رواية طعنات الغدر (كاملة جميع الفصول) بقلم داليا منصور
هو المعدول ابنك مقلكيش على اللي حصل.
وايه اللي حصل يا سماح علشان تيجي تتكلمي في عرض بنتي كدا..
اصل إبراهيم معزور وهيقولك أيه يقولك أنه شاف اخته مع شابين في اوضت النوم والا يقولك انه اتبرى منها..
نزل الكلام على مسمع صباح بصدمة وهي بترجع لورى ومسكة قلبها جامد وبتردد وتقول
بنتي لاء بن.......
وقعت بعديها وقطعت النفس...
سماح اتخضت وهي بتبص لأبنها
هو في ايه يا عامر هي وقعت كدا ليه..
قرب عامر وهو بيقول باستهزاء
زمانها بتمثل علشان نبطل كلام مش اكتر وزقها برجله ومقامتش نزل بسرعة عند وشها وحط صوبعه قدام انفها علشان يشوف النفس ملقاش نفس..
ينهار اسود ياما الحقي..
في ايه يا واد مالك مخطوف كدا اليه..
اصل... اصل م.... مرات عمي مش بتتنفس خالص قطعت النفس..
سماح لطمت على وشها وهي بتقول
يلهوي هنعمل ايه يا بني أحنا هنلبس مصيبة..
عامر ابتسم بشر وهو بيقول
مصيبة ايه بس ياما دي فرصة العمر علشان اتجوز
نسمة..
مش فاهمة يعني ايه..
يعني صرخي ياما بصوت عالي وقولي انها وقعت وانتي بتكلميها فجأة..
ماشي يابن بطني ...
الحونا يا خلق الولية طبت وهي واقفة وقعت يا عالم..
الكل اتجمع واللي بقى يشيلها وعم حامد وهو بيردد
لا حول الا قوة إلا بالله العلي العظيم إن لله وإنا إليه راجعون..
إبراهيم كان جاي على أول الشارع وكل اللي يشوفه يقول لا حول ولا قوة إلا بالله إبراهيم استغرب من الكلام بس دخل على أول شارعهم وهو حزين على اخته ومش عارف يقول لأمه ايه قرب من بيتهم شاف لامه كتير ف اتوقع ان مرات عمه بتدايق امه زي كل مرة جرى علشان يشوف ايه اللي بيحصل واول مدخل البيت الكل بقى يوسعله وشاف مرات عمه بتعيط وابن عمه قاعد قدام جثة وبيدور على امه مش لاقيها..
سماح باصطناع البكاء
ربنا يكون في عنونك يابني اختك ضاعت منك بسبب عمايلها وامك ماتت..
سمع إبراهيم الكلمة وبقت تتردد كتير في عقله وهو مصدوم..
....
عند نسمة كانت قاعدة وهي مش في وعيها بس سهى بتقومها وبتقول
قومي يا نسمة خلينا نرجع السكن ياحببتي احنا معتش لينا غير بعض وبس..
يزن اتكلم بسرعة
خليني اوصلكم..
كانت سميرة هتعترض بس حالة نسمة وهي ساكته كدا مخلياهم قلقانين..
تمام ماشي...
وفعلا نزلوا وركبوا ونسمة كانت قاعدة في الكرسي اللي ورى مع سهى وسميرة ركبت قدام ويزن ساق بالعربية في اتجاه سكنهم...
وبعد دقايق بسيطة نزلوا ونزل يزن وهو بيساعدهم وهما داخلين من باب البوابة بتاعة السكن الجامعي..
حارس السكن
اسف ممنوع دخول انسة نسمة هنا واحدة منكم تدخل تلم هدومها..
الكلمة نزلت على الكل بصدمة...
ياترى ايه اللي هيحصل مع إبراهيم بسبب وفاة امه وهل فعلا اتوفت والا ده كلام ونسمة هتروح فين بعد ميكرشوها من السكن الجامعي الأحداث الجاية نار الكل يتفاعل عاوزة تشجيع كتير...
طعنات الغدر..
للكاتبة Dalia Mansuor .
الفصل الثالت...أنت بتقول ايه يعني كدا نسمة هتروح فين يعني..
الحارس بأسف
اسف يابنتي دي أوامر المدينة وغصب عني..
سهى بصت ل سميرة وهي بتقول
هنعمل ايه هنسيبها كدا في الشارع..
سميرة
عمري مقدر اسيبها أنا وانتي نطلع نلم هدومنا كمان ونشوفلنا سكن برة حتى لو هنشتغل..
يزن قاطعهم وهو بيقول
إنا ممكن أخدها معايا متقلقوش..
سهى بعصبية
قصدك ايه يا جدع انت أنت متعرفش اللي بتقوله والا ايه احنا كنا بنقول عليك محترم..
يزن بهدوء
انتوا فهمتوا ايه أنا هكتب عليها وهاخدها معايا مش هقدر اسيبها كدا..
سهى وسميرة بصوله بصدمة وهما بيقولوا بزهول في نفس واحد
تتجوزها!
اه اتجوزها ايه اللي حصل يعني..
استاذ
يزن اسمي يزن متقلقيش أنا في كامل قواي وبقول هتجوز نسمة..
بس!
مبسش يا استاذة سهى احنا نكتب الكتاب وكدا هنفي كل التهم اللي اتقدمت ضدها واخوها نفسة هيزعل شوية من فكرة الجواز بس لو عرف انها اتجوزت هيسامحها..
البنات فكروا في كلامه ونسمة لم سمعت كلمة يسامحها بصت ل يزن
إبراهيم هيسامحني صح طب يالا بينا نروح علشان يسامحني..
الكل لم شاف حالة نسمة عرفوا انها مش في وعيها واطروا يوافقوا وفعلا خدهم يزن وراح ڤيلا كبيرة جدا ورن على صاحبه وقاله يجيب اتنين شهود والمأذون ويجي..
بعد فترة
بارك لكما وبارك عليكما وجمع بينكما في خير بالرفاء والبنين مبروك..
الشباب سلموا على يزن وبركوله ومشيوا والبنات اطمنوا على صحبتهم وسابوها مع يزن..
نسمة وهي بتبص ليزن
متخافش مش هخلي حد يعرف بجوازنا أنا عمري منسى وقفتك جنبي..
يزن بهدوء
مين قالك كدا بالعكس أنا مبسوط من جوازنا رغم الظروف مش أحسن وبأذن الله ربنا هيجمعك بأهلك تاني انتي بس خليكي واثقة في ربنا دي اوضتك اللي هتنامي فيها ودي اوضتي..
نسمة هزت راسها بهدوء ودخلت اوضتها ويزن كلم السواق علشان يروح يجيب حاجت نسمة كلها من السكن...
تاني يوم نسمة قامت صلت علمت الفطار وخبطت على يزن وهي بتقول..
استاذ يزن..
يزن كان نايم وسمع صوتها فاق وراح يفتح الباب من غير مياخد باله أنه مش لابس التيشيرت..
خير يا نسمة...
نسمة اتكسفت وخبت وشها بأديها وهي بتقول
الفطار جهز تعالى علشان تفطر..
وجريت ضحك يزن على تصرفها ودخل خاد شور وخرج لبس قميص ابيض وبنطلون جينز اسود وخرج ياكل معاها..
استاذ يزن هنروح لأهلي امتا..
يزن بطل اكل وبصلها لقاها وشها حمرة زي الطماطم..
بكره بأذن الله تعالى انتي بس انتبهي لدراستك أهم حاجة دلوقت..
هزت راسها وخلص يزن اكل ونزل الشركة وهي دخلت الأطباق المطبخ وغسلتهم وبعديها خرجت شافت الخدم لسة جاين..
مين حضراتكم..
الخدامة باستغراب
أنا سهير الخدامة انتي اللي مين وبتعملي ايه هنا..
أنا نسمة مرات استاذ يزن..
الخدامة استغربت من كلمة استاذ بس معلقتش وقالت
مبروك يا مدام الف مبروك والكل اللي في القصر عرف جواز يزن وبقوا يظغرطولها واللي يجي يهنيها قالت في سرها..
للدرجة دي جوزي محبوب..
تاني يوم عند إبراهيم كان واقف في جنازة امة وهو دموعه نازلة خسر كل حاجه في في يوم واحد بس وهو بيفتكر ساعة دخوله من باب البيت بتاعهم!
فلاش باك
ربنا يكون في عونك يا ابراهيم البقية في حياتك..
ابراهيم جرى على الجثة اللى متغطية وشها ورفع الغطا واتصدم..
ياما قومي ابوس ايدك متسبنيش لوحدي نسمة خسرتها مش حمل اني اخسرك انتي كمان...
وفضل يصرخ وينادي بأسم امه ويقول بصوت عالي..
يااااااارب ياااااااارب مليش غيرها يارب..
بالك
الكل كان بيسلم عليه وهو واقف ودموعه نازلة..
عم حامد
شد حيلك يا إبراهيم ربنا يصبرك يابني..
إبراهيم بتعب
الشدة على الله...
فجأة شافوا عربية كبيرة وجميلة وقفت قدام العزا ونزلت نسمة منها هي ويزن وبتقرب على اخوها اللي اول مشافها زعله على امه اتحول لغضب راحلها بعصبية وهو بيقول..
ايه جابك امشي غوري من وشي..
نسمة وهي بتعيط
أنا جاية اثبت برأتي يا إبراهيم..
إبراهيم بعصبية
مش عاوز منك حاجة غوري من وشي دلوقتي..
طب علشان خاطر امنا اسمعني اه صحيح ماما فين هي الوحيدة اللي هتوثق فيا..
ابراهيم بصلها بغل وقال
امك ماتت وبسببك..
الكلمة فضلت تتكرر وقفت اكتر من عشر دقايق ساكتة ومش بتتكلم وفجأة..
لاء ماما...
وفضلت تصرخ على أخرها ويزن ماسكها وحاضنها إبراهبم شاف يزن حاضنها شدها من حضنه وخدها هي في حضنه علشان عارف انه الوحيد اللي هيهديها يزن ساعتها فرح جواه من ابراهيم بس حس بغيرة منه مش عارف ليه..
انا السبب أنا اللي موت امنا يا ابراهيم أنا السبب يا رب ليه تعاقب شخص بريئ على خطأي كنت خدني أنا..
إبراهيم مكنش قادر يقولها أن كدا حرام هو بيهديها وخلاص بس جواه زعلان منها..
يزن شدها من حضن إبرهيم وهو بيهديها وبيقول
متقوليش كدا يا نسمة..
ابرهيم اتعصب من حضن يزن لنسمة بس هو زعلان منها وعاوز يمشيها وخلاص..
نسمة ببكاء
بس أنا السبب يا يزن دي أمي لو مكنتش شربت العصير مكنش حصل كل ده...
عامر شاف يزن حاضنها اتعصب
يعني مكفكيش فضيحتنا جاية تكملي عليها وجايبة واحد وبتحضنيه قدامنا وفي عزاء امك كمان يا بجاحتك..
يزن اتصعب وضربه كف
اخرس أنا مراتي اشرف منك ومن مليون واحد زيك..
ابراهيم سمع كلمة مراتي اتصدم رد وقال
مراتك إزاي..
مانا حاولت اشرحلك اللي حصل بس حضرتك مش سمعتني نسمة بريئة وحكاله على كل حاجة حصلت حتى جوازهم..
وليه مقولتليش بدل اللي حصل..
انت مدتنيش فرصة وكمان اختك محصلهاش حاجة أنا شوفته بيخلعها وبيرش لون احمر تحتها واللي فهمته أن في خطة عاملينها...
إبرهيم جرى على اخته وخدها في حضنه وفضلوا يبكوا فترة طويلة وخلص العزاء وبعدين دخلوا بيت اهل نسمة..
ابراهيم كان قاعد جنب يزن ونسمة بص ليزن وهو بيشكره وبيقوله
لو أنت عاوز تطلق نسمة أنا معنديش مانع يا يزن أهم حاجة أنا بشكرك على وقفتك جنبي أنا واختي..
نسمة قلبها اتقبص من كلمة طلاق بس اللي هداها يزن وهو بيقول
بتشكرني على ايه بس ده واجبي وكمان نسمة بقت مراتي دلوقت..
فضلوا قعدين مع بعض شوية وكل واحد راح اوضته ونسمة ويزن كان اوضهم جنب بعض يزن سمع صوت بكاء في الاوضه اللي جنبه راح وخبط ونسمة فتحتله ودموعها نازلة وبتعيط دخل قفل الباب وحضنها وهو
بيقول..
هي في مكان أحسن أهم حاجة دلوقت هي محتاجة دعائكم ياقلبي..
نسمة سمعت كلامه وراحت اتوضت وصلت ركعتين وخلصت ومسكت المصحف وبتقراء لأمها قرأن وبعديها نامت ويزن سابها ودخل اوضته لم اطمن عليها..
تاني يوم كان واقف يزن قدام البيت ومش واخد باله من اللي جاي من وراه قام ضربه بالسكينة في ظهرة..
أه..
يزن لف والتليون وقع من ايده وبعدين بص شاف عامر ومفيش حد حوليهم الكل نايم والساعة كانت خمسة الفجر واول مبص شال عامر السكينة من ظهر يزن رشقها في قلبه...
وقع يزن وسابه عامر وجرى وخرجت نسمة علشان تصلي سمعت خبط قدام البيت خرجت وأول مشافت منظر يزن صرخت......
يززززززن...
استووووب....
البارت ده هدية للمتابعين..
ياترى فعلا يزن مات والا ايه اللي حص! الكل يتوقع اللي هيحصل اتفاعلوا بسرعة علشان البارت الجديد جامد الكل يقولي رأيه في القصة
طعنات الغدر..
للكاتبة Dalia Mansuor ..
الفصل الرابعقامت من النوم مخضوضة وهي بتنادي على يزن لقته جاي بسرعة هو وأخوها أول مشافته جريت عليه تحضنه وهي بتقول
خفت عليك جدا يا يزن قلبي وجعني عليك أنا عمري مهبعد عنك لحظة واحدة.
يزن اتحرج من كلامها قدام اخوها بس ابراهيم ابتسم وخرج وسابهم..
تعرفي أنا عمري محبيت بس اول مشوفتك وانتي واقعة قدام عربيتي قلبي دق جامد ولم البارد اللي خطفك ده قال انه جوزك وانك حامل أنا اتعصبت ومعرفش ليه وقررت امشي وراه قلبي دلني عليكي وانتي كمان..
نسمة ابتسمت بحب وهي بتقول
وأنا حسيت لم اتحميت وراك من اخويا نفسه أنك سندي بس ساعتها مكنتش شايفة غير كره أخويا ليا..
أحنا نسيبها على الله وننسي الماضي ونفكر في المستقبل....
ريهام كانت واقفة في الجامعة وبتكلم امها بنرفزة
اعمل ايه يعني يا ماما أنا عملت فيها كتير بس الغبي اللي اتجوزها ده مش عارفه طلعلنا منين بس بوظلنا كل خططنا في ثواني.
امها بعصبية
أنا مش قادرة اشوفها فرحانة عاوزة اخليها ينحرق قلبها بأي طريقة..
ريهام بخبث
متقلقيش هنعملها بس اهدي الفترة دي علشان سامح واهله مش هيسبوني خالص أنا هبعد شوية عن الأنظار وبعدين هرجع وهدمرها..
ماشي ياريهام وأنا هستنى منك مكالمة...
قفلت مع أمها وفجأة لقت اللي بيحط اديه على شعرها وبيقول بخبث
ها يا ريموا مش يالا بينا ياقمر..
ريهام ضحكت وهي بتقول
يالا بينا يا سولي...
وخدها وكان خارج بيها بس بمجرد أنها خرجت من باب الجامعة عربية خبطتها جامد كل الناس اتلموا واللي بصرخ واللي يطلب الأسعاف والشاب اللي كان ماشي معاها سابها وهرب عاشت على عصيان وحقد وماتت وهي بتعصي ربنا بأبشع طريقة ولبسها كان مكشوف مهما عملتي الظلم مش هيدوم..
عند سماح كانت قاعدة وبتسمع التليفون بيرن برقم بنتها
مش أنا لسة قافلة
حضرتك تعرفي صاحبت الرقم ده..
سماح حست بخوف من الشخص ده
اه أنا أمها امال هي فين وليه بترد على رقم بنتي..
أنا في المستفى وكنت برن على حضرتك علشان تيجي تستلمي جثة بنتك..
بنت مين ياراجل يا خرفان أنت..
الله يسامحك يا حجة بنت حضرتك موجودة في المستشفى حاليا..
واداها العنوان بس هي مكنتش في وعيها خرجت من البيت بتصرخ وهي بنجري على بيت ابرهيم...
الحقني يابراهيم..
ابراهيم كان قاعد هو ونسمة ويزن بيهزروا بس فجأة سمعوا صوت مرات عمهم..
ابراهيم
ياترى جايبة مصيبة ايه يا مرات عمي دلوقت..
سماح وهي بتجري على ابراهيم وتنزل عند رجله
بنتي في المستشفى ابوس ايدك روح شوفها..
ابراهيم بزهق
انتي وصل بيكي الكذب انك تكذبي وتقولي بنتي في المستشفى حرام عليكي بقى ابعدي عني أنا واختي وسبينا في حالنا..
نسمة كانت واقفة وماسكة في هدوم يزن بس لم سمعت كلمة ان ريهام في مستشفى من باب الأنسانية جريت على مرات عمها..
قومي يا مرات عمي وتعالي نروحلها..
ابراهيم بص لنسمة بغضب
ايه اللي بتقوليه ده يا نسمة..
يزن
نسمة عندها حق يا ابراهيم لازم نروح ونتأكد منحكمش وخلاص..
اقتنع ابراهيم ويزن خدهم بعربيته وراحوا على القاهرة بعد ساعتين كانوا داخلين من باب المستشفى..
السلام عليكم..
الكرتارية في المستشفى
وعليكم السلام ورحمة الله تعالى وبركاته اتفضل..
حضرتك في بنت عاملة حادثة جت هنا..
اه في..
طب اسمها ايه..
الراجل قاله اسم ريهام...
وكمان حاليا هي في المشرحة اتفضل عبال مجيبلك حاجتها وتمضيلي على شوية ورق..
الكل انصدم من الكلام وسماح مستحملتش اللي قاله وفضلت تصرخ وتلطم لغاية لم جم وادوها مهداء..
يزن وهو واقف قدام ابراهيم وبيقوله
خلص انت الأجرأت الدفن وانا هخلي بالي من مرات عمك يا ابراهيم..
وفعلا بعد اسبوع خلص ابراهيم اجرأت الدفن والعزاء ومرات عمه دخلها مصحة بسبب انها كذا مرة تحاول تتهجم عليهم وتقول لنسمة انها السبب وسعات كان بيشوفها واقفة بتتكلم مع ريهام فكلم الدكتور ولم جيه يشوف حالتها طلع قرار بدخولها مستشفى الأمراض العقلية..
اما بالنسبة لأخوا ريهام كان دايما بيقف مع شلة مش كويسة وبعد وفاة اخته ودخول امه المستشفى بقى بيزيد في تنمره..
ها يا وحش في صنف حكاية هتجربه دا لسة نازل السوق..
عامر بطمع
ومالوا اجرب مجربش ليه..
وكان لسه هيمد اديه صاحبه سحب اديه تاني وهو بيقول..
لاء اوعى مش هتاخده إلا لم تديني مقابل مأنا مش هديك نوع غالي كدا ببلاش لازم مقابل..
من كتر م عامر طماع والسواد ملا قلبه وبقى همة دماغه وبس كتب بيته بأسم صاحبه وخد الجرعة ودي كانت حقنة اول مدى لنفسه الأبرة حس بصداع رهيب والدنيا بتلف بيه ووقع وبمجرد موقع جسمه اتحول للون ازرق..
ينهار اسود هنعمل ايه..
صاحبه التاني
احنا نرميه في أي ترعه ونقول عليه دا غرق..
وفعلا خدوه ورموه في الماية...
تاني يوم كانت الأخبار في كل البلد أن عامر مات غرقان..
ابراهيم كان مصدوم وخلص اجرأت الدفن وهو راجع قعد مع نسمه ويزن ..
عملت ايه يا ابراهيم..
خلصت كل حاجه ودفناه..
الحمد لله ربنا يغفرله..
بس اللي صادمني أن كلهم حصلهم ده في نفس الوقت ربنا عدل والله..
احنا بلاش نشمت يا ابراهيم احنا ندعيلهم بالمغفرة وخلاص..
يزن
اه صحيح يا ابراهيم أن الأوان نمشي أنا ونسمة لأنها عندها امتحانات وانا شغلي واقف بقاله فترة..
ابراهيم بأسف
احنا تعبناك معانا والله يا يزن.
متقولش كدا يا راجل إحنا أهل ولازم نقف جنب بعض في الظروف الصعبة قبل الظروف الحلوة..
ربنا يجازيك خير ويفرحكم ان واختي يمكن من كل اللي حصل كان معرفتنا بيك كنز وعرفتنا معادن بعض..
يزن قام حضن إبراهيم..
تمت
عاوزة اقولكم نصيحة الظلم عمره ميدوم والحق مردود مردود ورب الحق عمره ميسيب حق مظلوم عمرك متفكري أنك هتفضلي في ظلمك كتير بالعكس لازم نكون في قوبنا رحمة على الناس بتمنى روايتي تكون
ولو البارت الأول وصل ل هنزلكم اول بارت في الرواية الجديدة بأقصى سرعة
الكاتبة Dalia Mansuor ..
الفصل الخامس والأخير..
طعنات الغدر..
