رواية هتقعدي عند خالتك لغاية ماتتعودي (كاملة جميع الفصول) بقلم ضحي ناصر
هتقعدي عند خالتك لغاية ماتتعودي.
أتعود على ايه
على القاهرة ياضحى.
أنا مش طفلة صغيرة يعني وأكيد مش هتوه في القاهرة فهروح عند خالتو أعمل ايه
أكيد مش هتسكني لوحدك يعني! السنة الجاية لما تكوني صداقات ابقي اسكني معاهم.
واشمعنا خالتو برضو مش فاهمة!
يمكن عشان ملناش غيرها في القاهرة
بيجاااد
تخيلي!
أنا مش عاوزة أقعد مع خالتو أنا فيها ايه لما أقعد لوحدي! وأكون مع نفسي طول اليوم في الشقة أروح الكلية وأرجع أعمل أكل وأذاكر بهدوء إنما أكون مع خالتو وتقعد تقولي كلي ياضحى انت مابتكليش كويس ياضحى ماتشربيش قهوة ياضحى نامي بدري ياضحى هتصل على ماما يا ضحى لغاية أما أكره اسمي!
طب ماتعيدي تفكير تاني كدة ياماما هقعد مع ناس من الكلية.
عرفاهم
مانا هتعرف عليهم.
لأ لأ مستحيل مينفعش تقعدي مع حد مش عارفينه ولا عارفين أخلاقه.
نفخت بضيق هما هيشمموني يعني ياماما
لأ هيبهتوا عليك ياعيون ماما.
طب ما حمزة سكن في أول سنة ليه عادي.
رفعت كتفها ببساطة علشان ده ولد.
ياسلام يعني حلال للولد وحرام للبنت
أنا ماقولتش إنه حرام أنا قلت إني مش موافقة على المبدأ.
تفرق
جدا بعدين أنا مش فاهمة إنت مش عاوزة تقعدي عند خالتك ليه
علشان هتقعد تتحكم فيا بقى وأنا
رفعت حاجبها تقدري تتكلمي مع ماما عادي بس مع خالتو لأ
جاوبت بجدية طبعا ياماما يعني حضرتك أمي ودي تربيتك فمش هتزعلي إنما ليه نوري للناس إننا مش متربيين دي مش أخلاق لأ.
أنا عارفة مين هيجيبلي الضغط.
مين ياماما وأنا أشتمه
وغبيه كمان ياربي! امشي من وشي دلوقتي بس.
المهم إني مش هسكن عند خالتو مستحييييل.
مش فاهمة فكرة رفض السكن حقيقي مانا كدة كدة هتعرف عليهم في الكلية طب ماتعرف عليهم في السكن عادي! بعدين يعني ايه ده ولد حمزة أخويا ضايع أصلا ومش محترم!
طبعا لإن رأيي مهم للغاية ويقدر بثمن باهظ وهما بيقدروه الحقيقة جدا فاحنا رايحين دلوقتي لبيت خالتو على فكرة أنا محدش أجبرني أنا بس اللي فكرت في الموضوع ووافقت.
نزلنا من العربية وكان في وصلة بوس واحضان تأبى الانقطاع والله بس أنا قطعتها عادي.
ازيك يا ضحى
الحمد لله بخير ياخالتو حضرتك عاملة ايه
بخير ياحبيبي ادخلي يلا شكلك تعبانة.
آه والله ياخالتو جسمي مدغدغ.
ردت ماما تعبانة من ايه دي نايمة طول الطريق.
وصلة ماما بدأت بدري اوي! بقى كدة أخرتها ننشر غسيلنا المعفن قدام الناس
ردت خالتو ملكيش دعوة انت ماتدخليش بيني وبين بنت أختي.
أحسن ياماما أحسن أنا بدأت أحب خالتو دي.
ماما
ماتعمليش مشاكل ياضحى.
حاضر.
اسمعي كلام خالتك.
حاضر.
أوعي تخرجي مع واحدة صاحبتك ماتعرفيهاش ماتكليش حاجة فيها شوكلت علشان عندك حساسية كلي كويس و..
حضنتها وعيطت ماما ماتخديني معاك تاني بالله ومش هتكلم أصلا أنا مش عاوزة أتعلم.
ضحكت مش دي القاهرة اللي كان نفسك تيجيها
لأ لأ مش نفسي أجيها أنا عاوزة أرجع بيتنا.
همستلي النجاح بيستدعي تضحيات ياضحى ودي اول تضحية هتعمليها.
أنا يمكن كنت أوفر بس أنا فعلا عاوزة أرجع تاني دي أول مرة أخرج لوحدي أقعد في مكان غريب عني مش هشوف ماما بالشهور! ده شعور كفيل يخليني أعيط.
بعد ما خلصت وصلة العياط بتاعتي كانت الساعة 12 بالليل والكل كان نايم لبست الإسدال وخرجت أقعد شوية في البلكونة لكن سمعت الباب بيتفتح.
يالهواااي حرامي يالهوي يمااا
كان شاب...دخل وقعد على الكنبة كأنه بيت أهله ياعيني شكله سرق بيوت كتير وجاي يرتاح هنا قد ايه الشغل متعب وبيفرهد وطبعا لإني ماعرفش حاجة غير العياط والصويت فصوت وكله قام مخضوض والولا الحرامي كان
خالتو خرجت في ايه
شاورت عليه حرامي ياخالتو.
بصت عليه بعدين اتنهدت براحة كدة وقعدت وقالت لمنة تجيبله أكل قد ايه خالتو رحيمة وقلبها واسع ده كله والحرامي واقف مذبهل ومخضوض ياعيني.
همستلها خالتو إنتم مش هتضربوه وكدة
بصتلي باستغراب نضربه ليه
خالتو فوقي كدة انت لسة نايمة ولا ايه
يقوم الولا الحرامي اللي قاعد ياكل بكل سلام نفسي ده يقاطعني وهو بيقول لخالتو تسلم إيدك الأكل جميل.
إنتم مش هتضربوه بجد
خالتو قامت بصو أنا عاوزة أنام ومش فايقة ابقى فهمها يامالك.
عيوني ياماما.
لأ ثواني ماما مين مالك ايه هو ده مالك ابن خالتو!!!!! ياوجعة مربربة.
بصلي بنظرة شريرة كدة إنت ضحى بقى
اتوترت واتكلمت بصوت واطيآه.
صوتك واطي دلوقتي من شوية صحيت أمة لا إله إلا الله.
ماهو يعني...احم...ماهو أنا مكنتش أعرف حضرتك وإنك جاي وكدة.
مش ده بيتي بديهي آجي!
ماهو منة قالتلي إنك بتكون عند والدك وعايش معاه وكدة.
قام وقف ودخل الأوضة بكون عند والدي الأسبوع كله وباجي هنا خميس وجمعة وع العموم حصل خير يا ضحى.
هو أنا ليه حاسة إن الكل بيستغغلني هنا في ايه ياجماعة ماتتكلموا عدل جايبيني تهزأوني ولا
بس الشهادة لله الولا قمر سبحان الخالق أستغفر الله العظيم غضي
