رواية جحيم الديب الفصل السابع 7 بقلم مينو

ضحك بتوتر وجمع شجعته وقال
_ طيب أنا كنت عايز اطمن عليكي أنا وامك ونضمن انك تعيشي مبسوطة مع واحد كويس ابن حلال يصون شرفك وعرضك ونبقا مأمنين روحك معاه ...قلبي وقع في رجلي ووشي شحب فجأة واتلخبطت ملامحي من الصدمة. حاولت أرد بس الكلام وقف في زوري وقولت
تقصد ايه يا بابا ومين هو !! قولت كدا وانا مرعوبه من جوايا ده لسه حتي ميعرفوش اني متجوزه ده انتي ايامك الجايه جحيم يا حور ...قالي بهدوء عز ابن اخويا راجل مالي هدومه وكويس وهيصونك وانا عارف ابن اخويا وعارف أخلاقه وتربيته وانا كلمته ومكنش عنده مانع خالص بالعكس كان فرحان بالفكرة 
قمت من مكاني وأنا مش قادرة أستوعب. إزاي يتكلموا من ورايا وإزاي أوافق وأنا متجوزة!
قولت بصوت مهزوز
بس بابا ده قرار كبير وأنا مش جاهزة خالص.
أبويا اتعصب وقال
يعني إيه مش جاهزة! إحنا بنقولك عريس زي الدهب مش بنرميكي في الشارع! ولا انتي في دماغك حاجه!
سكت وعيني دمعت وأنا بتكلم بصوت خافت
لا مفيش حاجه بس الموضوع جالي فجأة
أمي دخلت في الكلام وحاولت تهدي أبويا
استنى عليها يا عاصم البنت لسه راجعة من تعب نديها وقت تفكر بقلم مينو
ابويا قال بحزم هستني ايه أنا كلمت الواد وقالي أنه جاي بكرا يشوفها ويقعد معاها مش هينفع ارجع في كلامي .. قولت بدموع ازاي تاخد خطوه زي كدا من غير ما تعرفني وكمان مجهز الحوار انت وابن اخوك من غير ما اعرف ولا تعرفوا رايي ...عاصم بحزم وقال 
أنا قولت اللي عندي بكرا هتقعدي معاه وهو جاي لوحده عشان يقعد معاكي وبعدين قام وهو غاضب ... وانا قومت دخلت اوضتي وفضلت الطم بالصمت وقولت بصوت واطي متحشرج يلهوي هعمل ايه هعمل ايه يارب أنا كدا الحيطان زنقتني هقولهم ايه مش هينفع اوافق عشان متجوزه !!!!وبعدين لطمت علي وشي وقولت يخربيتك يخربيتك انتي خلاص انتهيتي رميتي نفسك في النار يا حور شاطره ربنا يستر وبعدين لطمت علي وشي كتير وقعدت علي الارض فضلت اعيط بالصمت ..
تاني يوم .. بقلم مينو
صحيت على صوت أمي وهي بتخبط عليا
صحي يا حور الواد عز وصل وقاعد مع أبوكي في الصالون.
حسيت بإزاز في بطني بيتك سر قمت من مكاني ووشي مصفر ومش عارفة أتنفس
قلبي بيدق بسرعة وإيديا بتترعش وانا بلبس لبسي وبجهز نفسي.
خرجت من الأوضة وخطواتي بطيئة وكأني ماشية على شواك بقلم مينو
قربت من الصالون وشميت ريحة القهوة
وسمعت صوت أبويا وهو بيضحك وبيقوله
نورت يا عز والله حور هتيجي تقعد معاك دلوقتي.
دخلت وأنا راسي في الأرض وقلبي بيقول خلاص كدا انتهيت
أول ما عيني قابلت عينه لاقيته بيبصلي بنظرة تحمس
نظرة فيها ابتسامة لطيفه روحت قعدت معاه علي الكنبه وقالي بقلم مينو 
_ بابتسامه علي فكرا أنا لسه فاكرك انتي حلوه اوي يا حور ...ابتسمت بتوتر وقولت شكرا .. 
بصلي باستغراب
_ وقال شكرا ماشي يا ستي لسه لما نقعد كتير هنتعود علي بعض ونعرف بعض اكتر ...وفي وسط وانا قاعده سمعت خبط جامد اتنفضت من مكاني بلا إراديا كنت لسه اقوم اشوف مين بابا قعدني وقالي أنا هفتح فضلت اعض في شفايفي بخوف لأن عارفه أن مراد مش هيسبني بعد اللي عملته في بابا فتح الباب كانت تعبيرات وشه مش ناوي خير خالص لاقيت بابا مستغرب وقال
_ انت تعرف حور بنتي!! سمعت كدا ولاقيت قلبي وقع في رجلي وشويه كان هيغمي عليا من الخوف وقولت في نفسي يا يومك مش فايت يا حور مراد دخل البيت ووشه غضبان ولاقاني قاعده مع ابن عمي لاقيته شافني كدا الدم فار في عروقه بغضب وقال بسخرية
معقوله مراتي بتتجوز تاني طب ازاي!!! 
شهقت بخوف
وقولت بتوتر مراد !!!
عز اتجمد في مكانه وبصلي بصدمة وهو بيكرر الكلمة ببطء
... مراتك!!!! وووووو يتبع 
جحيم_الديب
اسفه تاني مره علي التاخير بسبب ظروف باذن الله احاول اعوضكم علي قد ما اقدر