رواية صدفة فريدة الفصل السادس 6 بقلم مي عبدالله

صبري بشر وهو بيقول احنا لازم نرجع زين لازم نخليه يتجوزهاا..!
فايزه بخبث وهي بتقول ياسلام لما فريده تعرف ان عمها هو السبب ف كل حاجه 
صبري بنبره فيها غل وحقد_امال أسيبهم يتبرطعو ف العز دا كله لوحدهم بعد ما اخويا الله يرحمه بق كتبلهم كل حاجه باسمهم...
فايزه بصتله وهي بتقول بس انت دماغك طلعت سمم ونخليها تمضي تنازل عن كل حاجه 
كملت بغل وهي بتقول بس البت طلعت اذكي وهربت احنا لازم نلاقيها ف اسرع وقت ماينفعش تعبنا دا كله يروح علي الارض لازم نلاقي طريقه.
صبري بخبث ونبره فيها كره زين هو الحل نخليه يرجع وبدمعتين هتصدقه زي الهبله يتجوزها وخايف عليهاا ولازم تكتبله كل حاجه باسمه وهي زي الهبله هتسمع كلامو..!
فايزه بخبث دماغك دي الماظ بس افرض طمع بق 
صبري بشرود وهو بيقول انا مدبر كل حاجه متقلقيش.
عند فريده صحيت الصبح وهي مقرره انها تمشي لازم تبعد باي طريقه قبل ما حد يعرف مكانها ويودوها لعمهاا وكل الي عملته يضيع صحيت سهام علي صوت فريده وهي بتصحيهاا
سعاد بقلق فيه حاجه يبنتي نتي

كويسه اجبلك الدكتورة...
فريده وهي بصالها بهدوء ممزوج بشكر_لا شكرا لحضرتك بجد انك اهتميتي بياا وقت تعبي بس لازم امشي مش هينفع اقعد اكتر من كد.
سعاد بصتلها وهي بتقول طيب استني ابني عاوز يتكلم معاكي قومي اتوضي وصلي يكون هو صحي وبعدين ابقي اعملي الي يريحك.
فريده بصتلها وهي بتقولها تمام ماشي هقوم دلوقتي .
سهام وريتها مكان الحمام الي ف الاوضه وطلعتلها اسدال صلاه وراحت تصحي ابنهاا..
عند حمزه كان صاحي عمال يفكر ف فريده وهو حاسس بحاجه بتشده ناحيتهاا مش عارف اي سببها وف نفس الوقت حاسس بالحزن تجاهاا قطع تفكيره دخول مامته.
سعاد وهي بتقرب منه بقلق وهي بتقول انت كويس يحبيبي شكلك منمتش من امبارح...!
حمزه وهو بيتنهد بتعب _ والله ي امي تعبان اوي مش عارف مالي بس حاسس بخنقه معرفش اي سببها..!
سعاد بحزن علي ابنها وهي بطبطب علي كتفه بحنيه مفرطه وهي بتقول سيبها علي ربنا يحبيبي هو قادر يدبرهالك يحبيبي ويصلحلك حالك كله .
حمزه بحب وهو بيبوس ايديها ربنا يديمك فحياتي يا امي يست الكل يعسل انتي
سعاد بتضحك وهي بتقوله يبكاش كل بعقلي حلاوه.
المهم فريده صحيت ومصممه انها تمشي ونا قولتلها استني لما ابني يجيلك.
حمزه بصلها بتركيز واهتمام وهو بيقول ماشي يست الكل هاخد دش علي السريع وهروحلهاا انا فعلا عاوز اتكلم معاها.
سهام طبطبت علي كتفه وخرجت من الاوضه وهي بتدعيله ان ربنا يهديله حاله ..
عند فريده كانت بتصلي وهي بتدعي ربنا انه يصلحلها حالها ويدبرلها أمورها خلصت صلاه وهي بتفكر ف مامتها وازاي هتكون عمله اي من غيرهاا
فاقت من سرحانهاا علي صوت سعاد وهي بتقولها بحب متقلقيش يبنتي كل حاجه هتتحل والله ارمي همومك علي ربنا..
فريده بصتلهاا بحب وهي بتحضنهاا وبتقولها بشكر مش عارفه اقولك اي والله بس انا حبيتك اوي بجد مش عارفه من غيركو كان حصلي اي.
فريده طبطبت علي ضهرها بحنيه وهي بتقول احنا معاكي يحبيبتي متقلقيش.
حمزه خبط علي الباب وهو بيقول بهدوء انا قاعد ف الريسيبشن ي امي خلصو وتعالو.
عند سهام كانت صحيت من النوم بتعب وهي بتفكر فيها قامت اتوضت وصلت وراحت القسم تاني علشان تشوف هيعملو اي.
ف قسم الشرطه كان الظابط بيقولها بجديه _ يعني هربت ومن وقتها مرجعتش..
سهام بحزن ايواا بس هي كانت مغصوبه علي الجواز دا
الظابط بجديه مش ممكن ولما جبرتوها تتجوز هربت..
سهام بسرعه وهي بدافع عن بنتهاا لا يباشا انا مربيه بنتي كويس و عارفاها هي لا يمكن تعمل كد دي الناس كلها بتشهد باخلاقهااا..
الظابط بصلها بهدوء وهو بيقول أن شاء الله خير احنا هنتحرك علطول وان شاء الله هتكون كويسه متقلقيش .
سهام طلعت بحزن وتعب وهي بتدعي ربنا انها تلاقي بنتها
عند صبري جاله تليفون من واحد من رجالته الي امرهم انهم يدورو علي فريده وهو بيقول
ايواا يمعلم صبري انا دلوقتي عرفت مكان البت هي قاعده ف حته اسمها المنياوي بس يمعلم لما اتقصت عرفت انه راجل تقيل اوي صاحب شركات المنياوي مالوش غير امه عنده بدل الڤيلا قصر بس قاعدين ف شقه ابوهم لان الست والدته مكنتش عاوزه تمشي من شقه جوزهاا .
صبري قفل معاه وهو بيقول بشر نهايتكم قربت ورن علي زين وهو بيقوله يجهز بعد ما فهمه يعمل اي وقام هو كمان يجهز بسرعه علشان يروحو لفريده...!
عند حمزه كان قاعد بهدوء ف الريسيبشن وهو بيشرب قهوته