حماتي قالت لجوزي حكايات بسمه

حماتي قالت إن جوزي لازم يجيب لأخته تلاجة جديدة، وأنا كنت لسه مغيرة تلاجتي بعد ما حوشت تمنها سنين فا جوزي بصلي بمنتهى البساطة وقال
هنبيع بتاعتك ونجيب لها واحدة.
فضلت باصة له ثواني، مش مصدقة اللي سمعته.
قلت له
بتاعتي أنا؟
رد كأنه بيتكلم عن كرسي قديم
آه يعني إيه المشكلة؟ إنتِ تستحملي شوية، وأختي محتاجة التلاجة دلوقتي.
ضحكت ضحكة قصيرة من الصدمة وقلت
أنا اللي حوشت تمنها من مرتبي، وأنا اللي كنت بشتغل ساعات إضافية عشان أجيبها. وإنت عايز تبيعها عشان أختك؟
دخلت حماتي في الكلام من غير حتى ما تستأذن
يا بنتي دي أخته! هو يعني لما يساعد أخته يبقى غلط؟ وبعدين التلاجة مش هتغلى عليكِ، إنتِ تقدري تعيشي من غيرها كام شهر.
بصيت لها وقلت
وأنا ليه أعيش من غيرها عشان هي تشتري واحدة جديدة؟
حماتي اتضايقت وقالت
إنتِ من ساعة ما اتجوزتي ابني وإنتِ بتحسبيه على كل حاجة!
الجملة دي وجعتني، خصوصًا إن أنا عمري ما حسبت جوزي على حاجة.
كنت دايمًا بعتبر فلوسنا فلوس بيتنا، وأي حاجة تخصه تخصني.
لكن واضح إن العكس ماكانش صحيح.
جوزي وقف قدام التلاجة وقال
خلاص يا سارة، ماتكبريش الموضوع. إحنا هنبيعها وخلاص.
بصيت له وقلت
طيب.
هو استغرب إني وافقت بسرعة.
حماتي ابتسمت بانتصار.
أهو كده الكلام! الست العاقلة بتعرف تقف جنب أهل جوزها.
ما رديتش.
دخلت أوضتي، وقعدت على السرير.
فضلت أفكر في كلمة واحدة
هنبيعها.
مش نشتري لأختي من فلوسي.
مش أنا هدبر لها.
لكن بكل بساطة، الحاجة اللي أنا تعبت سنين عشان أجيبها، بقت في نظرهم حق مكتسب لأخت جوزي.
تاني يوم، جوزي قال لي
في واحد هييجي يشوف التلاجة بالليل.
قلت له
تمام.
وبعدها سألته
والفلوس هتروح لمين؟
قال
لأختي طبعًا.
ابتسمت وقلت
ماشي.
دخل الحمام، وأنا طلعت موبايلي واتصلت برقم كنت محتفظة بيه من زمان.
ألو، أستاذ محمود؟ أنا جاهزة.
الراجل سكت لحظة وقال
حضرتك متأكدة من القرار؟
قلت
أيوه. نفّذ زي ما اتفقنا.
تاني يوم، أخدت أجازة من الشغل وروحت مكان ماحدش من عيلتي يعرفه.
كنت بخلص إجراءات تخص حاجة اشتريتها من فلوسي من أكتر من سنتين.
حاجة كنت مخبياها عن جوزي مش عشان أخونه أو أعمل حاجة غلط
لكن عشان كنت عارفة إنه لو عرف، ممكن يعتبرها حق للعيلة زي ما اعتبر تلاجتي حق لأخته.
رجعت البيت بالليل، لقيت حماتي وأخت جوزي قاعدين.
أخت جوزي كانت بتتكلم عن التلاجة الجديدة اللي اختارتها.
ولما شافتني قالت
معلش يا سارة، عارفة إن التلاجة بتاعتك جديدة، بس أنا فعلًا محتاجاها.
ابتسمت وقلت
ولا يهمك.
حماتي قالت
برافو عليكِ، كده بدأتِ تفهمي يعني إيه عيلة.
بصيت لجوزي وقلت
بالمناسبة أنا موافقة نبيع التلاجة.
ابتسم.
لكن قبل ما يتكلم، كملت
بس مش عشان نجيب لأختك واحدة.
وشه اتغير.
أمال؟
طلعت ورقة من شنطتي وحطيتها قدامهم على الترابيزة.
حماتي مسكتها وبصت فيها.
وبعد ثواني وشها اتغير تمامًا.
جوزي خطف الورقة من إيدها.
إيه ده؟
قلت بهدوء
دي ملكية الحاجة اللي اشتريتها من فلوسي.
سكت.
وبعدين بصيت له وقلت
أنا فعلًا قررت أبيع حاجة.
حماتي قربت مني وقالت
هتبيعي إيه؟
ابتسمت وقلت
الشقة اللي باسمي واللي إنتوا فاكرين إنها باسم جوزي.
جوزي قام مرة واحدة.
إنتِ بتقولي إيه؟!
بصيت له وقلت
حكايات بسمة
صلو علي النبيوقفت قدامه من غير ما أتحرك، وقلت بهدوء
أيوه الشقة باسمي أنا، ومشتريّاها قبل الجواز بفلوسي.
جوزي فضل باصص لي كأنه أول مرة يشوفني.
إنتِ كنتِ مخبية عليّا شقة؟!
رديت عليه
زي ما إنت كنت مخبي عني إنك شايف إن حاجتي ملك لأختك.
حماتي قامت من مكانها وقالت بعصبية
يعني إيه الكلام ده؟! دي مرات ابني، وإحنا عيلة واحدة!
ضحكت بسخرية
العيلة الواحدة بتطلب من بعض مش بتاخد من بعض.
أخت جوزي حاولت تتدخل
يا سارة، إحنا ماكناش نعرف إن عندك شقة أصلًا.
بصيت لها وقلت
وعشان كده بالذات ماحبتش أقول.
جوزي مسك الورقة تاني وقعد يقراها كلمة كلمة، وبعدها رفع عينه وقال
إنتِ ناوية تبيعيها؟
قلت
مش عارفة.
اتوتر وقال بسرعة
طب وإنتِ ليه أصلًا فكرتي تبيعيها؟
قربت منه خطوة وقلت
عشان كنت فاكرة إن الجواز معناه إن كل واحد فينا بيحمي التاني لكن لما اكتشفت إنك مستعد تبيع حاجة أنا تعبت فيها عشان ترضي أختك، فهمت إن لازم يكون عندي حاجة تحميني أنا كمان.
حماتي ضربت كف على كف وقالت
يا ابني، شوف مراتك بتعمل فيك إيه! مخبية عنك ملكية كاملة!
بصيت لها وقلت
وأنتِ كنتِ عايزاني أقول لكم على كل جنيه باسمي عشان يتحول لحق مكتسب؟
سكتت.
لكن جوزي فجأة قال جملة خلتني أعرف إن الموضوع أكبر من مجرد تلاجة
طب لو الشقة باسمك، إنتِ كنتِ ناوية تعملي بيها إيه من ورايا؟
ابتسمت ابتسامة هادية وقلت
أنا ماعملتش حاجة من وراك.
وسكت لحظة، ثم أضفت
بس في حاجة تانية إنت مش عارفها.
وشه اتشد.
إيه؟
طلعت ظرف تاني من شنطتي وحطيته جنب عقد الشقة.
المرة دي حماتي هي اللي مدّت إيدها بسرعة.
فتحت الظرف
ولما شافت اللي جواه، وشها اصفر.
وقالت بصوت متقطع
إنتِ عملتي ده إمتى؟حماتي فضلت ماسكة الورقة بإيد بتترعش، وقالت
ده ده إيصال حجز؟
بصيت لها وقلت
أيوه.
جوزي خطف الورقة منها بسرعة، وبدأ يقرأ.
كل ما كان بيكمل سطر، ملامحه كانت بتتغير أكتر.
إنتِ حاجزة شقة تانية كمان؟
قلت
لأ.
سكت لحظة، وبعدين بص لي باستغراب
أمال الورقة دي بتاعة إيه؟
رديت بمنتهى الهدوء
دي ورقة إلغاء التوكيل اللي كنت عاملاه لك على حسابي.
اتجمد مكانه.
توكيل إيه؟
قلت
التوكيل اللي عملته لك من سنتين، عشان كنت واثقة فيك.
حماتي بصت له، وبعدها بصت لي.
وإنتِ ليه تلغيه دلوقتي؟
قلت
لأني اكتشفت إن الثقة من غير حدود ممكن تتحول لاستغلال.
جوزي رمى الورقة على الترابيزة وقال بعصبية
إنتِ مكبرة الموضوع جدًا! إحنا كنا بنتكلم عن تلاجة!
ضحكت وقلت
لا يا كريم إحنا مش بنتكلم عن تلاجة.
وأشرت للعقد قدامه.
إحنا بنتكلم عن إنك شايف إن من حقك تبيع حاجة ملكي عشان تشتري حاجة لأختك.
سكت.
أخته بدأت تحس إن الموضوع خرج من إيدها، فقالت
خلاص يا جماعة، أنا مش عايزة التلاجة.
حماتي بصتلها بحدة
إنتِ مالك؟ اسكتي!
وبعدين رجعت بصت لي وقالت
يعني إنتِ ناوية تعاقبي ابني عشان وقف جنب أخته؟
قلت
أنا مش بعاقب حد.
وقفت وخدت عقد الشقة من على الترابيزة.
أنا بس لأول مرة، بحط حدود.
جوزي بص لي بنظرة غريبة، وقال
طيب لو أنا طلبت منك تبيعي الشقة فعلًا هتبيعيها؟
ابتسمت وقلت
السؤال مش أنا هبيعها ولا لأ.
قربت منه وقلت
السؤال الحقيقي إنت ليه كنت فاكر إنك تقدر تطلب مني كده أصلًا؟
ما لحقش يرد.
لأن جرس الباب رن.
جوزي راح يفتح، وبعد ثواني رجع واقف مكانه ووشه متغير.
كان وراه راجل غريب، ماسك ملف كبير.
قال بهدوء
أستاذ كريم؟ أنا جاي بخصوص المستندات اللي حضرتك مضيت عليها من سنتين.
بصيت لجوزي.
هو بص لي.
ولأول مرة، حسيت إن اللي مخبيه عني يمكن يكون أخطر بكتير من موضوع التلاجة الراجل دخل وقفل الباب وراه، وحط الملف على الترابيزة.
جوزي قال بتوتر
إيه المستندات دي؟
الراجل رد
المستندات اللي حضرتك وقّعت عليها وقت ما طلبت نقل ملكية الحساب الاستثماري.
أنا بصيت لجوزي بسرعة.
حساب استثماري؟
جوزي اتلخبط وقال
ده موضوع قديم مالوش علاقة بيكي.
قاطعته
مالوش علاقة بيا؟ ولا مالوش علاقة بالشقة؟
الراجل بص لنا الاتنين، وكأنه بدأ يفهم إن فيه حاجة غلط.
قال
على حد علمي، المبلغ اللي اتفتح بيه الحساب كان مرتبط بعقد الشقة.
سكت البيت كله.
أنا قربت من الملف وقلت
ممكن أشوف الأوراق؟
الراجل ناولني الملف.
قعدت أقلب الصفحات، لحد ما وصلت لورقة عليها توقيع جوزي.
وكان تحت التوقيع جملة واحدة خلت إيدي تتجمد
إقرار باستلام كامل المبلغ والتصرف فيه بالنيابة عن المالكة.
رفعت عيني لجوزي.
إنت استلمت فلوس باسمي؟
قال بسرعة
سارة، اسمعيني الأول
قاطعتُه
إنت استخدمت فلوسي في إيه؟
حماتي بدأت تتوتر وقالت
يا بنتي ما تكبريش الموضوع، أكيد ابني كان