
أنا اتسرعت واتهمتك ظلم.
أمينة بصتلها بهدوء وقالت
الواحد لما يخاف على ابنه ممكن يعمل أي حاجة.
هالة دموعها نزلت تاني.
بس أنا ما سألتكيش ما سمعتكيش.
أمينة قالت بهدوء
المهم كريم يبقى كويس.
سكتوا لحظة
وفجأة كريم قال وهو نص صاحي
ماما
هالة جريت عليه فورًا.
نعم يا حبيبي.
كريم بص لأمينة وبعدين لمامته وقال
تيتا أمينة متزعلش هي بتحبني.
الكلمة كسرت قلب هالة تمامًا.
قربت من أمينة ومسكت إيديها قدام كريم.
وقالت بصوت واضح
حقك عليا يا أمينة قدام كريم وقُدام ربنا أنا غلطت في حقك.
أمينة عيونها دمعت لكنها ابتسمت.
وفي اللحظة
لكن
وأثناء ما كانوا بيتكلموا
دخل ممرض بسرعة وقال
لو سمحتوا الدكتور طالب حد منكم حالًا.
هالة اتخضت.
فيه إيه؟
الممرض قال بجدية
في حاجة ظهرت في التحاليل والدكتور عايز يتكلم معاكم فورًا.
قلب هالة بدأ يدق بسرعة
وبصت لأمينة بخوف.
مش عارفة
هل الأزمة خلصت فعلًا
ولا لسه في مفاجأة أكبر جاية؟
هالة وأمينة خرجوا بسرعة من أوضة كريم وقلب هالة بيدق بعنف.
دخلوا مكتب الدكتور.
الدكتور كان واقف قدام الأشعة وملف التحاليل في إيده.
هالة قالت بقلق
فيه إيه يا دكتور؟ حصل حاجة لكريم؟
الدكتور بص لهم وقال بهدوء
اطمنوا كريم بقى أحسن بكتير.
هالة حست إنها هتوقع من التعب.
طب التحاليل اللي حضرتك قلت عليها؟
الدكتور قعد على الكرسي
التحاليل وضحت حاجة مهمة كريم عنده حساسية شديدة من نوع معين من الأكل. واضح إن جسمه بيتعب لما ياكله.
أمينة رفعت راسها بسرعة.
الأكل اللي فيه مكسرات؟
الدكتور بص لها بدهشة
بالضبط انتي عرفتي منين؟
أمينة قالت بهدوء
لاحظت كده قبل كده كل مرة ياكل حاجة فيها مكسرات يتعب.
الدكتور هز راسه بإعجاب.
ملاحظتك صح والحساسية دي كانت السبب في التعب اللي حصل.
هالة افتكرت فجأة.
بس كريم ما بياكلش مكسرات!
الدكتور فتح ورقة وقال
أحيانًا بتكون موجودة في حلويات أو بسكويت حتى لو بكميات قليلة.
في اللحظة دي هالة سكتت فجأة.
افتكرت حاجة.
قبل يومين كانت واحدة من صاحباتها جايبة علبة حلويات هدية لكريم وكانت فيها مكسرات.
وكريم أكل منها.
إيديها بدأت ترتعش.
بصت لأمينة وقالت
يعني هو تعب بسبب الحلويات اللي أنا جبتها له.
أمينة قالت بهدوء
المهم إننا عرفنا السبب دلوقتي.
الدكتور قال
المهم بعد كده تمنعوا أي أكل فيه مكسرات وتستمروا على العلاج.
بعد ساعات
كريم خرج من المستشفى.
أول ما دخل البيت جري على أمينة وحضنها.
تيتا أمينة هتنامي عندنا النهارده؟
أمينة ابتسمت ومسحت على شعره.
هالة كانت واقفة بتبص عليهم وقلبها مليان ندم.
قربت من أمينة وقالت قدام كل اللي في البيت
من النهارده أمينة مش مربية في البيت.
الكل سكت مستغرب.
هالة كملت بابتسامة
أمينة تبقى فرد من العيلة وزي جدة لكريم.
أمينة دموعها نزلت وقالت
ربنا يخليكوا لبعض.
كريم مسك إيديهم الاتنين وقال ببراءة
يبقى كده عندي ماما وتيتا.
ضحكوا كلهم.
وفي اللحظة دي
هالة
إن أوقات كتير
اللي بيحب أولادنا بصدق
مش لازم يكون من دمنا.
تمت
