رواية هتقعدي عند خالتك لغاية ماتتعودي (كاملة جميع الفصول) بقلم ضحي ناصر
ولو ولو برضو بخيل.
فتحت باب الشقة وأنا بعلي صوتي أشطر كتكوت في القارة والقارات المجاورة خلص إمتحانات وييييييييييي
صوت الويييي اتقطع لما لاقيت الكل قاعد ماما وبابا وخالتو والكائن الدحيح منة خير ياجماعة متجمعين عند النبي إن شاء الله بس خير
سلمت عليهم حضنت ماما وبابا واتكلمت بخوف في حاجة ولا ايه
ماما اتكلمت هو لازم يكون في حاجة بقالنا أربع شهور ماشوفناش ضحضوحة القمر فقولنا نيجي نعملها مفاجأة.
حضنتها تاني ده ايه المفاجأة القمر دي!
بابا اتكلم طب جهزي حاجتك يلا هنمشي.
النهاردة
مش خلصت إمتحانات يبقى هنمشي النهاردة انت عارفة ظروف شغلي.
تمام يابابا.
النهاردة الخميس هو خلص امبارح وأنا خلصت النهاردة فطبيعي إنه كان هيجي النهاردة بس شكلي همشي قبل ماشوفه وهيكونه شهرين يابخيل بجد هو منك لله يا بخيل.
كنت قاعدة في البلد نايمة أربعة وعشرين ساعة ولأول مرة أتمنى الأجازة تخلص بسرعة ايه ده أومال فين الإنجازات اللي هحققها في الإجازة فين الكورسات فين الكتب فين اللغة اللي هقويها فين التليفون أطمن على خالتو الجميلة
عاملة ايه يامنة
الحمد لله ياضحضوحة انت عاملة ايه ليك وحشة والله.
وانت كمان أومال خالتو عاملة ايه
كويسة بتسلم عليك خالص والله.
سكتت شوية وعمو عامل ايه
عمو مين
طبيعي البت تستغرب أنا أصلا معرفش اسم باباها ايه
سكتت شوية كانت بتفكر باين واتكلمت على فكرة أنا ممكن أقولك أخباره عادي جدا.
اتعدلت ع السرير بجد
مقابل كتاب.
استغلالية حقيرة.
عادي المهم موافقة
أكيد.
اتصاحبنا أنا ومنة أكتر بقت تحكيلي أخباره كل يوم وع حسب كلامها مفتقدني وحاجة كدة في قمة يا ألف نهار أبيض يا أستاذ ممتاز والله.
اتفقنا نعمل عليه خطة وكدة يمكن البعيد يحس أنا حقيقي معرفش ايه الخطة بس منة قالتلي ملكيش دعوة فأنا مليش دعوة.
مالك عاوز يكلمك.
احلفي
في
صح انت معاك حق أنا هتقل عاوزني في ايه بقى
منك لله اتكلمي معاه ببرود.
ليه يعني مش حرام ده أخوك حتى ماذا حدث لفتيات المسلمين
اتجاهلتني هدخل معاكم في المكالمة هو قاللي إنه هيقولك ألف سلامة ويعرف أخبارك.
ليه مين عيان
ضحى فوقي هيقولك ألف سلامة قوليله الله يسلمك وع كدة.
حاضر بس ماتزوقيش.
كلمني والكائن الحيوان ده ماسبناش أنا أصلا أستاهل إني دخلتها في الموضوع كان زماني بيقولي بغير خطاك أنت معي يموت جمال ألف طريق أستغفر الله العظيم يعني.
بس تعرفوا أول أما قاللي ألف سلامة ياضحى خفيت من المرض اللي مكنش عندي ده يااه ياولاد طلعت الكلمات بتحيي بجد.
رقمه رن فرديت السلام عليكم
وعليكم السلام أنا كنت بس عاوز أسألك عن أخبارك
بخير الحمد لله أنا هقفل بقى.
تمام
لسة كنت هقفل لاقيته زعق نفسي أفهم بس ايه مفهومك عن مواقع التواصل
استغربت مش فاهمة!
بصي اسمها تواصل اجتماعي بنعرف منها احنا عاملين ايه كويسين ولا لأ كدة يعني لو مش فاهمة
آه وبعدين
انت يابنتي هاجرة الفيس بتاعك مفيش بوست يوحد ربنا فيه.
أصل أنا عملاه للأصدقاء بس.
زعق وده ليه إن شاء الله مش في ناس عاوزة تطمن عليك
هو في ايه
ولا حاجة يا ضحى ولا حاجة اقفلي يلا يخربيت كدة.
ماله ده وهو ماله بالفيس بتاعي أصلا وهو بيخرب بيت كدة ليه كدة كان عمل له حاجة حاجة غريبة ياجدع والله الرجالة دول عليهم حركات!
ثانية...هو كان قلقان عليا
الأيام عدت ببطء شديد والكلية الكاريزما قالت هنزل النتيجة في الترم التاني فعلا العلم والعلماء مفيش كلام.
النهاردة راجعة القاهرة وياااه ع الفرحة ياجدع ده الإنسان مكنش عايش والله.
أيوة يعني مايجيش النهاردة ليه
هو بيجي الخميس ياضحى!
ايوة بس المفروض يجي يستقبلني أنا بنت خالته برضو أصلا أخوك ده مهزأ.
بصيتلي
اتوترت أكيد لأ يعني بحبه ايه ده مجرد إعجاب قولتلك!
طب عيني في عينك كدة!
يوووه يامنة
طب على فكرة هو كمان شكله بيحبك اوي اوي.
نطيت على سريرها مين قالك
يعني أحاسيسي التي لاتخطيء وكدة.
متأكدة
عيب عليك.
تاني يوم جه وجاب معاه بيتزا لأ ياجماعة ماطلعش مهزأ ده لطيف وقمر أصلا.
هو انت مشيت ليه بعد الإمتحانات
أكيد علشان مليش قاعدة هنا في الأجازة!
طب ممكن ماتمشيش تاني
اشمعنى
منغير ماتسألي ممكن
رفعت كتفي أكيد هيجي وقت وهمشي.
لأ أنا هتصرف.
هيتصرف يعمل ايه يعني مش فاهمة!
المهم النهاردة النتيجة والإنسان هيموت من التوتر فأكيد أخوه الإنسان اللطيف هيجيبهاله.
ها عملت ايه
شيلت حاجة
انت مابتردش ليه
والله العظيم أضربك بالحلة أبوظلك دماغك ماتنطق ياعم!
بصلي وابتسم جيد جدا يادحيحة.
احلف!
ضحك والله
لأ أنا هزغرط بس فكرني أحاسبك على خوفي ده.
الله وأنا مالي يالمبي
هو كدة مش عاجبك
ضحك لأ ازاي اي حاجة منك عجباني والله.
الحياة رجعت هادية تاني المذاكرة وكوبايتين الشاي وعدم فهمي للحاجة وتكراراها عشرين مرة الحقيقة ببقى فهماها بس بستعبط.
ولأول مرة أكون زعلانة لإن الترم بيخلص أنا شخص مابيحبش الدراسة وأجواء التوتر.
الإمتحانات جت بسرعة لإن الترم قصير جدا والسحلة جت بدري وليالي الإمتحانات اللي بعيط فيها كان كل يوم يجيبلي حاجة بحبها ويبعتلي بيت شعر ع الواتس وأنا بكتفي بابتسامة ومابردش هو ينفع الإنسان يعيش في الحياة الهادية
دي ع طول
خلصت إمتحانات.
آه.
ماما هتيجي بكرة تاخدني.
واخد بالي.
وبعدين
بعدين ايه
ولا قبلين ده أنت مهزأ.
أصلا ده كائن مهزأ وأنا غلطانة إني فكرته بيحبني وأنا اللي مهزأة ومنه لله الإنسان بجد.
رجعت تاني ورجعت ريما لعادتها
أنا مش فاهمة ليه بعيط عليه كدة عادي يعني راح واحد يجي عشرة بس لأ هو واحد بس لأ ع فكرة راح واحد يجي عشرة واللي خلقه خلق غيره.
الساعة كانت عشرة وكنت قاعدة في الجنينة لوحدي سمعت صوت جوا البيت والمفروض محدش هنا غير بابا وماما وقاعدين جوا! دخلت لاقيت شاب واقف وماكان لي غير الصوات...
يالهواااي حرامي يالهوي يمااا
اسكت اسكت يخربيتك هيموتوني.
مالك! انت ايه اللي جابك هنا
أصلي نسيت حاجة معاك فجيت أخودها
استغربت نسيت ايه
ابتسم قلبي.
ماله
نفخ لأ يارب مش وقت غباء لأ.
مش فاهمة إنت جاي لوحدك
لأ بابا جاي معايا وقاعد مع والدك جوا.
اي دا ليه
به انت بتشربي الغباء
لأ كله إلا الغلط معلش.
طلع مش مهزأ ياولاد وجاي يتقدملي وكدهون أصلا هو كيوت وأنا كنت ظلماه.
طبعا حوار التقل ده مينفعش في اللحظة دي لأني واقعة أصلا فبكل بساطة وسلامة نفس اتخطبنا.
أنا مهزأ بقى
لأ طبعا مين قال كدة
وقليل الذوق علشان مابحبش المحشي.
بصراحة آه في حد مايحبش المحشي
طب بصي كدة انت بتحبي الرافعي
استغربت آه ليه
أصل الرافعي قال فرحة العمر عند الفتاة أو الفتى حين تلتف الروح بالروح ويعانق القلب القلب تحت ظل ميثاق غليظ. ف ايه
ايه
مش هنعقد بقى ونكون تحت ظل ميثاق غليظ
لأ ياحبيبي انت مش محترم وهتقولي كلام خادش.
وطبعا طبعا كالعادة رأيي لا يعتد به وتم العقد بفضل الله.
مبارك ياعيوني.
ياعيوني! لأ لأ بلاش الكلمة دي.
قرب اشمعنى
الكلمة دي بتضعفني ولااا انت بتدخللي من ثغراتي.
أجمد ثغرات والله طب ايه
ايه
الرافعي بيقول ولروحك أنفاس تناسمني فأستنشقها مهما انصدعت المسافات بيننا!.
ايوة يعني ايه
لأ ماتستغبيش دلوقتي.
على فكرة الرافعي بيقول برضو إن في قلبي كلاما يسمع من غير أن أتكلم به.
رفع حاجبه وابتسم زي ايه
ابتسمت
ضحك ياسيدي ياسيدي وبقينا نفهم اهو.
ليت قلبي وقلبك يلتقيان لأفصح لك عما يعتريه قلبي من شوق لك.
ضحى_ناصر.
