رواية زهرة العاصي الفصل الخامس 5 بقلم صفاء حسني

زهرة العاصي الفصل الثالث
الكاتبة صفاء حسني
هتغيري يا زهرة وهرفع رأسك أقدم الجامعة كلها بس أرجوك!اسمعيني
هزت زهرة رأسها رافضة
مابقاش لازمني تغيرك يا زياد وزي ما أنت قولت أنا مين عشان أحاسبك مشى هقولك إلا ربنا يسامحك على كسر قلبي. ياريتك كنت سبتني في حالي كنت كل همي مستقبلي وكنت راضية. لكن أقول إيه أنت زي الشيطان اللي بيغوي الإنسان وأنت فضلت تغويني باهتمامك عشان توقعني زي كل البنات. غرورك كان رافض يعترف إن في بنت ترفضك ولما افتكرت إنك وقعتني في حبك كنت فاكرني أكون سهلة زي غيري. لكن مليت بسرعة أوي يا زياد ورجعت للرمرم أرجع بالهناء والشفا عليك. أنت عارف قلبي ما وجعنيش عشان جرحك لا والله ده عادي. ده ربنا كشف لي حقيقتك وأنا بشكره وبحمده وأحمده ليل نهار.
لكن اللي قهرني إنك تستغل حرما الجامعة اللي المفروض للعلم فقط بالقذارة اللي كنت بتعملها. مقدرتش تتحكم في نفسك للدرجة دي ولا قلبك جمد بزياده خالي متحترميش أي حد طيب على الأقل فين خوفك

من ربنا فين خوف على سمعة الجامعة أو سمعة البنات اللي بتضحك عليهم. ممكن ربنا كشفك لي عشان أقولك وافهمك بلاش مكانا طاهرا زي الجامعة تلوثه يا زياد!
مشيت زهرة خطوة وظهرت ياسمين التي كانت مع زياد على صوتهما وجاءت تدخل
هو أنتم ليه خرجتوا من الجامعة أنا كنت بدور عليكم أقصد عليك يا زهرة.
نظرت زهرة إليها من فوق لتحت وقالت وهي تبتسم ابتسامة باردة وجهها شاحب وشفتاها مطبقتان بإحكام
الف مبروك يا ياسمين خسرت دنيتك ودينك وعفتك. ربنا يتوب عليك. سلام.
وقبل ما تمشي أمسكتها ياسمين بعنف وجهها مشوب بالغضب والحقد عيونها تبرقان
أنت فاكرة نفسك شيخة وبتعملي كده عليا فوقي لإن أنا أقدر أفوقك وبسهولة!
ابتسمت زهرة بارتياح وجهها هادئ عيونها تعكس ثقة بالنفس
الحمد لله ربنا فوقني قبل فوات الأوان. الدور عليك أنت ادعي ربنا يستر عليك.
غضبت ياسمين بشدة وأمسكت زهرة من حجابها بقوة
بقول لك إيه يا بت اطلعي من الدور ده أحسن لك! أنت بس قلبك محروق عشان عرفت إن زياد كان واخدك كوبري مش أكتر عشان ينجح وأنا عارفة كل كبيرة وصغيرة عشان كان مراهن عليك إنه يوقعك ويصورك عشان تبطلي إنزاحة علينا. لكن للأسف طلع خروف وقع في حبك وما عرفش يسيطر على قلبه وينفذ المطلوب لكن أنا قومت بالواجب.
انصدم زياد وبدأ يحوش عن زهرة ويبعدها وجهه يعكس الخوف والقلق عيونه تتوسل
تقصدي إيه انطقي!
ضحكت ياسمين بسخرية وجهها مشرق بالشر عيونها مليئة بالانتقام
معايا صور لك وأنت في الحمام ومن غير الحجاب وهتنزل كلها على جروب الواتس عشان يشوفوا العفيفة الشريفة. وطبعا مع شوية شغل ولعب وشات بينك وبين المحروق وأنت بتبعتي الصور دي. شوفي بقى وقتها مين اللي هيسترها عليكي
انصدمت زهرة ونظرت إلى ياسمين وزياد باحتقار وجهها متجمد من الصدمة عيونها تطلق الشرر
حسبي الله ونعم الوكيل. فوت الأمر لله أستغفر الله العظيم وأتوب إليه. حسبي الله.
ضحكت ياسمين بسخرية
بتتحاسبني عليا أنت مصدقينيش .
سكتها زياد وأمسكها من شعرها بقوة
بقوللك اسكتي يا بت أنت! ثم وجه كلامه لزهرة روحي أنت يا زهرة ومتقلقيش متقدريش تمس شعرة منك.
بينما كانت زهرة تمشي انتبهت ياسمين إلى سيارة قادمة من بعيد ومن غيظها وحقدها دفعت زهرة بقوة على الطريق.
كان الدكتور عاصي واقفا يتابع ما يحدث والخناقة وجهه يعكس الغضب والاستياء طلب من الأمن يدخل
متقومو تتدخلوا! مش شايفين البنت واقفة محصرة في وسطهم
ابتسم أحد رجال الأمن
ياسمين وزياد كل سنة ليهم ضحية يا دكتور ومحدش يقدر يتدخل عشان أهلهم وصلين.
انصدم عاصي وغضب
أنت سامع نفسك بتقول إيه يعني إيه وصلين يعني تسيبوا البنت تتبهدل في وسطهم وأنت ساكت أنا هبلغ عنك الإدارة!
وضح رجل أمن آخر
يا دكتور أنت ما فهمش. مادام خرجوا من الجامعة يبقى خارج اختصاصنا. ثانيا زهرة هي اللي غلطت عشان هي فقيرة وفي حالها وطيبة وهي موجوده هنا بمنحة يعني لو ركزوا معاها هتخسر كل حاجة لكن هي وقعت نفسها ما بينهم ممكن يهروسوها تحت رجليهم ويهروسوا أي حد. ارجع أنت الجامعة وأنا أجيب لك مكيانك يصلحها.
رفض عاصي وغضب
أنا مشى همشي. وانسحب واتجه نحوهم وكانت البنت