رواية داليدا وزين صدفه غيرت حياتى كاملة جميع الفصول بقلم ايمان شلبي
باستفهام
منتظره رد علي اجابتي والألف سؤال اللي جه في بالي في الثانيه الواحده !
رد بكل هدوء
هقولك كل حاجه بس مش دلوقتي
اومال أمتي
لما نقرأ الفاتحه
رفعت حاجبي باستفزاز
وافرض رفضت !
اتعدل وهو بيبص قدامه وبيرد ببرود
مش حاطط الاحتمال ده بصراحه
رديت بانفعال
وده ليه بقي أن شاء الله
بصلي وهو بيلعب في حواجبه
من غير ليه
بصيتله بغيظ وانا بجز علي اسناني وپصرخ بصوت مكتوم وبقوله قبل ما انزل من العربيه
طلبك مرفوض ياسياده المقدم عن اذنك
كنت ماشيه مټعصبه جدا وده كان واضح علي وشي وانا بكلم نفسي وبتريق علي طريقه كلامه
مش حاطط الاحتمال ده بصراحه نينننيني مفكر نفسه شاروخان بروح مامته استغفر الله العظيم يارب
خرجني عن شعوري وانا من جوايا ست مؤدبه منك لله ياخالتي انتي وابنك ومراته ومعاكم حسام حبيب
وصلت البيت وانا طول الطريق بدعي عليهم وعلي الصدفه اللي شقلبت حياتي في لمح البصر
ياريتني كنت شوفت كلب وقولت عليه خطيبي احسن من البني آدم برأس بخاخه ده
خبطت الباب بغيظ وانا شارده في كل اللي حصل النهارده وكل ما افتكر اتعصب وازيد من خبطي علي الباب
ايه ايه بهيمه بتخبط علي الباب
قالتها ماما بضيق وهي بتفتح الباب
دخلت وانا بقول بعصبيه
قال أيه مش حاطط احتمال للرفض بصراحه
مفكر نفسه شاروخان ولا توم كروز ده حته مقدم لا راح ولا جه احلي منهم اصلا يقولي انا كده !!
بسم الله الرحمن الرحيم البت اتلبست باين
قالتها ماما وهي بتبصلي وبتلوي بوقها بسخريه علي جناني
اخدت نفس طويل وانا بقعد علي الكنبه
مغرور شايف نفسه
هو مين ده ياحبيبتي اللي مغرور
قالها بابا بتساؤل ورفعه حاجب وهو بيبصلي
بلعت ريقي لما انتبهت لوجوده وانا ببتسم باهتزاز
هه ا انا قولت مغرور
ماما واختي في نفس واحد
أه
بصيت لبابا وانا بشاور عليهم
اهو قالوا مقولتش حاجه اومال في أي بقي
ماما وهي بتحط ايديها علي جبيني
مالك ياحبيبتي انتي سخنه!
نفخت بضيق وانا بوزع نظراتي بينهم
انا عملت حاجه النهارده غلط
ردوا في نفس واحد
عملتي ايه يابلوه
بلعت ريقى وانا ببصلهم وبدأت احكي كل حاجه من وقت ما نزلت من البيت لحد اللحظه ديه
اصل انا متعوده احكي لاهلي كل حاجه حتي لو غلط وحتي لو هتعاقب بس ولو ولوووو اتحرق لو محكتش
اول ما
خلصت اخدت نفس عميق وانا ببتسم براحه
الحمد لله كنت حاسه ان هيجرالي حاجه
لو متكلمتش
اختي بضحك
البنات كلها تخبي علي أهلها مصايبها اختي اول ما يحصلها حاجه يا اهل البيت تعالوا احكيلكم انا عملت مصېبه ايه النهارده بجد بجد انا مبهوره بيكي
رديت بقرف
نينينيني
بابا بجديه
اسمه رحيم ولا شريف
رديت پصدمه
ايه ده انت عرفت منين
ضحك بهدوء
انتي ناسيه أن مدير الشركه يبقي صاحبي !
ايوه بس انتوا صحاب من بعيد اوي
بس انا عارف عياله التوأم شريف ورحيم الاتنين كانوا بيلعبوا معاكي وانتي صغيره
ا احم بجد !
رد بجديه
بس ده ميمنعش أن تصرفك من البدايه كان غلط
رديت بإحراج
عارفه ومعترفه بغلطي
ماما بلهفه
المهم دلوقتي لما
رديت بتلقائية
هقول ايه رفضت طبعا
يالهوووووووووي
صړخت ماما
الاه انتي بتصوتي ل
اي اي اي ياست انتي ودني اي
قولتها بۏجع اما شدتني من دوني
وهي بتجز علي اسنانها پعنف
اعمل فيكي ايه
بقي ده عريس يترفض ياشيخه منك لله ادعي عليكي بأيه رفضتي الراجل ليه يابلوه عمري رفضتي ليه
ياماما استني بس انا هفهمك
صړخت في ودني وهي مازالت ماسكه ودني
هتفهميني ايه اوعي يابت تكوني لسه بتحبي ابن خالتك
ياماما ابن خالتي مين ده اللي احبه ده حتي بقي عنده كرش واقررع ده بقي عامل شبه رمضان مبروك والله
اومال رفضتي ليه يابنت الجزمه
عايزه الصراحه ولا الصراحه
انطقي
اټفزعت لما صړخت في ودني فرديت وانا بسحب نفسي من تحت ايديها
عشان هو حلو وجنتل والبنات هتفضل تعاكسه !
قولت ارفض واريح دماغي وبس ومع السلام عليكم ورحمه الله وبركاته ونلتقي بكم في يوم جديد مع مصېبه جديده من مصايب البلوه المتحركه داليدا متولي السيد وتصبحوا علي خير والمقصود بالخير هي انا و
قطعت جملتي لما الفون بتاعي رن
ماما بلهفه
مين
مش عارفه رقم غريب
قربت مني وهي بتقول بفرحه
ردي ردي
فرحانه كده ليه وكأني هكسب مليون جنيه
ضړبتني فى كتفي وهي بتجز علي أسنانه
ردي وافتحي الاسبيكر
خلاص طه متزوقيش يوه
رديت وانا بفتح الاسبيكر
الو
داليدا انا هانيا ازيك
بلعت ريقي بتوتر
هه ه هانيا الحمد لله حبيبتي وانتي
هانيا بقلق
انتي كويسه رحيم حكالنا اللي حصل
بصيت لماما وبابا واختي واللي كانوا مستغربين اصل انا محكتش اللي حصل اما خرجت من الفيله
هه ا انا كويسه ياحبيبتي متقلقيش
طب الحمد لله ده رحيم مستناش لبكره وراح عمل منهم شاورما
رديت بذهول
بتهزري!
والله بجد ده باين كده الصناره غمزت ولا ايه
ضحكت بتوتر وانا بوزع نظراتي ما بينهم وهما قاعدين مستنين اخلص عشان احكي
اتوترت وقلبي دق لما سمعت صوته بيسأل هانيا بجمود
بتكلمي مين
دي داليدا بتطمن عليها
هاتيها
خد
داليدا بقولك ايه ياعسل الكلام اللي قولتيه ده بليه واشربي مېته انا جاي بكره انا والعيله الكريمه نتقدم تمام
تمام أن شاء الله تصبحي على خير ياقمر
يتبع
صدفه غيرت حياتي
إيمان شلبي
الجزء السابع بقلمي ايمان شلبي
قال كلامه وقفل الفون في وشي وانا واقفه ابص قدامي بذهول
اختي بهيام
الله بطل قاسې انا نقطه ضعفي البطل القاسې اللي يتجوز البطله ڠصب عنها
رديت وانا بحدف مخده فى وشها
غوري انتي ورواياتك اللي تقرف شبه وشبك دي غوري
وطبعا كالعاده حكيت اللي حصل بالتفصيل وعدي اليوم ودخلت نمت وانا مستنيه بكره اللي هقابل في عريس الغفلة
تاني وخاصه بليل كنت واقفه قدام المرايه بظبط نفسي لحد ما دخلت ماما عليا
ايه اللي انتي لبساه ده يابلوه !
ايه ياماما ماله
صړخت بغيظ
ماله
ماله ايه في واحده يوم قرايه فاتحتها تلبس كده
ماله يعني لبسي ده عشرين في الميه ليكرا
حطيت ايديها علي دماغها وخرجت من الأوضه وهي بترطن تقريبا كده والله اعلم كانت بټشتم عليا حصل
عاااااا
صړخت بفزع لما لقيتها داخله وماسكه المكنسه وهي بتقولي بغيظ
عليا وعلي أعدائي
وقفت علي السرير پخوف
اهدي بس ياست الكل ده شيطان ودخل ما بينا
شيطان !
هو في شيطان غيرك ادعي عليكي بأيه ا
ماما داليدا العريس وصل
قالتها
اختي بلهفه وهي بتدخل الأوضه
ماما وهي بتبصلها
تعالي خليها تلبس حاجه عدله وإلا اقسم بالله هطفش ومحدش هيعرفلي مكان
اختي بتوتر
متقلقيش ا انا هظبطها
خرجت ماما من الأوضه واختي قربت مني وهي بتهز رأسها بيأس
انزلي يابلوه انزلي بقي بذمتك في عروسه في الدنيا تلبس بدله جيش لعريسها
بصيت لنفسى بتقييم
مالها بس البدله ماهي زي القمر اهي وبعدين ماهو مقدم يعني هيحب البدله والله و
اختي وهي بتقاطعني بتحذير
بت انتي البسي الطقم ده وخلصي
طب خلاص متبرقيش كده بخاف
واتكلمت بخفوت
ده اي العيله اللي تړعب البني ادمين دي
بعد شويه لبست دريس تايجر وطرحه سوداء وشوذ اسود كعب وحطيت ميك اب هادي وخرجت من الأوضه
أهلا هلا بعروستنا
قالها خالد
ابو رحيم بترحيب وفرحه
ضحكت برقه وانا بقرب منه وبسلم عليهم واحد ورا التاني لحد ما وصلت عنده
واول ما وقفت قدامه وشميت ريحه البرفيوم بتاعته قلبي دق للمره اللي مش عارفه عددها كام !!
سلمت عليه من غير ما انطق حرف وقعدنا شويه نتكلم لحد ما ماما قالت بتوتر
ط طب نسيب العرسان شويه مع بعض
الكل وافق علي قرارها وانا بصيتلهم بغيظ ولاد اللذينه ازاي يسيبوني مع واحد غريب ولوحدي !!
لقيته قام من مكانه ولسه هيقعد قريب مني وقفت علي الكرسي وانا بشاور بتحذير
مكانك لتۏلع
ربع أيده وهو بيرفع حاجبه الشمال
والله !
بلعت ريقي بتوتر
بص بقي يانجم ا انا
انتي جميله
رديت بخفوت
يخربيتك هو ده وقته
ا احم بص ياعسل انا جواز مش هتجوز ع عشان
تمام هنروح نجيب الشبكه أمتي
بصيتله بذهول
شبكه ايه يابني آدم انت بقولك مش موافقه اتجوزك و
قاطعني مره تانيه ببرود
تمام يعني يوم الخميس يوافق معاكي
لطمت علي خدي
خميس ايه وتلات ايه ياعم انت
نهار اسود انت بتتحول ولا ايه
قولتها پخوف وانا ببلع ريقي وببص علي ملامحه اللي اتحولت ميه وتمنين درجه من الهدوء والثبات للجنون
قرب مني وهو بيشد ايدي وبيوقفني قدامه
لسه بتحبيه
قلبي دق بړعب وانا بتنفس بسرعه وبحاول اتكلم
ب ب بحب مين !
رد من بين أسنانه بغيظ
ابن خالتك لسه بتحبيه حتي بعد كل اللي عمله !!
عيوني لمعت بالدموع وانا بهز راسي برفض
لا لا طبعا مش بحبه
رد بهدوء وهو بيبص في عيوني
اومال رافضه ليه
ع ع عشان
عشان
عشان انا معرفكش معرفش حاجه عنك ا ازاي يعني اشوف واحد امبارح صدفه ويحبني في نفس اليوم ويطلب مني الجواز !!
طبيعي جدا اخاڤ ومتسرعش لاني اتسرعت مره قبل كده والنتيجه فشلت علاقتي
ا انت شاب ممتاز والف بنت تتمناك ب بس
انتي خاېفه
قالها بهدوء وتساؤل وهو مازال بيبص في عيوني بعيونه اللي بالفعل سحرتني ونستني انا مين واحنا فين وكأنها سحر بيفصلني عن العالم !
هزيت راسي وانا
خۏفي من أسباب رفضي
اتنهد وهو بيقعد علي الكنبه وبيطلب مني اقعد بهدوء
ممكن تقعدي ونتكلم !
هزيت راسي وقعدت علي الكرسي وانا بفرك ايدي بتوتر
داليدا انا محبتكيش امبارح
رديت باستغراب
مش فاهمه !
رد بهدوء
يعني انا بحبك من شهرين
شهرين!!!
رديت بذهول وهو ابتسم علي رد فعلي وهو بيهز راسه وبيحكي
من شهرين بالظبط كنت جاي الشركه عند بابا شوفتك كنتي واقفه تتخانقي مع انجي الصفراء
الاه انت عرفت انجي
رد بضحك
هو في حد ميعرفهاش دي بقت اشهر من الڼار علي العلم
رديت بحماس
كمل كمل
اتنهد وهو بيكمل بجديه
في الحقيقه معرفش ايه اللي حصلي اليوم ده حسيت قلبي بيدق بشكل غريب لقيتني واقف من بعيد اراقبك واراقب تصرفاتك وجنانك شدتيني بشكل غريب
كنت مستغرب نفسي اوي ازاي احب واحده من غير ما اكلمها حتي ازاي اصلا احب وانا شخص مش معترف بالحب
كنت طول الوقت افضل اقول الحب ده كلام فارغ كنت عارف ان في الآخر هتجوز صالونات لاني في شغلتي مفيش وقت للحب من اساسه مفيش وقت للمشاعر
اول ما شوفتك اتغيرت فكرتي ميه وتمنين درجه بقيت افكر فيكي بقيت اروح كل يوم اراقبك من بعيد لبعيد لحد ما اعترفت لنفسي أن مفيش اجمل من الحب وشعوره
امبارح انا كنت جاي لباباكي علي فكره بس اللي حصل بقي هي صدفه غريبه بالنسبالك بس كانت اجمل صدفه بالنسبالي
يعني انت بتحبني
ايوه انا بحبك وعايز فرصه يمكن تحبيني
في الحقيقه كنت مصدومه جدا عمري ما كنت اتخيل اني اتحب
علاقتي بابن خالتي عقدتني وکرهتني في الحب وفي الناس حتي كرهتني في نفسي
لدرجه كنت بقول مفيش حاجه اسمها حب مفيش حد ممكن يحبني
بس هو صدمني لقيتني بتحب لقيتني بتراقب في صمت
انا عمري ما كنت اتخيل اعيش قصه حب حقيقيه عمري في يوم من الايام
انا حاسه نفسي في حلم جميل جدا اتمني يفضل العمر كله
ها موافقه
فوقت من شرودي علي صوته وهو بيسألني مواقفه!
هو حقيقي بيسأل
هزيت راسي بابتسامه رقيقه
موافقه
بعد مرور شهر
كنت قاعده مستنياه في الكافيه المفضل بتاعنا متوتره لابعد حد
قلبي بيدق بشكل مريب كنت حاسه أنه هيقف من كتر التوتر
غمضت عيني وانا شامه ريحه البرفيوم بتاعته اللي أصبحت مؤخرا ريحتي المفضله
ثواني ولقيته بيقعد قدامي بابتسامه اللي خطفت قلبي وبيقدملي بوكيه ورد احمر
اتأخرت عليكي انا اسف
هزيت راسي بتوتر
ل لا و ولا يهمك ش شكرا حلو اوي
مالك ياحبيبتي انتي كويسه
بلعت ريقي وانا بقول بخفوت
الحمد لله
رد بقلق
داليدا مالك في ايه وشك مخطۏف كده ليه!
بصيتله بحب وانا بحط أيدي علي أيده
في اني عايزه اقولك حاجه
قولي ياحبيبي خير
في اني بحبك اوي
أيييه!!!!! قالها پصدمه وذهول وانا بصيت في الأرض بأحراج ووشي بقي احمر مسك ايدي برقه انا النهارده اسعد راجل في الدنيا انا كمان بحبك ابتسمت بفرحه وانا بضغط علي أيده بستمد منه الأمان وقلبي بيرقص من الفرحه
وفي الخلفيه صوت ام كلثوم
عمري ما دوقت حنان في حياتي زي حنانك
ولا حبيت يا حبيبي حياتي إلا عشانك
وقابلت
أول ما قابلتك واديتك قلبي يا حياة القلب
أكتر م الفرح ده ماحلمش
أكتر م اللي أنا فيه ماطلبش
بعد هنايا معاك يا حبيبي
لو راح عمري أنا ماندمش
تمت
ف لو حد قالي الاقي فين حد زي رحيم هكون شاكره جدا ليه
صدفه غيرت حياتي
إيمان شلبي
