هو انتي ليه لابسة النقاب
مني بخطوتين بس وبص على إيدي اللي كارم كان ماسكها من شوية
كانت محمرة.
وشه اتغير.
مد إيده مسك إيدي بلطف
انتي كويسة يا فاطمة
هزيت راسي ودموعي نزلت فجأة من غير ما أحس.
مش من الخوف
من الإهانة اللي اتعرضت لها
ومن الأمان اللي حسيته لما لقيته واقف في وشي الدنيا كلها.
حسام بص لكارم اللي بيحاول يقوم
لو قربت من أختي تاني مش هبقى مسؤول عن اللي هيحصل لك.
ده أنا كنت ناوي أجوزك بنت خالي ده إنتي ولا حاجة!
قالها كارم وهو بيترعش وبيحاول يداري خوفه.
حسام فجأة مسكه من التيشيرت ورفعه لفوق بطريقة خلت رجله تتعلق من الأرض
أختي
إنت آخر فرصة!!
صرخ كارم بجنون.
حسام قرب وشه ليه وقال
آخر فرصة هي اللي آخر فرصة ليك إن ربنا نجاك من واحدة كانت هتطلعك راجل محترم وانت مش أهل لكده.
وسابه يقع على الأرض زي الكيس الفاضي.
كارم جري
من غير ما يبص وراه حتى.
وصلنا البيت
أول لما دخلنا مرات بابا قالت بغل
إيه يا فاطمة اتأخرتي ليه!
بس أول لما شافت حسام سكتت.
دخل حسام قدامها وقال بصوت هادي لكنه مرعب
لو سمعتك بتفتحي بقك على فاطمة هعتبر ده تطاول عليا شخصيا وأنا مش بابا.
سكتت واتبلعت.
بابا خرج من قوضته أول
حمدالله على السلامة يا ابني!
حضنه حسام وقال
بابا فاطمة اتعرضت لموقف وماينفعش تسكت عليه.
قعدوا يسمعوا اللي حصل
بابا كان وشه أحمر
وصوته وهو بيقول
لو كنتي قولتي من الأول يا فاطمة ده أنا أربيهولك!
حضنته وأنا بعيط
بس دي كانت المرة الأولى اللي دموعتي نزلت من راحة مش من قهر.
تلات أسابيع بعد اللي حصل
كارم اختفى
الناس قالت إنه اتخانق مع شباب في الشارع واتكسرت دراعه ونقلوه مستشفى
ناس قالت إنه حصل له مصيبة كبيرة في شغله
ناس قالت إن أمه بتعيط كل يوم.
لكن فاطمة
كانت بتقوم الفجر وتصلي بخشوع ماحستهوش قبل
كانت بتروح تحفيظ القرآن وهي مرفوعة الراس.
كانت بتكمل يومها وهي أول مرة حاسة إنها مش قليلة
ولا ناقصة
ولا مش جميلة.
لإن في حد واحد بس اللي يعرف قيمتها
هي نفسها.
آخر مشهد
حسام وقف عند باب أوضتها وقال
فاطمة في حد جاي يشوفك وتقدري ترفضي أو تقبلي براحتك أنت.
قلبيها نفض
قامت وخرجت
ولقت شاب قاعد مع بابا وشه هادي محترم
ولما دخلت قام واقف بأدب.
مابتسمش زيادة
ماقلش كلام بايخ
ماقللش منها
بس قال جملة واحدة
أنا شوفتك في التحفيظ قبل كده وأخلاقك هي اللي خلتني أطلبك مش شكلك.
ساعتها
فاطمة ابتسمت ابتسامة صغيرة
لأول
النهاية الحقيقية.
مش لأنها اتجوزت.
لكن لأنها
اختارت نفسها.
