رواية جواز بالاجبار كاملة (جميع فصول الرواية) بقلم هند ايهاب
وقولت_
خمس دقايق وهكون جاهزه
ابتسم بفرحه وقال_
هدخل ألبس
هزيت راسي وقفلت الباب فتحت الدولاب طلعت دريس وبدأت ألبس وبما أني عروسه فقررت أحط ميكب خفيف علي بشرتي مهي أول خروجه تجمعني بيه خلصت وطلعت لقيته طالع من الأوضه وصفر بأعجاب
بصيت علي الدريس وقولت_
حلو
مسك أيدي ولفني وقال_
زي القمر
بعدت أيدي عن أيديه بأحراج وقولت_
وأنت كمان
أنا كمان أيه!!
الطقم حلو أوي
أبتسم وقال_
ماشي يا ستي شكرا علي المجامله يلا بينا
ابتسمت وقولت_
يلا بينا بس دي مش مجامله
نزلنا وكان في عربية أوبر مستنيانا لقيته بيفتح لي الباب دخلت العربيه وهو قعد جمب سواق الأوبر وصلنا لمطعم شيك أوي فتح لي الباب ونزلت مسك أيدي وكأنه بيثبت للناس أني ملكه دخلنا وقعدنا علي تربيزه كان الجو هادي وجميل
عجبك المكان
ابتسمت وأنا بتفرج علي المكان بطريقه عشوائيه وقولت_
جميل أوي
تحبي بقا تاكلي أيه
أطلبلي علي ذوقك
ابتسم وشاور للويتر وطلب الأكل وبعد وقت قليل الأكل نزل كنا بنتكلم وأحنا بناكل كلامنا مكنش بيخلص من هزارنا كنا بنتكلم بتلقائيه ودي كانت أحلي حاجه تحصل بعد الحضن والغيره طبعا
وفي وسط الأكل لقيت واحده وقفت قدامنا وبتكبر قالت_
بقا هي دي اللي سبتني علشانها
لقيت تميم وقف لما شافها وقال_
رهف أنت أيه اللي جابك هنا
جيت عشان أشوف مين اللي قدرت تخطفك مني
كنت قاعده ببص لها والناس الناس كانت بتبص علينا قومت وقفت وقولت_
خطڤ!! خطفت مين!!
بقرف قالت_
أنت خطفتي حبيبي مني أنت يا خطافة الرجاله
مسكتها من بقها وقولت بتحذير_
هشش أياكي أياكي تفكري أنك ممكن تستضعفيني هقل منك وهخليكي متتشافيش
بعدت أيدي وضحكت ضحكه مايعه وقالت بصوت عالي_
لاء خۏفت خلي الناس يا حبيبتي تعرفك علي حقيقتك يا خطافة
الرجاله
تميم بعصبيه قال_
رهف
بعدت عن التربيزه وقولت بأبتسامه كلها أنتصار_
ميعرفوا الناس خليهم يعرفوا أني مرات تميم أنما أنت أنت بقا تطلعي أيه
لقيتها أتوترت بصت علي الناس لقت الناس بتبص لها بحتقار وأستهزاء بصيت عليها بسخريه
قبل ما تيجي تتكلمي معاي أعرفي أنا مين وأنت تطلعي مين
سيبت المطعم ومشيت ماشية ثقه سيبتها بغلها طلعت ولقيت تميم وراي
هند هند والله ما كنت أعرف أنها هتيجي
اتنهدت وقولت_
عايزه أروح
مسك أيدي وسحبت أيدي منه بسرعه وقولت_
لو سمحت روحني دلوقتي حالا
اتنهد وقال_
حاضر حاضر يا هند
جواز بالأجبار_الجزء الخامس
فضلت واقفه بحاول أبعد عيوني عنه بحاول منزلش دمعه قدامه مكنتش حابه أبان ضعيفه مكنتش حابه أخليه يشك أن فيه حاجه من ناحيته كنت واقفه وهو كان بيطلب أوبر دقايق وكان الأوبر وصل فتحت الباب وركبت ركب جمب السواق كان بيحاول يبص لي من المراي وأنا كنت ببعد وشي عن المراي وصلنا نزلت من العربيه وسيبته وطلعت كان واقف بيحاسب الأوبر طلعت ودخلت الأوضه للحظه دموعي نزلت نزلت من سذاجتي أني فكرت أن ممكن يبقي في بينا حياه مع بعض
الباب خبط ولقيته بيقول_
هند
كنت قاعده علي السرير مكنتش عايزه أفتح له مكنتش عايزاه يشوفني كده مسحت دموعي وقومت فتحت الباب بهدوء كنت بحاول أبعد عيوني عنه عشان ميشوفش عيوني اللي مليانه دموع
نعم
مسك أيدي وسندني علي الحيطه وقال_
هنا في نفس المكان ده بالظبط قولتلك أيه
سكت وعيوني كانت بټخطف نظرات لعيونه وقال_
قولي قولتلك أيه مش قولتلك أن معتش عندي حبيبه
بتردد قولت_
وأنا أيه اللي يخليني أصدقك
بزهول قال_
وأنا أيه اللي كان يخليني أقولك كان ممكن مقولش وأعيش حياتي وأخليني معاها وعادي بس أنا مقبلتش مع أنها عرضت علي بس مقبلتش أعمل فيكي كده وللحظه حطيت نفسي مكانك وحسيت أنت ممكن تحسي بأيه أنا مش وحش أوي كده
نزلت أيديه اللي كانت علي كتافي وقولت بعصبيه_
مين اداها الحق أنها تتكلم بالطريقه دي معاي مين هي
ضحكت بسخريه وقولت_
آه معلش نسيت دي حبيبتك
پغضب قال_
هند هي مبقتش حبيبتي
بسخريه قولت_
هو سؤال أزاي كنت معاها كده
بستغراب قال_
كده أزاي
باللبس والطريقه دي عشان كده مكنتش بتبص لي عشان لبسي محتشم صح بتحب تبص للبنات اللي من النوع ده
بعصبيه قال_
أنت أيه اللي بتقوليه ده
بستفزاز قولت_
كنت تقولي أنك بتحب اللبس ده عشان كنت لبست كده
للحظه رفع أيديه وزعق بأسمي بصيت پصدمه علي أيديه المرفوعه علي وقولت_
أنت كمان عايز تضربني يا تميم
دمعت وقولت_
بقا دي الأمانه اللي بابا سيبهالك
نزل أيديه كنت لسه هدخل الأوضه بس لقيته بيشدني وقال_
هند أنا أسف والله أسف
فضلت أهز راسي بنفي وقولت_
أنا مش عايزه أفضل معاك
طب أهدي طيب والله ما كنت هضربك أنا بس أتعصبت بس والله ما كنت هضربك
زقيته بعيد عني وقولت_
أبعد عني يا تميم متقربش مني
هند والله ما كنت هضربك
بعدت عيوني عنه ودموعي نزلت أتنهد وقال وهو بيفتح درعاته_
تعالي
كنت ببعد نفسي عنه بس لقيته خدني في حضنه كنت خاېفه منه بس حسيت أني هديت في حضنه كنت حاسه بدقات قلبه كنت شامه ريحة البرفيوم بتاعته لقيت نفسي بشم البرفيوم جامد ولقيته أيديه بتتحط بحنيه علي وشي عشان يمسح دموعي لقيته بيشيلني
بخضه قولت_
بتعمل أيه
سكت وحطني علي السرير بهدوء وقعد جمبي وفضلت في حضنه وقال_
مش هسيبك غير لما تهدي خالص أتفقنا
هزيت راسي
صباح الخير
صباح النور
قولتها وبعدت نفسي عنه قام وقال_
غير هدومك عشان نفطر
هزيت راسي وقام وطلع من الأوضه قومت غيرت هدومي طلعت ودخلت التويليت وبعدين طلعت ولقيته بيحضر السفره
ليه تعبت نفسك كنت هاجي أعمل كل حاجه
تعبك راحه قولت أريحك مره
ابتسمت وقولت_
شكرا تسلم أيدك
مسك أيدي وباسها وشد الكرسي وقعدت وقال_
ثانيه واحده
دخل المطبخ ولقيته جايب مج وقال_
دايما بشوفك بتشربي نيسكافيه علي الفطار فقولت أعملك
ابتسمت وقولت_
تسلم أيدك
قعد علي الكرسي اللي جمبي ولقيته بيمسك أيدي وقال_
ممكن ننسي اللي حصل أمبارح وكأنه محصلش
بعدت عيوني عنه وهزيت راسي وقال_
أحب أسمع منك
حاضر يا تميم هنسي
ابتسم وقال_
طول ما أحنا متحوزين أعرفي أني مش هكون شايف غيرك
بصيت بلهفه عليه وقال_
يلا ناكل
ابتسمت وهزيت راسي وقولت_
يلا
جواز بالأجبار_الجزء السادس
احساس ان يكون زعلك فارق مع حد احساس حلو أوي وخصوصا ان تميم مش أي حد بالنسبالي
عجبك الفطار المتواضع بتاعي
ابتسمت وأنا باخد بق من النيسكافيه وقولت_
جميل أوي
يا سلام أمال مش بتاكلي ليه
مش بحب أفطر كتير أهم حاجه أني أبدأ يومي بالنيسكافيه
عقد حواجبه وقال_
بس ده غلط
هزيت كتافي وقولت_
متعوده علي كده
مد أيديه بسندويتش فينو فيه قشطه وحلاوه وقولت_
أنا شبعت
مأكلتيش حاجه يا هند لازم تاكلي كويس جسمك ضعيف
أتحرجت وقال_
يلا أفتحي بقك يلا عشان هأكلك
بزهول قولت_
تأكلني!!
آه مراتي بقا وهدلعها
ابتسمت ولقيت مسدچ جاتله علي التليفون ڠصب عني بصيت علي المسدچ لأنه حاطط التليفون علي السفره كانت منها فجأه ملامحي أتغيرت وهو لاحظ ده
قومت بهدوء وقولت_
هقوم أدخل الأوضه عشان تاخد راحتك
قام وقف وقال_
أخد راحتي في أيه!!
بنفاذ صبر قولت_
يمكن عايز تكلمها ومش عارف بسببي
بس أنا قولتلك أني معتش في بيني وبينها علاقه
بعصبيه مكتومه قولت_
وأنا أيه يضمن لي أنا أضمن منين أنت ليه بتعمل معاي كده مكنتش عايز تتجوزني مكنتش تتجوز أنما متحسسنيش أني مش متشافه
مين قال أنك مش متشافه
بعدت عيوني عنه وقولت_
لو مفكر انك لما هتتجوزني هترميني يا تميم علي الرف وهتعيش حياتك تبقي غلطان عايز ترجع تكلمها براحتك
رفعت صباعي قدامه وقولت بتحذير_
بس متزعلش من اللي هيحصل
هز راسه وهو مش فاهم وقال_
يعني أيه!!
هتعيش حياتك هعيش حياتي هتحب ههحب
مسكني من معصم أيدي وشدني وقال بعصبيه_
تحبي مين!!
بۏجع قولت_
أوعي كده سيب أيدي
ساب أيدي وقال_
أنا من أول يوم قولتلك معنتش في علاقه قولت هتقي ربنا فيكي مرضيتش أحسسك أنك ملكيش أي حق في قولت أني رضيت أتجوزك يبقا هفتح صفحه جديده معاكي هحاول علي قد مقدر أن حياتي تبقي ليكي وبس وفي الأخر تقوليلي كده
هزيت كتافي وقولت_
تفتكر ليه بقولك كده ها تفتكر ليه أنا حتي مش فاهمه حبيت فيها أيه حبيت فيها أيه يا تميم!!
محبتهاش أنا الفتره اللي قعدتهم بعيد عنها خلتني أكتشف أني محبتهاش وأني كنت متعود عليها مش أكتر
ضحكت بسخريه وقولت_
والمفروض أصدق بقا
سكت وقال_
لو كنت بحبها مكنتش خليتك تهنيها قدام الناس بالعكس سيبتك براحتك تتكلمي لأن كان معاكي حق
وياريتك بعدت عنها يا تميم
للحظه كنت هدمع بس أديته ضهري وقولت_
لما أنت مبقاش في بينكم علاقه ليه لسه بتبعتلك مسدچات ليه لسه مخلي عندها أمل
يعني هي دي مشكلتك!!
بصيت له وقولت بدموع_
مشكلتي أنك تبقي معاي وتفكيرك كله معاها يا تميم أنا بني أدمع وبحس أن كنت معاي بقلبك ولا لاء وقلبك معاها
هي
سيبته ودخلت الأوضه فضلت أضرب قلبي اللي حبه وهو مش لي كنت عايزه أتكلم مع حد بس مكنتش عارفه أتكلم مع مين مين ممكن يفهمني أو يحس بي أزاي هقدر أفتح لحد قلبي وأتكلم
بستغراب وخضه قال_
هند مالك فيكي أيه
بصيت له وأنا شايفاه طشاش وقولت_
تميم تميم الحقني
وقعت في حضنه وأخر حاجه أسمها زعيقه بأسمي وهو بيشيلني
جواز بالأجبار_الجزء السابع
صحيت لقيت نفسي متعلقلي محاليل وهو جمبي كان باين عليه الخۏف والقلق أول مفتحت عيني كان هو أول حد الاقيه بېلمس وشي عشان يطمن علي
بلهفه قال_
أنت كويسه حاسه بحاجه تعباكي أجبلك الدكتور أستني هجيبلك الدكتور
كان هيقوم بس مسكته من أيديه وقولت_
تميم أنا كويسه بس كنت دايخه من قلة الأكل
بص لي بلوم وقال_
مش هتكلم معاكي دلوقتي عشان تعبك بس هحاسبك علي اللي بتعمليه ده بعدين
قعد جمبي علي السرير وقال_
متأكده أنك كويسه
هزيت راسي
بۏجع قولت_
تميم
بقلق قال_
أنا أسف أتوجعتي جامد
هزيت راسي بنفي وقولت_
هو أنا همشي أمتي
بص علي المحلول وقال_
لما المحلول يخلص وبعدين أنادي علي الدكتور يجي يطمني عليكي هو أنا عندي كام هند يعني
ابتسمت وقال_
هو أنت لسه زعلانه مني
ابتسامتي راحت بالتدريج وقال_
قبل ما الأبتسامه الحلوه دي تروح عايز أقولك أني غيرت رقمي ويلا بقا عايزك تبقي كويسه عشان هاخدك فسحه
فسحه فين!!
عايز أنسيكي أي حاجه وحشه شوفتيها أو حستيها فقولت فيها أيه يعني لما أخد مراتي وأسافر أنا وهي كده
بفرحه قولت_
هنسافر فين
أنت عايزه نسافر فين
أي حته
بمشاغبه قال_
ما أنا عارف أن أي حته طالما معاي صح
ابتسمت والدكتور دخل وقال_
الجميل عامل أيه دلوقتي
تميم كان بيبص لي ومزاجه حلو فجأه لقيت ملامح وشه أتحولت للحظه خۏفت ولقيتني بتبت في أيديه
ابتسمت للدكتور وهزيت راسي وقال_
طب أيه بقا مش ناكل كويس
مش ببقا جعانه والله يا دكتور
لاء لازم ناكل
تميم قال_
أن شاء الله هفضل أتابعها
أنت أخوها
تميم رفع حاجبه بأستفزاز وقال_
جوزها
الدكتور أتحرج وقال_
مش باين عليكوا
مهو أصل متجوزين جديد فتلاقينا مش باين علينا
هز راسه ومشي وأنا كنت بضحك من تحت لتحت ولقيته بص علي بخبث وقال_
أضحكي أضحكي
ضحكت وقال بحب_
ضحكتك حلوه أوي
اتحرجت وقولت_
شكرا
ممكن تخليني أشوف ضحكتك دي علي طول
هزيت راسي
جواز بالأجبار_الجزء الثامن
المحلول خلص والدكتور كتب علي خروج لقيت تميم بيشيلني لقيت الدكتور واقف مضايق
بأحراج قولت_
تميم الناس
بصوت عالي قال_
مراتي محدش ليه عندي حاجه ولا أيه يا دكتور
أتكلم وهو بيجز علي سنانه وقال_
آه بس مراتك في البيت مش هنا
لاء ده كلام بيقوله أي راجل
كنت ببص له وأنا مش مصدقه اللي بيقوله وبص لي وقال_
يلا بينا عشان ترتاحي عشان عندنا شهر عسل
كنت مغمضه عيوني بس كنت حاسه بكل حاجه حوالي كان ماسك أيدي السقعانه
