رواية حكايتي مع صهيب كاملة الفصول بقلم منى عبدالعزيز
اديها على صدرها تهدى نفسها اول ما سمعت صوته بيكلم حد فضلت مكانها مقدرتش تتحرك بتكلم نفسها.
الدنيا دي غريبة قوى وحكايتي اغرب منها بين يوم وليلة اتقلبت فوقاني تحتاني لكن الاغرب اللي انا فيه ده حاسة اني نايمة وكل ده حلم وهقوم منه ماهو محدش يصدق اللي انا فيه ارجع لأهلي واتجوز واحد لا يعرفني ولا اعرفه ويحصل اللي
حصل بنا كل ده في يوم وليلة مين
عاقل يصدق الكلام ده.
بعد شويه سمعت خبط وحد بينادي اتعدلت تسمع في ايه ولسه هتنزل من على السرير سمعت صوت قرب من باب الاوضة رجعت نامت زى ما كانت وغمضت عينها قلبها بيدق جامد وهي بتسمع كلام صهيب اللي نام جنبها من غير ما تشعر فردت اديها لينام صهيب لتشعر بالحرج منه تغمض عنيها تهرب من حرجها منه فضلت مغمضة لحدما راح فى النوم فتحت عنيها
وبتسالة جواها انت ايه حكايتك شكلك انت كمان طلعت محروم من الام والاب وصوتك موجوع حسيت بحړقة فيه ياتري ايه حكايتك فضلت بصه ليه وعينها بتتحرك على وشه بتبص لملمحه ومن غير ما تشعر رفعت اديها تملس على شعرة بعدتها بسرعه اول ما فاقت على نفسها غمضت عنيها بسرعه أول ما سمعت
صوته .
شلتي ايدك ليه ارجعى العبي بشعرى ولا قولك.
اتعدل في نومته قرب منها_ فتحي عيونك محروجه من ايه انا عاوزك تقعدي واحط راسي على رجلك وانام وانتي تلعبي بأيدك في شعرى.
غصن هزت راسها من غير ما تتكلم بهرب بعنها منه قامت قعدت على السرير وصهيب نام من غير ولا. كلمة عشان ما يحرجهاش اخد ايديها وحركها بشعرة وبعد ما بدءت هى تحرك اديها بشعره بعد ايده وغمض عينه وراح في النوم فضل وقت طويل نايم وهي تلعب في شعره كل
ما تبعد اديها يزوم.
غصن ابتسمت على حركاته وفضلت تحرك اديها بشعره لحد ما حست انه نام فعلا فضلت على قعدتها وصهيب نايم متحركش من مكانه وقت طويل قام بصعوبة على صوتها بتصحية وصوت رنته تليفونه ادير مد ايده على الكمودينه اخد التليفون واتكلم وهو نايم زى ماهو على رجليها.
صهيب_ ألو.
سمع صوت سليم_ انت نايم ولا على بالك وانا متبهدل بقالى ساعة على الطريق برة.
صهيب_ في ايه يا سليم على الصبح.
سليم_ في عجلة العربية نامت على الطريق ومعيش استبن وبقالي ساعة واقف مفيش عربية عدت.
صهيب اتعدل وهو بينفخ_ انت فين بالظبط هبعت خد يجيبك وبعدين نشوف مواله العربية دى.
سليم_ ماشي انا عند جنينة الفاكهة اللي على اول الطريق الترابي.
صهيب_ خلاص عرفت انت فين عشر دقايق هتلاقى حد جايلك يلا سلام.
صهيب قفل التليفون وبص لغصن _ خاليك زى ما انتي دقيقة وراجع. خرج برة الاستراحة نادى
على غفير سليم بيه عربيته عطلت عند اول الطريق خد عربية وسواق جيب سليم بيه والسواق يشوف العربية ويجبها ويجي وراء سليم.
الغفير_ حاضر جنابك تؤمر بحاجه تانية.
صهيب_ لاء متتاخرش تروح وتجي على طول.
مشي الغفير ودخل صهيب الاستراحة وقف عند باب اوضة النوم يبص على السرير مالقاش غصن الټفت وراه سمع صوت ماية جاية من الحمام قعد مكانه على الكنبة مسك علبة السجاير وشرب سېجارة خرجت غصن من الحمام بحرج اول ما شفته بيبص لها.
صهيب_ قومتي ليه من على السرير مش قلتلك متقوميش لحد ما ارجع.
غصن_ انا.
صهيب بضيق_ اسمعيني يا اسمك ايه انا ماكره ما عليا التهتهة وتاني حاجه كلامي ما يسمعش اول واخر مرة هقول الكلام ده.
غصن_ هزت راسها ومشيت ناحية اوضة النوم وقفها صهيب.
رايحه فين.
غصن_ ډخله الاوضة ابدل هدومي والبس حاجه تانيه.
صهيب تاني مرة لما اكون بكلمك تقفي تردى عليا كويس ومتمشيش غير لما اقولك آه اهلك
بعتوا الأكل ده اقعدي كلي قبل ما يجوا.
غصن_ طيب اغير هدومي مش مرتاحة في اللبس ده.
صهيب_ ادخلى لما نشوف اخرتها .
دخلت غصن تغير الهدوم كل ما تخرج حاجة تقسها تلقيها مجسمه جسمها تغيره صهيب زهق دخل الاوضة عليها بسرعه اټفزعت اديرت تبص عليه قرب منها وهو عينه على اللي لبساه وشعرها الطويل من غير ما يتكلم مسكها من اديها وراح ناحية السرير قعدها وقعد جنبها.
كل ده بتغيري هدومك.
آسفه والله ڠصب عني كل ما ابس حاجه القيها ضيقه وخفيفة.
وفيها يعني لما تبق خفيفة الدنيا حر عادي لما تلبسي خفيف مس شايفاني
غصن بخجل اول ما عنيها_ ها اصل انا..
صهيب_ اصل ايه بس هو لسه هتقولي اصل ونيمها على السرير ونام جنبها قام بصعوبة يلعن اللي بيخبط على الباب.
يوهه دا وقته اخد قميصه من على الكرسي لبسه وفتح الباب لقي سليم وقف قدام الباب.
سليم_ ساعة ياصهيب بخبط على الباب كنت بتعمل ايه دا كله.
صهيب_ وطي صوتك وادخل هفهمك كل حاجه.
دخل سليم شاف صنيه على الطرابيزة قرب منها ايه ده مجهر لي الفطار انا واقع من الجوع.
رفع الغطا من على الصنية وصفر_ ايه ده بط وحمام وفطير ولحمه وروز معمر دا ولا فطار صباحية عريس.
صهيب_ اديك قولتها فطار عريس يعني تخلي عندك ډم وماتمدش ايدك عليه.
سليم وهو بيشمر كمه وقعد ياكل_ هو فين العريس ده ويا عم ما امدش ايدى ايه يا بني انا قتيل الصنية دى واعتبرني عريس.
صهيب هز راسة_ وقعد قصاده فين
الهدوم اللي قولتلك عليها.
سليم_ اخ نسيتهم في العربية اتصل على السواق او ابعت حد يجبهم بس الأول فهمني عاوزهم ليه ومختفي بقالك يومين هنا ليه.
صهيب_ لغ انت على ما اشوف السواق جاب العربية عاوز اغير بقالي يومين لابس الهدوم دي لما رحتهم طلعت.
سليم شاور بأيده وبأيده التانية مسك حمامه بيأكل منها.
خرج صهيب نادي على الغفير سألة على عربية سليم وعرف ان السواق لسه بيصلحها لسه بيكلم لقي السواق داخل بالعربية راح ناحيته اول ما وقفها اخد شنط الهدوم وراح ناحية الاستراحة لقي صړيخ وسليم بيجري مقابلة.
صهيب_ في ايه طالع بتجري كده ليه وايه الصړيخ ده.
سليم وهو بيحاول يبلع الأكل مين اللي جوه دي.
صهيب دخل بسرعة دخل الهدوم وراح ناحية الاوضة لقي غصن لبسه النقاب ومبدله هدومها وبتنفض من
الخضة راح ناحيتها_ حصل ايه.
غصن بصوت مخڼوق من البكاء_ معرفش والله ان في حد بره انا غيرت هدومي وكنت طلعه عادي من الاوضة لقيت واحد غريب قاعد ياكل اټفزعت ودخلت الأوضة بسرعه .
صهيب_ طيب اهدي خلاص مفيش حاجه ده سليم صحبي جيبلي هدوم عشان اغير وكان جعان قعد ياكل اهدي وخدي نفسك واطلعي كلي انا هاخده برة مش هيدخل هنا اقعدي برحتك.
خرج صهيب وصل عند الباب وقف ورد لغصن وقف قدمها وبعصبية_ لما شافك كنت لبسة ايه.
غصن رفعت صبعها_ والله العظيم
مكنت اعرف انه برة لبست جلبيه وطرحه وطلعت اشرب شفته صړخت ودخلت الأوضة وملحقش
يشفني.
صهيب ابتسم وطبطب على كتفها خلاص مصدقك يرفع ايده يمسح دموعها يلا قومي كلي.
ومشي ناحية باب الأوضة لتوقفه غصن_ وانت.
صهيب اتلفت ليها وانا ايه.
غصن
قربت منه اخدت علبة السجاير من ايده_ انت مكلتش نازل شرب في البتاعة دى ومحطتش حاجه في جوفك.
صهيب قلبه دق قرب منها_ وايه عرفك اني مااكلتش.
صهيب قرب منها وقلبه بيدق_ انت مركزه معايا بقي.
غصن بحرج مشيت من قدامه_ هتاكل ولا لاء.
خرج لسليم اللي اول ما شافه_ صهيب مين اللي جوه دى انت جايب وحده من اياهم هنا المزرعة مش خاېف من عمك.
صهيب_ وطي صوتك ياغبي واللي جوه دى تبقي مراتي وانت بنفسك قلت الفطار فطار عرايس.
سليم_ نعم مراتك طيب ازاي وامته وليه معرفتنيش.
صهيب استناني هنا هدخل أخد شور سريع مش طايق اقعد بالهدوم دى دقيقه كمان وهفهمك كل حاجه.
سليم متتاخرش
وابق جيب صنيه الاكل معاك وانت جاي.
دخل صهيب لقي غصن قاعده وقفت اول ما دخل قرب منها بص للأكل وليها مأكلتيش ليه.
غصن_ها أبدا بس قلت استناك.
صهيب انا فعلا جعان بس مش أكل.
غصن بعدم فهم_ هو في جوع مش للأكل.
صهيب قرب منها_ ايوه فيه بس للأسف مش هينفع اعرف هولك دلوقتي انا داخل اخد شاور طلعيلي هدوم من الشنط دى على ما اخلص.
غصن_ ها.
صهيب_ هستحمى طلعيلي غيار من الكيس.
دخل صهيب الحمام اخد شور ونادي على غصن تناوله الهدوم فتح الباب لأفف وسطه ببشكير قربت غصن بحرج مدت اديها بالهدوم ضحك صهيب من شكلها وهي مغمضة عنيها اخد الهدوم منها لبسها ومشي ناحية الثلاجة أخد كيس الاكل وخرج لسليم حكي ليه كل حاجه حصلت.
صهيب_ الكيس ده في الاكل عاوزك تقف بنفسك على ايد دكتور احمد وهو بيحلله النتيجة تظهر تبعت هالي وتس في لحظتها.
سليم_ صهيب براحه عليا انا عقلي هيشت مني كل الاحداث دى تحصل
مرة وحده وانت قاعد كده هادي.
صهيب_ عارف ياسليم انا مستغرب نفسي أوي مستسلم لكل حاجه بتحصل حتي لما اعترضت اقنعوني بسهوله من غير ادني محاولة مني للرفض مرة تانية الغريب ان في حاجه جوايا مخلياني موافق افضل
سليم_ انا مش مصدق اللي بسمعه معقولة انت اللي بتقول كده طيب اريام قادر كده تفضل الوقت ده كله بعيد عنها.
صهيب_ لاء طبعا انا كل ساعه بفتح التليفون اطمن عليها افهمني ياسليم اللي انا فيه ده حاجه مش فاهمها البنت اللي جوه دى فيها حاجه بتشدني ليها محستش باللي بحسه معها مع اي ست من اللي عرفتها حتي أريام نفسها تخيل المفروض مقلش الكلام ده بس انا قارنت بين ليلة ډخلتنا انا واريام وليلة امبارح رغم الضغط اللي كنت فيه من عمي واني أثبت رجولتي قدام أهل البلد الا اني كنت طاير من السعادة وانا اول حد لمسها حاجه كده حلوه في كل حاجه عجينه بتشكلها بإيدك رغم حبي لأريام
وعشقي ليها واني عارف انه كان ڠصب عنها وقبلتها زي ماهي بس الحته
دي بالذات محستش بيها غير
ليلة امبارح.
سليم_ يعني ايه كان ڠصب عنها وبكلامك ده معني كده ان اريام بالنسبالك خلاص.
صهيب_ بطل جنان ياسليم أريام دي حب عمري ولا مليون ست يقدروا ياخدوا مكانها انا بقولك على اللي حاسس بيه.
سليم_ رغم كل ده انا فرحان عشانك اوي يا صهيب فرحان انك اخيرا بعدت عن مستنقع الحضيض اللي كنت بتحط فيه نفسك كل ليلة فرحان انك اخيرا رجعت صهيب صحبي اللي بيثق فيا وبيحكي عن اللي جواه متعرفش انا كنت مفتقدك قد ايه.
صهيب للدرجادي
سليم_ من يوم ما استقلت من الشرطة وسافرت بأريام من غير ما تقولنا ولا مرة تحكي عن اللي جواك.
صهيب_ وقتها مكنش ينفع اقول لحد ولولي الموضوع
كان مهم مكنتش سبت الشرطة ابدا انت عارف قدايه
انا كنت ظابط كفئ بس اللي حصل وقتها كان هيقضي على مركزي واسمى ويدمر عمي اتفقت مع رؤسائي ان الموضوع يتقفل واقدم استقالتي واسافر برة البلد فترة.
سليم_ وايه حصل لكل ده وعمك ماله.
صهيب_ انا هحكيلك اللي فضلت شايلة طول عمري ومخبيه بس اوعدني محدش يعرف مهما حصل.
سليم_ اوعدك.
اول مره مكنتش واعي كفاية عشان اعرف ايه حصل وقتها مرة تانيه نجحت جيداء انها تمثل اني خنت ثقتها لما شفتنا مع بعض نجحت لدرجة انها خالتني اترجها توافق على الجواز وهي فضلت تمثل لحد طبعا انتهي الموضوع بالضغط على عمي بالجواز وتجوزنا بسرعه كل ده وأنا مغيب معرفش ان أريام تخيل شهور وانا عايش معها غير سنين قبلها. حب وغرام ومعرفتش ولا لحظت اي عرض عليها لحد اليوم اللي اتقبض عليها وهي بتشتري من ديلر كان متراقب وعشان القادة عارفين انا مين تم تسوية الموضوع وقدمت استقالتي وسافرت بيها خمس سنين امريكا قضينا سنة ﻜاملة تتعالج كنا بننزل مصر كل كام شهر عشان عمي وبنفس الوقت نفسية اريام تتعدل لحد الحمدلله تعافت تماما ورجعت ليا وبقت عاوزة تعوضني عن اللي حصلها بأي طريقه لكن جيداء كانت دايما بتنجح في السيطرة على أريام خلتها ترفض تحمل وتقلها عيشي حياتك ومستقبلك الرجالة مش مضمونه انا للأسف كنت اتشغلت في تأسيس الشركة وداخلنا مشروع كبير اخد كل وقتي وقتها جيداء نجحت بجدارة تقنع أريام بالدراسة والماجستير وكل يوم والتاني سهرات وتعرفت على صحبتها والباقي انت عارفه رغم كل ده عمر حبها ما قل بالعكس كل يوم بيزيد حتي لما كنت بعمل اللي بعمله كل ليلة كنت برجع مخڼوق ومدايق واجري عليها اطلب منها السماح الغريب الليلة دي محصلش صحيح اعتذرت منها لكن مندمتش ولو للحظه بالعكس سعيد بوجودي هنا ولأول مرة من سنين اكون مرتاح بالشكل ده.
سليم_ كل ده شايله في قلبك.
صهيب عينه على الاستراحة مخدش باله من كلام سليم.
سليم_ ههههه الاااه اللاه الااااااااه ده الموضوع كبير اوي.
صهيب التلفت ليه_ بتقول حاجه ياسليم.
سليم_ بقول اللي واخد عقلك.
صهيب وهو بيحرك رقبته _ سليم متخلنيش اعملها معاك.
سليم_ انا بقول كل كويس شكلك هفتان.
صهيب_ بقلك ايه الوقت اتأخر والضهر آذن من بدري
والاكل بقالة فترة في الكيس ممكن ريحته تتغير قوم يدوب تلحق توصل ومتنساش النتيجة توصلني في لحظه طلوعها.
سليم_ بقي بدل ما تمسك فيا وتقولي اقعد كل.
صهيب_ ابق كل في بيتكم.
سليم_ ههههه مبروك ياصهيب الف مبروك انا همشي بس خالي بالك انا سايب صنيه الأكل بمزاجي.
صهيب_ مع السلامة يا سليم.
غصن بخجل هزت راسها ومردتش عليه ضحك صهيب وقام وقف هخرج اجيب صنيه الأكل وأجي ناكل لقمة نسد بيها جوع بطننا.
غصن قامت عدلت نفسها وقامت من على السرير اخدت هدوم ودخل صهيب شايل الصنية حطها على السرير_ رايحه فين.
غصن_ الحمام.
صهيب_ تعالي الاول ناكل لقمة قبل ما اهلك يجوا.
غصن_ اغسل ايديا واجي.
صهيب_ متتأخريش انا واقع من الجوع
غصن غسلت اديها ورجعت لصهيب لقته قاعد مستنيها وبقه سېجارة اول ما شفها دخلت الاوضة طلع السېجارة من
بقه وطفها بالطافيه وشاور ليها تقعد على السرير وقعد ياكل وكل شوية يبص عليها يلقيها بتأكل وعنيها على الارض
صهيب_
ايه مش بتكلي ليه.
غصن_ اصلي مش جعانه أوي
صهيب_ طيب لو عاوزه تروحي الحمام تغيري روحي وابقي رتبي الاستراحة ونضفيها كويس قبل الضيوف ما يجوا.
غصن راحت عند الشنطة اخدت فستان طويل لونه ازرق وطرحه وراحت للحمام بعد شويه خرجت تروق الصالة ودخلت الأوضة لقت صهيب نايم وصنة الأكل قدامه على السرير قربت بشويش شالت الصنية
وخرجت بعد ما عدلت نومته.
عدي وقت واذن العصر قامت غصن دخلت الاوضة صحت صهيب من النوم.
فاق صهيب دخل اخد شور وغير هدومه وقعد على الكرسي وغصن كانت بتصلي غصن بعد ما خلصت صلاة بصت علي صهيب لقته ماسك تليفونه ومركز فيه.
غصن_ اسيب المصلية تصلي عليها.
صهيب مركز في التليفون مردتش عليها وقفت ومشيت نحيته.
_ مش هتصلي
_ شويه شوية اخلص اللي في ايدى.
_ وقت العصر قصير صلي الاول واي
حاجه تتأجل.
صهيب_ بقلك ايه روحي للاوضه نضفيها وشيلي الهدوم نظميها. على
مهلك قبل الجماعة ما يجوا.
غصن بصت ليه بحزن ودخلت الأوضة عيونها بدمع رتبت السرير
ونظمت الأوضة خرجت على صوته ينادي عليها.
يا يا اسمك ايه.
غصن اسمي غصن مش اسمك ايه.
ههههه ههههه مالك زعلانه ليه كده ملحقتش اعرف اسمك مفيهاش حاجه تزعل.
مجراش حاجه بس انت سألت ليلة امبارح وقلتلك اسمي غصن.
طيب بزمتك انا هفتكر اسمك من ليلة امبارح.
بضيق منه نديت عليه خير في حاجه.
ايوه ادخلى المطبخ شفي في قهوة اعمليلي فنجان قهوة سادة عندي صداع مش
قادر افتح عنيا منه.
دخلت المطبخ وقفت تبص حواليها م مش عارفه تعمل ايه فتحت العلب الموجودة.
غصن_ مش عارفة اعمل ايه واقوله ايه انا عمرى ما شافت القهوة ولا اعرف بتتعمل ازاي هي مرة شربتها عند خالتي ام منصور وقالتلي على عميلها ازاي والبراد بتعها معرفش اسمه ايه كده.
صهيب من برة_ كل ده بتعملي القهوة دى
مبتخدش خمس دقايق!.
غصن أتوترت اكتر بصت في كل العلب ملقتش فيهم حاجه خرجت ليه ماسكه العلبة_ دورت في كل العلب ملقتش حاجه.
نفخ بصيق وحط تليفونه على الطرابيزة ودخل اوضة النوم اخد محفظة الفلوس وخرج ينادي على غفير جاله غفير_ اداله فلوس وقاله اشتري قهوة وشاي وحاجه سأقعه متتاخرش .
غصن بعد ما صهيب خرج قعدت على الكنبة شافت صورة على التليفون لبنت جميلة لبسه فستان فرح مسكت التليفون وبصت في الصورة_ دى حلوة قوى ياتري هي مين دي مراته ولا مين!
حطت التليفون مكانه اول ما فتح الباب.
صهيب بص لليها وللتليفون قعد على الكنبة جنبها شوية وراح نام على الكنبة وحط راسه على رجليها ومسك اديها وحطها على شعره.
غصن بعدت ايدها وديرت وشها الناحية التانيهكل ما يمسك اديها تبعدها عنه.
صهيب اتعدل وبص ليها باستغراب_ بتبعدي ايدك ليه ومالك مديرة وشك للنحية التانية ليه.
غصن بدفعه_ عشان ميردنيش الحال المايل قربنا على المغرب ولحد دلوقتي مصلتش وبدل ما تقلق قاعد
صهيب بعصبية وقف ومسكها من اديها جامد وقفها اتألمت من مسكته_ انتي ازاي ترفعي صوتك عليا ومالك انت بصلي ولا مصليش متدخليش أنا حر فاهمه.
لا مش فاهمه وهدخل ابلة سناء قالت الرسول عليه افضل الصلاة والسلام قال من راء منكم منكرا فليغيره وانت بتشرب سجاير ومش بتصلي.
صهيب ضغط على اديها_ تاني بتعلي صوتك تاني.
غصن_ آه سيب دراعي بتوجعني
بدل ما انت بتزعق كده الحق روح اتوضي وصلي دى الصلاة هي الدين ربنا بيفتح على البنأدم وبرزقة ويجعل ليه القبول في الأرض بعد كل. صلاة بس شكلك لا مؤاخذة قليل صلاة وأنا مقدرش اقرب منك ولا اقعد معاك في مكان.
صهيب قطع كلامها ونزل على وشها بالقلم صوابعه علمت على وشها واتكلم بعصبية_ مين انت عشان تكلمني بالشكل ده
سكت وزقها وقعت على الكنبة بۏجع مع سماعة صوت خبط على الباب.
غصن اول ما راح يفتح الباب دخلت الاوضة رمت نفسها على السرير تبكي بحرقه.
فتح الباب بعصبية لقي الغفير جايب الحاجات اخدها وقفل الباب ودخل حط الحاجه على الطرابيزة بص عليها لقها دخلت الاوضة دخل وراها وبصوت عالي.
انت ازاي تدخلي من غير ما اخلص كلامي.
مشي كام خطوة ووقف مكانه
اول ما سمع صوت عمه بينادي عليه وبيرحب بحد برة الاستراحة.
يتبع
حكايتى مع صهيب بقلم منى عبدالعزيز الفصل الحادى عشر
رفيق راح بيت عزيز يجيب امه وسنابل ويزوروا غصن ويطمنوا عليها
زبيدة خرجت ليه اتأخرت كده ليه يا رفيق.
رفيق نزلت السوق اشتريت حاجة الصباحية وكام غيار لسنابل وبعت نفر ينضف الشقة في المركز عشان اخد سنابل نقضوا كام يوم على ما السريا تتوضب من تاني.
عنيه على الباب اومال سنابل ما خرجتش ليه.
زبيدة بقلق من كلامه بص يا رفيق يا بني الفترة دي مش هينفع تروح في اي حته لحد ما غصن تروح ويا جوزها
تعيش وياه وسنابل صحتها ترجع ليها ليلة امبارح تعبت وطول الليل ما دقتش النوم من الۏجع تخف ونفسيتها تهدي وبعدها نبق نشوف حكاية الشقة دي.
رفيق بقلق على سنابل راح ناحية البيت وقفته امه.
رفيق استني سنابل طلعت اهي.
رفيق قرب منها مالك ياسنابل تعبانه عند ايه أوديك للدكتور تكشفي.
سنابل مشيت وسابته راحت تركب العربية من غير ما تنطق حرف.
رفيق ركب العربية من غير كلام عقلي بيودي ويجيب.
زبيدة مالك يا رفيق سوق العربية واقف ليه
رفيق ادير لسنابل انا نفذت الإتفاق وعملت اللي عليا ومش هتراجع عن الشرط اللي حطيته ومهما عملتي هنفذه يعني هنفذه وانت يامه اعملي حسابك انا هصبر كام يوم بس زي ما قلتي تريح اعصابها يومين بالكتير واجي اخدها عروسة.
سنابل بصت للشباك وعينها تبك بدون صوت زبيدة بصت لرفيق.
اسمعني يابن بطني
تهديدك ده بعدين نتكلم فيه دلوقتي خدنا على المركز في حاجات نجيبها لغصن وبعدين رجعنا عليهم.
رفيق حاجات ايه انا جيبت كل حاجه الصباحية.
زبيدة لبس وباقي شوارها انت فاكر الكام هدمه اللي حبتهم ليلة امبارح ينفعهوها وهتفضل لبساهم طول الوقت.
رفيق على قض ما عرفت اجيب وغزل ورشيدة نقوا كام غيار حلوين.
زبيدة ماهو عشان الإتنين دول انا بقول ننزل نجيب لبس كويس وليه جمته
للبنت.
رفيق ساق العربية بسرعة وبعصبية ما بكرة جوزها يجبلها اللي ناقصها.
زبيدة وماله زيادة الخير احنا نجيب اللي يشرفنا ويرفع راسنا ونكسوا بنتنا
ونجيبولها احلى وأغلى حاجه بالسوق.
بعد وقت وصلوا للمركز وقف رفيق قدام افخم محل ملابس نزلت زبيدة وسنابل اختاروا كام فستان واسعين يناسبوا غصن واختاروا حجاب ملابس عروسه وهدوم بيتيه.
زبيدة معرفش مقاس رجليها عشان نختارلها كام جزمه.
سنابل غصن كلها عزيز وعزيز جدمه كان صغير مرة اشترتله جزمه هديه وقستها على مقاسي وجبت مقاس اصغر نمرة من مقاسى
رفيق بضيق من كلام سنابل عن عزيز ماهو مش شرط مقاسها تبق مقاس المرحوم يمكن تبق وخده مقاسك
زبيدة اتحلت اهى نجيب المقاسين اللي تجي عليها تخدها واللي ما تجيش نجي نغيرها وناخدوا مقاسها.
رفيق بضيق اعملوا
اللي تعملوه بس خلصونا قربنا على المغرب.
زبيدة خلاص خلصنا اهو على يا بني الحاجات اللي اخترنها دي حاسب انت يارفيق على ما نشوف حاجة تنفع صهيب.
رفيق الله ما طولك يا روح أمه مش وقته.
زبيدة هنسبقك على العربية تكون حسبت يلا ياسنابل.
خرجت زبيدة وسنابل شايلين اكياس الهدوم ورفيق حاسب واخد باقي الاكياس وخرجركبوا العربية ورجعوا البلد.
رفيق اظن انا لحد دلوقتي عداني العيب وكل طلباتكم مجابه اتمنى طلباتي انا كمان تتنفذ.
زبيدة رفيق مش وقته وقلتلك سنابل تهدى وتفكر مع حالها وبعدين اللي تقرره هو اللي هنعمله.
رفيق معناته ايه الكلام ده.
زبيدة معناه تقفل على الكلام دلوقتي لحد ما نرجع بيتنا.
سكت رفيق وبص على سنابل بمراية العربية وكمل سواقة لحد ما وصل قدام مزرعة صهيب قابلوا قاسم نازل من عربيته رحب بيهم ونادى على
الغفر يشيلوا الهداية يدخلها على الاستراحة.
صهيب فتح الباب سلم على زبيدة وسنابل دخلوا شيلين اكياس في اديهم وبعد عن الباب دخل الغفر الهدايا اللي جابها رفيق.
قاسم بترحيب مكنش ليه لزوم كل الحاجات دى كفاية تشرفكم.
رفيق دي عوايد يا حج يا قاسم اتربينا عليها.
زبيدة امال فين غصن يا بني.
صهيب لحظه واحده هدخل اديها خبر اتفضلوا ارتاحوا.
دخل صهيب الأوضة قرب من غصن مسكها من اديها وقفها من على السرير اهلك جم بره امسحي وشك واعدلي لبسك واخرجي سلمي عليهم والافضل تخرجي لبسه البتاع ده اللي بتحطية على وشك بدل ما يتخضوا من شكلك.
غصن سمعت اخر كلامه حاست بقلبها هيقف دموعها نزلت ڠصب عنها صهيب جز على سنانه وكلمها بغيظ وصوت واطي.
أنت غبية بقلك بطلي عياط تزيدي أنا خارج دقيقه وتجي فاهمه واياك المح دمعه في عيونك.
خرجت غصن بعد ما صهيب خرج. السلام عليكم.
سنابل وقفت اول ما سمعت صوت غصن اخدتها بتي حبيبتي وحشتني يانن عيني من جوه.
زبيدة سنابل بلاش بكآ البت زينه اهى قدامك. وبعدت عني.
رفيق اتفزع من كلام سنابل اتنحنح بصوت عالي احححم احمم بقول ايه ياحج قاسم ما تيجى احنا نطلع نقعد برة ونسيب الحريم يتكلموا مع بعض.
قاسم عندك حق ياحج رفيق والا ايه ياصهيب.
صهيب اللي تشوفه ياعمى.
خرج الرجال بره زبيدة بصت لغصن وشافت عيونها من النقاب كلها دموع ولونها أحمر.
ما تطلعي الحاجه تفرجيها لغصن يا سنابل خلينا نشوف ذوقنا هيعجبها ولا لاء.
سنابل بعدت عن غصن حاضر يامه.
قامت سنابل تفتح الاكياس قربت زبيدة من غصن وبصوت واطي معيطه ليه كده يابتي حصل حاجه كفالة الشړ جوزك مد ايده عليك
غصن بصت لجدتها بقلق خاېفه تكلم تحصل مشكلة بسببها فكرت بسرعة وبصوت منكسر قالي اعملي قهوة وانا لا عمري شفتها ولا اعرف بتتعمل ازاي.
زبيدة ههههه بټعيطي عشان كده قالك كلمة زعلتك.
غصن لاء بس صعبت عليا نفسي وخاېفة يطلب مرة
تانيه.
زبيدة تعالي معايا وريني المطبخ منين وانا اعلمك تعمليها ولا احسنها قهوجي بيعمل قهوة.
سنابل والهدوم مش هتقسها.
زبيدة دخليهم اوضة النوم بعدين تقسهم على رحتها.
زبيدة دخلت مع. غصن المطبخ لقت كيس فيه قهوة وطالبات خرجت القهوة وقالت لغصن ارفعى النقاب ده اوعك تكوني بتلبسيه قدام جوزك.
غصن رفعت نقابها لاء مش بلبسه هو اللي قالي البسيه.
زبيدة بدور على كنكه قهوة امكن قالك كده عشان عمه امال فين الكنكه.
غصن يعني ايه كنكه يا ستي.
زبيدة اديرت ليها بعد ما لقت كنكه في دلاب المطبخ فتحت عينها بفزع قربت منها رفعت اديها ديرت وش غصن كنكه اللي بنعمل فيها القهوة زي دي في منها صغير وكبير عشان تبقي فاهمه ياندمتي ايه اللي في وشك ده.
غصن بلعت رقها پخوف ونزلت النقاب مفيش حاجه دا دا.
زبيدة علم بالقلم عشان
معرفتيش تعملي القهوة ولا عصيتي عليه قولي عشان كلامك هو اللي هيقف عليه اللي هعمله فيه.
غصن بسرعة ولا ده ولاده دي عشان حاجه تانيه خالص.
زبيدة حاجة ايه انطقي.
غصن حكت ليها كل اللي حصل.
سنابل دخلت الهدوم والحاجه اوضة النوم وخرجت سمعت كلام زبيدة وغصن دخلت المطبخ.
غلط يابتي اللي قلتيه ده مايصحش
تكلمي جوزك بالشكل ده انت هنتيه.
غصن انا كنت بقله يصلي مش عجبني قعدته من غير صلاة.
سنابل ماتجيش كده يا حببتي الست الشطرة تخلي جوزها اللي مقصر في صلاته يصلي بلسانها الحلو من طريقتها معه دا ربنا
قال لو كنت فظا
غليظ القلب لانفضوا من حولك.
غصن بس ابلة سناء وهي بتعلمنى الصلاة قالت ان الفرق بين المسلم والكافر هي الصلاة وقالت ان مفروض تارك الصلاة وهو واعي وفاهم ننصحه مجاش بالنصيحة نتجنبه لا ناكل معه ولا نشرب معه والزوجة تهجره بالفراش لحد ما يرجع يصلي ويتوب عن ذنبه.
سنابل ماهو نفس الكلام بس الفرق طريقة الكلام شفتي لما كلمتيه واتعصبتي عليه حس بالإهانة مستحملش ومد ايده عليك لكن لو قلتيله صلي بيا جماعة ولا انا مش حافظة كويس وبتلغبط صلي بيا تكسب فيا ثواب وقتها ڠصب عنه هيقوم يتوضأ ويصلى هيتحرج من رفضه يوم وراء يوم وانت بتطلبي منه يصلي بيك هيبق عادة وتاخدي ثوابين ثواب صلاتك وثواب انك خلتيه يصلي.
زبيدة شفتي كلامك امك فهمتي هتعملي ايه زى ما هتتعملي معه في الصلاة اتعملي معه
سنابل اسمعني يا بتي الراجل غير الست باله بيبق قصير عمليه كويس تخدي قلبه وعنيه قلتي ادبك رديتي عليه من غير ادب هيتعصب عليك ومش بعيد يغلط فيك او يمد ايده عليك .
زبيدة فهمتي يا حبيبتي الكلام.
غصن ايوه.
زبيدة تعالي بقي اعلمك القهوة.
وقفت غصن جنب زبيدة تعلمها القهوة لحد ما جربت بنفسها اكتر من نوع.
شطرة يا غصن واعيه ونبيهه اتعلمتي بسرعه وعملتي بنفسك القهوة وطلع ليك نفس حلو فيها.
سنابل ايه رايك يامه غصن تطلع القهوة للچماعة برة ولما صهيب يلقيها عمله القهوة ومطلعها له ينبسط وميزعلش منها.
زبيدة كلامك صح يا سنابل خدى يا
غصن صنيه القهوة طلعيها بره على ما نجهز طبق فاكه وحلويات.
غصن نزلت النقاب واخدت صنيه القهوة وطلعت برة الاستراحة لقت صهيب وعمها وقاسم قاعدين على كراسي الجنينة قربت منهم صهيب عينه على الباب اول ما شاف غصن طلعه من الباب شايله صنيه قام وقف وقرب منها مد ايده اخد الصنية من غير ما يكلمها وشاور ليها بأيده تدخل جوه.
دخلت غصن من غير ما تتكلم زبيدة قبلتها بطبق الفاكهة وحلويات قالت ليها طلعيه بره خرجت حصل زى المرة اللي قبلها صهيب اخد منها الحاجه ودخلت هي.
سنابل تعالي يا غصن شفي الهدوم والحاجات اللي اشترنهالك
غصن فرحت جدا بالهدوم فجأة دخل صهيب عليهم بسرعة من غير ما يكلم غير هدومه واخد تليفونه وحاجته وخرج مرة تانيه بسرعة.
دخل رفيق الاستراحة.
زبيدة حصل ايه يابني صهيب طلع يجري كده وشه ما يتفسرش.
رفيق جاله ظابط المركز بيقول مهران أخوه حالته خطړ ووده
المستشفى.
زبيدة بشهقة ومرحتش وياهم ليه يابني يادي العيبة.
رفيق قلتلهم يامه قالوا ملوش لزوم.
زبيدة ولو كنت أثريت ورحت على العموم لسه فيها خد بعضك وروح وراهم دول نسايبنا دلوقتي
وميصحش تبقي في بيتهم وتعرف باللي جره ومترحش تقف جرهم.
رفيق بضيق حاضر يامه هروح بس انتم هتروحوا ازاي.
زبيدة هنقعد هنا مع غصن لحد ما ترجعوا يا تشيع غفير بعربيه يروحنا بعد المغرب.
رفيق هتصل على سيد يجيب الكارته ويجي يروحكم قبل العتمة.
مشي رفيق وقعدت زبيدة وسنابل يرتبوا الهدوم والاكل اللي جايبة رفيق بالتلاجه.
زبيدة اسمعيني يا غصن انا حاسة بيك عقلك بيفكر كتير وبالك مش مرتاح في
حاجه على لسانك عاوزة تقوليها.
غصن بتنهيده حزن حاسة اني
مظلومة وبنفس الوقت مکسورة من جوايا عقلي هيشت مني مش قادرة استوعب اللي انا فيه.
سنابل اخدها خرجي
اللي جواك يا ضنايا متخفيش.
زبيدة احكي يا غصن يابتي كل اللي تعبك.
غصن قامت وقفت انا حاسة اني بحلم حلم غريب واني انا مش انا حد تاني معرفوش مهمومه وحزينة وانا اللي طول عمري الضحكه مفرقتش وشي مع اني عشت ايام ربنا وحده اللي عالم بيها في يوم وليلة بقي ليا أهل وعايله وبدل ما احس بالأمان معهم لا خوفني منهم رموني للڼار بجوازه صلح لواحد معرفوش مفروض عليا اسكت منطقش لأجل عيلة لا تعرفني ولا اعرفها.
سنابل مسحت دموعها انا حاسة بيك والحړقة بكلامك بس عندي قناعة ان ربنا ليه حكمه بكدة انا هقولك عن حاجه واحده تخليني
اقولك كده من كام يوم وانا بفكر اروح لابوكي حالي وعقدت النية على كده وبنفس الليلة اللي كنت ناويه اعمل كده جه رفيق وعرفني انك عايشة
ويجيبك ليا بنفس الليلة.
زبيدة وانا بقول زي امك ربنا ليه حكمه بكدة لولي عرفت انك عايشه وصممت انك تيجى عرفت من العدو ومن الحبيب عرفت باللي عمري ما كنت اتخيله لحقت سنابل وطلعت بيها من السريا قبل ما تولع تحصل خناقة في البلد ويروح فيها ناس ويدبرها المولي من عنده والصلح يبق جواز واسمع بودني ازاي يخلصوا منك ربنا الهمني بفكرة
وبدل لم تكون غزل العروسة تبقي انت.
غصن كل ده على عيني وراسي بس انا في دوامة كل ما بفكر القي حالي موجوعة مطلوب مني حاجات وانا لسه بستوعب اللي انا فيه فهمني.
سنابل قصدك ايه يابنتي.
غصن زى اللي حصل امبارح وابق مجوزة واحد مجوز دي لوحدها صعبة جوى فوق الجوازة الغريبة يطلع مجوز يعني قلبه مع وحده غيري حتى لما بيكون معايا بحس عقله معها خاېفه يطلب مني حاجه زي النهاردة ومعرفش اعملها فوق بصاته الغريبة ليا بتخليني حاسة اني قليلة ببق خاېفه ارد.
زبيدة اسمعي كلامي انا مش هقولك معلش وطولي بالك
ولاانت اتظلمتي كل ده خلاص اتقال وفهمناك كل حاجه اللي حصل حصل عيشي حياتك زي ما ربنا رايد من هنا ورايح لو طلب جوزك حاجه مش عارفها قوليلة معرفش مرة هيتريق مرة هيقول بنت خير وعندها خدمين يخدموها.
سنابل على قد ما انا مقهورة على جوازك بالطريقة دي بس قلبي مطمن مش بس عشان صهيب هيحميك وهيقف لاى حد يأذيك لاء عشان دى تدبير ربنا رجعك ليا عشان ترجعيلي عقلي وايماني اللي ضاعوا مني واكيد جواز صهيب منك لحكمه ربنا اعلم بيها وان شاءالله ربنا يعوضك عن كل اللي عشتيه بس انت سلمى أمرك لله.
زبيدة ونعم بالله احنا هنمشي بعد شويه واسمعي اخر كلام هقوله جوزك ليه حق عليك لازم تدهوله برضاك لما يجي من برة يلقيك مهتمة بنفسك لبسه لبس حلو وشك مفرود رحتك حلوه لقتيه مهموم وتعبان متفضليش تظني وتقولي مالك ولا تطنشي ومتسأل هوش مالك لاء اصبري عليه يقعد ويريح ويطل في وشك يلقي ابتسامه منورة لبسه لبس يشرح صدرة البيت نضيف وهادى لوحده هيحكيلك كل حاجه.
يلا جومي ادخلي الحمام استحمي والبسي قميص من اللي جبنهم النهاردة وتعالي اسرحلك شعرك واعطرك عشان لما يرجع ينبسط منك.
غصن هزت راسها ووقفت محتارة مش عارفه تلبس ايه.
زبيدة سنابل قومي معها فهميها تلبس ايه ومتلبس ايه.
ساعدت سنابل غصن وعرفتها تلبس ايه واختارت معها اللبس اللي هتلبسه وبعد شوية خرجت
غصن مكسوفة من اللي هي لبساه ساعدتها زبيدة وسنابل وسرحوا شعرها ومشيوا اول ما سيد الغفير جه غصن فضلت قاعده مستنية صهيب يرجع صلت المغرب والعشاء وقعدت مستنيها لحد ما رجع نص الليل اول ما فتح الباب.
حكايتى مع صهيب بقلم منى عبدالعزيز الفصل الثانى عشر
عارف انها عاوزة تعتذر ليك عن كلامها معاك قفل الماية ودير وشه وقال... خفت علي نفسي منها فيها حاجه بتشدني ليها بعفويتها صوتها فيه حاجه بتجبرني اسمع كلامها للنهاية خفت اتعلق بيها واضعف قلت. الحق نفسي وابعدها هي عني لان انا مش هقدر ابعد عنها لما اهنها واجرحها هي هتبعد وبكدة هرتاح أنا.
خرج من الحمام لقها بدلت هدومها وقاعده على السرير انحن اخد قميصة لبسه وعينه عليها وهي بتحاول تكتم صوت شهقاتها مشي شال الشنط والټفت ليها... بطلي عياط ويلا قومي تعالي وراياعلى ما احط الشنط في العربية.
خرجت غصن وراه تمشي ببطء وقف صهيب جنب العربية بعد ما دخل الشنط في العربية فتح ليها باب العربية... خفي مفيش وقت اركبي يلا.
ركبت غصن وقفل الباب وركب العربية وساق العربية من غير ما ينطق بكلمة عينه كل شوية تروح على غصن اللي سانده راسها على باب العربية وعنيها على الطريق كلها دموع فجأة وقف العربية بسرعة على صوت غصن.
غصن_ وقف وقف.
صهيب_
في ايه.
غصن بتحاول تفتح الباب_ البتاع ده بيتفتح ازاي.
صهيب فهمني فيه ايه ليه خلتني اوقف في المكان ده.
غصن_ افتح البتاع ده الاول.
فتح صهيب الباب نزلت غصن بسرعه وقفت تلف حوالين نفسها وفتحه دراعتها ومغمضة عنيها بعد دقيقة جريت على شجرة كبيرة فروعها طويله وقفت جنبها فتحت دراعتها وغمضت عنيها تاخد نفس طويل...كنت وحشاني يا صحبتي اليومين دول تقال قوى وانا بعيده عنك هعمل ايه لما اروح خالص من البلد فتحت عنيها وقربت من الشجرة وباستها... ڠصب عني همشي وافوتك كان نفسي اقعد حداك واشتكيلك وجعتي واقولك على اللي جرالى.
صهيب قاعد في العربية مذهول من اللي شايفه ابتسامه على وشه وهو شايف حركاتها... ليك حق يا صهيب تبعدها عنك كل حركة منها بتشدك بعفويتها بتحرك مشاعرك انا متأكد انك نفسك تروح تاخدها هز راسه
وضغط على كلاكس العربية يشاور لغصن تجي تركب العربية عينه عليها وهي ماشيه نحيه العربية استغرب اول ما انحنت اخدت حفنة تراب تشمها بعمق واخدتها وركبت العربية.
صهيب ساق مرة تانية من غير ولا كلمة كل شوية يبص عليها بطرف عينه ويرجع يبص قدامه.
غصن مسكه التراب في اديها عنيها على قزاز العربية قلبها بيتعصر كل ما الزرع يبعد والشجر بيقل اتنهدت بحزن اول ما ظهرت العربيات واختفى الطريق الترابي سندت براسها على الكرسي بتنهيده.
انا
حتي لو كنت شقيانة اللقمة كنت بكلها بنفس
انام واشبع نوم من غير ما أشغل بالي بليه
وعشان ايه صحيح سعات بيجي عليا وقت ابعد بالنوم من كلمة وجعتنى بس كنت بقوم بقلب صافي ونفس راضية لو الزمن يرجع بيا ليومين بس كنت اتمسكت افضل غصن وبس انا عارفه انك مش فاهم بقول ايه
