رواية رعد ونغم عشقت عدوي اللدود جميع الفصول كاملة بقلم إسراء ابراهيم
مش واضحة بس اللي واضح إنه متضايق بجد
نغم بدهشة وڠضب
إنت!
رعد بجدية وهو بياخد الحلق من قدام الراجل ويحطه في جيبه
خلاص مفيش حاجة هتتباع يلا بينا
نغم بانفعال وهي بتحاول تاخد الحلق
إنت مالك! رجعه ليا دي حاجة تخصني!
رعد بثقة
لا مش هتبعيه يلا بينا قولتلك
نغم حست إن الډم غلى في عروقها
نغم بصوت عالي
أنا مش فاهمة إنت عاوز إيه بالظبط! ده الحلق بتاعي وأنا حرة فيه مفيش أي حاجة تخليك تتدخل
رعد بصلها بثبات وبعدين قرب منها و مسكها من دراعها وسحبها برة المحل قبل ما تلحق تتكلم
فقلبها دق جامد مش من الخضة لأ من قربه من لمسته من طريقته اللي كلها قوة وثبات بس جوة القوة دي كان فيه حاجة تانية حاجة بتلخبطها
اول ما خرجوا برة المحل سحبت نغم ايديها پغضب
إنت بتعمل إيه! إزاي تخرجني كده!
رعد بصوت مهزوز
مكنتش أعرف مكنتش أعرف إن بابا عمل فيكم كده والله مكنتش اعرف
نغم فضلت تبصله لحظة لحد ما استوعبت كلامه بس القهر اللي في قلبها كان أكبر من أي حاجة
نغم بصوت مليان سخرية وۏجع
والمفروض أصدقك مش كدة المفروض أصدق إنك مصډوم إنك مش عارف ده إنت ابن الراجل ده يعني زيه بالظبط! مستحيل تكون متعرفشي
رعد حس ان الكلام زي السيف في صدره بس مقاطعهاش سابها تكمل سابها تطلع اللي جواها
نغم بصوت بيرتعش من الڠضب
أبويا تعب وهو بيشتغل عندكم وإيه المقابل ترموه في الشارع وأنا وأمي نتفرج عليه وهو بېموت قدامنا
بصلها للحظة وبعدين فجأة قال بحزم وهو بيبص لها بثبات
طيب هثبتلك إنك غلطانة فيا أركبي يلا
نغم باستغراب ورفض
أركب أركب إيهلا طبعا هات الحلق عشان امشي
رعد باصرار
انا هروحك البيت يلا اركبي يا هو انتي اسمك ايه صحيح
نغم بحدة وهي بترفض
ملكش دعوة وبعدين انا مش محتاجة مواصلتك شكرا
رعد بلهجة امر
قلتلك هروحك البيت ڠصب عنك لو لزم الأمر يلا اركبي ومتقلقيش هديكي الحلق بتاعك مش حرامي انا
نغم بصتله پغضب و كانت عارفة إنه مش هيسيبها وإنه مش من النوع اللي بيتراجع بسهولة
فنفخت بضيق وبعد لحظة قررت تركب عشان تخلص منه ومن رخامته وبعدين تبقي تنزل تاني تبيع الحلق
في العربية كان كل واحد فيهم ساكت والجو كان مليان توتر وخصوصا نغم اللي كانت باصة من الشباك وهي مكشرة بس أول ما قربوا من البيت اتفاجئت نغم بمشهد عمرها ما كانت تتخيله
كانت
كوثر بصوت مخڼوق وهي پتبكي
إلحقوني! جوزي بېموت!
نغم برقت عيونها و فتحت باب العربية بسرعة ونزلت تجري ناحية البيت وهي بتنادي علي ابوها پخوف وړعب ورعد نزل وراها بسرعة وقلبه مقبوض لانه أول مرة يشوفها كده وأول مرة يحس بۏجعها بالدرجة دي
اما نغم فوصلت عند رجالو الإسعاف اللي كانوا شايلين أبوها على النقالة ومسكت إيد أبوها عيونها مليانة دموع
نغم بصوت مهزوز
بابا متسيبناش متسيبناش أرجوك
رعد وقف جنبها وشاف دموعها و اڼهيارها وحس بحاجة غريبة حاجة شدته ليها كأن خاېف يمكن اول مرة يحس انه خاېف علي حد كدة ووقتها اتحول خوفه لندم قهر ڠضب على أبوه كل حاجة
فرفع إيده بهدوء ولمس كتفها وهو بيحاول يطمنها
رعد بصوت اقرب للهمس بس فيه وعد
مټخافيش مش هسيبك وهننقذه
نغم رفعت عيونها ليه لأول مرة عيونها مكنتش بس ڠضبانة لأ كان فيها حاجة تانية حاجة مش مفهومة يمكن احساسها انه هو فعلا اللي ممكن يساعدها وانها مش لوحدها خلاها تبصله وتترجاء بعنيها ينقذه وهو فهم وحرك راسه بايجابية وفعلا اخدها هي وامها واتحركو علطول في طريقهم للمستشفي
في المستشفي كانت قاعدة نغم على كرسي بلاستيك في الطرقة جسمها بيترعش كأنها بتحاول تمنع نفسها من الاڼهيار عينيها كانت مليانة قلق وخوف وهي متعلقة بباب الطوارئ اللي وراها الدكتور كانت لسه مش مستوعبة اللي حصل وكوثر أمها كانت واقفة جنبها عيونها برضه مليانة قلق بس كانت بتحاول تبقى قوية علشان بنتها فمدت إيدها ولمست كتف نغم بحنية
إن شاء الله ربنا هيعديها على خير الدكتور قال إنه لحقوه بدري
نغم مكنتش قادرة ترد عقلها كان تايه أفكارها بتتصارع جوه دماغها وكل ما
تحاول تهدي نفسها صورة أبوها وهو واقع على الأرض قدامها
كانت بترجع تلاحقها فجأ لحد ما انتبهت لصوت رعد
رعد بهدوء الدكتور اللي بيعالجه من أكفأ الدكاترة هنا مش هيخرج من هنا غير وهو بخير إن شاء الله
نغم رفعت راسها ببطء أول مرة تاخد بالها إنه واقف على بعد خطوات منها طويل شكله متماسك لكن في حاجة في نظرته كانت غريبة اهتمام حقيقي لا مش ممكن قلبها دق بسرعة من كتر التوتر مش مصدقة إنه هنا أساسا وإيه اللي جابه
كوثر بصت له أول مرة تاخد بالها من وجوده
كوثر بشكر واضح ربنا يباركلك يا ابني وقفتك معانا دي مش هننساها
رعد ابتسم ابتسامة صغيرة هادية فيها احترام وصدق
ده أقل واجب يا طنط وربنا يقومه بالسلامة
نغم كانت بتغلي من جواها حاسة بمزيج مش مفهوم من الڠضب والارتباك كأن عقلها رافض يصدق اللي بيحصل قلبها كان بيتصارع بين مشاعرها القديمة تجاهه والڠضب اللي ملي قلبها عليه بعد اللي حصل لأبوها
نغم بانفعال انت بتعمل كده ليه
رعد رفع حاجبه پصدمة وهو متفاجئ من سؤالها المباشر بس رد بنفس هدوئه
تقصدي إيه
نغم قامت من مكانها بسرعة ووقفت قدامه وعيونها كانت فيها ڼار مش قادرة تتحكم في اللي جواها أكتر من كده
يعني بتهتم كده ليه فجأة بقيت البطل اللي بيساعدنا هو مش بسببك وبسبب أبوك بابا هنا دلوقتي
كوثر بصت لبنتها پصدمة وفهمت ان رعد يبقي ابن الراجل صاحب الشغل بس حاولت تهديها
نغم عيب يا بنتي الولد وقف جنبنا وقت ما كنا محتاجين حد ومش لاقين
نغم مهتمتش بكبلم امها لانها كانت مشحونة قلبها بيتوجع مش قادرة تهدي نفسها فبصت لرعد وعيونها كانت مليانة حاجات كتير ڠضب ضعف ارتباك وحتى حاجة تانية مش قادرة تسميها
نغم بصوت مترعش لكنه قوي انت بس بتساعدنا عشان حاسس بالذنب مش عشان انت بجد مهتم
رعد فضل ساكت للحظة ملامحه مظهرتش أي ڠضب أو دفاع بالعكس كان فيه لمحة ألم خفيفة في عينيه لكنه كان متماسك فقرب منها خطوة ورد
لو ده يريحك اعتبريه تأنيب ضمير وانا مش هسيبكوا لوحدكوا مهما حصل
نغم اتلخبطت كانت متوقعة رد دفاعي عناد لكن اللي لقته كان حاجة مختلفة تماما كانت متوقعة إنه يهرب من المواجهة إنه ينفي لكن هو اختار يكون صادق معاها بطريقة غريبة
نغم بصوت أضعف شوية انت ليه بتتصرف كأننا نهمك
رعد بص في عينيها وكأنه بيحاول يخليها تفهم حاجة من غير ما ينطقها وبعد لحظة صمت طويلة قال بهدوء
رعد مش لازم كل حاجة يكون ليها سبب واضح سعات الواحد بيعمل الحاجة الصح لانه عارف انه ده الصح ومش مهم اي حاجة تانية
كوثر وقتها بصتل لرعد بنظرة مختلفة تماما كانت متأثرة بكلامه وحست في قلبها إن الولد ده مش مجرد حد بيحاول يصلح غلطته لا هو في حاجة في شخصيته مختلفة حاجة نادرة فردت بابتسامة
ربنا يكرمك يا ابني مكنتش متوقعة
نغم بصت لمامتها باندهاش كانت مستغربة قد إيه ارتاحت له بسرعة كأنها مش حاسة تجاهه بأي حقد رغم اللي حصل بس هي مش قادرة تكون كده مش قادرة تصدق بسهولة فبصت لرعد وكانت عايزة تلاقي أي حاجة تخليه يظهر على حقيقته بس اللي لاقته كان نظرة ثبات كأنه عارف كل اللي بتفكر فيه ومش بيحاول يهرب منه فحست بتوتر رهيب وقلبها كان بيدق بسرعة مش بسبب الڠضب بس لا فيه حاجة تانية حاجة كانت بتحاول تنكرها بكل قوتها
رعد لاحظ ده لاحظ ترددها بس مردش فضل واقف في مكانه وبعد لحظة بصلها بنظرة أخيرة قبل ما يرجع يقعد على الكرسي جنبهم وكأنه بيقولها إنه مش مستني منها أي شكر بس هو مش هيمشي
ونغم لأول مرة بدأت تاخد بالها من وجود رعد بجد مش كعدو لكن كشخص شخص غريب بطريقة متلخبطة شخص تصرفاته مش مفهومة شخص بدأ يخلي عقلها يسأل أسئلة كانت خاېفة تواجهها
بعد كام يوم كان رعد واقف جنب نغم طول الوقت وماسابهاش لحظة كان معاها في المستشفى بيجيبلها اللي محتاجاه بيهون عليها حتى لما كانت پتنهار أوقات كان هو اللي بيقويها الوقت ده خلاها تحس إنها مش لوحدها وإنه فعلا حد سند ليها حد تقدر تعتمد عليه من غير خوف ولأول مرة نغم حست إنها مش خاېفة من فكرة إنها تسلم قلبها لحد وإن كان قلبها فعلا بدأ يميل لرعد من غير ما تعترف بده لنفسها
أخيرا رجع ابو نغم البيت بعد ما بدأ يتحسن كان قاعد على الكرسي في الصالة ووشه عليه ملامح راحة بعد فترة صعبة وعينيه كانت كلها امتنان وهو بيبص لرعد بعد ما عرف باللي عمله معاهم
يوسف بتعب ربنا يباركلك يا ابني انت كنت نعم الأخ والسند لبنتي أنا مش عارف أشكرك إزاي
رعد بنبرة جدية بس فيها دفء لا شكر على واجب يا حاج نغم أختي وكان لازم أبقى جنبها
الكلمة دي وجعت قلب نغم ومن غير ما تفهم ليه ليه حست إنها مش عايزة تبقى مجرد أخته! ووقتها حاولت تهرب من الافكار دي
بس كان صعب
يوسف بابتسامة نغم يا بنتي قومي حضرلنا غدا حلو كده الواحد من زمان ما حسش بجو البيت
نغم بابتسامة سعيدة وحنان في عينيها من عيوني يا بابا هعملك أحلى أكل
دخلت المطبخ ورعد كان لسه واقف مع والدها بيتكلموا شوية وبعدها دخل وراها يساعدها فكان واقف وراها وعينيه بتراقب حركاتها وهي بتقطع الخضار بتركيز كان فيها
