رواية زهرة العاصي الفصل الخامس 5 بقلم صفاء حسني

الا بتصوره متابعه كل خطوة وهو عارف 
وفي نفس اللحظة شاف ياسمين وهي تدفع زهرة على الطريق.
في غمضة عين جري عاصي وأنقذها قبل ما تقع أقدم العربية وجهه يعكس القلق والتوتر عيونه مركزة على زهرة. كان يمسك زهرة بين يديه وجهه معبر عن الاهتمام والقلق وسأل
أنت بخير يا أنسة
شهقت زهرة من الخوف وبدأت تعدل نفسها وجهها شاحب عيونها تعبر عن الصدمة والخوف
ضحكت ياسمين بسخرية
شفت الشيخة المحترمة إيه واخدتلها صورتين البومك كمل وبكرة كل الصور هتكون على حائط الجامعة وكل الجامعة هتشوف الشريفة والعفيفة.
صرخت زهرة بكل وجع وجهها معبر عن الغضب والألم عيونها تطلق الشرر
وأنت فاكرة إنك بتؤذيني بشوية صور متفبركة تبقي عبيطة فاهمة! لأني ربنا كبير ومطلع.
وانسحبت من أقدامهم ومشيت وهي منهارة المطر ينزل عليها وهى حضانة نفسها بوجع ودموعها نازلة وبتتكلم مع نفسها
إيه اللي وقعنا في وسطهم بغباوة يعني فاكرة نفسك هتصلحي الكون مع واحدة ما تعرفيش ربنا ومعندهاش حدود عاوزة منه إيه غير الشغل بتاعها أشكر ربنا إنه أنقذك منهم.
أثناء ما كانت زهرة تمشي وقفها شخص ووضع يده على كتفها من الخلف
يا أنسة...
انتفضت زهرة وزاحت يده ونظرت له 
نعم حضرتك
بلع ريقه عاصي
تليفونك كان وقع وجيبته لك وآسف على التدخل انا سمعت كلام البنت وكنت متابع الا بيعملوا وممكن اشهد معاكى ومادام واثقة في نفسك وعارفة إنهم بيلفقوا عليك بلغي عنهم.
انصدمت زهرة ونظرت إليه
أبلغ عنهم أنت عايز أقع تاني تحت رجليهم طب لو كانت بتلفق وممعهاش حاجة وقتها كل اللي هستفيده ايه غير سمعتى تنهار وشوشرة.
وضح عاصي
اللي زي دي عمرها تهدد بدون دليل ومشى بعيد حطت كاميرا في حمام البنات أو استغلت بنت قريبة منك وحطت كاميرا...
بدأت زهرة تنتبه
تقصد في بيت الطالبة في السكن مشى بعيد فعلا وكلنا بنات مع بعض.
طب أعرف إزاي إن كان معاها بجد
وضح عاصي
شوفي يا أنسة خليها بس تبعد لك تهديد على الواتس ولو على جروب الواتس زي ما بتقول وصور اسكرين لكل التهديدات وعلى شرطة الإنترنت وأقدمي الدليل وسلمي ليهم التليفون بكل تهديد منها وحقك هيرجع لك. ونصيحة مني السكوت على الحق كشيطان أخرس.
هزت رأسها بامتنان وشكرته
عندك حق أنا لو استسلمت والكل عارف أخلاقي وثقتي في الله كبير . شكرا جدا لحضرتك.
انسحب عاصي وزهرة وكان يتبعهم زياد وياسمين وكان زياد على نار
مين اللي مسكها ده ولا بعد كده لحقها
ضحكت ياسمين ضحكة شيطانية
مقولتش ليك ان البت دي مش سهلة وسهونة بس شاطرة تعمل نفسها شريفة أقسم بالله لهتشوف.
وفتحت الواتس ودخلت على الجروب
إحنا النهاردة هنحتفل احتفال على الشيخة المحترمة اللي عاملة نفسها رابعة العدوية أو شيخة الأزهر. انتظروني صور إسبيشال هتنزل الساعة ستة وأقسم بالله لو ما اعتذرتش لي أمام الكل هتكون الصور دي سبب رفضها.
شافت زهرة الشات واترعبت بتتكلم بجد! صورت كلامها وتهديدها.
انتبهت زينة من رسائل الشات وقت المحاضره ودخلت وكتبت 
هو أنت بتتكلمي عن مين يا حقيرة متلمي نفسك أقسم بالله معارفش إزاي سيباني واحدة زيك في الجامعة.
ضحكت ياسمين وكتبت 
صاحبتك المصونة يا زينة ومتقلقيش الدور عليك وهعرفك مين الحقيرة.
ردت زينة بخوف وهي تدفع عن صديقتها
كذابة وستين كذابة والكل عارف أساليبك .
دخلت بنات تابعة لياسمين
فرجين الحلويات يا سمسي!
والشباب ملصقات ترحيب وهيسة.
كانت زهرة مصورة اسكرين لكل كلمة كتبوها وكل اتهام وفكرت تعمل إيه لازم تدفع عن نفسها ولا هتكون ضحية زي غيرها أعمل إيه يا رب
الهمني الخير انصرني. أنا عارفة إن ده عقاب عشان ما حطيتش حدود من الأول صدقت كلام الشيطان ومشيت ورا الحب نسيت إن ده باب بيفتح بيه ألف خطأ. ممكن ربنا أنقذني من زياد لكن مكانش لازم العب بالنار مع ياسمين دي أستغفر الله العظيم. أعمل إيه يا رب كن معايا.
وصلت لمرحلة وحشة وكانت منهارة.
في الوقت ده وصلت زينة إلى بيت الطالبة شافتها قاعدة بتعيط ومنهارة قربت منها وضمتها
محدش يصدقها الكل عارف إنها بنت مشى محترمة. أوعي تزعلي نفسك يا زهرة بالله عليك.
بعد فترة من البكاء جاءت رسالة على الواتس
قابلني بكرة.
يتبع...ج