رواية الصياد كاملة حتى الفصل الاخير نوران وسليم بقلم شيماء رضوان
المحتويات
على الصبح
منى..حوش ابنك ده هيموتنى انا خلاص تعبت منه
سليم..فى ايه يا احمد مزعل منى ليه
منى..والله ابنك معاه حق لما بقوله انت طالع قليل الادب لمين قالى لبابا
اندهش سليم مما قالته والدته
امسك سليم ابنه من ملابسه ورفعه الى الاعلى
سليم..انا قليل الادب يابن نوران
احمد بغضب..مترسوا على بر بقى انا ابن سليم ولا ابن نوران لغبطونى
سليم..ايه اللى انت بتقوله ده وبعدين بتقول عليا قليل الادب
احمد..تيته اللى بتقولك كده علطول ولما قالتلى انت طالع قليل الادب لمين قلتلها لبابا كده انا غلطان ولا اكدب مش هيا دى الحقيقه يا سليم
سليم..احترم نفسك يالا ايه سليم دى
احمد..مانت بتقول لتيته يا منى جت عليا يعنى وبعدين انا بهزر معاها
سليم..دى امى تكلمها بادب مش تهزر معاها
احمد..ما انا سايبك تهزر مع امى زعلان ليه لما بهزر مع امك
كانت نوران تقف بعيدا وهى تكتم ضحكاتها بصعوبه
سليم..دى امى ودى مراتى
احمد..ودى امى ودى تيته يعنى متعادلين
لم يقدر سليم ان يتحمل اكثر من ذلك فنادى سليم باعلى صوته
سليم ..نوراااااااان تعاى خدى ابنك بدل ما ارميه من البلكونه
احمد..ارمينى علشان تدخل السجن وامك وامى يتشردوا
نوران..بطل بقى يا احمد عيب كده
احمد ببراءه مصطنعه..انا عملت حاجه يا ماما انتوا علطول ظالمنى
افلته سليم وعو مندهش من ابنه
منى..ظالمينك لا اله الا الله انا عملتى ايه فى دنيتى بس علشان يطلعلى ابو نص لسان ده
احمد بحزن مصطنع ..كده يا تيتا ربنا يسامحك ودخل الى غرفته
منى..لا كده كتير ارحمنى يا رب
نوران..الواد ده هيجننى
سليم..ده قرد انا مش عارف طالع لمين
منى وقد رفعت حاجبها له..يعنى انت مش عارف طالع لمين ده نسخه منك وانت صغير
فى المساء
سليم..يالا يا نوران ننام عندى شغل الصبح وامسك يدها
منى..وهتسيبلى ابنك اعمل فيه ايه بقى ان شاء الله
سليم العبوا سوا واخذ نوران ودخل غرفته
منى..كده ماشي يا سليم اما وريتك احمد انت مش عايز تنام مع ماما
احمد..يا ريت بس بابا مش بيرضي
منى..قوم روح ولو قالك اطلع نام فى اوضتك قله روح انت ومتطلعش مهما عمل واقعد عيط
احمد..ماشي يا منى بعد اذنك
منى..اشرب بقى يا سليم
فى غرفه سليم
سليم
تعالت الطرقات على الباب
سليم..مين
احمد..افتح يا بابا
سليم..روح يا احمد نام
اصطنع احمد البكاء امام الغرفه
نوران بتاثر لبكاء ابنها..افتحله يا سليم شوفه ماله بيعيط ليه
فتح سليم الغرفه ودلف احمد بسرعه
احمد..ضحكت عليكم
نوران..فى ايه يا احمد منمتش ليه
احمد..عايز انام معاكى النهارده
سليم..ومنمتش مع جدتك ليه
احمد..لا انا عايز انام مع ماما
نامت نوران على السرير وجذبت احمد الى حضنها
نوران ..سيبه بقى يا سليم واطفى النور
تمدد سليم بجانبهم
سليم..انا شامم ريحه امى فى الموضوع شكلها هيا اللى مسلطاه عليا
احمد..بس بقى عايز انام اسكت شويه
سليم..نام يا حبيبى نام النوم حلو برده
فى الصباح استيقظ احمد قبل امه وابيه وقرر ان يمزح معهم
احمد بصوت عالى ..مامااااااا بابااااااااا الحقوا البيت بيولع
الفصل العشرون والاخير
استيقظ احمد قبل ابيه وامه فقرر ان يمزح معهم فابتعد ووقف بجانب السرير وصرخ باعلى صوته قائلا بصراخ .
.باباااااا ماماااااا الحقوا البيت بيولع
انتفض كلا من سليم ونوران من نومهما وقاموا ليروا ما يحدث
فى هذا الوقت كانت منى مستيقظه وتعد الافطار وسمعت صراخ احمد وركضت لترى ما يحدث
سليم .بخضه....ايه اللى بيولع وركض الى المطبخ ولم يجد شيء فذهب الى غرفه نوم امه ولم يجد شيء فوقف فى الصاله وصرخ باعلى صوته قائلا
..احمممممممممممد
فانتفض كلا من نوران ومنى على صوته
منى بخوف...اهدى يابنى ده عيل صغير مش عارف حاجه
جاءت نوران لتتحدث هى الاخرى اشار لها سليم بيده بمعنى اصمتى
جاء احمد وهو يحنى راسه الى الاسفل ويكتم ضحكته وسليم ايضا عندما راه هكذا
سليم بجديه مصطنعه..ايه اللى انت عملته ده
احمد ببراءه ..انا معملتش حاجه يا بابا
سليم وقد رفع له حاجبه ..والله ايه البراءه دى يا ابن نوران قلبت فرخه دلوقتى
رفع احمد راسه بتحدى له واجابه بغضب
لو سمحت يا بابا متقولش عليا فرخه انا راجل وانا بعترف انى كنت عامل فيكم مقلب انما تقلل من قيمتى فده انا مسمحش بيه ابدا
سليم بذهول..قيمه مين يا شبر ونص انت ليك قيمه اصلا
احمد بحنق....ماما تيته قولوا لبابا يسكت علشان انا لو فقدت اعصابى الدنيا هتبوظ وانا مش مسؤول عن اللى هيحصل انتوا حرين
نوران بابتسامه...بس يا سليم الولد مضايق سيبه بقى
منى بذهول .....لا يا سليم بالله عليك سيبه نفسي اشوفه لما يفقد اعصابه هيعمل ايه الشبر ونص ده
احمد بغضب ....ايه يا منى اللى بتقوليه ده متخلنيش ابوظ الشبشب بتاعك
رفعه سليم من ملابسه للاعلى
سليم بحده مصطنعه ...ورينى بقى يا شبر واقطع لما اعصابك تفلت هتعمل ايه عايز اعرف
احمد بحنق طفولى ..يا ناس ارحمونى بقى سيبنى يا بابا برستيجى باظ
سليم بضحك ....نعم برستيجك
قاطع حديثهم جرس الباب فذهبت نوران لتفتح الباب وجدتها دانا
نوران بابتسامه ....اذيك يا دانا
دانا..الحمد لله يا طنط احمد موجود اصله كلمنى وقالى تعالى الصبح
نوران..اه يا حبيبتى اتفضلى
دخلت دانا وجدت سليم يرفع احمد من ملابسه الى الاعلى
دانا وهى تضع اصبع على شفتيها.. ..احمد انت عامل كده ليه
احمد بابتسامه..اذيك يا دودو
دانا واخفضت راسها الى الاسفل ..الله يسلمك يا احمد قلتلك كام مرة متقوليش يا دودو ادام حد بتكسف والناس تقول علينا ايه
احمد..مش انتى خطيبتى يا دانا
دانا اه بس محدش يعرف بليييز متقولش كده ادام حد تانى
انزل سليم ابنه وهو مندهش من ابنه وهذه الصغيره
سليم بذهول..انت خطبت يا واد من ورايا
احمد بابتسامه....ايوه يا بابا جبتلها خاتم ولبستهولها وبعدين انا مش صغير
نوران وهى تكتم ضحكتها ..الف مبروك يا حبيبي
احمد ببراءه..الله يبارك فيكى يا ماما عقبالك
سليم..عقبال مين يالا انت عايز امك تتجوز وانا ايه الله يرحمنى بقى ولا ايه
منى وهى تمصمص شفتيها ....عشنا وشوفنا المحروس الصغير راح خطب من ورانا
احمد بحنق ...كده يا تيته مفيش الف مبروك ولا حاجه ده انا حبيبك
منى..انا مرارتى اتفقعت هروح اكمل تجهيز الفطار
احمد وهو يمسك يد دانا ....يالا دانا ندخل نلعب
سليم بابتسامه....لا عايزين تلعبوا يبقى فى الصاله مينفعش تقعدوا لوحدكم
دانا..ليه يا اونكل سليم
سليم..علشان يا حبيبتى انتوا لسه مخطوبين لما تكتبوا الكتاب ابقوا اقعدوا لوحدكم صح يا ام احمد
نوران بضحك ..صح يا ابو احمد
احمد بتساؤل ..واحنا نقدر نكتب الكتاب امته يا ماما
نوران ..لما تتموا 18سنه
احمد بحنق وهو يعد على اصابعه ....يااااه لسه هستنى 13 سنه كمان على العموم ماشي
قاطع حديثهم جرس الباب وكان فهد وهند ابنهم فارس ذو الخمس سنوات
سليم بضحك ..ايه اللى جابكم على الصبح
كده
فهد بابتسامه ....جاى افطر عندكم بس مين المزه الصغيره دى واشار على دانا
هند بضحك...دى قد ابنك يا فهد
احمد بغضب وقد داس على قدمه ..دى خطيبتى يا اونكل وانا مسمحلكش تعاكسها
فهد بذهول ..خطيبتك
هند بذهول.. انت خطبت امته يا ابن اخويا
احمد وامسك يدها واراهم الخاتم ..اه خطيبتى وده خاتم الخطوبه يا عمتى
فهد بذهول ..الواد بيتكلم جد يا سليم
سليم..ايوه ابنى خطب وابنك لسه
فهد..اه يابن سليم لا ابن الصياد وابن الصياد لازم يطلع صياد لابوه
جلسوا يتناولون الافطار
هند....وحشتنى اللمه دى بقالنا كتير متجمعناش
منى بضحك...حد قالك اشتغلى انتى من زمان مفيش بينك عمار انتى والشغل جايه تشتغلى بعد ما خلفتى فارس
فهد بابتسامه...قوليلها يا خالتى
نوران...ااه
سليم بلهفه...فى ايه حاجه بتوجعك
نوران بابتسامه...لا مفيش بنتك بس بتدلع علينا
هند بابتسامه...هيا الدكتورة قالت انها بنت
نوران بابتسامه...اه ادعيلى بقى اصل شكلها هتطلع شقيه زى احمد
سليم ...ملكوش دعوة بالبت ان شاء الله هتبقى حبيبه ابوها كلها اربعة شهور وتشرف حبيبه الملايين
نوران بابتسامه...شوفتوا اهه كده من ساعه ما عرف انها بنت
خرجت دانا من الداخل وهى تبكى ووقفت امام نوران وهى تفرك عينيها قائله
انا ماشيه يا طنط
نوران...مالك يا دانا مين اللى مزعلك
قبل ان ترد دانا خرج احمد من الغرفه غاضبا وقال
بتلعب مع فارس وانا قلتلها متلعبش مع ولاد علشان كده انا زعقتلها وهيا عيطت
سليم بابتسامه...تعالى يا دانا متزعليش ابنى رخم ونفسي اعرف طالع لمين
منى بسخريه...طالعلك يا حبيبى طالعلك ده انت بهدلت امه قبل الجواز
ضحكت هند ونوران على كلامهم فى حين نظر له فهد بغيظ قائلا
لا حمش يا ابن سليم حمش يا ابنى قومى يا هند نروح
وقف فارس بجانبه قائلا ببكاء
انا عايز العب مع دانا يا بابا
سليم بضحك ...اصبر اربع شهور ان شاء الله لما النونو الجديده توصل ووعد منى هخليك تلعب معاها
بعد اربع شهور
نهضت نوران من النوم وهى تصرخ قائله
اااااه الحقنى يا سليم مش قادرة
نهض سليم من نومه بفزع قائلا
فى ايه
نوران بصراخ ...اااااه بولد بولد
سليم بحنق...متاكده يعنى انتى بهدلتينا فى احمد اسبوع
نوران بصراخ ...يا مامااااااااااا
نهض سليم بسرعه قائلا
خلاص خلاص يالا اوديكى المستشفى
ذهب ليغير ملابسه ثم عاد اليها مرة اخرى قائلا
انتى متاكده انك بتولدى يعنى المرة دى ولا ايه
نوران.....اااااااااه يا مامااااااااا
دخلت منى الغرفه مسرعه قائله
انتى بتولدى ولا ايه
نوران ...حوشى ابنك عنى
منى بحده ..انت واقف كده ليه روح غير هدومك نوديها المستشفى
فى المشفى
كانت نوران مع الطبيبه بالداخل وسليم يقف امام غرفه العمليات دقائق وسمعوا صوت بكاء الصغيرة
سليم بابتسامه....الحمد لله الحمد لله
خرجت الممرضه
نوران عامله ايه
ابتسمت له الممرضه قائله
المدام بخير وهتتنقل اوضتها حالا
حمد سليم ربه وكبر
متابعة القراءة
