رواية وتبقي لي الفصل السادس 6 بقلم شاهندا

وقف عند الباب لحظة وابتسم وقال اخوكي مبيضيعش وقت وخدها من المستشفي مفكر انه كده بيحميها مني 
قرب منها وقعد علي الكرسي اللي قدمها 
قرب منها ببطء وقال 
اسمعي اللي هقوله دلوقتي ويتنفذ بالحرف وإلا
هخليكي تتمني الموت وتموتي كل يوم من غير ما يوصلك 
مريم عنيها دمعت أكتر بتحاول تهز راسها أو تتكلم لكنه مد إيده وشد اللازقة من على بوقها
مريم بصوت مبحوح 
سيبني انت بتعمل كده ليه 
زين وهو بيطلع تليفون 
بيتكم رقمه الأرضي كام 
مريم 
ليه 
زين بحدة 
الرقم كام 
مريم بخوف ٢٤٦٦ 
زين وصرخت وقال انا عايزك بس تسمعي تمارا صوتك فاهمة لو مش هي اللي ردت تقولي انا عايزة تمارا 
مريم هزت رأسها وهو ابتسم
في بيت فاطمة 
البيت هادي مفيش غير صوت عقرب الساعة اللي بيعدي كل ثانية 
فاطمة كانت نايمة جنب تمارا
نامت من التعب وهي مستنية تطمن
تمارا كانت فايقة من فترة
قاعدة على السرير باين عليها التعب وعينيها فيها أثر بكا بس ساكتة جسمها بيترعش
فجأة صوت التليفون الأرضي بيرن 
رنة
ورنة تانية
وثالثة
تمارا قلبها دق جامد التوتر رجع والخوف كمان
بصت حواليها فاطمة نايمة ومفيش حد
صاحي
ببطء قامت مشيت برجليها الحافيين لحد التليفون
مدت إيدها ورفعت السماعة بخوف
تمارا بصوت مهزوز 
ألو 
مريم بصوت مبحوح من العياط 
تمارا 
تمارا بخوف 
مريم مريم انتي فين فين يا مريم 
بس فجأة صوت زين دخل الخط وقال ببرود فيه عربية قدام بيت سيف مستنياكي قومي انزلي واركبيها بهدوء لو معملتيش ده مريم هتشوف أسوأ من اللي شوفتيه
يعني الأحسن تيجي بهدوء ومن غير ما حد يعرف 
وقبل ما ترد زين قفل الخط 
تمارا وقفت ثابتة السماعة في إيدها ولسا بتسمع صوت الصمت 
عينها دمعت والرعشة زادت وقررت أنها لازم تنقذ مريم 
بصت ناحية فاطمة لقيتها لسه نايمة
فخرجت من الأوضة وخرجت من البيت كله
قدام البيت
كانت فيه عربية سودة مستنياها
الشارع هادي ومفيهوش نفس
تمارا قربت الباب اتفتح
ولقيت جواها نور قاعدة في الكرسي الأمامي لابسة إسود 
نور ببرود وهي ماده لها قماشة سوداء 
اربطي دي حوالين عنيكي 
مفيش سؤال مفيش صوت 
وإياكي تفكري تغلطي 
تمارا مسكت القماشة في إيديها ووشها باين عليه الصدمة والتردد
بس قبل ما تلفها حوالين عنيها بصت لنور وقالت بصوت مكسور 
تمارا 
إزاي تعملي فيا كده
أنا أختك يا نور
كل ده علشان قولتلك مش هديكي فلوس
أنا ماكنتش بمنعك من حقك بس دي كانت وصية بابا قولتلك تعالي تشتغلي زي ما قال كنت عايزاكي تبقي جنبي معايا 
نور لفت وشها ليها عينيها كلها غضب وسخرية وقالت بحدة 
نور 
متقوليش بابا ولا أختي
انتي مش مننا يا تمارا انتي بنت لقوها من الشارع وربوها وعلموها وإنتي جايه دلوقتي تاخدي كل حاجة
كل اللي هو سايبه
وعاوزاني أشتغل عندك
لا يا حبيبتي أنا أدوسك برجلي انتي ولا حاجة بالنسبالي 
نور بصتلها بكره وبصوت قاسي قالت 
يلا خلصي اربطي القماشة حوالين عنيكي 
تمارا كانت دموعها على خدها بس لفت القماشة و 
Shahnda
وتبقي لي