رواية العزف على نياط القلوب الفصل الاخير - بقلم اماني سيد
حد بيفصل التكلفه هتبقى كام واعرفك وقتها الرنج بيكون كام
بجد ينفع تعملى كده عشانى
اه طبعا دى حاجة بسيطه وسهله كمان وممكن نعمل انا وانتى مشروع خياطه ونتشارك
انتى بتتكلمى بجد يا ليلى
أه طبعا لو انتى موافقه انا اشاركك اجيب الخامات وامسك الحسابات وانتى تبقى مسئوله عن التفصيل
وعيسى هيوافق انك تشتغلى
وليه لأ هو انا هعمل حاجه غلط وحتى لو اعترض انا هحاول اقنعه طالما انا حابه الموضوع ده
خلاص اتفقنا والمكان موجود انا ممكن اعمل الاوضه دى مصنع صغير نبدأ فيه ومش بس كده انا بقدر افصل أى موديل كمان ويبقى زى الجاهز بالظبطت
حلو اوى اوى وانا عندى صحاب وزمايل وقرايب ممكن نبدأ بيهم
خلاص اتفقنا
تعالى بقى نقعد واوريكى الموديلات اللى انا عايزاهت وسعرهم كام انا كنت هطلبهم اونلاين
عادت غاليه وجلست مره اخرى برفقه ليلى واخذت منها صور تلك الموديلات وفوجئت من اسعارها هينول بارت كمان تلات ساعات على صفحتى قصص وروايات أمانى سيد
فأسعار الخامات اقل من ذلك بكثير
ظلت تبحث غاليه وليلى عن اسعار الفساتين واخذهم الفضول معرفه سعر فستان غاليه الذى قامت بتفصيله
وضعت ليلى صورت الفستان على جوجل وأتى لها أكثر من فستان بنفس الشكل بأسعار متفاوته
تبدأ من ٤٠٠٠ جنيه الى ٩٠٠٠ الاف جنيه
صدمت غاليه من تلك الأسعار وظلت تضحك
انتى عارفه واقف تفصيله عليه بكام
بكام ٣٧٥ جنيه
بجد
اه والله انا مش مصدقه الاسعار دى
شعرت غاليه بفخر وثقه داخلها فهى كانت تفتقر لذلك التحفيذ الذى اعطته لها ليلى بشكل عفوى فهى لن تنسى تلك النظرات
وبالفعل قامت غاليه بعد ذلك بأخذ مقاسات غاليه وقررت أن تفصل لها فستان على ذوقها وتعطيه لها هديه لزواجها فهى لا تعرف ماذا أن تهادى فى مناسبات كتلك ولكن من المفترض أن تعطى هديه للعروس
قضت ليلى اليوم بأكمله برفقه غاليه وابنائها واتفقت انها ستمر عليها غدا صباحا حتى يكون الاولاد فى حضانتهم و تأخذها لشراء الاقمشه المطلوبه لتفصيل تلك الموديلات
وبالفعل ذهبت غاليه فى اليوم التالى برفقه ليلى واشتروا جميع المستلزمات وقامت ليلى بحسابها وجدت أنها اقل من نصف سعر الفستان المعروض
واشترت غاليه بعض الاقمشه التى وجدت عليها عروض كبيره نظرا لانها اقمشه صغيره الحجم ولكن غاليه كان لها وجهت نظر مختلفه
واشترت أيضا اقمشه اتصنع ذلك الفستان الذى ستعطيه هديه ليلى
بعد انتهائهم من شراء جميع احتياجاتهم قامت غاليه للذهاب للحضانه واخذت الاولاد وعادت للمنزل وقامت بتحضير الطعام وبعدها ذهبت للغرفه الخاصه بها
ولكن تلك المره كان الشغف مسيطر عليها
فى منزل رياض كان كل تفكيره منصب على غاليه وأنها الآن اصبحت حره ويستطيع التقرب منها دون الشعور بتأنيب الضمير
وستكون اول محاوله له يوم فرح عيسى
قام بعد ذلك بالاتصال بعيسى واخبره عيسى بموافقخ غاليه فى أن تعطيه الاولاد ليقضوا معه بعض الوقت
ازداد الشعور الداخلى لدى رياض بالأمل من عوده غاليه له
مر يومين وذهبت غاليه ليلى حتى تفرش معها منزلها وتعطيها تلك الثياب التى فصلتها له
الرابع عشر
ذهبت غاليه لمنزل ليلى واعطتها تلك الملابس التى قامت بتفصيلها لها
ارتدت ليلى تلك الملابس التى قامت غاليه بتفصيلها وعرضتها على اقاربها
اعجب الحاضرين بتلك الملابس وطلبوا من غاليه أن تفصل لهم هما الاخرين
ثم اعطتها ذلك الفستان الذى قامت بإهدائه لها مما جعل ليلى تشعر بفرحه من تلك المفاجأة
وبدأ الجميع فى الثناء على غاليه وعملها
حلوه اوى يا غاليه بجد انتى اللى مفصلاهم
اه والله أنا
اخت ليلى تحدثت بحماس
غاليه انا كمان عايزه زى بتاع ليلى بس لون مختلف
ثم قاطعتها ابنت خالتها
وانا كمان يا غاليه لو جبتلك طقم من على النت تعرفى تعملى زيه
اه اقدر اعمل أي موديل
بجد انتى هايله يا غاليه تعرفى انا كنت فاكره إن مهنه الخياطه دى خلاص راحت عليها وانقرضت بس انتى خلتينى أغير فكرتى عنها خالص
لا تعلم ماذا تفعل غاليه أو ماذا يجب أن تقول لهم على ذلك الاطراء الذى اغدقوها به سوا ان تبكى
اقتربت منها والده ليلى وضمتها
بتعيطى ليه بس المفروض تفرحى انا ليلى قالتلى على المشروع بتاعكم وانا متحمسه اوى ليكم وممكن لو احتاجتوا مساعدتى كمان اساعدكم بدون تردد بس على اد امكانياتى
ثم قامت وتحدثت بصوت خافت قريب من اذنها
ماينوبكيش فيا ثواب وتفصليلى فستان احضر بيه فرح البت دى بدل العبايات السودا اللى مش بغيرها دى ولا صعب
لأ طبعا اقدر افصلك حاجه
طيب انا هديكى مقاساتى واعمليلى على ذوقك وشوفى هتتكلف كام وحطى
اتفقنا قالتها غاليه بإبتسامه و اتفقت مع منال والده ليلى على أن منال ستتصل بيها وتعطيها المقاسات عن طريق الهاتف حتى لا يشعر ابنائها وتجعلها مفاجأة للجميع
ظل ريان ومالك يتجول فى المنزل ويحركوا الاشياء من اماكنها وقاموا بكسر احدى التحف
حاولت غاليه مرارا وتكرارا السيطرة عليهم لكنها لم تستطع
فشعرت بحرج وقررت أن تستأذن وتذهب لمنزلها
تحدثت إبنه خاله ليلى بعفويه
ليه ماسبتهمش مع جوزك على الاقل تبقى براحتك بدل مانتى عماله تجرى وراهم يمين شمال
لم تعرف بما تبرر او ماذا تقول
معلش المره الجايه بس باباهم مشغول دلوقتي عن اذنكم وهستنى تبعتولى صور الحاجه اللى عايزينها وانا اجهزهالكم
ثم استأذنت وخرجت من منزل ليلى وكلمه ابنت خالها ترن فى اذنها
اين ابيهم
وقامت ليلى ووالدتها بلوم ابنه اخيها على حديثها
وظلت غاليه مع افكارها
هل لو لم تنفصل من رياض كان سيوافق أن يتحمل معها مسئولية اولاده لكى تذهب هى حيث تشاء
مسئوليه الاولاد مرهقه ولكن الحياه معه كانت مرهقه أكثر
رياض لم يكن ليوافق على ما تفعله الآن فهو بالنسبه له من المستحيلات
اخذها الفضول لترى رده فعله عندما تعمل وتنجح هل سيتقبل الامر ويصمت أم سيحاول التدخل في شئونى
لكن حمدا لله إنه ليس لديه السلطه للتحكم بها مره اخرى لا هو لا أى شخص آخر ستحاول التأقلم مرارا وتكرارا حتى تنجح
تتمنى أن تنجح فى حياتها وتنجح فى ذلك المشروع
تتمنى أن ترى نظرات رياض لها ورد فعله عن ذلك التغيير وهو لا يملك حق سؤالها عن شئ
هل سيغضب هل سيتخيل أن من الممكن أن ابرر له افعالى كما كنت أفعل سابقا
شعرت بغرور بسيط داخلها جعلها مصممه على النجاح
ذهبت للمنزل وبعدها فتحت التلفاز لابنائها ووضعت لهم الطعام والالعاب وذهبت لغرفه الخياطه خاصتها
وبدات بتصميم ملابس أطفال بباقى القماش الفائض عندها حتى يكون عندها ملابس جاهزه
فى المساء اتصلت منال بغاليه واعطتها قياستها وابلغتها إنه لا حرج لها اذا لم تأتى رغم انها ستحزن من عدم وجودها لكن هى مقدره ظروفها بسبب وجود الاطفال لكن وعدتها أنها هى من ستذهب اليها
فى اليوم التالى وبعدها قام الاخرون بارسال بياناتهم لغاليه حتى تجهز ما طلبوه منها
بعد أن ارسلت الاولاد للحضانه ذهبت لتحضير الطعام بشكل سريع حتى لا تتاخر فى تحضيره بعد عودتها ولا يمر الوقت هباء فى انتظار موعد فتح المحلات
وبالفعل ذهبت غاليه وقامت بشراء القماش التى وجدته مناسب لها ولحجمها وسنها فى اشترت قماش هادئ ليس به كثيرا من المشغولات واهتمت بنوع القماش ان يكون فضفاض و غامق حتى لا يظهر اى عيوب وفى نفس الوقت به بعض الاشغال البسيطه
وبالفعل بعد انتهاء ما احتاجته من مشتريات جعلت البائع يعطيها فاتوره لكل مجموعه من المشتريات حتى ترسلها لمنال وترسل لكل
وبالفعل انتهت من مشترياتها وذهبت للحضانه واخذت الاولاد وعادت للمنزل وبدأت فى تجهيز الفستان الخاص بمنال
بعد وقت طويل انتهت من رسم الباترون وقصه وذهبت للنوم فى اليوم التالى استيقظت وقامت بخياطته ووضعت اللمسات الاخيره ولكنها لم تخبر منال قررت أن تنتظر أن تأتى لها وفى اليوم الثالث بدأت بتجهيز ملابس اخت وابنه خالت ليلى
فى نهايه الاسبوع أخبرتهم انها انتهت من تجهيزهم
وقرروا أن يذهبوا اليها حتى يروا ما صممته
وبالفعل ذهبوا لها واعطتهم غاليه الفواتير ولامتها ليلى على ذلك الفعل فهى اخبرتها أن تبلغهم بإجمالى السعر فهم يثقون بها فى البداية رفضت اخذ أجر على تعبها إلى أن قامت ليلى بمداعبتها بالحديث
غاليه انتى كده هتخلينا نخسر قبل ما نبدأ المشروع حرام عليكى
ثم نظرت لكل واحد منهم
يلا يا حلوه منك ليها مل واحدة تكلع فلوسها
وبالفعل قاموا البنات بحساب غاليه ٣٠٠ ج على كل فستان إلا منال غمزت لها أن لا تخبرهم بشئ
وفى منتصف جلستهم استاذنت منال انها تريد الخديث مع غاليه بمفردها ودخلت معها الغرفه قامت بقياس الفستان واعجبت جدا بتفصيله وكيف جعلها تخسر المزيد من وزنها
قامت منال بضم غاليه وشكرتها وظلت تثنى عليها من جمال الفستان وقررت أن تقابلها غدا لتأخذه منها حتى تكون مفاجأة لهم فى الزفاف واعطتها ضعف ما اعطوها الفتيات
وبعدها خرجوا للصاله وجلسوا سويا وطلبت ليلى من غاليه ان تأتى لها صباحا حتى تقضى اليوم معهم وتاتى الميكب ارتست لتقوم بتزينهم جميعا بما فيهم غاليه واصرت ليلى على حضور غاليه معها ووافقت غاليه وقرروا أن يتركوا الاطفال مع والد ووالدتت ليلى ووافقت منال أن تاخذ الاطفال وتهتم بهم وتاخذهم
وبالفعل فى اليوم التالى اتت لهم الميكب ارتست وجلسوا فى غرفه ليلى وظل الاطفال بالخارج مع والد ووالده ليلى يهتمون بهم واحبهم والدها كثيرا وقرر أن يجهزهم بنفسه للزفاف
شعرت غاليه بود والفه فى منزل ليلى لم تجده من قبل
ودلفت منال غرفتها وارتدت ذلك الفستان وقامت بوضح ملمس خفيف من المكياج على وجهها وكان هادئ ويناسب سنها كثيرا
خرجوا جميعا من الغرفه وتفاجئوا بهيئه منال
ظلوا يسمعوها كلمات غزل وتشجيع هم وزوجها أيضا الذى تفاجئ بهيئه زوجته الحديثه
انتى ناويه تغطى على العروسه
البركه فى غاليه بصراحه هى اللى اختارت وصممت
كانت الفتيات تلبس فساتين بسيطه وجميله وكانت ليلى تلبس فستان ابيض منفوش وكبير
بينما غاليه ارتدت فستان من الستان الاوف وايت مظرز من الصدر وبه ديل من الخلف والديل مثبت بحزام من الوسط
ووضعت لها الميكب مكياج يناسب وجهها عكس ذلك المكياج الذى وضعوه لها يوم زفافها
كان ذلك المكياج جرئ بعض الشئ ولكنه هادى
اتى عيسى واخذ ليلى وذهبوا
وصعدت غاليه سياره اخرى برفقه والد ليلى واختها ووالدتها وأطفال غاليه
مر الزفاف وكانت غاليه خاطفه للانظار بهاله الهدوء حولها وكان اولادها يمرحون فى القاعه هنا وهناك
وفى وسط الزفاف أتى رياض ولم يتعرف فى البداية على غاليه ظن أن تلك الفتاه تشبهها إلى أن اخذهم اولاده اليها
ياترى رد فعل رياض ايه ذهب رياض حفل الزفاف ولم يتعرف علي غاليه
فقد اندمجت غاليه مع الحاضرين فكل من يبدى اعجابه بفستان منال تخبرهم انه من تصميم غاليه وتعرفهم عليها ويذداد اعجابهم بها عندما يعلمون أن فستان غاليه أيضا من تصميمها
اقترب منها كثيرا من الفتيات وتبادلوا ارقام الهواتف
اصبحت غاليه ملتصقه بمنال وظن الحاضرين انها من اقاربهم فكانت مناس حريصه أن تجعلها تتحدث وتتفاعل مع الحاضرين
لم يكن هناك وقت لتفكر غاليه فيما يحدث او كيف عليها أن تتصرف فقط اصبحت تتعامل مع الجميع بتلقائية
وتساعد منال إذا احتاجت شئ
كان عيسى منشغل بالرقص مع اصدقائه وليلى مع اصدقائها واقاربها ومن حين لاخر تذهب غاليه لتشاهد ليلى ومره اخرى تذهب خلف ابنائها وباقى الوقت برفقه منال لتعرفها على اقربائهم
ظل رياض يشاهد من بعيد حركه غاليه وهى كالفراشه ويتسائل متى أصبحت بذلك الجمال وكيف لها أن تظهر امام الجميع بذلك الشكل المبهر
ماذا لو اعجب بها شخص ما واراد الارتباط بها
فى نفس الوقت كان يجلس عمها ويشاهدها ويحاول كبت غضبه حتى لا يفسد زفاف وفرحه ابنه
قام بالهمس لزوجته
روحى نادى غاليه
حاضر يا حاج
وبالفعل ذهبت زوجته وسط الحريم واخذت غاليه لتتحدث مع عمها
بدأ عمها فى النظر لها بغضب
ايه القرف اللى انتى لابساه ومهبباه فى نفسك ده ايه فاكره نفسك عيارك فلت ومالكيش كبير
ماله شكلى يا عمى منا لابسه حشمه ومداريه جسمى اهو
واللى فى وشك ده ايه
كل البنات عاملين كده وبعدين انا عامله كده عشان محدش يقول انى متضايقه من جواز عيسى
وانتى مش فارق معاكى جوزك يتجوز وغير كده انا واخد بالى من قربك من ام العروسه والعروسه ايه خايفه عيسى يقلب عليكى بعد ما يتجوز فبتحرى معاهم ناعم
ودى حاجه تزعلك انى ابقى كويسه مع ضرتى ده حتى ابنك هيعيش مرتاح من غير مشاكل
طيب اعملى حسابك بقى الايام اللى عيسى مش هيكون فيها موجود هتيجى تعيشى معايا تانى ما انا مش هسيبك عايشه لواحدك من غير راجل
لا يا عمى انا مش موافقه دى حاجة بينى وبين جوزى
نعم يعنى ايه ومن امته بتقوليلى لأ
بعد كده لما تقرر حاجه عنى مش عجبانى هقولك لأ انا مش مجبره اسمع كلامك وأجى على نفسى تانى
ولما اخد منك الاولاد تانى
مش فارقه أولا لو قررت تخطفهم تانى المره دى هبلغ عيسى واحكيله سبب جوازى منه كان ايه
ثانيا البلد فيها قانون
ثالثا الأطفال دى ليها اب ولما اعرفه أنهم اتخطفوا اكيد مش هيسكت خاصه إن علاقته بيهم قويه
رابعا يا عمى البيت اللى انا عايشه فيه ده بيت اهلى يعنى كمان محدش يقدر يخرجنى منه
من امته طلعلك صوت ومين اللى علمك الكلام ده
الايام والظلم علمونى كتير اوى اجبارك ليه انى اعمل كل حاجه على مزاجك وضغطك عليا وصلنى لكده ماتلومنيش بقى على تصرفاتى وأنى بحاول اعيش
حلو الكلام ده يا غاليه بس مش هيعدى كده وكلامنا مش دلوقتي لينا كلام تانى مع بعض
تركته غاليه ورحلت وهى غير مصدقة أنها هى من قالت ذلك الكلام
هل حقا استطاعت أن تتمالك نفسها وتقف امام عمها الذى جعلها دميه فى يد الجميع
تمنت لو تقابل رياض وتسمعه هو الآخر ما يحلو لها كما فعلت مع امها
لم تكمل الكلمه داخلها ووجدت
لا تعلم هل هو سعيد ام غاضب حسنا لا يهمك ففى كلا الأحوال هو ليس لديه أى سلطه عليها
كانت الابتسامه مرسومه على وجه غاليه لا اراديا وظن رياض انها تبتسم له فابتسم هو الاخر
مرت غاليه من جانبه دون أن تعيره أى اهتمام مما جعل الابتسامه تختفى وذهب خلفها مسرعا
وعت غاليه لتلك الابتسامه وخشت أن يظن رياض أنها له فقررت أن تتجاهله حتى لا يسئ فهمها
اقترب منها رياض وجذبها من معصمها لمكان هادى تحت اعتراضها
اسكتى عشان الناس ماتتلمش والفرح يبوظ انا مش هعملك حاجه انا عايز اكلمك بس
طيب سبنى وانا جايه معاك
وبالفعل ذهبوا سويا للخارج ليتحدثوا
خير يا رياض فى حاجة
إيه الجمال ده بس كنتى مخبياه فين
احترم نفسك انا ست متجوزه وعيب تتكلم معايا كده لو عايز تتكلم بخصوص الاولاد انا هرد عليك غير كده أنسى
ماشى يا غاليه نتكلم بخصوص الاولاد انا هاخدهم واسافر بعد الفرح انا كلمت عيسى وقالى إنك موافقه
اه فعلا ماعنديش مانع
خلاص هوصلك البيت اخد حاجه الاولاد عشان نسافر
لا وتتعب نفسك ليه الحاجه انا جايباها معايا تعالى خدها وخدهم وسافر
طيب لو حبيتى تكلميهم اتصلى عليا
لا منا عامله حسابى وحطالهم تلفوناتهم فى الشنطه
تعالى معايا
ذهب رياض خلفها وتوقفت عن رجل الامن الخاص بالقاعه
مساء الخير ممكن تدينى الشنطه اللى سبتها معاك وانا داخله واسفه لو ازعجتك
حاضر اتفضلى يا استاذه
ثم اعطاها تلك الحقيبه وقامت غاليه بإعطائها لرياض ثم تركته وذهبت دون أن تتحدث معه
ذهب رياض خلفها مره اخرى
طيب يلا اوصلك دلوقتي
وتوصلنى بأماره ايه
ابو ولادك
وطليقى يعنى مالكش دعوه بيا
بس كان فى عشره بينا يا غاليه
عشره سوده ومنيله و الافضل ليك إنك ماتفكرنيش بيها لأن بصراحه كل ما بفتكرها بتضايق على السنين اللى عشتها مع واحد زيك
تغاضى رياض من حديثها فهو كان يتوقعه لا يهم ماذا ستقول له أهم شئ أنها واقفه امامه وتتحدث اليه
بصى يا غاليه انا مش هسيبك تمشى لواحدك باليل كده وانتى زى القمر واكيد ممكن حد يعاكسك
ملكش دعوه وياريت نسبنى بدل ما اعلى صوتى وافرج عليك القاعه
طيب خلاص اهدى انتى مين هيوصلك
رياض أنت مابتفهمش مالكش دعوه بيا انت سامع انا ليه جوز مسئول منى
وقف رياض حائرا ماذا سيفعل مع ذلك العناد
ذهب ووضع حقيبه اطفاله فى سيارته وعاد مره اخرى للزفاف
وجدت غاليه تقف مع منال
بقولك ايه غاليه ابن اختى هيوصلك واخته هتكون راكبه معاكم مش هتسيبك لواحدك انا بصراحه ماضمنش انك تركبى عربيه لواحدك
اقترب منهم رياض زهو يشعر بغيره من حديث تلك المرأه فهو كان يرى نظرات ذلك الرجل اليها هل تلك المراه تريد أن يقتربوا من بعضهم
لا لن يعكى لهم تلك الفرصه
مافيش داعى يا مدام انا رياض والد اطفالها
وضغط على تلك الكلمه حتى يعطى اشاره لهم بعد الاقتراب
رأت منال غيره طليقها عليها ولكنها سمعت ما يكفى حتى يجعلها لا تأمن له معها
بص يا بنى ابن اختى وبنتها أنا بثق فيهم وعرفاهم ولو حصل حاجه هيكلمونى وغير كده غاليه ضيفه فى فرح بنتى يعنى مسئوله منى
وانت حيالله طليقها يعمى مالكش الحق تقول مين يوصلها ومين لأ
كانت النظرات حارقه بين منال وغاليه ورياض
وانا مش هقبل إن راجل غريب يوصلها ده يبقى ابن اختك انتى وانا اعرفه منين
معلش يعمى بصفتك ايه تقبل او لا انت حيالله طليقها
وابو ولادها ولو ركبت معايا كأن ولادها هما اللى بيوصلوها واعتقد أن اولادها اولى بيها
كان الاولاد وأقارب منال يقفوا يشاهدون ذلك النقاش الحاد
وانت يا ابن الناس لو كان ليك امان مكنتش اتطلقت منك انا ازاى اطمن عليها معاك
دى حاجة تخصنا بقى وبعدين ماهى عاشت معايا قبل كده وسليمه اهى لاهى ناقصه ايد ولا رجل
تحدثت غاليه ناهيه ذلك الحوار وواقفه فى صف منال
انتى كلامك صح معلش انا اركب معاك ليه انت اللى ليك عندى ولادك وانا كتير خيرى بيسبك تقابلهم وتسافر معاهم اكتر من كده لأ مالكش عندى حاجه وهركب معاهم هما ولو سمحت ماتدخلش مره تانيه فى حياتى انا موافقه اركب معاهم يلا بينا
ثم انطلقوا ثلاثتهم نحو سيارته
شعر رياض بالاحراج لكنه لم ييأس ولم يتركهم سويا
ذهب خلفهم بسيارته إلى أن وصلت للمنزل وغادر اقارب ليلى
نزل من سيارته واقترب منها
انتى قاصده تحرجينى يا غاليه بس ماشى هقبلها منك ولما اجى من السفر ليه كلام تانى معاكى هسيبك دلوقتي عشان الوقت اتاخر
ثم تركها ورحل
نظرت غاليه فى اثره بلا مبالاه هى لن تعيد الماضى مره اخرى
مر يومين وذهب عيسى لشهر العسل برفقه
قبل عوده عيسى قرر عم غاليه زيارتها حتى يحاول كسرها مره اخرى واعادتها لطوعه
ياترى هيقدر
