رواية كبرياء ابنة الخادمة (كاملة وحصرية حتى الفصل الاخير) بقلم سحر السحرتي
المحتويات
انك واخده راجل هي من عيل لعيل و بطلي عياط عشان ده فرحي و متراهن مع البنت دي اني اقدر اشيلها من هنا للعربيه
يوسف فكره حلوه تيجي نعمل سباق بيني وبينك انت تشيل مراتك وانا اشيل حلا
نعم تشيل مين
ايه يا عم خطيبتي عشان نفسيتها تعبانه
نفسيتها برضو ولا بتتلكك
بتلكك طبعا بس انت اكيد خاېف اكسبك ده انا ممكن اشيل الاثنين و اسبقك وانت لوحدك
انت بتتحداني بقى طب يلا
جاب
علاء يديهم اشاره البدايه وانا وصافي بنضحك بس كان احساس جميل واللي كسب طبعا سامح لان عربيه العريس كانت جاهزه قدام باب الفندق انما يوسف كانت لسه في الباركينج بس يوسف كان عارف وعايز يشيلني اطول فتره
بقلمي سحر السحرتي
سامح مشي ويوسف فضل شايلني لما وصلنا العربيه وهو بينزلني باسني في خدي و حضڼي بقوة
يوسف عيب كده ما تسوقش فيها
مش انا شيلتك لغايه هنا
ما انا قلت لك نزلني بما ان سامح كسب وانت اللي اصريت لازمتها ايه البوسة دي بقى
بكافئ نفسي اني قدرت اشيلك لغايه العربيه
قلت يا بنت بلاش تقفليها قوي كفايه اللي عملتيه قبل كده
اذا كان بوس هادف وفي سياق الدراما ماشي بس ما تتعودش على كده
ضحك قوي من قلبه طب مفيش مكافاه منك
رحت بايساه على خده
لا دي ما تنفعش
ليه بقى
للذكر مثل حظ الانثيين يعني ادي لك واحده تديني اثنين
لا انت كده بتخم هو ورث
طب خلاص خليه كرم اخلاق منك ولو عايزه واحده بس تبقى هنا
لا انت زودتها قوي لا هنا ولا هناك يلا بقى وصلني احسن خالتي تطردني هي روحت من بدري هي وعادل
سمعت صوت جاي من ورايا
وبالنسبه لعلاء اللي حضرتك ناسياه و مقرطساه ما جاش في بالك
ليلو حبيبي
ليلو عشان ما افتنش انت عارفه ان مش ده اللي هيسكتني
امال ايه
قزازتين فاديه واحده رجالي وواحده حريمي للجو بتاعي
اربعه يا حبيبي
انت كريمه وانا استاهل قولي لخطيبك معزوم على الغداء بكره عندنا
لا يا علاء شكرا
لو ما جيتش ماما ممكن تفسخ الخطوبه وتعملها وحلا مش هتقدر تكسر كلامها وبعدين عامله محشي و المحشي بتاع الست الوالده نصيحه مني بلاش تفوته
ليلو هو بابا هيجي
هو اصلا اللي دبسها وقال لازم اهل العروسه يعزموا اهل العريس على محشي شكله نفسه فيه
هههههه خلاص يا يوسف بلاش تزعل خالتو وبابا
خلاص جاي هتركب معانا يا علاء
امال هروح مشي
فكرتك هتستذوق وتسيبنا لوحدنا
اعتبرني كرنبة قاعده ورا وطول ما حلا ايديها فرطه معايا مش هنطق بكلمه
لا انا طول عمري ايدي فرطه من غير حاجه
يوسف وصلنا وثاني يوم اتغدى معانا وقعد مع بابا يحدد ميعاد الفرح عشان والده ووالدته يعملوا حسابهم وينزلوا من دبي مع اخواته وكان ده بعد امتحاناتي
يعني هما مش هيحضروا الخطوبه
امال يا بابا امبارح كان ايه
طلب ايدك انا لازم اعمل حفله كبيره عندي في الفيلا
لا يا بابا لو سمحت بلاش الفيلا
ليه يا حلا حد ضايقك
لا بس انا مكتفيه بامبارح
لا هعمل حفله خطوبه كبيره وبلاش في الفيلا هعملها في قاعه كبيره اول ما سامح يرجع من السفر بلغ اهلك لو هيقدروا ينزلوا
حاضر يا عمي
بابا انا هسافر بكره مع يوسف اقعد اسبوع بعد اذنك
ليه
عشان ندور على الشقه اللي انت عايز تشتريها هناك
هتعطليه ليه ما انا موصي واحد
لا عايزة اختارها على ذوقي ممكن
طب خلي بالك من نفسك ولو تاخدي علاء معاكي يكون احسن
علاء شايل مادتين مش هيرضى يجي
علاء رد بسرعه ما انا امتحنت فيها ونجحت كمان والحظر اتفك من عليا وبعدين هي مادة واحدة قوام زودتيهم
وشوشته
عطر فاديه وتقعد
لا اربعه واجي اتفسح و اسيبك على راحتك و كاني مش موجود
والله اخلي يوسف يحبسك
هو يقدر
بصله پخوف وقال اه صحيح ده يقدر ونص بس خديني اتفسح احسن خالتك مسففاني التراب بسبب الماده اللي شلتها
يبقى اثنين فاديه بس
ماشي
ومسك ايدي وبسها
خلاص يا بابا هاخذ علاء بس هيجي مواصلات
ليه ما انا قعدت امبارح كرنبه بلاش يا لولو بهدله في المواصلات وهحط السماعات طول الطريق ومش هسمع حاجه
ايه رايك يا يوسف
هو كده جاي جاي بلاش يتبهدل واحنا بقى هناك نبهدله مشاوير
هههههه خلاص موافقه
سافرنا وفاجئني يوسف وهو بيسالني
انت مش عايزه تعملي الخطوبه في الفيلا ليه او مش عايزه ترجعيها ليه انا كده هبقى مطمن عليك بدل ما انت قاعده في شقتك لوحدك
دمعت وقلت له
يا ترى حالها هتقول على السبب الحقيقي هي مش عايزه ترجع الفيلا ليه
كبرياء ابنة الخادمة
حلقة ١
دمعت ڠصب عني وقلت له
لا كده احسن يا يوسف انا نفسيا مجهده معاهم
انا حاسس ان في حاجه ثانيه انت مخبياها ممكن اعرفها عشان ما اتكلمش معاكي في الموضوع ده ثاني
لو قلت لك بابا وسامح ما حدش يعرف
اكيد اي كلام بيني وبينك سر
مره جابوا لي ټسمم
فخفت ومشيت
جابوا لك ټسمم ازاي و متاكده قوي قالوا لك
يوم كنا بناكل وبابا جه ياخد من طبقي اللي اتحط قدامي وقالوا انه معمول مخصوص عشاني فشاهنده زعقت لبابا وقالت له طبقك من غير ملح عشان الضغط مش بتشتكي اننا مهملين في صحتك بعدها جالي ترجيع و اسهال فهمت الاعراض وجريت على المستشفى عملت غسيل معده والتحليل اثبت اني اكلت اكل فاسد
ما يمكن اكلتي باره
يوسف انا يومها كان الاكل ده اول حاجه دخلت معدتي لاني كنت سهرانه و صحيت متاخر رفضت اكل و استنيت الغداء عشان اكل مع بابا
وصلت بيهم للدرجه دي
شفت بيحبوني قد ايه وبعدين اسيب اهتمام واكل خالتي واروح اقعد معاهم واكلهم اللي من غير طعم
الحقيقه اكل خالتك فعلا حكايه يا ترى بتعرفي تطبخي زيها
بقلمي سحر السحرتي
نعم هو الطبيخ مش على العريس
نعم ليه هقعد في البيت اربي العيال
اختلفنا كده انا مش هقعد في البيت
ما تقعديش بس في مسؤوليات عليك لازم تقومي بيها
اللي منها الطبيخ
اهمهم الطبيخ وانا
انت ايه
انت فاهمه بقى تدلعيني وكدة
وغمزلي بعينه
اكيد فاهمه انك عايزني المره دي انط من العربيه
لا انا مش ناقص خلاص هنوصل تريحي واروح الشغل كام ساعه و نتقابل
لا انا هاخد علاء نستغل الوقت ونشوف كام شقه بابا قال عليهم
هو انت بتشوفي الشقه دي مفكره ان اننا ممكن نتجوز فيها
ايه المشكله يعني
بتتكلمي بجد ولا بتهزري
بهزر طبعا عارفه انك رافض الفكره
كويس انك فهماني امال عايزه تشتري شقه ليه
لان وجودك هنا مؤقت وخالتي واولادها وانا بنحب نصيف هنا هتبقى فرصه نقعد زي ما احنا عايزين بس ما يمنعش ان انا وانت نقضي يوم اجازتك فيها بما انها بتطل على البحر ولا عندك مانع
اذا كان على يوم اجازتي موافق عشان ما تزعليش بس لكن من جوايا متضايق
خلاص ما تزعلش مش هيبقى كل اجازه يعني لازم نغير وممكن نروح نزور بابا عند خالتي
بقلمي سحر السحرتي
مسك ايدي و باسها
اكيد مش هيبقى في زعل بينا بس حاولي تبعدي فلوسك وفلوس باباك عن حياتنا انا مسؤول عن بيتي و هتعيشي في مستوى كويس بس مش نفس مستوى الفيلا
فهماك وانا اصلا مش بحب مستوى الفيلا وانت عارف كده بس بلاش تحبكها لو جبت حاجه لبيتي من فلوسي لان ممكن حاجه تعجبني وفي النهايه ده بيتي
في حدود المعقول يا حلا بلاش احس اني
مقصر معاكي انا راجل بيحب يعتمد على نفسه مش اهله وده كان من اسباب فشل خطوبتي الاولى كانت عايزه اهلي يساعدوني بما انهم عايشين و بيشتغلوا في دبي
يوسف هو ممكن ما اسمعش ذكرياتك اللطيفه عن خطوبتك اللي فاتت
اسف كنت عايز اوصل لك الفكره
وصلت الا قولي هو انت كان ممكن تتجوزها وانت مش بتحبها ولة حبيتها
الله انت مش قلتي مش عايزه تسمعي عن ذكرياتها
لا بس سؤال عدى على مخيلتي قلت استفسر
الحقيقه انا كنت معاها بقدم رجل واخر الثانيه ما قدرتش تشدني ليها أو تحببني فيها عشان كده لما حصلت مشكله الشقه ما قدرتش اكمل
افهم من كده انك اتلككت
بالظبط كده
وما صارحتهاش من الاول ليه انك مش عايز تكمل
كان لازم يبقى في سبب قوي عشان انا اللي اسيب لانها بنت وكلام الناس كثير
طب ممكن لو حسيت انك مش قادر تكمل معايا تصارحني على طول لاني بحب المواجهة وما تشغلش بالك بكلام الناس لانهم في جميع الاحوال بيتكلموا عليا
انت مفيش مجال اني اسيبك أو انت تسيبيني انت ليا مهما حصل وعمرك ما هتكوني لحد تاني
للدرجه دي متمسك بيا
اسمها للدرجه دي بحبك
بقلمي سحر السحرتي
مرت الايام بسرعه بابا عمل لي حفله خطوبه حلوه قوي صافي كانت واقفه معايا اكثر من اختي
بدات الدراسه يوسف كل اسبوعين بياخد اجازه يومين بيجي يقضيهم معايا من اول اليوم لاخره
مؤيد اتقدم لهنا عشان يتجوزها لكن بابا وسامح رفضوا من سمعته الجميلة والمشرفة
هنا اتكلمت معايا وطلبت مني اقنعهم يوافقوا
اسفه يا هنا لو كنت شايفاه عريس لقطه كنت اقنعتهم لكن انا خاېفه عليك
انت بتغيري مني مش خاېفه عليا وانت اللي قلت لهم يرفضوا لكن انا هعرف اخليهم يوافقوا ازاي
كلمت مؤيد و بلغته ان انا اللي واقفه في سكتهم
خلاص يا هنا لازم نحطهم امام الامر الواقع
ازاي هنعمل ايه
نتجوز وهم ڠصب عنهم وعشان شكلهم قدام الناس هيوافقوا
ما احنا متجوزين وكده احنا كويسين قوي مع بعض
عشان يوافقوا نتجوز رسمي وانت كل شويه تأجل انك تكلمهم ثاني زي ما تكون بتقول لنفسك انك عملت اللي عليك
ما انا فعلا عملت اللي عليا ودخلت البيت من بابه وهم اللي رفضوا اعمل ايه ثاني
ده ما كانش كلامك اللي انت قلته ليا
انتهى النقاش بينهم انه مش هيعمل حاجه وهنا فعلا دورت على دواء تنزل بيه الحمل لانها خاڤت تعمل عمليه
واحده صاحبتها نصحتها باسم الدواء وقالت انه شويه مغص وڼزيف وبس
نفذت زي الهبله والمغص بقى سكاكين بتقطع في بطنها وراحت المستشفى واكتشفوا المصېبه اللي هي عملتها
هنا مثلت في المستشفى انها تعبانه و اتحايلت على الدكتور يقول كده عشان ما تخرجش بسرعه وانهم يبعدوا عنها اي انفعال
الدكتور نفذ لانه حس
انها مش متجوزه وان اهلها ممكن يؤذوها ومنع عنها الزياره زي ما طلبت
القصه مختلفه طبعا هي مش تعبانه ولا شيء هي كانت بتخطط ازاي تخرج من المازق ده وكانت محتاجه الوقت تفكر وتنفذ
القصه دي كلها حصلت وكنت خلصت الترم الاول وفاضل ترم و اتخرج
اتصلت هنا على صاحبتها
انت السبب في اللي حصل
وانا اعرف منين ان جسمك ضعيف ومش هتستحملي يعني كان عندك حل ثاني
لازم تساعديني اخلص من الورطه
اللي دخلت فيها دي
عايزاني اعمل ايه لو في ايدي هساعد
لا تقولي في ايدك ولا في
رجلك اتصرفي يا اما هعرف الناس كلها انك السبب وان انت اللي اشتريتي الدواء ودي چريمه
من غير ټهديد قولي عايزه ايه
يوم ما خرجت من المستشفى رحت انا ويوسف عشان نطمن عليها يومها بابا حس انها بقت كويسه مسكها و زعق لها
انا عايز اعرف مين الكلب اللي عملت معاه كده ويا ترى عملتيه في الحړام ولا اتجوزتيه
هنا تظاهرت بالاڼهيار
لو سمحت اسمعني انا ما ليش ذنب اللي حصل ده ڠصب عني
ڠصب عنك ازاي انطقي احسن ھقتلك اسمه ايه
مؤيد اللي كانت اتقدم وانت رفضته
هو عشان رفضت تسلمي نفسك له بكل سهوله
انا ما سلمتش نفسي هو فضل يتحايل عليا اتجوزه من وراكم وطبعا عارفه ان دي غلطه كبيره فرفضت
كنت داخله انا ويوسف و سامعين بابا بيزعق ولما يوسف عرف الموضوع حب يستاذن لانه موضوع عائلي و شخصي جدا
خليك يا يوسف انت بقيت من العيله عشان تحاول تحل معانا المصېبه دي
هنا زعقت اه عشان كمان يعرف هو خاطب مين
يوسف اظن موضوعك مش هياثر على خطوبتي من حلا لاني متاكد من اخلاقها
واذا عرفت ان هي السبب في اللي حصل لي
انا السبب ازاي انا نصحتك كذا مره تبعدي عنه
انا هحكي الحكايه و اسمعوا و هتعرفوا ان البريئه الغلبانه دي خبيثه و حربايه
سامح زعق
هنا اخلصي انا ماسك نفسي عنك بالعافيه و سايب بابا هو اللي يتكلم
بعد ما رفضت اتجوزه في السر ضحك عليا زعقت معاه و مسكت في خڼاقه وقلت له انا هوديك في داهيه وخطيب اختي ظابط و هيسجنك رد عليا وقال
اذا كان اختك نفسها هي اللي زقاني عليك و ادتني المخدر اللي نيمتك بيه
كلهم في نفس واحد انت كذابه
شاهنده هانم استنوا اسمعوا للاخر كلكم عليها ليه رافضين تصدقوا ان حلا حربايه و بټضرب من تحت لتحت مش كانت بتمثل انها اتجوزت سامح
بقلمي سحر السحرتي
مسح سامح على وشه بكف ايده كملي يا هنا هنسمعك للاخر والحساب يجمع
كملت وطبعا دموعها سابقاها عشان تتقمص الدور اكتر
قلت له انا هبلغ عنك وعنها والطب الشرعي هيثبت ومش هسيب حقي
حط سکينه على رقبتي وقال لي
لا ما احنا
عاملين حسابنا
وطلع ورقتين عرفي مضاني عليها بالعافيه خفت بصراحه ومضيت وده كل اللي حصل
سامح پحده وانت عايزانا نصدق كدبك ده وان حلا هي اللي زقته
وليه لا اسالها تنكري انه ساكن معاك في نفس الحاره
بص لي پغضب رديت
ايوه ساكن معانا ايه علاقته بكذبك و البلا بتاعك اللي بترميه عليا
وما قلتيش ليه
لان هو اللي طلب مني مش عايز حد في النادي يستقل بيه و احترمت طلبه وده حقه ايه بقى دليلك على الفيلم الفاشل اللي بتعمليه ده
معايا الدليل ولا انت قلقانه
هقلق من ايه طلعي اللي عندك
وفعلا طلعته
يا ترى الدليل اللي هتطلعه هنا هيورط حلا
الحلقة الجاية أحداثها مشوقة
كبرياء ابنة الخادمة
حلقة ١
الدليل اللي طلعته كان تسجيلات بصوتي مع مؤيد بتفق معاه هيعمل ايه في هنا وكانت كلها بالظبط زي ما حكيت هنا
انت كدابه انا عمري ما اعمل الهبل ده دي خطه قذره
عشان يصدقوا اڼهارت اكثر من العياط
عملت لك ايه عشان تعملي فيا كده عشان خطيبي الاول حبني وسابك اظن حقدك و كرهك ليا ما يوصلش للدرجه دي انا برده اختك
انت بتقولي ايه انا عمري ما اوصل لدرجه الانحطاط دي
فجاه كلهم صدقوا هنا وبقوا معاها ضدي بما فيهم يوسف الوحيده اللي صدقت ان ما ليش علاقه هي صافي جت وقفت جنبي عشان تدافع عني سامح شدها وهددها ان مالهاش دعوه بيا ثاني والا حياتها الزوجيه هتنهار
بقلمي سحر السحرتي
بابا كمان صدق ازاي انت وصلتي للاخلاق دي اكيد انا السبب اللي عملته فيك وفي امك ما كانش هين لكن توصل لانك تفضحي اختك
سامح انا وقفت جنبك كثير زمان ما كنتش اعرف انك ممكن تقابلي عطفي عليك انك تعرضي اختي مهما حصل دي اختي ما فكرتيش فيا و جمايلي عليك مهما كنت عايزه ټنتقمي منهم كنت عملت خاطر ليا
حتى يوسف مهما كانت الظروف اللي مريتي بيها ما توصلش لكده انا اسف احنا مش هنقدر نكمل مع بعض حتى لو كنت بحبك انت لا تؤتمني على بيت واسره
وقلع الدبله وحطها في ايدي
موقف زي ده كان ممكن انهار و اعيط و ازعق ان ما ليش علاقه بالموضوع خصوصا لما شاهنده هانم كمان زودت
منتظرين ايه من بنت الداده اللي كانت دايما بتحقد على اولادي عرفتوا دلوقتي اني كنت دايما حاسه انها مش سهله لان قلب الام دايما دليل
حسيت فعلا ان انا ممكن افقد الوعي بس رديت بمنتهى الهدوء اللي ما كانش حد يتوقعه مني كرد فعل
خلصتم كلكم مش هدافع عن نفسي لان واضح انها متسبكه كويس قوي ولا هعتب على يوسف وبابا لانهم تقريبا ما يعرفونيش او محدش فيهم عاشرني بالقدر الكافي عتابي الوحيد على سامح اللي تقريبا هو اللي مربيني كل اللي هقوله اني مظلومه وبكره ربنا هيظهر الحق ووقتها عمري ما هسامح حد منكم نهائي من اللحظه دي ما حدش له علاقه بيا و انسوني خالص
قمت عشان امشي هنا عشان تظبط الدور اكتر
اهربي منك لله دبستيني في مصېبه وهتهربي
بصيت لها بحزن
كل ظالم منه لله لازم تعرفي ان ربنا هينتقم لي منك اشد اڼتقام وذنب الطفل اللي قتلتيه ده كمان عظيم عند ربنا ضيفي لسيئاتك كمان و كمان
بجحه قوي مش انت السبب
عايزاني السبب خلاص انا السبب
مش اول مره اتظلم ولا اخر مره بس انا معايا دلوقتي اللي مش معاكي ربنا هو اللي معايا واكيد هيثبت الحق
مشيت و سبتهم يوسف قام يمشي وقال لبابا
انا تحت امرك يا عمي لو تحب تقدم بلاغ
بابا بكل حزن هحبس بنتي وانا السبب ان الحقد ملا قلبها من ناحيه اختها
شاهنده ايوه هنقدم بلاغ واللي غلط يتحاسب مش ده كان كلامك يا استاذ سامح حق بنتي لازم يرجع
هنا خاڤت وبان ده في نظرات عينيها حاولت تبرر
لا يا ماما ارجوكي فضيحتي هتبقى على كل لسان
بقلمي سحر السحرتي
شاهنده حست ان هنا بتقول كده لان الحقيقه مختلفه فحبت تمشي معاها على نفس النغمه لان خطة هنا جت على مزاجها
فقالت بمنتهى الحزن
يعني هتسيبي حقك يا بنتي
هعمل ايه يا ماما سمعه العيله هتبقى على كل لسان الحل الوحيد ان مؤيد يتجوزني رسمي عشان نلم الڤضيحه بس هنجبره ازاي وفي ايدينا ايه
يوسف ما تقلقيش انا هقف معاكي هنهدده اننا هنبلغ و هيتحبس واكيد هيخاف على مستقبله كلاعب ويوافق سامح اتصل بيه خليه يجي يقابلنا
روحت البيت وانا مڼهاره من العياط صعبت على سواق التاكسي
مالك يا بنتي الدنيا مش مستاهله
ابويا و اخويا و خطيبي كلهم راحوا في يوم واحد
ربنا يرحمهم راحوا للي احسن مني ومنك
ونعم بالله
محتاجه حاجه يا بنتي اقدر اعملها
ادعي لي بس يا عمي ربنا يظهر الحق
ربنا مطلع عمره ما يقبل بالظلم
وانا نازله رفض ياخد اجره
لو سمحت مش عايزه اكل حق حد عشان حقي يرجع لي
ربنا معاكي و ينتقم من الظالم
مؤيد وصل الفيلا فهم من كلامهم أن في كڈبة كبيرة دبرتها هنا عليهم لكن ما عرفش بالظبط ايه هيا كل اللي فهمه اني متورطة في الموضوع فحب يستفاد من الوضع
لو حابين تبلغوا اتفضلوا مش هتاذي لوحدي هنا وحلا هما كمان واحده هتتحبس والثانيه هتتفضح الحل نتفاهم
يوسف كان بيتولى الكلام بحكم انه ضابط وشخصيته قويه وهيقدر يجبر مؤيد ينفذ اللي عايزينه
طلباتك يا مؤيد بس خليها في حكم المعقول بدل ما نقول عليا وعلى اعدائي واضح
ابدا مبلغ محترم وشقه تليق ببنتكم تقعد فيها
هنا لسه متقمصه الدور و مصدقه الكذبه
انا لا يمكن افضل على ذمة واحد زيك انت هتتجوزني وبعد شويه هنتطلق
طب والشويه دول يا حلوه هتقعدي فين
هنا في بيت بابا
مكان ما هتكوني هقعد طول ما انت مراتي اظن حاجه ما تزعلش
سامح وانا ما امنش على مراتي تقعد مع واحد زيك الشقه هنجيبها ولو عايزه تقعد في الفيلا يبقى في الملحق اللي باره
انا اقعد في بيت الداده لا يمكن خلاص نتجوز كام يوم و
يطلقني
بابا مش هينفع لازم كام شهر عشان سمعتك منها لله اللي كانت السبب بقى
مؤيد خلاص اتفقنا هتدفعوا كام
بابا مليون نص دلوقتي ونص لما تطلق
لا 2 مليون قبل الجواز واذا على الطلاق لو رفضت أطلقها تقدر تخلعني مش مشكله انت
عارف انها بقت سهلة وسواء قعدنا هنا او بارة الشقة تتكتب باسمي
سامح كان لسه هيتعصب بابا وقفه
خلاص يا سامح مضطر أوافق انا السبب اننا نتحط في الموقف ده
ليه يا بابا بتقول كده و بتحمل نفسك الذنب
بقلمي سحر السحرتي
حلا وصلت للانحطاط ده بسبب اللي حصل لها ولامها مني فلازم ادفع الثمن بس ما كنتش اعرف ان الثمن هيكون من سمعة بنتي وشرفها
يا بابا ما تقولش كده انت عوضتها عن كل اللي حصل وبعدين حلا مش حقوده ولا
وقف سامح يفكر مع نفسه دقيقه بدا يستوعب ان دي مش اخلاقي وحتى لو بابا غلط في حقي هو اللي مربيني بس سكت لان الأدلة كلها ضدي كان جواه صراع لكن الشيطان حسم الأمر ووزه ان ليه لا ممكن اعمل كده هو انا ملاك فقال بكل انكسار
خلاص يا بابا نجيب الماذون ونخلص
مؤيد قبل الماذون الفلوس فين
بابا قبل ما تمضي على القسيمه هحولها لحسابك اظن عندك حساب
عندي يا حمايا
بعد ما كتبوا الكتاب واستلم مؤيد فلوسه وطلع مع هنا غرفتها لانه صمم يبات معاها من اول يوم
طلع سامح مع صافي غرفتهم وكلمها بحدة
بلغي حلا اني عايز افض الشړاكه اللي بينا وانت كمان لازم تفضي شراكتك معاها
صافي حبت تمتص غضبه فاتكلمت بهدوء
سامح انت صدقت اللي هنا بتقوله انت حر رغم انك معاشر حلا اكثر مني انا بقى مش مصدقه لان مريت معاها بحاجات كثير وعمرها ما خانتني ولا قلت باصلها معايا طول عمرها جدعة ومهما حصل أو اتقال عليها مش هصدق وما تقدرش تجبرني افض الشړاكه معاها
ولو خيرتك بيني وبينها
هختارها لانها طول عمرها صاحبتي وانا واثقه في اخلاقها زي ما قلت لك المفروض انت كمان تكون واثق و تشك في هنا قبلي مش مصدقه بجد لو كل الناس ظلموها انت لا
بتختاريها يا صافي وتفضليها عليا
اه لانك فرطت في اختك بمنتهى السهوله
صافي لو سمحت
خلاص يبقى ما تفرضش عليا ابعد عن حلا ولعلمك بكره انا رايحه عندها
بلاش تبقي تبلغيني باخبارها و عرفيها اني عايز اخرج من الشركه
لا انا
هشتري منك نصيبك
بقلمي سحر السحرتي
ثاني يوم صافي زارتني وهي بتحضني وپتبكي ومقهورة عليا
لا يمكن اصدق عليك
الكلام الفارغ ده احنا لازم نثبت براءتك
كنت سعيدة قوي بيها وبحبها الصادق ليا وحمدت ربنا
انه عوضني بصديقه مخلصة زيها بس بإحساس واحده خلاص الدنيا ما بقتش تهمها
لا يا صافي سيبيهم يصدقوا براحتهم انا هرميهم ورا ظهري و هتقدم ولما يكتشفوا انهم ظلموني هيندموا كلهم انا متاكده ان ربنا هيظهر الحق
انا عندي خبر مش كويس
اكيد مش اسوء من اللي مريت بيه
سامح عايز يخرج من الشركه بس انا هشتري نصيبه واحنا زي ما احنا اصحاب واخوات
انا مش عايزه اسبب لك مشاكل في حياتك يا صافي انا معايا اشتري نصيبه هو بس لما تفرج ويبقى معايا هشتري نصيبك
ليه كده يا حلا انت عارفه انا بحبك قد ايه
انا بعمل كده لمصلحتك مش عايزه بيتك يتخرب بسببي وانت لسه متجوزة ما كملتيش كام شهر مش هيسيبوكي في حالك انا عارفاهم لازم يعرفوا انك قطعتي معايا و فضينا الشړاكه
يعني عايزاني اقطع معاكي بجد
لا يا حبيبتي هنتكلم في الجامعه هنروح من بعض فين بس قدامهم احنا متقاطعين
اه فهمتك و هتخرجيني من الشركه
معلش انت عارفه انا تعبت فيها قد ايه فهمي سامح يحدد معاد نتقابل عند المحامي عشان اشتري نصيبه ونزلي دمعتين مدام هما بيعرفوا يمثلوا والدموع عندهم سهله
رجعت صافي البيت بټعيط وقالت لسامح المتفق عليه والكل عرف ان حتى صافي انتهت صداقتي بيها يمكن يستريحوا لما يتأكدوا أن كل اللي في البيت اتبروا مني واعتبروني حقودة وحرباية
بقلمي سحر السحرتي
مرت الايام وانتهى الترم الثاني واتخرجت انا وصافي
هنا داقت الاهانه على ايد مؤيد اشكال والوان ومش قادره تتكلم او تشتكي ودائما بيخلص كل فلوسها عارفه انها لو اشتكت مؤيد هيكشف كذبتها قدام الكل
سامح اتقابل معايا لانه كان بيماطل في بيع نصيبه ليا عنيه كلها حزن وندم
اتاخرت قوي كده ليه بقالي ترم مستنية تحدد معاد لو سمحت خلينا نخلص من الموضوع ده
انا اسف يا حلا
على ايه ده حقك انت عايز تبيع وانا حقي اشتري منك لاني دي فكرتي و منتجاتي ارجوك خلصني لاني مش عايزه حاجه تربطني بالعيله دي تاني ومش عايزه اشوفك انت او هما بعد كده
ارجوك سامحيني دي وزه شيطان عمتني عن الحق وشكيت فيكي
هي ظهرت براءتي
لا من غير ما تظهر انا عارف اخلاقك
هههههه لا انا عملت اللي هنا اتهمتني بيه واكثر من كده كمان
لا مش مصدق الفتره اللي فاتت التفكير كان هيشلني
بدموع الفتره اللي فاتت كنت بقول لنفسي ما فيش حد فكر يدافع عني وانت بالذات كان المفروض تقول لا حلا عمرها ما تعمل كده كان المفروض تقول حلا يوم ما اتظلمت و اتقهرت اذت نفسها بس و وقفت ترقص بين الرجاله يوم ما فكرت ټنتقم
منكم كان بانها تقعد في الفيلا تاذيكم بشويه كلام مش ڤضيحه لاختها واهلها
عارف وكنت بقوله لنفسي
كنت بتقولوا متاخر قوي الكلام ده كان المفروض تقوله يوم اتهام هنا ليا قبل ما يبقى معاك دليل على برائتي تأكد أن انا اللي عملتها
بس انت كان رد فعلك هادي وما دافعتيش عن نفسك
ادافع عن نفسي ازاي وانا ما لقتيش حد فيكم واقف في ظهري محدش كان هيصدقني بعد ما صدق كلام هنا بابا اللي غلط في حقي كثير وسامحته كمل عليا ما فكرش ان اللي عمله محدش يسامح فيه بس سامحته وده من اخلاقي السيئة الاستاذ خطيبي شافني بعينه وانا مڼهارة من الظلم وانا برمي نفسي في الڼار ومع ذلك صدقهم واظن مش محتاجه اتكلم عنك على العموم انا خلاص سايباها لكم
هو ايه اللي سايباها لنا
هي حلا هتسيب ايه الدنيا ولا هتسيب البلد
كبرياء ابنة الخادمة
حلقة ١
ما تقلقش قوي كده كأني اختك لا قدر الله مش هأذي نفسي تاني عشان خاطر امي الله يرحمها اصلها ربتني كويس بس هسيب لكم البلد لاني مش عايزه اشوف حد فيكم ولو صدفه ومش عايزه حاجه من والدي العزيز بلغوا لان تعبت وانا برجع كل واحد جايب لي فلوس منه
بس ده حقك انت ملزمه منه
حقي مش فلوس يرميها كل اول شهر حقي هو ضيعه بدل المره مليون مره و سامحته وكأنه اتعود أنه يضيع حقي بس اخر مره دي اللي قطمت وسطي و غيرتني من ناحيتكم كلكم اتفضل ادخل للمحامي عشان توقع الورق انا مش فاضيه
بقلمي سحر السحرتي
دخل معايا ووقع الورق وهو حزين سالت المحامي
صافي مراته اقدر لما احب اشتري نصيبها علاء بتوكيل الاداره هو اللي يخلص الاجراءات ولة لازم اكون متواجدة
اه يقدر طبعا
شكرا
بصيت لسامح بلغ صافي ان قريب هشتري نصيبها هي كمان
وهي ذنبها ايه تقطعيها دي اكتر انسانه صدقتك ووقفت جنبك
عشان من ريحتكم وعشان ما حدش يفكر ويقول انها
بتنقل الاخبار انا خاېفه عليها و حريصه على حياتها الزوجيه لان ممكن بكره كمان يتفبرك لها تسجيل انها مشتركه معايا في ڤضيحه هنا
يتفبرك انت قصدك ان التسجيلات دي متفبركه
بصيت له ببلاهة مصطنعة
لا ده صوتي وانا بتكلم مع مؤيد ما انا فعلا اللي عملت كده
استني يا حلا انا ازاي ما فكرتش انها فعلا مزيفه
يمكن عشان ما فكرتش اصلا وصدقت دموع التماسيح سلام قلت لك مش فاضيه
رجع سامح البيت شارد و بيدور كلامي في دماغه صافي دخلت عليه الغرفه
في ايه سرحان في حد غيري
اه
نعم
هو انا ازاي ما حسبت احتمال 1 ان كلام هنا كذبه و التسجيلات دي مزيفه
لان هنا سبكتها كويس بس كان المفروض تفكر كويس ان اخلاق هنا لما سمحت لها ټخطف ادم من حلا وفكرت ان مؤيد كمان معجب بحلا فخطفته يبقى ممكن تعمل اللي عملته
هعمل ايه لو طلعت انا كمان ظلمت حلا
انا شايفه انك تدور على الحقيقه وتروح تصالحها و اكيد هتسامحك لان رصيدك عند حلا كبير وهي طيبه المشكله هتكون في يوسف و عمي وخصوصا عمي لانه ياما خذلها
يوسف صحيح يوسف انا هكلم يوسف
بقلمي سحر السحرتي
اتصل سامح على يوسف اللي ذهل من كلامه
يعني ايه يا سامح شاكك ان التسجيلات دي متلفقه وجاي تقول دلوقتي بعد ما قلنا اللي قلناه وعملنا اللي عملناه معاها انا مش قادر اتخطى حبها وجزء مني كان رافض يصدق بس لما كلكم صدقتوا مشيت وراكم وانا مغمض
يا يوسف انا بفكر بصوت عالي انا قابلت حلا النهارده وقلبي كان بيتقطع وانا بفض الشړاكه معاها
وايه اللي حصل خلاك بتقول كده
هحكي لك
بعد سامح ما حكى
له الحوار اللي دار بينا
احنا اغبياء كان لازم نتاكد قبل ما نظلمها خصوصا انهم حاولوا يسموها قبل كده معناه أنهم ممكن يعملوا اي حاجه ثانيه
بتقول ايه يا يوسف يسموها ازاي
ده كان سبب أن حلا سابت الفيلا عشان اكلوها اكل فاسد عمل لها ټسمم
وهي ما اتكلمتش ليه وانت كمان
ده كان سر بيني وبينها و غلطت دلوقتي اني قلت لك
يعني يا حبيبتي كانوا هيسموها وما اتكلمتش وكمان ظلموها الظلم ده واحنا ساعدناهم
سامح هات للتسجيلات دي وانا هتاكد انها سليمه او مزيفه
حاضر هحاول
اليوم التاني كنت سافرت راس البر اودعها والمكان اللي كنت بحب اقعد فيه بعد فتره وانا قاعده لقيت ايد بتتحط على كتفي بصيت
خير يا حضره الظابط انا قاعده في المكان المخصص للجمهور ولا ده ممنوع كمان
ازيك يا حلا عامله ايه
زي ما انت شايف كويسة جدا قاعدة قعدة واحده شريرة بفكر بطريقه ثانيه انتقم فيها من الناس و افضحهم لو سمحت سيبني لوحدي
ممكن اقعد معاكي شويه
باي صفه الخطوبه وانتهت اخت صاحبك وخلاص ما بقاش يعتبرني اخته اظن ما بقاش في حاجه تربطنا ببعض تخليك تقعد مع واحده زيي
اننا كنا اصحاب
لا ما كناش لو سمحت انا جايه اقعد كام ساعه اودع الاماكن اللي بحبها و لوحدي
تودعيها يعني ايه
هسيب البلد واروح بلد ثانيه الناس تتعرف علي حلا وبس مش بنت الداده تتعامل معايا على اني حلا وبس اللي مش حربايه ولا شيطانه بتخطط ټنتقم و تفضح اقرب الناس ليها تتعامل معايا لو چرحتني عذرهم معاهم لانهم اغراب
ڠصب عني دموعي نزلت وانا بتكلم بس كانت طريقتي في الكلام طريقه انسانه مكسوره و مقهوره كلامي لمس قلبه وحس فعلا اني اتظلمت
حلا اديني فرصه الموقف كان اكبر مننا ما قدرناش نفكر
الموقف ما كانش محتاج تفكير كان محتاج شعور و احساس باللي بيتهموها شعور انها لا يمكن تعمل كده و احساس ان مهما حصل دي اختها عمرها ما هتاذيها لو كنت بتحبني زي ما اوهمتني كان حبك بقى بصيرتك لكن حبك ما كانش كافي يدافع عني ارجوك انا عايزه اودع الاماكن اللي بحبها من غير ما اشوف الناس اللي اذتني
مسك ايدي حلا انا بحبك صدقيني ممكن تديني فرصه
سحبت ايدي بهدوء
اسفه الفرص والسماح كان عرض وخلص خد فرصة وعليها واحدة سماح هدية خلاص بطلته بقى بيخسرني لو سمحت هتمشي ولة لا
لا لازم اتكلم معاكي
تمام
قمت مشيت انا وهو ورايا سرعت من خطواتي عشان ما يلحقنيش
خبطتني عربيه وقعت على الارض جري عليا بسرعه وهو مخضوض
حلا انت كويسه
من جوه ولا من بره اه كويسه
تعالى اعملي محضر فيه
لا هسيبه وانتقم منه بطريقتي اللي انت شفتها ما
انت عارفني بضړب في الظهر
اللي عمل الحاډثه نزل
انا اسف يا انسه انت كويسه
اه ما تقلقش اتفضل حضرتك
ممكن اوصللك اي مكان انت رايحاه
حبيت اضايق يوسف
لو ما فيش مانع الموقف عشان اسافر
اه اتفضلي
يوسف مسكني من ايدي وقال له بحدة
لا اتفضل انت انا هوصلها
سحبت ايدي معلش يا حضره الظابط انت مشغول وهو اكيد عايز يعتذر عن الغلط اللي عمله
ركبت وما اديتلوش فرصه يتكلم ومشيت
بقلمي سحر السحرتي
اتصل يوسف على سامح و بلغه باللي حصل وإحساسه بالندم
هو انت عارف انها مسافره
هي قالت كلمه فكرتها بتعتب عليا بس ما اعتقدتش انها بتتكلم بجد
اسمع يا سامح اتصل على علاء واعرف منه احسن تسافر قبل ما تظهر الحقيقه جبت التسجيلات
للاسف هنا بتقول مسحتهم بعد مؤيد ما اتجوزها ما قدرتش يفضل عندها المخطط القذر اللي ضيع مستقبلها
وانت صدقت
لا طبعا واضح انها بتكذب
طب حاول تاخده منها من غير ما تعرف
دي اول حاجه حاولت اعملها من غير ما تعرف ولما ما لقيتهوش سالتها
طب هاته من على تليفون مؤيد هي اكيد كانت واخداه
على ما اجيبه مش لو مؤيد كان بيكلم حلا يتفق معاها اكيد سجل مكالماته موجود برقم حلا تقدر تجيب سجل مكالمات الفتره اللي قبل هنا ما تحمل ده هياكد لنا مين فيهم كانت بتكلم مؤيد اكثر
اه فكره خلاص هجيبه
يوسف دور في سجل مكالمات مؤيد
ما لقاش بينا غير مرتين وكل مره اقل من دقيقه وفتره بعيده عن حمل هنا دور
ممكن يكون ليا شريحه ثانيه باسمي ما لقاش لا انا ولا مؤيد بس لقي مكالمات كثير بينه وبين هنا طول الفترة بتاعتة الحمل وقبلها
سامح بلغ يوسف انه ما لقاش على تليفون مؤيد اي تسجيلات ولا حتى محادثات بيني وبينه على اي برنامج تواصل غير كارت معايده وقت الاعياد ببعته للناس كلها دايما ويوسف بدوره بلغوا على اللي وصل له
لو هنا مسحته زي ما بتقول عشان نفسيتها مؤيد هيمسحه ليه دى فرصه كل ما يحتاج فلوس ممكن يهددنا بيه
الا اذا ما كانش موجود الا عند هنا هي بس
احنا كده مش هنقدر نوصل للحقيقه الا لو واحد منهم اتكلم
هنشوف لها حل المشكله ان حلا مسافره اخر الاسبوع
رايحه على فين
جالها عرض في دبي تعمل فرع للشركه هناك فطلبت انها تمسك الإدارة بنفسها هناك
دي كده مش ناويه ترجع
لازم نمنعها تسافر
انا هتصرف بس لازم نشوف حجه تخليها تقعد
اعمل ايه يعني يا يوسف
هقول لك بس محتاجين مساعده من والدك
اتفقوا على الخطه اللي هيوقفوني بيها على امل اني هوافق اقعد
بقلمي سحر السحرتي
مر الاسبوع وانا في
المطار لقيت اني ممنوعه من السفر ويوسف مستنيني
خير يا حضره الظابط هو مين اللي منع سفري
اظن اني مش متجوزة عشان جوزي يمنعني ولا تحت السن القانوني عشان ابويا يمنعني
انا منعته بشكل ودي ارجوك تعالي معايا مشوار مهم
المهم بالنسبة لك اكيد مش مهم بالنسبه لي انا مرتبطه بحجز وتذكره هتروح عليا
هعوضك بس لازم تيجي معايا
واذا رفضت
ما كنتش حابب تعرفي هنا والدك في المستشفى حالته خطړ وسامح معاه و بعتني اوصل لك لان والدك حابب يشوفك يمكن تكون المره الاخيره
صړخت وانا بمسك في هدومه قلبي ما طاوعنيش
بابا انت بتتكلم جد
هو الكلام ده فيه هزار
خدني بسرعه ارجوك
جريت زي العبيطه ونسيت كل اللي عمله فيا
طول الطريق وانا بعيط قلقانه على بابا يوسف استغل الموقف ومسك ايدي يطبطب عليا حنين قوي
هو استهبل وانا بصراحه كنت محتاجه لايده كان واحشني قوي ولاني زي الهبله زي ما انتم عارفين لسه بحبه وحاولت انساه ما قدرتش مش عارفه نسيت حب ادم بسرعه لكن يوسف لا ليه مش فاهمه فقلت استهبلي انت كمان
وصلنا المستشفى وجريت بسرعه عشان اشوفه لقيت سامح طالع من غرفته حزين كنت هصرخ بس لحقني خدني في حضنه و طمني وقال لي انه حالته صعبه بس هيعدي لو احنا جنبه
دخلت حضنته كان ممثل فاشل زي اول مرة لما عملت اني اتجوزت سامح بس عملت زي الجمهور اللي دافع ثمن تذكره السينما فكمل باقي الفيلم يعمل بفلوسه قلت مثلي انت كمان يا حلا لما نشوف اخرتها الطيارة وراحت عليك والسفر واتاجل
بابا حبيبي الف سلامه عليك هتعدي و هتقوم منها
ما استحملتش لما قالوا انك مسافره ومش راجعه تاني
هو مين اللي قال لك و عرفوا ازاي
يوسف كان موجود عشان يلحق يرد بما ان شغله مدربه على سرعه البديهه وتقريبا بقى متولى الردود بالنيابة عن العيلة
اصل سامح كان بيكلم علاء بالصدفه عشان يشوف هيفض شړاكه صافي امتى فقال له لما حلا تاسس الشركه وتشتغل شويه وتجمع فلوس صافي
طب ليه بلغ بابا وهو عارف ان صحته ما تستحملش
ده بابا سمعه وهو بيحكي لي في التليفون
بصيت له بصة بتقوله يا راجل معقول
وانت يا بابا زعلت عليا ليه مش انا البنت الوحشه اللي ڤضحت اختها المفروض انك تتبرى مني وتنساني وبلاش اصعب عليك قوي كدة
سامح حب يسبكها باين انهم عيلة عاشقة للتمثيل لكن فشلة
حلا بابا مش حمل انفعال بعدين ابقى عاتبيه الكلام ده ممكن يزود تعبه
اتاكدت أكثر انهم بيكدبوا عليا لما شفت
يا ترى حلا شافت ايه
وهل هتظهر براءتها فعلا
كبرياء ابنة الخادمة
حلقة ١
لما شفت الاجهزه اي نعم انا صيدلانيه بس فاهمه جهاز الاكسجين شغال ولة لا بس حبيت الفت نظرهم اني فاهمه في شغل الاجهزه اللي بابا مركبها
بس ما تقلقش هتبقى كويس وقفت قدام جهاز قياس الضغط وضربات القلب و كملت
كل المؤشرات الحيويه بتقول انك بتتحسن بسرعه هو الدكتور قال لك يا سامح هو عنده ايه بالظبط
ارتبك شوية وبعدين قال
الحقيقه هو قال كلام كتير و كام مصطلح طبي كده بالانجليزي وكنت قلقان على بابا ما ركزتش هو كان يقصد ايه بالضبط بس كنت مستني انه يقول انه هيتحسن وبس ده اللي كان هاممني وقتها
طب هروح اسال انا الدكتور يطمني ما تقلقش انا هفهم كويس
استني هو جاي دلوقتي هو استاذن بيلف على حالات و هيرجع ثاني بلاش تتعبي نفسك
امال الساحره الشريره فين هو مش المفروض تقف جنب جوزها
قصدك على مين
زي ما فهمت الست والدتك
حلا عيب
لا عيب ايه ده كان زمان قبل ما ابقى شريره و حربايه لكن دلوقتي انا جايه اطمن علي بابا واول الدكتور ما يطمني هسافر وقول لصاحبك لو منعني تاني هقدم فيه شكوى و اضر مستقبله ما بقتش اسكت لحد خلاص وخصوصا انتم
يوسف تعالي نتكلم بره لان كلامك بالاسلوب ده هيتعب عمي
خلاص مش هنطق لما يجي الدكتور و اطمن عليه
بابا تظاهر انه تعبان و بيخرج الكلمه بالعافيه
حلا تعالي قربي جنبي
نعم يا بابا
لو جرى لي حاجه عايزه اموت وانت مسامحاني
سكت وما ردتش عليه بس دموعي جاوبته
مش بتردي عليا ليه انا عارف اني ما ليش حق اطلب منك ده انا قصرت معاكي كتير ومش اول مره اخذلك
الحقيقه يا بابا انت جبت المفيد
سامح وبعدين يا حلا بابا مش حمل طريقتك دي جايبينك تحسنيها مش تقضي عليه
انا خارجه اشم شويه هوا على ما الدكتور يجي
بابا بالراحه عليها يا سامح هي معاها حق تعالي يا حلا بلاش تخرجي عايز اشبع منك
معلش يا بابا اديني 10 دقائق وراجعه حاسه اني مخنوقه هنزل عشان ما ازودش كلام يضايقك و يتعبك
سامح شاور ليوسف يخرج ورايا
نزلت جنينه المستشفى ويوسف ورايا ومش واخده بالي منه قعدت على كرسي و بدات اعيط مش عارفه اسامح ولا ابعد القرار صعب
يوسف قعد جنبي و اخذني في حضڼي و طبطب عليا
ما تخافيش هيبقى كويس
بقلمي سحر السحرتي
بعدت عنه كويس عشان الحق اسافر
انت مصره مش خاېفه يجرى له حاجه وانت بعيده عنه
كل شيء مقدر ومكتوب و قعدتي معاه مش هتمنع قدره
ياه للدرجه دي انت اتغيرتي قوي يا حلا
الفضل يرجع لكم بس لا انا كده من الاول انا حربايه
حلا لو سمحتي ده كان اختبار واحنا للاسف سقطنا فيه من وزه الشيطان وهنا كانت رسماها كويس قوي
ايه ده هي ظهرت البراءه وانا ما اعرفش
لا احساسنا
و احساسكم ده يومها كان واقع في غيبوبه يوسف اسمع الكلمتين اللي عندي ومش هكررهم بابا اول ما يخف هسافر ومش عايزة اشوف وش حد ولا اعرف حاجه عن حد وخصوصا انت
اشمعنى خصوصا انا
لاني هتجوز واحد عارف قيمتي واظن انا اه حقودة وحرباية لكن مش خائڼة للراجل اللي هتجوزه
كنت بقول كدة و قصدي اشوف هيعمل ايه لقيت وشه اتحول ونظرته بقت حاده وقال بصوت مرعب
على چثتي يا حلا تبقي لغيري
قلت بمنتهى السخرية
ايه ده انت عايز تتجوز واحده لا تؤتمن على بيت طب ازاي
هكتفك و اخطفك وبعدين انسي كل
اللي قلناه كانت لحظه ڠضب
كلام كل واحد فيكم محفور جويا بيرن في ودني كل يوم تحب اسمع لك لو نسيت انت قلت ايه
حلا كل حاجه هتتصلح وجواز من غيري مش هيحصل
بصيت له بتحدى وقلت بمنتهى القوة
ولو انت اخر راجل في الدنيا عمري ما هتجوزك
هنشوف يا حلا وقومي نشوف الدكتور رجع ولة لا
اطلع انت وخلي سامح يرن لي لو الدكتور رجع
قومي معايا بدل ما اشيلك
بصت له بنفس نظره التحدي
الكلام ده كان زمان اعملوا مع حد ثاني وبعدين انا مستنيه مكالمه من خطيبي يطمن عليا بما اني لسة ما سافرتش
شالني بايده الاثنين و قال بكل ڠضب
ما اسمعش صوتك احنا في مستشفى وفي عيانين
طب ما ترجعش انت ټعيط
ضړبته في كتفه ما قصرش فيه اتغظت قوي قمت عضاه في كتفه حسيت بصرخه الم مكتومه قال لي وهو متنرفز جدا
لو ما بطلتيش هشيلك زي الزكيبه كده لو حد شافنا هيقول مريضه لكن الثانيه هتبقى غلط في
حقك
بقلمي سحر السحرتي
خفت من شكله وغضبه وسكت دخل عليهم وهو شايلني كده سامح ساله
في ايه
رجلها وهي ماشيه اتلوت وصعب تدوس عليها شلتها مش كده يا حلا
بصت له بسخافه و واديت وش الناحيه الثانيه
في اللحظه دي صافي دخلت وفي عينيها ړعب قلقتنا بس طلبت من سامح يخرج معاها هو ويوسف
سامح طلب مني افضل جنب بابا الفضول كان هيقتلني بس قلت يا خبر النهارده بفلوس وصافي مش بتخبي عليا حاجه
خرج سامح قلقان من شكل صافي
خير يا صافي مالك وشك مخضوض
الحق مامتك جبناها المستشفى ودخلت العمليات
ايه ليه وما اتصلتيش علي ليه
انا قلت انت اصلا هنا مع باباك زي ما فهمتني بس الحق يا يوسف اقبض على مؤيد
ليه ايه اللي حصل
سمعنا هنا بتزعق و بتتخانق مع مؤيد قلنا عادي ده الطبيعي بس لما ضربها جامد وصړخت وقالت حد يلحقني جرينا عليها اتضح انها كانت بتطلب منه فلوس وهو رفض شتمته وضربها لما خلصناها من ايده قال لها
انا رايح اقول لهم على كل حاجه انا قرفت منك لازم يعرفوا انك انت وامك الشياطين و اتهمتوا فيها الغلبانه اللي طول عمرها كويسه معايا حتى لما رفضتني بذوق ما جرحتش كرامتي انما انت طول الوقت بتذلي فيا انت كنت تطول تتجوز واحده زيي وانت دبلوم يا سافله يا اللي بتتجوزي من ورا اهلك
بقلمي سحر السحرتي
سكتت شويه تاخد نفسها
وبعدين جه عشان يمشي هنا قالت
امسكيه يا ماما هيقول لهم
وقف على السلم و طنط ماسكاه بتحاول تمنعه وهو بيفلت ايديها وقعت من على السلم وهي دلوقتي في العمليات
سامح جري على غرفه العمليات لقى هنا مضړوبه و وشها ازرق
يوسف قال له هروح اجيب مؤيد قبل ما نقبض عليه عشان نلمها بدل ما تبقى ڤضيحه ولا عايز تقدم بلاغ
لا خلينا نفهم ايه اللي حصل بعدها نقدم او لا
يوسف اختصر الطريق و بعت رساله لمؤيد رد عليا علشان نلم الدنيا بدل ما يدخل فيها البوليس واكيد انت عارف انا كلمتي واحده
رد
اظن ما بقاش في مجال تخبي لان تقريبا كل حاجه اتكشفت
حكى له ان اتجوز هنا بموافقتها واختلفوا لما حملت وما يعرفش هي عملت ايه خلاهم اتصلوا عليه عشان يتجوزها رسمي لكن فهم من حوارهم انها كذبت عليهم ودخلت حلا في الموضوع بعد ما اتجوزها رسمي
سالها وعرف كل التفاصيل
صاحبتها اللي دلتها على الدواء بتاع الإچهاض جابت لها
واحد يعمل تسجيلات بصوتي وبصوت
حلا ان احنا بنتفق عليها وان حلا اللي خططت ټنتقم منها
وده صحيح
رد مؤيد بانفعال صادق خلى يوسف يتأكد أن اللي بيقوله صادق فيه فعلا
لا طبعا حلا طول عمرها متربية معانا
في الحاره طول عمرها
متابعة القراءة
