رواية مهره وتامر (كاملة حتي الفصل الاخير) بقلم اماني سيد
المحتويات
ذهبت سيلا وجلست مكان شيماء
ليالى انتى هبله ادتيها فلوس صح
اه ايه المشكلة
الست دى كدابه ومقلبه كل الناس اللى جوه فى فلوس بحجه قسط الشقه
معلش محدش يعرف ظروف الناس ايه
ظروف ايه انتى عارفه جوزها شغال مع اخويا ومرتبه كبير جدا وشاريه شقتين وارض فى اكتوبر ومرتبها كله بتحطه جمعيه ومرتب جوزها بيسددوا بيه اقساط واكلهم وشربهم كله عباره عن فلوس بتستلفها من الناس تاكل وتشرب بيها
بتستخسر تدى ابنها درس او تجبلهم حاجه حلوه عشان يكنزوا
انتى بتقولى ايه
بقولك الحلوه اللى خرجت دى اغنى منى ومنك شاريه شقه فى التجمع وواحده فى اكتوبر ومأجراهم غير الشقه اللى قاعده فيها
بجد الكلام ده يا سيلا ولا انتى عشان مش بتحبيها بتقولى كده
تدخلت جواهر فى الحديث قصص وروايات أمانى سيد
مش يمكن دى اشاعات طالعه عليهم يا سيلا
لا دى حقيقه ولما مدير الشركه اللى اخويا شغال فيها عرف منعه إنه يستلف من حد فلوس تانى وهدده إنه هيطرده
تحدث جوهره متعجبه من حديث سيلا فهى اعطت تلك المراه كثيرا من المال ودائما تشفق عليها
قررت ليالى أن تتأكد من حديث سيلا لكن عن طريق تلك الحاسه التى امتلكتها هى قررت عدم استخدامها ولكن ستستخدمها تلك المره لتتاكد من حديث سيلا
واثناء حديثهم دخل اليهم المكتب تامر وسلم عليهم جميعا وبعدها جلس يتحدث مع ليالى
معلش ياليالى معاد امبارح معرفتش اجى فيه
انا هكلم السمسار واحدد معاد تانى واروح اشوف الشقه انا وانتى
مافيش مشكله يا تامر زى ماتحب
تمام هروح بقى على مكتبي عشان متاخرش هكلمك بعدين سلام
وتركهم وذهب
وظلت تفكر ليالى فى طريقه تتحدث بها مع شيماء لتتاكد من حديث سيلا
تفتكروا حديث سيلا حقيقى
وهل مهره هترضى بالامر الواقع
التفاعل لو ذاد هنزل بارت كل يوم
البارت الثالث
امانى سيدالبارت اللى كلكم مستنيينه
فى اليوم التالى ذهبت ليالى الى العمل وأثناء دخولها الشركه وجدت شيماء امامها فقامت بالضغط على اذنها مرتين متتاليتين واقتربت من شيماء
ازيك يا شيماء عامله ايه انهارده
الحمد لله يا ليالى بصراحه مش عارفه اشكرك ازاي على اللى عملتيه معايا امبارح كتر خيرك يا رب
شيماء صحيح هو الاقساط اد ايه وفضلها اد ايه أصل انا بفكر نلم من زمايلنا ونساعدك .
لمعت عين شيماء بطمع وظلت تسأل نفسها داخليا هل تعطيها معلومات شقتها المتواجدة بالعبور ام الأخرى فالعبور قسطها اقل واقرب للعمل وستقتنع ليالى بحديثها بينما شقه اكتوبر ستظل تسالها لما اشترت فى مكان بعيد عن العمل والشقه الثالثه قسطها عالى ستسألنى لما لم اشترى بما هو فى مقدورى حسنا سأعطيها مبلغ التقسيط الخاص بشقه العبور .
كانت تسمع ليالى املاك شيماء فقط الخاصة بالعقارات وشعرت بصدمه وماذا بعد هل لديها املاك اخرى هل تحسب كل ذلك وتدعى الفقر إذا كان حديث سيلا صحيح
لم تستطع أن تتمالك ليالى نفسها وقررت أن تواجه شيماء
عارفه يا شيماء انا ماشفتش فى بجاحتك أبدا حقيقى
ايه ده فى ايه يا ليالى مالك وازاى تتكلمى كده وبعدين انا مطلبتش منك تساعدينى انتى اللى جيتى بنفسك بتطلبى انك تساعدينى وبالنسبة للفلوس اللى سلفتيهالى امبارح لما اقبض هرجعهملك
هو انتى بجحه كده ازاى بجد عندك بدل الشقه ٣ غير الأراضي وغيرك فى الشغل مش عارفه يكمل قسط شقه ورغم كده بيساعدوكى ويدوكى فلوس عمرك ما سالتى نفسك هما ظروفهم عامله ايه لكن انتى عشان انانيه أهم حاجة عندك نفسك مش مهم لو اللى قدامك ده دى كانت اخر فلوس فى جيبه وادهالك عشان صعبتى عليهم
بصى يا شيماء من هنا ورايح لو سمعت إنك
يعنى انتى موقفانى هنا عشان تقوليلى الجملتين دول وبعدين عرفتى منين الكلام ده انتى بتدورى ورايا بقى
اولا مايخصكيش انا عرفت منين بس لو سمعت انك استلفتى تانى من حد من زمايلنا فى الشركه فلوس رفدك هيكون على ايدى غير أنى هفضحك فى الشركه انتى سامعه
انتى بتهددينى بقى
انا بنفذ مش بهدد
ثم تركتها ورحلت مستعجبه من وجود اشخاص مثلها فى الحياه لم يفكروا فى الاخره هل سيأخذون معهم كل هذا الى القبر
صعدت بعد ذلك لمكتبها ووجدت جوهره جالسه تتحدث مع سيلا ألقت عليهم السلام وجلست على مكتبها
صباح الخير يا بنات عاملين ايه
الحمد لله مالك شكلك متغير مش زى كل يوم قالتها سيلا متعجبه
مافيش يا سيلا اتاكدت إن كلامك كله صح فعلا وشيماء مش سهله ولا معهاش فلوس
وانتى عرفتى منين
سالت عنها ناس قدروا يوصلوا لمعلومات عنها فعلا يا جوهره هى معاها فلوس كتير وبتدعى الفقر وانا واجهتها وهى مأنكرتش وهدتها كمان لو استلفت فلوس من حد هتسبب أنى اخليها تسيب الشركة واحكى لكل الموظفين
افرضى ما سمعتش كلامك
هنفذ تهديدى حرام عليها فر شباب وبنات معانا مل مرتبهم ضايع اقساط بجد اللى بتجهز نفسها واللى بيفرش شقته واللى عليه اقساط ويا دوب مغطى نفسه نيجى احنا بقى نزودها عليه
عندك حق فعلا
بدؤا بعد ذلك كلا منهم انشغل بعمله ولكن ليالى تذكرت مهره واتصلت بها لتطمئن عليها
ازيك يا مهره عامله ايه يا حبيبتي
الحمد لله يا ليالى انتى عامله ايه
بخير انا فكرت فى حاجة وعايزه اخد رأيك فيها
قولى يا حبيبتي معاكى
بفكر ارجع بيتى واقعد مع حماتى اليومين دول واشوف الدنيا فيها ايه
مهره انا خايفه عليكى وانك تشوفى حاجه تضايقك
مش عارفه بس انا التفكير والتخيلات ما
تحبى اجى معاكى
لا يا روحى تسلمى انا هروح ولو حصل حاجه هكلمك
طيب مامتك عرفت
اه ورأيها أنى اسيبه ومكملش معاه واشوف حالى
انا برضوا رأيى من رأى مامتك ياريت تسمعى كلامها
ادعيلى يا لولو
ربنا معاكى يا حبيبتي ويريح قلبك يارب ويعملك الصالح
فى الجهه الاخرى عند مهره جلست تحضر حقيبتها واخذت بعضا من ثيابها الخفيفة فى داخلها إحساس انها ستعود مره أخرى وانها لا تحتاج لتلك الملابس
خرجت بحقيبتها لوالدتها وجلست معها
ماما انا هروح شقتى
ضحكت والدتها بمراره على حال ابنتها وطيبتها
انا حاسه بيكى يا مهره مهما دريتى عليا وعارفه انك واخده الهدمتين دول عشان انتى مش واثقه فى جوزك عشان كده ما اخدتيش حاجتك كامله اقعدى يا بنتى واطلبى الطلاق بدل ما تروحى
لا هروح عشان ما ارجعش اندم واقول انى ظلمته اكون شوفت كل حاجه بنفسى وعشان هو مايرجعش يقولى انا كنت هنفذ وعدى وانتى اللى خلفتى بوعدك
طيب ليه وجع القلب مابلاها
منا قولتك عشان ماندمش ومحنش بعد كده
تمام يا حبيبتي لو حصل اى حاجه ولا حد زعلك تكلمينى فورا انتى فاهمه
حاضر يا حبيبتي
وبالفعل اخذت مهره حقيبتها الصغيره وذهبت لمنزل زوجها
فى منزل ايهاب كان متسطح على التخت وبجانبه زوجته يتحدثون عن مهره
صحيح يا ايهاب الاسبوع هيخلص خلاص ومهره هتيجى
اه منا عارف
تصدق دى معندهاش كرامه واحده غيرها كانت طلبت الطلاق
ابتسم ايهاب بخبث فهو يعلم بمدى عشق مهره له
لا مهره بتعشق التراب اللى بمشى عليه ومهما عملت فيها او معاها هتستحمل أى حاجة مقابل أنها تفضل جمبى
بيتهيقلك يا حبيبي هى عشان عايشه مرتاحه معاك بتعمل كده جرب كده تسبها عند امك تحت وشوف هتعمل ايه هتسيبك تانى يوم
ما تقدرش أنا عارف انا بقولك ايه مهره دى انا ضامن وجودها فى حياتى زى منا متأكد انى لو رميت الكبايه الازاز دى فى الارض هتتكسر
للدرجادى شكلك مسيطر بس انا مش مصدقه كلامك مافيش ست تحب حد بالشكل ده
لا فى مهره
طيب اثبتلى
اثبتلك إزاى
اطلب منها أنها تعيش تحت مع امك وتخلى ابنى يبات معاها وتهتم بيه وتجهز الاكل طول باقى الاسبوع وبعد الحمل تطلع تنضفلى شقتى وتطبخلى كل يوم شوف هتوافق ولا لا
لو انا قولتلها هتوافق تعمل كل ده عارفه لو حملتى وجبتيلى العيل اللى بحلم بيه وقتها يا رباب هعملك أى حاجة انتى عايزاها وهخلى مهره خدامه تحت رجلك كمان بس مش بس تعملك الاكل وتخل بالها من ابنك لا دى هتنضفلك وتمسحلك وتكنسلك وتعملك اى حاجه إنتى عايزاها
طيب لو محملتش
يبقى هنفذ اتفاقى معاها ووقتها هقسم الايام بينكم بالعقل
لا ماتقلقش بس انتى خلينا هنا لوحدنا اول شهرين تكون البشاره بانت
ماشى خليكى انتى هنا شهرين وهى تحت لحد ما يحصل المراد
وخليها تاخد بالها من ابنى عشان انا افضالك واعرف اخد بالى منك
بسيطه يا ستى هخليها تقعد تحت بالواد مع امى
ابتسمت رباب داخلها فهى تتممى أن تأتى مره اليوم قبل غدا حتى ترى رد فعلها عندما ترى ما جعلت ايهاب يفعله من اجلها
يا ترى مهره هتلاقى ايه حصل في شقتها والمفاجأة اللى رباب بتتكلم عنها
يا ترى جوهره خلاص نسيت الماضى ومش هترجع شركتها القديمه
ايه حكايه سيلا
البارت الرابع
امانى سيد
١١٤ ١٧٢١ استغفر الله العظيم ذهبت مهره لمنزل زوجها وقررت أن تمر على حماتها أولا وبعدها تتحدث مع ايهاب وتخبره بوصولها
طرقت على باب والده زوجها وبعدها فتح لها الباب طفل صغير ونظر اليها بسؤال
إنتى مين وعايزه ايه
أنا مهره ممكن أدخل
استنى اسأل خالتوا الاول
وذهب مسرعا من أمامها دون أن ينتظر اجابتها ودخل حيث يجلس الجميع
خالتوا فى واحده بره عايزاكى اسمها مهره
نظروا جميعا لبعضهم لما أتت الآن فلم يمر أسبوع على ذهابها
نظر ايهاب لرباب بابتسامه خبيثة
مش قولتلك مش هتقدر تبعد عنى لحظه
لما نشوف
كانت رباب جالسه بجوار ايهاب وترتدى ثياب
سلام ع
لم تكمل حديثها فوقعت عيناها على زوجها وتلك الفتاه التى
دون شعور منها سقطت دموع من عينيها مما جعلها حماتها تتأفف وكانت تنظر لها رباب بابتسامة خبيثه
يادى النكد انتى جايه تعيطى هنا انا ابنى عريس وأحنا قاعدين فرحانين وانتى جايه تقلبيها مناحه أنا مش عارفه ايه اللى جابك هنا أصلا
نظرت لها مهره بعتاب قصص وروايات أمانى سيد
انا بنكد عليكم أنا كنت راجعه بيتى
تحدث ايهاب
بس يا مهره إحنا اتفقنا إنك هتفضلى فى بيت أهلك اسبوع والاسبوع لسه مخلص
ظلت نظرات مهره معلقه على يد إيهاب
انت متضايق إنى جيت
لا هتضايق ليه انت عليكى انتى عشان ماتشوفيش حاجه تضايقك بس طالما جيتى إنتى حره
تحدث حماتها محاوله كسرها
بقولك ايه طالما جيتى خشى بقى اعمليلنا حاجه ناكلها لحسن إحنا جعانين وكنا لسه هنطلب ناكل
طيب ما تطلبوا اعتبرونى مجتش
كاد إيهاب أن يتحدث لكن اوقفته رباب وتحدثت هى
إحنا بقالنا كام يوم بناكل من بره ومعدتنا نشفت وأنا بصراحه ماليش نفس لأكل بره
خلاص قومى اعملى لنفسك
نظرت رباب لايهاب نظرات خبث وفهمها إيهاب
ايه يا مهره انتى ناسيه إن رباب عروسه ومكملتش أسبوع ولا ايه وبعدين انتى هتطبخى لجوزك وحماتك زى ما كنتى بتعملى بس كل الحكايه إنك هتزودى
أنا جايه تعبانه ومش قادره أعمل أكل اعتبرنى مجتش
وقف ايهاب واقترب منها وجذبها من معصمها وذهب بها للمطبخ
أنا قولت انك هتطبخى يعنى هتطبخى فاهمه وباقى الاسبوع ده هتعملى اكل وتطلعيه بنفسك ليه فوق فى الشقه إنتى فاهمه
لا مش فاهمه هى دى حمد الله على السلامه هو ده وعدك ليه
اسمعى الكلام عشان انفذ وعدى واوعى تفكرى تصغرينى يلا قدامك ساعه والغدا يجهز
ثم تركها وخرج مره أخرى وجلس بجوار رباب
عشان تعرفى أنى مش بكدب عليكى
لا انا كده صدقتك أهو وطلعت راجل واد كلمتك
أبتسم إيهاب بزهو وفخر بحاله فهو اصبح شهريار والنساء تسعى لارضاءه
انتهت مهره من تحضير الطعام بمفردها ووضعته على الطبليه وذهبت اليهم دون أن تنظر لهم وتحدثت
الاكل بره ورحلت لتجلس وتأكل معهم
جلس ايهاب فى البدايه وبجانبه رباب واسرعت أمه وجلست بجانبه فى الجهه الاخرى وجلس ابن رباب بجانبها وجلست مهره مقابله لايهاب ورباب وقررت رباب أن تحرق قلب مهره
ايه ده مافيش حاجه تتشرب انا مش بعرف اكل من غير ما اشرب حاجه قومي هاتيلى حاجه اشربها
نظرت لها مهره ببرود
قومى هاتى لنفسك انا عملت الأكل
نظرت رباب لايهاب ففهم عليها أنها تتحداه
قومى يا مهره هتلاقى حاجه ساقعه فى التلاجه هاتيها انا كمان عايز اشرب حاجه ابلع بيها
قامت مهره واتت بالزجاجه
طيب ايه هنشرب كلنا منها فين الكبايات هو لازم تعملى حاجه ناقصه
ذهبت مهره مره اخرى وأتت بالكوبايات
تحدثت حماتها
بقولك ايه الأكل ناقص ملح هاتى الملاحه
قامت مهره وجلبت لهم الملاحه وجلست وشرعت فى الطعام ولم تنظر اليهم
كانت رباب تجلس وتطعم ايهاب فى فمه
كل يا حبيبي ألف هنا على قلبك أنت عريس جديد ومحتاج تتغذى كويس
وقام ايهاب بالمثل معها تحت اعين مهره الدامعه وتجاهلوا وجودها كانها لم تجلس معهم
بعد انتهائهم من الغداء قامت مهره بجمع الاطباق وتنظيف المطبخ واخذ ايهاب زوجته وصعدوا لشقته
قررت مهره ان تذهب لغرفه زوجها القديمه للراحه لكنها تفاجئت بوجود غرفتها فقام ايهاب بتغيير غرفه نومه وتخلى عنها إذا كان يكذب عليها تلك الفتره وقرر أن يتركها لوالدته
قررت أن ترتاح من مجهود اليوم وان تصعد له غدا بتتحدث معه و وقامت بتغيير ملابسها والاستلقاء على التخت وكادت أن تنام وجدت حماتها فتحت الباب دون انذار وبيدها ابن رباب
ايه ده خير يا ماما فى ايه
بقولك ايه الواد بينام هنا كل يوم خديه ينام معاكى وانا هدخل انام فى اوضتى
بس إزاى انام جمبه مايطلع ينام فوق
تصدقى انتى معندكيش دم دول عرسان جداد عارفه يعنى ايه عايزانى اطلعلهم عيل يعملوا بيه ايه .
وانا مالى انا مش امه
طيب هنيمه فين يا هانم الشقه اوضتين وصاله انا مش بعرف انام وحد جمبى يبقى هينام هنا خديه بقى وبطلى رغى كتير
اخذته منها مهره وخلدت للنوم وهو بجانبها وفى اليوم التالى استيقظت مبكرا وظلت جالسه تفكر فى وضعها الجديد وقامت بالاتصال بإحدى اعمامها وقصت له الوضع كاملا
وانتى ازاى توافقى على كده مش معنى إن اخويا متوفى يبقى مالكيش سند
انا قولت إن ده حقه لكن الوضع صعب اوى انا مش قادره استحمله ولا عارفه اعمل ايه
جهزى نفسك هجيلك انهارده
طيب ادينى فرصه اتكلم معاه الأول ودى اخر حاجه انا هعملها
اللى زى ده الكلام معاه خساره احنا نكب عليه ونخليه ينفذ طلباتنا هو لما حط ايده حطها فى ايد رجاله يبقى احنا هناخدلك حقك منه
عشان خاطرى يا عمى اخر فرصه عشان بعد كده ماحنلوش تانى
وهو بعد كل اللى عمله ده ولسه عملاله خاطر
دى عشره والعشره مابتهزنش غير على ولاد الحرام
خلاص معاكى. انهارده وبكره احنا نتصرف
حاضر يا عمى ربنا يخليك ليا ومايحرمنيش منك أبدا
ظلت مهره جالسه الى أتت الساعه ال ١٢ ظهرا وارتدت اسدالها وصعدت لشقتها وطرقت الباب
كان زوجها نائم ولم يستيقظ بعد
استيقظت رباب على صوت طرق الباب وارتدت روب اعلى القميص البيتى وذهبت لفتح الباب نظرت من العين السحريه ووجدت مهره هى من تطرق الباب قامت بخلع الروب وفتحت لها الباب بملابسها الخفيفه
وتحدثت بنعاس
يتبع
امانى سيدفتحت رباب الباب بذلك القميص الذى يظهر أكثر مما يخفى نظرت لها مهره بخجل كيف أن تفتح الباب بهذا الشكل حتى لو كانت أمام امرأة مثلها وتأكدت مهره انها تفعل ذلك لاغاظتها لكن مهره حاولت تماسك حالها وسألتها عن زوجها
لو سمحت فين ايهاب
مش واخده بالك انك جايه فى وقت غير مناسب وغير كده طالعه بإيدك فاضيه
مش المفروض تعملى فطار عرايس وتطلعيه لجوزك
فين ايهاب
انتى ماسمعتيش انا قولت ايه يلا انزلى حضرى الفطار على ما اصحى بيبو ولما نفطر نبقى ننزل نقعد تحت شويه ووقتها ابقى اتكلمى معاه
على فكره ايهاب لسه جوزى ومن حقى اكلمه
وانا قولت حاجه منا عارفه بس انتى نسيتى إنه جوزى انا كمان وانا الجديدة والاخيره إن شاء الله ولو بيحبك بجد كان صبر عليكى خصوصا إن انتى ماعندكيش عيب يمنع من الخلفه لكن هو راح اتجوز عليكى وشاف حاله ومش بس كده ده وعدنى يوم ما احمل هيخليكى خدامه عندى
اوعى تكونى فاكره إن كلامك ده بيضايقنى بالعكس خالص أنا عارفة إنك خايفه منى وعارفه إنه هيحن ليا آجلا او عاجلا عشان كده بتقولى كده
عشمى نفسك بالكلمتين هو انتى ما شوفتيش شكلك امبارح وانتى بتخدمى علينا إلا صحيح ابنى عمل داوشه امبارح
إنتى كدابه ناديلى ايهاب لو سمحت
ابتسمت رباب بسخرية على مهره
استيقظ إيهاب على صوتهم وخرج ليرى ماذا يحدث وجد رباب ومهره يتشاجرون والوضع متوتر
اقترب منهم بتوجس.
صباح الخير يا جماعه فى ايه وانتى يا مهره طالعه بدرى كده ليه
طالعه اتكلم معاك عايزاك فى موضوع مهم واعتقد أن الضهر اذن
طيب خشى نتكلم شويه
تدخل فين يا ايهاب احنا عرسان والوضع مش مناسب انها تدخل فى حاجات خاصه ماينفعش تشوفها خليها تنزل تحضر الفطار نفطر وننزللها ونتكلم تحت
على فكره دى شقتى وانا اللى سمحتلكم تتجوزوا فيها
يعنى ايه شقتك شرياها بفلوسك مثلا دى شقه ايهاب
عجبك اللى هى بتقوله ده انت موافق عليه المفروض إن بكره هرجع بيتى تانى
حاول ايهاب تهدئه الموقف لكن الوضع اصبح صعب ومن الواضح أن المواجهة افضل فاجلا او عاجلا ستعلم
ظلوا واقفين على الباب ولم يدخلها ايهاب الشقه وقرر أن يبلغها قراره
بصى يا مهره إحنا عرسان جداد وصعب أنها تنزل تحت تقعد مع والدتى اول اسبوع انتى عارفه الغرض من الجوازه ايه
يعنى ايه
يعنى انتى هتقعدى تحت مع ماما وبعدين فتره كده الوضع يتظبط وبعدها نقعد ونتكلم ونشوف هنعمل ايه
ولو رفضت
إنتى حره ليكى القرار إذا كنتى هتوافقى او ترفضى بس اعرفى إنك لو رفضتى يبقى انتى كده اللى عايزه كل واحد يروح حاله
لم تستطع مهره أن تتمالك دموعها او السيطره على مشاعرها اكثر اصبحت الدموع تنهمر من عينيها امامه فهو تخطى ظنونها هى فقط ظنت إنه سيتركها تعيش مع والدته لكنه يريدها أن تصبح خادمه لهم
بقى دى اخرتها يا ايهاب ده جزاتى واللى استحقه منك
تحدثت رباب بشماته
انتى جايه تزنى هنا انزلى عيطيلك تحت شويه وانتى بتحضرى الاكل يلا
انت موافق على الكلام ده طبعا !
واضح انكم متفقين كمان على كل حاجه عموما يا ايهاب أنت اللى اخترت ثم تركته ورحلت دون أن تضيف أى كلمات اخرى
نظر ايهاب فى اثرها بتأنيب ضمير لكن رباب لم تعطيه فرصه جذبته من ذراعه وادخلته الغرفه
تصدق فعلا معندهاش كرامه بعد كل ده ووافقت
ابتسم ايهاب بزهو مش قولتلك انا هدخل اخد دش عشان ننزل نفطر يلا ظبطى الدنيا وغيرى هدومك واجهزى
قامت مهره بالاتصال بعمها وأخبرته ما تم
عمى تقدر تيجى تاخدنى
حصل ايه
قصت له جميع ما حدث معها
بصى يا مهره انزلى وجهزى شنطتك وماتتكلميش مع حد فى أى حاجة لحد ما اجيلك فاهمه ولو حد قالك حاجه عديها وانا باذن الله مش هتأخر عليكى
حاضر يا عمى بس ماتقولش حاجه لماما دلوقتي انا لسه محكتلهاش حاجه
ماتقلقيش يا بنتى ثم اغلق معها الخط
نزلت لشقه حماتها وجدتها تجلس على الاريكه منتظره عودتها
كنتى فين
طلعت فوق كنت عايزه ايهاب فى موضوع
وانتى استأذنتينى
استاذنك عشان اطلع شقتى اكلم جوزى
مابقتش شقتك وما دام انتى قاعده معايا تبقى تستأذنى منى أنا فى الداخله والخارجة
حاضر أى اوامر تانيه
ادخلى جهزى الفطار
دلفت مهره للمطبخ وقامت بتحضير الطعام واستخدمت جميع اوانى الطهى الموجودة فى المطبخ واستهلكت كثير من الطعام على غير العاده دخلت اليها حماتها وهى مصدومه من شكل المطبخ
ايه ده هو فى حرب فى المطبخ ولا ايه
لا يا حماتى انا بس بجهز فطار عرسان
بعد فتره جاء ايهاب ورباب واستمعوا لحديث مهره مما جعل الغرور يذداد داخل
ظلت مهره فتره طويله فى المطبخ كأنها أول مره تطهو وجميعهم جالسين بالخارج وشعرت رباب بالانتصار وبانها سيده المنزل المسيطره
وضعت مهره الطعام وجلسوا جميعا لتناول الطعام لكنهم صدموا من الطعم
تحدثت حماتها بغضب
ايه القرف ده كل ده فى المطبخ وفى الاخر تعملى الامل بالشكل ده الاكل محروق وحادق وحراق يتاكل ازاى ده انتى خلصتى كل حاجه فى المطبخ انا قولت عامله اكل يكفى يومين تلاته
والله ده اللى عرفت اعمله اللى مش عاجبه يعمل لنفسه
الكلام ده جديد يا مهره فى ايه
انت قولتلى انزلى اعملر الاكل وانا نزلت عملت وسمعت كلامك
تحدثت رباب بتوبيخ
هو انتى اول مره تدخلى مكبخ وايه المواعين دى كلها دانتى هتفضلى فيها يوم كامل تغسليها هو ايهاب كان عايش معاكى إزاى
انتى قاصده تكسفينى قدامهم بقى بس اللى حصل ده مش هيعدى
اثناء تهديد ايهاب لمهره دخل عمها الكبير ومعه اربعه من الابناء الرجال
شعر ايهاب بخوف داخله لكن خشى أن يزهر هذا الخوف امامهم حتى لا ترى مهره ورباب خوفه
انتوا جيتوا هنا إزاى
نظر له عمها بسخريه
حينا بالعربيات بتاعتنا
فى نفس التوقيت فى الشكره عند ليالى اصبحت تتعامل بشكل طبيعي مع الجميع وتوقفت من استخدام تلك القدره التى اصبحت تمتلكها واثناء عملهم دخل شاب طويل وسيم يشبه ابطال الافلام
دخل بإبتسامه وهو ينظر لجوهره
نظرت له جوهره بصدمه إلى أن اتى وجلس امامها وهو مبتسم
ازيك يا جوهره عامله ايه أخيرا لقيتك
أهلا ازيك يا
يا ترى مين اللى جه لجوهره
تفتكروا عم مهره هيعمل ايه
البارت السادس
امانى سيدالبارت السابع
ازيك يا جوهره عامله ايه أخيرا لقيتك
جاسر !
ازيك يا جاسر عامل ايه
بخير الحمد لله دورت عليكى كتير اوى من ساعه ما سبتى الشركه ومحدش عارفلك عنوان
زى مانت شايف مشغوله اهو
بس ده مش مكانك
لا
بس مش ناجحه هنا انا سألت عليكى لحد ما عرفت مكانك
وسألت عليا ليه
عشان ترجعى مكانك وتنوريه تانى
تنهدت جوهره بصمت فهى اشتاقت لعملها القديم وروح التحدى والمغامره عملها الحالى هادئ نفس الروتين ولكنه مريح للأعصاب عكس التوتر الذى كانت تشعر به
متابعة القراءة
