كانت واقفه في المطبخ بتعمل الاكل
انا ابني ياختي شاف بنتك امبارح وكلمني عليها علطول وانا بقي فرحت وقولت اهو نبقي حبايب ونسايب ايه رأيك
عزة بتوتر تاج تبقي بنت جوزي مش بنتي يا ام مريم وبعدين دي خلاص هتتخطب قريب
زهرة بزعل اخس عليكي يا عزة بقي انتي ياختي هتلاقي احسن من ابني المهندس ده هيجبلها شقة في اجدعها عمارة في البلد ده غير حلاوتك بقي يا ام العروسة ايوة ما انتي حتي لو مش امها بس اللي ربتها
عزة بتفكير والله يا ام مريم انا مليش دعوة الكلمة ترجع لابوها هقوله ونشوف
قطع كلامهم دخول تاج بالصنية اللي عليها العصير وكانت فرحانة ان زهرة عندهم رغم انها متعرفش هي جاية ليه
تاج بابتسامة اتفضلي يا طنط نورتي البيت
عزة بضيق يلا يا بت حطي الصنية وروحي كملي اللي وراكي
تاج بحزن حاضر يا مرات ابويا
زهرة بشفقة تسلم ايديك يا بنتي وربنا يعينك روحي انتي شوفي اللي وراكي وانا هشرب العصير وامشي بقي
عزة ببرود ماشي وهبقي ارد عليكي بقي في الموضوع اياه
كانت قاعدة مريم في اوضتها سرحانة وحالتها زفت لحد ما سمعت خبط الباب ودخول اخوها يوسف بعد ما فتحتلو
مريم بابتسامة تعالي يا يوسف انا افتكرتك نزلت
يوسف بعتاب ليه خبيتي عليا ان في مشكلة بينك وبين جوزك يا مريم للدرجادي مش شايفاني سندك
مريم بلهفة لا طبعا يا يوسف والله مش كدة بس انا يعني مكنتش عاوزة اشيلكم همي
يوسف بحنان وهو انا ليا ميت اخت اشيل همها دي هي واحده عموما هتحكيلي بقي ولا اروح اسمع من فارس
مريم بتردد هو انت عرفت منين مش منه
يوسف بابتسامة هو قاعد برة اصلا وقالي انه عاوز يتكلم معاكي وان في مشكلة بينكم بس مقالش ايه هي
مريم بحزن هقولك ايه بس يا فارس اقولك انه طلع مش بيحبني واني كنت بالنسباله مجرد جوازة غصب عنه وانه كان بيحب بنت عمه بس اتجوزني غصب عنه عشان دي كانت رغبة امه اكيد دي حجات متتقالش بس عادي انا خلاص اتخطيت صدمتي وعشان كدة عاوزاك تمشي في اجراءات الطلاق
يوسف بهدوء عكس اللي جواه ده كلام فارس ليكي هو قالك كدة بنفسه
مريم بتنهيدة ايوة لو سمحت يا يوسف انا مش عاوزاك تعاتبه او تتكلم معاه في اي حاجة اوعي تصغرني او تقلل مني ياريت بس ننفصل بهدوء
يوسف بجدية طب البسي وحصليني
خرج يوسف بعد ما قال كلامه وكانت متابعاه مريم بحزن ويوسف اول ما خرج قعد قدام فارس اللي كلن باين عليه التعب
فارس بتوتر هي مش عاوزة تقابلني مش كدة
يوسف بغموض لا خالص بالعكس دي قالتلي انا جاية
فارس بصدمة معقولة للدرجادي ما صدقت اننا هنطلق طب ازاي
يوسف باستفهام هو ايه اللي ازاي يا فارس معلش هو مش انت اللي سبتها وانت اللي قولتلها انك مش بتحبها زعلان ليه انها هتشوف حياتها
فارس بخزلان عندك حق بس انا كنت فاكر انها هتتمسك بيا اكتر من كدة
يوسف بسخرية يعني بعد كل اللي قولته ليها وكمان عاوزها تتمسك بيك ده ازاي معلش افهمها وافهم انت ليه زعلان مش المفروض انك تفرح اهي هتبعد عنك وهتروح لبنت عمك اللي بتحبها
فارس بحزن وهو بيقوم عندك حق يا يوسف عموما شوفو الوقت اللي بناسبكم وانا تحت امركم
في نفس الوقت خرجت مريم وبصت لفارس بعتاب وحزن وهو بادلها النظرة بكسرة وسابها ومشي وكان متابع يوسف كل حاجة بتركيز
مريم بحزن يوسف انت قولت ايه لفارس عشان يبقي زعلان كدة
يوسف بتلقائية قولت اللي قولته انتي فارق معاكي ايه بعد اللي قاله انتي قولتي من الاول اوعي تقلل مني وانا هعمل كدة ولا ده مضايقك دلوقتي
مريم بتوتر لا خالص هي فين ماما
يوسف بقلق لسة مجتش من عند الناس دي مش كنت روحت معاها
دخلت زهرة في نفس الوقت فقرب منها مريم بقلق خير يا امي اتأخرتي كدة ليه
زهرة بضيق اوف دي عزة دي طلعت عقربة مشوفتوش كانت بتعامل البنية ازاي والله صعبت عليا لو تشوفوها وهي مكسورة كدة
يوسف بهدوء خلاص يا امي يبقي نعجل بالموضوع
مريم باندفاع بس اهم حاجة يا امي عرفتي تاج ان الجوازة دي سوري كدة عشان ننقذها ولا لا
زهرة بقلق لا مقولتلهاش هي عزة ادتني فرصة ده البت دخلت بالصنية شخطت فيها وخلتها تجري من قدامي
مريم بقصد ليوسف يوسف انت لازم تعرف تاج مينفعش نضحك عليها
يوسف بهدوء متقلقيش يا مريم اكيد هقولها المهم يا ماما قالتلك ايه مرات ابوها دي
زهرة بتفكير انا رسمتلها البحر طحينة وعشمتها يارب بس عنيها تزغلل وتوافق
يوسف بتفكير اكيد هتوافق متقلقوش
كانت واقفة تاج قدام المراية وعلي وشها سعادة مش قادرة توصفها بعد ما سمعت مرات ابوها بتقنع ابوها علي جوازها بس المرادي من يوسف اول ما سمعت اسمه قلبها دق وعرفت زهرة كانت جاية ليه كانت واقفة تاج بتفتكر ملامح يوسف اللي اتحفرت في عقلها من المرة الوحيدة اللي شافته فيها واعجابها بيه اللي خفته عن نفسها حتي عشان متتعلقش وتتعشم انتبهت تاج لدخول مريم اخت يوسف
مريم بابتسامة ممكن ادخل لعروستنا انا استأذنت
تاج بخجل طبعا اتفضلي انتي مريم مش كدة
مريم بابتسامة ايوة انا اخت يوسف وحقيقي انتي زي القمر بجد احلي عروسة شوفتها في خطوبتها
تاج بخجل متشكرة انتي اللي جميلة اوي عارفة انا خايفة اوي
مريم بقلق من ايه بس ده انتي انهاردة يومك
تاج بخوف ماهي دي المشكلة انا متعودتش افرح لازم في الاخر فرحتي تقلب بحزن اقولك علي حاجة انا عارفة ان بعد ما تمشو مرات ابويا هتخليني اعمل كل حاجة وتقعد تسم بدني بالكلام بس مش مهم كفايا اني عارفة اني مش هقعد هنا كتير واني هسيبها وبعد بعيد عنها
مريم بشفقة حبيبتي انتي تستاهلي كل خير وان شاء الله هتمشي من هنا وهتبعد عن الست دي للابد
تاج بتردد هو انا ممكن اقولك علي حاجة انا حبيتك اوي ونفسي نبقي صحاب ممكن
مريم بسرعة يا خبر ده انا يا بختي ان هيكون ليا صاحبة زيك يا تاج طبعا موافقة
تاج بابتسامة عارفة انا لما شوفت يوسف لاول مرة حسيت ان قلبي دق جامد واتوترت ومقدرتش اتكلم معاه من كسوفي وقتها اتمنيت لو اقدر احب واتحب بس وقتها فوقت نفسي وقولت ازاي اصلا ولازم انسي ان حاجة زي كدة ممكن تحصل بس لما ماما زهرة جت وعرفت ان يوسف اتقدملي بجد وقتها كانت سعادتي متتوصفش وكأن فرحتي اتنين اني هتحرر وهعيش مع الانسان الوحيد اللي قلبي دق ليه
مرسم كانت بتسمع تاج وهي من جواها مقهورة اوي عليها كانت حاسة بيها اوي لانها شبها في كل حاجة نفس فرحتها لما جت تتجوز فارس وعنيها دمعت لما تخيلت ان قلب تاج هيتكسر زي قلبها لما تعرف ان يوسف مش بيحبها وانه عمل كدة عشان امه مش اكتر
تاج بلهفة مريم انتي هتعيطي انا اسفة مقصدش اضايقك
مريم بسرعة لا خالص مش كدة بس انا اتأثرت اوي بكلامك ان شاء الله تعيسي في سعادة مع يوسف ويحس ويقدر مشاعرك دي احم يلا بقي هنتأخر عليهم والعريس مستني
ابتسمت تاج بفرحة وخرجت مع مريم وكانت من كسوفها باصة في الارض ولما رفعت عنيها جت في عيون يوسف اللي اتوتر اول ما شافها وهي بتقرب عليه وحس بحاجة غريبة
منتصر بابتسامة ما شاء الله يا بنتي زي القمر تعالي اقعدي جمب عريسك
قعدت تاج جمب يوسف وكانت مكسوفة اوي فقرب يوسف منها وقالها بهمس متقلقيش كل حاجة هتبقي كويسة
تاج وقلبها بيدق ردت بهمس انا مطمنة عشان انت جمبي يا يوسف
يوسف كأن بجملة تاج عصفت كيانه اتوتر ومكنش عارف ماله لانه متوقعش تقوله كدة ووقتها بص لمريم اخته اللي كانت بتبصله بقلق
عزة بابتسامة طب ايه رأيكم بقي مش
زهرة اتصدمت وبصت ليوسف اللي رد بهدوء تمام مفيش مشكلة تحبو يبقي امتي
عزة باندفاع الاسبوع الجاي احنا كدة كدة جاهزين ولا ايه يا منتصر
منتصر بابتسامة مفيش مشكلة انتي ايه رأيك يا تاج
تاج بسعادة موافقة يا بابا
يوسف بتلقائية كدة تمام يبقي علي بركة الله استأذنك بكرة يا عمي اخد تاج ونجيب الدهب
عزة بثقة طبعا يا يوسف انت عدي علينا وهتلاقينا جاهزين ومستنينك
يوسف بجدية تمام يبقي علي بركة الله
بعد يومين كانت قعدت زهرة قدام يوسف وقالتله بهدوء ممكن تفهمني بقي اللي في دماغك ايه يا يوسف ووافقت علي موضوع كتب الكتاب والفرح ليه ده مكنش اتفاقنا
يوسف بتوتر يعني كنت هقول ايه بس يا ماما اديكي شوفتي مرات ابوها دي عملت ايه يوم ما روحنا نجيب الدهب دي خلتني جبتلها زي تاج بس مش مهم المهم نخلص تاج منها
زهرة بغموض يعني انت بتعمل كل ده عشان تاج صعبانة عليك
يوسف بحيرة اكيد يعني يا ماما هيكون عشان ايه غير كدة
زهرة بتنهيدة ربنا يريح بالك يابني وينور بصيرتك بس هتعمل ايه في موضوع الشقة احنا فرشنالهم البحر طحينة وقولنا هنجيب شقة بس مفيش وقت بعد ما حددت مرات ابوها الفرح يكون قريب اوي كدة
يوسف بثقة ما هي دي هتبقي الحجة هنقولها اننا مش هنلحق نجيب السقة ونوضبها فهنتجوز هنا وبعدين نجهز براحتنا ووقتها مش هتقول حاجة
زهرة بابتسامة طيب يا حبيبي ربنا يراضيك يارب
يوسف وهو بيبص في ساعته بعد اذنك يا امي هخرج عشان عندي مشوا مهم
خرج يوسف وراح كافيه معين وكان قاعد فارس مستنيه
فارس بجدية اهلا يا يوسف اتفضل لنا مستنيك بقالي شوية
يوسف بجدية من غير لف ودوران يا فارس انا طلبتك عشان عاوز اعرف السبب الحقيقي اللي خلاك تكدب علي اختي وتقولها كدة واوعي تقولي انك مش بتحبها والجو ده لاني مش مصدق اي كلمة بس مصدق نظرتك لاختي وكمان صدمتك لما قولتلك انها مش فارق
معاها اللي قولته وانها هتكمل حياتها
فارس بتنهيدة انت صح يا يوسف كل اللي قولته لمريم كان غلط انا عيان يا يوسف وبتعالج بقالي سنتين وده اللي خلاني ابعد عن مريم طوب السنتين دول كنت بحاول اخليها متشوفنيش وانا مريض وتعبان عشان كدة كنت طول الوقت بهرب منها ولما يأست قررت اني ابعدها عني واصدمها فيا عشان متتمسكش بيا
يوسف بهدوء طبعا انت عارف انك غلطان يا فارس ومش محتاج اني اقولك كدة دي مراتك وبتحبك ودورها انها تقف جمبك مهما كانت
