رواية اسيرة في قلب صعيدي كاملة (جميع فصول الرواية) بقلم شيماء طارق

مش احمد اللي انا خابريه
احمد بحزن ما تزعليش مني يا زينب انا ما بتعصب ما بعرفش مين اللي قدامي ببقى علشان اكده كنت رايدك تبعدي عني خايف عليكي يا زينب!
زينب بحبوانا مش خايفه على نفسي وياك !
احمد قرب منها وقال لها من بكره هبدا في العلاج الطبيعي وهعمل الجلسات كلها علشان اعمل العمليه واكون وياك العمر كله
زينب بسعادة عين العقل يا ولد عمي ان شاء الله خير !
نسيب الراجل ومراته بقى اشرقت شمس يوم جديده على ابطالنا مليانه بالاحداث الممتعه والشيقه ثاني يوم الصبح 
مصعب كان قاعد جنب ميرنا على سفرة وبيفطر والعيله كلها كانوا قاعدين ومبسوطين جدا كانوا بيضحكوا ويتكلموا مع بعضيهم واحمد نزل هو وزينب وكانوا قاعدين جنب بعض والفرحه ما كانتش سيعاهم .
عبد الجواد بص لمصعب
ما شاء الله... وشك منور يا ولدي اللي يشوفك النهاردة يقول إن ليله امبارح كانت دخلتك ما كانتش خطوبتك امال يوم فرحك هتكون كيف من بعد الفتحه وأنت منور امال بعد الفرح هيكون منظرك كيف يا ولد عبد الجواد !
مصعب ابتسم بهدوء اكده يا ابوي بتتمقلس عليا ماشي يا أبوي كنت رايده اقول لك حاجه 
عبد الجواد باهتمام قول يا ولدي في حاجه حصلت ولا ايه!
مصعب بهدوء لا كل خير يا ابويا انا وميرنا هنسافر القاهرة علشان عندنا شغل كثير جدا ولازما نروح نخلصه كم يوم وهنرجع تاني أن شاء الله!
فوزية بحنان
طب ما تفطروا وتاخدوا معاكم حاجه عالطريق ا هتوحشنا قوي يا ولدي وميرنا هتوحشني انا مش قادرة اعيش من غيرك يا بتي خدت عليكي خلاص انتي بقيتي كيف ندى بتي بالظبط انا دلوقتي بقى عندي ثلاث بنات ما اقدرش اعيش من غير واحده فيكم!
زينب بتبص لها وهي فرحانه جدا اما ميرنا بتقول لها بحب وكانت فرحانه جدا بطيبتها وهي فعلا اعتبرتها امها الثانيه انتي اللي هتوحشيني قوي والله يا ماما بس ما تقلقيش هنرجع قريب ان شاء الله نخلص بس شغلنا!
مصعب قام من مكانه قال لهم
دعواتكم لينا... وإن شاء الله هنرجع قريب جدا ما تقلقوش !
ميرنا سلمت على فوزية وهمست لها
ادعيلي يا ماما... محتاجة دعواتك دايما.
فوزيه خدت ميرنا في حضنها وقالتلها بدعيلك والله يا بتي على طول ربنا يجعللك في كل خطوه وسلامه ويبعد عنك الناس الوحشه ويخليكي ويحميكي من كل شر أنتي وولدي مصعب 
ميرنا بحب اللهم امين يا رب العالمين!
عبد الجواد ربنا معاكم يا ولدي يبقى طمنيني عليكم اول ما توصلوا!
مصعب ان شاء الله يا ابوي رايدين مني حاجه 
الحاج عبد الجواد رايدين سلامتك يا ولدي!
بعد شوية في العربية
مصعب كان سايق بسرعة ثابتة وميرنا ساكتة جنبه لحد ما بص لها وقال
مصعب
إحنا مش رايحين القاهرة يا ميرنا... إحنا رايحين مكان محدش يعرفه غيري انا وسيادة اللواء وانتي المكان ده هيكون في الصحراء!
ميرنا اتوترت شوية هو الموضوع صعب للدرجه الصحراء يا مصعب 
مصعب مش انا حدتتك امبارح وقلتلك ان احنا عرفنا اللي في حد في وسطينا خاين وبلغ المافيا ان انتي موجوده وياي!
ميرنا بصتله بخوف وقلق وقالتلهيعني في خطر يعني الخطر ده بيهدد حياتك انت كمان يا مصعب مش انا بس
مصعب بجدية
في لعبة كبيرة بتتلعب واللي وراها ناس تقيلة بس متخافيش... المكان اللي احنا هنروحه ده ما فيش حد ممكن يوصل له خالص وفي الوقت ده هنقدر نعرف مين والورق كله هيكون مكشوف قدامنا وهنقدر نوصل له بمنتهى السهوله وما تقلقيش انا ظابط حراسات يعني ده شغلي وانا من يوم ما اشتغلت الشغلانه دي وانا عارف ان حياتي على طول مهدده مش وجودك معايا اللي بيحدد حياتي انا شغلي نفسه هو اللي مهدد حيات!
ميرنا برقة تعرف ان انا طول ما انا معاك
بقيت احس بالأمان اللي ما كنتش بحس بيه غير مع ابويا أنا مش خايفة... حتى لو هتروح آخر الدنيا هروح معاك!
مصعب بص لها باستغراب وقال لها انتي بقيتي واثقه في للدرجه دي احنا مش عارفين بعض بقى لنا كتير !
ميرنا مش عارفه بس الكام يوم اللي عشتهم في بيتكم مع عيلتك وقربت منكم حسيت بجد ان انتم ناس كويسه جدا وانت شخص كويس جدا وممكن اثق فيك وكمان بابا اللي عمره ما كان واثق في حد واثق فيك وديه في حد ذاتها حاجه كبيره جدا بالنسبه لي !
مصعب بص لها بحب وكان مش عارف هو ايه الاحساس اللي بيحسه اتجاه ده هو بيحاول يرفض اي مشاعر اتجاهها من اول يوم شافها فيه بعد الساعات في الطريق وصلوا للمكان اللي مفروض يعيشوا فيه الفتره اللي جايه.
العربية دخلت في طريق ترابي لحد ما وقفت قدام بيت صغير مبني بحجر رملي بس جميل جدا وشكله على الطراز الحديث ما فيش حواليه اي حد خالص مكان كده منعزل ما فيش ناس ولا بيوت خالص الا بيت صغير خالص قدامهم من بعيد .
مصعب نزل وفتح الباب وقال
اتفضلي يا ميرنا...
ميرنا نزلت وبصت حواليها بدهشة هو المكان ده حقيقي انا كنت بشوف الحاجات دي في الافلام بس اول مره اعرف ان هي موجوده فعلا في ارض الواقع!
مصعب ابتسم لا يا ستي مش افلام دي حقيقه يلا بقى علشان ندخل علشان انا تعبت جدا المشوار كان طويل قوي ورايد استريح!
ميرنا حاولي تنكشه وتقول له ما انت كبرت علشان كده تعبت بسرعه الشباب شباب برده شفت انا بقى لي كم ساعه راكب العربيه معاك وما تعبتش ده حكم السن يا حضره الظابط!.
مصعب عينيه بدات تحمر وهو بيقول لها حكم سن مين حضرتك انتي بتقولي الحديت ده لي !
ميرنا كملت كلامها بضحك وهزار وتقول له يا عم اوعى بقى انا بهزر معاك انت ما بتعرفش تهزر ولا إيه يا صلاح!
وبعد كده ميرنا ثابت مصعب ودخلت البيت ومصعب كان مستغربها جدا وفضل ساكت شويه وبعد كده طلع الشنط من العربيه وحطها جوه وميرنا كانت بتبص للبيت بانبهار وبعد كده بصت لمصعب وكيد مستغربه جدا وهي حاسه ان هو مش مرتاح او في حاجه عايز يقوله.
ميرنا وهي بتقرب منه
مالك وشك متغير في حاجه مضايقاك او انا قلت حاجه زعلتك على فكره انا كنت بهزر
مصعب وهو باين جدا من طريقه ان هو خايف جدا وقلقان عليها
ميرنا... انتي خابرة إحنا فين ده مش مجرد مكان هنعيش في فترة
ده المكان اللي ممكن يتحدد فيه مصيرك ومصيري. فاهمه يعني إيه لازما تخف شويه من شغل الاطفال اللي انتي بتسوي ده لان انا مش هقدر أشوفك وانت بتتعرضي للخطر
ميرنا بهدوء انا عملت إيه وكمان انا من يوم ما اتولدت وانا حياتي بقيت معرضه للخطر يعني ده مش جديد يا مصعب ما تضايقش نفسك حتى لو حصل لي حاجه يعني مش هتبقى آخر الدنيا
مصعب قرب منها خطوه وصوته بدأ يخشن شوية وهو بيحاول يسيطر على نفسه
أنا مش متضايق علشان الخطر... أنا متضايق علشانك ! إنتي واقفه قدامي كده عادي بتتكلمي معايا اكن الموضوع عادي وكلمه موت دي عندك عادي أنتي كيف تقولي اكده انتي كيف بتتعاملي بمنتهى البروده اكده انتي لو حد قرب منك انا ممكن انهي عليه ما فيش حد يقدر يقرب لي وطول ما انتي وياي فاهمه 
ميرنا بصيتله باستغراب ما كانش مصدقه نفسها ولا مصدقه اللي هي بتسمعه وقالتله في إيه يا مصعب مالك انا مش واحده من اهلك علشان تخاف عليها للدرجه دي يعني

انا بالنسبه لك مجرد شغل والله الشغل ده مشي كويس تمام ما مشيش كويس والعصابه خلصت عليا يبقى مهمه وفشلت ما فيش داعي أن أنت تزعل عشانها اكيد هتتعوض في مهمه جديدة وكمان انا مش هستحمل كل شوية تزعقلي وتقلبها دراما كده يا عم الحاج
مصعب اتنفس بصعوبة وقرب أكتر لحد ما كانت بينه وبينها خطوات بسيطة ما فيش حد هيقدر يقربلك كيف ما قلتلك اللي هيقربلك هيكون كتب نهايه حياته على ايدي وبطلي حديتك الواعر مش رايد اسمع واصل علشان الفترة دي تعدي على خير أنتي بترخمي عليا علشان تختبري صبري
بس للاسف هتشوفي حاجه ثانيه خالص مش هتحبيها !
ميرنا بابتسامة خفيفة وهي بتشوف في عيني حاجه اول مره تشوفها بابا كان عنده حق اما اداك الثقه دي وفعلا انت قد الثقه دي وراجل يعتمد عليه !
مصعب قرب منها أكتر وشال خصلة من شعرها بهدوء تعرفي ان انتي اكتر خطر دلوقتي عليا يمكن خطر من العصابه نفسها انتي خطر عليا تعرفي ان انا بدات احس بحاجه اتجاهك ما ينفعش ان انا احسها وده خطر عليا وعلى شغلي 
ميرنا اتسعت عينيها وبعدت عنه وبصيتله ليه المشاعر عمرها ما كانت غلط تمام وابعت شويه يا حضرة الضابط علشان انا عايزه اعرف القبله منين علشان اصلي الظهر!
مصعب ضحك بخفة رغم العصبية اللي فيه عارفه اكتر حاجه مفرحاني التزامك في الصلاة رغم ان انتي فيك عيوب كثيره جدا بس دي اكتر ميزه مفرحاني بيكي جدا ربنا يتقبل منك ادعي لقلبي وانتي بتصلي وقولي يا رب ان انتي ما توديش قلبي في داهيه !
ميرنا رفعت عينيها وبصيت له بثقه انا في عيوب هو أنت كنت تطول تقف تتكلم معايا اصلا كده ماشي يا مصعب يلا بقى علشان ارص هدومي واروح اصلي ده انا هاخد سيئات كثيره قوي بسببك المهمه دي ربنا يعديها على خير
لو عشنا نحمد ربنا ولو موتنا يلا هندخل الجنه على الاقل مش عايزين نعمل سيئات يا عم الحاج!
مصعب شدها بخفة من إيدها وقال بهمس
لو انتي معايا... هفضل عايش. ومش هسيبك تروحي مني حتى لو الدنيا كلها وقفت ضدي وما فيش حد يقدر يموتك طول ما انا عايش لازما يموتوني انا الاول فاهمه
انا كنت مسؤول عنك ولو خيروني ما بين حياتي وحياتك هختار حياتك انت لانك انتي مسؤوليتي فاهمه 
ميرنا بس في حاجه لو انتي عرفتها كلامك ده هيتغير 180 درجه!
مصعب باستغراب حاجه ايه دي انا تقريبا عارف عنك كل حاجه!
ميرنا الحاجه دي لو عرفتها انت اصلا مش هتقرب مني ولا هتفكر فيا وهتغير نظرتك ليا خالص!
تابع....
أسيرة في قلب صعيدي 
البارت السابع 
الكاتبهشيماء طارق
بسم الله الرحمن الرحيم 
مصعب بنبرة صارمة لكن متأثرة
حاجه إيه يا ميرنا! انت بتقوليلي إن في حاجة أنا لازم أعرفها يعني إيه الحاجة اللي لو عرفتها هبعد عنك اكيد بتهزري صح 
ميرنا بتتنهد وبتاخد نفس عميق وبتتكلم رغم خوفها من اللي هتقوله 
أنا... اتعرضت لحاجة وحشة جدا حاجة ماحدش في الدنيا يعرفها غير أبويا وده السبب اللي خلاه يحميني باي شكل وخايف عليا ومرعوب 
يعني لو عرفت اللي حصل مش هتبقى نظرتك ليا زي دلوقتي!
مصعب بيتنفس بقوة يرفع صوته بغضب ووجعمين اللي عمل فيك كده مين وازاي سيادة اللواء ما قاليش على الموضوع ده ليه
ميرنا بتبص للارض وهي خايفه ومكسوره وبتقول له
عصابة مافيا... كانوا بيبتزوا والدي من زمان واللي حصل فيا ده حصل أيام ما كنت في الثانوي 
حصلت معايا الحادثه دي ومنه بعدها في كل مكان لازما يكون معايا حرس ما بقاش عندي ثقه في حد ولا في نفسي ولا في الناس وحاولوا كتير ان هم يقتلوني بس اللي حصل لي في الآخر وبابا مش هيسيبهم الا لما ياخد حقي وانا خايفه عليهم 
وبابا حاول يخبي الموضوع عن الكل عشان يحميني وخايف اني لو حد عرف يدمر حياتي وما اتجوزت بعدها هو مش واخد باله ان انا حياتي اصلا اتدمرت من اليوم ده!
مصعب يقف فجأة ويقترب منها عيناه تلمعان بالغضب والحنان! أنا مش هسيبك أبدا مهما كان الخطر مش هسمح لحد يقرب منك و سيادة اللواء لو بيفكر يجيب حقك انا معايا ولو مش عايز يجيبه انا هجيبه ومش عايز اشوف دمعه نازله من عينك ومش هسمح لحد يزعلك ولا يجي جنبك ولا هخلي حد يوصل لك اصلا
ميرنا بصيتله بعيون فيها مزيج من الخوف والأمل
بس... إنت مش عارف الموضوع كبير وصعب جدا والناس اللي ورا ده مش بسيطة ولو حد اخذ باله إني معاك هيكون في خطر كبير على حياتك وانا مش عايزة ده يحصل يا ريت تبعد عني يا مصعب انا خايفه عليك!!
مصعب بيمسك يدها بقوة وهو بيتكلم بنبرة حاسمة
أنا معاك هجيب حقك. ومش مهم الخطر المهم إني جنبك دلوقتي واللي عايز يعرف يعرف انا مش بيهمني من حد ما تنسيش ان انا راجل صعيدي وعيب قوي انك تقوليلي كده انا عايزك تكوني جزء من حياتي
ميرنا تبتسم بخجل وتتكلم بهدوء مش عايزاك ترتبط بيا علشان ما تجيش في يوم من الأيام احس منك حاجه عكس الكلام ده هتعب قوي ممكن يحصل لي حاجه لو حسيت انك ممكن تبعد عني علشان السبب اللي أنت عرفته دلوقتي
مصعب علشان تصدقي وتقتنعي انا هكلم سيادة اللواء وكتب الكتاب هيكون خلال الأيام دي وهتكوني مراتي رسمي واما القضيه دي تخلص خالص نعمل فرح كبير قدام الناس كلها!
ميرنا تتنهد بارتياح وفي نفس الوقت بفرحه
أنا مش عارفه اقولك شكرا إزاي انا مش مصدقه ان أنت بتعمل كده علشاني !
في نفس الوقت خايفه اللي انا في دلوقتي يطلع حلم واقوم من الحلم ده الاقي الدنيا زي ما هي والواقع عمره ما هيتغير هتبقى بالنسبه لي الدنيا دي كابوس!
فجأة بتقرب منهم صوت عربيه وفي هجوم من المافيا ومصعب بيشاوي لميرنا بسرعه وبيدخلها البيت 
مصعب بصوت واطي وعينيه مركزه على ميرنا وهو بيقول لها
يللا نتحرك العصابه تقريبا عرفت مكاننا يلا بسرعه!
ميرنا بخوف وقال هنروح فين دلوقتي!
مصعب على الفيلا عند رامي يلا بسرعه هاتي الشنطه بتاعتك واركبي بسرعه ما فيش وقت 
ميرنا جابت الشنطه بتاعتها ومصعب قالها 
اطلعي جنبي بسرعه وطلعوا على الفيلا بتاعه رامي .
وصلوا للفيلا عند رامي كان مستنيه هو ومراته سارة وهم متوترين جدا وخايفين عليهم 
رامي بيضحك بخفة
أهلا بيكم في القلعة هنا محدش هيعرف إنكم موجودين لانكم مش مع أي حد
سارة تبتسم لميرنا وتقول بنعومةحمد لله إنك وصلت سالمه
تعالي يا حبيبتي نورتي البيت بيتك يا جميل
رامي رفعت حاجب بيقول لمصعب هو انت هتعمل لي فيها مؤدب واقف على الباب من امتى الادب ده يعني!
مصعب بعصبيه بلاش تستخف دم أمك يلا تعالى خد الشنط من العربيه خلصني!
رامي بعصبيه وبزعل احترمني شويه لاحظ ان سارة موجودة يعني بلاش قله الادب دي قدامها 
مصعب بهدوء سارة على عينه و راسي بس انت اللي مستفز خلص بقى 
رامي وهو بيطلع الشنط من العربيه قال خلاص يا عم دي حاجه مقرفه انا غلطان اصلا اللي استقبلتك عندي في بيتي
مصعب بيبص لميرنا بحنان وسارة بتضحك وتقول
سارة انا حاسه بحاجه يا حضره المقدم حاجه مش عاديه هو في إيه انا مش فاهماه!
مصعب يبتسم ما فيش حاجه يا ساره عامله إيه يا جميل 
رامي بغيرة ما تقولش لمراتي يا جميل
مصعب عصبيه لم نفسك ياض اختي اقول اللي انا عايز انت ما تتدخلش لو سمحت يا سارة خدي ميرنا ودخليها لحد بس ما عامل تليفون وهاجي وراكم!
ميرنا راحت مع سارة وكان الساكته خالص وفي نفس الوقت كانت مبسوطه من وجودها مع مصعب هي اول مره تحس بالامان ما حد غير ابوها من وقت الحادثه اللي حصلتلها وهي كل حاجه بالنسبه لها بقت سوداء.
مصعب
يا سيادة اللواء عايز اطلب من حضرتك طلب ممكن لو سمحت !
اللواء بقلق خير يا مصعب في حاجه ولا إيه ميرنا فيها حاجه حد ضايقكم!
مصعب هدوء لا سعادتك احنا روحنا البيت اللي في الصحراء بس حصل علينا هجوم ودلوقتي فيلا عند رامي وانا بطلب من حضرتك ايد الانسه ميرنا رسمي وهكتب الكتاب دلوقتي 
علشان مش هينفع نفضل كده مع بعض عايز
احميها واكون معاها ولو انجبرت إني اكون معاها في اوضه واحده تكون مراتي ما يكونش بعمل حاجه غلط او حرام انت عارف ان انا صعيدي واللي ما رضاهوش لاختي ما رضاهوش لبنات الناس !
اللواء يرد بهدوء
تمام يا مصعب جهز الأوراق وأنا هرتبلك كل حاجة وانا واثق فيك وبجد انت شاب كويس جدا ومحترم واي اب يتمناك لبنته بس في حاجات انت ما تعرفهاش يا حضره الظابط ولو عرفتها ممكن ترفض الجواز من بنتي!
مصعب رد عليه بسرعه وقال له عارف كل حاجه سيادتك الانسه ميرنا حكيتلي على كل حاجه وانا موافق واساعد حضرتك علشان نجيب حقها سوا!
اللواء بسعادة وامتنان قال شكرا قوي يا مصعب ربنا يبارك فيك ويكتر من امثالك يا حضره الظابط تمام جاهز كل حاجه وانا هاجيلك على ميعاد كتب الكتاب وربنا يقدم اللي فيه الخير!
قفل مع اللواء وبعد كده دخل اول ما شفيته سارة راحت عليه وقالتله هو في حاجه بينك وبين ميرنا انا حاسه بحاجه غريبه وانت مش عادتك انك بتتعامل مع البنات اصلا بالطريقه دي في إيه! في حاجه انت مخبيها عني انت مش على طول بتقول اني زي اختك بتخبي عليا ليه بقى يا ريس!
مصعب بصي طبعا انت اختي الصغيرة يا سارة وده ما فيهاش كلام ميرنا انا بحبها مش عارف ازاي وامتى وعايز اتجوزها كمان خايفه اجرحها وخايف اي حد يقرب منها يجرحها او يضايقها هي رقيقه جدا وجميله جدا اي نعم مشاغبه شويه بس انا بحب وعايزها وعايز احميها من نفسي ومن كل اللي حواليها
سارة بتضحك وتقول بابتسامة ماكرة
ده معناه إنك بتحبها يا مصعب. وشكله مش حب عادي ده عشق يعني يا عيني ده انت وقعت على بوزك 
ميرنا سمعت صوتهم جت عليهم وسالتهم وقالتلهم في حاجه حصلت!
مصعب
إنت هتكوني مراتي رسميا انا اتفقت مع سيادة اللواء على كده محدش يقدر يقربلك طول ما انت معايا 
ميرنا بصيت له وعينيها مليانه دموع وهي بتقول له انت مستعد يا مصعب خايفه تندم من اللي جاي هيكون صعب قوي مهما كنت بتحبني مش هتقدر انك تستحمل
مصعب قرب منها وحط ايديه على

كتفها وقاللها مش عايز اسمع منك الكلمه دي تاني وانا مش عايز اكون مع اي حد غيرك وانا راجل كلمتي واحده هنكون مع بعض حتى لو الدنيا كلها ضدنا!!
ميرنا تبتسم لأول مرة بثقة
معاك حتى لو الدنيا كلها ضدنا وانا مش هخاف لانك معايا !
بعد ساعة في صالون رامي وسارة قاعدين بيتكلموا مع مصعب وميرنا
رامي بيقلب في كوباية الشاي
حلوة الحياة هنا بس لو في معركة جاية هتكون نهايةالعالم مصعب بيه ناوي يتجوز خلاص الدنيا هتنتهي!
سارة بتضحك طب خد بالك من نفسك يا زوجي العزيز مصعب بيك يعمل منك كفته دلوقتي وانا مش هقدر احوش!
مصعب بيبص لميرنا بحب علشان هو اللي بيجيب لنفسه الشتيمه وقله الأدب!
ساره وهي فطسانه على نفسها من الضحك قالت حاسب بقى لاحظ ان هو جوزي ما ينفعش بقى الكلام ده خافي على نفسك يا ميرنا لان مصعب مش سهل هيبقى جوز صعب جدا وقاسي!
ميرنا بخوف من كلام ساره قالت بجد هتكون قاسي
مصعب بيضحك اكون قاسي على الدنيا كلها الا عليك انتي يا جميل!
ميرنا بتقوم و تقرب من مصعب تمسك إيده بهدوء انا عارفه ان انت اطيب قلب في الدنيا كلها وواثقه في ده
مصعب بيشد إيدها بحنية بيقولها بصوت هادي
هكتب كتابنا بسرعة عشان الدنيا تبقى رسميا مش عايز أي حاجة توقفنا وكمان صراحه كلامك الحلو ده هيخليني ما اقدرش امسك نفسي ونفس دي انا مش ضامنها قدام القمر ده!
ميرنا رجعت لطبعها القديم وقالتله لم نفسك علشان ما اعملش منك مكرونه بشاميل!
مصعب رفع حجبه طريقه المشاغبه بتاعتها وقال ما تبطلي قله أدب يا بت لاحظي ان انا ظابط حراسه يعني يوم ما هتكلم هتكلم بالسلاح وهدفنك هنا !
ميرنا بطيبه مصطنعه انا عارفه اني مش ههون عليك يا مصعبي!
مصعب بلاش الدلع ده ما تضحكيش العيال عليا وانت بطلي تضحكي عليا يا اختي عشان انا فاقسك !
رامي بيضحك وهو بيقول اعتبريني انا وسارة قاعدين دلوقتي ضيوف شرف دي احنا مش موجودين خالص خذوا راحتكم
سارة بتضحك حلوه قوي يا رامي خليهم يكملوا المشهد جامد والله ولا وقعت يا مصعب ولقيت اللي يرد عليك
مصعب بهدوء سارة خدي جوزك وروحي اي حته دلوقتي علشان انت عارفه لو اتعصبت انا هعمل في جوزك إيه!
ساره بخوف لا يا اخويا الطيب احسن يلا يا رامي انا مش ناقصه وجع دماغ من بتاع مصعب انت عارف الجنونه لو طلعت ممكن يعمل إيه!
بعد ما رامي وسارة طلعوا يجهزوا العشاء فى الصالون ميرنا قاعدة على الكنبة ومصعب قاعد جنبها بيبص في عينيها بنظرة كلها اهتمام وحب
مصعب بنبرة صادقة
ميرنا... أنا عارف إن اللي حصللك مش سهل وإنه في حاجات كتير أنت مش مستعدة تتكلمي فيها دلوقتي بس أنا هنا عايز أكون جنبك مهما كانت ظروف
ميرنا بتتنهدوبتبص في الأرض شوية وبعدين ترفع عينها لمصعبكنت دايما خايفة... ان حد يعرف حقيقتي 
مصعب بهدوء وبحزم
أنا مش زي أي حد ياميرنا انتي مش المفروض تخافي انتي المفروض ترفعي راسك لانك ما عملتيش حاجه غلط بالعكس 
... أنا احترمتك اكتر بسبب كل اللي مريتي بيه وبوعدك ما حدش هيقدر يأذيكي وانا هكون معاكي