رواية التوامتان كاملة (جميع فصول الرواية) بقلم كاتبة
المحتويات
يا سامر وروح اتجوز البت اللي اختارتها ليك والدتك
تنهد سامر بضيق وقال بتأفف
منا لو عاوز اتجوزها كنت جتليك ليه افهمي يا ريحانه أنا بحبك بس انا كمان حافظ دماغ امي لو اطربقت السما علي الارض مش هتعمل غير اللي في دماغها جاسر اخويا أخدها من قصرها وسبلها البلد واللي فيها علشان يهرب من تحكتها رغم كده هي مش سيباه متحكمة في وهو برا لدرجة أنها صممت يسيب البت اللي كان بيحبها هناك وهددته بحرمانه من مصروف البعثة علشان كده بقولك احنا لو هتفضل مستنين امي ومش هنتجوز العمر قصير وانا بحبك علشان خاطري وافقي وخلينا نسرق من العمر حياة قبل ما يسرق العمر مننا اجمل سنوات حياتنا
اقتنعت ريحانه بكلامة ولكنها خافت أن تواجه اختها. هي الأخري فتزوجا سرا في مكتب أحد المحامين وأصبحت ريحانه زوجته امام الله ظل هذا الوضع خمس اشهور دون أن أحد يعلم بذلك سوي جاسر اخو سامر فقد بلغة سامر بكل الأحداث قبل بدايتها
ولكن أخفت ريحانه عن اختها طوال هذه المده اللي أن يشاء القدر و تشعر ريحانة بتعب مفاجيء و تفقد وعيها أمام اختها قامت اختها بالكشف عليها وبحكم خبرتها اكتشفت انها حامل في الشهر الثالث شهقت روح وهي غير مصدقة ما تراه أمامها اعاده التحليل مرة أخري و قامت بالكشف عليها من خلال جهاز السونار لتكتشف أن اختها حامل في ثلاث شهور وللاسف هي ادري الناس بحالة اختها فاهي الوحيده التي تعلم أن اختها غير مؤهله للزواج أو الخلفه بسبب ضعف عضلة القلب و أخفت الخبر ده عن اختها كي لا تصيبها بالوهم ولكن الأهم من ذلك أن الحمل قد عدي مرحلة الإجهاد
فاقت ريحانه وفتحت عينيها لتجد روح تنظر لها وعلي وجهها علامات الغضب
رفعت رأسها وقالت بصوت واهن
خير يا روح انتي بتبصيلي كده ليه و ايه اصلا اللي حصل وانا هنا في العياده عندك بعمل ايه
تنهدت روح وحاولت أن تتحكم في أعصابها وقالت بهدوء مصتنع وهي تجز علي أسنانها من الغضب
براحة كده وبهدوء انا عاوزة اعرف اللي في بطنك
وبحركة لا اردية وشبه ابتسامة وضعت ريحانه يدها علي بطنها وقالت
انا حامل بجد يا روح انا حامل
زفرت روح اخر ذرة صبر وقالت بعصبية مبالغ فيها
انطقي غلطتي مع مين مين ابو اللي في بطنك يا ريحانه أنا محتاجة افهم متجوزة ولا
قامت ريحانه واقفة تتعترض علي كلام اختها وقالت
غلطت هي مين دي اللي تغلط لا ياروح انا متربيه معاكي وانتي عارفة أن مش انا اللي اغلط او اعمل حاجة حرام انا اتجوزت يا روح والله متجوزة ومعايا عقد جواز
قطعت روح كلامها بصوت هز اركان الغرفه
ايه سمعني تاني كده عملتي أيه اتجوزتي وهو الجواز بيكون في السر وده مين اصلا اللي اقنعك واتجوزك زي الحرامية كده
قالت ريحانه بتلعثم اثر الخصة من صوت اختها
سسامر اسمة سامر وهو من عائلة كبيرة
قالت روح بغضب
مين سا قصدك الواد بتاع الندوة اللي كان بينطلك في الكلية كل شوية
هزت ريحانه راسها
ثم أكملت روح وقالت
طيب ليه في السر افهم ليه بس
قالت ريحانه بوهن من شده التعب
احنا متجوزين عرفي من خمس شهور و هو عمل كده علشان مامته مش مواقفة علي الجواز مني علشان شيفاني أن انا أقل من مستواهم هي حرة في تفكرها بس انا وسامر بنحب بعض فاسامر قالي بلاش تضيع من عمرنا وقت نكون في مع بعض فتجوزنا عرفي لحد ما يعرف يقنع مامته
قامت روح واقفة وقالت ببكاء
ليه ليه يا ريحانه ترخصي نفسك كده ليه يا قلب اختك اللي ميشلكيش ورده علي راسة ويتشرف بيكي ما يستهلكيش لكن ده زي اللي سرق وجرا ده اتكسف منك قدام أهله ما كنش يستاهل قلبك الابيض ده ليه يا قلب اختك رخصتي من نفسك كده انتي غاليه قوي
قطعة ريحانه كلام اختها وقالت ببكاء
لاء يا روح سامر حد كويس وهو بيحبني قوي لا ياروح مرخصتش نفسي انا حبيته قوي
ضحكت روح نصف ضحكة وقالت بسخرية مصتنع
طيب كلمي وقليلوا انك حامل وشوفي رد فعل ساعته هيكون ايه
اكيد يا روح هيفرح زي
ضحكت روح بسخرية وقالت
جربي يا ريحانه و قوليوا
فعلا ماسكة ريحانه الفون بيد بترتعش وهي من داخلها تخشي أن يخذلنا وقامت بالاتصال
سمعت صوته علي الاجة الأخري يقول لها بحده
في ايه يا ريحانه مش قلتلك متتصليش بيا وانا في البيت افرضي امي اخدت بالها دلوقتي ايه العمل
تنهدت ريحانه وقالت
انا حامل والتزمت الصمت في انتظار رد فعله
شهق سامر وقال
مين عمل اية انتي هتستعبطي احنا متفقناش علي كده انتي قولتيلي انك هتحملي ايه عاوزة تدبسيني فيكي ولا اية
جحظت عين ريحانه من الرد الغير متوقع وقالت
ادبسك فيها يعني ايه يا سامر معلش وضح لي غير انا اصلا معرفتش أن انا حامل غير من ساعة بس
قطع كلامها وقال بجده
طيب تمام حلو اوي كده الحمل ده ينزل حالا
وهنا لم تستطيع روح ام تتحكم في أعصابها اكتر من ذلك وقد سمعت كل المكالمة من خلال فتح الاسبيكر من الهاتف اخذت الفون من اختها بقوة وقالت
حمل مين اللي ينزل انت اتهبلت قسما بالله لو ما جيت ومعاك مأذون وكتبت علي ريحانه رسمي لكون انا بنفسي رايحة الملكة المتوجة ولدتك وهحكلها علي كل حاجة وهوريها العقد العرفي معاك بلظبط نص ساعة بعدها متلومش غير نفسك
اغلق سامر الفون وهو في حيرة لا يعلم ماذا يفعل هل يخبر والدته و يستحمل رد فعلها ولا يعمل اية
ولكن خطر علي بالله أن يتصل ب جاسر اتصل عليه وقص علي ما حدث في هذه الأثناء دخلت أمه وقد سمعت كل ما حدثالفصل الثالث
دخلت الغرفة دون استئذان وعندما لمحها سامر قاما واقفا و احمره وجه
ذهبت إليه وعلامات الغضب تعتلي وجهها وبدون اي كلمة هوت علي وجهة بالقلم جحظ عينيه وقال بغضب
ليه كده يا امي ليه
قالت الام بغضب
علشان لما تكسر كلمتي و تروح تتلم علي بنت من الشوارع وتحمل منك يبقي انا معرفتش اربي وانت ناقص رباية
بس ريحانه مش بنت من الشوارع ريحانه بنت مؤدبه لما تعرفيها هتحبيها
قطعت
وانا مش عاوزة اتعرف علي حد واللي في بطنها لازم ينزل وده اخر كلام عندي واعمل حسابك فرحك علي سالي الاسبوع الجاي
ظفر بغضب وقال
بس انا بحب ريحانه ومش عاوز البت السمجة دي
وانا قلت الاسبوع الجاي فرحك وانسي انك كنت تعرف بنت بالاسم ده
واللي بطنها لو منزلتهوش انت حر قولها كده لو منزلش يلزمنا لكن هي برا واحنا محدش بيربي عيالنا غيرنا تعمل حسابها أنها لو جابته تنسي في يوم أن عندها طفل من عيلتنا وبردو مش هتتجوزها لتكون فاكرة انها بتلوي ذرعنا بالحمل !! الهانم شكلها متعرفش احنا مين
ولكن يشاء القدر ويكون تليفون سامر اتصل بالغلط علي ريحانه وسمعت كل الحوار وهي لا تكاد تصدق ما تسمعه ولكن الاكثر خذلان عندما سمعت سامر وهو يقبل أن يزف علي غيرها الاسبوع المقبل
أغلقت الخط و عاودت الاتصال وهي تبكي بحرقة وشعرت أنها رخصت نفسها مثل ما قالت لها اختها
قالت بصوت انهكه البكاء
ايوا يا سامر هعمل ايه
قال سامر
في ايه يا ريحانه أنا كلامي كان واضح من الأول الطفل لازم ينزل انا بصراحه مش مستعد اكون اب دلوقتي أنا ايه اللي يلخمني من دلوقتي بتربية طفل وتحمل مسؤولية لسة بدري
بس انا عديت مرحلة الإجهاد خلاص ماعدتش ينفع ينزل لو نزل دلوقتي في خطورة عليا
تنهد بغضب وقال
تمام يا ريحانه وانا ابني محدش هيربي غيري اعملي حسابك من دلوقتي انك تنسي انك خلفتي علشان الطفل ده هيتربي عندي وده قرار مافيش منه رجعة
اللي هو ازاي يا سامر انت اكيد بتهزر ايه الكلام الفارغ ده
لاء مش بهزر علي فكرة أمي ملهاش رغبة في أن اتجوزك. وانا كنت واضح معاكي من الاول وقلتلك تفكيرها ازاي و انا معنديش استعدادا أخسر كل العز اللي انا في ده واجي اقعد معاكي في شقتك! اللي تحت السلم دي ولا هسمح لابني أنه يتربي فيها يا بنت الناس انتي اللي خلفتي الاتفاق اللي بنا مش انا كده انا قلت اللي عندي وعداني العيب حضرتك هاتيجي تعيش هنا عندنا في الڤيلا لحد ما تولدي
انا بحبك
متابعة القراءة
