رجعت بنتي الفجر

وعرفت كل حاجة.
ثانيتين صمت وبعدين كريم قال بسرعة يا أستاذ أشرف حضرتك فاهم غلط، أمي كانت بس بتهزر معاها
أشرف قاطعه أربعين قلم والدم ده كله هزار؟
كريم سكت.
وبعدين قال بصوت أوطى طيب خلينا نحل الموضوع بهدوء. نورا مراتي، ومحدش يحب الفضايح.
أشرف رد بمنتهى البرود وأنا كمان مبحبش الفضايح بس بحب القانون.
وقفل السكة.
بعدها بعشر دقايق، ياسين وصل. شاب طويل لابس هدوم على السريع، ومعاه شنطة ورق.
شاف نورا، واتغير وشه لازم تقرير طبي حالًا.
أنا خفت. نورا خافت أكتر. لكن أشرف مسك إيدها وقال المرة دي محدش هيسكتك.
طلعنا المستشفى الخاصة القريبة. والدكتورة أول ما شافت جسم نورا، طلبت الأمن بنفسها.
الكدمات كانت في كل حتة وفي تقرير الكشف اتكتب اعتداء بدني متكرر وآثار عنف واضح.
وأثناء ما ياسين بيخلص الإجراءات باب المستشفى اتفتح بعنف.
سامية دخلت.
لابسة عباية سودا فوق فستان الفرح، وشعرها منكوش، ووراها كريم.
وأول ما شافتنا صرخت إنتوا كبرتوا الموضوع ليه؟ دي خناقة عادية بين حماة وكنتها!
الممرضة بصتلها بصدمة.
أما نورا فاستخبت ورا ضهر أبوها وهي بتترعش.
سامية قربت أكتر وهي بتقول يلا يا عروسة كفاية دلع وارجعي مع جوزك.
لكن أشرف وقف قدامها.
وقال بهدوء اقربي منها خطوة وأنا هعتبر ده تهديد رسمي قدام الكاميرات.
سامية اتجمدت كاميرات؟
ياسين رفع موبايله المستشفى كلها مراقبة وفي فيديو أوضح من الشمس عندنا أصلًا.
لون وش كريم اتسحب فجأة.
أما سامية فأول مرة الخوف ظهر في عينيها.
وبعدين حصلت المفاجأة اللي محدش توقعها.
كريم بص لأمه وقال بعصبية أنا قولتلك من الأول بلاش تعملي كده!
سامية لفتله مصدومة إنت بتلومني أنا؟! أنا كنت بحافظ على حقك!
صرخ فيها دلوقتي ضيعتي كل حاجة!
نورا كانت بتبصله بذهول كأنها أخيرًا شافت حقيقته كاملة.
مش راجل ضعيف بس
لا واحد باعها من أول ليلة عشان شقة.
وأشرف وقتها قال آخر جملة أنهت كل شيء بنتي مش هترجعلك والمحكمة بيناسامية شهقت كأن حد slapها قدام الناس. أما كريم، فكان واقف ساكت لأول مرة من ساعة ما دخل، شكله مش واثق إن أمه هتعرف تنقذه.
لكن اللي محدش أخد باله منه إن نورا بطلت عياط.
كانت واقفة ورا أبوها، ماسكة طرف الروب الأبيض اللي لبسته المستشفى فوق فستان الفرح، وعينيها ثابتة على كريم بشكل غريب.
وقالت بهدوء هو أنا بالنسبة لك كنت إيه؟
كريم حاول يقرب خطوة نورا اسمعيني
صرخت فجأة لا! جاوب!
صوتها خض المستشفى كلها.
أنا كنت مراتك؟ ولا ورقة ملكية؟
كريم بلع ريقه، وبص حواليه كأنه بيدور على مخرج. لكن مفيش.
سامية حاولت تتدخل يا بنتي دي مشاكل عادية بتحصل في أي جواز
أشرف لف لها بعصبية العادي عندكم فيه دم؟
الممرضة قربت بهدوء وقالت لو سمحتوا وطيوا صوتكم شوية.
لكن نورا كانت خلاص انفجرت.
بصت لسامية وقالت إنتِ كنتِ بتعدّي الأقلام وإنتِ فرحانة فاكرة؟ واحد اتنين تلاتة
سامية وشها اصفر.
فاكرة لما قولتيلي العروسة اللي متسمعش الكلام لازم تتكسر من أول يوم؟
الست اللي كانت واقفة مع الأمن عند الباب بصتلها باحتقار واضح.
أما كريم، فبدأ يحاول يلم الموضوع خلاص يا نورا إحنا ممكن نعتذر ونفتح صفحة جديدة.
نورا ضحكت ضحكة وجعت قلبي أكتر من العياط.
وقالت صفحة جديدة؟ أنا حرفيًا كنت هموت النهارده.
وسكتت ثانية ثم قلعت دبلة الجواز.
وحطتها في إيده.
خدها دي تقيلة عليا.
كريم بص للدبلة في كفه كأنه أول مرة يفهم إن كل حاجة انتهت فعلًا.
لكن سامية فقدت أعصابها فجأة.
زعقت إنتوا فاكرين نفسكم هتسجنونا يعني؟! معاكم إيه؟ كام صورة وكلمتين؟
ياسين رد بهدوء لا معانا أكتر.
وطلع تليفونه.
وشغّل تسجيل صوت.
صوت سامية كان واضح جدًا اضربيها تاني البت دي لازم توقع على التنازل الليلة.
الصمت نزل على المكان.
أنا بصيت لنورا بصدمة إنتِ سجلتي؟
هزت راسها ببطء بعد أول كام قلم حطيت الموبايل تحت المخدة وسجلت.
أشرف لأول مرة ابتسم ابتسامة صغيرة كلها فخر.
أما سامية، فاتراجعت خطوة للخلف.
وكريم قال بخوف ماما إنتِ قولتيلي إنك خدتي الموبايل منها!
سامية بصتله بارتباك أنا أنا افتكرت
لكن كلامها اتقطع لما دخل ظابط القسم مع فردين أمن.
واضح إن المستشفى بلغت رسمي بسبب تقرير الإصابات.
الظابط بص لنورا بلطف حضرتك مستعدة تقدمي بلاغ؟
إيد نورا اترعشت.
الخوف رجع لعينيها للحظة لحظة واحدة بس.
ثم بصت لأبوها وليا وبعدين قالت
أيوه.
سامية جريت ناحيتها إوعي! إوعي تبوظي مستقبل ابني!
لكن نورا رجعت لورا وقالت بصوت ثابت وإنتِ لما كنتِ بتضربيني فكرتي في مستقبلي؟
الظابط طلب من سامية وكريم ييجوا معاه.
وساعتها حصلت آخر صدمة.
واحدة ست كبيرة كانت واقفة ساكتة من بدري في آخر الطرقة، قربت فجأة.
كانت واحدة من الستات الستة اللي كانوا في الأوضة.
كلنا بصينا لها.
الست كانت بتعيط.
وقالت بصوت مكسور أنا شاهدة على كل حاجة والبنت دي مظلومة.
سامية شهقت إنتِ اتجننتي يا فايزة؟!
لكن الست كملت وهي بتمسح دموعها بنتي ماتت من 12 سنة بعد جواز شبه ده وساعتها سكت. النهارده مش هسكت تاني.
حتى الظابط سكت لحظة.
أما نورا فحضنتني فجأة وانهارت في العياط.
بس المرة دي ماكانش عياط خوف.
كان عياط واحدة نجت.
وبعد أسبوعين اتحدد أول ميعاد في القضية.
والخبر انتشر في كل مكان.
عريس ووالدته متهمان بالاعتداء على العروس لإجبارها على التنازل عن شقتها.
الناس بدأت تتكلم. وفي ناس حاولت تشوه نورا.
لكن المفاجأة إن عشرات البنات بعتوا رسايل سرية لياسين.
بيحكوا عن مواقف شبه اللي حصلها. تهديد ضرب إجبار على التنازل عن ممتلكاتهم بعد الجواز.
ونورا وقتها قالت جملة غيرت حياتها كلها
أنا مش هستخبى تاني بعد شهر
نورا كانت واقفة قدام المراية في أوضتها القديمة، نفس الأوضة اللي خرجت منها بفستان الفرح الأبيض، ورجعتلها مكسورة قبل الفجر.
لكن المرة دي كانت مختلفة.
الكدمات خفت. الجرح اللي جنب شفايفها بدأ يختفي. أما عينيها فبقى فيهم قوة عمري ما شفتها قبل كده.
أنا دخلت عليها بهدوء لقيتها لابسة بدلة بسيطة وكاتبة حاجة في نوتة صغيرة.
سألتها بتعملي إيه؟
ابتسمت لأول مرة من قلبها هقول الحقيقة النهارده.
النهارده كان أول جلسة في المحكمة.
القضية قلبت الرأي العام فعلًا. الصحافة بره المحكمة. كاميرات. ناس بتصور. وبنات كتير واقفين بعيد يبصولها كأنها بتتكلم بلسانهم هم كمان.
ولما عربية أشرف وقفت قدام المحكمة إيد نورا اترعشت شوية.
أشرف بص لها وقال لو عايزة نمشي نمشي حالًا.
لكنها فتحت الباب بنفسها.
ونزلت.
الكاميرات اتوجهت عليها فورًا.
الصحفيين بدأوا يسألوا هل فعلًا العريس شارك في الاعتداء؟ هل في خلافات على الميراث؟ هل هتتنازلي عن القضية؟
لكن نورا ما ردتش.
رفعت راسها ومشيت جوه المحكمة بثبات.
أما كريم فلما شافها، وشه اتغير.
كان لابس بدلة غالية، لكن باين عليه السهر والتوتر. سامية كانت جنبه، وشها شاحب، وعينيها مليانة كره.
أول ما نورا عدت من جنبهم، سامية همست ضيعتي بيتك بإيدك.
نورا وقفت.
لفت ناحيتها بهدوء مرعب وقالت البيت اللي يتبني على ضرب وإهانة مش بيت.
وسابتها ومشيت.
داخل القاعة القاضي طلب عرض الأدلة.
ياسين قدّم الصور. التقرير الطبي. التسجيل الصوتي.
وبعدين قال وفي شاهد جديد يا فندم.
الباب اتفتح
ودخلت فايزة.
سامية أول ما شافتها قامت واقفة إنتِ كذابة!
القاضي خبط بالمطرقة التزمي الهدوء.
فايزة كانت بتترعش، لكن صوتها طلع واضح كل اللي البنت قالته حصل وإحنا كنا ستات غلطنا بسكوتنا.
وبدأت تحكي.
حكت إزاي سامية رتبت كل حاجة من قبل الفرح. إزاي قالت الليلة دي يا نكتب الشقة يا نكسر عينها.
حتى كريم ماقدرش يرفع عينه من الأرض.
لكن الصدمة الحقيقية حصلت بعدها.
ياسين قال في شاهد