رواية مابين الضلوع كاملة (جميع فصول الرواية) بقلم اماني سيد
استغفر الله العظيم انا مش فاهمه تامر ليه مجاش يتفرج معايا على الشقه وسايبنى لواحدى هو انا هتجوز فيها لوحدى
ثم امسكت الهاتف بعد ذلك وعادت الاتصال به
إيه يا تامر اتاخرت ليه انا فى الشقه جيت اشوفها زى ماتفقنا امبارح وانت مجتش
معلش الدنيا زحمه بصى احنا نرجع نشوفها بعد الشغل كلمى السمسار واجلى معاه
انت فاكر تقولى كده دلوقتي طيب اقفل انا هتصرف
اغلقت الهاتف معه وعادت لتلقى نظره اخرى على المنزل طالما أتت لا مانع أن ترى المنزل بمفردها
ثم نظرت لستاره وخلفها باب
ايه ده مش السمسار قال إن الشقه غرفتين وصاله الباب ده بتاع ايه
المطبخ اهو والتواليت اهو ده باب ايه
اقتربت ليالى من الباب لتفتحه وجدت به غرفه صغيره جدا مظلمه عندما شرعت فى اضاءه المصباح وجدت امامها امرأة عجوز تجلس
ارتدت ليالى للخلف بصدمه وخوف من تلك المرأه
فتلك المرأة هيئتها غريبه
لون عينيها بنفسجى وبيضاء البشره وشعرها ابيض وطويل لا تبدوا كساحره شريره كما فى الافلام ولا تبدوا من البشر تشبه غجريه بيضاء جميله
نظرت لها تلك المرأة بإبتسامه
ماتخافيش يا ليالى انا مش هأذيكى
إنتى عرفتى اسمى منين هو انا بحلم صح
لا ده حقيقه ووجودك هنا مكنش صدفه
إنتى عايزه منى ايه وتعرفينى منين
انا هنا عشان اساعدك
شكرا مش عايزه حاجه انا همشى
استنى انا جايه افتح عينك على حاجات انتى مش شيفاها
وانا ايه يضمنلى إن كلامك صح
انا مش هكلمك انا هخليكى تسمعى
قصدك ايه
نظرت تلك العرافه مطولا فى اعين ليالى وبادلتها ليالى النظرات الى ان شعرت بدوخه تعصف برأسها وبعدها سمعت طنين فى اذنها صوته عالى مما جعلها تضع يدها على اذنها
مر بضع ثوانى وانتهى كل شئ
خلاص دلوقتي تقدرى تسمعى الأفكار
انتى بتقولى ايه حصرى لصفحتى قصص وروايات أمانى سيد
شايفه الذنمه اللى فى ودنك لما تبصى لحد وتحبى تعرفى بيفكر فى ايه دوسى عليها مره ووقتها هتقدرى تقرى أفكار اللى قدامك ولو مش عايزه تسمعيها دوسى على الذنمه مرتين مش هتسمعى حاجه
والمفروض أنى اصدق بقى الكلام ده
جربى
ضغطت ليالى على ذنمه اذنها ونظرت للعرافه سمعت صوت العرافه دون أن تحرك العرافه شفتيها
صدقتى اهو انتى كده بتقرى افكارى
ضغطت ليالى بسرعه على الذنمه مرتين ووضعت يدها على قلبها
ايه ده انتى عملتى فيه ايه
عملتلك خدمه وهتعرفى كل حاجه بعدين دلوقتي تقدرى تقرى كل افكار اللى قدامك وهقابلك هنا كمان شهر بالظبطت ووقتها تقررى إذا كنتى عايزه تكملى عمرك كده ولا اسحب القدرة اللى انا ادتهالك دى
طيب لو حبيت اكلمك اوصلك إزاى
مش هتعرفى معادنا كمان شهر ثم اغلقت العرافه الباب واختفى الباب بعدها
خرجت ليالى من المنزل متعجبه مما رأته فى ذلك المنزل
هل كانت تتخيل !
قررت أن تذهب لاعملها أولا حتى لا تتأخر وبعدها ستقوم بتجربه تلك القدره التى اعطتها لها تلك المشعوذه او العرافه
وصلت الشركه وذهبت لمكتبها وجدت فقط زميلتها جوهره امامها جالسه فى المكتب بمفردها
لم تجد سوا تلك الفتاة التى دائما تبدوا كارهه لمن حولها
أتت فى بالها فكره أن تجرب تقرأ افكارها وتعلم بما تفكر ولما دائما تبدوا غاضبه كهذا
فمن الاكيد انها دائما تسبهم داخلها
بدأت ليالى فى الضغط على الذنمه وبدأت فى الحديث
جوهره صباح الخير ازيك عامله ايه
اجابتها جوهره بلا مبالاه
الحمد لله
هو محدش جه انهارده
الدنيا زحمه ومحدش عارف يجيى انهارده اول يوم في الدراسه
تصدقى صح انا عشان قريبه من هنا محستش بالزحمه
تمام
ظلت جوهره تتابع عملها وتجاهلت سيلا مما ذاد سيلا فضولا لتعرف قصتها
انتى كنتى شغاله فين قبل كده
نظرت لها جوهره نظره بها لمحه ألم وتجاهلت سؤالها ونظرت للحاسوب امامها وبدأت فى الحديث من الداخل
عمرك ماتكلمتى معايا ويوم ماتكلمينى تسالينى عن سبب وجعى لا حول ولا قوة إلا بالله يارب يارب هدى حالى وما تخليش حد يدوق الوجع اللى حسيت بيه
شعرت ليالى بحزن تجاه جوهره فرغم شعورها بالالم إلا انها تدعوا لغيرها بأن لا
جوهره انتى اتضايقتى من سؤالى طيب اعتبرينى مسألتش عن حاجه انا بس بشوفك دايما قاعده لواحدك فحبيت اننا نقرب من بعض ونبقى صحاب
تمام مافيش مشكله
انا ليالى بشتغل هنا من ٤ سنين
انا جوهره بقالى هنا سنه وقبل ما اشتغل هنا hr كنت بشتغل سيلز فى شركه
طيب مالشركه دى كويسه سبتيها ليه
عند ذلك السؤال مر شريط طويل من الزكريات المليئه بالالم فى فى ذهن جوهره
مالك انا بضايقك بأسألتى والله أسفه
شعرت ليالى داخلها بحزن كبير مما سمعته من حديث جوهره الداخلى
شعرت بندم أنها حاولت إرضاء فضولها فتسببت فى فتح جراح لغيرها
جوهره انا اسفه لو كلامى ضايقك طيب خلاص يا ستى غيرى الموضوع انتى مرتاحه هنا معانا في الشركه
هو محدش جاى انهارده ولا ايه
نظرت ليالى فى هاتفها وحدت رساله من تامر أن سيارته تعطلت ولم يستطع المجئ ورساله اخرى من زميلتها فى المكتب أن والدتها مريضه وستغيب من أجلها
لا محدش جاى انهارده واليوم انهارده فاضى استنى هبعت عم صبحى يجبلنا فكار وحاجة ساقعه وندردش سوا
اماءت جوهره رأسها بنعم
جوهره موظفه h r فى احدى شركات الاتصالات وليالى مديرتها فى العمل وتعمل معهم فتاه اخرى تدعى سيلا تعمل معهم فى نفس القسم
تامر خطيب ليالى وستظهر باقل التفاصيل خلال القصه
اتى عم صبحى بالطعام وبدأوا بتناول الطعام وظلت ليالى تتحدث عن نفسها وعن تامر وعن موعدهم اليوم وما حدث معها ولكنها تجنبت سيره تلك المرأه التى رأتها
بدأت جوهره أيضا فى الحديث معها بشكل اكثر اريحيه
بس انتى يا ليالى بتحبى تامر وواثقه فيه وكده
انا معجبه بيه وهو انسان جاد فى عمله وطموح
تعرفى أنى كنت مخطوبه قبل كده لواحد زميلى فى الشركة القديمه
بس انتى مش لابسه دبله
منه لله بقى
لو مش عايزه تحكى براحتك
لا هحكيلك
فى الشركة القديمه كنت موظفه سيلز عقارات كنت شاطره جدا كنت بعمل ارقام بيع خياليه وطبعا عمولات خياليه والشركة دايما كانت بالإضافة للمرتب والعمولات كنت باخد حوافز كنت تقريبا باخد مرتب شهرى ١٥٠ الف جنيه
طبعا ده كان رقم كبير جدا رقم خيالى لأى موظف وفى يوم قررت الشركه تجيب مجموعة جديدة من الموظفين وطبعا طلبوا منى أنى اديهم التدريب بنفسى وكمان يقعدوا جمبى يسمعوا المكالمات ومن ضمن المجموعه دى كان طاهر
وبدأ طاهر فى جذب انتباهى
Flash back
مساء الخير ازيك يا جوهره انا مبسوط اوى انى بتدرب معاكى انا قبل ما اجى هنا الشركة كنت بسمع عنك وكنت بتمنى أنى اتدرب معاكى ولحد دلوقتي مش مصدق أنى قاعد جمبك
كان طاهر ينظر لها بانبهار ومن طريقه حديثها مع العملاء فصوتها الناعم قادر على جذب انتباه أى عميل
انا واخده كورسات كتير فى السيلز بالإضافة أنى بحط الخبره اللى اكتسبتها من كلامى الكتير مع العملا كل الموضوع إنك تشوف العميل بيدور على ايه بشكل غير مباشر وركز عليه
يعنى لو العميل بيدور على استثمار ابدأ اعرض الاوفر كأنك بتقوله ازاى يستثمر يعنى مثلا تقوله
حضرتك يا فندم لو اشتريت الوحده دى سعرها خلال سنه هيبقى كذا نظرا أن المكان قريب من كذا وكذا
طيب فرضا لو بيدور على مكان يسكن فى بس الميزانيه لا تسمح
ابدأ اعرض عليه اكتر نظم تقسيط مريحه واطول فتره سداد
كل الفكره إنك بتشوف العميل عايز ايه وبتعملهوله
بدأ طاهر ينتهز الفرص للتقرب من جوهره فوضع جوهره داخل عملها جعلها مطمع للجميع
طاهر شاب وسيم مهتم بنفسه لابعد الحدود
خلال فتره بسيطه استطاع طاهر جذب انتباه جوهره واصبح يتقرب منها ويعطيها هدايا دائما بسبب وبدون سبب وبعد شهر من عمل طاهر فى الشركه طلب الارتباط رسميا بجوهره
فى البداية تفاجئت جوهره خاصه أنها اصبح لديها مشاعر تجاهه وافقت جوهره وبالفعل تقدم طاهر لخطبه جوهره واصبحت العلاقه فى الظاهر بينهم قوية وقامت جوهره بتعليم طاهر طرق البيع الناجحه واصبح طاهر اكبر منافس لجوهره فى الشركه ودائما ما كان الجميع يلقبهم بالعمالقه
مر ٦ اشهر وأتت الشركه بمجموعة جديده من المتدربين ومن ضمنهم بنت تدعى هاجر قصص وروايات أمانى سيد
هاجر كانت فتاه ملفته
كانت دائما ترى جوهره التقارب بين طاهر وهاجر ولكنها تكذب نفسها ودائما طاهر ينكر علاقته بتلك الفتاه وانها فقط تدرب معه كمان كان هو يتدرب معها لم تكن جوهره تملك الدليل الكافى ضد طاهر
وخاصه ان موعد عقد قرانهم باقى له اسبوع
اخذت جواهر اجازه وبدأت فى تجهيز كل ما ينقصها قامت بعزومه جميع زمايلها فى العمل
واتى بالفعل يوم عقد القرآن
تفتكروا حصل ايه
البارت الاول
حكاوى _بلا صوت
امانى_سيد يوم كتب كتابى كل زمايلنا حضروا وأهلى وقرايبى والوقت بدأ يجرى والعريس مجاش واتصل بيه يرن ومحدش بيرد عليا ولما الناس قربت تمشى لقيته باعتلى رساله انا وكل زمايلى وكانت عباره عن
صمتت قليلا تمسح دموع حرقت جفنيها كانت تمنعها من الهبوط لكنه خذلتها وسقطت
لقيته بعتلنا كلنا رسايل على الواتس اب وفيها صورته هو وهاجر البنت اللى انا كنت شاكه فيها وكانوا لابسين دبل وفى اديهم لون وردى بتاع البصمه مكان كتب الكتاب ومخرج لسانه كانه بيغظنا
كل الناس شافت الرسايل طبعا وزمايلنا فهمو إنه هو كان وخدنى هدف عشان يوصل لغرض معين أنى اعلمه الشغل وهو فعلا اخد غرضه منى علمته وكبرته وسويته بيا وأول واحده كلها وغدر بيها كنت انا
حاولت ليالى تمالك نفسها ولكن غصبا عنها بكت هى الأخرى فهى وضعت نفسها مكان جوهره وتخيلت ماذا ستفعل لو فعل بها تامر كما فعل ذلك الشخص مع جوهره هل ستتحمل وتكمل حياتها ام ستنهار واخذها التفكير في طريق اخر
هل من الممكن أن يغدر بها تامر هو الآخر
خرجت من شرودها وسألت جوهره
طيب انتى عملتى ايه بعدها قصص وروايات أمانى سيد
ولا حاجه اخدت من الشغل اجازه أسبوع وبعدها اتصلوا زمايلى عليا عشان أنزل وفضلوا يلحوا عليا
نزلت الشغل وقابلته هو وهى كانوا طول الوقت قاعدين مع بعض كانوا بيحاولوا يقعدوا قريب منى عشان يغيظونى
لكن انا كنت بتجاهلهم
طيب وزمايلك كانوا بيعاملوكى ازاى وكانوا بيعاملوه ازاى
كانوا بيعملونى كويس بيحاولوا يخرجونى من حالة الخذلان اللى كنت فيها لكن دايما نظرات الشفقه اللى بشوفها فى عنيهم كانت بتوجعنى اكتر من وجعى يوم ما اتخلى عنى يوم فرحى
طيب وهو كانوا بيعاملوا ازاى
عادى بيتعاملوا معاه في اضيق الحدود وبسبب تعاملهم ده كان يفضل يقول عنى كلام يضايقنى اكتر
زى انتى هتفضلى عايشه في جو الصعبنيات ده كتير
انتى هتفضلى تمثلى كده عشان تخلى الناس تكهرنى
انتى لا أول ولا اخر واحده ماتكملش خطوبتها انتى مكبره الموضوع ليه
مره تانيه
انتى لقيته بيحاول يقرب منى تانى ويقولى انى بعمل كده عشان أحاول اقربه منى تاتى لأنى لسه بحبه
ده إنسان مجنون مش طبيعي واستحملتى كده لحد امته
لحد مافى مره دخلت اعمل كوبايه نسكافيه لقيت هاجر دخلت ورايا وعملت لنفسها شاى ومره واحده دلقته عليها وفضلت تصوت واتهمتنى أن انا اللى عملت كده ودلقته عليها ولمت الموظفين
وصدقوها
بصى هى فضلت تمثل وتقول ليه عملتى كده خلاص لو كده فاكره إنك اخدتى حقك منى فأنا موافقه وكلام من النوع ده كتير
وفاكره بقى انى هدافع عن نفسي واقف قصادها
طيب انتى عملتى ايه
كنت ماسكه كوبايه النسكافيه بتاعتى روحت قربت منها ومره واحده دلقتها فعلا بس رمتها فى وشها
برافوا عليكى جدعه والله
قولتلها انا مش محتاجه ادافع عن نفسى واقول ما عملتش عشان انا مش بخاف من حد وانتى والدلدول بتاعك اللى انا عملته وعلمته الشغل وكبرته والكل عارف وشاف ده بنفسه مش محتاجه ابررلهم حاجه
بالإضافة للمسلسل الهندى وانى دلقت عليكى الشاى وانا مش بشرب شاى ولا بعمله اصله فهما فاقسينك
وبعدين ضربتها قلم
قولتلها القلم ده والكوبايه دى يمكن يفوقوكوا ويعرفوكى انا مين وخدى بالك وانتى بتتعاملى معايا العين متعلاش عن الحاجب والاستاذ هيفضل طول عمره استاذ
وذقتها وخرجت والباقى خرجوا ورايا وقالولى جدعه
طيب والله جدعه
فضلت بعدها فترة فى الشغل عشان اعرفهم انهم مش فارقين معايا وبعد كده تعبت ومقدرتش اكمل فقدمت الاستقالة ومشيت من الشركه وسبتها بحلوها ومرها
ربنا يعوض عليكى يارب وعلى فكره انتى طلعتى جامده
ونعم بالله
عشان كده بعدها كنت بتجنب الناس اللى بيشتغلوا معايا مش عايزه اعيد الماضي
بالعكس المفروض انك تفرحى وتنبسطى انك عرفتى حقيقته وانتوا على البر وبلاش تقفلى على نفسك كده تانى انتى انسانه ناجه وتتحبى
ابتسمت لها جواهر فمدح ليالى لها كان له اثر داخلها فمدح الانثى لانثى مثلها يعطيها ثقه بنفسها اكبر
انتى عندك حق يا ليالى بس بينى وبينك الشغل هنا افضل واريح السيلز اه فى فلوس بس تارجت ولو معملتوش هيأثر عليكى وعلى الكى بى اى بتاعتك وحوار بجد الله يعين كل اللى بيشتغلوا سيلز
بيتعبوا جدا وطول الوقت بيفكروا فى التارجت ازاى يتعمل انما هنا المرتب اه مش واو زى السلز لكن بجد فى راحه بال لو خدت احازه ببقى مرتاحه مش شايله هم المبيعات اللى لو معملتهاش هقع فى المرتب وحاجات تانيه
عندك حق ومش كل الناس عندها موهبه البيع ولا بيقدروا يقنعوا اللى قدامهم للزم تكونى إنسانه زكيه وانتى واضح انك زيك ولكل إنسان غلطه واعتبرى إن تجربتك دى غلطه اتعلمتى منها
ضغطت ليالى على اذنها مرتين حتى لا تسمع شئ اخر فما سمعته اليوم كافى
مر باقى اليوم دون احداث جديده وظلت ليالى وجواهر مندمجين بعملهم
انتهى اليوم وذهبت ليالى للمنزل وفى طريقها وجدت صديقتها وجارتها من الطفوله أتت لتزور والدتها
صديقتها تدعى مهره فتاه جميله دائما مبتسمه من يراها يقسم أنها خاليه من الهموم بسبب ابتسامتها الدائمه المرسومة على وجهها
قابلتها ليالى وهى صاعده لمنزلها
ايه ده مهره يا بنت الايه وحشتينى أوى
وانتى كمان يا ليالى
بقولك ايه عايزين نقعد مع بعض زى زمان بقالنا كتير مقعدناش مع بعض
بس كده اطلعى غيرى هدومك واتغدى وانزلى اقعدى معايا عند ماما نتكلم مع بعض زى زمان انا قاعده مع ماما كام يوم
خلاص اتفقنا هدخل اتغدى واغير فى السريع كده وارجعلك
يلا مستنياكى
صعدت ليالى منزلها وهى تتمتم داخلها
اه وحشانى يا مهره اهى مهره دى بقى اللى هتدينى امل فى الحياه دايما ما شاء الله عليها بتضحك وتهزر
انزل بقى احكى معاها واشغل القدره الجديدة واعرف إذا كانت لسه بتحبنى ولا لاء
وبالفعل جلست ليالى مع والدتها ليتناولوا الطعام وظلوا يتحدثوا فى امور حياتيه وبعدها ذهبت لمنزل مهره جارتها حتى يفعلوا كما كانوا يفعلوا بالماضى
دخلت منزل مهره واستقبلتها مهره بإبتسامه كما كانت تفعل فى الماضى وبدأت ليالى بالضغط على على الذنمه حتى تستطيع قراءه افكار مهره
ازيك يا مهره عامله ايه
اجابتها مهره ومازالت محتفظه بالابتسامه
بخير انتى عامله ايه وهتتجوزى امته
هانت يا ستى يندور على شقه المفروض كنا انا وتامر روحنا انهارده نشوف شقه لكن هو اتعطل فى الزحمه ومجاش وبعدها عربيته عطلت فأجلنا الموضوع دلوقتي
لكن مجرد ما هنجيب الشقه هنبدا نفرشها ونتجوز على طول
ربنا يوفقك يارب يا ليالى بس عايزاكى ماتستعجليش وتحاولى تختبريه قبل الجواز
ليه بتقولى كده
البارت خلص لو لقيت تفاعل حلو هكبر البارت وانزل كل يوم
تفتكروا مهره قصتها ايه
وهل القصص اللى هتتحكى هتقف على الحكى بس ولا هيكون ليها تكمله
الرواية المره دى مختلفه تماما بكل احداثها واتمنى تعجبكم واسمع توقعاتكم
حكاوى_بلا_صوت
امانى_سيدليه بتقولى كده يا مهره وبعدين انا حاسه أن فيكى حاجه حد مضايقك او مزعلك احكيلى احنا اكتر من اخوات
وبعدين من ساعه ما اتجوزتى اول مره تباتى عن مامتك
صمتت مهرا هل تبوح بوجعها لليالى ام تصمت وتحتفظ بوجعها داخلها فقط
بدأت ليالى تحثها على الحديث وتشجعها ان تفضفض معها
احكيلى يا مهره مالك انتى عارفه لما بيكون عندى مشكله انتى اول واحده بجرى عليها وافضفضلها صح
عندك حق مش عارفه اقولك ايه يا ليالى انا مخنوقه اوى بحاول اهرب من الوجع بالضحك والهزار
انتى عارفه انا هنا ليه
ليه
سبت شقتى لجوزى يتجوز فيها
بتقولى ايه وليه تعملى كده
بقالنا ٣ سنين متجوزين ورينا مأردش انى احمل رغم انى لفيت على دكاتره كتير وقالوا إن ماعنديش مشكله
عدت اول سنه كنت مبسوطين وكل شهر نحلم إن ربنا يرزقنا الشهر اللى بعده
طبعا حماتى مش عجبها الوضع وهى ساكنه معايا فى نفس البيت بقت تعمل معايا مشاكل وتسلط جوزى عليا وعشت
