رواية فى ساعته وأوانه رامي وسما(كاملة جميع الفصول )بقلم نشوى عادل الفصل 13 إلى الاول
دلوقتى فهمت سبب تقلك عليا الفترة اللى فاتت اتارى حبيب القلب رجع من تانى والذكريات دبت فيها الروح وانا اتركنت ع الرف خلاص
سما بتمثيل .. ايه اللى بتقوله ده بس يا رامى معقول انت تشك فيا انا
رامى.. اومال اسميه ايه بعدك عنى الكام يوم اللى فاتوا ودلوقتى الاقيكى نازلة من عربية الحب القديم
سما.. انت فاهم غلط خالص ع فكرة انا تعبت جدا وباش مهندس شريف كتر خيره اخدنى للمستشفى مش كده يا باش مهندس
شريف بصدمة من اتقانها وتمثيلها.. ايوة بالظبط
رامى بتمثيل الخوف عليها.. مالك يا حبيبتى الف سلامة عليكى حاسة بايه طيب اوديكى للدكتور
سما.. لا مفيش داعى انا بقيت كويسة خالص خصوصا بعد ما شوفتك دلوقتى
رامى.. بجد طيب لو انا واحشك فعلا ليه مكنتيش بتكلمينى ولا حتى تحاولى تقابلينى
سما.. عشان انا لسه متخانقة مع بابا ومش بنتكلم ومش عاوزة ازود الخلاف بينا ووجودك هنا دلوقتى غلط امشى انت وانا هكلمك فون
رامى.. اوك يا حياتى خلى بالك من نفسك ها يلا باى
مشى رامى وشريف بص ليها بصدمة وغيرة.. انتى مبدعة ازاى مدخلتيش معهد تمثيل ده انتى اكتشاف .... وبعدين ايه يا حبيبتى .. ويا حياتى عيل ملزق
سما بضحك.. معليش لازم نستحمل لحد ما نوصل للى احنا عاوزينه
شريف.. مش هتقوليلى برضه ناوية ع ايه بدل ما انتى سايبة دماغى تودى وتجيب
سما.. قولتلك اتقل وكل شئ فى اوانه ان شاء الله
شريف.. ماشى خلى بالك من نفسك سلام
طلعت سما الشقة وكان والدها فى انتظارها من بدرى
محمد.. ايه يا بنتى انتى فين من بدرى قلقتينى عليكى وكمان تليفونك غير متاح
سما.. حقك عليا يا حبيبى انا بس كنت بتغدى مع شريف وتقريبا المكان مكنش فيه شبكة
محمد.. شريف! مين شريف
سما.. شريف مندور اللى كان معايا بالكلية ما انت اكيد فاكره هو اصلا مديرى فى الشغل
محمد.. ايوة افتكرته طيب تعالى فيه واحدة هنا مستنياكى من بدرى وبتقول انها صاحبتك
سما.. صاحبتى! صاحبتى مين
محمد.. والله يا بنتى ما اعرفها هى قالت انها صاحبتك
دخلت سما ولقت فرح قصادها .... سما بفرحة.. فرح عاملة ايه .. ايه المفاجأة الحلوة دى
فرح.. ميرسى يا قلبى انا اسفة انى جيت من غير ميعاد بس حاولت اتواصل معاكى فونك كان غير متاح
سما.. متقوليش كده انتى تنورى فى
فرح.. عندى ليكى خبر حلو جدا
سما.. عرفتى توصلى للبنات
فرح.. ايوة جيبت ارقامهم بس لسه مكلمتش حد فيهم
سما.. لا سيبى الموضوع ده عليا انا انتى لحد كده كتر الف خيرك
فرح.. لا طبعا انا رجلى ع رجلك ف كل خطوة لازم اعرف هتعملى ايه بالظبط
سما.. تمام يا كبيرة اللى تشوفيه تعالى معايا الاوضة ... عن اذنك يا بابا
محمد.. اتفضلى يا بنتى خدوا راحتكم
دخلت سما وفرح ع اوضتها وبعدها اخدت الارقام منها واتصلت ع اول واحدة فيهم واسمها ألاء
ألاء.. ايوة مين
سما.. انا واحدة متعرفيهاش بس انا عارفاكى كويس اوى يا آلاء وعاوزة اساعدك
ألاء باستغراب.. واحدة مين وتعرفينى منين وعاوزة ايه انتى وهتساعدينى ف ايه
سما.. اسألتك دى كلها هجاوبك عليها بس لازم نتقابل وش لوش
ألاء.. نتقابل فين وليه اصلا
سما.. ما انا قولتلك هعرفك لما نتقابل
ألاء.. وانا مش هقابل حد معرفوش ولو اتصلتى هنا تانى انا هبلغ عنك الشرطة
سما.. اسمعينى بس حتى لو قولتلك ان الموضوع بخصوص سليم العطار
اتصدمت آلاء وقالت.. س..سليم انتى تعرفى هو فين ارجوكى جاوبينى
سما.. متقلقيش واهدى لو الموضوع فعلا يهمك احنا لازم نتقابل
ألاء.. طيب .. انتى فين وانا هجيلك
سما.. انا من الجيزة بالتحديد من منطقة .......................
ألاء.. يا خبر احنا سيبنا الجيزة من ساعة اللى حصل ونقلنا بنها بس انا هنزل ع اخر الاسبوع زيارة لعمتو ممكن لما انزل اعرفك ونتقابل
سما.. تمام ان شاء الله اشوفك ع خير
قفلت معاها وبعدها اتصلت ع الضحية التانية وكانت اسمها ليلى والحوار دار زى ما كان مع الاء واتفقوا يتقابلوا ع نهاية الاسبوع
فرح.. انا مش فاهمة برضه انتى كلمتيهم ليه وناوية ع ايه
سما.. هتعرفى لما نتقابل ان شاء الله
فرح.. برضه مفيش فايدة ع العموم ماشى اما نشوف اخرتها معاكى انا هقوم اروح
سما.. والله ما يحصل لازم تتعشى معانا
فرح.. معليش يا حبيبتى اعذرينى احنا معزومين عند عمى وانا خلعت منهم عشان اقابلك
سما.. اوك بس المرة دى مش محسوبة
فرح بضحك.. الجايات كتير وهتزهقى منى
مشيت فرح واتصلت سما ع شريف .... شريف.. انا مش مصدق نفسى انتى بنفسك بتكلمينى الفون بيزغرط والله
سما.. بلاش
شريف.. طبعا اتفضلى
سما.. عاوزاك تعرف مين الموظف اللى ف البنك اللى عرف رامى بتفاصيل الوديعة بتاعتى وانا عارفة ان الموضوع سهل عليك عشان كلهم حبايبك
شريف.. تمام يومين ان شاء الله واعرفلك بس ليه
سما.. هتعرف فى وقتها ان شاء الله
شريف.. يادى النيلة مفيش فايدة لازم تعذبينى معاكى
سما.. قلبك ابيض يا باش مهندس
شريف.. هنتقابل تانى امتى
سما.. ما احنا بنشوف بعض كل يوم فعلا فل الشغل
شريف.. لا انا عاوز خروجة زى بتاعت النهاردة
سما.. امممم هى دى موعدكش بيها بس سيبها لله يلا عن اذنك باى
شريف.. مستعجلة ليه كده انتى وراكى حاجة
سما.. ايوة حكاوى كتير بينى وبين بابا
شريف.. تمام وانا مش هعطلك باى
خرجت سما لباباها وحكيت ليه ع اللى عملته لحد دلوقتى وناوية تعمل ايه فى خطتها
محمد باعجاب.. كأى اب بيخاف ع بنته كان اكتفى انها تبعد عنه بعد ما ربنا كشفه ليها بس انا حقيقى فخور بيكى انك عاوزة ترجعى الحق لاصحابه وتساعديهم ياخدوا حقهم منه
طبطب ع كتفها بحنان وقال.. وانا معاكى وفى ضهرك دايما يا حبيبتى
عند فرح اللى. وصلت بيت عمها ولاحظت انه بالبلكونة قربت منه وقالت.. تمام يا شريف هى فعلا كلمتهم وطلبت تقابلهم وووو.... يتبع
فى_ساعته_وأوانه السابع
بقلم_نشوه_عادل تمام يا شريف هى فعلا كلمتهم وطلبت تقابلهم بس برضه مقالتش هى ناوية ع ايه
شريف لف وشه وقالها.. بس انا خلاص ترجمت هى ناوية ع ايه
فرح.. ع ايه بقى!
شريف.. هترجع لكل واحدة فيهم فلوسها اللى اخدها منهم الوسخ اللى اسمه رامى
فرح.. نعم وده ازاى بقى
شريف.. ما هو ازاى دى بقى احنا مستنيين اليوم اللى تقابلهم فيه ونعرف
فرح.. هو انت ليه مش عاوزها تعرف انى بنت عمك
شريف.. هتعرف اكيد بس فى الوقت المناسب مش دلوقتى
فرح.. ايوة ليه برضه خبيت عنها
شريف.. هتعرفى فى الوقت المناسب برضه
فرح.. ياااانى حتى انت كمان اتعلمت منها هتجننونى والله ما جمع الا ما وفق فعلا
شريف.. بطلى يا بومة احنا لسه متجمعناش
فرح بغمزة.. ايوة بقى وقعت ولا الهوا رماك يا شيرى وقعت بلسانك يا حلو
شريف.. قولتلك ١٠٠ مرة متقوليش شيرى دى
فرح.. خلاص يا عم متزقش انا رايحة اكل ولا خلصتوا
مشيت فرح عشان تتعشى وبص شريف قصاده وقال.. فعلا اتغيرتى يا قطتى بس انا حابب التغيير ده حتى لو عليا المهم محدش يستغل طيبتك تانى
عدى يومين وطلب شريف من سما انها تدخله المكتب
سما.. نعم يا باش مهندس
شريف بضحك.. ايه الرسميات دى
سما.. احنا لسه فى الشركة وفى مواعيد العمل الرسمية فطبيعى اعاملك بشكل رسمى
شريف.. طيب يبقى الخبر اللى عندى مينفعش يتقال بقى فى مواعيد العمل الرسمية
سما.. خبر ايه!
شريف.. بعد الشغل ان شاء الله
سما.. شريف بجد انت عارف انى فضولية ومش هعرف استنى لبعد الشغل انا
شريف.. دلوقتى بقيت شريف مش الباش مهندس شريف برضه انا مصمم ع موقفى نتقابل فى الكافيه اللى جنب الشركة وهقولك
ضيقت سما عيونها بضيق وكان شكلها مضحك وقالت.. ماشى يا باش مهندس حاضر عن اذنك
خرجت من مكتبه ورزعت الباب وراها وهو ضحك عليها ولارا لاحظت انها متضايقة
لارا.. فى ايه يا بنتى مدة بوزك شبرين ليه
سما.. الباشا بيلاعبنى عنده خبر مهم ومش راضى يقوله ليا الا لما نتقابل بالكافيه
لارا بغمزة.. ايوة بقى ده بيتلكك يا سوما عشان يقعد معاكى
سما.. وانا بقى هضايقه زى ما ضايقنى
لارا.. هتعملى ايه يا مجنونة
سما بغمزة.. هتيجى معايا الكافيه وتبقى المحرم بتاعى وده هيضايقه
لارا.. انا وانا مالى يا لمبى انتى عاوزاه يحطنى فى دماغه ويخصملى وانا واحدة داخلة على جواز
سما.. لا مش هيعملك حاجة هو هيعرف انى انا اللى خليتك تيجى معايا عشان اضايقه وبعدين انتى عارفة شريف كويس
لارا.. اما نشوف اخرتها معاكى يا وش البومة انتى
عدى الوقت ونزلت سما ولارا لشريف بالكافيه واتفاجئ بوجود لارا وده خلاه يضايق جدا ولاحظت سما غيظه وكتمت ضحكتها
لارا بسماجة.. احم مساء الخير يا باش مهندس
شريف.. ليه باش مهندس يا لارا احنا مش فى الشركة دلوقتى
كل ده وعيونه ع سما بغيظ وبعد ما قعدوا وطلبوا الاوردر
سما.. اظن احنا حاليا برة الشركة ممكن اعرف بقى ايه الخبر
شريف.. انتى مش كنتى طلبتى منى اعرف مين الموظف اللى طلع اسرار الوديعة بتاعتك لرامى
سما .. ايوة انت عرفته
شريف.. طبعا عيب عليكى
سما.. يا راجل بالسرعة دى ده انت جامد بقى
شريف.. اى خدمة المهم هو محاسب اسمه احمد
سما.. ليه يا شريف عملت كده افرض طلع متفق معاه وكشفنا
