رواية مابين الضلوع كاملة (جميع فصول الرواية) بقلم اماني سيد
المحتويات
بعد كده ايام كلها عذاب ومشاكل وفضلت تزن عليه يتجوز بنت خالته
اشمعنى بنت خالته
مطلقه ومعاها طفل على الأقل تضمن أنها بتخلف مش زيى
مانتى الدكتور قال انك سليمه
الدكتور حاجه وحماتى حاجه مابتقتنعش غير برأيها
كملى
المهم من حوالى شهرين لقيت عبده بيقولى إنه خلاص نفسه يبقى اب ومش هيستنى اكتر من كده
طيب انتى ليه ماسيبتهوش
بحبه وهو من حقه يبقى اب
طيب مانتى من حقك تبقى ام وبعدين لما هو عايز يتجوز ماجبلهاش شقه بره ليه اشمعنى شقتك او حتى عند مامته
قالى إنه عريس جديد وهيخليها هى تقعد مع مامته وانا هرجع شقتى تانى فوق بس يعدى اسبوع كده عشان يبقى على راحته
وانتى صدقتيه ووافقتى
مقداميش حل تانى غير كده
وافرضى بقى الهانم مرضيتش تخرج من شقتك تانى وقتها هتعملى ايه
مش عارفه مش عارفه اعمل ايه انا مخنوقه هو فرحه كان امبارح وانا مقدرتش استحمل قولتله هروح اقعد مع امى وهو وافق
لا كتر خيره ليه يا مهره ترضى بكده ليه انتى سليمه مافكيش عيب ومن حقك تبقى ام لو هو كان فيه عيب كنتى سبتيه
لا طبعا
امال ليه هو شاف غيرك ومن غير مايكون فيكى مشكله أصلا
أعمل ايه يا ليالى انا موجعه اوى وانا بتخيلها معاه وواخده مكانى
هى خدت مكانك ومش هتسيب بيتك انتى اتخليتى عن كل حاجه ووافقتى على الهبل اللى هو عمله وسمعتى كلام امك
الناس دى نيتها خبيثه ومش هيرجعوكى شقتك تانى
تفتكرى عبده ممكن يعمل كده
اللى خلاه يتجوز عليكى من غير سبب ويطلب منك تسيبى بيتك عشان يتجوز فيه من غير ما يراعى مشاعرك يعمل اكتر من كده
طيب انتى رأيك أعمل ايه
اطلقى وسبيه وعيشى حياتك واتجوزى تانى وخلفى من حقك تبقى ام وتعيشى حياتك انتى كمان زى ماهو عمل
تفتكرى سهل عليا عشره السنين دى كلها تروح هباء وهل لو عملت كده هلاقى بكره عريس تانى
حتى لو ماتجوزتيش على الأقل هتبقى مرتاحه امه ومراته مش هيسبوكى
مش عارفه يا ليالى مش عارفه وخايفه بصى انا هستنى الاسبوع ده واشوفه هيعمل ايه
براحتك بس افتكرى أنى مش موافقه على الوضع ده انتى حلوه وجميله وصغيرة وقدامك العمر كله ليه ترضى بكده
صمتت مهره ولم تجيب على حديث ليالى فهى قررت أن تلتزم بحديثها معه قبل ان تترك المنزل وبعدها ستقرر ماذا ستفعل وهى ستستطيع أن تتقبل الوضع ام ستنسحب
انتى حره يا مهره بس انا معاكى لو احتاجتى أى حاجة
انتهت ليالى من جلوسها مع مهره وقررت أن لا تستخدم تلك الحاسه مره أخرى فما سمعته اليوم لم يكن بالقليل
جلست في غرفتها تفكر في أحداث اليوم وقررت الاتصال بتامر لتطمئن عليه واجاب تامر عليها مجرد أتصالها به
الو ازيك يا تامر عامل ايه
الحمد لله بخير انتى عامله ايه طمنيني عليكى
الحمد لله بخير هتيجي الشغل بكره
أه باذن الله انهارده طول اليوم كنت عند الميكانيكى والعربية اتصلحت
طيب الحمد لله خلاص نتقابل بكره فى الشغل باذن الله
خلدت بعد ذلك ليالى إلى النوم وفى اليوم التالى قررت ان تتعامل بشكل طبيعي ولا تضغط على اذنها مره اخرى حتى لا تسمع ما يفكر به الاخرون كفى ما سمعته بالامس
دخلت الشركه وقابلت جواهر وظلت تتحدث معاها واتت بعد ذلك سيلا زميلتهم الاخرى فى المكتب ظلت تضحك سيلا معهم كما تفعل دائما وتمدحهم بالحديث سواء فى ملابس او طعام أعده أحدا منهم دائما لسانها معسول بالحديث
واثناء حديثهم دخلت اليهم إحدى موظفين خدمه العملاء فى الشركه وتوجهت مباشره لمكتب ليالى وجلست فى المقعد الذى امامها وعندما دخلت توقفت سيلا عن الحديث ونظرت لها نظرات مبهمه
بدأت تلك الموظفه شيماء فى الحديث مع ليالى
ازيك يا ليالى عامله ايه
بخير يا شيماء انتى عامله ايه. الحمد لله على كل حال بقولك صحيح هنقبض امته الشهر ده
لسه باقى اسبوع على القبض
تمتمت شيماء بصوت مسموع
لا حول الله يارب
مالك يا شيماء فى حاجة
مش عارفه اقولك ايه طيب ينفع اعمل سلفه
ماينفعش لانك عملتى من شهرين ولسه مسدتيهاش
تصنعت
مافيش أى طريقه يا ليالى لحسن الوضع صعب اوى وانا محتاجه الفلوس دى
خير فى ايه
انتى عارفه مرتبى انا وجوزى كله بيروح فى قسط الشقه والشهر ده الواد تعب مرتين وروحنا ودناه للمستشفى واخد مننا فلوس كتير اوى فى الكشف منهم لله
ومن ساعتها مصروف البيت كله اتصرف على العلاج والدكاتره وبعت امبارح البت تستلف من جارتنا بطاطس قولت اقليها ااكلهم لقيت جارتى هبت فى البت وزعقتلها والبت طلعت معيطه ومبتبهدله ومن امبارح مكلناش حاجه عشان كده كنت عايزه اى مبلغ امشى بيه نفسى واجيب بيه اكل للعيال
لا حول ولا قوه إلا بالله قصص وروايات أمانى سيد
اخرجت ليالى مبلغ من حقيبتها واعطته لشيماء
طيب خدى دول خليهم معاكى لحد القبض ما ينزل وبإذن الله تفرج يا حبيبتي
مش عارفه اقولك ايه يا ليالى ربنا يكرمك يارب يا حبيبتي ويوسع عليكى يارب
ثم خرجت بعد ذلك من المكتب وبعدها ذهبت سيلا وجلست مكان شيماء
ليالى انتى هبله ادتيها فلوس صح
اه ايه المشكلة
الست دى كدابه ومقلبه كل الناس اللى جوه فى فلوس بحجه قسط الشقه
معلش محدش يعرف ظروف الناس ايه
ظروف ايه انتى عارفه جوزها شغال مع اخويا ومرتبه كبير جدا وشاريه شقتين وارض فى اكتوبر ومرتبها كله بتحطه جمعيه ومرتب جوزها بيسددوا بيه اقساط واكلهم وشربهم كله عباره عن فلوس بتستلفها من الناس تاكل وتشرب بيها
بتستخسر تدى ابنها درس او تجبلهم حاجه حلوه عشان يكنزوا
انتى بتقولى ايه
بقولك الحلوه اللى خرجت دى اغنى منى ومنك شاريه شقه فى التجمع وواحده فى اكتوبر ومأجراهم غير الشقه اللى قاعده فيها
بجد الكلام ده يا سيلا ولا انتى عشان مش بتحبيها بتقولى كده
تدخلت جواهر فى الحديث قصص وروايات أمانى سيد
مش يمكن دى اشاعات طالعه عليهم يا سيلا
لا دى حقيقه ولما مدير الشركه اللى اخويا شغال فيها عرف منعه إنه يستلف من حد فلوس تانى وهدده إنه هيطرده
تحدث جوهره متعجبه من حديث سيلا فهى اعطت تلك المراه كثيرا من المال ودائما تشفق عليها
قررت ليالى أن تتأكد من حديث سيلا لكن عن طريق تلك الحاسه التى امتلكتها هى قررت عدم استخدامها ولكن ستستخدمها تلك المره لتتاكد من حديث سيلا
واثناء حديثهم دخل اليهم المكتب تامر وسلم عليهم جميعا وبعدها جلس يتحدث مع ليالى
معلش ياليالى معاد امبارح معرفتش اجى فيه انا هكلم السمسار واحدد معاد تانى واروح اشوف الشقه انا وانتى
مافيش مشكله يا تامر زى ماتحب
تمام هروح بقى على مكتبي عشان متاخرش هكلمك بعدين سلام
وتركهم وذهب
وظلت تفكر ليالى فى طريقه تتحدث بها مع شيماء لتتاكد من حديث سيلا
تفتكروا حديث سيلا حقيقى
وهل مهره هترضى بالامر الواقع
التفاعل لو ذاد هنزل بارت كل يوم
البارت الثالث
حكاوى بلا صوت
امانى سيدالبارت اللى كلكم مستنيينه
فى اليوم التالى ذهبت ليالى الى العمل وأثناء دخولها الشركه وجدت شيماء امامها فقامت بالضغط على اذنها مرتين متتاليتين واقتربت من شيماء
ازيك يا شيماء عامله ايه انهارده
الحمد لله يا ليالى بصراحه مش عارفه اشكرك ازاي على اللى عملتيه معايا امبارح كتر خيرك يا رب
شيماء صحيح هو الاقساط اد ايه وفضلها اد ايه أصل انا بفكر نلم من زمايلنا ونساعدك .
لمعت عين شيماء بطمع وظلت تسأل نفسها داخليا هل تعطيها معلومات شقتها المتواجدة بالعبور ام الأخرى فالعبور قسطها اقل واقرب للعمل وستقتنع ليالى بحديثها بينما شقه اكتوبر ستظل تسالها لما اشترت فى مكان بعيد عن العمل والشقه الثالثه قسطها عالى ستسألنى لما لم اشترى بما هو فى مقدورى حسنا سأعطيها مبلغ التقسيط الخاص بشقه العبور .
كانت تسمع ليالى املاك شيماء فقط الخاصة بالعقارات وشعرت بصدمه وماذا بعد هل لديها املاك اخرى هل تحسب كل ذلك وتدعى الفقر إذا كان حديث سيلا صحيح
لم تستطع أن تتمالك ليالى نفسها وقررت أن تواجه شيماء
عارفه يا شيماء انا ماشفتش فى بجاحتك أبدا حقيقى
ايه ده فى ايه
هو انتى بجحه كده ازاى بجد عندك بدل الشقه ٣ غير الأراضي وغيرك فى الشغل مش عارفه يكمل قسط شقه ورغم كده بيساعدوكى ويدوكى فلوس عمرك ما سالتى نفسك هما ظروفهم عامله ايه لكن انتى عشان انانيه أهم حاجة عندك نفسك مش مهم لو اللى قدامك ده دى كانت اخر فلوس فى جيبه وادهالك عشان صعبتى عليهم
بصى يا شيماء من هنا ورايح لو سمعت إنك
يعنى انتى موقفانى هنا عشان تقوليلى الجملتين دول وبعدين عرفتى منين الكلام ده انتى بتدورى ورايا بقى
اولا مايخصكيش انا عرفت منين بس لو سمعت انك استلفتى تانى من حد من زمايلنا فى الشركه فلوس رفدك هيكون على ايدى غير أنى هفضحك فى الشركه انتى سامعه
انتى بتهددينى بقى
انا بنفذ مش بهدد
ثم تركتها ورحلت مستعجبه من وجود اشخاص مثلها فى الحياه لم يفكروا فى الاخره هل سيأخذون معهم كل هذا الى القبر
صعدت بعد ذلك لمكتبها ووجدت جوهره جالسه تتحدث مع سيلا ألقت عليهم السلام وجلست على مكتبها
صباح الخير يا بنات عاملين ايه
الحمد لله مالك شكلك متغير مش زى كل يوم قالتها سيلا متعجبه
مافيش يا سيلا اتاكدت إن كلامك كله صح فعلا وشيماء مش سهله ولا معهاش فلوس
وانتى عرفتى منين
سالت عنها ناس قدروا يوصلوا لمعلومات عنها فعلا يا جوهره هى معاها فلوس كتير وبتدعى الفقر وانا واجهتها وهى مأنكرتش وهدتها كمان لو استلفت فلوس من حد هتسبب أنى اخليها تسيب الشركة واحكى لكل الموظفين
افرضى ما سمعتش كلامك
هنفذ تهديدى حرام عليها فر شباب وبنات معانا مل مرتبهم ضايع اقساط بجد اللى بتجهز نفسها واللى بيفرش شقته واللى عليه اقساط ويا دوب مغطى نفسه نيجى احنا بقى نزودها عليه
عندك حق فعلا
بدؤا بعد ذلك كلا منهم انشغل بعمله ولكن ليالى تذكرت مهره واتصلت بها لتطمئن عليها
ازيك يا مهره عامله ايه يا حبيبتي
الحمد لله يا ليالى انتى عامله ايه
بخير انا فكرت فى حاجة وعايزه اخد رأيك فيها
قولى يا حبيبتي معاكى
بفكر ارجع بيتى واقعد مع حماتى اليومين دول واشوف الدنيا فيها ايه
مهره انا خايفه عليكى وانك تشوفى حاجه تضايقك
مش عارفه بس انا التفكير والتخيلات ما بتنيمنيش على الأقل اقدر اعرف راسى من رجلى مافضلش كده
تحبى اجى معاكى
لا يا روحى تسلمى انا هروح ولو حصل حاجه هكلمك
طيب مامتك عرفت
اه ورأيها أنى اسيبه ومكملش معاه واشوف حالى
انا برضوا رأيى من رأى مامتك ياريت تسمعى كلامها
ادعيلى يا لولو
ربنا معاكى يا حبيبتي ويريح قلبك يارب ويعملك الصالح
فى الجهه الاخرى عند مهره جلست تحضر حقيبتها واخذت بعضا من ثيابها الخفيفة فى داخلها إحساس انها ستعود مره أخرى وانها لا تحتاج لتلك الملابس
خرجت بحقيبتها لوالدتها وجلست معها
ماما انا هروح شقتى
ضحكت والدتها بمراره على حال ابنتها وطيبتها
انا حاسه بيكى يا مهره مهما دريتى عليا وعارفه انك واخده الهدمتين دول عشان انتى مش واثقه فى جوزك عشان كده ما اخدتيش حاجتك كامله اقعدى يا بنتى واطلبى الطلاق بدل ما تروحى
لا هروح عشان ما ارجعش اندم واقول انى ظلمته اكون شوفت كل حاجه بنفسى وعشان هو مايرجعش يقولى انا كنت هنفذ وعدى وانتى اللى خلفتى بوعدك
طيب ليه وجع القلب مابلاها
منا قولتك عشان ماندمش ومحنش بعد كده
تمام يا حبيبتي لو حصل اى حاجه ولا حد زعلك تكلمينى فورا انتى فاهمه
حاضر يا حبيبتي
وبالفعل اخذت مهره حقيبتها الصغيره وذهبت لمنزل زوجها
فى منزل ايهاب كان متسطح على التخت وبجانبه زوجته يتحدثون عن مهره
صحيح يا ايهاب الاسبوع هيخلص خلاص ومهره هتيجى
اه منا عارف
تصدق دى معندهاش كرامه واحده غيرها كانت طلبت الطلاق
ابتسم ايهاب بخبث فهو يعلم بمدى عشق مهره له
لا مهره بتعشق التراب اللى بمشى عليه ومهما عملت فيها او
بيتهيقلك يا حبيبي هى عشان عايشه مرتاحه معاك بتعمل كده جرب كده تسبها عند امك تحت وشوف هتعمل ايه هتسيبك تانى يوم
ما تقدرش أنا عارف انا بقولك ايه مهره دى انا ضامن وجودها فى حياتى زى منا متأكد انى لو رميت الكبايه الازاز دى فى الارض هتتكسر
للدرجادى شكلك مسيطر بس انا مش مصدقه كلامك مافيش ست تحب حد بالشكل ده
لا فى مهره
طيب اثبتلى
اثبتلك إزاى
اطلب منها أنها تعيش تحت مع امك وتخلى ابنى يبات معاها وتهتم بيه وتجهز الاكل طول باقى الاسبوع وبعد الحمل تطلع تنضفلى شقتى وتطبخلى كل يوم شوف هتوافق ولا لا
لو انا قولتلها هتوافق تعمل كل ده عارفه لو حملتى وجبتيلى العيل اللى بحلم بيه وقتها يا رباب هعملك أى حاجة انتى عايزاها وهخلى مهره خدامه تحت رجلك كمان بس مش بس تعملك الاكل وتخل بالها من ابنك لا دى هتنضفلك وتمسحلك وتكنسلك وتعملك اى حاجه إنتى عايزاها
طيب لو محملتش
يبقى هنفذ اتفاقى معاها ووقتها هقسم الايام بينكم بالعقل
لا ماتقلقش بس انتى خلينا هنا لوحدنا اول شهرين تكون البشاره بانت
ماشى خليكى انتى هنا شهرين وهى تحت لحد ما يحصل المراد
وخليها تاخد بالها من ابنى عشان انا افضالك واعرف اخد بالى منك
بسيطه يا ستى هخليها تقعد تحت بالواد مع امى
ابتسمت رباب داخلها فهى تتممى أن تأتى مره اليوم قبل غدا حتى ترى رد فعلها عندما ترى ما جعلت ايهاب يفعله من اجلها
يا ترى مهره هتلاقى ايه حصل في شقتها والمفاجأة اللى رباب بتتكلم عنها
يا ترى جوهره خلاص نسيت الماضى ومش هترجع شركتها القديمه
ايه حكايه سيلا
البارت الرابع
ما بين الضلوع
امانى سيدذهبت مهره لمنزل زوجها وقررت أن تمر على حماتها أولا وبعدها تتحدث مع ايهاب وتخبره بوصولها
طرقت على باب والده زوجها وبعدها فتح لها الباب طفل صغير ونظر اليها بسؤال
إنتى مين وعايزه ايه
أنا مهره ممكن أدخل
استنى اسأل خالتوا الاول
وذهب مسرعا من أمامها دون أن ينتظر اجابتها ودخل حيث يجلس الجميع
خالتوا فى واحده بره عايزاكى اسمها مهره
نظروا جميعا لبعضهم لما أتت الآن فلم يمر أسبوع على ذهابها
نظر ايهاب لرباب بابتسامه خبيثة
مش قولتلك مش هتقدر تبعد عنى لحظه
لما نشوف
كانت رباب جالسه بجوار ايهاب وترتدى ثياب فاضحة وكان ايهاب يحيط خصرها بيده لم تنتظر مهره خارجا بل دخلت خلف ذلك الصبى لغرفه الجلوس
سلام ع
لم تكمل حديثها فوقعت عيناها على زوجها وتلك الفتاه التى تجلس بجانبه وسلطت نظرها على يد زوجها وهى تحيط خصر امرأة أخرى غيرها
دون شعور منها سقطت دموع من عينيها مما جعلها حماتها تتأفف وكانت تنظر لها رباب بابتسامة خبيثه
يادى النكد انتى جايه تعيطى هنا انا ابنى
عريس وأحنا قاعدين فرحانين وانتى جايه تقلبيها مناحه أنا مش عارفه ايه اللى جابك هنا أصلا
نظرت لها مهره بعتاب قصص وروايات أمانى سيد
انا بنكد عليكم أنا كنت راجعه بيتى
تحدث ايهاب بجديه وهو مازال محتضن خصر رباب
بس يا مهره إحنا اتفقنا إنك هتفضلى فى بيت أهلك اسبوع والاسبوع لسه مخلص
ظلت نظرات مهره معلقه على يد إيهاب
انت متضايق إنى جيت
لا هتضايق ليه انت عليكى انتى عشان ماتشوفيش حاجه تضايقك بس طالما جيتى إنتى حره
تحدث حماتها محاوله كسرها
بقولك ايه طالما جيتى خشى بقى اعمليلنا حاجه ناكلها لحسن إحنا جعانين وكنا لسه هنطلب ناكل
طيب ما تطلبوا اعتبرونى مجتش
كاد إيهاب أن يتحدث لكن اوقفته رباب وتحدثت هى
إحنا بقالنا كام يوم بناكل من بره ومعدتنا نشفت وأنا بصراحه ماليش نفس لأكل بره
خلاص قومى اعملى لنفسك
نظرت رباب لايهاب نظرات خبث وفهمها إيهاب
ايه يا مهره انتى ناسيه إن رباب عروسه ومكملتش أسبوع ولا ايه وبعدين انتى هتطبخى لجوزك وحماتك زى ما كنتى بتعملى بس كل الحكايه إنك هتزودى شويه عشان خاطر رباب
أنا جايه تعبانه ومش قادره أعمل أكل اعتبرنى
وقف ايهاب واقترب منها وجذبها من معصمها وذهب بها للمطبخ
أنا قولت انك هتطبخى يعنى هتطبخى فاهمه وباقى الاسبوع ده هتعملى اكل وتطلعيه بنفسك ليه فوق فى الشقه إنتى فاهمه
متابعة القراءة
