رواية سيطرة ناعمة كاملة وحصرية جميع الفصول بقلم سوما العربي
١٧٥ ١٨٥١ استغفر الله العظيم الفصل الأول
رفع عيناه لها بصمت يطالعها ....يراقب جمالها عن كثب....
لونا ابنة عمته صاحبة وجه الحوريه والعيون الواسعه البنيه وشعرها كذلك كانت تضوي كالنور ...جمالها متدلل ...متدلع...متغنج حتى لو كانت في أسوء حالتها ....حتى وان كانت بمزاج سيئ...انها تقتلته...تذبحه في كل مره يراها فيها....يعلم انها ذات أثر وحضور يعمل لها الف حساب حتى لو كنت تكرهها.
نفض كل تلك الأفكار عن عقله لابد من التماسك دوما
فهز كتفيه وقال بيرود
ولو...شكليات...تفتكري اهل خطيبتي هيقولوا ايه لما ما تحضريش خصوصا ام العروسه انتي عارفه هي مركزه معاكي أد ايه
مانا سيبت لها البلد كلها ومشيت اعمل ايه تاني.
انا وأنتي عارفين انتي سافرتي ليه ولا ناسيه
لأ مش ناسيه
صمتت لثواني ثم قالت
المفروض تطلقني...انت خلاص هتخطب أهو.
اغمض عيناه يخفي غضبه ثم قال
عايزاني أطلقك عشان تدوري هنا على حل شعرك مش كده
ابتلعت غصه مريره بحلقها فهي تدور معه بحلقه مفرغه لم ولن يغير فكرته عنها فقالت
لأ...عايزه اسمي يرتبط بأسم حد محترم وله وزنه زيك.
ماحدش عارف انك مراتي غير عمك اللي جوزك ليا والشويه الي فاضلين عايشين من عيلة ابوكي مالكيش دعوة انتي بأعمامي وبطلي لعب بالكلام عشان انا قاريكي.
بسس...
قاطعها بغضب
مابسش.....اتفضلي ادخلي ومش عايز كلام تاني.
تحركت بكره وغضب وتركته يرتمي على الفراش خلفه يضع كفيه على دماغه كأنه يسارع أصوات كثيرة متداخله تدور داخلها
وخرجت من المرحاض تتقدم من الفراش تنتوي النوم هكذا لن تصحو لمده اطول تواجه فيه كابوسها....ماهر...ماهر عزام الوراقي ابن خالها هو أسوء كابوس...أسوأ من عمها وما فعله بها هو الأسوء على الإطلاق.
نامت على اخر مكان بطرف السرير وتكورت على نفسها تكتم صوت بكائها تخشى أن يسمعه لتشهق بص
بطلي حركه...نامي
سكنت بأمر واحد ولم تتحرك لتمر تلك الليلة المريرة عليها ويذهب لحال سبيله تشغله عنها حياته التي كانت هي دوما خارجها ويتذكرها كل حين فتتنفس هي ...صبرت نفسها بهذا الامل كي تساعد حالها على الإطمئنان ولو مؤقتا حتى تغرق في النوم وينتهي كابوسها معه لكنه لم يتركها بحالها وهمس
لونا
لم تجيب فقط صمتت وهو يعلم أنه لو تركها ينتظر جواب فسينتظر سنين هي مقطوع منها الامل لذا أكمل
نفسي ولو لموة تجيلي انتي...نفسي في مرة بمزاجك.
انت ناسي حكايتنا وناسي اتجوزنا أزاي
أغمض عيناه بحزن يتدفق لعقله ماحدث في وقت ماضي
قبل ثلاثة أشهر
كان يجلس باحد مقر شركات عائلته
انه ماهر عزام الوراقي صاحب الأربعه وثلاثون عاماطويل الجذع عظيم الجرم شعره مصفف بعنايه ورائحة عطره القويه تملأ المكان كان يشع فخامه وكأن المال يتحدث.
يتابع في إجتماع مغلق مع عمه و والده بعض المستجدات لاحد أهم مشاريعهم في الوقت الذي فصلهم دقات متعاليه على هاتف والده .
نظر عزام للهاتف ثم اغلق الاتصال الذي عاود الدق من جديد فقال فاخرفي ايه
لم يجيب ليعود الاتصال من جديد فينظر فاخر للهاتف ثم يعود بالنظر لأخيه ويقول
هو وصلك وكلمك!
ده راجل وسخ وابن كلب
استغرب ماهر مجريات الحديث فسأل
في ايه هو مين ده وماله بيكم
ليقول فاخر
ده راجل نصاب كان عايز يشتغلني انا وابوك بس احنا سكيناه على قفاه يالا نكمل شغل وسيبك منه.
بتلك اللحظة انفتح الباب فانتفض ثلاثتهم بلهفه أثر ولوج رجل عجوز يتحرك بصعوبه فأسرع اليه ثلاثتهم يساعدونه على التحرك بينما قال ماهر
ايه الي نزل بس يا جدي
سعل الجد وقال بصوت متحشرج
قعدت البيت دي تقصف العمر مش عايزها ..عايز أشتغل.
ثم نظر لابنه الكبير وقال
عملت إيه في الموضوع الي كلفتك بيه يا عزام
كور عزام قبضة يده ولم يجيب فهتف الوالد بصوت اعلى
عملت ايه يا عزام بقولك
ليلتف عزام وينظر لفاخر ثم نظر أثنتيهم بغضب لوالدهما وبعدها قال فاخر
بنتي يا فخري...مهما عملت هتفضل بنتي
بنتك هربت مع ابن النجار الي كان شغال عندنا من خمسه وعشرين سنه
هتف الجد بغضب
اخرس ماتقولش كده على اختك
ليتدخل عزام
مايقولش ايه ماهي دي الحقيقه كنا هنستنى ايه من واحده امها دخلت بيتنا خدامه ولعبت على البيه
وقف الجد يقول بغضب
اخرس يا عزام بقولك...الحكايه مش كده واختك كانت ضحيه طول عمرها.
شدد عزام على حديثه وقال بينما يلتف حول والده ولم يرحب شيبته
التفت الاب وسأل بلهفه
بجد!
فرد عزام
لسه كان بيرن عليا قبل ما تدخل وكلم فاخر قبلها ...تلاقيها عملت عمله جديده وقرطتسته فبيكلمنا
طب هي فين! و رحيل بنتي فين! روح...روح هاتها ..روح هاتها يا عزام.
احمرت عينا عزام من الغضب وقال
أجيب مين...انت تحمد ربنا اني ماخنقتهاش بأيدي دول وخلصت العيله كلها من فجرها وسمعتها الي زي الزفت
طب روح انت يا فاخر
ليرد فاخر بغضب
اروح فين واجيب مين...اسمع يا بابا انا مستحيل اتقبل البت دي ولا ادخلها عيلتنا زي ما انت عايز انا حتى اخاف على بناتي منها واخاف كمان على سمعته
توسلهم الجد يقول
عشان خاطري ياولاد...أدوها فرصه...والله أنتوا فاهمين غلط..عشان خاطر أبوك يا عزام تروح تجيبها.
وخاطر امي الي ماعملتلوش اي حساب...امي بنت الحسب والنسب الي جوازك منها رفعك ورقاك وحطك في حته تانيه خالص وفي الاخر رافقت عليها الخدامه وعيشتها مقهوره العمر كله...عايزني اروح اجيب خلفتها تعيش قدامي ليل نهار...ده لا يحصل ولا يكون.
ثم تحرك عزام وترك لهم الغرفه غير مبالي بنداء والده الذي التف لفاخر وقال
طب روح انت يا فاخر...عشان خاطر أبوك
مستحيل ادخل واخده زي دي على عيلتي والناس تعرفها انا عندي بنات يا بابا مستحيل اعمل كده..مستحيل أقبلها مستحيل.
ثم تحرك مغادرا كما فعل أخيه تاركا الاب يناديهما متوسلا
يا فاخر...يا عزام...بنت اختكم ياولاد.
اهتز جسده بعجز فهرول ماهر بلهفه يسنده قائلا
سلامتك ياجدي
سندني يا ماهر...سند جدك.
ساعده ماهر كي يقترب من اول أريكه ويرتمي عليها قائلا
سلامتك يا جدي
اااه...عايز سلامتي بحق يا ماهر.
صمت ماهر وقد فطن القادم وبالفعل تحدث الجد
روح شوف بنت عمتك وهاتها لعندي...انت الوحيد اللي تقدر تعمل كده....انا قلبي مش مرتاح يابني..كفايه ظلمت امها..هظلمها هي كمان واتخلي عنها
بس ياجدي...
ماتسمعش الي ابوك وعمك بيقولوه ...رحيل مظلومة...رحيل هربت بعد ما ابوك وعمك كانوا عايزين يستغلوها وهي عايزه حاجة تانيه وانا ربنا يسامحني كنت مطاوعهم...كانت المصلحه عمياني ماكنتش بشوف غير المصلحه ...لو بتحب جدك وخايف عليا بحق روح وجيبها يا ماهر...طول عمرك مش بيهمك ولا بتهاب حد...مش هيهمك كلام ابوك وهتروح انا عارف
ياجدي دي...
عشان خاطري يا ماهر ده انا محمد الوراقي عمري ماتحايلت على حد كده وبتحايل عليك.
عجز ماهر امام توسلات جده فقال بعدم تقبل
حاضر يا جدي...حاضر
هتوصلها ازاي
هحاول اغفل بابا واخد رقم عمها من موبايله شكله واقع وعايز يوصل لأي حد فينا
ربنا يباركلك يابني ...طب روح...روح بسرعه يالا
دلوقتي
دلوقتي بالله عليك
خلاص يا جدي حاضر..مش عايز أشوفك كده الله يخليك
حاضر بس تروح النهارده ..النهارده يا ماهر
حاضر...النهارده والله
في احد مقار الشركات الكبرى جلست فتاة بديعة المحية ممتلئة القوام لها طله مميزه لكنها متوتره تفرك كفيها ببعض من شدة الارتباك وانتفضت منتبهه على صوت قوي من فتاة في سن مقارب لها تسأل بقوة
اشتغلتي فين قبل كده
أا..بصراحه...دي ...أول مرة أشتغل
نظرت الفتاة الأنيقة لزميلتها التي بادلتها النظرة بسأم وترفع ثم اتجهت أنظار كل منهما لتلك المهتزة التي تجلس أمامهما بتوتر و وجه شاحب
لترفع الفتاة ذات البذلة العمليه والشعر المصفف بعنايه حاجبها وتقول بترفع
نعم ...انتي جايه تهزري! مش عارفه شركة ايه دي الي مقدمة فيها والوظيفة ايه
انكفت لونا تفتح حقيبتها بتوتر وتلجلج من شدة الإرتباك والإحساس بالدونيه أمامهما وحاولت ان تسرع في اخراج رزمة من الأوراق تعرضها أمامهم في محاولة منها للفخر وتقول
أنا....الرسومات دي بتاعتي انا الي عملاها انا شغلي حلو قوي في التصميم والجرافيك.
نظرت كل فتاة للأوراق شزرا ثم عاودوا النظر لها لتلتقط إحداهن الاوراق منها وتلقيها بأحتقار على الطاوله الفاصلة بينهم ثم اكملت بإمتعاض
اتعلمتي التصميم والجرافيك فين
توترت لونا ثم جاوبت بأهتزاز
واحده جارتي علمتني
لاحظت تبادل الفتيات النظر لبعض بسخريه منها مضاف إليه الإستحقار والإستعلاء لتقول الأولى للثانيه
أنا مش عارفة موظفين الأتش أر الي بيدوا مواعيد للمتقدمين دول بيدوهم ويقبلوهم على أساس ايه!
لتوافقها الثانية الرأي وتقول مكملة
ناقص نروح نعملهم شغلهم كمان.
لتعود الأولى والتي يبدو من فخامتها وثقتها انها المديرة لتسأل لونا
أنتي اصلا خريجة ايه
توترت لونا وتعرقت ثم قالت بصوت متحشرج من شدة شعورها بالدونية
لا أنا ماخلصتش ثانويه عامة عشان
ضحكت الفتاتان وقالت الأولى باحتقار
يعني معاكي إعداديه ...ههه مش متخيلة معاكي إعداديه وجايه تقدمي على وظيفة جرافيك ديزاين في شركه كبيره زي الوراقي بجد مش عارفة جبتي الثقه دي منين
تلجلجت لونا ثم قالت
طب بصي في التصاميم وهتعرفي اني...
آه اه خلاص عرفنا انك جامده جدا هههههههه اتفضلي اتفضلي
ثم تجاهلتها وكأن رحيلها من عدمه لا يهمها ثم بدأت تتحدث مع زميلتها باحتقار وسخريه عن الوضع وأصوات ضحكاتهم عاليه لتقف لونا بهزال وتتحرك ناحية الباب وهي مستمعه لأصواتهم الواضحة كلها سخريه لاذعه عنها.
وصلت لحيها تجر أزيال الخيبة والذل بعدما جرى معها هناك مرت على منزل صديقتها مقرره انها لن تفوت عليها لا تريد التحدث عن ماصار هناك.
اغلقت باب شقتها عليها تحمد ربها انها لم تقابل في طريق الصعود عمها البغيض ولا زوجته ذات اللسان السليط و وقفت تتطلع لبيتها الجميل المؤثث بأثاث راقي جدا لكنه بات خاليا عليها منذ اختفاء والدها وهي لا تعلم اين هو فتلك القصه هي هم اخر لوحدها.
أغلقت عيناها تطفئ كل الأصوات الصارخه داخل عقلها وذهبت لأخذ حمام دافئ يريحها ثم تخرخ من الفراش للنوم ربما نست ما جرى.
وبعد عش
اغلقت الباب بغضب فوالدها مختفي ولا تعرف بأي بنك أدخر أمواله وما تركه في المنزل قد لملمته وعاشت عليه طوال الأشهر المنصرمة حتى نفذ.
ماذا ستأكل الان وكيف ستعيش......
ا
شووووفت....شوفت يا ماهر بيه...شوفت بعينك...اهو...اهو...بنت عم
ف
مين ده انطقي...ده كده الي بيتقال عليكي صح ..
انت الي مين وماسكني كده ليه ..سيبني
تقدم أنور يقول بأعين لامعه منتصرة
شوفت بنفسك اهو ياباشا ماحدش قالك.. خلاص حطيت صوابعي العشره في الشق منها...ومن النهارده البت دي لا بنت اخويا ولا اعرفها...تاخدوها تحرقوها تغوروها تودوها في مصيبه ماليش فيه
تقدمت منه تهتف بشراسه
انت بتقول ايه انا مش متحركه من بيت ابويا انت فاكرها سايبه
بيت ابوكي..ابوكي باع لي البيت ده كله بيع وشرا قبل ما يطفش متك ومن سمعتك الي زي الهباب
والله وفلوسه حولها لك بأسمك مكافأة
اه وابقي روحي أسأليه ده لو عرفتي توصلي له
لاخر مره هسألك بالحسنى يا عمي وديت ابويا فين
ابوكي هوب وطفش ...من سيرتك يا قادره
اقطع لسان اي حد يجيب سيرتي انا المنطقة كلها بتحلف بأخلاقي الدور والباقي على العواطلي الي اغتنى فجأه بعد ما ابويا فص ملح وداب
نجحت في استفزاز انور الذي رفع كفه بغضب يصرخ فيها
لمي نفسك يا قليلة الادب يا معدومة الربايه
أستعدت لونا لتلقي صفعه قويه جديده فأغضمت عيناها بخوف شديد لتفتحهم مجددا بدهشه على صوت ماهر القوي
انت هتمد إيدك عليها وانا واقف
مش سامع قلة أدبها...البت دي مش هتقعد هنا يعني مش هتقعد هنا..يا تاخدها معاك دلوقتي يا انا هتصرف
هتعمل ايه يعني
هجوزها بقا
صرخت لونا برعب
عايز يجوزني راجل اصغر من ابويا بكام سنه
اهو راجل يسترك ولا انتي عشان عايزه تفضلي سايبه على نفسك انا الي عندي قولته وانتي عارفه بقا..
نظر لها نظره متوعده علمت من خلالها ان من قفز للبيت منذ دقائق كان باتفاق معه لما لا وقد فعلها مسبقا بل ألف قصص دار بها على كل سكان الحي حتى صدقوه وباتت بنظرهم فتاه لعوب مقطوع منها الامل وبدأت العلاقات بالجيران تتقطع معها حتى توقف الجميع عن محادثتها وباتت بنظر الكل شمال بفضل عمها .
لذا علمت أن ماحدث قد يتكرر وربما بصورة أبشع..أو ان تتزوج من رجل عجوز غني يملئ جيب عمها ...حتى العمل رفضت منه .
ماذا تفعل وإلى أين تذهب.
لترفع عيناها على صوت ماهر الذي قال
خلاص سيبها...هاخدها....جدها عايزها.
بعد دقائق في سيارة ماهر كانت تجلس بتوتر بات مرافقها الوحيد ولاحظت توقق السياره فمدت يدها تفتحها لكن أوقفها يقول
ياريت تكوني عاقله وبلاش مشاكل كلهم مش طايقينك وسمعتك الهايله واصله لعندهم سامعه.
كظمت عيظها مضطره على بلع وتقبل الإهانه وهزت رأسها بإذعان تستعد للدخول عند أل وراقي فكيف سيكون إستقبالهم لها وماهو القادم وكيف أختفى والدها .....سنرى
يتبعالفصل الثاني
هل يعيشون بقصر الرئاسة !!!!!
كان أول سؤال صرخ بع عقل لونا وهي تطالع ذلك البيت الواسع الكبير الملتف بحديقه كبيره واسعه يتوسطها أكثر من حمام سباحه ومرأب للسيارات صف بها ماهر سيارته الرولز رايس.
طالعتها متأمله بإبتسامة حزينه وعقبت
عربيتك حلوه قوي
كانت تتحدث بعذوبه وهدوء ليرمقها من اسفل لأعلى يإزدراء ثم قال
خليكي في حالك
فتحت فهما وشحب لونها بعد إحراجه وكبسه لها لو ضربها لكان أقل هوانا هي كانت تحدثه بحلاوة وعذوبه معتقده أنهم أقارب.
لكنه أيقظها من أحلامها الساذجه حيت حدثها بتجهم وسار أمامها يتقدم يريها الطريق نحو الداخل وهي خلفه.
تتبعته بصمت تام لا جرئة لديها على الحديث بعد ما رأته تهز رأسه وتسب نفسها بأقذر انواع السباب فدوما سذاجتها تقودها نحو الإهانه....كيف نست علاقتها بهم وكيف نست ما قصته لها والدتها عن شقيقيها وأسرتها...ههه ماذا كانت تنتظر هي منهم وهم بالأساس لم يكلفوا أنفسهم عناء السؤال عنها بل بالأساس لم يهتموا بالسؤال عن شقيقتهم المريضه .
.فبعد كل ما حدث معها مازالت تنتظر الإحسان من الأخرين.
أعتقدت أنها ستذهب لأهل والدتها برعايه وأهتمام ..على أي أساس على أي أساس فكرت بذلك وانتظرته من أناس لم يسألوا عنها ليوم في حين ان من يعرفونها ويعتبروا سترها وغطاها قد إستغلوها وسرقوها والله أعلم ماذا فعلوا ايضا.
لما هي دوما بحاجة للمزيد من الصفعات حتى تتعلم ولما دوما تصبح هي رد الفعل وليست الفعل بعين ذاته.
نظرت له بجانب عيناها ورق القلب....انه فخم ...فخم جدانجوم السينما بجواره رعاع .... ييدو مقدام مهيبهل سيصبح أخ لها يقف لأي شخص قد يعترضها كم تمنت ذلك مذ كانت طفلة لا احد يلعب معها ولا أصدقاء لها.
دلف بها لبهو عظيم يلمع من النظافة والترتيب كان مؤثث بأثاث حديث راقي.
لتتفاجأ بتقدم فتاة غايه في الجمال والروعه تقريبا من نفس سنها ترتدي شورت قصير ومن الأعلى كروب توب أظهر معدتها المسطحه
ماهر ايه الي أخرك كلنا مستنينك ع الغدا
ماعلش كنت في مشوار مهم.
كانت تنظر لهم بصمت وهي تسأل داخلها مراته دي بس حلوة قوي ماشاء الله
لكنها تحيرت وهي تسمع تلك الجميلة تسأله مارحه
مين المزه دي يا ميرو انت اتجوزت من ورانا ولا ايه
التف ماهر ينظر لها بضيق ثم قال
لأ طبعا
امال مين دي
تعالي جوا هتعرفي دلوقتي
قادها لتتقدم أمامهم لكن ذلك لم يمنع الفتاه من ان تلتف لها وتبتسم مرحبه
أهلا وسهلا انا جنا اخت ماهر..
شملتها بنظره منبهرة وأكملت
أنتي جميلة قوي.
غبطت لونا من كلماتها التي اخترقت روحها فأنعشته رغم كونها معتادة على سماع الكثير من السناء على خلقتها لكن داخل هذا البيت لم تتوقع لذا انتعشت ملامحها ومدت يدها للسلام تقول
انتي الي قمورة قوي ...أنا أسمي لونا
لف رأسه يسب ويلعن....يصك أسنانه ...تبا انها بالفعل جميلة و جدا بعد.
كاد ان يتحدث يحثهم على التحرك للدخول لكن أستوقفه سؤال شقيقته المستعجبه
والحقيقي أيه
ابتسمت لونا وبدت معتاده على هكذا سؤال وردت بثقه متدلعة
لأ ده الحقيقي.
بجد يعني ايه لونا.
يعني القمر
هممم انتي فعلا قمر يا لونا.
ضحكت چنا رغما عنها تضرب كف بكف وتقول
مش معقول إسمك مزيكا وانتي تجنني ايه ده هو في كده!!
إحمر وجه لونا وبقت كما هي دوما عاجزة عن الرد على كلمات الغزل الصريح التي تغمر بها من النساء والرجال ولا تحد ماتقوله لتلك الفتاة الأكثر من لطيفه ليقطع عليهما كل ذلك صوت ماهر
مش يالا بقا ولا ايه
وبعدها رمق لونا بنظره متجهمه جمدت ضحكتها لثواني قبلما تقول چنا
ايوه صح دول حاطين الغدا من بدري...على فكره يا ماهر عايزاك في حوار.
كاد ان يتحرك لولا جملتها فوقف يقول
حاجه حصلت تاني
فركت كفها ثم قالت
بعد الغدا بقا
انطقي اخلصي
خلاص يا ماهر بعد الغدا ...واصلا انا عايزه اعرف مين المزه دي الأول
شد نفسه في وقفته قبلما يتحرك مرددا
مش هنتكلم مرتين تعالي وانتي تعرفي...يالاا
الكلمة الاخيره العاليه كانت بالطبع من نصيب لونا التي حاولت التغاضي عن كل ما يحدث وتحركت خلفهما تدلف لغرفة كبيرة تضم مائدة طعام طويلة جدا وفوقها أصناف متعددة شهية من الطعام المصري .
القى ماهر عليهم السلام ليرفعوا رأسهم جميعا ولم يردوا السلام حيث هتف عزام بحده
ايه الي دخل البت دي هنا...انت بتتخطاني يا ماهر
وقف فاخر يقول
هي دي يا عزام ...انا ماكنتش شوفتها..البت دي ايه الي دخلها بيت امي.
دوى صوت ضربة عكاز قويه على الارض أعقبها صوت محمد الوراقي
ده بيت محمد الوراقي يا فاخر
وقف بصعوبه يحاول ان يلتف لا يسعفه عظامه المهشهشة ولا ظهره لكنه التف يطالعها بإنبهار
بسم الله تبارك الله فيما خلق...انتي بنت رحيلبسم الله ماشاء الله..تعالي ..
لم تتقدم منه بقت واقفه متيبسة تنظر لهم جميعا فرد فرد من أول ذلك الرجل عزام والذي رأته مسبقا مع عمها وقد رفض أخذها معه بل سبها وأهانها هي وعمها وعائلتها كلها ثم غادر ولجواره تلك المرأة الثلاثينية التي لا تعرف ماهيتها لكن ترى نظرات الإزدراء والكبر تفوح من عيناها تخططا تنظر على ذلك الرجل الثاني الذي رفضها للتو هو الأخر ولجواره فتاتان بأعمار متقاربه في متوسط ال١٧ وال١٨ ثم عادت تنظر لماهر ولجواره شقيقته ثم للجد الذي مازال يقف ينتظرها بفرحه ممزوجه باللهفه يردد
تعالي يا لونا.
لاحظت نظرات ماهر الحاده التي أرفقها برفعة حاجب من عينه وكأنه يسألها
اخيرا نورتي بيتك يا بنتي ..نورتي بيتك...ماشاءالله..ماشاءالله عليكي...قمر ماشي على رجلين ماشاءالله اللهم بارك.
تمم عليها بيده بصورة متلهفة أسترعت انتباه الجميع بينما يردد
انتي كويسه...عمك عملك حاجة..انتي هتعيشي معانا هنا على فكرك..شايفه العز ده كله...انتي ليكي فيه ..ده ورثك من أمك.
إلى هنا ولم يتحمل كل من ماهر وفاخر وبدأو بالصراخ رافضين
ليها ايه و ورث ايه انت بتقول ايه يا بابا
اسمع يا بابا البت دي لا يمكن تعيش هنا مع بناتي انت فاهم.
التف لهم الوراقي ببط ثم هتف
عايزني ارمي بنت بنتي زي ما بسببكم رميت امها زمان.
امها الي كانت.....
قاطعه الوراقي بحسم شديد وتعصب لم يحدث من سنون حيث ضرب بالأرض عكازه وهتف
البيت ده بيت محمد الوراقي ..انا الي اقول مين يمشي ومين يقعد ولونا قاعده في ورثها حقها هي وأمها.
فهتف صوت أنثوي بنزق
هي إسمها لونا!!!
كان من تلك السيده الثلاثينيه التي تقف لجوار عزام ومن بعدها غادر عزام يترك الطعام بغضب شديد يعقبه فاخر بل غادروا البيت كله محتجين.
التف محمد الوراقي ليجلس ومارالت يده بيد لونا التي لم تكلف نفسها عناء مساعدته رغم رؤيتها لإرتعاش ذراعيه فيما تقدم ماهر يسانده قائلا
سلامتك يا جدي..تعالى.
حركها بيده كي يصبح هو القريب من جده ويتثنى له مساعدته ليجلس الجد مرددا
تعالي يا لونا.
لم تستجب لونا وبقت واقفه ليقول ماهر
تعالي
فتقدمت تنتظر ليرمق الجد ماهر أولا ثم لونا التي لم تتحرك الا حينما أمرها فاقتربت ليقول
أقعدي عشان تتغدي..أقعدي هنا جنب ماهر كرسيه لسه فاضي.
قال الأخيرة بإبتسامة ليرمقه ماهر بحاجب مرفوع فينا ضحك الجد بصمت خبيث .
ضحكته الخبيثه لفتت إنتباه ماهر للونا ينظر عليها بنظرة جديدة يمشطها ويمشط كيرڤاتها المثيرة لرجولته لتتلاقى عيناه بعينا جده فتتجلجل ضحكاته وتعصف عينا ماهر بغضب فيبعد عيناه بسرعه عنها ويحاول التقاط شوكته كي يشرع في الطعام.
تحت أنظار الجميع لا يفهمهم سوى تلك الثلاثينيه التي كانت تجلس لجوار عزام قبلما يغادر.
وأول من فتح الحديث كانت چنا التي قالت
هو في ايه يا جدو وايه الحكايه
سحب الجد نفس عميق ونظر أولا لماهر ثم نظر للمتبقين جالسين وقال
دي لونا بنت رحيل بنتي الله يرحمها وهتعيش معانا خلاص
أمال بابا وعمو مشيوا زعلانين ليهشكلهم زعلانين منها
لأ ده سوء تفاهم وأنا متكفل بيه..
ثم نظر للونا وقال مبتسما
دول عيتلك يا لونا ..دي چنا اخت ماهر وبنت خالك.
نظرت لها لونا مبتسمة لتبادلها جنا نفس الإبتسامة فيما أكمل الجد وهو يشير على تلك المرأه التي يقفز من وجهها الصفار
ودي چيلان ...مرات خالك عزام.
زم ماهر شفتيه وهو يرى رقبة لونا تلوح بوجهها تنظر له مستغربه فعمر تلك السيدة تقريبا مثل عمره كيف
ليقول الجد موضحا
دي مرات عزام الجديدة مش أم ماهر..أم ماهر مريضه شويه.
فعقبت متعاطفه
ألف سلامه
لتهمس جيلان جانبا محنوو
صوت لونا كان لامع..متغنج ومتدلل مثلها هي وملامحها وكل ذلك يجلب لها المشاكل ويصيبها بالتعب ويضعها دوما موضع إتهام.
ضحك الجد ثم قال
دلوقتي بس سمعنا صوتك!
ورمق بعدها حفيده بنظره خاصه وكأنه يخبره دون حديثانت عاجبها
جعلت ماهر يهتز داخليا رغم الثبات الظاهر عليه وبلا إرادة منه بدأت عيناه تنظر على لونا كامرأة تشتهى.
__سوما العربي__
جلست على طرف الفراش الكبير الذي يتوسط غرفتها وقد مر عليها حوالي ساعتين اتخذتهم لمطالعة وإكتشاف الغرفه بعد ذلك الغداء الكارثي والذي لم تأكل فيه بل لم يأكل أحد بعد ما صار.
لا تعرف ما القادم ولا كيف ستعيش
هي غير مستسيغة ماجرى ولا ان يجردها عمها من كل حقوقها ويلبسها مصيبه بعد تشويهه سمعتها لن تمرر ما جرى مطلقا.
التقطت هاتفها وبدأت تتصل على صديقتها وجارتها ليستغرق الإتصال وقتها طويلا
حيث ذلك المنزل الكبير بالحي الراقي تركض سيدة في منتصف الثلاثين نحو الهاتف تنظر للشاشة التي تضوي بإسم صديقتها فتفتح المكالمة وتلتف لتكمل ما بدأته
فوضعت الهاتف بين أذنها وزراعيها بينما كانت مستمرة في إغلاق أزرار بلوزتها تسأل بإهتمام
هااا عملتي ايه!
أنا هنأك دلوقتى
ثم بدأت تقص على مسامعها كل ما جرى والأخرى تسمع لها بإهتمام شديد الى أن انتهت لونا تقول
سما...انتي معايا
معاكي بس كنت بلبس الولد عشان رايحين لحماتي
طب ايه رأيك اعمل ايه وهتصرف ازاي مع عمي
بقولك ايه بلا عمك بلا زفت حد يسيب العز ده ويرجع للراجل ده الي كان كل يوم يلبسك مصيبه
وبابا يا سما انا مش عارفه هو فين
سحبت سما نفس عميق ثم قالت
والي هو ابن خالك ده قولتي لي أسمه ايه
ماهر..ماله
بصي الراجل ده شكله تمام وله وزنه ما تحاولي تكسبيه لصفك
إشمعنى يعني.
يابت فتحي دماغك معايا ...مش ملاحظة ان هو الوحيد الي جه واخدك وماخفش من ابوه ومن حكيك باين عليه شخصية إكسبيه ممكن يساعدك تاخدي حقك ناشف وساعتها تعيشي ملكة تدوري على أبوكي بعيد عن عمك.
تحيرت لونا وبقت تفرك في أصابعها وسألت
تفتكري
أسمعي مني...قربي منه واعتبريه زي اخوكي وصاحبيه هو وأخته شكلهم قويبين مش صعبين واهو يبقى لك قرايب
بس انا مش طايقاهم كلهم.
قلبك بلاك أسود انا عارفه بس امك الي ظلمها أبوها واخواتها لكن الأحفاد زيهم زيك يا لونا .. هااا
هحاول...ربنا يسهل
هو ونعم بالله وكل حاجه بس مافيش وقت حضرتك ابوكي بقاله شهور مختفي لازم نتحرك..بصي انا هقفل معاكي عشان محمود على الوايت شكله جه تحت وهنزله لما أرجع هكلمك أشوفك وصلتي لأيه سلام.
أغلقت معها الهاتف وبقت جالسه لدقائق تفكر في نصيحة سما وخطتها .
وبعد دقائق خرجت من غرفتها تشعر بالعطش و وقفت على أعتاب غرفة ماهر تدقها بهدوء لكنها لم تتلقى لرد رغم صوت الأغاني الصادحه بالداخل تخبرها بأن هناك لكنه لا يسمعها منها لذا فتحت الباب بهدوء تناديه وتقدمت بخطوات حذره تناديه وهو تتجه نحو الشرفه المفتوحه ربما كان هناك وأخذت تردد بصوتها المسهوك المغوي
ماهر....ماهر...ماهر.
بص يا باشا ...الراجل الي اسمه انور ده شكله كده عوق وأنا وأنا براقبه زي ما فخامتك أمرت من الصبح والله زي ما أمرت يا زعامه لاقيته بيتخانق مع جدع كده باين عليه شمال
كانوا بيتخانقوا يقولوا ايه
كان بيقولوا ده ماكنش إتفاقنا والفلوس كده مش كامله.
وايه كان اتفاقهم
علمي علمك يا ريس بس انا صورته وقولت من صورته أكيد معاليك هتقدر توصل لحاجة
طب أبعتها لي ..
مر اليوم عليه وعقله يعمل في كل الإتجاهات وللأن لم يقابل لا عمه ولا والده ولا يعلم أين ذهبا.
دلف للبيت بمنتصف الليل يفتح أزرار قميصه الأبيض ويحمل جاكيت بذلته على كتفه بإهمال وتعب ليقف متصنم وهو يرى........
يتبع
١٧٥ ١٨٥١ استغفر الله العظيم الفصل الثالث
كانت طلتم خدها وهي تستمع سباب صديقتها لها عبر الهاتف حيث صرخت فيها
انتي غبيه يابت مابتفهميش...رايحه له أوضته
مش انتي الي قولتي لي قربي منهم
ما عندك اخته قربي منها الأول ومنها تبقى مدخل ليه لكن ايه داخلة الغشومية دي.
انتهت المكالمة بوابل من التوبيخ والسباب الصادر عن سما وكان من نصيب لونا التي وقفت تفكر ماذا ستفعل هي لا تملك رفاهية الوقت كما ذكرتها مرارا فوالدها مختفي وعمها لا يرحم.
خرجت من غرفتها بهدوء واتجهت نحو غرفه چنا الكامنة بأخر الممر تدق الباب دقات متتالية خفيفة الى أن أذنت لها جنا بالدخول ففتحت الباب مبتسمه تقول
هزعجك لو قعدت معاكي شوية
لا أبدا...تعالي.
صلاة النبي أحسن إيه الحلاويات دي
إبتسمت لونا بنعومه تصدر عنها دوما ثم تقدمت تقول
مش احلى منك..على فكرة أنا ارتحت لك جدا..ممكن نبقى صحاب
ده كده كده يعني...انتي عارفه انا مش عندي اخوات بنات
بس عندك ماهر
اتسعت ابتسامة جنا تقول
ماهر....ده احلى وأحن أخ في الدنيا...مش متخيله هو حنين عليا أد إيه بحبه اكتر من نفسي ربنا يخليه ليا وافرح بيه قريب.
تبسمت لونا وهي تستشعر صدق إحساسها...إحساس لم تذقه ولم تجربه من قبل وتمنت...تمنت لو يصبح لها أخ مثلما هو لچنا فقالت
شكله كده فعلا وشكلك متعلقه بيه
هو طيب وحنين عليا على فكره أوعي يغرك انه متعصب وكلمته واحده وكده ده كتكوته خالص وجميل من جوا.
حاولت التدحلب بزياده وان تدخل في خصوصياتها أكثر لكي تسرع التقارب فسألت
انتي في حاجة قلقاكي
رمقتها جنا بتعجب فتداركت لونا موضحه
أصلي شوفتك زي ما تكوني قلقانه وعايزه تكلمي ماهر في موضوع شاغلك وحصل فيه حاجة جديدة.
زمت جنا شفتيها تنظر للونا بتقييم ثم قالت
اه..في...واحد قريب واحده صاحبتي دايما بيعترض طريقي وبيضايقني
وساكته له ليه أدي له فوق دماغه ولااا
صمتت لونا لبرهه وهمست مبتسمه بتساؤل لطيف
هو عاجبك
لأ طبعا...ده تنح وبارد
خلاص ادي له فوق دماغه
المشكلة اكبر من كده شويه اصل باباه في شغل مشترك بينه وبين بابا بس انا كلمت ماهر وهو وعدني هيتصرف.. كنت خايفه من بابا لأنه في الشغل والمصالح مابيهزرش بس خلااااص طالما ماهر أتدخل يبقى أحط في بطني بطيخه صيفي.
تبسمت لونا بحزن تحسدها ...هنيئا لها بأخ كماهر...ياليته ينظر لها بالشموليه والرعايه ويتخذها شقيقه كچنا.
صمتت مفكرة سما كانت محقه مئة بالمئة.
انتضفت متفززة على صوت چنا تقول
بتعرفي تطبخي
نعم!
ماهر بيحب الباستا ..تلاقيه قرب ييجي تعالي نعملها له.
باستا ايه الوقت اتأخر الساعه داخله على ١١
وفيها ايه ما احنا سهرانين
لأ انا مش ق
لكن چنا جذبتها بسرعه تقول
انتي لسه هتفكري قومي ده هيفرح قوي لما يرجع ويلاقيها.
وقفت معها لونا موافقه هي بالفعل تريد كسب ود وأخوة ماهر ستفعل ربما رأى فيها شقيقه وديعه ونقيه بخلاف تلك الصورة التي وصلته.
فوقفت في المطبخ مع جنا تعد الصلصة الحمراء وتسلق المعكرونة فيما ظلت چنا تحكي وتثرثر عن مغامرات طفولتها ولعبها مع ماهر وأبن عمهم فاخر الذي سافر منذ سنوات للعمل والدراسة فسألت لونا
هو في ابن خال ليا كمان!!
أمممم..اسمه كمال اصغر من ماهر بسنه سافر يدرس طب أسنان برا وجاله فرصه شغل حلوه في مجاله ففضل هناك بس بييجي كل شهرين تلاته مش بيقطع خالص وكمان دايما بيكلمني فيديو كول...بس اييه عسسل اساسا كل احفاد العيلة عسل.
ضحكت لونا بحزن ثم نظرت لتلك الفتاة الحالمة وقالت
والله انتي الي عسل يا چنا وتستاهلي كل خير.
حبيبيتي
وكمال ده بقا وضعه ايه متجوز ولا خاطب ولا ايه
كمال ...ده بتاع بنات درجة أولى...مش عارفة ليه طالع كده مش محترم زي ماهر..كمال ده كل يوم حرفيا مع واحدة فظيع فظييع بس عسليه ودمه خفيف انا شخصيا بحبه جدا.
تهلل وجهها تقول
ايه ده!! ده بيتصل ..تعالي..تعالي نطلع نكلمه من شاشة الاب توب احسن...وبالمره اعرفه عليكي
لا والصلصه الي بتتسلك والمكرونه الي في المايه دي...قولت لك الوقت اتأخر ماسمعتيش كلامي.
هي خلاص بتخلص أهي..يالا قبل ما يقطع الاتصال...تعالي بقا.
أطلعي انتي كلميه وانا هفنش كل ده وأحصلك.
لم تتخذ چنا وقتا في التفكير بل أيدت فكرتها وهرولت مغادره لتحادث كمال فيما بقيت لونا وحيده تنهي وضع الصلصة الحمراء على المعكرونه ثم تقدمها في طبق متوسط وتزينه بأهتمام كي ينال رضاه مراعيه ان العين تأكل قبل الفم.
ثم خرجت من المطبخ نحو الطاوله الموضوعه بغرفه واسعه مقابل البهو تضم أرائك كبيره وشاشة عرض ضخمه.
وضعت عليها أطباق الباستا ثم عدت أكواب من المياه الغازيه و وضعتهم بجوار الأطباق في محاولة منها لتقديم سفره بسيطه ولكن منمقة وبينما هي منكفيه تنهي مابدأت كان قد عاد لتوه من الخارج يخلع عنه معطفه ويحمله بإهمال وتعب فوق احدى كتفيه وبقى بقميصه الابيض مشمر أكمامه وأزراره مفتوحه لما يقارب معدته.
و ولج للداخل ليقف مصدرم وهو يرى تلك الفتنة أمام عينه وكأنها تتحداه أن يقاوم ...انها بالحق فتنه ..
علت وتيرة أنفاسه وهو يجاهد متحكما بينما يسأل
ايه ده
لترد بصوتها الذي لا يعرف أهي تتصنعه أم لا لكنه كان به من الدلال والميوعه ما يكفي حين ردت مبتسمه تنتظر إطراء على فعلتها
چنا قالت لي انك بتحب الباستا فعملتها لك.
انتظرت ان يتقدم ويشكرها بحبور ثم يشرع في تناول ما فعلت لكنه لم يفعل وبقى في مكانه يطالعها بصمت مغلف بقسوه وقتامه.
مالك يا ماهر!
لم يجيب ووقف أمام المبرد يوليها ظهره يحاول إرتشاف الماء والسكوت لثواني لكنها لم تريحه وترحم حالها بل أقتربت بقلق تسأل
ماهر انت تعبان
أخ!!!!
وظن انه سيرتاح حين يقبلها لم يكن يعلم أنها بداية اللعنه.....
شعور القهر الشديد وخيبة ألامل المتكررة تمكنت منها فأبعدته عنها بقوة جعلته يرتد للخلف مصدوم مما جرى و الى اين وصلت الأمور.
كانت تتحكم في نفسها الا تبكي لكن خرج صوتها متحشرجا وهي تقول
أنت اتجننت!
وقف بأنفاس لاهثه ومازال مايريده يتحكم فيه فس حين هتفت بحده
بس الحق مش عليك الحق كله عليا انا الغلطانه لما فكرت انك ممكن تبقى أخ ليا وتحميني..الغلط كله عليا مش علييك.
صرخت بالأخيرة بقهر شديد ثم هرولت مغادرة تجاه غرفتها تغلقها عليها جيدا.
وجلس على أول كرسي خلفه يتذكر قبلته لها ثم يعاود الإبتسامة بشرود
في غرفة جنا
جلست على السرير تتحدث في شاشة اللاب توب وقد فتحت مكالمة فيديو مع كمال ابن عمها وكانت متحمسه بشدة وهي تراه يحادثها ومعه بجواره تجلس فتاة أجنبه حسناء قد تعرف عليها مؤخرا لتصفر محفزة
الله يسلهووو..حته جديده دي يا كموله
ضحك الوسيم بجلال يناسبه ثم أضاف
ايه رأيك في اختياراتي
جاااامده...قولها انها جامده
قولت يا چوچو قولت...انا احب قوي اعبر عن الجمال
وشكلها معمره معاك..طالما تجاوزت الشهرين يبقى في أمل تعمر
ضحك كمال وأكمل حديثه المتقطع بسبب سوء الأنترنت بدا يسأل عن ماهر وان كان موجود ليحدثه لكن قوة شبكة الأنترنت لم تسعفه وانتهى الإتصال
في الوقت الذي دق فيه ماهر الباب وأنتظر إذنها للدخول حتى سمحت له فدلف بخطوات هادئة لكن بوجه خالي من التعابير يقول
مساء الخير..كنتي بتعملي إيه
كنت بكلم كمال .. صاحب مزه جديده بس بقولك....جااامدة ..تقريبا كان يكلمك بس الفيديو كول قطع والنت هنج وهو مارجعش اتصل تاني...هههه طبعا ماهو مش هيسيب المزه ويقعد يكلمنا احنا
إبتسم باقتضاب ثم قال
كنتي عايزه تقولي لي حاجه النهارده
اه...مروان قال قدام شلة النادي انه هيتقدم لي وانا خايفه بابا يوافق انت عارف انا مش بطيييقه
تشدق بإبتسامة مطمئنه يمسح على خدها قائلا
ماتقلقيش مش هيحصل غير الي انتي عايزاه وبس...
ثم وقف ليغادر فقالت بلهفه
استنى رايح فين
مد يده لجيب معطفه واخرج مغلف من الحلوه ثم أعطاه لها قائلا
ماتقلقيش مانستش
اختطفتها منه بفرحه ثم قالت متدلله
كنت عارفه حبيب اخته مستحيل ينساها...بس مش ده قصدي انا قصدي نسهر مع بعض شويه و...
قاطعها واقفا يخطو نحو الباب كي يغادر
مش قادر أنا هروح امسي على ماما واقعد معاها شويه عشان ماشفتهاش النهارده وادخل انام.
ماما اما عيشتها واديتها الدوا فنامت تعالى اسهر معانا نشوف فيلم حلو.
أنتو مين!
انا و لونا.
رفع إحدى حاجبيه وسأل
ده انتو بقيتوا صحاب بقا!!
اه دي طيوبه قوي.
هم ليغادر وهو لا يعجبه الحال لتتوقف قداماه وهو يسمعها تكمل
تعالى بقا ماتبقاش غلس ده انا اتحايلت عليها تعملك الباستا الي بتحبها وهي أخيرا وافقت.
التف لها ببطء شديد ثم سأل
هو انتي الي طلبتي منها!!
واتحايلت عليها كمان كانت مكسله ورافضه وبتقول الوقت إتأخر.
لمعت عيناه ببريق مفاجئ ثم تحرك يغادر الغرفه وما ان فعل حتى فتح الباب من جديد يقول
چنا
نعم
ماتقوليلهاش اني عرفت انك انتي الي طلبتي منها واتحايلتي عليها
ماشي بس ليه!
قولي حاضر وبس ده الشكولاته لسه في إيدك ماكلتيهاش حتى.
في صباح يوم جديد
إستيقظت متحامله وغيرت ملابسها بهدوء شديد على مايبدو أنها إعتادت على الخزلان وعدم التقبل
فتحت باب غرفتها لتتفاجأ بچنا تقابلها خارجه من غرفتها هي الأخرى
صباح الخير ..هو احنا هنصطبح بالجمال ده كل يوم لا كتير علينا.
ابتسمت لونا بتعب وتكلف تشعر بالغرابه طوال عمرها كانت مرفوضه من الفتيات لكن حظها عظيم مع الأولاد الا بهذا البير فقد تقبلتها چنا بينما رفضها ماهر.
على ذكر سيرة ماهر تجهمت ملامحها فقد ظلت طوال ليلها تبكي وهي لا تستطيع ان تنسى كيف تم سلبها حق تحويش قبلتها الأولى...بل وإتهامه لها بالرخص ومحاولة إغواءه...ياله من حقير لكن هي المخطئة بالفعل كما أخبرتها سما.
بتلك اللحظة خرج ماهر من غرفته ليقف لثواني وقد بدأصباحه بها .
ثم تحرك وهو يلاحظ أنها لم تنظر حتى ناحية غرفته رغم علمها بخروجه الآن وتقدمه ناحيتهم حتى ان شقيقته ألتفت له مصبحه
يا صباح الشياكه يا ميروو مش معقول جمال على اليمين وشياكه على الشمال مش قادره كتير عليا والله.
ضربها على رأسها وهو يقول مازحا بينما يختلس النظرات ناحية تلك الفاتنة المغويه عله يطول نظره منها
صباح البكش على الصبح..أبقي فكريني أقص لك لسانك...
تفاجأ بها تتركهم يكملا حديثهم وتتحرك هي وكأن ما يدور لا يعنيها.
لونا كانت قد إستفاقت من أحلامها...واقع مر أفضل من احلام ورديه لن تتحقق ولن تجلب من خلفها سوى تهم ملفقة بالملي.
لذا تحركت أمره هو بالفعل وعلى وجه الخصوص بات لا يعنيها...بل الأسوء من ذلك هو الشعور المعاكس للحب والتقبل والذي ذرعت بذرته أمس بعدما فعل وقال.
الكره شعور عظيم وضخم من الصعب ان تطلقه على أحدهم ..لم تكره بعد لكنها تقسم أنها ماعادت ترجوا تقبله مادام قد رفضها ونعتها وسب شرفها وأخلاقها.
لكن على ما يبدو ان ذلك النرجسي لم يروقه ما يحدث و أوقفها كأنه ينتظر رد فعل معين ثم قال
لونا.
توقفت إثر سماعها صوته لكنها مازالت توليه ظهرها فقال
مش بكلمك ...بصي لي.
لا يعلم لما طلب...عدم أكتراثها يعينه وجدا بعد وزاد تخفزه وهو يراها مازالت لم تهتم ليترك شقيقته ويتقدم لعندها قائلا
بصي لي بقولك.
إلتفت لتريه حسنها البديع الذي شق صدره وهو لا يستطيع كبت عينه عن الا تمر عليها بشغف يتفقد كل هذا الجمال لكنه برع في كسو وجهه بالتجهم والبرود وهو يأمرها بقسوه
بابا وعمي جايين دلوقتي بصعوبه وبعد محايله مني مش عايز طولة لسان ولا تهور سامعه.
انا لساني مش طويل يا ماهر باشا.
ابتسم داخليا سعيد لمجرد ردها ومجادلتها رغم كونها ترد بتهذب كأنها ترغب في الرد لا تستطيع تمرير المزيد من الإهانات وبنفس الوقت لا تريد مشاكل ليقول
أنا نبهت عليكي وانتي حره سامعه.
لم تجيب عليه وإنما تحركت مغادرة تقول
سامعه.
زم شفتيه بضيق ثم تحرك خلفها وبالأسفل كانت الجلسه صعبه مشددة
فقد عاد كل من فاخر وعزام متفقين ومتحفيز..كلمة واحدة ولا أخرى بعدها...لا مكان لتلك الفتاة بييتهم فهي فقط ليست وصمة عار بل جاءت لتأخذ حصة ليست بالقليلة من التركة...لم ولن يحدث
على جثتي.
كان هذا صوت عزام الذي قالها بحسم ويكمل فاخر
مش احنا الي هنسيب بيتنا عشان بت شمال زي دي ...ده بيتنا يعني هي برا واحنا جوا.
ليهتف محمد الوراقي
هتطردوا بنت بنتي وانا على وش الدنيا
بنتك الفاجره الي هربت مع عشيقها!
هربت منك ومن طمعك بعد ما كنت عايز تجوزها لواحد اكبر منها ب١١سنه وكان متهم بقتل مراته وكل ده عشان تعلو الشراكه الي مابينكم ...بس الغلط مش عليك الغلط على أبوها الي كان مرافقكم وكان عايز يكبر تجارته بأي شكل حتى لو هيبيع بنته.
ليقف فاخر قائلا
هو لو من ناحية الغلط عليك فهو عليك اه...من اول ما غوتك البت الخدامه وخنت مراتك الي عملتك معاها.
اخرس...انا دراعي هو الي عملني.
دراعك....هأووو...انت كنت حي الله واحد شغال على عربية موز بالليل وبالنهار بتشيل توب...جوازتك من امي عملتك بييه وفي الأخر جزيتها بأيه روحت اتجوزت عليها الشغاله بتاعتها عشان تقهرها وتكسر مناخيرها الأرض مش كده ودلوقتي تقولي عملك دراعك .
أخررر...
لم يستطع محمد الوراقي الصمود او تكملة كلمته وإنما وقع أرضا مغشي عليه....
__سوما العربي___
وقفت على أعتاب باب شقة والدها لتفتحها رغم الرعب الذي يحاوطها لا تستطيع التنبؤ بما سيفعله عمها تلك المره...لم تكن ترغب في العودة لكنها لا تملك مكان تذهب اليه بعدما وقع جدها
فبعد ما جرى أخبرهم الطبيب بحرج الحاله وانه سيمكث بالعناية المركزه وانشغل به ماهر بينما إستفرد بها كل من عزام وفاخر فطردوها شر طردة غير مبالين بوالدهما ولا اين ستذهب تلك الفتاة فلم يكن أمامها سوى العودة للبيت.
وبينما كان أنور يجلس يدخن أرجيلته بمزاج وقد خلى له البيت فإذ به ينتفض على صوت زوجته التي دلفت تعدد صائحة
قووووم يا منيل المزغودة بنت اخوك رجعت وفتحت الشقه.
بتقولي ايه يا وليه!
زي ما اتهببت سمعت...انت مش قولت انك غورتها...ايه الي رجعها.
ليقف انور بنفاذ صبر وقال
وبعدين بقاااا..هو انا كل ما أزيحها ترجع طب مااااشي...جت لقضاها مابدهاش بقاااااا.
صباح اليوم التالي
إستيقظت لونا تتمطئ بتعب وخمول مستغربه الهدوء وكيف لم يعترض او يزعجها عمها ومالبث أن انتفضت صارخه بهلع حينما أدركت الوضع الذي هي فيه.....
يتبعالفصل الرابع
صرخه مدوية أطلقتها لونا بعدما وجدت نفسها وسط قبيلة من الفئران داخل غرفتها
انتفضت واقفه برعب شديد وشعور التقزز والغثيان يتملكها لا تعلم ماذا تفعل.
ظلت تصرخ بعزم ما فيها من قوه حتى انتحب صوتها تنادي عمها أو حتى الناس لكن ما من مجيب.
هرولت سريعا وهي تصرخ بعدما التقطت مأزر بأكمام على منامتها البيضاء.
وهربت باتجاه شقة عمها واخذت تقرع الباب وترن الجرس بأن لكنه كان يقف خلف باب الشقه يراقب رعبها وهلعها من العين السحريه يراهن أنها في خلال دقائق ستفر هاربه.
وكما توقع فلونا وبعدما فقدت ألامل تحركت بسوعه تغادر البناية كلها وخرجت للشارع ترتدي المأزر فوق المنامة القطنيه وبقدميها خف منزلي صغير.
والمارة بالشارع ينظرون عليها بتعجب يحملقون مستغربين تصرفات تلك الفتاة على ما يبدو أن ما يشاع عنها صحيح فلا توجد فتاة عاقلة تخرج من بيتها بهكذا هيئة.
كانت على يقين تام بنظرات الناس عليها وهي تسير دائبة بجلدها من بحلقتهم فيها لكن ما باليد حيلة وصلت بصعوبة بالغة لمنزل صديقتها الوحيدة سما ودقت الباب.
لكنها تفاجأت بابنها الصغير يخبرها ان والدته ذهبت لعملها و لا يوجد بالداخل سوى والده..
أغمضت عيناها بتعب شديد لا تعرف كيف تتصرف.
لقد بات من المستحيل الإحتماء ببيت رفيقتها الوحيدة فمحمود زوجها يرفضها تمام الرفض وبالأساس سما تحادثها دون علمه.
لن تقدم ابدا على صنع مشكلة لصديقتها بل هي بالأساس لن تعرض نفسها للإحراج من قبل محمود .
صكت أسنانها بخوف ورعب ولم تجد بد أمامها سوى حل واحد.
_سوما العربي____
انت أتجننت يا راجل...بقا هو ده الي اتفقنا عليه! رايح تجيب لها شويه فيران! بقا هو ده الي هيخليها ماتعتبش هنا تاني يا دكري!
رمقها أنور بأمتعاض ثم قال
كنتي عايزاني اعمل إيه يعني مانا كان لازم اتصرف
فين الجدع اللي كان هييجي لها البيت
القى أنور مبسم الأرجيلة وقال بغيظ
أبن الهرمه ساحب عليا عالي وعايز دوبل الفلوس
أديلوا خلينا نغوراها خالص بدل ماهي كل يوم والتاني ناطه لنا زي فرقع لوز.
ابن الوسخه مابيردش عليا أصلا
وبعدين!هتعمل ايه ولا توصله ازاي البت دي بنت كلب ودماغها صرمه...هترجع انا عارفه...انت لازم توصله او شوف غيره
لاااا...خليكي ناصحه...أهم من الشغل تظبيط الشغل..الواد ابن خالها جه ولمحه مش هينفع نجيب حد غيره
هزت زوجته كتفيها وقالت ببكاسة
عادي...رجالتها كتير...وكل يوم والتاني مدخله راجل شكل..فاجره بقا.
نظر لها أنور وعيناه تلمع بوميض الشر وهو يسحب أنفاس أرجيلته ثم ردد
خليني أستف الكلام في دماغي كده عشان مانبوظش كل حاجة
___سوما العربي____
وقف يتابع جده الدي خرج من العناية المركزه وانتقل لغرفه عاديه..نائم على سريره ذاهب في ثبات عميق والممرضه تحقن له الأدوية في المحلول الموصل بوريده.
ثم التفت له تقول
الحقنه التانيه بعد ساعتين ...الف سلامه عليه
هو هيفضل نايم كده! انا مش فاهم حاجه فين الدكتور الي متابع حالته امال لو ماكناش في مستشفى خاصه بقا
حاولت الممرضه إمتصاص غضبه وقالت بهدوء تحسد عليه
هدي نفسك يا فندم...الدكتور جاي لحضرتك دلوقتي هو كان عنده من نص ساعه بس ماحدش كان موجود...عنئذنك.
زفرت تعب سيطرت عليه هو بالفعل قد انشغل بالهاتف منذ دقائق ولا أحد معه فوالده وعمه ذهبا لمتابعة العمل قائلين أن البركة فيه بغيابهما.
بصعوبه خرج صوتها
أيوه.
جدي
أنتي إسمك ايه بقا
لونا
بجد!!! ده الحقيقي!
أه
إبتسم بعذوبه ثم قال
ماتقلقيش يا لونا جدو هيبقى زي الفل.
لا هي مش قلقانة خالص...اتفضل يا دكتور تعبناك.
شعر الطبيب بالتوتر والحرج فلجأ لأن يغادر سريعا وترك تلك اللينة مع ذلك القاسي يقف والشر يتطاير من عيناه المظلمه يقول من بين أسنانه
هو أنا مش قولتلك ماحدش يشوفك بالشكل ده انتي أتجننتي
أنت قولت لي ماخرجش من الأوضه انا كنت قاعدة لاقيته دخل و....
فأكمل هو بغل
فقعدتي تتسايري معاه وكمان عرف إسمك...إنتي ازاي سهله كده!
أتسعت عيناها بغضب شديد لتقول
انت بتقول إيه!
بقول ايه واضح انك متعودة دايما..ده انا حتى نزلت مالقتش تاكسي ولا حاجة واضح انه خد حقك مبلول ولا ايه
تحفزت كل خلاياها وعلى تنفسها بصورة واضحه ولم يكن بوسعها فعل شيء سوى انها تحركت مغادرة لتترك له المكان هو وافكاره عنها لكنه قبض على ذراعها ومنعها يقول
أستني عندك..انتي رايحه فين
سيب أيدي...سيب بقولك
لو مش عايزاني أكسرها لك هي ورجلك الي فرحانه بيها دي تخرصي خالص وتترزعي هنا ماتتحركيش انتي
دفعها بعنف على الأريكه الوحيدة الموجودة بالغرفه فارتمت فوقها برعب وجلس مقابلها يهاتف شقيقته
ألو...أيوه يا چنا...لا أنا كويس وجدك كويس ماتقلقيش..عايزك تجيبي لي لبس من عندك.
شمل لونا بنظرة متفحصة وقال بجرأة
لا أكبر من مقاسك نمرتين.
شهقت لونا بحرج شديد بينما هو كبت ضحكته وحاول الظهور بثبات يرد على سيل أسئلتها
چنا...مش عايز كلام كتير انا دناغي ورامه أصلا...تجهزي الي قولت لك عليه وتبعتيه مع السواق يا چنا ماتنزليش وتسيبي ماما...سامعه ماشي يا حبيبيتي سلام.
أغلق الهاتف والقاه بجانبه..ماهو كتلة من الفخامة تجلس وتتصرف بكاريزما عاليه له هالة من الهيبة
