رواية ندمانة إنك اتجوزتيه (كاملة جميع الفصول) بقلم الاء الواقع
إني عمري ما بخلط الأمور على بعض
النسب والقرابة حاجة والشغل والفلوس حاجة تانية خالص.
_ أهو اللي حصل.
رد عليه بيزعق
_ اللي حصل مش هيعدي بالساهل يا ابن السويدي وهتشوف.
في أوضة فيروز
_ هاجي أشوفك بكرة متقلقيش بس لازم أمشي دلوقتي.
_ ماشي.
طلعت ماهي وقابلت سارة والدة فيروز على باب الأوضة.
سارة هي عاملة إيه
_ والله يا طنط مش مبطلة عياط مش راضية تاكل ولا تاخد علاج حاولي معاها يمكن تستجيب لحضرتك.
_ أنا داخلة أهو خلي بالك من نفسك.
_ متقلقيش.
دخلت وقفلت الباب وراحت جنبها على السرير من غير ولا كلمة فقربت فيروز منها ونامت في حضنها.
سارة بحنية كده أحسن يا حبيبتي لو كنت كملتي معاه كنت هتموتي من الشك.
وبعدين إزاي تتمسكي بيه وهو بيبيعك
اتنهدت
_ أنا عارفة إنه مش وقته بس إنتي لازم تسمعي الكلام ده.
راجل لما بيبقى عايز واحدة بيعمل أي حاجة وكل حاجة ممكن تتعمل علشان يكون معاها.
موسي عايزها هي بدليل إنه ساب كل حاجة علشانها.
يبقى خلاص للي مش عايزنا منعوزهوش حتى لو روحنا فيه وصفحة اتقفلت.
الوقت بينسي وربك بيعوض يا فيروز إنت لسة صغيرة بكرة ربنا يرزقك براجل يتمنالك الرضى ترضي ولا يخليك تنامي أبدا وإنت دمعتك على خدك.
قومي بقى خدي شاور واقعدي كلي وفوقي لنفسك واللي في بطنك.
_ مش قادرة.
بعد مرور أسابيع....
موسي بضيق إنتي هتفضلي كده كتير
بصت له ببرود وقالت
_ كده إزاي
_ ساكتة!! ومش طايقني مش المفروض تكوني فرحانة أنا فضلتك عن كل حاجة يا منة.
_ فرحانة بس...
_ بس إيه فهميني
_ دماغي مش راحمني من يومها وأنا بحلم كل ليلة إن ابنك بيجي يقولي إني حرمته منك.
عيطت وقالت
_ وأنا أكتر واحدة جربت حرمان الأهل ودوقت مرارته
_ ابني أنا مش هسيبه وهشوفه وأقعد معاه وهبقى حياته ووقت ما يعوزني هيلاقي بلاش دماغك توديكي لبعيد مش كل ما نقرب خطوة نرجع مية لورا يا منة.
_ زهقت
_ لا بس خلاص عايزين نعيش والمشكلة اتحلت والدنيا كلها عرفت وطلاق وطلاقتها عايزاني أعمل إيه تاني علشان تبطلي عياط ونكد
_ تحبني
قام من جنبها وطلع البلكونة وهو بيقول
_ يارب الصبر من عندك.
قامت وراه وهي بتمسح دموعها وقالت
_ بطلت تحبني
جابها تحت دراعه وخنقها وهو بيقول
_ افصل دماغك عن جسمك علشان زهقت منها بصراحة بتتفنن إنها تنكد عليكي وعليا.
_ هموت يالهوي سيبني!
سابها وهو بيضحك.
منة بضيق وليه الغشم ده
_ وليه النكد خدي في بالك ممكن أطفش منك.
قربت خطوتين وهي بتتكلم بثقة
_ هتروح فين إنت كنت بتطفش في الدنيا كلها وتجيلي فأكيد أكيد طفشت مني وتجيلي برضو مش كده
ابتسم ولسه هيرد لكن الباب خبط وراح يفتح.
_ ماما!!!
اتفضلي.
دخلت قعدت في الصالة وعينها بتقيم البيت بهدوء.
موسي وحشتيني أوي يا منة تعالي دي ماما.
طلعت من بلكونته بهدوء وقالت
_ نورتينا أسيبكم تقعدوا براحتكم.
سابتهم ودخلت الأوضة.
ميادة مش هترجع بيتك بقى
ضحك وقال ما أنا في بيتي أهو.
_ بيتك!! طيب أنا عايزة أعرف اللعبة دي هتخلص إمتى
بص لها باستغراب وقال
_ لعبة لعبة إيه يا ماما أنتم اخترتوني وأنا اخترت وعايش حياتي ومبسوط يدايقكم إني أكون مبسوط.
تضايقت إن ابنك يكون مبسوط.
_ لا بس الوضع ملقاش بيك إنت ناسي إنك من عيلة السويدي أعرف من الناس إنك شغال كاشير في مطعم!!
ضحك وقال
_ إن شاء الله تتعدل. أديني بعتمد على نفسي وقدمت ورقي في كذا شركة ومستني
_ إنت بتهزر وعليك من ده باية
_ عايش متبهدل حبتين علشان عمري ما تعبت في حياتي بس مبسوط دلوقتي أكتر.
عارفة إنكم مش عايشين إنتوا محاطين في فيتارين بتتفرجوا على الدنيا لا مش هنعمل كده علشان شكلنا قدام الناس كل حاجة الناس طب وأنتم!!
ردت عليه بضيق
_ بقيت فيلسوف ساعدتك.
_ بقيت حر.
منة دخلت عليهم وفي إيدها صينية عليها كوبايتين عصير.
موسي تسلم إيدك اتفضلي.
_ لا شكرا مش عايزة أنا ماشية.
_ نورتينا الشوية دول.
نزل معاها لحد العربية وطلع لاقى منة قاعدة على كنبة راح قعد جنبها.
_ شكرا يا موسى.
_ على إيه
_ على كل حاجة على كل مرة اتمسكت بيا وفضلت مصمم عليا مع إن وجودي جنبك خسرك كل حاجة تقريبا.
_ إزاي يعني وأنا معايا كل حاجة حلوة دلوقتي
بصت له باستغراب فقال
_ إنتي كل حاجة حلوة في حياتي.
ابتسمت على كلماته وقربت منه طبعت بوسة على خده وقامت.
_ هعملك عشا إنما إيه حكاية...
حامد حكاية وانتهت مش كده يا فيروز
ابتسمت وقالت
_ أيوة متقلقش يا حبيبي.
_ ربنا يريح قلبك محتاجة حاجة
_ لا ربنا يخليك ليا.
ابتسم وطلع وقفل الباب وراه.
فيروز بصوت عالي يبني بطل لعب في بطني.
لمست بطنها بإيدها.
_ خلاص هانت كلها شهرين بكتير وأشوفك.
يارب تكون عسول... كده كده هتكون عسول وهحبك أكتر من أي حد في الدنيا حبيب ماما.
فيلا السويدي
محمد بضيق برضه عملتي اللي في دماغك وروحتي.
_ ابني وكان وحشني وبعدين ما أنت عمرك بتعمل اللي في دماغك وبس لحد ما خليته يمشي بعيد عني.
_ عايزني أوافق على بنت زي دي
_ عايزك توافق علشان خاطر ابنك موسى متبهدل وشكله مرهق.
_ هو اللي اختار يبقى يتحمل نتيجة اختياره واقفللي بقى على سيرة دي.
بعد مرور عدة شهور
_
_ أيوة.
موسي بابتسامة صوريني معاه يا فيروز.
_ طيب اقعد أنت من ساعة وما جيتش وأنت واقف بيه.
قعد على أقرب كرسي وطلع موبايله أدهوله.
وقفت تصورهم وهي مبتسمة.
_ اهي.
_ جميلة تسلمي. فيروز في حاجة كنت عايز أتكلم معاكي فيها
_ خير.
_ أي حاجة محمد يعوزها أنا متكفل بيها مش حابب أبدا حد يصرف على ابني غيري.
_ مالوش لازم إنت عندك بيت تاني
_ وده ابني ومصاريفه وأي حاجة تخصه عليا.
_ إنت بتعمل فرق ليه
_ مش بعمل فرق ولا حاجة وعارف إن أونكل حامد عمره ما هيقصر معاه بس أنا قادر الحمد لله أصرف عليه.
_ طيب يا موسى.
طبع بوسة على خده وقام أدهوله وهو بيقول
_ هجليك تاني يا حبيبي بعد إذنك.
في الدار
_ اليوم اللي بتجي فيه كل الولاد بتفرح ياريت لو تجيلهم كل يوم.
_ أنا بفرح أكتر منهم العيال دول إخواتي الصغيرين ياريت تقفوا معاهم علشان الدنيا برة الدار قاسية عليهم.
_ أنا بحاول بكل طاقتي.
_ وده واضح يا أستاذ سامح أستأذن أنا دلوقتي.
_ اتفضلي.
طلعت من الدار بعد ما سلمت على كل اللي فيه.
_ الحلوة ماشية لوحدها ليه مش خايفة تتعاكس
ضحكت لما سمعت صوته وقالت
_ والله إيه
رجعت خطوة لعنده مسكت إيده ميشوا.
_ القبض نزل وأديت فلوس لفيروز زي ما اتفقنا.
_ اسمها أديت فلوس لمحمد.
_ طيب بنتي بقى عاملة إيه في بطنك
_ مش مبطلة ضرب ورفس من الصبح.
_ براحتها.
اكتفيت إنها تبصله بضيق.
حامد سبيها براحتها.
فيروز ياريت أنا لسه مبقتش كويسة من العلاقة اللي فاتت وطلاقي ولسه مخلفة سبيني أستريح وأاخد نفسي.
ميرفت معاها حق يا ماما.
_ أنا بقول رأيي بس وهي حرة.
_ بالظبط سبوني على راحتي.
_ كده فلوس الإيجار وكده فلوس المياه
_ خديها ليكي.
_ لا هشيلها على فلوس الولادة وكده يبقوا تلاتة مقفولين.
الحمد
