رواية سراج وشمس كاملة جميع الفصول بقلم زهرة الربيع
شمس وسراج دي تؤمها تؤمها يا بابا انا ناقص وجع قلب ازاي هستحمل اعيش معاها انا صحيح عمري ماشوفتها بس شهيره الله يرحمها كانت تقولي انهم منسوخين من بعض ونزلت دموع وقال انا لسه مش قادر انساها ووافقت نتجوز علشان ملاك بنتي لكن تؤمها مش هقدر مش هقدر
ابوه تنهد وقال انا عارف ان المرحومة غاليه عليك وعارف انك حابب تريح ملاك مش اكتر بس يا ابني دي احسن واحده تاخد بالها من بنتك دي اختها وهتعامل البنت كأنها بنتها
ضحك بحزن وقال انت بتقول ايه يا بابا دي عايشه في بلاد بره مع مامتها طول عمرها يعني متشبهش شهيرة في السلوك ولا الاخلاق ومعتقدش تنفع تاخد بالها من البنت اصلا
ابوه اتنهد وقال مهما كانت يا سراج يا ابني دي برضو بنت اختها وهتبقى احن من اي حد عليها
سراج قال بحزن هيه جايه امتى
ابوه قال كمان شويه يعني عشر دقايق وروح جيبها من المطار
سراج اتنهد وقال ماشي يا بابا انا هروح لانها في الاول وفي الاخر اخت مراتى الله يرحمها وهتبقى مناسبه لملاك زي ما انت قولت بس انت لازم تفهمها انها هتبقى مربيه مش اكتر
بقلم زهرة الربيع
سراج قال كده ومشي راح يجيبها من المطار
ركب العربيه واخد نفسو بحزن وجات في بالو ذكرى لمراتو كانت قاعده معاه وقالت بابتسامه بعد انفصال بابا وماما انا فضلت هنا مع بابا وشمس راحت مع ماما المانيا وماما عمرها ماقبلت تجيبها هنا لو شوفتها هتتلغبط فينا شبهي بالملي
سراج قال بس انا حبيبي ملوش زي ولا شبه بس بجد غريب انكم مش بتتقابلو ده حتى فرحك محضرتهوش
ابتسمت وقالت فرحي كان غصب عنها الكل جيه وحتى ماما بس هيه كان معاها امتحانات ومعرفتش تنزل هو مش انت اتجننت وقتها وهبت في دماغك نتجوز وقت الامتحانات ده انا روحت الامتحان يوم صباحيتي حرام عليك
ضحك وقال اعمل ايه مكنتش قادر على بعدك اكتر وكل ما اخلص من حاجه تجبيلي حجه تانيه وانا محتاجلك اوي جمبي
شهيره قالت بحب ربنا ما يحرمني منك ابدا
نزلت دمعه من عينه لما افتكرها وقال بس شاء يحرمني انا منك يا شهيره اللهم لا اعتراض ومسح دموعه وطلع على المطار
كان قاعد مستني الطياره بملل وجات بنت في العشرينات وقربت منو وقالت سراج مش كده
سراج اتجمد مكانو لما شافها وبصلها بزهول
يتبع
رواية توأم زوجتي الحلقة الثانية
وقف وهو بيبصلها بزهول ووقعت دمعه على خده غصب عنو وهو شايفها قدامو كأنها هيه مش أختها نفس الملامح نفس العيون كل حاجه كانها اتنسخت منها مد ايده بتردد وسلم عليها وهو مش قادر يرد
شمس خدت بالها من حالتو واتنهدت وقالت احم نمشي
سراج خد بالو انو ركذ فيها ذياده واتحرج شويه وقال اه اه طبعا اتفضلي
طلعو بعربيتو و على الطريق كان كل شويه يبصلها وهو بيحاول ميخلهاش تاخد بالها بس كان واضح جدا لهفتو عليها
شمس بصتلو وقالت بحزن شهيره الله يرحمها حكتلي كتير عنك انا مقدرتش احضر معاها اي مناسبه بسبب الدراسه والشغل
سراج اتنهد وقال بضيق الله يرحمها كانت كل مره بتبقى نفسها تشوفك انا عارف ان والدتك كانت تمنعك انك تيجي هنا بس على الاقل المفروض كنتي تبقى معاها في مرضها
شمس قالت بدموع مقالتليش مقالتش خالص انا اتفاجأت بانها تعبت بعد وفاتها اصلا حتى ماما متعرفش اكيد لوكنا نعرف كنا هنقف معاها وكملت بدموع وقالت اهلنا كانو بيبعدونا جدا عن بعض ماما بترفض اجي هنا و بابا كمان مانع والدتي انها تشوف شهيره زي ما يكونو اشترونا مش انجبونا وكأننا ملناش اي رأي بالعافيه بابا وافق ان ماما تحضر فرح شهير ه بعد اصرار منها بس حكاية مرضها دي لا هو ولا هيه قالولنا
سراج اتنهد وقال على كلن انا انا كنت عارف انك احم انك تشبهيها بس مش لدرحه دي مش عارف رد فعل ملاك هيبقى ايه
شمس قالت بابتسامه متقلقش انا هتعامل معاها انا احم انا وافقت على الجوازه دي علشانها
سراج بصلها وقال بسرعه هو اصلا مفيش سبب تاني بباكي وبابا اقترحو الفكره وانا وافقت علشان ملاك وكنت هتكلم معاكي في الموضوع ده انا لسه احم لسه منستش اختك وبحبها جدا ومعتقدش اصلا اني ممكن انساها فمش عايز اظلمك ولو الموضوع مش هيناسبك او
قاطعتو شمس وقالت الموضوع لو مش هيناسبني انا مكنتش جيت ولا وافقت انا محدش اجبرني على كده انا موافقه وبالنسبالي هعتبر نفسي ام لملاك وبس و
قاطعها وقال بحده خالتها خالتها مش اكتر ملاك بنت شهيره وبس هتفصل كده وتتعاملي معاها على الاساس ده
شمس اضايقت من طريقتو بس كانت مقدره وضعو وقالت تمام خالتها
سراج
شمس قالت تمام الي يريحك
سراج قال صحيح انتي ازاي بتتكلمي عربي
شمس قالت ده لاني درست لغات كتير بحكم شغلي انا مترجمه وشغلي اني اعرف لغات كتير
بقلم زهرة الربيع
سراج اتنهد وقال تمام وفضل سايق لحد مكتب المأذون وكتبو الكتاب ورجعو على البيت وفضلو طول الطريق ساكتين وسراج كان قلبو موجوع بشده ومش عارف ازاي هيقضي اغلب وقتو معاها وهيه نسخه من مراتو وحببتو الي مش قادر ينساها
بعد شويه وصلو وشمس سلمت على والد سراج وكانو بيتكلمو فنزلت بنت صغيره ٤ سنين واتسعت عنيها بفرحه شديده وجريت على شمس وقالت ببكا ماما وحشتيني وحشتيني اوي قالولي انك مش هتيجي تاني انا كنت عارفه انك مش هتسبيني لوحدي
سراج نزلت دموعه وبعد بسرعه عنهم وقف عند اطلاله الفيلا وقبض بايده على قلبو وهو بيحاول يخبي دموعه عنهم
شمس كانت كانت بتبكي وضمت ملاك لقلبها بارتياح ومقدرتش تقولها انها خالتها مش والدتها قالت بدموع انا هنا يا حبيبة ماما مقدرش اسيبك ابدا
سراج التفت لها بزهول لانو اتفق معها تتعامل مع ملاك على انها خالتها
شمس اتوترت من نظراتو بس مقدرتش تزعل الطفله البريئه الي فيها كل حاجه من اختها فضلت تتكلم معاها وتضحكها وملاك كانت بتضحك بفرحه لاول مره من وقت وفاة والدتها
سراج طلع على اوضتو بغضب شديد وشمس اخدت ملاك على اوضتها وفضلت معاها تحكيلها حكايات لحد ما راحت في النوم
غطتها وحطت لها العبه بتاعتها جمبها وراحت ورا سراج لانو كان واضح انو اتعصب جدا من الي حصل
شمس دخلت لقتو واقف عند الشباك وبيبص من اطلالة القصر بجمود وقال جايه ليه عايزه تاخدي مكانها في سريري كمان
شمس اتصدمت بشده من الي قالو وقالت بغضب ايه الوقاحه دي انت ازاي بتكلمني كده
سراج بصلها بغضب شديد وقرب عليها وقال بغضب قلت حاجه غير الحقيقه احنا مش اتفقنا انك هتتعاملي معاها على انك خالتها وهتفهميها انك تشبهي امها بس مش اكثر ليه قولتيلها انك امها اذا فاكره انك باللي بتعمليه ده ممكن تاخدي مكان شهيره تبقي غلطانه لان انتوا اللي بينكم هو الشكل بس وده شيء ميهمنيش ابدا
شمس اتصدمت من كلامو ونزلت دموعها وقالت
قالت كده ولسه هتمشي شدها من دراعها بغضب وقال انا لما اكون بكلمك تقفي تسمعيني انا قولتلك ايه على الطريق
اتنهدت بضيق وقالت ايدك لو سمحت اياك تلمسني
سراج ضحك بسخريه وبصلها وقال لا بجد
وبقى يتقدم عليها بغضب وقال يعني انتي مش عيزاني المسك ولا اقربلك ولا عملتي كده بقصد ونيتك بريئه جدا وجايه تربي بنت اختك ده ايه الكرم ده كلو وبصلها بغضب وقال اقدر افهم اذا كده حضرتك هنا بتعملي ايه في اوضتي
شمس بصتلو بضيق شديد وقالت يمكن هنام مثلا
سراج بصلها بغضب وقال ومنمتيش معاها ليه جايه هنا بتهببي ايه
شمس خدت نفسها بغضب وقالت استاذ سراج احنا اتجوزنا تمام سواء لتقبلت الفكره او لا فده الامر الواقع واهلي وافقو بصعوبه على اساس انو هيبقى جواز طبيعي فلازم معلش حضرتك تستحمل وتتأقلم عل جودي معاك ومتقلقش انا معنديش اي نيه اني اطور علاقتي معاك او افكر في حاجه من الي في دماغك وبصتلو من فوق لتحت باستهزاء وقالت مفيش فيك حاجه مبهره للدرجه علشان اتعب نفسي في المحاوله
قالت كده وسابتو واتوجهت للحمام
سراج قال بغضب ولو حاولتي مية سنه مش هتعرفي تبقى زيها
بصتلو بيأس وقالت انت مريض بجد ربنا رحمها
بقلم زهرة الربيع
قالت كده وسابتو واقف بغيظ شديد وضرب رجلو في الكنبه بغضب واتألم جدا وقعد بالم
سراج اتنهد وحاول يهدى وغير هدومو للبس بيتي عباره عن بنطلون قطني وتيشرت ضيق وكان شكلو وسيم جدا اترمى على الكنبه وبقى يفكر في ملامح شهيره قد ايه اتألم انهارده لما شاف اختها صورة طبق الاصل ليها بس بان الغضب على ملامحو لما افتكر شمس بنسبالو مستفزه جدا ومش شبه شهيره غير في الشكل وهو وسط افكارو طلعت من الحمام وبقت تنشف شعرها
سراج التفت لها لفته سريعه واتصدم لما لقاها لابسه برنس قنيص وبتنشف شعرها وكانت جميلة جدا بدون مكياج وبششرتها صافيه والملامح اللي بيعشقها والعيون الي داب في هواهم بلع ريقه وغمض عنيه بعنف وقال في نفسو
