رواية خيانة وعد كاملة جميع الفصول بقلم هاجر العفيفي
انا شايف أن حياتنا مع بعض بقت شبهه مستحيله
قالها مصطفى ببرود تام وبدون تأثير
ساره بسخريه ده قرارك
مصطفى ببرود ايوه
ساره بجمود تمام على فكره كان ممكن تقولى قبل ما تستغفلنى مكنتش هقول حاجه يعنى
مصطفى بصدمه استغفلك!!!
ساره بوجع ايه اتصدمت ليه مش دي الحقيقه عمرى ماكنت اتوقع منك كده بس هقول ايه كان اختيارى من الاول ولازم اتحمل أخطائه
مصطفى قال بإنفعال انتى السبب
ساره بقوه الغدر ملهاش مبرر وكونك جاى تحط الذنب عليا ده اسمه ضعف منك مش تقصير منى
مصطفى كان هيتكلم قاطعته ساره وقالت الكلام خلص احنا فعلا حياتنا مع بعض بقت مستحيله انا غلط فى الاول لما عطيتك فرصه وانت مكنتش تستحقها انا راحه بيت أخويا ويفضل تبعت ورقة طلاقى بدون شوشره ومشاكل كتير
قالت كلامها ودخلت اوضتها وأعلنت انهيارها الحقيقي وهي بتفتكر الكلام ال بينه وبين صحبتها واقرب واحده ليها
مسحت دموعها بعنف وقالت ماشى يامصطفى انا هندمك
استغفروا
عند مصطفى كان قاعد فى الصاله وهو لسه على صدمته شافها خارجه ومعاها شنطتها وقف وقرب منها مسك أيدها وقال بعصبيه لو كلمه طلعت بره متزعليش من ال هيحصل
ساره بصت على ايده ال مسكاها واتنهدت بوجع وقالت كل دقيقه بتثبتلى انا قد ايه كنت غبيه لما حبيتك وعطيتك كل الحب والاهتمام انا حاليا مكرهتش فى حياتى قدك
بصتله بنظره قتلته من قوتها هو عمره ماهينساها ابدا بس تظاهر الجمود سحبت شنطتها وخرجت من الشقه ونزلت وقابلت والدته
ميرڤت باستغراب راحه فين يا ساره يابنتى
ساره حاولت تمسك دموعها وقالت راحه بيت أخويا ياماما
ميرڤت بعدم فهم مش فاهمه يعني راحه تزوريه ولو راحه ليه واخده الشنطه ي كلها معاكى
ساره عيونها دمعت غصب عنها وقالت انا ومصطفى هنطلق خلاص هتوحشيني اووى
ميرڤت اتصدمت من كلامها وقالت
ساره مسحت دموعها وقالت للأسف صح انا همشى بس دايما هكون على تواصل معاكي يشهد ربنا انك عوضتيني امي الله يرحمها
ميرڤت بغضب هو فين الاستاذ وأزاى ده يحصل هو لعب عيال انا لازم اشوف حل
ساره بحزن ملوش لزوم صدقيني حياتنا انتهت لحد هنا خلاص
ميرڤت بصوت عالي وعصبيه مصطفى مصطفى
نزل على صوتها وقال نعم يا أمى خير
ميرڤت ضربته بالقلم بشده وهو اتصدم وساره متقلش صدمه عنه
مصطفى بصدمه بتضربيني عشانها
ميرڤت بجديه وأكسر رقبتك فاكر نفسك كبرت عليا ولا ايه احنا عندنا فى عيلتنا الراجل ال يخرج مراته زعلانه من البيت ويطلقها ميبقاش راجل اصلا
مصطفى بعصبيه دي حياتى وانا حر فيها محدش ليه دخل
ميرڤت وانت ال اختارت حياتك يبقا تكملها ايه شغل العيال بتاعك ده
ساره بدموع ماما ارجوكي كفايه لحد كده انا همشي واروح بيت اهلى
ميرڤت مسكت أيدها وقالت ال غلط هو ال يمشى انتي مش هتمشى
مصطفى كان لسه على صدمته وقال بتطرديني عشان دي
ميرڤت ال بتتكلم عنها دي تبقى مراتك ولا انت خلاص مبقتش تعرف اي حاجه فى الأصول
مصطفى بصلهم بغضب وخرج من البيت بأكمله
ساره عيطت بانهيار وحماتها أخدتها فى حضنها
ميرڤت بحزن أهدى يابنتي هو ميستاهلش دموعك
ساره بدموع انا بحبه اووى اوى ياماما وهو كسرنى
ميرڤت دخلتها جوه وهى بتحاول تهديها بالعافيه
صلوا على شفيعكم
مصطفى خرج من البيت وطلع تلفونه ورن على رقم
البنت ايوه يامصطقى
مصطفى بإصرار ريناد احنا لازم نتجوز النهارده
ريناد بصدمه طب وساره
مصطفى عرفت كل حاجه وجه الوقت ال نشوف فى حياتنا بدون تردد وخوف
يتبع
ياترى ايه ال هيحصل وساره هتعمل ايه وليه صاحبتها عملت فيها كده توقعاتكم وتفاعل كتير بقا
متنسوش ذكر الله
خيانة_وعد
بقلمى_
دمتم في حفظ الرحمن
شكرا على التفاعل يابنات البارت الثانى
ساره بدموع انا بحبه اووى وهو جرحنى على قد حبى ليه
ميرڤت بابتسامه مش هو ابنى بس ميستاهلكيش والله
ساره قربت عليها واترمت فى حضنها وقالت انا مش عارفه من غيرك كنت هعمل ايه انتي عوضتيني عن امي وغيابها ربنا يعطيكي العمر يارب
فى الوقت ده دخل مصطفى وكان ماسك ايد ريناد
ساره شافته وقامت وقفت وضحكت بسخريه
ميرڤت بغضب ليك عين تجيبها وتيحي هنا
مصطفى ببرود ريناد بقت مراتى يعني احترامها من احترامى
ساره وجهت كلامها لريناد وقالت الصراحه لايقين على بعض جدا الغدر فى دمكم
مصطفى بغضب سااااره احترمي نفسك
ساره ببرود وانت متعليش صوتك عليا
ميرڤت بعصبيه اطلع بره انت والبتاعه دي يلااااا
مصطفى بصدمه بتطرديني !!!
ميرڤت بجمود بررره
ريناد بغيظ هو مش من حقه يتجوز تاني ولا ايه انا ليا الحق هنا زي زيها بالظبط
ميرڤت قربت منها وضربتها بالقلم تحت صدمة الجميع
ميرڤت بغضب اوعي تقارني نفسك بيها ابدا انا معرفش ازاى فى يوم من الايام كانت صاحبتك انتي واحده اخدتي واحد من على مراته يعني متوقع منك اي حاجه
مصطفى بغضب امى
ميرڤت مسكت دماغها وقالت اطلع بره وانسى أن ليك ام انا غضبانه عليك
مصطفى بصلهم غضب واخد ريناد وخرجوا من المكان
ساره انهارت لما هو خرج بس اتصدمت لما شافت ميرڤت وقعت على الأرض صرخت بصدمه وقربت منها وقالت بدموع ماااااماااا
استغفرووا
ريناد بعصبيه ازاى نخرج كده من البيت وهي تسيطر على كل حاجه أنا ليا زي زيها بالظبط
مصطفى بتوتر أهدى ياحبيبتى صدقيني انا هتصرف انتي عارفه أن مينفعش ارد على أمى
ريناد بسخريه لاء تقدر وكنت تقدر تجيبلى حقي على اخر الزمن اتضرب من واحده غريبه
مصطفى بضيق ال بتتكلمي عنها
ريناد والله الظاهر أن شخصيتك ضعيفه اووى وانا اتدبست
مصطفى ريناد
ريناد بزعيق بلا ريناد بلا زفت بقا انا مش هأمن ليك ابدا غير لما تاخد حقي وتكتبلى البيت كله باسمى
مصطفى باسمك !!!
ريناد بتحدي ده ال عندي
صلوا على شفيعكم
فى المستشفى
ساره كانت واقفه بتبكي وجنبها أدهم ابن عم مصطفى الوحيد ال هي فكرت تكلمه من تلفون حماتها لما حماتها تعبت
أدهم بهدوء أهدى يامدام ساره هي هتكون كويسه أن شاء الله صحيح هو فين مصطفى
ساره بدموع هو السبب فى كل ده هو ال زعلها
أدهم بعدم فهم زعلها ازاى
ساره مسحت دموعها بتنهيده وقالت بعدين لما نطمن على ماما الاول
أدهم تمام
الدكتور خرج وكان على وشه علامات الحزن
ساره بلهفه طمني يادكتور
الدكتور باسى البقاء لله
ساره الصدمه جمدتها مكانها وأدهم ميقلش صدمه عنها
أذكروا الله
ريناد بخبث دلوقتي مصطفى بقا فى جيبى وقريب أن شاء الله هموت ساره بحسرتها
الشخص انتي دماغك دي سم
ريناد عيب عليك لما اخدت كل حاجه من مصطفى ورجعته شحات زي ماكان مبقاش انا ريناد
الشخص طب عايزك تظبطي الدنيا وتخافي على نفسك عشان متتكشفيش
ريناد متقلقش
مصطفى بتكلمي مين ياريناد
ريناد اتوترت وقالت مفيش دي واحده صحبتي بقولك صحيح
مصطفى نعم
ريناد مش امك كاتبه البيت باسمك
مصطفى ايوه
ريناد قربت منه وقالت بدلع وانا جبتلك كل الورق والعقود عشان تنقل كل حاجه باسمى زي ماتفقنا ياحبيبي
مصطفى بابتسامه عيوني ليكي
ابتدا يمضى وريناد كانت بتبصله بخبث
يتبع
ياترى ايه ال هيحصل تانى وأزاى مصطفى هيعيش بالذنب طول عمره بسبب أمه
متنسوش ذكر الله
خيانة_وعد
بقلمى هاجر_العفيفى
دمتم في حفظ الرحمن
شكرا على التفاعل يابنات البارت الثالث
أدهم بحزن حقيقي أنا معرفش ده كله حصل ازاى يعني
تميم أخو ساره انا
لسه معرفش ازاى ده حصل
ساره بتنهيده معلش
