رواية الوصية (كاملة جميع الفصول) بقلم ايات عبد الرحمن

الوصيه
جدي الله يرحمه ويغفر له ويسامحه كتب وصيه قبل ما يمو ت وقال فيها ان بعد وفاته بابا واعمامي الاربعه يهدوا البيت اللي عايشين فيه كلنا لان تحته كنز كبير اوي وغالي جدا
وبشرط ان مفيش حد يقرب من البيت دا غير بعد وفاته
كنت صغيره لسه بس كنت مدركه لكل حاجه حواليا وفاهمه كل حاجه في وقت والدي واعمامي بيقسموا في املاك جدي وهو عايش برغم ان البيت دا هو لوحده اللي تعب فيه
واتغرب ولا بابا ولا حد من اعمامي دفع جنيه واحد وساعده بيه
كنت بأسمع بابا واخواته وهما بيقسموا كل واحد هياخد مساحه من البيت دا ادد اي وكنت بشوف جدي وهو حزين من اولاده ومن طمعهم .
دا عايز يا اخذ حق دا ودا عايز يااخذ حق دا ومفيش تراضي بينهم مفيش قناعه
عمري ما شوفت حد فيهم مقتنع بأي حاجه اتقدمت ليه او اي حاجه معاه
لحد ما جه

يوم من الايام وجدي قرر يخرج عن صمته ويبوح بالسر اللي مخبيه طول عمره عنهم
وامرني ان اطلب منهم يتجمعوا في غرفه كانت مخصصه لجلساتهم مع بعض كلهم كأب واولاده
بينهم شغل او في تشاور في اي حاجه
كنت قاعده بينهم وبتابع كلامهم وهما بيسألوا ياتري هو عايز منهم اي و ليه مجمعهم كدا اكيد في حاجه مهمه جدا
دخل جدي وقال السلام وقعد وبعد كلمات كتيره دارت بينهم قال الكلمات دي
البيت دا تحته كنز وكنز كبير اوي وعشان يخرج لازم البيت دا يتهد الاول ولكن دا بعد وفاته
نظراتهم كانت مرعبه كإنهم بيتفقوا علي امر خطير بنظراتهم دي
حسيت جدي كمان مش متطمن 
رد والدي وقال طب ما نبدء من دلوقتي وبلاش ننتظر سنين طويله
الجد بضحكه غريبه لا مش دلوقتي قولت بعد وفاتي ويا عالم مش ممكن امو ت بعد دقايق لله الامر من قبل ومن بعد وقام وسابهم
همس بصوت هادي جدا ونظرات ما تطمنش ابدا
الليل دخل وانا في غرفتي لمحت خيال من تحت الباب بيمر وبعده خيال لحد ما مر والدي ومعاه اعمامي الاربعه
وطبعا دلوقتي الكل فهم ان هما دخلوا يتخلصوا من جدي ولكن دي هتكون مفاجأه 
في نهاية القصه
تاني يوم صحيت علي صوت صراخ وان جدي اتوفي
بابا واخواته ما كانش ظاهر عليهم اي صدمات ولا اي زعل علي والدهم اللي يعتبر مات فجأه دا
جدوا تم دفنه بأسرع وقت والعزاء كان مقتصر علي دفن جدي مفيش اي حاجه اتعملت عشانه ولا حتي شغلوا قرآن ولان بيتنا كان بعيد عن البلد وفي مكان لوحده كان سهل جدا عليهم هده
وترتيبهم لو حد سأل هيقولوا ان رجعوا من عزاء جدي ولقوا البيت بالشكل دا
المعدات كانت جاهزه وفي وقت قليل جدا كان البيت. متساوي .بالارض
ملحوظه البيت اخد ايام منهم مش ساعات
وبدؤا بالحفر عشان يوصلوا .للكنز دا وفعلا بعد الحفر بكام متر ظهر .تابوت كبير جدا ووووووووووو
بقلمي أيات الرحمنالوصيه 2
بابا و اعمامي في اقرب وقت كانوا جهزوا المعدات اللي هيتزال بيها البيت اللي اتزال في وقت قليل جدا وبالفعل بعد الحفر اتفاجؤا بتابوت كبير تحت البيت
ابتسامات كلها غدر كإنهم متفقين مع بعض هيتعاونوا لحد ما ينفذوا الوصيه وبعد كدا يقت لوا في بعض
مابقاش في امان في عيونهم كل ام خافت علي اولادها وقررت تااخذ اولادها لمكان بعيد لحد ما كل واحد يا اخذ نصيبه من الكنز دا ويرجع الامان بينهم تاني فنرجع تاني للبيت
التابوت كان ثقيل جدا جدا جدا بمعني الكلمة لدرجة ان مش قادرين هما الخمسه علي رفعه ودا طبعا بعد ما طلبوا من العمال يرجعوا لبيوتهم وهما هيكملوا في وقت تاني
بصعوبة كبيره جدا علي ما قدروا يخرجوه